Sunday, February 5, 2012

'வாடா செல்லம்' பட நாயகி கரோலின் விபச்சார வழக்கில் கைது!

புனே:வாடா செல்லம் உள்ளிட்ட சில தமிழ்ப் படங்களில் ஹீரோயினாக நடித்தவரான நடிகை கரோலின் மரியத், புனேவில் விபச்சாரம் செய்ததாக போலீஸாரால் கைது செய்யப்பட்டுள்ளார்.

புனேவில் உள்ள ஐந்து நட்சத்திர ஹோட்டலி்ல வைத்து அவரை கையும் களவுமாக போலீஸார் பிடித்தனர்.

22 வயதான கரோலின் மரியத், 2 தமிழ்ப் படங்களில் ஹீரோயினாக நடித்துள்ளாராம். இதுதவிர சில நகைக் கடை, துணிக்கடை விளம்பரங்களிலும் இவர் நடித்துள்ளாராம்.

இவருடன் ஒரு இரவை செலவிட ரூ. 3 லட்சம் வரை பணம் கொடுக்க வேண்டுமாம். இதுகுறித்து மூத்த இன்ஸ்பெக்டர் பானுபிரதாப் பார்கே கூறுகையில், வலை விரித்து இந்தப் பெண்ணை நாங்கள் பிடித்துள்ளோம். சென்னையில் இவர் பிரபலமானவர் என்று கூறப்படுகிறது. சில படங்களில் இவர் ஹீரோயினாக நடித்துள்ளாராம்.

மரியத்துடன் அவரது மேலாளர் ராஜ்குமார் என்பவரும் சிக்கியுள்ளார். மரியத் மீது விமான் நகர் போலீஸில் நிலையத்தில் வழக்குப் பதிவாகியுள்ளது என்றார்.

வாடா செல்லம் என்ற தமிழ்ப் படத்தில் கரோலின் நாயகியாக நடித்துள்ளார். இப்படத்தில் மகேந்திரன் நாயகனாக நடித்துள்ளார்.

10-ந்தேதி கரீனா கபூர்- சயீப் அலிகான் நிச்சயதார்த்தம்!

இந்தி நடிகை கரீனா கபூரும், நடிகர் சயீப் அலிகானும் நீண்ட நாட்களாக காதலிக்கின்றனர். சயீப் அலிகானுக்கு 41 வயதாகிறது. கரீனாவுக்கு 31 வயது. இருவரும் பொது நிகழ்ச்சிகளில் ஜோடியாக பங்கேற்று வந்தனர். படங்களில் இணைந்தும் நடித்து வந்தார்கள். விரைவில் திருமணம் செய்து கொள்ளும்படி இரு வீட்டு பெற்றோரும் வற்புறுத்தி வந்தார்கள்.

சயீப் அலிகான் ஏற்கனவே திருமணம் ஆனவர். முதல் மனைவியான நடிகை அமிர்தாசிங்கை 1991-ல் மணந்தார். இருவருக்கும் கருத்து வேறுபாடு ஏற்பட்டு 2004-ல் விவாகரத்து செய்து கொண்டனர். கரீனாகபூரை இரண்டாவது திருமணம் செய்து கொள்ள சயீப் அலிகான் சம்மதம் தெரிவித்துள்ளார்.

கரீனா- சயீப் அலி திருமணம் மார்ச் 23-ந்தேதி நடக்கிறது. திருமண நிச்சயதார்த்தம் வருகிற 10-ந்தேதி நடக்கிறது.

சம்பள உயர்வு கேட்டு பெப்சி தொழிலாளர்கள் உண்ணாவிரதம்: படப்பிடிப்புகள் முடங்கியது!

தமிழ், திரைப்பட தயாரிப்பாளர்களுக்கும் சினிமா தொழிலாளர் சங்கமான பெப்சிக்கும் இடையே சம்பள உயர்வு பிரச்சினையில் மோதல் ஏற்பட்டுள்ளது. திரைப்பட தொழிலாளர்கள் புதிய ஊதிய உயர்வு நிர்ணயித்து உள்ளனர். இந்த ஊதிய உயர்வை ஏற்க தயாரிப்பாளர்கள் மறுத்து விட்டார்கள்.

பெப்சி தொழிற்சங்கத்துடன் உறவு முறிந்தது என்றும் தன்னிச்சையாக தொழிலாளர்களை வைத்து படப்பிடிப்பை நடத்திக் கொள்ளலாம் என்று தயாரிப்பாளர்கள் சங்கம் பட அதிபர்களுக்கு அறிவுரை வழங்கி உள்ளது. இதனால் இரு பிரிவினருக்கும் மோதல் வலுத்தது.

முன்னணி நடிகர்களின் படப்பிடிப்புகள் நிறுத்தப்பட்டன. சம்பள உயர்வு அளிக்காத படங்களில் பணியாற்ற திரைப்பட தொழிலாளர்கள் மறுத்தனர். இதையடுத்து 2 வாரங்களாக படப்பிடிப்புகள் முடங்கி உள்ளன. இரு தரப்புக்கும் சமரசம் ஏற்படுத்த சிலர் முயற்சித்தனர். அது வெற்றி பெறவில்லை.

சம்பள உயர்வு கோரிக்கையை வலியுறுத்தி திரைப்பட தொழிலாளர்கள் இன்று உண்ணாவிரதப் போராட்டம் நடத்தினார்கள். வடபழனியில் உள்ள இசை அமைப்பாளர்கள் சங்க அலுவலக வளாகத்தில் இந்த உண்ணாவிரதம் நடந்தது.

காலை 8 மணிக்கு உண்ணாவிரதம் தொடங்கியது. உண்ணாவிரதத்தை நடிகர் ராதாரவி தொடங்கி வைத்தார். அகில இந்திய திரைப்பட தொழிலாளர் சங்கத் தலைவர் கல்வேஷ் திவாரி தலைமை வகித்தார். பெப்சி தலைவர் ராமதுரை, செயலாளர் சிவா, பொருளாளர் சண்முகம் பங்கேற்றனர்.

இந்த உண்ணாவிரதத்தில் லைட்மேன் சங்கம், மேக்கப் மேன் யூனியன், இயக்குனர் சங்கம், எடிட்டர்கள் சங்கம், புரெடக்சன் மானேஜர்கள் உள்ளிட்ட 23 சங்கங்களைச் சேர்ந்த நிர்வாகிகள், தொழிலாளர்கள் ஆயிரக்கணக்கில் கலந்து கொண்டனர்.

சம்பள உயர்வு கோரிக்கையை வலியுறுத்தி கோஷங்களும் எழுப்பினர். இயக்குனர்கள் அமீர், ஜனநாதன், பெப்சி விஜயன் உள்ளிட்ட பலர் உண்ணாவிரதத்தில் கலந்து கொண்டு வாழ்த்தி பேசினார்கள்.

இன்று மாலை வரை உண்ணாவிரதம் நடக்கிறது.

படிப்பதில் கிடைக்கும் ஆனந்தமும், சுகமும் வேறு எதிலும் கிடைக்காது. ரஜினி!

எழுத்தாளர் எஸ்.ராமகிருஷ் ணன் கனடா நாட்டின் இயல் விருதுக்கு தேர்வு செய்யப்பட்டுள் ளார். இதையொட்டி சென்னையில் நேற்று அவருக்கு பாராட்டு விழா நடந்தது. ‘உயிர்மை’ மனுஷ்யபுத்ரன் வரவேற்றார். எஸ்.ஏ.பெருமாள், வெ.இறையன்பு, கவிஞர் வைரமுத்து, விஜயசங்கர், கு.ஞானசம்பந்தம் ஆகியோர் வாழ்த்திப் பேசினர்.
விழாவில் ரஜினி பேசியதாவது:

வாழ்க்கையில் கஷ்டம் வரும்போதுதான் நிறைய விஷயங்களை தெரிந்துகொள்ள முடியும். என்னுடைய வாழ்க்கையை ஒரு புத்தகமாக எழுத முயற்சித்தபோது, எனது பண்ணை வீட்டிற்கு வந்து 15 நாள் ராமகிருஷ்ணன் எழுதினார். படித்தபோது, அதில் நிறைய உண்மைகள் இருந்தது. இது யாருடைய மனதையாவது புண்படுத்துமே என்று நினைத்து அப்படியே விட்டுவிட்டேன்.

நான் எஸ்.எஸ்.எல்.சி வரைக்கும்தான் படித்தேன். ஆனால், வாழ்க்கையை தெரிந்துகொள்ள வெவ்வேறு புத்தகங்களைப் படித்தேன். நான் படித்த புத்தகங்கள்தான், என் வாழ்க்கையில் உதவிகள் செய்திருக்கின்றன. எனவே, எல்லோரும் நிறைய படிக்க வேண்டும். படிப்பதில் கிடைக்கும் ஆனந்தமும், சுகமும் வேறு எதிலும் கிடைக்காது. எழுத்து என்பது பவர்புல் விஷயம். சுவாமி விவேகானந்தர் சிகாகோவில் பேசிய பேச்சு, இந்த உலகையே மாற்றியதை எல்லோரும் அறிவார்கள்.

கவிஞர் கண்ணதாசன் ஒரு காலத்தில் நாத்திகவாதியாக இருந்தார். அவரிடம், கம்பராமாயணத்தை எரிக்க கொடுத்தார்கள். எரிப்பதற்கு முன் அதில் என்னதான் இருக்கிறது என்று பார்ப்போமோ என்று படித்தார். படித்து முடித்து, அன்று முதல் ஆத்திகவாதியாக மாறிவிட்டார். படைப்புக்கு அவ்வளவு பெரிய சக்தி இருக்கிறது. பணம் என்ற கஷ்டம் எழுத்தாளர்களுக்கு வரக்கூடாது. படைப்பாளிகளுக்கு பதிப்பகங்களும், பத்திரிகைகளும் நல்ல ஊதியம் கொடுக்க வேண்டும். அப்போதுதான் அவர்கள் மேலும் நன்றாக எழுதுவார்கள். நல்ல, நல்ல சிந்தனைகள் வளரும். இவ்வாறு ரஜினி பேசினார்.