Tuesday, May 22, 2012

10 நாட்களில் ரூ.52 கோடி அள்ளிய கப்பார் சி்ங்: தெலுங்கில் பாக்ஸ் ஆபீஸ் ராணியான ஸ்ருதி ஹாசன்!!!

Tuesday, ,May, 22, 2012
பவன் கல்யாண், ஸ்ருதி ஹாசன் நடித்த கப்பார் சிங் திரைக்கு வந்த 10 நாட்களில் ரூ.52 கோடி வசூல் செய்து புதிய சாதனை படைத்துள்ளது. இது மகதீரா, தூக்குடு ஆகிய படங்களின் வசூல் சாதனையை முறியடித்துள்ளது என்பது குறிப்பிடத்தக்கது.

இந்தியில் சல்மான் கான், சோனாக்ஷி சின்ஹா நடித்து ஹிட்டான தபாங் படத்தின் தெலுங்கு ரீமேக் தான் கப்பார் சிங். சிரஞ்சீவியின் தம்பி பவன் கல்யாண், ஸ்ருதி ஹாசன் நடித்துள்ள இந்த படம் கடந்த 11ம் தேதி உலகம் முழுவதும் திரையிடப்பட்டது. முதல் வாரத்திலேயே ரூ. 42.55 கோடி வசூலாகி பாக்ஸ ஆபீஸில் புதிய சாதனை படைத்தது. இந்த படத்தின் முதல் வார வசூல் மகதீரா, தூக்குடு ஆகிய படங்களின் வசூல் சாதனையை முறியடித்துள்ளது.

இந்நிலையில் படம் ரிலீஸான 10 நாட்களிலேயே ரூ.52.25 கோடி வசூலாகியுள்ளது. இரண்டாவது வாரத்தில் ரூ.9.70 கோடி வசூலாகியுள்ளது. இரண்டாவது வாரத்தில் இந்த படத்தின் வசூல் ரூ.65 கோடியைத் தொடும் என்று எதிர்பார்க்கப்படுகிறது.

நீண்ட நாட்களாக ஹிட் கொடுக்காத பவன் கல்யாணுக்கு இந்த படம் பெரிய பெயர் வாங்கிக் கொடுத்துள்ளது. தெலுங்கில் ஸ்ருதி ஹாசன் நடித்த முதல் 2 படங்கள் ஓடாத நிலையில் கப்பார் சிங் சூப்பர் டூப்பர் ஹிட்டாகியுள்ளது. இதனால் டோலிவுட்டில் ஸ்ருதியின் மவுசு கூடியுள்ளது என்பது குறிப்பிடத்தக்கது. இந்த படத்தில் ஸ்ருதியின் நடிப்பு வெகுவாகப் பேசப்பட்டுள்ளது.

சல்மான் கான் படத்திற்கு ஜி.வி.பிரகாஷ் இசை!!!

Tuesday, ,May, 22, 2012
தமிழில் முன்னணி இசையமைப்பாளராக இருக்கும் ஜி.வி.பிரகாஷ் குமார் இப்போது இந்தியில் சல்மான் கான் படத்திற்கு இசையமைக்க இருக்கிறார். ஜெயம் ரவி, தமன்னா நடிப்பில் வெளிவந்த படம் தில்லாலங்கடி. இப்படம் இந்தியில் ரீ-மேக் செய்யப்பட இருக்கிறது. இதில் சல்மான் கான் தான் ஹீரோவாக நடிக்கிறார். இப்படத்திற்கு தான் ஜி.வி. இசையமைக்க இருக்கிறார். தற்போது தாண்டவம் படத்திற்காக ஆங்கில பாடல் ஒன்றை கம்போசிங் செய்து முடித்து இருக்கிறார். இதுதவிர பாரதிராஜா, பாலா, வெற்றிமாறன் ஆகியோரது படங்களுக்கும் இசையமைத்து வருகிறார். இந்தபடங்களை முடித்த பிறகு விரைவில் சல்மான் கான் படத்திற்கு இசையமைக்க இருக்கிறார்.

இதுகுறித்து சல்மான் கான் கூறுகையில், இது எனக்கு கிடைத்த மிகப்பெரிய வாய்ப்பு. தமிழ் படங்களை முடித்த பிறகு சல்மான் படத்தில் இசையமைக்கிறேன் என்று கூறியுள்ளார். மேலும் பெரிய டைரக்டர்களுடன் பணியாற்றுவது ரொம்ப பெருமையாக இருக்கிறது. ஒவ்வொரு டைரக்டரிடமும் பல புது விஷயங்களை கற்றுக்கொள்கிறேன் என்று கூறியுள்ளார்

நியூயார்க் திரைப்பட விழாவில் ,3;: சர்வதேச பட விழாவுக்கு ‘3’ படம் தேர்வானது மகிழ்ச்சி: ஐஸ்வர்யா!!!

Tuesday, ,May, 22, 2012
3 படம் நியூயார்க் திரைப்பட விழாவில் பங்கேற்க இருக்கிறது. 3 படம் மூலம் இயக்குநராக அவதரித்தவர் ஐஸ்வர்யா தனுஷ். இப்படத்தின் நாயகனாக தனது கணவர் தனுஷை நடிக்க வைத்தார். நாயகியாக கமல்ஹாசன் மகள் ஸ்ருதிஹாசன் நடித்தார். இப்படம் வெளியாவதற்கு முன்பு இப்படத்தில் உள்ள ஒய்திஸ் கொலவெறி பாடல் உலகம் முழுக்க பிரபலமாகி பட்டிதொட்டியெல்லாம் பரவியது. இதனால் இந்தபடத்திற்கு மிகப்பெரிய எதிர்பார்ப்பு உண்டானது. சமீபத்தில் வெளியான இப்படம் ஓரளவுக்கு நல்ல வரவேற்பை பெற்றது. இந்நிலையில் இப்படம் நியூயார்க் திரைப்பட விழாவில் பங்கேற்க இருக்கிறது. இதற்காக ஆயத்தமாகி வருகிறார் ஐஸ்வர்யா.

இதுகுறித்து 3 படத்தின் டைரக்டரும், தனுஷின் மனைவியுமான ஐஸ்வர்யா கூறுகையில், என்னுடைய முதல்படமே சர்வதேச திரைப்பட விழாவில் பங்கேற்க இருக்கிறது என்று எண்ணும்போது ரொம்ப பெருமையாகவும், மகிழ்ச்சியாகவும் இருக்கிறது. இந்தவிழாவில் பங்கேற்பதற்காக நான் நம்ம நாட்டு பாரம்பரிய உடையில் செல்ல இருக்கிறேன் என்று கூறியுள்ளார்...

தனுஷ்-ஸ்ருதிஹாசன் ஜோடியாக நடித்த ‘3’ படம் சமீபத்தில் ரிலீசானது. தனுஷ் மனைவி ஐஸ்வர்யா இயக்கத்தில் இப்படம் வந்தது. ‘3’ படத்துக்கு எதிர்பார்த்த வசூல் இல்லாததால் நஷ்டமடைந்து விட்டதாக தெலுங்கு விநியோகஸ்தர் நட்டிகுமார் குற்றம் சாட்டினார். போலீசிலும் புகார் செய்தார்.

இந்த சர்ச்சையால் மனம் உடைந்து இருந்த ஐஸ்வர்யாவுக்கு ‘3’ படம் நியூயார்க்கில் நடைபெறும் இந்திய திரைப்பட விழாவில் திரையிட தேர்வானது மகிழ்ச்சியை ஏற்படுத்தி உள்ளது.

இவ்விழாவில் ஆடுகளம், அழகர்சாமியின் குதிரை உள்ளிட்ட மேலும் சில தமிழ் படங்களும் திரையிடப்படுகிறது. திரைப்பட விழாவில் பங்கேற்க ஐஸ்வர்யா நியூயார்க் செல்கிறார். அவர் கூறியதாவது:-

நியூயார்க் இந்திய திரைப்பட விழாவில் ‘3’ படம் திரையிடப்படுவது மகிழ்ச்சியை ஏற்படுத்தி உள்ளது. புது இயக்குனரான என்னை அவ்விழாவில் கவுரவிக்க இருக்கிறார்கள். சர்வதேச அளவுக்கு ‘3’ படம் போய் இருப்பது பெருமை அளிக்கிறது.

இவ்வாறு அவர் கூறினார்.

நடிகர் சங்க தேர்தலில் ராதாரவியை எதிர்த்து போட்டியிடுவேன்: குமரிமுத்து!!!

Tuesday, ,May, 22, 2012
நடிகர் சங்கத்துக்கு அடுத்த மாதம் (ஜூன்) 10-ந்தேதி தேர்தல் நடக்கிறது. வேட்புமனு தாக்கல் நாளை தொடங்குகிறது. மனுக்களை வாபஸ் பெற 30-ந்தேதி கடைசி நாள் ஆகும்.

இதில் தலைவர் பதவிக்கு சரத்குமாரும், செயலாளர் பதவிக்கு ராதாரவியும் மீண்டும் போட்டியிடுகின்றனர். நடிகர் சங்க பொதுச் செயலாளர் பதவிக்கு போட்டியிடப் போவதாக சிரிப்பு நடிகர் குமரிமுத்து அறிவித்து உள்ளார். இதுபற்றி அவர் கூறியதாவது:-

நடிகர் சங்க தேர்தலில் நான் பொதுச்செயலாளர் பதவிக்கு போட்டியிடுகிறேன். நாளை வேட்புமனு தாக்கல் செய்ய உள்ளேன். நடிகர் சங்கத்தில் ஒரு மாற்றம் வேண்டும் என்பதற்காகவே தேர்தலில் நிற்கிறேன். ராதாரவிக்கு போட்டியாகவோ அவரை எதிர்க்க வேண்டும் என்ற நோக்கத்திலோ நான் நிற்கவில்லை.

ராதாரவி எனக்கு சகோதரர் போன்றவர். அவரது தந்தையான நடிகவேல் எம்.ஆர்.ராதா எனக்கு மானசீக குரு. திரையுலகில் மட்டுமின்றி அரசியலிலும் புரட்சி ஏற்படுத்தியவர் எம்.ஆர்.ராதா. பெரியார் சொல்லும் கருத்துக்களை அப்படியே மேடையில் பேசி மக்களிடம் கொண்டு சென்றவர். அவரது மகன் ராதாரவி எனது மரியாதைக்கு உரியவர்.

நடிகர்-நடிகைகளுக்கு நிறைய உதவிகள் செய்ய என்னிடம் திட்டம் உள்ளது. நடிகர் சங்கத்தின் மூலம்தான் அதை நிறைவேற்ற முடியும். எனவேதான் களத்தில் இறங்கியுள்ளேன். வெற்றி பெறுவேனா, தோல்வி அடைவேனா என்பது முக்கியம் அல்ல. எந்த முடிவு வந்தாலும் ஏற்பேன். வேட்புமனு தாக்கல் செய்த பிறகு நிச்சயம் வாபஸ் பெறமாட்டேன்.

இவ்வாறு குமரிமுத்து கூறினார்.

இளையராஜாவின் புத்தகங்கள் வெளியீடு!!!

Tuesday, ,May, 22, 2012
இசை என்றல்ல... கவிதை, பாடல்கள், எழுத்து, புகைப்படம் என பல கலைகளில் ஜீனியஸ் நம்ம இசைஞானி!

இவர் எடுத்துள்ள ஓவியங்களை வைத்து இன்னும் கூட சில கண்காட்சிகள் நடத்தலாம்.

ராஜா எழுதிய கட்டுரைகளின் தொகுப்புகள் பல புத்தகங்களாக வந்துள்ளன. ஒவ்வொரு புத்தகமுமே ரசிகர்கள் பொக்கிஷமாய் மதிக்கிறார்கள். கவிஞர் வாலி உள்ளிட்ட ஜாம்பவான்களின் பாராட்டுகளைப் பெற்றவை இந்தப் பத்தகங்கள் என்பது ராஜாவின் எழுத்தாளுமைக்குச் சான்று.

வெட்ட வெளியில் கொட்டிக் கிடக்குது, பால் நிலாப் பாதை, ஞான கங்கா...போன்றவை வாசிப்பு சுவாரஸ்யம் மிக்கவை!

இப்போது இசைஞானி மீண்டும் மூன்று புத்தகங்களை எழுதியுள்ளார். இவை மூன்றும் வரும் ஜூன் முதல் வாரத்தில் வெளியாகின்றன.

ராஜாவின் ஹிட் பாடல்களை லட்சுமண் ஸ்ருதி இசைக் குழுவினர் வாசிக்க, தமிழ் சினிமா உலகமே திரண்டு வந்து அந்த இசைமழையில் நனையவிருக்கிறார்கள்.

சொல்லுங்கண்ணே சொல்லுங்க’: அண்ணாச்சியின் ஜாலி லூட்டி!!!

Tuesday, ,May, 22, 2012
ஆதித்யா டிவி-யில் ஞாயிறுக்கிழமை தோறும் ஒளிபரப்பாகும் ‘சொல்லுங்கண்ணே சொல்லுங்க’ நிகழ்ச்சி செம ஜாலி என்று ரசிகர்கள் வரவேற்பு தெரிவித்துள்ளனர். இந்த நிகழ்ச்சியின் வெற்றிக்கு முக்கிய காரணமே இமான் அண்ணாச்சியின் பேச்சும், நேயர்களிடையே அவருடைய அணுகுமுறையும்தான்.

ஊர் ஊராக சென்று மக்கள் கூடியிருக்கும் இடங்களில் மைக் பிடித்து ஆங்கில வார்த்தைக்கு சரியான தமிழ் வார்த்தையை கேட்பது இந்த நிகழ்ச்சியின் சிறப்பம்சம். எந்த ஒரு நிகழ்ச்சியிலுமே நேயர்களின் பங்களிப்பு இருந்தால் அது நிச்சயம் வெற்றி பெரும் என்பதற்கு ‘சொல்லுங்கண்ணே சொல்லுங்க’ ஒரு உதாரணம்.

மக்கள் கூட்டத்தில் திடீரென்று மைக் நீட்டிய அண்ணாச்சி ‘டார்ச் இருக்குல்ல டார்ச் அதை எப்டி சொல்லுவீங்க? என்று ஒரு கேள்வியைப் போட்டார். அதற்கு பதிலளித்தவர்கள் பெரும்பாலும் ‘ எங்க வீட்ல டார்ச்சுன்னுதான் சொல்லுங்க என்றனர். அதற்கு நக்கல் சிரிப்பு சிரித்தவாறே அண்ணாச்சி கூறுவதுதான் ஹைலைட்.

‘ஏ பாத்தியாளா இவங்க வீட்ல டார்ச்சை டார்ச்சுனுதான் சொல்லுவாங்களாம்’ என்று கூறும் போதே சிரிப்பு களை கட்டுகிறது. இதேபோல் ஒவ்வொரு வாரமும் புழக்கத்தில் உள்ள ஆங்கில வார்த்தையை எடுத்துக்கொண்டு அதற்கு சரியான வார்த்தையை கேட்கிறார் அண்ணாச்சி. ரசித்து ருசிக்க வேண்டிய நிகழ்ச்சி பாருங்களேன். தமிழ்வார்த்தைகளை நாமும் தெரிந்து கொள்ளலாம்.

கிளிப்பிங்ஸ்!!!கிளிப்பிங்ஸ்!!!கிளிப்பிங்ஸ்!!!

Tuesday, ,May, 22, 2012
*‘பொம்மலாட்டம்’ ருக்மணி பரதநாட்டிய கலைஞர். அவரது நாட்டிய திறமையை முழுமையாக ‘கோச்சடையான்’ படத்துக்காக பயன்படுத்திக்கொண்டாராம் இயக்குனர் சவுந்தர்யா.

*தெலுங்கில் ‘தீனிகய்னா ரெடி’ படத்தில் மனோஜ் மன்சு ஜோடியாக நடிக்கிறார் ஹன்சிகா மோத்வானி.

*டிஜிட்டலில் தயாராகும் படங்களுக்கு டிஜிட்டல் 3 டி, ரெட் எபிக், ரெட் ஒன், கேனன் 5டி, 7டி ஆகிய கேமராக்கள் பயன்படுத்தப்படுகின்றன.

*‘தென்மேற்கு பருவகாற்று’ படத்தில் நடித்த காயத்ரி அடுத்து ‘நடுவுல கொஞ்சம் பக்கத்த காணோம்’ என்ற படத்தில் நடிக்கிறார்.

*‘வழக்கு எண் 18/9’ பட குழுவுக்கு தமிழ்நாடு இயக்குனர்கள் சங்கம் சார்பில் பாராட்டு விழா நடந்தது.


கார்த்தி பிறந்தநாள்யொட்டி சகுனி படத்தின் ஒரு பாடலை ரிலீஸ் செய்ய முடிவு செய்திருந்த இயக்குனர் சங்கர் தயாள், அந்த பிளானை கைவிட்டு இம்மாத இறுதியில் முழுபாடல் கேசட்டை வெளியிட உள்ளார்.

மலையாள படங்களில் துணிச்சலான பெண் கதாபாத்திரங்களுக்கு ‘யுவன் யுவதிÕ படத்தில் நடித்த ரீமா கல்லிங்களையே இயக்குனர்கள் தேர்வு செய்கிறார்களாம்.

தமிழ் படம் சிவா, தான் நடிக்கும் காட்சிகளில் தனது வசனத்தை டைரக்டர் அனுமதியுடன்தானே எழுதிக் கொள்கிறார்.

ஷங்கர் இயக்க விக்ரம் நடிக்கும் புதிய படத்தில் அசின் அல்லது பிரியங்கா சோப்ராவை ஒப்பந்தம் செய்ய முடிவு செய்துள்ளனர்.

ஹாங்காங்கிலிருந்து திரும்பிய ரஜினியை அவரது இல்லத்தில் சந்தித்து ஆசி பெற்றனர் பிரசன்னா,சினேகா தம்பதி. அவர்களுக்கு ராகவேந்திரா படம் பரிசளித்து வாழ்த்தினார் ரஜினி.

பேஸ்புக்கில் இடம்பெறாமல் இருந்த கமல்ஹாசன், சமீபத்தில் இணைந்திருக்கிறார். ‘விஸ்வரூபம்’ படம் பற்றிய செய்திகளை அதில் தருகிறார்.

தமிழில் ‘சேட்டை’ என்ற பெயரில் ரீமேக் ஆகிறது ‘டெல்லி பெல்லி’. இந்த படத்துக்காக கவர்ச்சி நடிகை சுஜாவிடம் ஆர்யா, அஞ்சலி பேட்டி எடுப்பது போன்ற காட்சியை படமாக்கினார் இயக்குனர் கண்ணன்.

‘அரவாண்’ படத்தில் இசை அமைப்பாளராக அறிமுகமான பாடகர் கார்த்திக், அடுத்து கவுதம்மேனன் இயக்கும் புதிய படத்தில் இசை அமைக்க ஒப்புக்கொண்டிருக்கிறார்.

‘மனம் கொத்தி பறவை’ படத்தில் சின்ன சின்ன பொய் சொல்பவராக நடிக்கும் சிவ கார்த்திகேயன், பல காட்சிகளில் வில்லன் ரவி மரியாவிடம் அடிவாங்கி இருக்கிறாராம்.

ரஜினியின் ‘கோச்சடையான்’ தெலுங்கு படத்துக்கு ‘விக்ரம் சிம்ஹா’ என டைட்டில் வைக்கப்பட்டுள்ளது.

கார்த்திகாவின் ரோல்மாடல் த்ரிஷாவாம்!!!

Tuesday, ,May, 22, 2012
தமிழில் கோ படம் மூலம் கதாநாயகியாக அவதரித்தவர் மாஜி நாயகி ராதாவின் மகள் கார்த்திகா. இவர் இப்போது பாராதிராஜாவின் அன்னக்கொடியும் கொடிவீரனும் படத்தில் நடித்து வருகிறார். இந்நிலையில், தெலுங்கு, "தம்மு படத்தில் நடித்தபோது, த்ரிஷாவுடன் நெருங்கி பழகியது மட்டுமன்றி, அவரிடம், சில நடிப்பு நுட்பங்களையும் தெரிந்துகொண்டதாக சொல்கிறார், "கோ பட நாயகி கார்த்திகா. அதனால், சினிமாவில் பத்து ஆண்டு கால நடிகையான த்ரிஷாவை, இனி என் ரோல்மாடலாக கொண்டு பயணிக்கப் போகிறேன் என்கிறார் கார்த்திகா.

சாந்தகுமார் இயக்கத்தில் ‌ஜீவா!




Tuesday, ,May, 22, 2012
சாந்தகுமார் அடுத்து கி‌‌ரீன் ஸ்டுடியோவுக்கு படம் பண்ணுகிறார் என்றதும் ஹீரோ சூர்யாவாகவோ, கார்த்தியாகவோ இருப்பார் என குஷிபட்டது ரசிகர்கள் ஏ‌ரியா. ஆனால் கமர்ஷியல் கலெக்சன் என்று அம்பானி ரூட்டில் போகும் சகோதரர்கள் சாந்தகுமாரை சட்டை செய்யவில்லை. அவருக்கும் பேராறுதல்.

கடைசியாக வெளிவந்திருக்கும் தகவல் சாந்தகுமா‌ரின் இயக்கத்தில் ‌ஜீவா நடிக்கிறார்.

நீதானே என் பொன்வசந்தம், முகமூடி என பரபரப்பாக சுழன்று கொண்டிருப்பவர் இந்த இரு படங்களுக்குப் பிறகு சாந்தகுமார் இயக்கத்தில் நடிக்க கால்ஷீட் தந்திருக்கிறாராம்.

ஜூன் 1ஆம் தேதி இயக்குநர் சிம்புதேவனுக்கு திருமணம்!!!

Tuesday, ,May, 22, 2012
இயக்குநர் சிம்புதேவனுக்கு வரும் ஜூன் 1ஆம் தேதியன்று திருமணம் நடைபெறுகிறது. அவர் எம்.பி.ஏ பட்டதாரியான கல்யாணி எனபவரை மணக்கிறார்.

'இம்சை அரசன் 23ஆம் புலிகேசி' என்ற படத்தின் மூலம் தமிழ் சினிமாவில் இயக்குநராக அறிமுகமானவர் சிம்புதேவன். முதன் முதலாக வடிவேலுவை ஹீரோவாக்கிய சிம்புதேவன், அப்படத்தின் மூலம் மாபெரும் வசூலை ஈட்டிய திரைப்பட இயக்குநர்களின் பட்டியலில் இடம்பிடித்தார். இந்தப் படத்தை தொடர்ந்து 'அறை எண் 305ல் கடவுள்', 'இரும்புக்கோட்டை முரட்டு சிங்கம்' ஆகியப் படங்களை இயக்கினார்.

தற்போது தனுஷை வைத்து 'மாரீசன்' என்ற படத்தை இயக்கி வரும் சிம்புதேவன், 'இம்சை அரசன் 23ம் புலிகேசி' படத்தின் இரண்டாம் பாகத்தை எடுக்கவும் முடிவு செய்திருக்கிறார்.

இதற்கிடையில் சிம்புதேவனுக்கு திருமணம் ஏற்பாடுகள் நடைபெறுகிறது. கமுதியைச் சேர்ந்த கலைவாணி என்ற எம்.பி.ஏ பட்டதாரி பெண்ணுக்கும் இவருக்கும் திருமணம் நிச்சயம் செய்யப்பட்டது. இதைத் தொடர்ந்து இவர்களது திருமணம் வரும் ஜுன் 1ஆம் தேதி மதுரையில் நடக்கவிருக்கிறது.

மதுரையில் பிறந்து வளர்ந்த சிம்புதேவன் பிரபல வார இதழில் கார்ட்டூனிஸ்டாக பணியாற்றிப் பிறகு இயக்குநர் சேரனிடன் உதவி இயக்குநராகப் பனியாற்றியவர் என்பது குறிப்பிடத்தக்கது.

அம்மாவுக்காக படத்துக்கு முழுக்கு போட்டார் பிரகாஷ்ராஜ்!!!

Tuesday, ,May, 22, 2012
மருத்துவமனையில் சேர்க்கப்பட்டிருக்கும் தனது அம்மாவை கவனிப்பதற்காக நடித்துக் கொண்டிருந்த படத்திலிருந்து விலகினார் பிரகாஷ் ராஜ். தமிழ், தெலுங்கு, இந்தி போன்ற மொழிகளில் நடித்து வரும் பிரகாஷ்ராஜ் கன்னட படத்திலும் நடிக்கிறார். ஏற்கனவே கன்னடத்தில் ‘அபியும் நானும்' பட ரீமேக்கை இயக்கி நடித்தார். தற்போது யோகராஜ் பட் இயக்கும் புதிய படத்தில் நடிக்க ஒப்புக் கொண்டிருந்தார். இது ஆக்ஷன் கலந்த வில்லன் வேடம். எதிர்பாராதவிதமாக அப்படத்திலிருந்து பிரகாஷ் ராஜ் வெளியேறிவிட்டார். இதுக்கு காரணம், அவரது அம்மா உடல்நலமில்லாமல் மருத்துவமனையில் சேர்க்கப்பட்டிருக்கிறார். அவரை உடனிருந்து கவனிக்க முடிவு செய்தார். இதையடுத்து கன்னட படத்திலிருந்து விலகினார்.

இதுபற்றி இயக்குனர் யோகராஜ் கூறும்போது, ‘பிரகாஷ்ராஜின் அம்மா மருத்துவமனையில் அட்மிட் ஆகியுள்ளார். இந்த நேரத்தில் பிரகாஷ்ராஜிடம் கால்ஷீட் கேட்டால் அது தர்மசங்கடமான சூழலை ஏற்படுத்தும். இதையடுத்து அவர் விலகலை ஏற்றுக்கொண்டேன். தற்போது அவர் நடிக்க இருந்த வேடத்துக்கு சரத்குமார் அல்லது அதுல் குல்கர்னி நடிக்க பேச்சு நடக்கிறது என்றார். ‘எனது அம்மா உடல் நலமில்லாமல் இருப்பதால் இந்த நேரத்தில் அவரது தேவைகளை பூர்த்தி செய்ய ஆசைப்பட்டேன். இதையடுத்து படத்திலிருந்து வெளியேறினேன் என்றார் பிரகாஷ் ராஜ்.

மன்மதன் பார்ட் 2 - ரா‌‌ஜீவ்மேனன் கேமரா!!!

Tuesday, ,May, 22, 2012
மணிரத்னத்தின் கடல் படத்துக்கு கேமராமேனாக பணியாற்றுகிறார் ரா‌‌ஜீவ் மேனன். அவ‌ரின் அடுத்த தமிழ்ப் படம் அனேகமாக சிம்புவுடையதாக இருக்கும்.

எத்தனையோ இயக்குனர்களிடம் நடித்த போதும் கிடைக்காத ஹிட் சிம்பு தானே திரைக்கதை எழுதி டம்மி இயக்குன‌ரின் பெய‌ரில் இயக்கிய மன்மதன் படத்துக்கு கிடைத்தது. ஆமாம் இதுதான் அவரது முதல் ஹிட். இதன் இரண்டாம் பாகத்தின் ஸ்கி‌ரிப்டை சிம்பு தற்போது எழுதி வருகிறார்.

போடா போடி, வாலு, வேட்டை மன்னன் படங்களுக்குப் பிறகு மன்மதன் 2 தொடங்குகிறது. மன்மதன் படத்தில் ஆர்.டி.ராஜசேக‌ரின் கேமரா பிளஸ் பாயிண்டாக அமைந்தது. அதனால் மன்மதன் 2க்கு ரா‌‌ஜீவ்மேனனை ஒப்பந்தம் செய்திருக்கிறாராம்.

அனுஷ்கா மீது நடிகர் சங்கத்தில் புகார்?!!!

Tuesday, ,May, 22, 2012
கார்த்தியை ஹீரோவாக வைத்து சுராஜ், இயக்கி வரும் படம் 'அலெக்ஸ் பாண்டியன்'. இப்படத்தின் அனுஷ்கா நாயகியாக நடிக்கிறார். இந்தப் படத்திற்காக அனுஷ்கா மூன்று செட்யூலாகப் பிரித்து கால்ஷீட் கொடுத்திருந்தாராம். முதல் கட்ட படப்பிடிப்பை எவ்வித பிரச்சனையும் இல்லாமல் நடித்து கொடுத்த அனுஷ்கா அடுத்தக்கட்ட படப்பிடிப்பின்போது ரொம்பவே சொதப்பி வருகிறாராம்.

தற்போது விக்ரம் நடிக்கும் தாண்டவம், செல்வராகவனின் இயக்கத்தில் இரண்டாம் உலகம், இரண்டு தெலுங்குப் படம் என நடித்து வரும் அனுஷ்கா, அப்படங்களுக்கே முக்கியத்துவம் கொடுத்து வருகிறாராம். அதனால்தான் சுராஜ், படத்திற்கு சரியான உத்துழைப்பு தருவதில்லை என கூறப்படுகிறது.

இதனால் இயக்குநர் சுராஜ், அனுஷ்கா மீது நடிகர் சங்கத்தில் புகார் கொடுக்கலாமா என்று யோசித்து வருகிறாராம்

மீண்டும் நடிக்க மாட்டேன்: மாளவிகா!!!

Tuesday, ,May, 22, 2012
மும்பையில் கணவர் மற்றும் இரு குழந்தைகளுடன் செட்டிலாகி விட்ட மாளவிகா, மீண்டும் தமிழில் நடிப்பதாக கூறப்படுகிறது. இதுபற்றி அவரிடம் கேட்டபோது, கூறியதாவது: ஒரு பாடலுக்கு ஆடவும், டி.வி தொடரில் நடிக்கவும் அழைப்பு வந்தது. இப்போது என் குடும்பத்துக்கு மட்டுமே அதிக முக்கியத்துவம் தருவதால், மீண்டும் நடிக்கும் எண்ணம் இல்லை. சமீபத்தில் தமிழ்ப் படம் ஒன்றில் நடிக்க கேட்டனர். குழந்தைகளையும், வீட்டையும் கவனித்துக்கொள்ள நேரம் சரியாக இருப்பதால், அந்த வாய்ப்பை ஏற்கவில்லை.

நடிகை ஷில்பா ஷெட்டிக்கு ஆண் குழந்தை பிறந்தது!!!

Tuesday, ,May, 22, 2012
பிரபல பாலிவுட் நடிகை ஷில்பா ஷெட்டிக்கு நேற்று(மே 21) காலை ஆண் குழந்தைப் பிறந்துள்ளது.

பாலிவுட் நடிகை ஷில்பா ஷெட்டிக்கும், தொழில் அதிபர் ராஜ் குந்தராவுக்கும் கடந்த மூன்று ஆண்டுகளுக்கு முன்பு திருமணம் நடைபெற்றது. இதைத் தொடர்ந்து ஷில்பா ஷெட்ட்டி கர்ப்பமானார். அவருக்கு மே 20 தேதியில் குழந்தை பிறக்கலாம் என்று மருத்துவர்கள் தெரிவித்திருந்தனர். இந்நிலையில் மேற்கு மும்பை கார் பகுதியில் உள்ள மருத்துவமனை ஒன்றுக்கு வழக்கமான பரிசோதனைக்காக சென்ற ஷில்பா ஷெட்டியை மருத்துவர்கள் உடனடியாக மருத்துவமனையில் அட்மிட் ஆகுமாறு கூறினார்கள். இதையடுத்து நேற்று அதிகாலை அவருக்கு ஆண் குழந்தை பிறந்தது.

தனக்கு குழந்தை பிறந்த சந்தோஷத்தை ஷில்பாவின் கணவர் ராஜ் குந்த்ரா டுவிட்டர் இணையதளத்தில் தெரிவித்திருக்கிறார். அத்துடன் தனது மனைவி மற்றும் பிரசவம் பார்த்த மருத்துவர்கள் ஆகியோருக்கு நன்றியும் தெரிவித்திருக்கிறார்.

ஹாலிவுட்டுடன் கைகோர்க்கும் ஷங்கர்!!!

Tuesday, ,May, 22, 2012
ஹாலிவுட் நிறுவனங்கள் எங்கெங்கு பணம் புழங்குதோ அங்கெல்லாம் கடை வி‌ரிக்கும். அப்படிதான் டுவென்டின்த் செஞ்சு‌ரி பாக்ஸ் ஸ்டுடியோ முருகதாஸுடன் இணைந்து எங்கேயும் எப்போதும் படத்தை தயா‌ரித்தது. இதே கூட்டணி தற்போது அடுத்தப் படத்தை அறிவித்துள்ளது.

இந்தப்பட நிறுவனம் ஷங்கருடன் இணைந்து படம் பண்ண தயாராகி வருகிறது. எடுத்தப் படங்களெல்லாம் கடும் நஷ்டத்தை ஏற்படுத்த தயா‌ரிப்பை தற்காலிகமாக நிறுத்தினார் ஷங்கர். ஆனாலும் நல்ல படங்களை‌த் தயா‌ரிக்க வேண்டும் என்ற ஆர்வம் மட்டும் பொங்கிய பாலாக இன்னும் அடங்கவில்லை.

இம்சை அரசன் இரண்டாம் பாகம், ராஜு முருகன் இயக்கும் படம் என பல படங்களை தயா‌ரிக்கும் மூடில் இருக்கிறார். இந்த நேரத்தில்தான் பாக்ஸ் டுடியோவின் ஆஃபர் அவர் வீட்டுக் கதவை‌த் தட்டியிருக்கிறது. இரண்டு பேர் சேர்ந்தால் நஷ்டமானாலும் பாதிப்பாதி என்பதால் விரைவில் புதிய கூட்டணியை‌ தமிழ் சினிமா எதிர்பார்க்கலாம்.

ர‌ஜினியின் விக்ரம சிம்கா!!!

Tuesday, ,May, 22, 2012
கோச்சடையான் படப்பிடிப்பு விறுவிறுப்பாக நடந்து வருகிறது. படம் எடுக்கிறார்களா ஸ்பாட் விசிட் அடிக்கிறார்களா என்று தெ‌ரியாத அளவுக்கு நாலு நாலு நாட்களாக உலகின் பல இடங்களில் படப்பிடிப்பை நடத்துகிறார்கள். ர‌ஜினியின் உற்சாகம் மற்ற நட்சத்திரங்களையும் தொற்றிக் கொண்டிருப்பதை உணர முடிகிறது.

ர‌ஜினி எனும் மிகப்பெ‌ரிய பிராண்டட் நடிக்கும் படம் என்பதால் பிசினஸ் எல்லைகள் தாறுமாறாக வி‌ரிந்திருக்கிறது. ஜப்பானில் வெளியிடுவோம், சீனாவில் திரையிடுவோம் என்று எங்கெங்கு நோக்கிலும் கோச்சடையான். இந்தப் படத்தை அண்டை மாநிலம் ஆந்திராவில் விக்ரம சிம்கா என்ற பெய‌ரில் வெளியிடுகிறார்கள். தமிழில் வெளியாகும் அதேநாள்.

போகிறப் போக்கைப் பார்த்தால் எந்திரனை எல்லாம் எகிறி அடிக்கும் போலிருக்கிறது.

கண்டதும் காணாததும்! - சினிமா விமர்சனம்!!!

Tuesday, ,May, 22, 2012
நடிப்பு: விகாஷ், சுவாஷிகா, பரோட்டா சூரி, ஆர் சுந்தரராஜன், சூப்பர் குட் லட்சுமணன், ரிஷா

ஒளிப்பதிவு: வின்ஷி பாஸ்கி

பிஆர்ஓ: சக்திவேல்

இசை: விஏ சார்லி

கதை, திரைக்கதை, வசனம், இயக்கம்: சீலன்

தயாரிப்பு: எஸ்பி பிலிம்ஸ்

காமம் களவு

காமம் வெகுளி மயக்கம் இவ்முன்றன்
நாமம் கெடக்கெடும் நோய்

-இந்தக் குறளைச் சொல்லித்தான் படத்தையே ஆரம்பிக்கிறார் புதிய இயக்குநர் சீலன். நோக்கம், சொல்ல நினைத்த கருத்து நல்ல விஷயம்தான் என்றாலும், அதை அழுத்தமாகச் சொல்லாமல் போனதால், பார்வையாளர்களுக்கு படத்தின் மீது ஈர்ப்பில்லாமல் போகிறது.

கல்லூரியில் படிக்கும் முகிலுக்கும் (விகாஷ்) உடன் படிக்கும் கவிதா (சுவாஷிகா) வுக்கும் நெருக்கமான நட்பு. அந்த நட்பை காதலாகும் தருணத்தில், விகாஷின் காமம் அந்தக் காதலை கெடுக்கிறது. தவறை உணர்ந்து மீண்டும் அவளுடன் நட்பு பாராட்ட முனைகிறான். ஆனால் அவனை கடைசி வரை மன்னிக்கவே மறுக்கிறாள் கவிதா. விளைவு தாடி வளர்த்து, குடித்து, தெருவில் விழுந்து கதறுகிறான் முகில்.

இருவருக்கும் மீண்டும் காதல் வந்ததா.. என்பதுதான் கிட்டத்தட்ட கதை!

விகாஷ் கல்லூரி மாணவராக இயல்பாக நடித்திருக்கிறார். அவருக்கு ஜோடியாக வரும் சுவாஷிகாவும் பரவாயில்லை.

பரோட்டா சூரிக்கு சோலோ காமெடி. அவரை இன்னும் கூட நன்றாகப் பயன்படுத்தியிருந்தால், காட்சிகளை எளிதில் கடந்திருக்க முடியும்!

ஒளிப்பதிவாளர் தீவிர மணிரத்னம் பட ரசிகர் போலிருக்கிறது. பல காட்சிகள் அரை இருட்டில் அல்லது முக்காலிருட்டில்!

ஆனால் பாடல்கள் பரவாயில்லை.

பெரும் பணத்தை செலவழித்து படம் எடுக்கிறார்கள். கைவசம் ஸ்கிரிப்ட் இருந்தாலும், அதை சரியாக காட்சிப்படுத்தும் முறையில் கோட்டைவிடுவதால், கண்டதும், மறந்துவிடும் ரகத்தில் சேர்ந்துவிடுகின்றன இந்த மாதிரிப் படங்கள்!

சினிமா தொழிலாளர்கள் சம்பள பிரச்னை : தயாரிப்பாளர்கள் சங்கம் ஏழு பேர் குழு அமைப்பு!!!

Tuesday, May, 22, 2012
சினிமா தொழிலாளர்கள் சம்பளப் பிரச்னை குறித்து, பேச்சு வார்த்தை நடத்த, தமிழ்த் திரைப்படத் தயாரிப்பாளர்கள் சங்கத்தின் சார்பில், ஏழு பேர் கொண்ட குழு அமைக்கப்பட்டுள்ளது. சினிமா தொழிலாளர்கள் சம்பளப் பிரச்னை குறித்து, தென்னிந்திய திரைப்படத் தொழிலாளர்கள் சங்கம்-தமிழ்த் திரைப்படத் தயாரிப்பாளர்கள் சங்கம்-தொழிலாளர் நலத்துறை அதிகாரிகள் இடையே, முத்தரப்புப் பேச்சு வார்த்தை நடத்துவதற்கு, தயாரிப்பாளர்கள் சங்க "அட்ஹாக்' கமிட்டி மூலம், ஏழு பேர் கொண்ட குழு அமைக்கப்பட்டுள்ளது. இக்குழுவில், "அட்ஹாக்' கமிட்டி தலைவர் இப்ராகிம் ராவுத்தர், தயாரிப்பாளர்கள் முரளிதரன், கே.ராஜன், சீனிவாசன், சித்ராலட்சுமணன், சிவா மற்றும் ராதாகிருஷ்ணன் இடம் பெற்றுள்ளனர். இக்குழுவினர், நேற்று தொழிலாளர் நலத்துறை கமிஷனருடன், பேச்சு வார்த்தை நடத்துவதாக இருந்தது. நேற்று அழைப்பு இல்லாததால், தொழிலாளர் நலத்துறை கமிஷனர் அழைக்கும் போது, இக்குழுவினர் பெப்சி அமைப்பு நிர்வாகிகளுடன், பேச்சு வார்த்தை நடத்தி, சினிமா தொழிலாளர்கள் சம்பளப் பிரச்னை குறித்து, முடிவு செய்யப்படும் என்றும் தெரிவிக்கப்பட்டுள்ளது.