Friday, March 9, 2012

இளையராஜாவின் சொந்தப் படத்தை இயக்குகிறார் கௌதம் மேனன்!!!

Friday, March 09, 2012 12
சென்னை;;இளையராஜாவின் சொந்த தயாரிப்பு நிறுவனமான பாவலர் க்ரியேஷன்ஸ் கோழிகூவுது, அலைகள் ஓய்வதில்லை, கொக்கரக்கோ போன்ற படங்களை தயாரித்துள்ளது. பாவலர் கிரியேஷன்ஸின் பல படங்கள் வெள்ளி விழா கண்டன. பல நாட்களுக்கு பிறகு பாவலர் க்ரியேஷனஸ் தயாரிப்பில் இறங்குகிறது.

பாவலர் க்ரியேஷன்ஸ் தயாரிக்கும் படம் கௌதம் வாசுதேவ் மேனனின் படமாக இருக்கலாம் எனத் தெரிகிறது. கௌதம் வாசுதேவ் மேனனின் படத்திற்கு இளையராஜா முதல்முறையாக இசையமைக்கிறார் என்ற செய்தி பரபரப்பாக பேசப்பட்டு இப்போது தான் தணிந்தது.

பாவலர் க்ரியேஷன்ஸ் தயாரிக்கும் படங்களுக்கு இளையராஜா தான் இசையமைப்பார். பாவலர் க்ரியேஷன்ஸ் தயாரிப்பில் கௌதம் மேனன் படத்தை இயக்கினால் இளையராஜாவும் கௌதம் மேனனும் மற்றொரு முறை இணைவது உறுதி.

சென்ற ஆண்டு சில படங்களுக்கு இசையமைத்த இளையராஜா, இப்போது 10க்கும் மேற்பட்ட படங்களுக்கு இசையமைத்து வருகிறார். தமிழ், இந்தி, தெலுங்கு, கன்னடம், மலையாளம் என பல மொழிகளில் பணியாற்றி வருகிறார்.

நீ தானே என் பொன்வசந்தம் படத்தின் 30நொடி முன்னோட்டத்தில் ராஜா ராஜா தான் என்ற தன் தனித்துவத்தை வெளிப்படுத்தி இருக்கிறார் இளையராஜா.

மீண்டும் ராஜாவின் ராஜாங்கம்!

ஷங்கர் இயக்கத்தில் சூர்யா? - புதிய கூட்டணி!!!

Friday, March 09, 2012 12
சென்னை::ஆஸ்கர் ஃபிலிம்ஸ் தயா‌ரிப்பு, கமல் ஹீரோ, படத்தின் பெயர் தலைவன் இருக்கின்றான், இயக்கம் ஷங்கர்... சென்ற மாதம் சூறாவளியாக வீசிய இந்த‌ி‌ச் செய்தியை இன்று காணவே காணோம். ஷங்கர் அடுத்து யாரை இயக்குகிறார் என்ற கேள்வி மட்டும் அப்படியே இருக்கிறது.

கடந்த இரு தினங்களாக புதிய செய்தியொன்று அடிபடுகிறது. இருதரப்பும் அதிகாரபூர்வமாக எதுவும் சொல்லவில்லை என்றாலும் அது என்ன செய்தி என்று தெ‌ரிவிப்பது நமது கடமை.

அதாவது ஷங்கர் தனது புதிய ஸ்கி‌ரிப்டை தொடங்கிவிட்டார். முன்பு சுஜாதாவிடம் கதை சொல்லி எழுதி வாங்கியது போல் இந்தமுறை கே.வி.ஆனந்தின் ஆஸ்தான எழுத்தாளர்கள் சுபாவிடம் கதை சொல்லி காட்சிகளை வி‌ரிவாக எழுதச் சொல்லி கேட்டிருக்கிறார்.

இந்தமுறை கமல், விக்ரம் எல்லாம் ஷங்க‌ரின் மனதில் இல்லை, சூர்யாவுடன் இணைய அவர் முடிவு செய்திருக்கிறார் என ஒரு இனிப்புருண்டையை உருட்டிவிட்டிருக்கிறார்கள். இதை‌‌த்தான் இப்போது மீடியா மொய்த்துக் கொண்டிருக்கிறது.

ஷங்கரோ, சூர்யாவோ இதனை ஒத்துக் கொண்டால் மட்டுமே அது இனிப்புருண்டையா இல்லை கசப்புருண்டையா என்பது தெ‌ரியவரும்.

கிளிப்பிங்ஸ்!!!கிளிப்பிங்ஸ்!!!கிளிப்பிங்ஸ்!!!

Friday, March 09, 2012 12
சென்னை::* சில்க் ஸ்மிதா வேடத்தில் நடித்து சிறந்த நடிகைக்கான தேசிய விருது பெற்ற வித்யாபாலன் துபாயில் பெண்கள் குழந்தைகள் நல அமைப்புக்கு சென்றபோது அவர்களுக்கு விருந்தளித்து விருது பெற்றதற்கு விழா கொண்டாடினார்.

* கே.வி.ஆனந்தின் புதிய ஸ்கிரிப்ட் கேட்ட ரஜினிக்கு பிடித்துவிட அவரது இயக்கத்தில் நடிக்க உள்ளதாக கூறப்படுகிறது. ஆனால் ஆனந்த் இதை உறுதி செய்யவில்லை.

* தமிழ் முன்னணி நடிகர்களுடன் நடிக்க அனுஷ்கா, காஜல் அகர்வாலுக்கு இடையே பலத்த போட்டி நிலவுகிறது.

* முப்பரிமாணத்தில் உருவாகும் ‘ரெமோ’ என்ற இசை ஆல்பத்தில் நடனம் ஆடுவதற்காக 6 கிலோ எடை குறைத்திருக்கிறார் பிரபுதேவா.

* செல்வராகவன் இயக்கும் ‘இரண்டாம் உலகம்’ படத்தில் இரு வேடத்தில் நடிக்கிறார் ஆர்யா.

சூர்யாவுடன் நடிக்க மறுப்பா? டாப்ஸி விளக்கம்!!!

Friday, March 09, 2012 12
சென்னை::சூர்யாவுடன் ஜோடியாக நடிக்க மறுத்தது ஏன்?’ என்று டாப்ஸி விளக்கினார். ‘ஆடுகளம்’ படத்தில் அறிமுகமானவர் டாப்ஸி. இவர் கூறியதாவது: கே.வி.ஆனந்த் இயக்கத்தில் சூர்யா நடிக்கும் ‘மாற்றான்’ படத்தில் நடிக்க முதலில் என்னை ஒப்பந்தம் செய்ய முடிவு செய்தனர். நானும் காத்திருந்தேன். ஆனால் என்ன காரணத்தாலே அந்த வாய்ப்பு வரவே இல்லை. எனவே சூர்யாவுடன் ஜோடியாக நடிக்க மறுக்கவும் இல்லை, அதை ஏற்பதற்கான வாய்ப்பும் வரவில்லை என்பதுதான் நிஜம். ‘கோலிவுட்டில் நம்பர் 1 நடிகையாக வராதது ஏன்?’ என்கிறார்கள். தெலுங்கு, இந்தி படங்களிலும் நான் நடித்து வருகிறேன். அதில்கூட ஒரே நாளில் நான் பெரிய ஹீரோயின் என்ற அந்தஸ்தை பெற்றுவிடவில்லை. படிப்படியாகவே எனது வளர்ச்சி அமைந்திருக்கிறது. எனக்கு இன்னும் வயது இருக்கிறது. சினிமாவுலகை விட்டு இப்போதைக்கு விலகிவிடப்போவதில்லை. எனக்கென்று ஒரு நேரம் வரும் அப்போது நல்ல இடத்தை பிடிப்பேன். இந்தியில் ‘சாஸ்மி பத்தூர்’ என்ற படத்தில் நடித்து வருகிறேன். இந்தி எனது தாய்மொழி என்பதால் இப்படத்தில் நடிக்கும்போது எந்த டென்ஷனும் இல்லாமல் நடிக்கிறேன். தெலுங்கில் ‘குண்டல்லோ கோதாரி’ படத்தில் நடிக்கிறேன். 1980களில் நடக்கும் கதை. அதற்கு ஏற்ப எனது காஸ்ட்யூம், நடிப்பு அமைந்திருக்கும். கிராமத்து பெண்ணாக நல்லது எது, கெட்டது எது என்று தெரியாத வேடம். இதில் எனது கதாபாத்திரத்தை நடித்து முடித்துள்ளேன். தமிழிலும் இப்படம் ரிலீஸ் ஆக உள்ளது. இவ்வாறு டாப்ஸி கூறினார்.

'நாங்க' உள்பட நான்கு படங்கள் இன்று ரிலீஸ்!!!

Friday, March 09, 2012 12
சென்னை::இந்த வெள்ளிக்கிழமை நான்கு புதிய படங்கள் வெளியாகின்றன. நான்குமே சின்ன பட்ஜெட் படங்கள்.

திரையுலகில் இப்போது சிறு முதலீட்டுப் படங்கள் அதிகமாக வெளியாகி வருகின்றன. மாதக்கணக்கில் பெட்டிக்குள் முடங்கிக் கிடந்த படங்களுக்கும் இப்போது ஓரளவு திரையரங்குகள் கிடைப்பதுதான் காரணம்,.

அந்த வகையில், இந்த வாரம் செல்வா இயக்கியுள்ள நாங்க, அர்ஜுன் நடித்த மாசி, சேவற்கொடி மற்றும் பத்திரமா பாத்துக்கங்க ஆகிய நான்கு படங்கள் வெளியாகின்றன.

இவற்றில் அர்ஜுன் படம் மட்டும் கடைசி நேரத்தில் தள்ளிப் போகும் வாய்ப்புள்ளதாகக் கூறப்படுகிறது.

நாங்க படம் எண்பதுகளின் பின்னணியைக் கொண்டு உருவாக்கப்பட்டுள்ளது. சுப்பிரமணியபுரம் மாதிரி இந்தப் படம் திடீர் வெற்றியைப் பெறும் என நம்புகிறார்கள்.

பத்திரமா பாத்துக்கங்க படத்தை விசி சோமசுந்தரம் இயக்கியுள்ளார். குடும்பத்தையும் காதலையும் பத்திரமா பாத்துக்கணும் என்பதுதான் இந்தப் படம் சொல்ல வரும் கருத்து.

ராதாமோகனின் உதவியாளர் சுப்பிரமணியன் இயக்கியுள்ள சேவற்கொடி இன்னுமொரு நம்பிக்கையூட்டும் வரவாக அமைந்துள்ளது.

இவை தவிர, வித்யா பாலன் கஹானி இந்திப் படம் வெளியாகிறது.

இந்தப் படங்களில் 25 நாளைத் தாண்டும் படம் எதுவெனப் பார்ப்போம்!

விஜய்க்காக உருவாக்கப்பட்ட கதையில் அஜ்மல்!!!

Friday, March 09, 2012 12
சென்னை::விஜய்க்காக உருவாக்கப்பட்ட ஒரு கதையில் இப்போது ஹீரோவாக நடிக்கிறார் இளம் நடிகர் அச்மல்.

இயக்குநர் ருத்ரன் இயக்கும் படம் வெற்றி செல்வன். இப்படத்தின் கதையை விஜய்க்காகவே உருவாக்கினாராம் ருத்ரன்.

கதை கேட்டு தனக்குப் பிடித்திருப்பதாக சொன்ன விஜய்யால், பல்வேறு காரணங்களால் இப்படத்தில் நடிக்க முடியாமல் போய்விட்டதாம்.

அஜ்மலுக்கு ஜோடியாக ராதிகா ஆப்தே நடிக்கிறார். தோனி படத்தில் நாயகியாக நடித்துப் பாராட்டுக்களைப் பெற்றவர். மதன் கார்கி பாடல்கள் எழுத இசையமைக்கிறார் மணி ஷர்மா.

இப்படத்திற்கு முதலில் சூட்டப்பட்ட பெயர் ரணம். பின்னர் சத்யவான் என்று மாற்றப்பட்டது. இப்போது அதுவும் மாறி 'வெற்றி செல்வன்' ஆகியிருக்கிறது.

இதாவது நிலைக்குமா? என்றால், 'நிச்சயமாக.. இனி தலைப்பை மாற்றுவதாக இல்லை, என்கிறார் இயக்குநர்.

சங்கரன்கோவிலில் நடிகை குஷ்பு இன்று பிரசாரம்!!!

Friday, March 09, 2012 12
சென்னை::சங்கரன்கோவில் : திமுக வேட்பாளரை ஆதரித்து நடிகை குஷ்பு இன்று தீவிர பிரசாரம் செய்கிறார். சங்கரன்கோவில் தொகுதி திமுக வேட்பாளர் ஜவகர் சூரியகுமாரை ஆதரித்து நடிகை குஷ்பு இன்று மாலை 6 மணிக்கு மேலநீலிதநல்லூர் ஒன்றியம் தேவர்குளத்தில் பிரசாரத்தை துவக்குகிறார். அங்கிருந்து வன்னிக்கோனேந்தல், பனவடலிசத்திரம், குருக்கள்பட்டி, சண்முகநல்லூர் ஆகிய கிராமங்களுக்குச் சென்று வாக்கு சேகரிக்கிறார். பின்னர் இரவு 7 மணி முதல் சங்கரன்கோவில் நகராட்சி பகுதி களான தேரடித் திடல், கழுகு மலை ரோடு, கக்கன்நகர், திருவேங்கடம் சாலை, திருவள்ளுவர் சாலை மெயின்ரோடு, பஸ் நிலையம் முன்பு, வடக்கு ரத வீதி ஆகிய இடங்களிலும் திறந்த வேனில் நின்று பிரசாரம் செய்கிறார்.

தாறுமாறாக பைக் ஓட்டிய வழக்கில் ஜான் ஆபிரகாம் கைது!!!

Friday, March 09, 2012 12
மும்பை::தாறுமாறாக பைக் ஓட்டி 2 இளைஞர்களை காயப்படுத்திய வழக்கில் பாலிவுட் நடிகர் ஜான் ஆபிரகாம் இன்று மும்பையில் கைது செய்யப்பட்டார்.

பிரபல பாலிவுட் நடிகர் ஜான் ஆப்ரகாம் கடந்த 2006ம் ஆண்டு மும்பையில் படுவேகமாக பைக் ஓட்டிச் சென்று 2 இளைஞர்கள் மீது மோதினார். இதில் 2 இளைஞர்களும், அவரும் காயமைடந்தனர். இதையடுத்து ஜான் அந்த 2 இளைஞர்களையும் மருத்துவமனையில் சேர்த்தார்.

இது குறித்த வழக்கு பந்த்ரா மெட்ரோபாலிடன் மாஜிஸ்திரேட் நீதிமன்றத்தில் நடைபெற்றது. இந்த வழக்கில் கடந்த 2010ம் ஆண்டு அக்டோபர் மாதம் தீர்ப்பு அளிக்கப்பட்டது. அதில் கவனக்குறைவு மற்றும் தாறுமாறாக மோட்டார் சைக்கிளை ஓட்டிய குற்றத்திற்காக ஜான் ஆப்ரகாமிற்கு 15 நாள் சிறைத் தண்டனையும், ரூ.15,000 அபராதமும் விதிக்கப்பட்டது.

இதையடுத்து அவர் மும்பை செஷன்ஸ் நீதிமன்றத்தில் மேல்முறையீடு செய்தார். ஆனால் அந்த நீதிமன்றம் மாஜிஸ்திரேட் நீதிமன்றம் அளித்த தீர்ப்பு சரியானதே என்று கூறிவிட்டது. இதையடுத்து அவர் ஜாமீன் கோரி மும்பை உயர் நீதிமன்றத்தில் மனு தாக்கல் செய்தார். அந்த மனு இன்று விசாரணைக்கு வந்தது. ஆனால் நீதிபதி ஜானின் மனுவை தள்ளுபடி செய்து உத்தரவிட்டார்.

இதையடுத்து அவர் இன்று மும்பையில் கைது செய்யப்பட்டார்.

காதலன் தற்கொலை வழக்கில் நடிகை அல்போன்சா கைது இல்லை!!!

Friday, March 09, 2012 12
சென்னை::காத லன் தற்கொலை செய்து கொண்ட வழக்கில், நடிகை அல்போன்சாவை கைது செய்யும் திட்டத்தை போலீசார் கைவிட்டனர். இதனால், காதலனின் பெற்றோர் அதிர்ச்சி அடைந்துள்ளனர். பிரபல கவர்ச்சி நடிகை அல்போன்சா, தனது கணவர் நோபலை விட்டு பிரிந்து விருகம்பாக்கத்தில் வசித்து வருகிறார். இவரது காதலன் வினோத்குமார். அல்போன்சாவுக்கு வயது 32. ஆனால் வினோத்குமாருக்கு வயது 26. சுமார் 6 வயது இளையவரை அல்போன்சா காதலித்து வந்தார்.

இந்நிலையில், அல்போன்சா வீட்டில் வினோத்குமார் தூக்குப் போட்டு தற்கொலை செய்து கொண்டார். இந்த சம்பவம் பெரும் பரபரப்பை ஏற்படுத்தியது.
போலீசார் விசாரணைக்கு பயந்துபோன அல்போன்சாவும் 32 தூக்க மாத்திரைகளை சாப்பிட்டு தற்கொலைக்கு முயன்றார். தீவிர சிகிச்சைக்கு பிறகு நேற்று வீடு திரும்பினார் அல்போன்சா. அவரிடம் போலீசார் நடத்திய விசாரணையில் தெரியவந்த தகவல்கள் வருமாறு:

நானும் வினோத்குமாரும் திருமணம் செய்ய திட்டமிட்டிருந்தோம். எனக்கு விவாகரத்து கிடைத்தவுடன் திருமணம் செய்ய திட்டமிட்டிருந்தோம். இதுகுறித்து அவரது பெற்றோரிடமும் பேசினார். ஆனால் திருமணத்துக்கு அவர்கள்தான் எதிர்ப்பு தெரிவித்தனர். நாங்கள் இருவரும் கடந்த 9 மாதமாக ஒரே வீட்டில் வசித்து வருகிறோம். ஒரே அறையில்தான் தூங்குவோம். என்னுடைய மகனைக்கூட தன் மகனாகவே பார்த்து கவனித்துக் கொண்டார். நான் துபாய் நடன நிகழ்ச்சிக்கு சென்றபோது கூட என் மகனை நன்றாக பார்த்துக் கொண்டார். அவருக்கும் வருமானம் இல்லை. இதனால் செலவுக்கு பெற்றோரை எதிர்பார்க்க வேண்டிய சூழ்நிலை இருந்தது. பலமுறை அம்மாவிடம் பணம் வாங்கி வந்து செலவு செய்தோம்.செலவுக்கு கஷ்டமாக இருந்ததால் மீண்டும் நடிக்க முடிவு செய்திருந்தேன். நாங்கள் சந்தோசமாகத்தான் இருந்தோம். ஏன் தற்கொலை செய்து கொண்டார் என்பது தெரியவில்லை.

இவ்வாறு போலீசில் அல்போன்சா கூறினார். வினோத்குமார் தற்கொலை செய்து கொண்டதாக பிரேத பரிசோதனை அறிக்கையில் தெரியவந்தது. ஆனால், தற்கொலைக்கு அல்போன்சா தூண்டினாரா என்று போலீசார் விசாரணை நடத்தினர். அதற்கான எந்த ஆதாரமும் போலீசுக்கு கிடைக்கவில்லை. வினோத்குமாரின் கடிதம் கூட இல்லை. அதனால் வினோத்குமார் தற்கொலை வழக்கில் நடிகையை கைது செய்யும் முடிவை போலீசார் கைவிட்டனர்.

அதே நேரத்தில், தற்கொலைக்கு முயன்றதாக நடிகை அல்போன்சா மீது வழக்குப்பதிவு செய்யப்பட்டுள்ளது. அந்த வழக்கில் தற்கொலைக்கு முயன்றவரை கைது செய்ய வேண்டிய அவசியம் இல்லை என்று உச்ச நீதிமன்றம் கூறியுள்ளது. அதனால் அந்த வழக்கிலும் போலீசார் கைது செய்யும் முடிவையும் கைவிட்டனர். இதனால் இரு வழக்கிலும் கைது செய்யும் முடிவை போலீசார் கைவிட்டனர். இந்த தகவல் தெரிந்ததால், வினோத்குமாரின் பெற்றோர் அதிர்ச்சி அடைந்துள்ளனர். இது குறித்து உயர் அதிகாரிகளிடம் புகார் செய்ய இருப்பதாக அவர்கள் தெரிவித்தனர்.

21 சவரன் நகை எங்கே? வினோத்குமார் தந்தை புகார்

வினோத்குமாரின் தந்தை பாண்டியன், சென்னை போலீஸ் கமிஷனரிடம் நேற்று அளித்த புகாரில் கூறியிருப்பதாவது: கடந்த 4ம் தேதி நள்ளிரவு ஒரு மணியளவில், வினோத்குமார் செல்போனில் இருந்து எனக்கு அழைப்பு வந்தது. நான் எடுத்து பேசியபோது, எதிர்முனையில் நடிகை அல்போன்சா, ‘உங்கள் மகன் தற்கொலை செய்து கொண்டார்’ என்று சொல்லிவிட்டு இணைப்பை துண்டித்து விட்டார். நாங்கள் பதறியபடி சென்றோம்.

அங்கு என்னுடைய மகன் சடலம் கார் பார்க்கிங்கில் கிடத்தப்பட்டிருந்தது. மூக்கு, வாய் பகுதியில் ரத்தம் இருந்தது. அவன் தங்கியிருந்த அறைக்கு சென்று பார்த்தபோது, அங்குள்ள சுவற்றில் பல இடங்களில் ரத்தக்கறை படிந்திருந்தது. மேலும், அவனது தலையிலும் காயம் இருந்தது. எனவே, என் மகன் சாவில் மர்மம் உள்ளது.

இதுதொடர்பாக ராபர்ட், அல்போன்சா, அவருடைய அம்மா ஆகியோர் மீது சந்தேகம் உள்ளது. அவர்கள்தான் வினோத்தை கொலை செய்திருக்க வேண்டும். இதுதொடர்பாக 3 பேரையும் கைது செய்ய வேண்டும். என் மகன் எப்போதும் 12 சவரனில் முறுக்கு செயின், 2 சவரன் மோதிரம், 7 சவரன் பிரேஸ்லெட் என 21 சவரன் நகை அணிந்திருப்பான். அந்த நகைகள் மாயமாகி உள்ளது. இவ்வாறு புகாரில் கூறப்பட்டுள்ளது.

மே 21-ல் நடிகை சினேகா - பிரசன்னா திருமணம்!!!

Friday, March 09, 2012 12
சென்னை::நடிகை சினேகாவுக்கும், நடிகர் பிரசன்னாவுக்கும் சென்னையில், மே மாதம் 11-ந் தேதி திருமணம் நடைபெறுகிறது.

அச்சமுண்டு அச்சமுண்டு படத்தில் நடித்ததன் மூலம் காதலர்களாக மாறியவர்கர்கல் நடிகை சினேகாவும், நடிகர் பிரசன்னாவும்.

இந்தப் படத்துக்காக சில தினங்கள் இருவரும் ஒரே வீட்டில் தங்க நேர்ந்தபோது காதல் மலர்ந்ததாம். இந்தக் காதல் குறித்து இருவரும் மவுனம் காத்தனர் ஆரம்பத்தில். ஆனால் பின்னர் கவுரவமாக ஒப்புக் கொண்டனர்.

2 மாதங்களுக்கு முன்பு பிரசன்னா, "எனக்கும், சினேகாவுக்கும் இடையே காதல் இருப்பது உண்மைதான். நாங்கள் இருவரும் பெற்றோர்கள் சம்மதத்துடன் திருமணம் செய்து கொள்ள இருக்கிறோம். எங்கள் இரண்டு பேரின் பெற்றோர்களும் சந்தித்துப்பேசி, திருமணத்தை முடிவு செய்வார்கள்'' என்று கூறினார்.

அப்போது, சினேகா அமெரிக்காவில் இருந்தார். பிரசன்னாவின் காதல்-திருமண அறிவிப்பை அவர் மறுக்கவில்லை. பகிரங்கமாக அறிவிக்கவும் இல்லை. பின்னர் பத்திரிகைப் பேட்டிகளில் ஆமாம் திருமணம் உண்மைதான் என்று சினேகா கூறினார்.

கடந்த மாதம் (பிப்ரவரி) 14-ந் தேதி காதலர் தினத்தன்று இருவரும் ஜோடியாக பத்திரிகைகளுக்கு 'போஸ்' கொடுத்து காதலை உறுதிப் படுத்தி, பரிசு பொருட்களை பரிமாறிக் கொண்டார்கள்.

இந்த நிலையில், சினேகாவின் பெற்றோர்களும், பிரசன்னாவின் பெற்றோர்களும் சமீபத்தில் சந்தித்து சினேகா-பிரசன்னா திருமணத்தை நிச்சயம் செய்தார்கள். அதன்படி, இருவருக்கும் வருகிற மே 11-ந் தேதி, சென்னை வானகரம் அருகில் உள்ள ஸ்ரீவாரு வெங்கடாசலபதி மண்டபத்தில், திருமணம் நடக்கிறது.

திருமணத்துக்கான வேலைகள் இப்போதே தொடங்கி விட்டன.

"திருமணத்துக்குப்பின், சினேகா விரும்பினால் நடிக்கலாம். விரும்பவில்லை என்றால் நடிப்பதை நிறுத்திக் கொள்ளலாம். அதில், நான் தலையிட மாட்டேன். வாழ்க்கை வேறு, தொழில் வேறு என்பதில் நான் உறுதியாக இருக்கிறேன்'' என்று ஏற்கெனவே பிரசன்னா கூறியிருந்தார்.

எனவே சினேகாவுக்கு நடிப்பை நிறுத்தும் ஐடியா இல்லையாம். புதிதாக மேலும் படங்களை ஒப்புக் கொண்டு வருகிறார்.

நிர்வாண போஸூக்காக மண்டையை உடைத்துக்கொள்ள மாட்டேன்: காஜல்!!!

Friday, March 9, 2012
நிர்வாண போஸ் குறித்த செய்திகளை நினைத்து நான் கவலைப்பட மாட்டேன் அது ரொம்ப சில்லியான மேட்டர், என்று நடிகை காஜல் அகர்வால் கூறியுள்ளார். 'பொம்மலாட்டம்' படம் மூலம் தமிழ் சினிமாவுக்கு அறிமுகமானவர் காஜல் அகர்வால். கடந்த சில மாதங்களுக்கு முன்பு பத்திரிகை ஒன்றுக்கு நிர்வாணமாக போஸ் கொடுத்து பெரும் பரபரப்பை ஏற்படுத்திய காஜல், அதனை முதலில் மறுத்து வந்தார். ஆரம்பத்தில் அது என்னுடைய படமே இல்லை; கிராபிக்ஸ் படம் என்று கூறி வந்த காஜல், இப்போது அந்த படத்திற்கு போஸ் கொடுத்தது நான்தான் ஆனால் நிர்வாணமாக போஸ் கொடுக்கவில்லை, என்று கூறியிருக்கிறார். இதுபற்றி அவர் அளித்துள்ள பேட்டியில், அந்த பத்திரிகை ஷூட்டில் எடுத்த படங்களை என்னிடம் காட்டிவிட்டு பப்ளிஷ் செய்யும்படி கூறியிருந்தேன். குறிப்பிட்ட அந்த படத்தில் நான் ஒரு பஸ்டியரை அணிந்திருந்தேன். அதை கிராப் செய்துவிட்டு போட்டோஷாப்பில் வொர்க் செய்து வெளியிட்டிருக்கிறார்கள். அதை பற்றி கவலைப்பட்டு மண்டையை உடைத்துக் கொள்ள மாட்டேன். இது ரொம்ப சில்லியான விஷயம். (ஆமாமா இதெல்லாம் இவுகளுக்கு சில்லியான மேட்டர்தான்) இனிமேல் ஜாக்கிரதையாக இருப்பேன், என்று கூறியுள்ளார்