Wednesday, February 8, 2012

நயன்தாரா-பிரபுதேவா பிரச்னையில் என்னை ஏன்..? தேவையில்லாமல் இழுக்குறாங்க கொதித்துள்ளார்-ஹன்சிகா மோத்வானி!

முதலில் சிம்பு! இப்போ பிரபுதேவா!! நயன்தாரா உறவினர்கள் புலம்பல்!!!
முதலில் சிம்புவை நம்பி ஏமாந்த நயன்தாரா, இப்போது பிரபுதேவாவையும் நம்பி ஏமாந்துவிட்டாள் என்று நயன்தாராவின் உறவினர்கள் புலம்பி வருகின்றனர். சிம்பு உடனான காதல் முறிவுக்கு பின்னர் பிரபுதேவாவுடன் காதல் வயப்பட்டார் நயன்தாரா. நயன்தாராவுக்காக முதல் முனைவி ரமலத்தை விவாகரத்து செய்தார் பிரபுதேவா. அதேபோல் பிரபுதேவாவுக்காக இந்து மதத்துக்கு எல்லாம் மாறினார் நயன்தாரா. அதைவிட கல்யாணம் பண்ணா‌மலேயே இருவரும் சிறந்த தம்பதிகள் பட்டம் எல்லாம் வாங்கினர். அப்படி ஈருடல் ஓருயிராக இருந்த வந்த இருவரும், இப்போது பிரிந்து விட்டனர். நயன்தாரா மீண்டும் நடிக்க ஆரம்பித்துவிட்டார்.

இந்நிலையில் நயன்தாராவின் இந்த நிலைமையை பார்த்து அவரது சித்தி, சித்தப்பா ஆகியோர் புலம்பி வருகின்றனர். இதுகுறித்து அவர்கள் கூறியதாவது, நயன்தாராவின் நிலைமையை பார்க்கும் போது ரொம்ப வருத்தமாக இருக்கிறது. நாங்கள் தூக்கி வளர்த்த பெண் நய‌ன்தாரா. இன்று அவளுக்கு இப்படி ஒரு நிலைமையாகும் என்று நாங்கள் நினைத்து கூட பார்க்கவில்லை. நயன்தாரா பிடிவாதக்காரி என்று எல்லோரும் சொல்கின்றனர். அவள் பிடிவாதக்காரியல்ல, ரொம்ப வெகுளி பெண்.

சிம்புவிற்காக வல்லவன் படத்திற்கு நயன்தாரா பண உதவி எல்லாம் செய்தாள். கடைசியில் சிம்புவை நம்பி ஏமாந்து போனாள். அடுத்து பிரபுதேவாவை நம்பி போனாள். இனியாவது அவள் வாழ்வில் சந்தோஷம் இருக்கும் என்று எதிர்பார்த்தோம். பிரபுதேவாவை ரொம்ப நம்பினாள் நயன்தாரா. கடைசியில் பிரபுதேவாவிடமும் ஏமாந்து போனாள். ரமலத்-பிரபுதேவா விவாகரத்து உள்பட பல விஷயங்களுக்கு பிரபுதேவாவுக்கு பண உதவி செய்தவர் நயன்தாரா தான். அவர்களுக்கு பணம்தான் முக்கியமாக இருந்ததே தவிர நயன்தாராவின் பாசம் அல்ல. நயன்தாரா இனி மேல் சினிமாவில் நடிக்க மாட்டேன் என்று சொன்னதுதான் அவர்களுக்கு ஏமாற்றமாக இருந்து இருக்கும். கடைசியில் அவளிடமிருந்‌த எல்லா பணத்தையும் சுரண்டி விட்டு, இப்போது அவளையும் கழற்றி விட்டு விட்டார்கள். சினிமாவை மட்டும் நயன்தாரா விட்டுவிட்டு வந்தால் நாங்களே அவளுக்கு நல்ல பையனாக பார்த்து திருமணம் செய்து வைக்கிறோம்.

நயன்தாரா-பிரபுதேவா பிரச்னையில் என்னை ஏன்..? தேவையில்லாமல் இழுக்குறாங்க கொதித்துள்ளார்-ஹன்சிகா மோத்வானி!


நயன்தாரா-பிரபுதேவா பிரச்னையில் என்னை ஏன்..? தேவையில்லாமல் இழுக்குறாங்கன்னு எனக்கு தெரியல, இதுபோன்ற விஷயங்களை கேட்கும் போது ரொம்ப அசிங்கமா, அருவெறுப்பா இருக்கு என்று கொதித்துள்ளார் ஹன்சிகா மோத்வானி.

பிரபுதேவாவின் எங்கேயும் காதல் படம் மூலம் தமிழ் சினிமாவிற்கு அறிமுகமானவர் நடிகை ஹன்சிகா மோத்வானி. தொடர்ந்து தனுஷ், விஜய் என்று முன்னணி நடிகர்களுடன் ஜோடிபோட்டு தமிழ் சினிமாவின் கனவு கன்னியாக வலம் வரத்தொடங்கியுள்ளார். தற்போது தெலுங்கு படத்தில் பிஸியாக இருக்கும் ஹன்சிகாவை ஒரு செய்தி அதிர்ச்சிக்கு உள்ளாக்கியுள்ளது. பிரபுதேவா-நயன்தாரா பிரிவுக்கு காரணம் ஹன்சிகா தான் என்று ஒரு பரபரப்பான குற்றச்சாட்டு எழுந்தது.

இதுபற்றி ஹன்சிகாவிடம் கேட்டபோது, நீண்ட நேரத்திற்கு பின் சூடாக பேசத் தொடங்கினார். என்னைப் பற்றி உங்களுக்கு தெரியும், நான் ரொம்ப ஸ்டைரட் பார்வர்ட். எதையும் தைரியமாக பேசிடுவேன். ஆனா, என்ன பத்தி பிரபுதேவா கூட பேசுறது ரொம்ப தப்பா படுது. அவர் எங்க வீட்டு பெரிய அண்ணன் மாதிரி. அவரை அண்ணா என்று தான் எப்போதும், எங்கிருந்தாலும் கூப்பிடுவேன். ஆனால் இப்போ இந்த மாதிரி செய்தியை கேட்கும் போது ரொம்பவே அசிங்கமா இருக்கு. எங்கேயும் காதல் படத்தின் சூட்டிங் பாரிஸ் நடந்த போது பிரபுதேவா கூட நயன்தாராவும் வந்திருந்தாங்க. அப்போது தான் அவரை பார்த்து சந்தித்து கொஞ்ச நேரம் பேசினேன். அதன் பிறகு பிரபுதேவா, நயன்தாரா யார்கிட்டேயும் நான் பேசல, அவங்கள பார்க்கல. அடுத்தடுத்த படங்களில் கமிட் ஆகிவிட்டதால, சூட்டிங்கில் பிஸியாகிவிட்டேன்.

நயன்தாரா-பிரபுதேவா இவர்களுக்குள் நடக்கிற கேட் வால் பிரச்னையில் என்னை ஏன் இழுக்குறாங்க...? என்று தெரியல. இப்படி செய்தியை கேட்கும்போதெல்லாம் ரொம்ப அசிங்கமா, கேவலமா, அருவெறுப்பா இருக்கு. என் இமேஜை கெடுக்க பாக்குறாங்க. இந்தமாதிரி வதந்தியை பரப்புறவுங்க வீட்டிலேயும் பெண்கள் இருப்பாங்க. கண்ணா பின்னான்னு எழுதி, யாருக்கோ நல்லது பண்றோம் என்கிற பேர்வழியில், எங்க வீட்டில் உள்ள ஒட்டு மொத்த நிம்மதியையும் கெடுத்துட்டாங்க. இதைப்பற்றி என் அம்மா, என் அண்ணன் என எல்லோரும் ரொம்ப பீல் பண்ணுனாங்க.

நான் லண்டனுல படிச்சவ என்றாலும், நம்ம நாட்டு கலாச்சாரத்தை நிறையவே பின்பற்றுபவள். எனக்குனு ஒரு லிமிட் இருக்கு. என் வேலை எனக்கு முக்கியம். நான் இன்னும் சினிமாவுல நிறைய சாதிக்க வேண்டியிருக்கு. இப்போ மும்பையில இருக்கேன். ஒரு கல் ஒரு கண்ணாடி படம் முடிஞ்சு, சிம்புவோட வேட்டை மன்னன் படத்தில் நடிக்கிறேன். இதுபோன்ற செய்திகள் என்னை மட்டும் அல்லாமல் என்னோட வேலையையும் பாதிக்குது.

சரி இதுபற்றி பிரபுதேவாவுடன் பேசினீங்களா என்று கேட்டதும், இதுவரைக்கும் இல்ல, பொறுமையா இருக்கேன். இது எல்லாதுக்கும் கடவுளும், காலமும் பதில் சொல்லும். என்ன பத்தி அவதூறான செய்திக்கும், விமர்சனங்களுக்கு எல்லாம் நான் பதில் சொல்லிகிட்டு இருக்க முடியாது என்று கொதித்து போய் பேசி முடித்தார் ஹன்சிகா.

சிம்பு-தெலுங்கு நடிகர் திடீர் மோதல்!!!

சிம்புவுடன் கருத்து வேறுபாடு காரணமாக அவரது படத்தில் இருந்து தெலுங்கு நடிகர் விலகினார். வெற்றிமாறன் இயக்கும் ‘வட சென்னை’ என்ற புதிய படத்தில் சிம்பு நடிக்கிறார். மற்றொரு ஹீரோவாக தெலுங்கு நடிகர் ரானா நடிக்க ஒப்புக்கொண்டார். உடனடியாக ஷூட்டிங் தொடங்க முடிவு செய்தார் இயக்குனர். இந்நிலையில் ‘படத்தில் நடிக்க முடியாது’ என்று கூறி வெளியேறிவிட்டார் ரானா. சிம்புவும் தனது இசை ஆல்பம் பணிக்காக வெளிநாடு சென்றுவிட்டார். இதையடுத்து படப்பிடிப்பு தொடங்க முடியவில்லை.

படம் டிராப் ஆகிவிட்டதாக கோலிவுட்டில் கூறப்படுகிறது. இதை இயக்குனர் மறுத்துள்ளார். சிம்புவுடன் ஏற்பட்ட மோதலால்தான் ரானா வெளியேறியதாகவும் கூறப்படுகிறது. இப்பிரச்னைபற்றி வெற்றிமாறன் கூறும்போது,‘‘தன்னுடைய கேரக்டர் பிடிக்காததால் ரானா நடிக்க மறுத்துவிட்டார்’’ என்றார். ஏற்கனவே இப்படத்தில் 2வது ஹீரோவாக நடிக்க வேறு சில நடிகர்களும் மறுத்துவிட்டதால் மற்றொரு ஹீரோவை தேடிக்கொண்டிருக்கிறது படக்குழு.

ஷாருக்குடன் நெருக்கம்: பிரியங்காவை ஒதுக்கும் பாலிவுட்?!!!

ஷாருக்கானுடன் 'ஓவர்' நெருக்கமாக இருப்பதால் இயக்குனர் கரண் ஜோஹார் தனது படத்தில் பிரியங்காவைப் போடுவதில்லை என்று முடிவு செய்துள்ளாராம்.

நடிகை பிரியங்கா சோப்ராவும் ஷாஹித் கபூரும் அவ்வப்போது சேர்வதும் பிரிவதுமாக இருந்தனர் என்பது அனைவரும் அறிந்ததே. அண்மையில் மீண்டும் பிரிந்தபோது பிரியங்கா ஏற்கனவே திருமணமாகி இரண்டு பிள்ளைகளுக்கு அப்பாவாக உள்ள ஷாருக்கானைப் பிடித்துக் கொண்டார். ஷாருக் பிரியங்காவுடன் தான் அதிக நேரம் செலவிடுகிறார் என்றும் கூறப்படுகின்றது.

வீட்டில் மனைவி கௌரி கேட்டால் ஷூட்டிங் போனேன், அங்கே போனேன், இங்கே போனேன் என்று டபாய்க்கிறாராம். இதனால் கௌரி பிரியங்கா மீது காட்டமாக உள்ளார். இந்நிலையில் ஷாருக்குடன் ஒட்டி உறவாடும் பிரியங்காவை பாலிவுட் நடிகர்களின் மனைவிமார்கள் ஒதுக்கி வைக்க ஆரம்பித்துள்ளனர். ஹிரித்திக் ரோஷனின் மனைவி ஏற்கனவே பிரியங்காவை விட்டு விலகி விட்டார். அதேபோல மேலும் பலரும் விலகி வருகின்றனர். அவர்கள் கௌரிக்கு ஆதரவு தெரிவித்து அவ்வாறு செய்துள்ளனர் என்று கூறப்படுகின்றது.

ரித்திக் ரோஷன் மனைவி எப்படி பிரியங்காவை ஒதுக்கியுள்ளாரோ அதே போன்று கௌரிக்கும், ஷாருக்கானுக்கும் நல்ல நண்பரான இயக்குனர் கரண் ஜோஹாரும் சோப்ராவை தனது படங்களில் நடிக்க வைப்பதில்லை என்று தீர்மானித்துள்ளாராம்.

இதற்கிடையே கரண் ஜோஹாரின் புதுப்படத்தில் நடிக்க ஒப்பந்தம் ஆகியிருப்பதாக பிரியங்கா விளம்பரப்படுத்தி வருகிறார் என்று ஒரு முன்னணி நாளிதழ் செய்தி வெளியிட்டது. அதை கரண் மறுத்துள்ளார்.

கௌரி கோபித்தால் எனக்கென்ன என்று இருந்த பிரியங்கா, பாலிவுட்டே ஒட்டுமொத்தமாக கோபித்துக் கொள்ளும் என்பதை எதிர்பார்க்கவில்லை போலும்...!

ஐ.ஐ.எம்., மாணவர்களுக்கு ஆசிரியரான தனுஷ்!!!

கொலவெறி பாடல் ஹிட் குறித்து ஆமதாபாத்தில் உள்ள ஐ.ஐ.எம்., மாணவர்களுக்கு பாடம் நடத்த உள்ளார் நடிகர் தனுஷ். ஒரு பாட்டு ஒரு மனிதனை எங்கயோ கொண்டு போய் நிறுத்தும் என்றால் அது தனுஷ்க்கு தான் பொருந்தும். தேசிய விருது வாங்கிய போது கூட அவருக்கு கிடைக்காத பெயர் புகழ், எல்லாம் ஒரே ஒரு கொலவெறி பாடலில் கிடைத்திருக்கிறது. ஒரே பாட்டில் உலகத்தையே தன் பக்கம் திரும்ப வைத்து தனுஷ், ஒருபடி மேலே போய் பிரதமர் மன்மோகன் சிங்கின் விருந்தில் பங்கேற்கும் அளவிற்கு பிரபலமானார். இப்போது சச்சின் டெண்டுல்கருக்காக ஒரு ஆல்பம் அமைத்து வரும் தனுஷ், அடுத்தபடியாக ஐ.ஐ.எம்., மாணவர்களுக்கு பாடம் நடத்த போகிறார்.

ஆமதாபாத்தில் உள்ள ஐ.ஐ.எம்.ல் சி.எப்.ஐ., கோர்ஸ் படிக்கும் சுமார் 130 மாணவர்களுக்கு அவர் இன்று(07.02.12) பாடம் நடத்த உள்ளார். அதுவும் கொலவெறி பாடல் எப்படி இந்தளவுக்கு ஹிட்டானது, கோடிக்கணக்கான ரசிகர்களிடம் எப்படி இந்த பாடலை கொண்டு போய் சேர்க்க முடிந்தது உள்ளிட்டவைகள் குறித்து விளக்கவுள்ளார். தனுஷூடன் சேர்ந்து அவரது உறவினரும், கொலவெறி இசையமைப்பாளருமான அனிருத்தும் பாடம் நடத்த இருக்கிறார்.

இதுகுறித்து தனுஷ் கூறுகையில், ஆமதாபாத் ஐ.ஐ.எம்., மணவர்களிடம், கொலவெறி பாடலை எப்படி இந்தளவுக்கு ஹிட்டாக்க முடிந்தது என்பது பற்றி பேச அழைத்தார்கள். நானும் பேச உள்ளேன் என்று கூறியுள்ளார்கள்.

கமலின் தலைவன் இருக்கின்றானில் ஜாக்கி சான்!

ஹாலிவுட் நடிகர் ஜாக்கி சான் உலக நாயகன் கமல் ஹாசனின் தலைவன் இருக்கின்றான் படத்தில் நடிக்கவிருக்கிறார் என்று கூறப்படுகின்றது.

ஹாலிவுட் நடிகர் ஜாக்கி சான் பெயரைச் சொன்னாலே குட்டீஸ் எல்லாம் ஆ, ஊ என்று ஆரம்பித்துவிடுவார்கள். அவர் தனது நடிப்பால் குழந்தைகள் மட்டுமின்றி பெரியவர்களின் மனதிலும் நீங்கா இடம் பிடித்துள்ளார்.

இந்நிலையில் இதுவரை ஹாலிவுட் மற்றும் சீன படங்களில் நடித்த ஜாக்கி சான் முதன்முறையாக கோலிவுட்டில் நடிக்கிறார். கமல் தலைவன் இருக்கின்றான் என்ற படத்தை இயக்குகிறார் அல்லவா. அதில் நடிக்குமாறு கமல் ஜாக்கியை அணுகியுள்ளார். அவர் ஒப்புக் கொண்டாரா என்பது உறுதியாகத் தெரியவில்லை. மேலும் அவருக்கு என்ன மாதிரி கதாபாத்திரம் என்ற தகவலையும் கமல் கசிய விடவில்லை.

தசாவதாரம் படத்தின் இசை வெளியீட்டு விழாவுக்கு ஜாக்கி சான் வந்தார் என்பது நினைவிருக்கலாம். அந்த விழாவில் அவர் கமல் ஹாசனின் நடிப்பை மனதாரப் பாராட்டினார்.

ஊழலை மையப்படுத்தி எடுக்கப்படும் இந்த படத்தை ஆஸ்கர் ரவிச்சந்திரன் தயாரிக்கிறார்.

இலியானா மீது ரூ.40லட்சம் மோசடி புகார்!!!

தயாரிப்பாளர் சங்கத்தில் நடிகை இலியானா மீது ரூ.40 லட்சம் மோசடி புகார் கொடுத்துள்ளார் தெய்வத்திருமகள் தயாரிப்பாளர் மோகன் நடராஜன். கேடி படம் மூலம் தமிழ் சினிமாவில் அறிமுகமான நடிகை இலியானா, அதன்பிறகு வாய்ப்புகள் ஏதும் அமையாததால் தெலுங்கு பக்கம் போனார். அங்கு நம்பர்-1 நடிகையாக வலம் வந்த இலியானா, நீண்ட இடை‌வெளிக்கு பிறகு விஜய்யுடன் நண்பன் படத்தில் நடித்தார். சமீபத்தில் வெளியான இப்படம் நல்ல வரவேற்பை பெற்றது. நண்பன் படத்திற்கு பிறகு கோலிவுட்டில் தனக்கு நல்ல வாய்ப்புகள் வரும் என்று காத்திருந்தார் இலியானா. ஆனால் அவரது எண்ணம் கனவாவே இருக்கிறது. அதேசமயம் நண்பன் படத்தில் இவரது நடிப்பை பார்த்து பாலிவுட்டின் முன்னணி நடிகர்கள் பலரும் இலியானவை தங்களது அடுத்த படத்தில் நடிக்க வைக்க முயற்சிகள் மேற்கொண்டுள்ளனர்.

இந்நிலையில் இலியானா ரூ.40 லட்சம் மோசடி செய்து விட்டதாக பிரபல தயாரிப்பாளர் மோகன் நடராஜன் தயாரிப்பாளர் சங்கத்தில் புகார் அளித்துள்ளார். இதுகுறித்து அவர் அளித்துள்ள புகார் மனுவில் கூறியிருப்பதாவது, பூபதி பாண்டியன் இயக்கத்தில் நடிகர் விக்ரமை வைத்து ஒரு படம் தயாரிக்க இருந்தேன். இதில் விக்ரமிற்கு ஜோடியாக இலியானாவை ஒப்பந்தம் செய்து, அதற்காக அவருக்கு ரூ.40 லட்சம் அட்வான்ஸ் தொகையும் கொடுக்கப்பட்டது. ஆனால் திடீரென இப்படம் கைவிடப்பட்டது. இதனால் இலியானாவிடம் பணத்தை திருப்பி கேட்டேன, ஆனால் அவர் பணத்தை தராமல் தொடர்ந்து இழுத்தடித்து கொண்டே இருக்கிறார். எனவே என்னுடைய பணத்தை அவரிடமிருந்து பெற்று தாருங்கள் என்று கூறியுள்ளார்.

ஒரே மாதத்தில் ஒல்லி ஆனார் : ஆபரேஷன் செய்து கொண்டாரா அசின்?!!!

அசின் திடீரென்று உடல் எடையை குறைத்து ஒல்லிபிச்சான் நடிகை ஆகி இருக்கிறார். கொழுப்பு நீக்கம் அறுவை சிகிச்சை செய்துகொண்டார் என்று பாலிவுட்டில் கூறப்படுகிறது. தமிழில் விஜய், அஜீத் என முன்னணி நடிகர்களுடன் ஜோடியாக நடித்து வந்த அசின் திடீரென்று பாலிவுட் படங்களில் நடிக்க சென்றார். ஆமிர்கான், சல்மான்கான் என டாப் நடிகர்களுடன் நடித்துவருகிறார். தென்னிந்திய படங்களில் கொழுக் மொழுக் நடிகைகளுக்குதான் வரவேற்பு. ஆனால் பாலிவுட்டில் ஒடிந்துவிழும் அளவுக்குள்ள ஒல்லிபிச்சான் நடிகைகளுக்குதான் மவுசு.

கரீனா கபூர், கேத்ரினா கைப், தீபிகா படுகோன் என முன்னணி ஹீரோயின்கள் கடுமையான உடற்பயிற்சி, உணவு கட்டுப்பாடு கடைபிடித்தும், ஒரு சிலர் உடலில் உள்ள அதிகப்படியான கொழுப்பு நீக்கும் ஆபரேஷன் செய்தும் மெலிந்த தேகத்தை தக்க வைத்து வருகின்றனர். பாலிவுட்டில பாப்புலர் ஆகிவரும் அசினை அங்குள்ள நிருபர்கள் சந்திக்கும்போதெல்லாம், ‘உடல் எடையை குறைக்கும் எண்ணம் உள்ளதா?’ என்று கேள்வி கேட்டு துளைத்தெடுத்தனர். அதற்கு அசின், 'ஒரு சில மாதங்கள் கழித்து என்னைப் பாருங்கள் அப்போது தெரியும்' என்றார்.

1 மாதத்துக்கும் மேலாக வீட்டுக்குள்ளேயே முடங்கிக் கிடந்த அசின் சமீபத்தில் மும்பையில் நடந்த நடிகை ஜெனிலியா திருமண விழாவுக்கு வந்தார். யாரோ புதுநடிகை வருகிறார் என்று பலரும் கண்டுகொள்ளாமல் இருந்தனர். ஆனால் அவர்தான் அசின் என்று கண்டுகொண்ட புகைப்படக்காரர்கள் அவரை சூழ்ந்துகொண்டு பளிச் பளிச்சென கிளிக் செய்து தள்ளினர். காரணம் ஒல்லிபிச்சான் நடிகை தோற்றத்துக்கு அவர் மாறி இருந்ததுதான். கொழுப்பு நீக்கும் அறுவை சிகிச்சை செய்துகொண்டதால்தான் அவரால் ஒல்லியாக முடிந்தது என்று கூறப்படுகிறது. ஆனால் உணவு கட்டுப்பாடு, உடற்பயிற்சி மூலமே மெலிந்ததாக அசின் தரப்பில் கூறப்படுகிறது.

நம்பர் 1 இடத்தை பிடிக்க 4 ஹீரோயின்கள் கடும் போட்டி!!!

தமிழ் சினிமாவில் த்ரிஷா, அசின், நயன்தாரா, தமன்னாவின் மவுசு குறைந்துவிட்டது. நம்பர் ஒன் இடம் காலியாக இருப்பதால் அந்த இடத்தை பிடிப்பதில் 4 இளம் நடிகைகளுக்குள் கடும்போட்டி நிலவுகிறது. முன்னணி நடிகர்களுடன் ஜோடி சேர்ந்த த்ரிஷா, அசின், நயன்தாரா, தமன்னா போன்ற நடிகைகளுக்கான மார்க்கெட் குறைந்து வருகிறது. அசின் பாலிவுட்டில் கவனம் செலுத்துகிறார். நயன்தாரா, பிரபுதேவா வுடன் காதல் வலையில் விழுந்த பின் சினிமா விலிருந்து ஒதுங்கினார். இப்போது பெரிய அளவில் அவருக்கு வாய்ப்புகள் இல்லை. த்ரிஷா, வாய்ப்பு கிடைக்கும் படங்களில் நடித்து வருகிறார். இந்நிலையில் அடுத்த நம்பர் 1 நடிகை யார் என்று போட்டி எழுந்துள்ளது. இந்த இடத்தை பிடிக்க காஜல் அகர்வால், அமலா பால், ஹன்சிகா மோத்வானி, சமந்தா ஆகிய 4 இளம் நடிகைகளுக்குள் ரேஸ் நடக்கிறது.

விஜய்யுடன் 'துப்பாக்கி', சூர்யாவுடன் 'மாற்றான்' படங்களில் நடித்து வருவதால் காஜல் அகர்வால் உற¢சாகத்தில் இருக்கிறார். விஜய்யுடன் 'வேலாயுதம்' படத்தில் நடித்த ஹன்சிகா மோத்வானி அடுத்து ஹரி இயக்கும் 'சிங்கம் 2' படத்தில் சூர்யா ஜோடியாக நடிக்க ஒப்பந்தம் ஆகி இருக்கிறார். 'வேட்டை மன்னன்' படத்திலும் நடிக்கிறார். முன்னணி ஹீரோக்களுடன் நடிக்காமலே போட்டி களத்தில் முன்னேறி வரும் நடிகை, அமலா பால். அதே நேரம், மணிரத்னம் இயக்கும் 'கடல்' படத்திலும், கவுதம் மேனன் இயக்கும் 'நீதானே என் பொன் வசந்தம்' படத்திலும் ஒப்பந்தமாகி இருக்கும் சமந்தா மற்ற மூன்று நடிகைகளுக்கும் போட்டியாக களத்தில் உள்ளார். ரசிகர்களை கவர்ந்துள்ள ரிச்சாவுக்கு தமிழில் படங்கள் இல்லை. தீக்ஷா சேத்துக்கு 'வேட்டை மன்னன்' படம் மட்டும் உள்ளது.

பாத்ரூமில் வழுக்கி விழுந்து பாடகி ஜானகி சீரியஸ்!!!

பிரபல பின்னணி பாடகி எஸ்.ஜானகி, பாத்ரூமில் வழுக்கி விழுந்து மருத்துவமனையில் சேர்க்கப்பட்டுள்ளார். அங்கு அவருக்கு தீவிர சிகிச்சை அளிக்கப்படுகிறது. பழம்பெரும் பின்னணி பாடகி எஸ்.ஜானகி. இவர் சமீபத்தில் நிகழ்ச்சியொன்றில் பங்கேற்க திருப்பதி சென்றார். அறை ஒன்றில் தங்கி இருந்த அவர், பாத்ரூமில் வழுக்கி விழுந்தார். இதில் படுகாயம் அடைந்தார். உடனடியாக திருப்பதியில் உள்ள சிம்ஸ் மருத்துவமனையில் சேர்த்தனர். அங்கு டாக்டர்கள் தீவிர சிகிச்சை அளித்து வருகின்றனர்.

ஆந்திராவில் உள்ள குண்டூரில் 1938ம் ஆண்டு பிறந்த ஜானகி, தமிழ், தெலுங்கு, இந்தி உள்ளிட்ட பல்வேறு மொழிகளில் ஏராளமான பாடல்கள் பாடி இருக்கிறார். 4 முறை தேசிய விருதும், 31 மாநில அரசு விருதுகளும் பெற்றவர். இதுகுறித்து ஜானகியின் மகன் முரளி கிருஷ்ணா நிருபர்களிடம் கூறுகையில், "மருத்துவமனை கண்காணிப்பாளர் சீனிவாச ராவ் தலைமையில் மருத்துவ குழுவினர் தீவிர சிகிச்சை அளித்தனர்.

தலையில் காயம் ஏற்பட்டதால் தையல் போடப்பட்டுள்ளது. கீழே விழுந்ததால் மூளை சேதம் ஏற்பட்டதா என கண்டறிய எம்ஆர்ஐ ஸ்கேன் எடுத்தனர். கீழே விழுந்ததால் தற்போது முதுகுவலியால் அவதிப்பட்டு வருகிறார். அவரது உடல் நலம் குறித்து யாரும் பயப்பட வேண்டாம்" என்றார்.

ரஜினி ஜோடியானார் தீபிகா படுகோன்!!!

கோச்சடையான்’ படத்தில் ரஜினிகாந்த் ஜோடியாக தீபிகா படுகோன் நடிக்கிறார் என்று சவுந்தர்யா ரஜினி தெரிவித்துள்ளார். சவுந்தர்யா ரஜினி இயக்கத்தில் ரஜினிகாந்த் நடிக்கும் படம், ‘கோச்சடையான்’. ஏ.ஆர்.ரகுமான் இசை அமைக்கிறார். கே.எஸ்.ரவிகுமார் இயக்குனர் மேற்பார்வை செய்கிறார். இதில், சரத்குமார், ஜாக்கி ஷெராஃப், ஷோபனா, ஆதி, ருக்மணி விஜயகுமார் உட்பட பலர் நடிக்கின்றனர்.

மோஷன் கேப்ச்சர் டெக்னாலஜியில் தயாராகும் முதல் தமிழ்ப் படமான இதில் ஹீரோயினாக நடிக்க கேத்ரினா கைப்பிடம் சவுந்தர்யா பேசி வந்தார். அவருடைய கால்ஷீட் ஒத்துவராததால் தீபிகா படுகோனிடம் பேசினார். ரஜினியுடன் நடிக்க தான் எப்போதும் தயாராக இருப்பதாக கூறிய தீபிகா, உடனே நடிக்க சம்மதித்துள்ளார். இத்தகவலை சவுந்தர்யா தெரிவித்துள்ளார். ஏற்கனவே ‘ராணா’ படத்தில் நடிக்க தீபிகா படுகோன் ஒப்பந்தம் செய்யப்பட்டிருந்தார் என்பது குறிப்பிடத்தக்கது.