Wednesday, February 29, 2012

காதல் வளர்க்கும் ஹீரோ-ஹீரோயின்!!!

Wednesday,February,29,2012
கனவு கண்ட படத்துல நடிச்ச ஸ்ரீ நடிருக்கும், பிருத்வான நடிகருக்கும் நல்ல அண்டர்ஸ்டாண்டிங் ஓடுதாம்... ஓடுதாம்... மலையாள இயக்கம் யாராவது டோலிவுட ஆக்டரோடு சேர்ந்து நடிக்கணும்ன்னு பிருத்து நடிகர்கிட்ட சொன்னா, உடனே ஸ்ரீ நடிகர்பேரை சிபாரிசு பண்ணறாராம்... பண்றாராம்... தமிழ், தெலுங்குல அடுத்தடுத்து இவங்க சேர்ந்து நடிச்சதுக்கு இதுதான் காரணமாம்... காரணமாம்...

சூப்பர் ஹீரோ படத்துல எல்லா நடிகர்களுமே டபுள் கேரக்டர்ல நடிக்கப்போறாங்களாம்... போறாங்களாம்... இந்த மேட்டரை அப்படியே இயக்கம் பொத்தி வச்சிருக்காராம். ஆனா மறைஞ்ச நாகேசான காமெடி ஆக்டரோட கேரக்டரை மட்டும் கிராபிக்ஸ்ல உருவாக்குறதால சிங்கிள் ரோலா வச்சிருக்காங்களாம். பட ஷூட்டிங்கை விட கிராபிக்ஸ் வேலைகளுக்குத்தான் பட யூனிட் அதிக நாள் செலவிட திட¢டம் போட்டிருக்காம்... போட்டிருக்காம்... கிராபிக்ஸ் சம்பந்தமா எந்த விஷயத்தையும் வெளியே சொல்லக்கூடாதுன்னு யூனிட்டுக்கு வாரிசு இயக்கம் கண்டிஷன் போட்டிருக்காராம்... போட்டிருக்காராம்...

பாவனமான ஹீரோயின் மலையாள நடிகர் ஒருவரோடு நெருக்கமா பழகுறாராம்... பழகுறாராம்... அவரோட இணைச்சி கிசுகிசு வந்தவுடனே ரெண்டு பேரும் மறுத்தாங்க. ஆனா, ரெண்டு பேரோட சந்திப்பும் தொடர்ந்துகிட்டே இருக்காம்... இருக்காம்... காதலும் வளர்ந்துகிட்டே இருக்காம்... இருக்காம்...

ரஜினிக்கு கதை சொன்ன பட குழு : கமல்ஹாசன் பாராட்டு!!!

Wednesday,February,29,2012
தலைவாசல் படத்தை இயக்கியவர் செல்வா. இவர் தற்போது ‘நாங்க என்ற படத்தை இயக்குகிறார். இது இவர் இயக்கும் 25 படம். சந்தானபாரதி, பாடகர் மனோ ஆகியோரின் வாரிசுகளுடன் வெவ்வேறு துறையினரின் வாரிசுகள் 10 பேர் இதில் நடிகர்களாக அறிமுகமாகின்றனர். இது பற்றி செல்வா கூறியது: பட குழுவினருடன் சென்று ரஜினியை பார்த்தேன். படத்தின் கதையை கேட்டார். முழு கதையும் சொன்னேன். அதை கேட்டபிறகு படத்தின் கரு பிடித்திருப்பதாக கூறியதுடன் கதைக்களம் 1980யை பின்னணியாக கொண்டிருப்பதால் கதை அம்சம் உள்ள கதையாக இருக்கும் என்று நம்புகிறேன். நிறைய புதுமுகங்கள் திரையுலகுக்கு வரவேண்டும் என்றும் ரஜினி விருப்பம் தெரிவித்தார். அதேபோல் பட குழுவினர் கமல்ஹாசனை சந்தித்து வாழ்த்து பெற்றனர். ÔÔஒரே படத்தில் இவ்வளவு பேர் அதுவும் வாரிசுகள் அறிமுகமாகியுள்ளது பெரிய விஷயம்ÕÕ என்று கமல் பாராட்டினார். ரஜினி - கமல் சந்திப்புக்கு மனோ, சந்தானபாரதி ஏற்பாடு செய்திருந்தனர். அடுத்து பட குழுவினர் அனைவரும் ரோடு ஷோ நடத்த உள்ளனர். சென்னை, கோவை, மதுரை, சேலம் ஆகிய இடங்களில் மார்ச் 2ம் தேதி முதல் ஷூட்டிங் தொடங்குகிறது. பாலமுருகன் ஒளிப்பதிவு. பாலபாரதி இசை.

மிரட்டல் இயக்கம் நடிகர் தூது!!!

Wednesday,February,29,2012
நிஜ தாதா கதை, ரவுடி கதை என்று வம்ப விலைக்குவாங்குற வர்மா இயக்கம் அடுத்த வம்புக்கு தயாராயிட்டாராம்... ஆயிட்டாராம்... தெலுங்குல பிரபலமான ஒரு காஸ்ட் பேர் கொண்ட தலைவர் கதைய மையமா வச்சி அடுத்த கத பண்ணப்போறாராம்... இதுக்கு இப்பவே எதிர்ப்பு கிளப்பறாங்களாம்... படத்தோட முழு ஸ்கிரிப்ட்டயும் வெளியே சொல்லிட்டுத்தான் படம் தொடங்கணும்னு ஒரு குரூப் மிரட்டல் விட்டிருக்காங்களாம்... அதுக்கெல்லாம் பயப்படமாட்டேன்னு இயக்கம் சவால்விட்றாராம்... விட்றாராம்...

சூப்பர் ஆக்டரோட பேர பயன்படுத்தி படத்துக்கு டைட்டில் வெக்காதீங்கன்னு நடிகர் தரப்புலயிருந்து சொல்லிட்டாங்களாம்... சொல்லிட்டாங்களாம்... அதுக்கு கோலிவுட்ல நல்ல ரிசல்ட் கெட்சிருக்காம். அவர் பேர்ல வர்ற இருந்த படங்களுக்கு இப்ப பேர மாத்திட்டாங்களாம்... ஆனா டோலிவுட், சான்டல்வுட்ல இருக்கற ஆக்டருங்க சூப்பர் ஸ்டாரு படங்க பேர யூஸ் பண்ண ஆரம்பிச்சிருக்காங் களாம்... இது சூப்பர் ஆக்டர் கவனத்துக்கு போயிருக்காம்.. இருக்காம்...

கோலிவுட்ல முட்டிமோதிப்பாத்து பசுவான நடிகருக்கு போணியாகலையாம்... ஆகலையாம்... ஒரே ரூட்ல போயிட்டிருந்தா வேலைக்கு ஆகாதுன்னு பிரண்ட்ஸுங்க சொன்னாங் களாம்... அத வேதவாக்க எடுத்துகிட்டு வேற மொழிகள்ல நடிக்க தூதுவிட்டறாராம்... அதுக்கு மல்லுவுட்ல பலன் கெடச்சிருக்காம். எதிர்பார்த்ததவிட கூடுதலாவே பட வாய்ப்பு வர்றதாலே மலையாள படங்கள அதிகமா பாக்க ஆரம்பிச்சிருக்காராம்... இருக்காராம்...

ஜீவா, கார்த்திக்கு நோ சொன்ன லட்சுமி ராய்!!!

Wednesday,February,29,2012
2011-ம் ஆண்டின் மிக வெற்றிகரமான நடிகை லட்சுமி ராய்தான். அவர் நடித்த மங்காத்தா பெரிய ஹிட். காஞ்சனாவோ சூப்பர் டூப்பர் ஹிட்.

இன்றைக்கு பலரும் லட்சுமிராயை தங்கள் படத்தில் நடிக்க வைக்க முயல்கிறார்கள். ஆனால் ரொம்ப தெளிவான லட்சுமிராய், தனக்கு முக்கியத்துவம் இல்லாத படங்களை, அது எவ்வளவு பெரியதாக இருந்தாலும் ஒப்புக் கொள்ள மறுத்துவருகிறார்.

சமீபத்தில் லட்சுமி ராய்க்கு இரு பெரிய பட வாய்ப்புகள் வந்தன. அதில் ஒன்று கார்த்தியின் படம். இதில் லட்சுமி ராய்க்கு இரண்டாவது நாயகி வேடம். ஆனால் நல்ல சம்பளம் தரத் தயாராக இருந்தார் தயாரிப்பாளர். கதையைக் கேட்ட லட்சுமி ராய், நான் நடிக்க மாட்டேன் என விலகிக் கொண்டார்.

அடுத்து ஜீவாவுடன் நடிக்க வந்த வாய்ப்பையும் வேண்டாம் என மறுத்துவிட்டார்.

ஏன் இப்படி? என்றால், இரண்டு படங்களிலுமே எனக்கு அரைவேக்காட்டுத்தனமான ரோல். அவற்றில் நடித்து பெயரைக் கெடுத்துக் கொள்வதை விட, கையிருக்கும் படங்களில் கவனம் செலுத்தவே விரும்புகிறேன், என்கிறார் லட்சுமி ராய்.

மலையாளத்தில் 3 படங்கள், கன்னடத்திலும் தெலுங்கும் தலா இரண்டு என நிற்க நேரமில்லாத அளவு சோலோ ஹீரோயின் வேடங்கள் இருப்பதால், தமிழில் வரும் இரண்டாம் தர ஹீரோயின் வேடங்களை மறுக்கிறார்.

தமிழிலும் தனி ஹீரோயின் வேடம் கொடுங்கள் வெளுத்துக் கட்டுகிறேன், என்கிறார்.

தனது அப்பா விதித்த தடையை மீறி மீண்டும் நடிக்க வருகிறார் பூஜா!!!

Wednesday,February,29,2012
தனது அப்பா விதித்த தடையை மீறி மீண்டும் நடிக்க வருகிறார் பூஜா. ‘நான் கடவுள்’ உள்பட பல படங்களில் நடித்திருப்பவர் பூஜா. திடீரென்று தமிழ் படங்களுக்கு முழுக்குபோட்டு ஒதுங்கி இருந்தார். தற்போது மீண்டும் பாலா இயக்கும் படத்தில் நடிக்கவருகிறார். இதுபற்றி பூஜா கூறியதாவது: கடந்த வாரம் இயக்குனர் பாலாவை சந்தித்தேன். ‘எரியும் தணல்’ படத்தில் நடிக்க கேட்டார். திரையுலகில் என் குரு பாலாதான். நான் கடவுள் படத்துக்கு பிறகு பல படங்களில் நடிக்க வாய்ப்பு வந்தது. ஆனால் ஏற்கவில்லை. நான் கடவுள் படத்தில் பார்வை இழந்த பெண்ணாக நடித்திருந்தேன். இந்த வேடத்தை பார்த்த எனது தந்தை ‘திரையுலகில் நீ சாதித்துவிட்டாய். இனிமேல் நடிக்க வேண்டாம்’ என்று கூறிவிட்டார். அவரது வார்த்தையை மீற முடியவில்லை. ஆனால், இயக்குனர் பாலா என்னை மீண்டும் நடிக்க கேட்டபோது மறுக்க முடியவில்லை.

கோச்சடையான் படத்தில் நாகேஷ்!!!

Wednesday,February,29,2012
வரும் மார்ச் 2ம் தேதி முதல் இங்கிலாந்தில் ‘கோச்சடையான்’ ஷூட்டிங் நடக்கிறது. ‘கோச்சடையான்’ பட பணிக்காக ஹாங்காங் சென்றிருக்கும் ரஜினியின் இளையமகளும், இயக்குனருமான சவுந்தர்யா டுவிட்டரில் கூறும்போது, "கோச்சடையான் பணிக்காக பட குழுவினருடன் ஹாங்காங்கில் இருக்கிறேன். பணிகள் சிறப்பாக நடக்கிறது. மார்ச் 2ம் தேதி முதல் இங்கிலாந்தில் ஷூட்டிங் நடக்கிறது" என்று கூறி உள்ளார். இந்நிலையில் 'கோச்சடையான்' படத்தில் மறைந்த நாகேஷ் நடிப்பதுபோல், அவரது காட்சிகள் கிராபிக்ஸில் உருவாக்கப்பட உள்ளன.

ரஜினி பற்றிய `ஜீவநதி' கவிதை நூல் எஸ்.பி.முத்துராமன் வெளியிட்டார்!!!

Wednesday,February,29,2012
நடிகர் ரஜினிகாந்த் பற்றிய `ஜீவநதி' என்ற கவிதை நூலை இயக்குனர் எஸ்.பி.முத்துராமன் வெளியிட்டார். நடிகர் ரஜினிகாந்த் பற்றிய கவிதை தொகுப்பு நூலான `ஜீவநதி' சென்னை எழும்nullரில் உள்ள ஆல்பர்ட் திரை அரங்கில் வைத்து வெளியிடப்பட்டது. இந்த நிகழ்ச்சியில் பிரபல திரைப்பட இயக்குனரான எஸ்.பி.முத்துராமன், பிரபல திரைப்பட தயாரிப்பாளர் கலைபுலி எஸ்.தானு, திரைப்பட நடிகர் ராகவா லாரன்ஸ் அறக்கட்டளையின் சார்பில் அங்கு வசிக்கும் குழந்தைகள் உள்ளிட்ட பல சிறப்பு விருந்தினர்கள் கலந்து கொண்டனர். இந்நூல் கண்ணகி பதிப்பக ஆசிரியர் குழுவினரால் எழுதப்பட்டுள்ளது. தமிழ் செல்வன் இதனை ஆங்கிலத்தில் மொழி பெயர்த்துள்ளார். இம்பிரமாண்டமான நூல் நடிகர் ரஜினிகாந்த் ரசிகர்களின் கண்களுக்கு விருந்தாக அமையும் என இதன் தயாரிப்பாளர்கள் செ.ராஜபாண்டிதுரை மற்றும் ம.மகேஷ் ஆகியோர் மகிழ்ச்சியுடன் தெரிவித்துள்ளனர். இக்கவிதை நூலினை எஸ்.பி.முத்துராமன் வெளியிட, கலைப்புலி எஸ்.தானு பெற்றுகொண்டார். இந்நூலின் முதல் விற்பனையை ராகவா லாரன்ஸின் அறக்கட்டளையை சேர்ந்த குழந்தைகள் துவக்கி வைத்தனர். இவ்விழாவில் கலந்துகொண்ட சூப்பர் ஸ்டார் ரசிகர்கள் இந்த நூல் தங்களுக்கு ஒரு நல்ல பொக்கிஷமாக இருக்கும் என்று மகிழ்ச்சி தெரிவித்துள்ளனர். இந்நூலின் விற்பனையில் ஒரு பகுதி ராகவா லாரன்ஸால் நடத்தப்படும் மாற்றுதிறனாளிகள் மற்றும் ஆதரவற்ற குழந்தைகளுக்கான அறக்கட்டளையில் உள்ள குழந்தைகளின் கல்வி செலவிற்காக அளிக்கப்படும் என கண்ணகி பதிப்பகத்தின் விறபனை பிரிவு தலைவர் தி.ஜெயபாலமுருகன் தெரிவித்துள்ளார்.

ஜிம்கானா கிளப்பில் கார்த்திக்கு கட்டுப்பாடு!!!

Wednesday,February,29,2012
புதிதாக சென்னை, திருவள்ளூர், காஞ்சிபுரம், வட ஆற்காடு, தென் ஆற்காடு மற்றும் பாண்டிச்சேரி திரையரங்கு உரிமையாளர்கள் சங்கத்தினை தொடங்கி வைக்க, சென்னை - அண்ணாசாலை ஜிம்கானா கிளப்பிற்கு வந்த நடிகர் கார்த்தி மற்றும் சென்னை-வடபழனி கமலா திரையரங்கு உரிமையாளர் வி.என்.சிதம்பரம் உள்ளிட்டவர்கள் காலர் இல்லாத சட்டை அணிந்து வந்ததால் உள்ளே விட அனுமதி மறுத்து விட்டது கிளப்!

பின்னர் ரவுண்ட் நெக் டி-சர்ட் அணிந்து வந்த கார்த்திக்கு, அண்ணா சாலையில் உள்ள பிரபல ஜவுளிக்கடை ஒன்றில் புதிதாக கேஷூவல் சட்டை ஒன்றை வாங்கி கொடுத்த விழாக்குழுவினர், அவரது காரிலேயே அந்‌த உடையை மாற்றிக் கொள்ளவும் செய்து விழா நடந்த ஹாலிற்கு அழைத்து வந்தனர். அதேமாதிரி கமலா சிதம்பரம், நடிகர் திலகம் சிவாஜி காலத்து ஆசாமி என்பதால் சிவாஜி ஸ்டைலில் சின்ன காலர் வைத்த சட்டை அணிவது வழக்கம். விழாவிற்கு வந்த அவரையும் பழம்பெருமை வாய்ந்த ஜிம்கானா கிளப் ஊழியர்கள் உள்ளே விட மறுத்து விட்டதால் அவரும், அவரது காரில் உடன் வந்த நண்பரின் சட்டையை வாங்கி அணிந்து கொண்டு இவரது சட்டையை அவருக்கு கொடுத்து விட்டு, சட்டையை காரிலேயே மாற்றிக் கொண்டு விழாவிற்கு வந்ததாக கூறி வருத்தப்பட்டார். மேலும் இது காந்தி பிறந்த தேசம் என ஞாபகப்படுத்தியதுடன், இனி இதுபோன்ற விழாக்களை சட்டயை கலட்டாத இடங்களில் நடத்தும்படி அன்பு வேண்டுகோள் விடுத்தது ஹைலைட்!

இதேபோன்று விபரம் புரியாமல், வெளியூரில் இருந்து வெறும் வேஷ்டி-சட்டையை அணிந்து கொண்டு விழாவிற்கு வந்த தியேட்டர் அதிபர்கள் பலரும் கடைசி வரை விழாவிற்கு வெளியே நிறுத்தப்பட்டதும் குறிப்பிடத்தக்கது.

ஆக்ஷன் படங்களில் நடிக்க ஆசை: நடிகர் அனுப் பேட்டி!!!

Wednesday,February,29,2012
ஆக்ஷன் படங்களில் நடிக்க ஆசை என்று நடிகர் அனுப் கூறினார்.ஊமைவிழிகள் படத்தின் மூலம் தமிழகத்தை மிரட்டிய ஆபாவாணனின் உதவியாளரும், தமிழ்நாடு திரைப்படக் கல்லூரி மாணவருமான கமல் முதன் முறையாக என்டர்டெய்ன்மென்ட் அன்லிமிடெட் சார்பில் மறுமுகம் என்ற படத்தை இயக்குகிறார். டேனியல் பாலாஜி​ அனுப் (சிக்கு புக்கு) இணைந்து நடிக்கிறார்கள். மும்பையைச் சேர்ந்த ரன்யா கதாநாயகியாக நடிக்கிறார். மூன்று கட்டமாகத் திட்டமிடப்பட்டிருந்த மறுமுகம் படத்தின் முதல்கட்ட படப்பிடிப்பு சென்னையிலும் கொடைக்கானலிலும் நடந்து முடிந்திருக்கிறது.
ஒரு காதல் சைக்கோவாக மிரட்டியிருக்கிறார் டேனியல் பாலாஜி. இன்னொரு கதாநாயகன் அனுப்பினை காதலிக்கும் ரன்யாவை டேனியல் பாலாஜியும் துரத்த ஒரு விறு விறுப்பான காதல் திரில்லராக இந்தப் படத்தினை இயக்கியிருக்கிறார் அறிமுக இயக்குனர் கமல். மிகவும் சிறப்பான கதைகள் கதாபாத்திரங்களையே தேர்ந்தெடுத்து நடித்துக் கொண்டிருக்கும் டேனியல் பாலாஜிக்கு மறுமுகம் நிச்சயம் மேலும் ஒரு மணிமகுடமாக இருக்கும். தமிழ் ரசிகர்கள் பார்க்காத டேனியல் பாலாஜியின் இன்னொரு முகத்தைக்காட்டும் படமாக மறுமுகம் இருக்கும் என்கிறார் இயக்குனர் கமல்.
வட்டாரம், சிக்குபுக்கு ஆகிய படங்களில் ஆர்யாவுடனும் கத்திக்கப்பல் படத்தில் கதாநாயகனாகவும் நடித்திருக்கும் அனுப் இந்தப் படத்திலும் கதாநாயகனாக நடிக்கிறார். குறுகிய காலத்தில் நான்காவது படத்தில் நடித்துக் கொண்டிருக்கும் சென்னை வைஷ்ணவா கல்லூரி பட்டதாரியான அனுப் நடனப்பள்ளியில் ஜெயந்தி மாஸ்டரிடம் 8 ஆண்டுகாலம் நடனம் படித்தவர். இவரது தந்தையார் தெலுங்குப் படங்களில் இணை இயக்குனராகப் பணியாற்றியவர். சினிமாச் சூழலில் வளர்ந்த அனுப் தமிழ் சினிமாவில் கதாநாயகனாக வர வேண்டும் என்று தனது சிறுவயதிலேயே முடிவு செய்திருக்கிறார்.
பெற்றோர்களின் முழு ஆதரவும் அவருக்குக் கிடைக்க மளமளவென்று நான்கு படங்கள். தொடர்ந்து வெகுளியான கதாபாத்திரங்களிலேயே நடித்து வருகிறீர்களே என்று கேட்டதற்கு ஆக்ஷன் படங்களில் நடிப்பதற்குத் தமக்கும் ஆசை இருப்பதாகவும் இருந்தாலும் இதற்கு முன் அவ்வாறு நடித்த படங்களில் கதை தம்மை மிகவும் கவர்ந்ததால் அவ்வாறு நடிக்கவேண்டியதாயிற்று என்றும் மறுமுகம் படத்தில் சிறிது மாறுபட்டு யுவதிகளைக் கவரும் வகையில் ஒரு லவ்வர் பாய் ( ) ஆக, காதல்காட்சிகளில் துறுதுறுவென்று நடித்திருப்பதாகவும் கூறினார். மறுமுகம் படத்தின் பாடல்காட்சி கொடைக்கானல் மலைப் பகுதியில் படம்பிடிக்கப்பட்டது. அனுப் மிகவும் சறுக்கலான பாறைகளைக் கொண்ட அந்த மலையின் உச்சியிலிருந்து கீழே நிற்கும் கதாநாயகியை நோக்கி ஓடிவர வேண்டும் கர்ணம் தப்பினால் மரணம் என்ற நிலையில் துணிச்சலுடன் நடித்திருக்கிறார். டேனியல் பாலாஜிக்கும் இவருக்கும் படப்பிடின் போது நிறைய கருத்து வேறுபாடுகள் வந்திருந்த போதிலும் இருவரும் போட்டி போட்டுக்கொண்டு நடித்திருக்கிறார்கள். படப்பிடிப்பு முடிந்த பிறகு இருவரும் நெருங்கிய நண்பர்கள் தாம் சொல்கிறார் தயாரிப்பாளர் சஞ்சய். கதாநாயகி ரன்யாவைப் பற்றிக் கூறும் போது, அவர் மும்பையைச் சொந்த ஊராகக் கொண்டாலும் தமிழ் சினிமா மீது கொண்ட ஆர்வத்தால் சென்னையிலேயே தங்கி நடிப்புப் பயிற்சிகள் எடுத்துக் கொண்டிருந்த ரன்யாவிற்கு மறுமுகம் ஒரு ஜாக்பாட் ஆக அமைந்திருக்கிறது.
அவருக்கு தமிழ் நன்றாகப் புரியும் ஆதலால் இந்தப் படத்தில் இயக்குனர் கமலின் திரைக்கதையினை நன்கு உள்வாங்கிக் கொண்டு சிறப்பாக நடித்துக் கொண்டிருக்கிறார் என்றார். திரைப்படக்கல்லூரி மாணவரான கனகராஜ் ஒளிப்பதிவு செய்கிறார். இவர் மலேசியாவில் வெளிவந்த 12 என்ற தமிழ்ப்படத்திற்கு ஒளிப்பதிவு செய்திருக்கிறார். கமல் திரைக்கதை எழுதி வெளிவந்த 12 மலேசியா நாட்டின் சிறந்த படத்திற்கான விருதினை வாங்கியுள்ளது குறிப்பிடத்தக்கது. பிரபல தெலுங்கு இசையமைப்பாளரான அகஸ்தியா முதன்முறையாக மறுமுகம் படம் மூலம் தமிழில் இசையமைக்க வருகிறார்.
படத்தின் அனைத்துப் பாடல்களையும் எழுதியிருப்பவர் ஏக்நாத். யாசின் மற்றும் பெங்களூருவைச் சேர்ந்த மஞ்சு நடனங்கள் அமைக்க, பிரபல சண்டைப் பயிற்சியாளர் பிரகாஷின் புதுமையான சண்டைக்காட்சிகளுடன் உருவாகிக் கொண்டிருக்கும் மறுமுகம் அணியினர் அடுத்த கட்ட படப்பிடிப்பிற்குத் தயாராகி வருகினறனர். பானு சந்தர், உமா பத்மநாபன் ஆகியோர் முக்கிய கதாபாத்திரங்களில் நடிக்கும் இந்தப் படத்தினை பெரும் பொருட்செலவில் தயாரிக்கிறார் சஞ்சய். சினிமா மீது கொண்ட காதலால் தாமும் ஒரு அதில் ஒரு சிறந்த தயாரிப்பாளராக வர வேண்டும் என்கிற லட்சியத்தில் தனது முதல் படமாக மறுமுகம் படத்தினைத் தயாரித்துக் கொண்டிருக்கிறார் சஞ்சய்.

Tuesday, February 28, 2012

காமெடி நடிகர் எஸ்.வி.சேகரும் மீண்டும் அதிமுகவுக்கு ரிட்டர்ன் ஆகிறார்!!!

Tuesday, February 28, 2012
சென்னை::இயக்குநர் பாக்யராஜைப் போலவே காமெடி நடிகர் எஸ்.வி.சேகரும் கூட மறுபடியும் அதிமுகவுக்கே வரப் போகிறாராம்.

சங்கர மடத்துடன் நெருங்கிய நட்பு வைத்திருப்பவர் எஸ்.வி.சேகர். பாஜகவில் செயல்பட்டு வந்தார். பின்னர் அதிமுகவில் இணைந்தார். அவருக்கு மயிலாப்பூர் தொகுதியைத் தூக்கிக் கொடுத்து நிறுத்தி எம்.எல்.ஏ ஆக்கினார் ஜெயலலிதா.

இருப்பினும் காலப் போக்கில் ஜெயலலிதாவிடமிருந்து விலக ஆரம்பித்தார் எஸ்.வி.சேகர். இதற்கு முக்கியக் காரணம் ஜெயலலிதாவைச் சுற்றி இருந்த சசிகலா குடும்பத்தாரின் தலையீடு என்று கூறப்பட்டது. இந்த மன்னார்குடி வகையாறாவைத் தாண்டி மயிலாப்பூர்காரரால் ஜெயலலிதாவை நெருங்க முடியவில்லை.

ஒரு கட்டத்தில் அதிருப்தி அடைந்த அவர் கட்சிக்குள் இருந்தபடியே விமர்சித்துப் பேச ஆரம்பித்தார். அப்போது சசிகலாவுடன் ஜெயலலிதா நல்ல நட்பு பாராட்டி வந்ததால் சேகர் மீது கடும் காட்டம் கொண்டார். கட்சிக் கூட்டம், பொதுக்குழு என எதற்கும் சேகர் அழைக்கப்படவில்லை. சட்டசபைக்குள்ளும் கூட சேகரை அதிமுகவினர் ஒதுக்கியே வைத்தனர். அவரை கேள்வி கேட்கக் கூட அனுமதிக்கவில்லை.

இதைப் புரிந்து கொண்ட அப்போதைய ஆளும் கட்சியான திமுக, சபாநாயகர் மூலம் சேகரை சட்டசபையில் பேச வைத்து பிரச்சினையை மேலும் பெரிதாக்கியது. இறுதியில் எஸ்.வி.சேகரை கட்சியை விட்டுத் தூக்கினார் ஜெயலலிதா. கூடவே அனிதா ராதாகிருஷ்ணனையும் போனஸாக கட்சியை விட்டு விரட்டினார்.

இதில் அனிதா தனது எம்.எல்.ஏ பதவியை ராஜினாமா செய்து விட்டு திமுகவில் போய் சேர்ந்தார். திருச்செந்தூர் இடைத் தேர்தலிலும் திமுக சார்பில் நிறுத்தப்பட்டு வெற்றியும் பெற்றார். சேகர் அப்படிச் செய்யவில்லை. திமுக தரப்புடன் நட்பு மட்டும் பாராட்டி வந்த அவர் திமுகவில் சேரவில்லை.

இடையில் ராகுல் காந்தியைப் போய்ப் பார்த்து விட்டு வந்தார். ஆனால் காங்கிரஸிலும் அவர் சேரவில்லை. இப்படி பெரும் மர்மமான முறையில் இருந்து வந்த சேகர், சமீபத்தில் சசிகலா கட்சியை விட்டு நீக்கப்பட்டதை சசிப் பெயர்ச்சி என்று கூறி வரவேற்றிருந்தார்.

இந்த நிலையில் பாக்யராஜைப் போல இவரும் அதிமுகவில் சேரப் போவதாக தகவல்கள் வெளியாகியுள்ளன.

வரும் மார்ச் 2ம் தேதி முதல் இங்கிலாந்தில் ‘கோச்சடையான்’ ஷூட்டிங்!!!

Tuesday, February 28, 2012
வரும் மார்ச் 2ம் தேதி முதல் இங்கிலாந்தில் ‘கோச்சடையான்’ ஷூட்டிங் நடக்கிறது என்றார் சவுந்தர்யா. சூப்பர் ஸ்டார் ரஜினி, லதா தம்பதிக்கு நேற்று 31வது ஆண்டு திருமண விழா. போயஸ்கார்டன் வீட்டில் எளிமையான கொண்டாட்டத்துடன் விழா நடந்தது. நெருக்கமான நண்பர்கள் தம்பதிகளுக்கு வாழ்த்து கூறினார்கள். ஐஸ்வர்யா தனது குழந்தைகளுடன் நேரில் சென்று பெற்றோருக்கு வாழ்த்து தெரிவித்து ஆசி பெற்றார். இதுபற்றி டுவிட்டரில் ஐஸ்வர்யா கூறும்போது,‘‘ஞாயிறு மாலை அப்பா, அம்மாவுடன் மகிழ்ச்சியை பகிர்ந்துகொண்டேன். 31 ஆண்டுகள் இணைபிரியாத தம்பதிகளாக வாழ்ந்து அசத்தி உள்ளனர். இருவரையும் நான் மனமாரா விரும்புகிறேன்’’ என்று குறிப்பிட்டுள்ளார்.

கோச்சடையான்’ பட பணிக்காக ஹாங்காங் சென்றிருக்கும் ரஜினியின் இளையமகளும், இயக்குனருமான சவுந்தர்யா டுவிட்டரில் கூறும்போது, ‘‘சிறந்த தம்பதிகளாக அம்மாவும், அப்பாவும் வாழ்கின்றனர். கோச்சடையான் பணிக்காக பட குழுவினருடன் ஹாங்காங்கில் இருக்கிறேன். பணிகள் சிறப்பாக நடக்கிறது. மார்ச் 2ம் தேதி முதல் இங்கிலாந்தில் ஷூட்டிங் நடக்கிறது’’ என்று கூறி உள்ளார்.

மணிரத்னத்திற்கு நான் வில்லன் அல்ல: அர்ஜுன்!!!



Tuesday, February 28, 2012
மணிரத்னம் இயக்கும் கடல் படத்தில் தான் வில்லன் இல்லை என்று ஆக்ஷன் கிங் அர்ஜுன் தெரிவித்துள்ளார்.

ராவணன் படத்துக்குப் பிறகு மணிரத்னம் இயக்கும் படம் கடல். இதில் நடிகர் கார்த்திக் மகன் கவுதம் தான் ஹீரோ. சமந்தா நாயகியாக நடிக்கிறார். அர்ஜுனும், மோகன் பாபு மகள் லட்சுமி மஞ்சுவும் இந்தப் படத்தில் முக்கிய வேடங்களில் நடிக்கிறார்கள்.

ஏ. ஆர். ரஹ்மான் இசையமைக்க, வைரமுத்துவும் அவர் மகன் மதன் கார்க்கியும் பாடல்கள் எழுதுகிறார்கள். ராஜீவ் மேனன் ஒளிப்பதிவு செய்கிறார்.

இந்த படத்தில் அர்ஜுன் தான் வில்லன் என்று செய்திகள் வெளியாகின. ஆனால் அதை அர்ஜுன் மறுத்துள்ளார்.

இது குறித்து அவர் கூறியதாவது,

கடல் படத்தில் நான் இதுவரை நடிக்காத கதாபாத்திரத்தில் நடிக்கிறேன். இன்னும் ஷூட்டிங் துவங்காததால் படத்தைப் பற்றி வேறு எதுவும் கூற இயலாது. மணிரத்னம் இயக்கத்தில் நான் நடிப்பது இது தான் முதல் தடவை என்பதால் ரொம்ப த்ரில்லாக உள்ளது. இதில் நான் தான் வில்லன் என்று கூறப்படுவதில் உண்மை இல்லை. கடல் படத்தில் நடிகர் அரவிந்த்சாமி முக்கிய வேடத்தில் நடிக்கிறார் என்பது தான் எனக்குத் தெரியும்.

இரண்டாவது நாயகனாக நடிப்பதில் பிரச்சனையில்லை. ஏனென்றால் எனக்கு கதாபாத்திரம் தான் மிகவும் முக்கியம். தென்னிந்திய சினிமாவில் பெயர் எடு்த்துவிட்டேன். பாலிவுட்டிலும் ஒரு கை பார்க்கலாம் என்று நினைத்து கதை தயார் செய்து கொண்டிருக்கிறேன். அதில் நான் தான் ஹீரோ என்றார்.

2வது பில்லாவில் கெஸ்டாக வருகிறார் நயன்தாரா?-காதல் முறிவால் விரக்தி: கவர்ச்சி வேடத்துக்கு மாறும் நயன்தாரா!!!

Tuesday, February 28, 2012
பில்லா 2 படத்தில் நயன்தாரா சிறப்பு தோற்றத்தில் வரக்கூடும் என்று கூறப்படுகின்றது.

பில்லா படத்தில் அஜீத் ஜோடியாக நடித்தார் நயன்தாரா. இந்நிலையில் பில்லா 2 படத்தில் அஜீத் ஜோடியாக பார்வதி ஓமனக்குட்டன் நடிக்கிறார். இந்த படத்தில் நயன்தாரா கெஸ்ட் ரோலில் வந்து செல்லக்கூடும் என்று கூறப்படுகின்றது.

திரையுலகை விட்டு விலகியிருந்த நயன்தாரா பிரபுதேவாவைப் பிரிந்த பிறகு மீண்டும் நடிக்கத் துவங்கியுள்ளார். ஏ.எம். ரத்னம் தயாரிப்பில் விஷ்ணுவர்த்தன் இயக்கும் படத்தில் அஜீத் ஜோடியாக நயன் நடிக்கிறார் என்று தகவல்கள் வெளியாகின. இந்நிலையில் பில்லா 2 படத்திலும் நயன் வரவிருக்கிறார். அப்படியென்றால் அடுத்தடுத்து 2 படங்களில் தல-நயன் ஜோடியைப் பார்க்கலாம்.

இப்படத்தை உன்னைப்போல் ஒருவன் படத்தை இயக்கிய சக்ரி டோலட்டி இயக்குகிறார். இதில் அஜீத்தும், தூக்குடு தெலுஙகு படம் மூலம் பிரபலமான மீனாக்ஷி தீக்ஷிதும் சேர்ந்து ஆட்டம் போட்டுள்ள குத்துப்பாட்டு மக்கள் மத்தியில் பெரும் வரவேற்பைப் பெறும் என்று எதிர்பார்க்கப்படுகின்றது.

காதல் முறிவால் விரக்தி: கவர்ச்சி வேடத்துக்கு மாறும் நயன்தாரா!!!

நயன்தாராவும்-பிரபுதேவாவும் காதலை முறித்துக் கொண்டு பிரிந்துள்ளனர். நயன்தாரா மீண்டும் சினிமாவில் குதிக்கிறார். நாகார்ஜூனா ஜோடியாக தெலுங்கு படமொன்றில் நடிக்க ஒப்பந்தமாகியுள்ளார்.

தமிழ்ப் படங்களில் நடிக்கவும் பேசிவருகின்றனர். காதல் முறிவு விரக்தியால் கவர்ச்சியாக நடிக்க சம்மதம் தெரிவித்துள்ளதாகவும் தகவல் வெளியாகியுள்ளது. இதனால் அவர் கேரக்டரை கவர்ச்சியாக உருவாக்கி கதைகளை தயாரிக்கின்றனர்.

இந்த நிலையில் 'அஜீத்தின் பில்லா-2' படத்தில் நடிக்க நயன்தாராவை அழைத்துள்ளதாகவும் கூறப்படுகிறது. 'பில்லா' படத்தில் அஜீத்துடன் நயன்தாராவும், நமீதாவும் நடித்தனர். அப்படத்தில் நயன்தாரா நீச்சல் உடையில் தோன்றினார். எனவே பில்லா-2 படத்திலும் நயன்தாரா இருந்தால் படம் வெற்றி பெறும் என்று சென்டிமென்டாக படக்குழுவினர் கருதுகின்றனர்.

அவரை கவுரவ தோற்றத்தில் ஓரிரு காட்சியிலாவது நடிக்க வைத்து விடவேண்டும் என்று ஆர்வப்படுகின்றனர். இதுகுறித்து நயன்தாராவிடம் பேச்சுவார்த்தை நடப்பதாகவும் கூறப்படுகிறது. இதிலும் நயன்தாரா கவர்ச்சியாக தோன்றுவார் என்று தெரிகிறது.

இப்படத்தில் அஜீத் ஜோடியாக பார்வதி ஓமன குட்டன் நடிக்கிறார். சக்ரி டோலட்டி இயக்குகிறார்.

தனுசின் '3' படத்தில் சோகமான முடிவு: கிளைமாக்சை மாற்ற ரஜினி வற்புறுத்தல்?

Tuesday, February 28, 2012
'3' படத்தின் பிரத்யேக காட்சியை பார்த்த ரஜினி படத்தின் கிளைமாக்ஸ் காட்சி சோகமாக இருப்பதற்கு பதில் மகிழ்ச்சியாக இருக்குமாறு வைக்கலாமே என்று அறிவுரை கூறியுள்ளார்.

ஒய் தி்ஸ் கொலவெறி, கொலவெறி டி பாடல் மூலம் புகழ் பெற்றது தனுஷ் மட்டுமல்ல அவரது மனைவி ஐய்வர்யா இயக்குனர் அவதாரம் எடுத்துள்ள 3 படமும் தான். இதில் இன்னொரு ஸ்பெஷல் என்னவென்றால் ரஜினி மகள் படத்தில் கமல் மகள் ஸ்ருதி நாயகியாக நடித்திருப்பது தான். இந்த படம் மார்ச் மாத இறுதியில் ரிலீஸாகிறது.

இந்த நிலையில் '3' படத்தின் பிரத்யேக காட்சியைப் பார்த்த ரஜினி தனுஷ், ஸ்ருதிஹாசன் ஆகியோரின் நடிப்பு சிறப்பாக உள்ளதாகவும், ஐஸ்வர்யா சிறப்பாக பணியாற்றி இருப்பதாகவும் தெரிவித்துள்ளார்.

கிளைமாக்ஸ் சோகமாக முடிவது மட்டும் ரஜினிக்கு பிடிக்கவில்லை போன்று. அதனால் கிளைமாக்ஸை சந்தோஷமாக முடியும்படி மாற்றலாமே என்று அறிவுறுத்தியுள்ளார். சூப்பர்ஸ்டார் பேச்சுக்கு மறுபேச்சேது. கிளைமாக்ஸை மாற்றுவது குறித்து ஐஸ்வர்யாவும், தனுஷும் ஆலோசித்து வருகின்றனர்.

பள்ளிகள் பாடம் தவிர்த்து நற்பண்புகளையும் கற்றுத் தர வேண்டும்: சினேகா!!!

Tuesday, February 28, 2012
பள்ளிகள், பாடங்களைத் தவிர்த்து நற்பண்புகளையும் கற்றுத் தர வேண்டும் என்று நடிகை சினேகா அறிவுறுத்தியுள்ளார்.

சென்னை கொளத்தூர் எவர்வின் மெட்ரிக்குலேஷன் மேல்நிலைப் பள்ளியின் 20ம் ஆண்டு விழாவில் சிறப்பு விருந்தினராக கலந்து கொண்ட நடிகை சினேகா பேசியதாவது,

ஆசிரியை உமா மகேஸ்வரி கொலை செய்யப்பட்டதற்கு ஆசிரியரா, மாணவரா அல்லது பெற்றோர் காரணமா என்று விவாதம் செய்யாமல் இனி இது போன்ற சம்பவம் நடக்காமல் இருக்க அனைவரும் பொறுப்புடன் செயல்பட வேண்டும் என்பது தான் என்னைப் போன்றவர்களின் எதிர்பார்ப்பு.

பிள்ளைகள் மார்க் குறைவாக வாங்கினால் பெற்றோர்கள் அவர்களைத் திட்டுகின்றனர். இந்த காலத்தில் படிப்பு தவிர பல்வேறு துறைகளில் ஜொலிக்கும் வாய்ப்பு இருக்கிறது. இங்கே 2 வயது ப்ரீ கேஜி குழந்தை டிரம்ஸ் வாசித்ததைப் பார்த்து மெய் மறந்து போனேன்.

குழந்தைகள் ஒவ்வொருவரிடமும் ஒவ்வொரு திறமை உள்ளது. ஆசிரியர்கள், மாணவர்களுக்கு இடையேயான இடைவெளி அதிகரிப்பது தான் சில விரும்பத்தகாத காரணங்களுக்கு காரணம். இந்த இடைவெளி இல்லாமல் பார்த்துக் கொள்வது பள்ளிகள் மற்றும் பெற்றோரின் கடமையாகும்.

நான் பள்ளியில் படிக்கையில் எனக்கு ஒரேயொரு ஆசிரியரை மட்டும் தான் பிடிக்கும். எனக்கும் மற்ற ஆசிரியர்களுக்கும் இடையே கொஞ்சம் இடைவெளி இருந்தது. அந்த இடைவெளி இப்போது அதிகரித்து வருகிறது. மாணவர்களுக்கு நான் சொல்ல விரும்புவது என்னவென்றால் படி, படி என்றாலே உங்களுக்கு கோபம் தான் வருகிறது.

எங்கள் காலத்தில் படிப்பு மட்டுமே இருந்தது. ஆனால் தற்போது கம்ப்யூட்டர், விளையாட்டு, பொழுதுபோக்கு, கலைத்துறை பல்வேறு துறைகளில் உங்களுக்கு பயிற்சிகள் அளிக்கப்படுகிறது.

உங்கள் மீது இருக்கும் அக்கறையில் தான் ஆசிரியர்கள் படி, படி என்கின்றனர். எதையும் விரும்பி செய்தால் தான் அதில் வெற்றி பெற முடியும். எனவே விரும்பிப் படியுங்கள். பள்ளிகள் பாடங்கள் தவிர்த்து மாணவர்களுக்கு நற்பண்புகளையும் கற்றுத் தர வேண்டும் என்றார்.

விழாவில் மாணவ-மாணவியரின் கண்கவர் கலை நிகழ்ச்சி நடந்தது. போட்டிகளில் வெற்றி பெற்ற குழந்தைகளுக்கு சினேகா பரிசுகள் வழங்கி பாராட்டினார்.

கிளிப்பிங்ஸ்!!!கிளிப்பிங்ஸ்!!!கிளிப்பிங்ஸ்!!!

Tuesday, February 28, 2012
தந்தை எஸ்.ஏ.சந்திரசேகர் இயக்கிய ‘சட்டம் ஒரு இருட்டறை’ படத்தை ரீமேக் தயாரிப்பு பொறுப்பை ஏற்றிருக்கிறார் விஜய். இதில் விக்ரம் பிரபு, கார்த்திகா ஜோடி. புது இயக்குனர் ரமேஷ் இயக்கம்.

சூப்பர் ஹீரோ கதையாக ‘முகமூடி’ படத்தை இயக்கும் மிஷ்கின் பாடல் கம்போசிங்க்காக தனது இசை அமைப்பாளருடன் ஸ்லோவேகியா பறந்திருக்கிறார்.

‘மெரினா’ படத்தை தெலுங்கில் டப்பிங் செய்து ரிலீஸ் செய்கிறார் இயக்குனர் பாண்டிராஜ்.

‘வெடிகுண்டு முருகேசன்’ படத்துக்கு பிறகு அடுத்த கோலிவுட் படத்துக்கு காத்திருக்கும் ஜோதிர்மயி மலையாளத்தில் ‘ஸ்தலம்’ என்ற படத்தில் நடிக்கிறார்.

எழில் இயக்கும் ‘மனம் கொத்தி பறவை’ ஏப்ரல் மாதம் ரிலீஸ்.

மீண்டும் சூர்யாவுடன் இணைகிறாரா ஸ்ருதி?!!!

Tuesday, February 28, 2012
இயக்குனர் வெங்கட் பிரபுவின் படத்தில் சூர்யா ஜோடியாக மீண்டும் ஸ்ருதி ஹாசன் நடிக்கிறார் என்று தகவல்கள் வெளியாகியுள்ளன. ஆனால் அதை இயக்குநர் வெங்கட்பிரபு மறுத்துள்ளார்.

ஸ்ருதி ஹாசன் பாலிவுட்டில் லக் என்ற படத்தின் மூலம் நாயகியாக அறிமுகமானார். ஆனால் லக் அவருக்கு லக்கியாக இல்லை. தமிழில் அவர் அறிமுகமான ஏழாம் அறிவு அவருக்கு நல்ல பெயர் வாங்கிக் கொடுத்தது. சூர்யா-ஸ்ருதி ஜோடியும் நல்ல ஜோடியாக இருக்கிறது என்று பேசப்பட்டது.

இந்நிலையில் வெங்கட் பிரபுவின் அடுத்த படத்தில் மீண்டும் சூர்யாவுடன் ஸ்ருதி ஜோடி சேர்வதாக தகவல்கள் வெளியாகின.

இது குறித்து வெங்கட் பிரபுவிடமே கேட்டதற்கு, அவர் கூறியதாவது,

மங்காத்தா வெற்றி பெற்றதையடுத்து மீண்டும் தல அஜீத்தை வைத்து படம் எடுக்கிறீர்களா என்று கேட்கின்றனர். அவரை வைத்து படம் எடுக்க ஆசையாக உள்ளது. ஆனால் அதற்கு நாளாகும்.

தற்போது சூர்யா நடிக்கும் ஆக்ஷன், த்ரில்லர் படத்தை இயக்குகிறேன். இதில் தெலுங்கு ஹீரோ ரவி தேஜாவும் நடிக்கிறார். தற்போது சூர்யாவும், ரவி தேஜாவும் வேறு படங்களில் பிஸியாக இருக்கின்றனர்.

அந்த படங்களை முடித்த பிறகு இந்த படப்பிடிப்புக்கு வருவார்கள். முன்னணி நடிகை ஒருவர் சூர்யாவுக்கு ஜோடியாக நடிக்கிறார். அது ஸ்ருதி தானே என்று பலர் கேட்கின்றனர். சூர்யா-ஸ்ருதி எனது படத்தில் ஜோடி சேர்வதாகக் கூறப்படுவது வெறும் வதந்தி தான் என்றார்.

இந்தி திகில் படத்தில் நடுங்கிய சதா!!!

Tuesday, February 28, 2012
சதா நடித்த இந்தி திகில் படம் தமிழுக்கு வருகிறது. ‘சில காட்சிகளில் நிஜமாகவே நடுங்கிவிட்டேன்’ என்றார் சதா. இதுபற்றி அவர் கூறியதாவது: ‘ஜெயம்’ படம் தொடங்கி ‘அந்நியன்’, ‘பிரியசகி’, ‘வர்ணஜாலம்’ உள்ளிட்ட படங்களில் நடித்தேன். பி.வாசு இயக்கத்தில் நடித்த ‘புலிவேஷம்’ சில மாதங்களுக்கு முன் ரிலீஸ் ஆனது. இந்தியில் ‘கிளிக்’ என்ற படத்தில் கிளாமராக நடித்திருக்கிறேன். இது தமிழில் ‘கிளிக் 3’ என்ற பெயரில் ரிலீஸ் ஆகிறது. சங்கீத் சிவன் இயக்கி இருக்கிறார். சினேகா உல்லால், ரியா சென் ஆகியோரும் நடித்திருக்கிறார்கள். இதில் மாடல் அழகியாக நடித்திருக்கிறேன். என் வேடம் கிளாமராகவும், சவாலாகவும் அமைந்தது. திகில் படமான இதில் சில காட்சிகள் நடிக்கும்போது நிஜமாகவே நடுங்கி பயந்திருக்கிறேன்.

புது அனுபவமாக இருந்தது. தமிழ், இந்தி. தெலுங்கு 3 மொழிகளிலும் என்னை ரசிகர்கள் ஏற்றுக்கொண்டிருக்கிறார்கள். இந்த துறையில் 90 சதவீதம் திருப்தி இருக்கிறது. ஸ்டார் அந்தஸ்து என்பது என்னைப் பொறுத்தவரை எட்டாக்கனியாக இருக்கவில்லை. பெரிய இயக்குனர், பெரிய நடிகர்களுடன் நடித்திருக்கிறேன். நிறைய படங்கள் வந்தாலும் தேர்வு செய்துதான் ஒப்புக்கொள்கிறேன். கமர்ஷியல் ஹீரோயினாக நடிக்கவே விரும்புகிறேன்.

துப்பாக்கியில் 'என்கௌன்டர் ஸ்பெஷலிஸ்டாக' வரும் விஜய்!!!

Tuesday, February 28, 2012
இளைய தளபதி விஜய் துப்பாக்கி படத்தில் என்கௌன்டர் ஸ்பெஷலிஸ்டாக வருகிறாராம்.

ஏ. ஆர். முருகதாஸின் இயக்கத்தில் விஜய் நடிக்கும் படம் துப்பாக்கி. இதில் அவருக்கு ஜோடியாக காஜல் அகர்வால் நடிக்கிறார். படத்தில் முக்கிய கதாபாத்திரத்தில் மலையாள நடிகர் ஜெயராம் நடிக்கிறார். முதல் ஷெட்யூல் முடிந்த நிலையில், திடீரென்று இந்தப் படம் கைவிடப்பட்டதாக செய்திகள் வெளியாகின. ஆனால் விஜயிடம் கேட்டதற்கு, 'படம் ட்ராப்னு வர்ற செய்திகளை நம்பாதீங்க. சீக்கிரமே மீண்டும் தொடங்கிடும். பெப்சி பிரச்சனை போன்றவையெல்லாம் தீர்ந்ததும் படப்பிடிப்பு தொடங்கிடும்" என்றார்.

தற்போது பெப்சி பிரச்சனை ஒரு முடிவுக்கு வந்ததையடுத்து தற்போது படப்பிடிப்பு துவங்கியுள்ளது. துப்பாக்கி படத்தின் பெரும்பாலான காட்சிகள் மும்பையில் படமாக்கப்படுகிறது.

இந்த படத்தில் விஜய் என்ன கதாபாத்திரத்தில் வருகிறார் என்பது இத்தனை நாட்கள் ரகசியமாக வைத்திருந்தனர். இந்நிலையில் அவர் திருடர்களை டொப்பு, டொப்புன்னு சுட்டுத் தள்ளும் என்கௌன்டர் ஸ்பெஷலிஸ்டாக வருகிறார் என்று தகவல் கிடைத்துள்ளது.

என்கௌன்டர் ஸ்பெஷலிஸ்டாக விஜய் நடிப்பது இதுவே முதன்முறையாகும் என்பது குறிப்பிடத்தக்கது.

ஏற்கனவே தமிழகத்தை ஒரு என்கெளன்டர் பரபரப்புக்குள்ளாகி வருகிறது. இந்த நிலையில் விஜய் வேறு துப்பாக்கியைத் தூக்குகிறார்...!

ஸ்லம்டாக் மில்லினர் தான்வி தமிழ் ஹீரோயின் ஆனார்!

Tuesday, February 28, 2012
ஆஸ்கர் விருது பெற்ற 'ஸ்லம்டாக் மில்லினர்' படத்தில் குழந்தை நட்சத்திரமாக நடித்த தான்வி லோன்கர் தமிழ் சினிமாவில் ஹீரோயின் ஆனார். முன்னாள் பள்ளித் தோழர்கள் சிலர் இணைந்து, யூ அன்ட் மீ புரொடக்ஷன் என்ற நிறுவனம் மூலம் தயாரிக்கும் படம் 'காதல்தீவு'. இதில் 'அழகி' படத்தில் குழந்தை நட்சத்திரமாக நடித்த ராம்சரண் ஹீரோவாகவும் 'ஸ்லம்டாக் மில்லினர்' குழந்தை நட்சத்திரம் தான்வி லோன்கர் ஹீரோயினாகவும் அறிமுகமாகிறார்கள். மனோஜ் கே.பாரதி வில்லனாக நடிக்கிறார். மிதுன் ஈஸ்வர் இசை. முகேஷ்ஞானி ஒளிப்பதிவு. 'இது காதல் கதை. அதோடு சுற்றுலாத் தலங்களில் நடக்கும் சில திகிலூட்டும் சம்பவங்களையும் காதலோடு இணைத்து சொல்கிறோம்" என்றார் படத்தை இயக்கும் வெற்றி வீரன். ஹீரோயினாக நடிப்பது பற்றி தான்வி கூறும்போது, "கன்னட படம் ஒன்றில் நடிக்க வந்தபோது வெற்றி வீரன் அறிமுகமானார். அவரது கதைக்கு நான் பொருத்தமாக இருந்ததால் இந்த வாய்ப்பு கிடைத்தது. ஹாலிவுட் படத்தில் நடித்ததால் ஆங்கிலம் பேசக் கற்றுக்கொண்டேன். தமிழ் வசனங்களை ஆங்கிலத்தில் எழுதி மனப்பாடம் செய்கிறேன். 16 வயதில் ஹீரோயினாகியிருக்கிறேன். திறமையை வளர்த்து தமிழ் ரசிகர்கள் மனதில் இடம் பிடிப்பேன்" என்றார்.

நம்பிக்கை வைத்தால் வாழ்வில் வெற்றிபெறலாம்: பள்ளி விழாவில் நடிகர் கருணாஸ் பேச்சு!

Tuesday, February 28, 2012
புதுக்கோட்டை மாவட்டம் இலுப்பூர் மேட்டுச்சாலை மதர்தெரசா மெட்ரிக் பள்ளியின் 8-ம் ஆண்டு விழா நிறுவனர் சின்னத்தம்பி தலைமையில் நடைபெற்றது.

தாளாளர் உதயக்குமார் வரவேற்றார். விராலிமலை சட்டமன்ற உறுப்பினர் டாக்டர் சி.விஜயபாஸ்கர் முன்னிலை வகித்தார்.

சாகித்ய அகாடமி உறுப்பினர் தங்கம்மூர்த்தி சிறப்புரையாற்றினார். திரைப்பட நடிகர் கருணாஸ் மெட்ரிக் பள்ளிகளின் ஆய்வாளர் சுசீலா ஆகியோர் சிறப்பு விருந்தினராக கலந்து கொண்டனர்.

விழாவில் நடிகர் கருணாஸ் பேசியதாவது:-

புதுக்கோட்டை மாவட்டம் அரிமளம் அருகேயுள்ள தாஞ்சூர் என்ற குக்கிராமத்தில் பிறந்தவன் நான். நம் மண்ணில் நடக்கும் இந்த ஆண்டு விழாவில் கலந்து கொள்வதில் நான் பெருமை அடைகிறேன். சாதனையளர்களாக இருந்தாலும் சாதிக்க துடிப்பவர்களாக இருந்தாலும் முதலில் உங்கள் மீது நீங்கள் நம்பிக்கை வைக்கவேண்டும்.

அதுபோன்ற நம்பிக்கையை என்மீது நான் வைத்ததால்தான் சினிமாத்துறையில் இன்று உங்கள் முன் கதநாயகனாக நிற்கிறேன். அதேபோல் மாணவர்களும் தங்களின் படிப்பின் மீது நம்பிக்கை வையுங்கள், பெற்றோர்களும் தங்கள் பிள்ளைகள் மீது நம்பிக்கை வையுங்கள். நம்பிக்கை மீது அவநம்பிக்கை வேண்டாம் நம்பிக்கை மீது நம்பிக்கை வையுங்கள், வாழ்வில் வெற்றி பெறலாம்.

இவ்வாறு அவர் பேசினார்.

விழாவில் புதுக்கோட்டை நகர்மன்ற துணைத்தலைவர் துணைத்தலைவர் சேட்டு, மாவட்ட பாசறை செயலாளர் ராஜசேகரன், அன்னவாசல் ஒன்றிய செயலாளர் சாம் பரமசிவம், முன்னாள் மாவட்ட செயலாளர் ராமசாமி, இலுப்பூர் தாசில்தார் கருப்பையா, உதவி செயற்பொறியாளர் ஆறுமுகம், பட்டதாரி ஆசிரியர் வேலுச்சாமி பள்ளி தலைமையாசிரியர்கள், உள்ளாட்சி பிரதிநிதிகள், ஊராட்சி மன்றத்தலைவர்கள், முக்கிய பிரமுகர்கள், பெற்றோர்கள், ஆசிரியர்கள், மாணவர்கள் உட்பட பலர் கலந்து கொண்டனர்.

விழா முடிவில் பள்ளி முதல்வர் சாய் விஜயபாரதி நன்றி கூறினார்.

Monday, February 27, 2012

கோலிவுட்டுக்கு அழைத்துவந்தவருக்கே நோ சொன்ன அனுஷ்கா!!!

Monday, February 27, 2012
நடிகை அனுஷ்கா தன்னை கோலிவுட்டில் அறிமுகப்படுத்திய இயக்குனர் சுந்தர் சி. படத்தில் நடிக்க மறுத்துள்ளாராம்.

நடிகை அனுஷ்காவை 2 படம் மூலம் கோலிவுட்டில் அறிமுகப்படுத்தியவர் சுந்தர்.சி. அதன் பிறகு அனுஷ்காவுக்கு தமிழில் படங்கள் இல்லாததால் டோலிவுட்டுக்கு போனார். அங்கு அருந்ததி படம் அவருக்கு பெயரும், புகழும் வாங்கிக் கொடுத்தது. அதையடுத்து அவர் தெலுங்கின் முன்னணி நடிகர்களுடன் நடிக்க ஆரம்பித்தார். அருந்ததியின் தாக்கத்தால் மீண்டும் கோலிவுட்டில் வாய்ப்பு கிடைத்தது.

அதையடுத்து இங்கும் பெரிய ஹீரோக்களுடன் ஒரு ரவுண்ட் வந்து கொண்டிருக்கிறார். முன்னணி ஹீரோக்களும், இயக்குனர்களும் அவருக்காக காத்திருக்கின்றனர். கோடி, கோடியாய் கொட்டிக் கொடுத்து அவரை தங்கள் படங்களில் நடிக்க வைக்கின்றனர். இந்நிலையில் அவரை தமிழ் திரையுலகிற்கு அழைத்து வந்த இயக்குனர் சுந்தர். சி. தான் இயக்கும் படத்தில் நாயகியாக நடிக்குமாறு அனுஷ்காவை கேட்டுள்ளார்.

அதற்கு அவர் இந்த ஆண்டு முழுவதும் கால்ஷீட் புல்லாக இருக்கிறது அதனால் உங்கள் படத்தில் நடிக்க முடியாது என்று கூறிவிட்டாராம். இந்த பதிலை சுந்தர்.சி. எதிர்பார்த்திருக்க மாட்டார் தான்.

ஏய், 'பிராம்ப்டிங்' பண்ணாதே: நயன்!!!

Monday, February 27, 2012
பிரபு தேவாவுடன் திருமணம் நடப்பதாக இருந்ததால் மதம் மாறி, சினிமாவை விட்டு விலகியிருந்த நயன்தாரா அடுத்த ரவுண்டுக்கு வந்துவிட்டார். இதனால் குஷியாகியுள்ள இயக்குனர்களும், நடிகர்களும் நயனிடம் கால்ஷீட் கேட்கத் துவங்கியுள்ளனர்.

நயன்தாராவுக்கு யாராவது பிராம்ப்ட் செய்தால் சுத்தமாகப் பிடிக்காது. அதாவது வசனத்தை அப்பப்போ எடுத்துக் கொடுத்து உதவுவது பிடிக்காது. எவ்வளவு பெரிய வசனமாக இருந்தாலும் மனப்பாடம் செய்துவிட்டு தான் படப்பிடிப்புக்கு வருவார். இயக்குனர் என்ன சொல்கிறாரோ அதன்படி பேசி நடிப்பார். கேரளாவில் இருந்து தமிழகத்திற்கு வந்த நயன் தமிழில் நன்றாகப் பேசுவார்.

பேசினால் மட்டும் போதாது என்று நினைத்த அவர் தற்போது தமிழில் எழுதப், படிக்கவும் கற்றுக் கொண்டுள்ளார். தன்னைப் பற்றி வரும் செய்திகளை இணையதளஙகளில் தேடிப்பிடித்துப் படிக்கிறார். இவர் இப்படி இருக்க ஸ்ரேயா தமிழில் நடிக்க வந்து பல ஆண்டுகள் ஆகியும் தமிழில் பேசச் சொன்னால, சாரி ஐ டோன்ட் நோ டாமில் என்கிறார்.

நயன் நம்ம செய்தியையும் படிப்பார் என்று நம்புகிறோம்.

விமர்சனம் » காதலில் சொதப்புவது எப்படி!!!

Monday, February 27, 2012
விமர்சனம் » காதலில் சொதப்புவது எப்படி!!!
இளம் காதலர்களின் ஈகோ மோதல்களை சின்ன சில நிமிட குறும்படமாக எடுத்து இண்டர் நெட்டில் உலவவிட்டு பெரும் புகழ்பெற்ற இயக்குநர் பாலாஜி மோகன், அதையே ஒரு அழகிய திரைப்படமாக்கியிருக்கிறார். அதுதான் காதலில் சொதப்புவது எப்படி? திரைப்படம் மொத்தமும்!

கதைப்படி கல்லூரி காதலர்கள் சித்தார்த்தும், அமலாபாலும் ஈகோவால் பிரிந்திருக்கின்றனர். இதே மாதிரி அமலாபாலின் அப்பா-அம்மாக்களான சுரேஷூம் (மாஜி ஹீரோவேதான்) அம்மா சுரேகா வாணியும் விவாகரத்திற்கு விண்ணப்பித்துவிட்டு காத்திருக்கும் கல்யாண ஜோடிகள். ஈகோவால் பிரிந்திருக்கும் இந்த இரண்டு ஜோடிகளுமே தங்களது ஈகோவை மறந்து இணைந்ததா...? இல்லையா...? என்பது தான் காதலில் சொதப்புவது எப்படி கரு, களம், கதை எல்லாமும்!

பாசத்தையும் சரி, வெறுப்பையும் சரி... பொண்ணுங்க மாதிரி ஆண்களால் காட்டவே முடியாது.... என அடிக்கடி பஞ்ச் டயலாக் பேசியபடி துறுதுறு கல்லூரி மாணவனாகவே வாழ்ந்திருக்கிறார் சித்தார்த். ரசிகர்களுக்கு தன் காதல் புட்டுகிட்ட கதையை போரடிக்காமல் சொல்லுவதிலாகட்டும், அமலாவிடம் ஆரம்பத்தில் வழிந்து பின் எரிச்சலடைவதிலாகட்டும் எல்லாவற்றிலுமே ஸ்கோர் செய்திருக்கிறார். அமலாபாலும் ஈகோ பிடித்த காதலியாக, தானும் சளைத்தவர் இல்லை என்று ப்ரேம் டூ ப்ரேம் நிரூபணம் செய்திருக்கிறார் வாவ்!

மாஜி ஹீரோ சுரேஷ், சுரேகாவாணி, சித்தார்த்தின் அப்பா ரவி ராகவேந்தர், அம்மா சிவரஞ்சினி எல்லோருமே பாத்திரமறிந்து பளிச்சிட்டிருக்கின்றனர்! நண்பர்களாக வரும் யுவன், யுவதிகளும் பிரமாதம்!

நிரவ்ஷாவின் அழகிய ஒளிப்பதிவும், தமனின் இதமான இசை எல்லாமும் சேர்ந்து பாலாஜி மோகனின் எழுத்து இயக்கத்தில் திரையில், காதலில் சொதப்பவில்லை, ஜெயித்திருக்கிறது! வாவ்!!

Sunday, February 26, 2012

அம்மாவுக்கு உடம்பு சரியில்லை, அதனாலதான் சங்கரன்கோவிலில் பிரசாரம் செய்யலே-வடிவேலு!!!

Sunday, February 26, 2012
மதுரை::எங்க அம்மாவுக்கு உடம்பு சரியில்லாமல் மருத்துவமனையில் அனுமதிச்சு சிகிச்சை பண்ணிடிருக்கோம். அதனால்தான் என்னால சங்கரன்கோவில்ல பிரசாரம் பண்ண முடியவில்லை. மத்தபடி, நான் யாருக்கும் பயந்து ஒளிந்து ஓடவில்லை, ஓடவும் மாட்டேன். காலமும், நேரமும் வருகிறபோது மக்களை சந்திப்பேன் என்று கூறியுள்ளார் வைகைப் புயல் வடிவேலு.

விஜயகாந்த்துடன் கடும் மோதலில் இருந்து வந்த வடிவேலு, கடந்த சட்டசபைத் தேர்தலில் திமுகவில் இணைந்து விஜயகாந்த்தை மிகக் கடுமையாக விமர்சித்துப் பிரசாரம் செய்தார். ஆனால் அவரது நேரமோ, என்னவோ, தேர்தலில் திமுக படு தோல்வியைச் சந்தித்தது, அதிமுகவுடன் சேர்ந்த தயவால், எதிர்க்கட்சியாக உயர்ந்தது தேமுதிக, விஜயகாந்த்தோ எதிர்க்கட்சித் தலைவராகி விட்டார்.

இதனால் வடிவேலு நிலைமை சிக்கலாகிப் போனது. அவரை வைத்துப் படம் பண்ண யாரும் விரும்பவில்லை என்று கூறப்படுகிறது. இதனால் வடிவேலுவின் நகைச்சுவையை மக்கள் ரசிக்கும் வாய்ப்பை திரையுலகம் மறுத்து வருகிறது. வடிவேலு இல்லாத தமிழ் சினிமா, புளியே இல்லாத புளிச்சாதம் போல இருக்கிறது.

இந்த நிலையில், வடிவேலு ஒரு பேட்டி அளித்துள்ளார். அதில், வடிவேலுவுக்கு அரசியல் எல்லாம் தேவையா என்று சிலர் கேட்கிறார்கள். ஓட்டுப்போடும் அத்தனை பேரும் அரசியல்வாதிகள்தான். ஓட்டுப்போடும் மக்களில் நானும் ஒருவன் என்பதால் நானும் அரசியல்வாதிதான்.

என் தாய் சரோஜினி, உடல் நலக்குறைவு காரணமாக மதுரை ஐராவத நல்லூரில் மருத்துவமனையில் உள்ளார். அதனால் என்னால் சங்கரன்கோவில் தேர்தல் பிரச்சாரத்தில் ஈடுபடமுடியவில்லை.

தேர்தலில் போட் டியிடுவீர்களா என்று என்னை கேட்கிறார்கள். காலமும், சூழ்நிலையும் நிர்ப்பந்நதிக்கும் போது மக்களை சந்திப்பேன். நான் யாருக்கும் பயந்து ஓடி ஒளிந்து கொள்ளமாட்டேன்.

தீவிர அரசியலில் குதிப்பேன். அரசியலுக்கு நான் வரக்கூடாது என்று சொல்வது அபத்தம். நிச்சயமாக அரசியலுக்கு வந்தே தீருவேன். என்னை யாரும் தடுக்க முடியாது.

திரையுலகம் என்னை ஒதுக்கி ஓரங்கட்டிவிட்டதாக சொல்கிறார்கள். விரைவில் நான் கதாநாயகனாக நடிக்கும் புதுப்பட அறிவிப்பு வெளிவரும் என்றார் வடிவேலு.

உயர்த்துவதாக கூறி சீரழித்தனர்’ சில்க்கை போல் என் வாழ்க்கை கிடையாது : வித்யாபாலன் பேட்டி!!!

Sunday, February 26, 2012
சில்க் ஸ்மிதாவை உயரத்துக்கு கொண்டு செல்வதாக கூறி அவரது வாழ்க்கையை சீரழித்தனர். ஆனால் என் நிஜ வாழ்க்கை அப்படி இல்லை’ என்றார் வித்யாபாலன். சில்க் ஸ்மிதா வாழ்க்கை வரலாறு படமான ‘தி டர்ட்டி பிக்சர்’ படத்தில் சில்க் வேடத்தில் நடித்தவர் வித்யாபாலன். அவர் அளித்த பேட்டியில் கூறியதாவது: சில்க் ஸ்மிதா வாழ்க்கை வரலாறு படத்தில் நடிக்க வேண்டும் என்ற வாய்ப்பு என்னை தேடி வந்தது. சில்க் கேரக்டரில் நடிக்க நான் தயங்கவில்லை. ஆனால் உண்மையிலேயே அப்படத்தில் நடிப்பதற்கான ஒப்பந்தத்தில் கையெழுத்திட தயக்கம் காட்டினேன். எதிர்பார்த்ததைவிட படம் ஹிட் ஆனது. படத்தின் பெயர்தான் டர்ட்டி (அழுக்கு) என்றிருந்ததே தவிர அழுக்கான படம் கிடையாது. இதில் நல்ல கருத்து சொல்லப்பட்டிருந்தது. சில்க் ஸ்மிதாவை வாழ்க்கையில் உயர்த்துவதாக கூறி அவரை தவறான வழியில் பயன்படுத்தி சீரழித்திருக்கிறார்கள். அதற்கு ஒரு முடிவும் இருந்தது. அப்படத்தை பார்த்தவர்கள் அதை உணர்ந்திருப்பார்கள். சில்க் போல் வேடம் ஏற்று நடித்தேனே தவிர என் வாழ்க்கை அவரது வாழ்க்கைபோல் கிடையாது. அதிர்ஷ்டவசமாக அவரைபோல் என்னை யாரும் சீரழிக்கவில்லை. திரையுலகினர் எனக்கு ஆதரவாக இருந்தார்கள். விரைவில் நான் திருமணம் செய்துகொள்வேன் என்பதுபோல் எழுதுகிறார்கள். என்னைப் பொறுத்தவரை இப்போதைக்கு திருமணம் செய்து கொள்ளும் எண்ணம் இல்லை. இவ்வாறு வித்யாபாலன் கூறினார்.

அஜீத்தையும் விட்டுவைக்காத வாஸ்து!!!

Sunday, February 26, 2012
அஜீத்தையும், வாஸ்து படுத்த ஆரம்பித்து விட்டதாம். தனது அலுவலகத்தை வாஸ்து பார்த்து மாற்றி வருகிறாராம்.

வாஸ்து பார்த்து வீடு கட்டுவது, அதை மாற்றியமைப்பது திரையுலக நட்சத்திரங்களின் வாடிக்கையாகிவிட்டது. இதற்கு 'தல' அஜீத் ஒன்றும் விதிவிலக்கல்ல. அவரது அலுவலகம் ஆழ்வார்பேட்டையில் உள்ளது. அதை தற்போது வாஸ்து பார்த்து அதன்படி மாற்றிக் கட்டிக் கொண்டிருக்கிறார்.

தனது அலுவலகத்தை ஹைடெக் அலுவலகமாக மாற்றத் தான் தல இப்படி செய்வதாகவும் கூறப்படுகின்றது. மங்காத்தாவின் வெற்றிக்குப் பிறகு அஜீத் ரொம்பவே பிஸியாகிவிட்டார். தற்போது பில்லா 2 படத்தில் நடித்துக் கொண்டிருக்கிறார். மீண்டும் வெங்கட் பிரபுவுடன் இணையப் போவதாகவும் கூறப்படுகின்றது. கை நிறைய படங்கள் வைத்துக் கொண்டு ஓடி, ஓடி நடித்துக் கொண்டிருக்கிறார்.

ஷூட்டிங் இல்லாத நேரத்தில் மகள் அனௌஷ்காவுடன் விளையாடி மகிழ்கிறார். அவரது மனைவி ஷாலினி மகளை பல கோணத்தில் புகைப்படங்கள் எடுத்து அதைப் பார்த்து பூரித்துப் போகிறார்.

ஸ்ருதி ஹாசனுக்கு மூக்கு ஆபரேஷன்!!!

Sunday, February 26, 2012
மூக்கு ஆபரேஷன் செய்தபின் நிம்மதியாக இருப்பதாக கூறினார் ஸ்ருதி ஹாசன். நடிகைகள் பலர் முக அழகை கெடுக்கும் வகையில் இருக்கும் மூக்கு பகுதியை அறுவை சிகிச்சை மூலம் சரிசெய்வது வாடிக்கை. ஆனால் அதை மறுத்து விடுவதுண்டு. ஆனால் ஸ்ருதி ஹாசன் தான் செய்துகொண்ட மூக்கு ஆபரேஷன் பற்றி வெளிப்படையாக கூறினார். இதுபற்றி அவர் கூறியதாவது: சினிமாவில் நடிக்க வருவதற்கு முன் எனக்கு மூச்சுவிடுவதில் சிரமம் இருந்தது. இதனால் இரவில் தூங்கும்போது அவஸ்தைபடுவேன். இதுபற்றி ஆலோசித்தபோது மூக்கு பகுதியில் அறுவை சிகிச்சை செய்ய வேண்டும் என்று கூறினார்கள். மூக்கில் ஆபரேஷன் செய்தால் குரல் மாறிவிடும் என்று சிலர் பயமுறுத்தினார்கள். இதனால் முதலில் யோசித்தேன். அப்படி எந்த மாற்றமும் இருக்காது என்று தெரிந்தபின் அறுவை சிகிச்சைக்கு ஒப்புக்கொண்டேன். இந்தியில் ‘லக்கி’ என்ற படத்தில் நடிப்பதற்கு முன்பே அமெரிக்கா சென்று மூக்கு அறுவை சிகிச்சை செய்துகொண்டேன். இப்போது நிம்மதியாக இருக்கிறேன். இரவிலும் நிம்மதியாக தூங்குகிறேன். இவ்வாறு ஸ்ருதி ஹாசன் கூறினார்.

கொலை வெறி பாட்டால் பிரபலம்: தனுஷ் படத்தில் ரஜினி?

Sunday, February 26, 2012
தனுஷ் - ஸ்ருதி ஜோடியாக நடித்த “3” படம் விரைவில் ரிலீசாகிறது. தனுஷ் மனைவி ஐஸ்வர்யா இயக்கியுள்ளார். கஸ்தூரி ராஜா தயாரிக்கிறார். இதில் படத்தின் தலைப்புக்கு ஏற்ப தனுஷ், ஸ்ருதி தவிர 3-வது நபராக ரஜினி நடித்துள்ளதாக தகவல் வெளியானது.

இது குறித்து கஸ்தூரி ராஜாவிடம் கேட்ட போது 3-வது நபர் யார் என்பதை இப்போது சொல்ல முடியாது அது சஸ்பென்ஸ் என்றார். ஆனாலும் படத்துக்கு டைட்டில் மிகவும் பொருத்தமாக இருப்பதாக அவர் தெரிவித்தார். இப்படத்தில் தனுஷ் எழுதி பாடிய கொலை வெறி பாடல் உலகம் முழுவதும் பிரபலமாகி உள்ளது.

இதனால் படத்தை ரூ.50 கோடி , ரூ.60 கோடி என பலர் விலை பேசுவதாக தகவல் வெளியாகி உள்ளது. இது குறித்து கஸ்தூரி ராஜா மேலும் கூறும் போது இன்னும் வியாபாரம் முடியவில்லை. கொலை வெறி பாடல் படத்தை அதிக விலைக்கு கேட்டு எங்களை பலர் அணுகி இருப்பது உண்மைதான். இப்போதுதான் பிசினஸ் பேச துவங்கியுள்ளோம் என்றார்.

3 படம் மார்ச் 30-ந்தேதி ரிலீசாகும் என்றும் கூறினார். தெலுங்கு, இந்தி மொழிகளிலும் 3 படம் ரிலீசாகிறது. தமிழில் 300 முதல் 400 பிரிண்ட்கள் போடப்படுகின்றன. ஐஸ்வர்யா மிகுந்த ஈடுபாட்டோடு கடுமையாக உழைத்து படத்தை சிறப்பாக இயக்கியுள்ளார் என்றும் கஸ்தூரி ராஜா தெரிவித்தார். இப்படத்துக்கு ஆஸ்கார் விருது பெற்ற ரசூல் பூக்குட்டி சவுண்ட் என்ஜினீயராக பணியாற்றியுள்ளார்.

ஏதாவது காமெடி வேஷமிருந்தா கொடுங்களேன்! - ஸ்ரேயா!!!

Sunday, February 26, 2012
ஏதாவது ஒரு படத்தில் காமெடி வேடத்தில் நடிக்க ஆசையாக உள்ளது என்றார் நடிகை ஸ்ரேயா.

ரஜினியுடன் சிவாஜி படத்துக்குப் ஒரு பெரிய ரவுண்ட் வந்து, இப்போது டல்லடித்து நிற்கும் ஸ்ரேயா, தெலுங்கு, இந்தி, ஆங்கிலப் படங்களில் நடித்து வருகிறார்.

தமிழில் படங்கள் எதுவும் இல்லை. நேற்று அவர் ஹைதராபாத்தில் பேட்டி அளித்தார். அப்போது அவர் கூறுகையில், "காலம்தான் எல்லாவற்றையும் முடிவு செய்கிறது. நேற்று போல் இன்று இருப்பது இல்லை. இன்று போல் நாளை இருப்பது இல்லை. என்னை பொறுத்தவரை, தமிழ், இந்தி, தெலுங்கு, ஆங்கில மொழிகளில் திருப்தியான வேடங்களில் நடித்து முடித்து விட்டேன்.

ஆனாலும் முழுக்க காமெடி வேடத்தில் ஒரு படத்தில் நடிக்க வேண்டும் என்ற ஆர்வம் எனக்கு இருக்கிறது.

எனக்கு பிடிக்காதது திகில் கதைகள். திகில் படங்களை நான் பார்ப்பது கூட இல்லை. அது போன்ற படங்களில் நடிக்கவும் மாட்டேன்.

பணம் கொடுத்து பார்க்க வரும் ரசிகர்களுக்கு இது போன்ற பயங்கர கதைகளை காட்டுவது சரியில்லை," என்றார்.

சிக்ஸ் பேக் ஆசையெல்லாம் இல்லை! - மாதவன்!!!

Sunday, February 26, 2012
எனக்கு சிக்ஸ் பேக் ஆசையெல்லாம் இல்லை; அதனால் கடுமையான உடற்பயிற்சிகளை செய்வதில்லை என்று நடிகர் மாதவன் கூறியுள்ளார். அலைபாயுதே, மின்னலே, போன்ற படங்களில் ரொமான்டிக் ஹீரோவாகவும், ரன், தம்பி போன்ற படங்களில் ஆக்ஷன் ஹீரோவாகவும், ரெண்டு, குரு என் ஆளு போன்ற படங்களில் காமெடி ஹீரோவாகவும் ரசிகர்களை கவர்ந்து வருபவர் நடிகர் மாதவன். வேட்டை படத்தில் தனது வித்தியாசமான நடிப்பின் மூலம் ரசிகர்களை கவர்த்திருக்கும் மாதவன், தனக்கு மூட்டுவலி பிரச்னை இருப்பதாக கூறியிருக்கிறார்.

அவர் அளித்துள்ள பேட்டியில், சினிமாவில் இருப்பதால் அழகாகவும், ஆரோக்கியமாகவும் இருக்க வேண்டியது அவசியம். அதனை நான் கடைபிடிக்கிறேன். ஆனால் என்னால் சிக்ஸ் பேக் எல்லாம் வைக்க முடியாது. அந்த ஆசையெல்லாம் இல்லை. எனக்கு மூட்டு விலி பிரச்னை உள்ளது. எனவே கடுமையான உடற்பயிற்சிகளை செய்ய மாட்டேன். ஆனால் என் உடல் ஆரோக்கியத்திற்கு ஏற்ற பயிற்சிகளை சரியாக செய்வேன், என்று கூறியிருக்கிறார்.

தயாரிப்பாளர்களுடன் பெப்சி தொழிலாளர்கள் சம்பள உடன்பாடு: படப்பிடிப்புகள் துவங்கின!!!

Sunday, February 26, 2012
தமிழ் திரைப்பட தயாரிப்பாளர்களுக்கும் சினிமா தொழிலாளர் சங்கமான பெப்சிக்கும் இடையே சம்பள பிரச்சினையில் மோதல் ஏற்பட்டது. சம்பளத்தை உயத்தி தரவேண்டும் என்று தொழிலாளர்கள் போராட்டம் நடத்தினர். உண்ணாவிரதமும் நடத்தினர்.

ஆனால் தயாரிப்பாளர்கள் தரப்பில் பெரிய பட்ஜெட் படங்களுக்கும் சிறு படங்களுக்கும் தனித்தனி விகிதங்களில் சம்பள உயர்வு நிர்ணயித்தனர். பெப்சி தொழிலாளர்கள் இதனை ஏற்கவில்லை. இதையடுத்து இருதரப்பினரையும் அழைத்து அரசின் தொழிலாளர் நல ஆணையம் சமரசபேச்சு நடத்தியது.

பல தடலை பேச்சுவார்த்தைகள் நடந்தும் இழுபறி நீடித்தது. இருசங்கத்தினரும் பொதுக்குழுக்களை கூட்டி ஆலோசித்தும் முடிவு எட்டப்படவில்லை. நேற்று மாலை தொடர்ந்து பேச்சுவார்த்தை நடந்தது. இன்று காலை நடந்த சம்பள பேச்சுவார்த்தையில் நடன கலைஞர்கள் சங்கத் துக்கும் ஸ்டன்ட் யூனியன் சங்கத்துக்கும் உடன்பாடு ஏற்பட்டது.

இன்று மாலை மேலும் 6 சங்கங்களுடன் உடன்பாடு ஏற்பட உள்ளது. மீதி சங்கங்களுக்கு நாளை தொடர்ந்து பேச்சு வார்த்தை நடக்கிறது. பெப்சி யூனியனில் மொத்தம் 21 சங்கள் உள்ளன. இதையடுத்து இன்று முதல் படப்பிடிப்புகள் துவங்கின.

கிளிப்பிங்ஸ்!!!கிளிப்பிங்ஸ்!!!கிளிப்பிங்ஸ்!!!

Sunday, February 26, 2012
* ஷேக்ஸ்பியர் எழுதிய ‘மெக்பெத்’ என்ற ஆங்கில நாடகம் தமிழில் மாற்றம் செய்யப்பட்டு வரும் மே 1ம் தேதி முதல் 5ம் தேதிவரை சென்னை நந்தனம் ஒய்எம்சிஏ மைதானத்தில் நடக்கிறது. தமிழ்நடிகர்கள் போஸ் வெங்கட், திருச்செல்வம், பேராசிரியர் தமிழச்சி தங்கபாண்டியன் உள்ளிட்டோர் நடிக்கின்றனர்.
*சுவையான கேக் தயாரிப்பதில் ஆர்வம் காட்டுகிறார் ப்ரியா ஆனந்த்.
* வடிவேலு பிறவிக் கலை ஞன். அவரை தயாரிப்பாளர்கள் பயன்படுத்திக்கொள்ள வேண்டும் என்று பேசிய வைரமுத்துக்கு வடிவேலு நன்றி தெரிவித்தார்.
* சிவாஜி நடித்த பழம்பெரும் ‘கர்ணன்’ படத்தின் டிஜிட்டல் டிரெய்லர் வெளியீட்டு விழா சமீபத்தில் நடந்தது. மேடை யில் சிவாஜி பெயரிட்டு ஒரு இருக்கை போடப்பட்டது. விழா முடியும்வரை அந்த இருக்கை காலியாகவே விடப்பட்டிருந்தது.

பிரபல நடிகர் நாகார்ஜுனா அரசியலில் குதிக்க முடிவு!திருப்பதியில் பரபரப்பு பேட்டி!!!

Sunday, February 26, 2012
ஐதராபாத்::பிரபல தெலுங்கு நடிகர் நாகார்ஜுனா விரைவில் அரசியலில் குதிக்க முடிவு செய்துள்ளார். தெலுங்கு சூப்பர் ஸ்டார்களில் ஒருவர் நாகார்ஜுனா. பழம் பெரும் தெலுங்கு நடிகர் நாகேஸ்வரராவின் மகன். 52 வயதாகும் நாகார்ஜுனா, தமிழ், தெலுங்கு, இந்தி என பல்வேறு மொழி படங்களில் நடித்துள்ளார். நடிகை அமலாவின் கணவர். இவருடைய 2 மகன்களில் ஒருவரான நாக சைதன்யா, தெலுங்கு படங்களில் கதாநாயகனாக நடிக்கிறார். மற்றொரு மகன் அகிலும், விரைவில் திரையுலகத்துக்கு வர உள்ளார். ஆந்திராவில் நடிகர் சிரஞ்சீவி அரசியலுக்கு வந்து, பிரஜா ராஜ்யம் என்ற கட்சியை தொடங்கினார். கடந்த சட்டப்பேரவை தேர்தலில் அவருடைய கட்சியை சேர்ந்த 18 பேர் எம்எல்ஏக்கள் ஆகினர். அவர்களுடன் காங்கிரசில் சேர்ந்து விட்டார் சிரஞ்சீவி. மற்றொரு பிரபல நடிகரான பாலகிருஷ்ணா, தெலுங்கு தேசம் கட்சியில் சேர்ந்து 2014ம் ஆண்டு தேர்தலில் போட்டியிட போவதாக சமீபத்தில் அறிவித்தார்.

இந்த நிலையில், திருப்பதியில் நேற்று நடைபெற்ற நகைக்கடை திறப்பு விழாவில் நாகார்ஜுனா கலந்து கொண்டார். அப்போது அரசியலுக்கு வருவது பற்றி நிருபர்கள் கேட்ட கேள்விக்கு, அரசியலை நான் ஆர்வமாக கவனிப்பவன். அதில் ஈடுபட வேண்டும் என்று நீண்ட காலமாக நினைக்கிறேன். ஆனால், அது எனக்கு சரிப்பட்டு வருமா என்று தெரியவில்லை. முன்னாள் முதல்வர் ராஜசேகர ரெட்டி அமல்படுத்திய பல திட்டங்கள் எனக்கு பிடிக்கும் என்றார். ராஜசேகர ரெட்டியை பற்றி நாகார்ஜுனா புகழ்ந்து பேசியதால் அவர் காங்கிரசில்தான் சேருவார் என்றும், ராஜசேகர ரெட்டியின் மகன் ஜெகன் மோகன் ரெட்டியின் ஒய்எஸ்ஆர் காங்கிரசில் சேருவார் என்றும் ஆந்திராவில் மக்கள் இப்போதே விவாதிக்க தொடங்கி விட்டனர்.

Saturday, February 25, 2012

நானும் அரசியல்வாதிதான்; தேர்தலில் போட்டியிடுவேன் :நடிகர் வடிவேலு பரபரப்பு பேட்டி!!!

Saturday, February 25, 2012
கடந்த சட்டமன்ற தேர்தலில் திமுகவுக்கு ஆதரவாக தீவிர பிரச்சாரம் மேற்கொண்டார் நடிகர் வடிவேலு. அத்தேர்தலில் அதிமுக வெற்றி பெற்றது முதல் நடிகர் வடிவேலும் சினிமாவில் இருந்து ஓரங்கட்டப்பட்டுவிட்டதாக பேசப்பட்டு வந்தது.

இந்நிலையில் சங்கரன்கோவிலில் இடைத்தேர்தல் நடைபெறுகிறது. இத்தேர்தலில் திமுக வேட்பாளருக்கு ஆதரவு தெரிவித்து பிரச்சாரம் செய்வீர்களா? என்று வடிவேலுவிடம் கேட்கப்பட்ட கேள்விக்கு,‘’வடிவேலுவுக்கு அரசியல் எல்லாம் தேவையா என்று சிலர் கேட்கிறார்கள்.

ஓட்டுப்போடும் அத்தனை பேரும் அரசியல்வாதிகள்தான். ஓட்டுப்போடும் மக்களில் நானும் ஒருவன் என்பதால் நானும் அரசியல்வாதிதான்.என் தாய் சரோஜினி, உடல் நலக்குறைவு காரணமாக மதுரை ஐராவத நல்லூரில் மருத்துவமனையில் உள்ளார்.

அதனால் என்னால் சங்கரன்கோவில் தேர்தல் பிரச்சாரத்தில் ஈடுபடமுடியவில்லதேர்தலில் போட் டியிடுவீர்களா என்று என்னை கேட்கிறார்கள்.

காலமும், சூழ்நிலையும் நிர்ப்பந்திக்கும் போது மக்களை சந்திப்பேன். நான் யாருக்கும் பயந்து ஓடி ஒளிந்து கொள்ளமாட்டேன்.

தீவிர அரசியலில் குதிப்பேன். அரசியலுக்கு நான் வரக்கூடாது என்று சொல்வது அபத்தம். நிச்சயமாக அரசியலுக்கு வந்தே தீருவேன். என்னை யாரும் தடுக்க முடியாது.

திரையுலகம் என்னை ஒதுக்கி ஓரங்கட்டிவிட்டதாக சொல்கிறார்கள். விரைவில் நான் கதாநாயகனாக நடிக்கும் புதுப்பட அறிவிப்பு வெளிவரும்’’ என்று கூறியுள்ளார்.

புலிகளை மையப்படுத்தி உருவாகும் 'ஜாஃப்னா' படத்தில் ஜான் ஆபிரகாம்!!!

Saturday, February 25, 2012
புலிகளை மையமாகக் கொண்டு உருவாகும் புதிய இந்திப் படத்தில் நடிக்கிறார் பிரபல பாலிவுட் நடிகர் ஜான் ஆபிரகாம்.

இந்தப் படத்துக்கு ஜாஃப்னா (யாழ்ப்பாணம்) என்று பெயரிடப்பட்டுள்ளது. படத்தை அவரே தயாரிக்கிறார்.

பிரபல இயக்குனர் ஷூஜித் ஸிர்கர் இயக்குகிறார். இந்திய புலனாய்வு அதிகாரியாக இந்தப் படத்தில் நடிக்கிறார் ஜான் ஆபிரகாம்.

இலங்கையின் அரச படைகளுக்கும் புலிகளுக்கும் நடந்த மோதல்கள் மற்றும் இந்திய அமைதி காக்கும் படை 'ஜாஃப்னா' பகுதிகளில் நிறுத்தப்பட்ட போது புலிகளுடன் ஏற்பட்ட மோதல்கள் குறித்தும் இந்தப் படத்தில் காட்சிகளை வைப்பார்கள் எனத் தெரிகிறது.

அப்படி காட்சிகள் இருக்கும்பட்சத்தில் இந்தப் படம் கடும் பின்விளைவுகளைச் சந்திக்க வேண்டி வரும். காரணம், இந்திய அமைதி காக்கும் படைதான் மிகப் பெரிய பாதிப்பை இலங்கை உண்டாக்கி விட்டதாக புலிகள் குற்றம்சாட்டி, போரிடவும் செய்தனர்.

போர் நடந்த பகுதிகளிலேயே இந்தப் படத்தை எடுக்கப் போவதால், அடிக்கடி யாழ்ப்பாண், வன்னிப்பகுதிகளை பார்த்துவிட்டு வருகிறாராம் ஜான்.

3 படத்தில் ரஜினி? - தனுஷ் குடும்பத்தின் பலே டெக்னிக்!!!

Saturday, February 25, 2012
தனுஷ் நடிப்பில் அடுத்து வெளிவரும் படத்து வைக்கப்பட்டு '3' என்ற தலைப்புக்கு அர்த்தம் என்ன என்ற 'ஆராய்ச்சி' ஆரம்பமாகிவிட்டது.

கொலைவெறி என்ற பாடல் மூலம் உலகம் முழுக்க பேசப்படும் படமாகிவிட்ட, 3-ல் தனுஷ் - ஸ்ருதி ஜோடியாக நடித்துள்ளனர்.

படத்தில் முக்கியமான ஒரு பாத்திரத்தில் சூப்பர் ஸ்டார் ரஜினி தோன்றுவார் என்று முதலில் கூறப்பட்டது. ஆனால் பின்னர் படத்தின் இயக்குநர் ஐஸ்வர்யாவே அதை மறுத்திருந்தார்.

இப்போது படம் முடிந்து வெளியீட்டு உரிமை பேரங்கள் நடக்கும் நிலையில் மீண்டும் படத்தில் ரஜினி நடித்திருக்கிறார் என்ற செய்திகள் மீண்டும் கிளம்பியுள்ளன.

இந்த முறை செய்தியை யாரும் மறுக்கவில்லை. மாறாக படத்தின் தயாரிப்பாளரான கஸ்தூரி ராஜா, படத்தில் இடம்பெற்றுள்ள 3வது முக்கிய நடிகர் குறித்து எதுவும் சொல்ல மாட்டோம். அது சஸ்பென்ஸ் என்று கூறியுள்ளார்.

நல்ல பிஸினெஸ் டெக்னிக் சாரே... ரஜினியே உங்ககிட்ட ட்யூஷன் கத்துக்கணும் போங்க!

என் படத்தில் இனி தனுஷ் கிடையாது : கஸ்தூரிராஜா பேட்டி!!!

Saturday, February 25, 2012
தனுஷை வைத்து இனி படம் இயக்க மாட்டேன்’ என்றார் கஸ்தூரி ராஜா. இதுகுறித்து அவர் கூறியதாவது: என் மருமகள் ஐஸ்வர்யா தனுஷ் ‘3’ படம் மூலம் இயக்குனர் ஆகி இருக்கிறார். இப்படத்தை நான் தயாரிக்கிறேன். அவரது கணவரும் எனது மகனுமான தனுஷ் நடிக்கிறார். உதவி இயக்குனராக ஐஸ்வர்யா பணியாற்றி இருக்கிறார். அந்த அனுபவம் இப்படத்தில் தெரிகிறது. தமிழ், தெலுங்கு, இந்தி என 3 மொழிகளில் மார்ச் மாதம் படம் வெளியாகிறது. இந்தியில் 600 பிரின்ட் போடப்படுகிறது. தமிழில் 300 முதல் 400 பிரின்ட் போடப்படும். ‘3’ என்றால் என்ன என்கிறார்கள். தனுஷ், ஸ்ருதிஹாசன் இருபாத்திரம் 3வது கதாபாத்திரம் யார் என்பதுதான் 3க்கு அர்த்தம். இந்த படத்தில் ரஜினி நடிக்கவில்லை. என் இயக்கத்தில் ‘துள்ளுவதோ இளமை’ படத்தில் தனுஷை ஹீரோவாக அறிமுகப்படுத்தினேன், அதேபோல் என் பேனரில் செல்வராகவனை இயக்குனராக அறிமுகப்படுத்தினேன். இப்போது ஐஸ்வர்யாவை அறிமுகப்படுத்தி உள்ளேன். புதுமுகங்களை வைத்துத்தான் நான் படம் இயக்குகிறேன். அந்த வகையில் இனி தனுஷை வைத்து இயக்க மாட்டேன். புதுமுகங்களை வைத்து அசுரகுலம் என்ற படம் இயக்குகிறேன். அடுத்து மலையாளத்தில் ஒரு படம் இயக்க உள்ளேன். தமிழ் கலைஞர்கள் உலகப் புகழ்பெற்றாலும் அவரை பாராட்டும் எண்ணம்மட்டும் இங்கு வருவதில்லை. தனுஷ் பாடிய ‘ஒய் திஸ் கொலைவெறி’ பாடலுக்கு உலகம் முழுவதும் பாராட்டு கிடைக்கிறது. ஆனால் தமிழ் கலைஞனான அவனை இங்குள்ளவர்கள் பாராட்டாதது வருத்தம் அளிக்கிறது.

சைவ இயக்கம் எகிறும் பிஸ்னஸ்!!!

துள்ற யூத் படம் எடுத்த இயக்கம் திடீர்ன்னு மல்லுவுட் படம் இயக்கப்போறதா சொல்றாராம்... சொல்றாராம்... யூத் படம்னாலே சகட்டு மேனிக்கு ஜிவ்வான கிக் சீன் வெக்கறவரு மலையாள படம் எடுத்தா எப்படி இருக்கும்னு இப்பவே சப்புகொட்ட ஆரம்பிச்சிட்டாங்களாம்... யாரும் ரொம்ப கற்பனை பண்ணிக்காதீங்க நான் இயக்கப்போறது பேமலி சென்டிமென்ட் படம்தானு இயக்கம் சொல்றாராம். திடீர்ன்னு ஏன் இயக்கம் இப்படி சைவமா மாறிட்டாருன்னு கேக்கறாங்களாம்... கேக்கறாங்களாம்...

சூப்பர் ஹீரோவோ கோச்சு... படத்துக்கு நடிகர்கள் பட்டியல் நீள்றாப்ள பட்ஜெட்டும் நீண்டுகிட்டே போகுதாம்... போகுதாம்... படத்துக்கு எத்தன ‘சி’ செலவாகும்னு பட்ஜெட் போடப் போட படத்தோட பிஸ்னஸும் ‘சி’ கணக்குல எகிறிட்டே போகுதாம்... பலபேர் போட்டில குதிச்சதால யாருக்கு படத்த தர்றதுன்னு தெரியாம திணறிட்டிருக்காங்களாம். யார் டாப் ரேங்க்ல கேக்கறாங்களோ அவங்கள பிக்ஸ் பண்ணுங்க. இதுல பிரண்ட்ஸ், பாவம்ல்லாம் பாக்காதீங்கனு பைனான்ஸ் டிபார்ட்மென்ட் அட்வைஸ் கொடுத்திருக்காம்...அட்வைஸ் கொடுத்திருக்காம்...

டோலிவுட் மோகனான வில்லன் ஆக்டரோட மகன் நடிக்கற படத்துக்கு ‘என்’ என்ற எழுத்துல ஆரம்பிக்கற செல் கம்பெனி பேர் வச்சாங்களாம்... வச்சாங்களாம்... போஸ்டர் எல்லாம் ரெடிபண்ணி ஆடியோ ரிலீஸுக்கு தயாரானப்ப திடீர்னு டைட்டிலுக்கு செல் கம்பெனி எதிர்ப்பு தெரிவிச்சிடுச்சாம். சண்டை போடறதவிட ஒதுங்கறதே மேலுன்னு முடிவு பண்ண தயாரிப்பு படத்தோட பேற ‘என்’ ல தொடங்கனாலும் வேற தொனில உச்சரிக்க மாதிரி மாத்திட்டாங்களாம்... மாத்திட்டாங்களாம்...
Saturday, February 25, 2012
ரசிகர்களின் சில்மிஷத்தில் இருந்து தப்பிக்க, கோலிவுட் ஹீரோயின்கள் தனியார் செக்யூரிட்டிகளை வாடகைக்கு அமர்த்தி கொள்வது பேஷன் ஆகி வருகிறது.பெரும்பாலான ஹீரோக் கள் ரசிகர்களின் அன்புத்தொல்லையில் சிக்கும்போது தப்பி வெளியேறிவிடுகின்றனர். ஹீரோயின்களால் அது சாத்தியமில்லை. பொது நிகழ்ச்சிக்கு வரும் ஹீரோயின்களிடம் ரசிகர்கள் ஆட்டோகிராப் வாங்குவதுபோல் நெருங்கி இடுப்பை கிள்ளுவது, கைகுலுக்குவது போன்ற சில்மிஷங்களில் ஈடுபடுகின்றனர். சமீபத்தில் தெலுங்கு பட ஷூட்டிங்கின்போது ஸ்ரேயாவின் இடுப்பை ஒரு ரசிகர் கிள்ளி சில்மிஷத்தில் ஈடுபட்டார். அதேபோல் கோவையில் ஒரு நிகழ்ச்சிக்கு சென்ற ஹன்சிகாவை ரசிகர்கள் சூழந்துகொண்டனர். அவரை போலீசார் மீட்டனர். இதுபோன்ற இக்கட்டான வேளையில் தங்களை காத்துக்கொள்ள ஹீரோயின்கள் தனியார் செக்யூரிட்டிகளை வாடகைக்கு அமர்த்திக்கொள்கின்றனர். பொது நிகழ்ச்சிகளுக்கு வரும்போது நமீதா, செக்யூரிட்டி வளையத்துக்குள் நடந்தபடி வருவார். அவரை ரசிகர்கள் நெருங்கவோ, சில்மிஷம் செய்யவோ முடியாது. இதுபற்றி நமீதா கூறும்போது,‘‘பொது இடங்களில் ரசிகர்களின் சில்மிஷத்தில் இருந்து தற்காத்து கொள்ள தனியார் செக்யூரிட்டிகள் அவசிய தேவையாகிறது. இதற்காக ரூ.20 ஆயிரம் வரை கட்டணம் வசூலிக்கிறார்கள். அதுவொன்றும் பெரிய கட்டணமில்லை’’ என்றார். ஹன்சிகாவிடம் கேட்டபோது,‘‘ரசிகர்கள் என்றால் பிரியமான ஹீரோயின்களை நெருக்கத்தில் பார்க்க ஆர்வம் காட்டுவார்கள். அதில் தப்பில்லை. அதிலிருந்து மீள்வதற்கு போலீசை நாடலாம். தனியார் செக்யூரிட்டி வைப்பதில் எனக்கு உடன்பாடில்லை. நம்முடைய ரகசியங்களை வெளியிடுபவர்கள் அவர்களாகத்தான் இருப்பார்கள்’’ என்றார்.

சினிமா தியேட்டரில் அமலாபால் கண்ணீர்!!!

Saturday, February 25, 2012
சினிமா தியேட்டருக்கு சென்ற அமலாபால் கண்ணீர்விட்டார். இதுபற்றி அவர் கூறியதாவது: ‘மைனா’ படத்தில் நடித்தபோது ஏற்பட்ட உணர்வு இப்போது லவ் ஃபெயிலியர் (காதல் தோல்வி) என்ற தெலுங்கு படத்தில் நடித்தபோது ஏற்பட்டிருக்கிறது. தமிழில் ‘காதலில் சொதப்புவது எப்படி’ என்ற பெயரில் உருவாகி இருக்கிறது. ஐதராபாத்தில் உள்ள தியேட்டருக்கு சமீபத்தில் பட குழுவினருடன் சென்று படம் பார்த்தேன். படம் முடிந்ததும் ரசிகர்கள் எழுந்து நின்று கைதட்டி ‘பார்வதி வி லவ் யு’ என்றார்கள். அதைக்கண்டு என் கண்களில் கண்ணீர் வந்துவிட்டது. ‘லவ் ஃபெயிலியர்’ என்ற தலைப்பும், படமும் என் மனதில் இடம்பிடித்திருக்கிறது. பார்வதி என்று நான் ஏற்றிருக்கும் பாத்திரம் ஒவ்வொருவரும் தனது பக்கத்து வீட்டில் இருக்கும் பெண்ணை பார்ப்பதுபோல் உணர்வதாக கூறுகிறார்கள். தோல்வி என்ற வார்த்தை என் சினிமா வாழ்க்கையில் வெற்றி என்ற இனிப்பை கொடுத்திருக்கிறது. இவ்வாறு அமலா பால் கூறினார்.

ரஜினிக்கு ஜோடி யார்? தீபிகா-கேத்ரினா லடாய்!

Saturday, February 25, 2012
ரஜினிக்கு ஜோடியாக முதலில் என்னைத்தான் அழைத்தார்கள் என்று தீபிகா, கேத்ரினா இடையே மோதல் ஏற்பட்டுள்ளது. ‘கோச்சடையான்’ படத்தில் ரஜினிக்கு ஜோடியாக நடிக்க முதலில் கேத்ரினா கைப்பிடம் இயக்குனர் சவுந்தர்யா கால்ஷீட் கேட்டார். அதில் பிரச்னை ஏற்பட்டதால் தீபிகா படுகோன் ஒப்பந்தம் செய்யப்பட்டார். தங்களுக்கு அளித்த கால்ஷீட்டை ரத்துசெய்துவிட்டு ரஜினி படத்துக்கு கால்ஷீட் தந்துவிட்டதாக பாலிவுட் தயாரிப்பாளர் ஒருவர் தீபிகா மீது புகார் அளித்தார். இப்பிரச்னை சுமூகமாக முடிக்க பேச்சு நடக்கிறது. இந்நிலையில் ரஜினிக்கு ஜோடியாக நடிக்க முதலில் யாருக்கு அழைப்பு வந்தது என்பதில் கேத்ரினா-தீபிகாவுக்கு இடையே மோதல் ஏற்பட்டுள்ளது. ‘ரஜினி ஜோடியாக நடிக்க சவுந்தர்யா என்னிடம்தான் முதலில் பேசினார். ஷாருக்கான் படத்துக்கு கால்ஷீட் கொடுத்திருந்ததால் நடிக்க முடியாமல்போனது. அதன் பிறகுதான் அந்த வாய்ப்பு தீபிகாவுக்கு சென்றது’ என்று கேத்ரினா கைப் கூறி இருக்கிறார்.

தன்னை மட்டம்தட்டுவதுபோல் பேசிய கேத்ரினாவுக்கு தீபிகா சூடான பதில் அளித்துள்ளார், ‘கேத்ரினாவுக்கு முன்னதாகவே ராணா படத்தில் ரஜினி ஜோடியாக என்னைத்தான் ஒப்பந்தம் செய்தனர். இப்போதும் நான்தான் ரஜினிக்கு ஜோடி’ என்றார். இவர்களின் மோதலுக்கு காரணம் பாலிவுட் இளம் ஹீரோ ரன்பீர்கபூர்தான் என்று கூறப்படுகிறது. இவருடன் நெருக்கமாக பழகிவந்தார் தீபிகா. திடீரென்று கேத்ரினாவுடன், ரன்பீர் நெருக்கமானதை தொடர்ந்து அவரைவிட்டு தீபிகா விலகினார். இந்நிலையில் மீண்டும் தீபிகா, ரன்பீருக்கும் நெருக்கமான உறவு ஏற்பட்டிருக்கிறது. ரன்பீருக்கு பிடித்தமானவர்கள் யார் என்பதை நிரூபிக்கும் போட்டியின் முதல் கட்டமாகவே இரு ஹீரோயின்கள் மத்தியிலும் ரஜினி பட ஜோடி விவாகாரம் வெடித்துள்ளதாக பாலிவுட் வட்டாரங்கள் தெரிவிக்கின்றன.

‘நோ’ அம்மா வேஷம்: மேக்னா ராஜ் கறார்!

Saturday, February 25, 2012
மேக்னா ராஜ் கூறியதாவது: ‘காதல் சொல்ல வந்தேன்’, ‘உயர்திரு 420’ படத்துக்கு பிறகு சரத்குமாருடன் நான் நடித்துள்ள ‘நரசிம்மன் ஐபிஎஸ்’ என்ற படம் வெளியாகிறது. இது மலையாளத்தில் ‘அச்சன்டே ஆண்மக்கள்’ என்ற பெயரில் உருவானது. கோவை போலீஸ் அதிகாரியாக சரத் நடிக்கிறார். டிஜிபி மகளாக கல்லூரி மாணவி வேடம் ஏற்கிறேன். கல்லூரியில் படிக்கும்போதே சரத்குமாரை காதலிக்கிறேன். பெரியவர்கள் சம்மதத்துடன் திருமணம் நடக்கிறது. அதன்பிறகு எங்கள் வாழ்க்கை எப்படி அமைகிறது என்பது கதை. 2 வயது குழந்தைக்கு தாயாக வேடம் ஏற்றிருக்கிறேன். ‘அம்மா வேடத்தில் நடிக்கிறீர்களே’ என்கிறார்கள். நடிகை என்றால் எல்லா பாத்திரத்திலும் தன்னை நிரூபிக்க வேண்டும். இதில் நடிப்புக்கு அதிக வாய்ப்பு உள்ளது. 2 வயது குழந்தைக்குத்தான் தாயாக நடிக்கிறேன். எந்த ஹீரோயினுக்கும் அம்மாவாக நடிக்கவில்லை, அப்படி நடிக்கவும் மாட்டேன். ஏனென்றால் நானே ஹீரோயின்தான். இப்படத்தை சந்திரசேகர் இயக்கி இருக்கிறார். ஜாஸிகிப்ட் இசை. அடுத்து ‘நந்தா நந்திதா’ வெளியாக உள்ளது.

Friday, February 24, 2012

இந்தியன் படக் கதையை ரஜினிக்காகத்தான் உருவாக்கினேன் - ஷங்கர்!

Friday, February 24, 2012
இந்தியன் படக்கதையில் முதலில் நடிக்கவிருந்தவர் சூப்பர் ஸ்டார் ரஜினிதான். ஆனால் பின்னர் கமல் நடித்தார் என்று இயக்குநர் ஷங்கர் தெரிவித்துள்ளார்.

இதுகுறித்து அவர் விகடன் மேடையில் வாசகர் கேள்வி ஒன்றுக்கு அளித்த பதிலில், "'இந்தியன்’ கதையை முதன்முதலில் ரஜினி சாருக்குத்தான் சொன்னேன் என்பது பலருக்குத் தெரியாது. கதை, திரைக்கதை, முழுமை அடையாத ஆரம்பக் கட்ட நிலையில் சொன்னதால் அதைச் செய்வதில் ரஜினி சாருக்குத் தயக்கம் இருந்தது. 'இந்தியன்’ படம் முடிந்து, அவருக்குப் போட்டுக் காட்டினேன். படம் முடிந்ததும் ஓடி வந்து என்னை இறுக்கிக் கட்டியணைத்து, 'சூப்பர்... சூப்பர்...’ எனத் தட்டிக்கொடுத்து, 'இப்படி எனக்கு நீங்க சொல்லவே இல்லியே’ என்று ஆச்சர்யப்பட்டார்.

நீங்கள் உற்றுப்பார்த்தீர்களானால் 'இந்தியன்’ தாத்தா, இன்டர்வெல் காட்சியில் உட்கார்ந்தபடியே ஈஸி சேர் பலகையால் நெடுமுடி வேணுவைத் தட்டிவிடுவார். வர்மக் கலையில் அவரை வீழ்த்திக் கீழே கிடக்கிற துண்டை எடுத்து ஸ்டைலாகத் தோளில் போடுவார். பிறகு, எழுந்து கலைந்த முடியை ஸ்டைலாகக் கோதி சரி செய்வார். இது ரஜினி சாரை மனதில்வைத்து நான் உருவாக்கிய காட்சி என்பது கமல் சாருக்குத் தெரியாது. அதை முற்றிலும் அவரது ஸ்டைலில் வேறுவிதமாகச் செய்து அசத்தி இருப்பார்.

ரஜினி சார் இப்போதுகூட, 'நான் முதல்வன் பண்ணாததுகூட எனக்கு வருத்தம் இல்ல... 'இந்திய’னைத்தான் மிஸ் பண்ணிட்டேன்!’ என்று சொல்வார்," என்று குறிப்பிட்டுள்ளார்.

தெலுங்கில் 'டூப்ளிகேட்' ஆன சூர்யாவின் மாற்றான்!!!

Friday, February 24, 2012
கே வி ஆனந்த் இயக்கத்தில் சூர்யா நடிக்கும் மாற்றான் படம், தெலுங்கில் டூப்ளிகேட் என்ற பெயரில் வெளியாகவிருக்கிறது.

கல்பாத்தி அகோரம் தனது ஏஜிஎஸ் பேனரில் தயாரிக்கும் படம் மாற்றான். சூர்யா ஐந்து வித்தியாசமான ரோல்களை இந்தப் படத்தில் செய்கிறார். காஜல் அகர்வால் அவருக்கு ஜோடியாக நடிக்கிறார்.

ஹாரிஸ் ஜெயராஜ் இசை அமைத்துள்ளார்.

பால்கன் நாடுகள் எனப்படும் ரஷ்யா, செர்பியா, குரேஷியா, மாசிடோனியா மற்றும் அல்பேனியாவில் இந்தப் படத்தின் ஷூட்டிங் நடத்தப்பட்டுள்ளது.

சூர்யா படங்களுக்கு தெலுங்கிலும் நல்ல வரவேற்பு உள்ளதால், இந்தப் படத்தை நேரடி தெலுங்குப் படம் என்ற அளவுக்கு பக்காவாக டப் பண்ணப் போகிறாராம் இயக்குநர் கே வி ஆனந்த். தெலுங்கு பதிப்புக்கு டூப்ளிகேட் என பெயர் சூட்டியுள்ளார்.

மே அல்லது ஜூனில் இந்தப் படம் வெளியாகவிருக்கிறது.

சவுண்ட் காமெடி ராசி ஹீரோயின்!!!

Friday, February 24, 2012
சந்தான காமெடி சவுண்ட் பார்ட்டியாகி இருக்காராம்... இருக்காராம்... கால்ஷீட் வேணும்னு யாராவது கேட்டா பாக்கலாம்னு சொல்றாராம்... சமீபத்துல அவர தனியா அழைச்ச பிரகாச பிரதர் ஹீரோக்கள் தாங்கள் நடிக்கிற அரை டஜன் படத்துல நீங்கதான் நடிக்கணும்னு அட்வான்ஸ திணிச்சாங்களாம்... காமெடியும் பிகு பண்ணாம வாங்கிக்கிட்டாராம்... வாங்கிக்கிட்டாராம்...

சமந்தமான ஹீரோயினுக்கு கோலிவுட்ல எந்த படமும் சக்சஸ் ஆகாததால நெறய பேர் ராசி பார்த்து நடிகய ஓரங்கட்டுனாங்களாம்... கட்டுனாங்களாம்... ஆனா அவர் டோலிவுட்ல நடிச்ச 3 படம் ஹிட்டானதால மவுசு கூடிப்போச்சாம்... வேணாம்னு ஒதுக்கன இயக்கங்கள் எல்லாம் இப்ப ‘நீங்க ராசியான ஹீரோயின்’னு சொல்லி டேட் கேட்டு காத்திருக்காங்களாம்... அவரோ ‘பெல்’ இயக்கம் படத்துல நடிக்கறதால நெக்ஸ்ட் இயர் பாக்கலாம்னு திருப்பி அனுப்பிடுறாராம்... அனுப்பிடுறாராம்...

சுதீப்பான நடிகரு கோலிவுட்ல பயங்கர வில்லனா நடிச்சாரு... நடிச்சாரு... திடீர்னு சேண்டல்வுட்ல அவருக்கு கிராக்கி ஏற்பட்டதால கோலிவுட் படங்களுக்கு கால்ஷீட் இல்லைனு கைவிரிக்கிறாராம். டைரக்டராவும் ஆயிட்டதாலே இப்ப கிரேடு கூடிப்போச்சாம். எல்லா ஆர்ட்டிஸ்டையும் சக ஆக்டருங்க மாதிரி பாக்காம இயக்குனர் பார்வையிலேயே பாக்கறாராம். இதனால பிரண்ட்ஸா
பழகுனவங்ககூட ஒதுங்கறாங்களாம்... ஒதுங்கறாங்களாம்...

தமிழில் நடிப்பதற்காக கன்னட படத்தில் இருந்து வெளியேறிய ஹீரோயின்

Friday, February 24, 2012
தமிழ் படத்தில் நடிப்பதற்காக கன்னட படத்தில் இருந்து வெளியேறினார் ஹீரோயின். பெங்களூரை சேர்ந்த மாடல் அழகி சுபா புட்லா. தென்னிந்திய அழகி போட்டியில் வென்றவர். கன்னட பட இயக்குனர் ரவிவர்மா இயக்கும் படத்தில் நடிக்க ஒப்புக்கொண்டார். பின்னர் திடீரென்று அப்படத்தில் இருந்து விலகி தமிழ் படத்தில் நடிக்க கால்ஷீட் கொடுத்தார். இதுபற்றி ரவிவர்மா கூறுகையில், ‘‘என் படத்தில் சுபா நடிக்க இருந்தது. சில நாட்களுக்கு முன்பே இது முடிவானது. ஆனால், அவர் நடிப்பதில் அவரது அப்பாவுக்கு விருப்பம் இல்லையாம். நடிக்க கூடாது என்று அவர் சொல்லிவிட்டதால் சுபா அப்படத்தில் இருந்து விலகிவிட்டார். அம்மாவிடம் பேசியும் அனுமதி கிடைக்கவில்லை. யாரையும் கட்டாயப்படுத்தி நடிக்க வைக்க எனக்கு விருப்பம் இல்லை’’ என்றார். கன்னடத்தில் நடிக்காமல் விலகிய சுபா தமிழில் ‘மாலை பொழுதின் மயக்கத்திலே’ என்ற படத்தில் நடித்து வருகிறார். தமிழ் படத்தில் நடிப்பதால்தான் கன்னட படத்தில் நடிக்க மறுத்துவிட்டேன் என்று அவர் கூறியிருக்கிறார். இதுகுறித்து அவர் கூறும்போது, ‘ஏற்கனவே தமிழ் படங்களுக்கு கால்ஷீட் கொடுத்ததால் கன்னட படத்தில் நடிக்க முடியவில்லை. புதுமுகமாக நடிக்கலாம் என்று இருந்தேன். கால்ஷீட் பிரச்னையால்தான் நடிக்க முடியவில்லை. பட குழுவுடன் பேசிதான் இந்த முடிவை எடுத்தேன். தமிழ் பட ஷூட்டிங் விரைவில் முடிகிறது. நல்ல வாய்ப்பு வந்தால் கன்னட படங்களில் நடிப்பேன்’ என்றார்.

சூர்யா ஜோடியாக மீண்டும் ஸ்ருதியா : வெங்கட் பிரபு பதில்!

Friday, February 24, 2012
சூர்யா ஜோடியாக மீண்டும் ஸ்ருதி ஹாசன் நடிக்கிறாரா என்றதற்கு பதில் அளித்தார் வெங்கட்பிரபு. இதுபற்றி அவர் அளித்த பேட்டி: மங்காத்தா வெற்றியை தொடர்ந்து மீண்டும் அஜீத் படம் இயக்குகிறீர்களா என்கிறார்கள். மீண்டும் இயக்குவேன். ஆனால் அதற்கு இன்னும் நேரம் இருக்கிறது. தற்போது சூர்யா நடிக்கும் படத்தை இயக்குகிறேன். ரவி தேஜாவும் நடிக்கிறார். இருவரும் வெவ்வேறு படங்களில் நடித்து வருகின்றனர். அப்படங்களை முடித்தவுடன் என் படத்தில் நடிப்பார்கள். சமீபத்தில் அஜீத்தை சந்தித்தேன். சினிமா தவிர பல்வேறு விஷயங்கள் குறித்து பேசினோம். மீண்டும் அவருடன் இணைந்து பணியாற்ற வேண்டும் என்று ஆசையாக இருக்கிறேன். சூர்யா நடிக்கும் படத்தின் ஸ்கிரிப்ட் முடிந்துவிட்டது. இது ஆக்ஷன் - த்ரில்லர் படம். அதே நேரம், ஹீரோக்கள் காமெடி காட்சிகளிலும் நடிக்க உள்ளனர். இப்படத்தில் முன்னணி நடிகை ஒருவர் நடிக்க உள்ளார். 7ம் அறிவு படத்துக்கு பிறகு இப்படத்திலும் சூர்யா ஜோடியாக ஸ்ருதி ஹாசன் நடிக்கிறாரா என்கிறார்கள். அது வதந்திதான். இவ்வாறு வெங்கட்பிரபு கூறினார்.

பெப்சி பிரச்சினைக்கு மத்தியில் விஜய்யின் பட ஷூட்டிங் மீண்டும் தொடங்குகிறது!

Friday, February 24, 2012
விஜய் நடிக்கும் துப்பாக்கி படத்தின் படப்பிடிப்பு மீண்டும் தொடங்குகிறது. தமிழகம், ஆந்திரா என எங்கும் பெப்சி பிரச்சினை தலைவிரித்தாடுவதால், மும்பையிலேயே முழுப் படப்பிடிப்பையும் நடத்த முடிவு செய்துள்ளார் இயக்குநர் முருகதாஸ்.

பெப்சி பிரச்சினை காரணமாக துப்பாக்கி படத்தை இடையில் நிறுத்திவிட்ட முருகதாஸ், ஒரு குறும்படத்தை இயக்குவதில் கவனம் செலுத்தி வந்தார்.

இது விஜய்க்கு கவலையளித்தது. படப்பிடிப்பு இல்லாததால் அவரும் கூப்பிட்ட விழாக்கள், சலூன் திறப்பு என அனைத்துக்கும் போய் வந்தார்.

இந்த நிலையில் மீண்டும் படப்பிடிப்பைத் தொடங்கியுள்ளார் முருகதாஸ். கதைப்படி விஜய் மும்பையில் போலீஸ் அதிகாரி. எனவே மொத்தப் படத்தையும் மும்பையிலேயே முடித்துவிடத் திட்டமிட்டுள்ளனர்.

பெப்சி தொழிலாளர் பிரச்சினையும் அங்கு வராது என்பதால் இந்த முடிவு என்கிறார்கள். ஆனால் சில தினங்களுக்கு முன் அஜீத்தின் பில்லா 2 படப்பிடிப்பு மும்பையில் நடந்தபோது பெப்சிக்காரர்கள் பிரச்சினை செய்தது குறிப்பிடத்தக்கது.

இன்னொரு பக்கம், பெப்சி - தயாரிப்பாளர் தகராறு இன்னும் முடிவுக்கு வராததால் அனைத்து படப்பிடிப்புகளும் நின்றுபோய், கோடம்பாக்கமே ஸ்தம்பித்துள்ள நிலையில், விஜய் படத்தின் ஷூட்டிங்கை நடத்துவது முணுமுணுப்பைக் கிளப்பியுள்ளது.