Wednesday, April 11, 2012

த்ரிஷா, தமன்னா கால்ஷீட் வாங்க முடியவில்லை!!!

Wednesday,April,11,2012
த்ரிஷா, தமன்னா கால்ஷீட் வாங்க முடியாததால் புது ஹீரோயினை நடிக்க வைத்தேன் என்றார் இயக்குனர். Ôஎனக்கு 20 உனக்கு 18Õ, ÔகேடிÕ ஆகிய படங்களை இயக்கியவர் ஜோதி கிருஷ்ணா. இப்படங்களில் த்ரிஷாவும், தமன்னாவும் நடித்திருந்தனர். ÔகேடிÕ, தமன்னா அறிமுகமான படம். பின்னர் இருவருமே முன்னணி இடத்தை பிடித்தனர். இந்நிலையில் ‘ஊ ல ல லாÕ என்ற படத்தை ஜோதி கிருஷ்ணா இயக்கி, ஹீரோவாக நடித்தார். விரைவில் திரைக்கு வருகிறது. இதுபற்றி ஜோதி கிருஷ்ணா கூறியது: ஊர்வசி லதா லலிதா லாவண்யா என்ற பெயர்களின் முதல் எழுத்தை வைத்துத்தான் இப்படத்துக்கு ஊ ல ல லா என்ற பெயரிடப்பட்டிருக்கிறது. இதில் நடிக்க த்ரிஷா, தமன்னாவிடம் கால்ஷீட் கேட்டிருந்தேன். ஆனால் அவர்கள் பிஸியாக நடித்துக்கொண்டிருந்ததால் கால்ஷீட் ஒதுக்க முடியவில்லை. இதையடுத்து ப்ரீத்தி பண்டாரி ஹீரோயினாக தேர்வானார். இப்படத்தை இயக்கி நானே ஹீரோவாக நடிக்கிறேன். இருவேலைகளையும் ஒரே நேரத்தில் செய்வது கடினம். இப்படம் முடிய வருடக் கணக்கில் ஆனதற்கு என்ன காரணம் என்கிறார்கள். இப்படத்தின் ஷூட்டிங்கில் நடித்தபோது முட்டியில் அடிபட்டு ஜவ்வு கிழிந்துவிட்டது. 6 மாதம் படுக்கையில் இருந்து சிகிச்சை எடுத்தேன். இப்போது படம் முடிந்து ரிலீஸுக்கு தயாராகிவிட்டது.

கோலிவுட்டைபோல் மலையாளத்தில் ஹீரோயின்கள் சம்பளம் உயர்ந்தது!!!

Wednesday,April,11,2012
கோலிவுட்டைபோல் மல்லுவுட்டிலும் ஹீரோயின்கள் சம்பளம் உயர்ந்து வருகிறது. கோலிவுட், டோலிவுட் படங்களில் நடிக்கும் முன்னணி நடிகைகள் சிலரின் சம்பளம் லட்சங்களில் தொடங்கி இன்று கோடியை நெருங்கிக் கொண்டிருக்கிறது. மலையாள படங்களில் குறைந்த சம்பளமே கிடைக்கிறது என்பதால் முன்னணி நடிகைகள் அங்கு நடிக்க தயக்கம் காட்டி வந்தனர். இப்போது மல்லுவுட்டிலும் படிப்படியாக ஹீரோயின்கள் சம்பளம் உயரத் தொடங்கி உள்ளது.

‘குரு என் ஆளு' படத்தில் நடித்த மம்தாவுக்கு கடந்த ஆண்டு திருமணம் நடந்தது. திருமணத்துக்கு முன்பு மலையாள படமொன்றில் நடிக்க ஒப்புக்கொண்டிருந்தார். இந்த வேடத்தில் மம்தாவால்தான் சிறப்பான நடிப்பை தர முடியும் என்று இயக்குனரும், தயாரிப்பாளரும் முடிவு செய்ததையடுத்து அவரை ஒப்பந்தம் செய்தனர். இதற்காக ரூ.15 லட்சம் சம்பளம் பெற்றார். இதுவரை மலையாளத்தில் மம்தா வாங்கிய சம்பளத்தில் அதிக தொகை இதுதான் என்று கூறப்படுகிறது.

இவரைத் தொடர்ந்து காவ்யா மாதவன் தனது சம்பளத்தை உயர்த்தி இருக்கிறார். அடுத்து நடிக்க உள்ள படத்துக்கு இவர் ரூ.17 லட்சம் சம்பளம் பெறுகிறார். மற்ற மொழிப்படங்களில் நடிக்க இவர்கள் ரூ.15 லட்சம் முதல் 30 லட்சம்வரை சம்பளம் கேட்கிறார்களாம். ஹீரோயின் சம்பளம் உயர்ந்ததைதொடர்ந்து, மலையாளத்தில் ஹீரோக்கள் சம்பளமும் அதிகரிக்கும் என்ற கூறப்படுகிறது.

பஞ்சாலையில் சிகரெட் என்னத்துக்கு...?!!!

Wednesday,April,11,2012
இயக்குநர் தனபால் பத்மநாபன் இயக்கும் 'கிருஷ்ணவேணி பஞ்சாலை' படத்தில் சிகரெட் புகைக்கும் காட்சிக்கு சென்சார் 7 கட் கொடுத்துள்ளது. இதனால் 7 புதிய காட்சிகள் சேர்க்கப்பட்டதாக படத்தின் இயக்குநர் கூறியுள்ளார். நடிகர்கள் ஹேமச்சந்திரன், நந்தனா நடித்துள்ள இப்படம், 1957 முதல் 90 வரையிலான கோவை, உடுமலைப்பேட்டை பகுதியை சேர்ந்த பஞ்சாலை தொழிலாளர்களின் வாழ்க்கையை மையமாகக் கொண்டு உருவாகிறது. இப்படத்தை பார்த்த தணிக்கை குழு, 'யு' சான்றிதழ் அளித்துள்ளது. மேலும், சிகரெட் புகைக்கும் காட்சிகளுக்கு சென்சார் 7 கட் கொடுத்திருக்கிறார்கள். சிகரெட் பிடிப்பது பஞ்சாலை தொழிலாளர்களுக்கு சாதாரணமான விஷயம். அவைதான் காட்சியாக இடம் பெற்றிருந்தது. இருந்தாலும் கதையோட்டம் பாதிக்கக்கூடாது என்பதற்காக அந்த காட்சிகளை நீக்கி விட்டு சிகரெட் இல்லாத புதிய காட்சிகளை இணைத்துள்ளதாக இயக்குநர் பத்மநாபன் கூறுகிறார். இம்மாத இறுதியில் படம் வெளிவருகிறது.

கிளிப்பிங்ஸ்!!!கிளிப்பிங்ஸ்!!!கிளிப்பிங்ஸ்!!!

Wednesday,April,11,2012
*இளையராஜா இசையில் கவுதம் வாசுதேவ் மேனன் இயக்கும் படம் ‘நீ தானே என் பொன்வசந்தம்’. இப்படத்துக்கு தமிழ், தெலுங்கு இருமொழிக்கும் சேர்த்து பாடகர் கார்த்திக் குரலில் லண்டனில் பாடல்கள் பதிவானது.

*மருத்துவமனையில் சிகிச்சை முடிந்து வீடு திரும்பிய மனோரமா டைரக்டர் ஹரி இயக்கும் ‘சிங்கம் 2’ படத்திலும், தெலுங்கு படமொன்றிலும் நடிக்க முடிவு செய்துள்ளாராம்.

*கிறிஸ்தவ மதத்தில் இருந்து கடந்த ஆண்டு இந்து மதத்துக்கு மாறிய நயன்தாரா சமீபத்தில் ஈஸ்டர் பண்டிகையை நெருங்கிய நண்பர்களுடன் ஐதராபாத்தில் கொண்டாடினார்.

*‘முரண்’ பட இயக்குனர் ராஜன் மாதவ் இயக்கும் புதிய படத்தில் நரேன், பிரசன்னா நடிக்கின்றனர்.

*புரிஜெகநாத் இயக்கும் தெலுங்கு படத்துக்காக பாங்காக் சென்றிருக்கும் இலியானா ஷூட்டிங் முடிந்து திரும்பிய பிறகு இந்தி ‘வேட்டை’ படத்தில் நடிப்பதுபற்றி முடிவு செய்வாராம்.

கதை மாறியதால் சான்ஸ் இழந்த பத்மப்ரியா!!!

Wednesday,April,11,2012
கதை மாறியதால் மலையாள படத்திலிருந்து நீக்கப்பட்டார் பத்மப்ரியா. ‘பொக்கிஷம்Õ, ‘பழஸிராஜாÕ உள்பட தமிழ் மற்றும் மலையாள படங்களில் நடித்திருப்பவர் பத்மப்ரியா. இவர் மலையாள இயக்குனர் வி.கே.பிரகாஷ் இயக்க அனூப் ஹீரோவாக நடிக்கும் ‘திருவனந்தபுரம் லாட்ஜ்Õ படத்தில் நடிக்க ஒப்பந்தம் ஆனார். இதேபடத்தில் மேக்னா ராஜும் நடிக்க தேர்வானார். தற்போது இதிலிருந்து பத்மப்ரியா நீக்கப்பட்டுள்ளார். இதுகுறித்து அவர் கூறும்போது, ‘திருவனந்தபுரம் லாட்ஜ் படத்தின் ஸ்கிரிப்ட் முழுமையாக முடியாத நிலையில் என்னை அப்படத்தில் நடிக்க கேட்டார் இயக்குனர் பிரகாஷ். இந்நிலையில் அந்த ஸ்கிரிப்ட் முழுமை பெற்றது. ஸ்கிரிப்டின் ஆரம்பகட்டத்தில் எனது கதாபாத்திரம் அதிகமாக இருந்தது. முழுமையாக முடிவடைந்தபோது என் பாத்திரத்தின் காட்சிகள் மிகவும் குறைந்துவிட்டன. இதை வெளிப்படையாக என்னிடம் இயக்குனர் கூறினார். அவரது நேர்மை எனக்கு பிடித்திருந்தது. கால்ஷீட் வாங்கிவிட்டோம். இனி எந்த வேடம் கொடுக்கிறோமோ அதை நடித்துவிட்டு போகட்டும் என்று ஒரு சிலர் பெயருக்கு இரண்டு மூன்று சீன்களை எடுத்துவிட்டு அனுப்பிவிடுவார்கள். படம் பார்க்கும்போது மனதுக்கு வருத்தம் ஏற்படும். அந்தநிலை ஏற்படாமல் ஆரம்பத்திலேயே விவரம் கூறியதையடுத்து அப்படத்திலிருந்து விலகிவிட்டேன். இதனால் இயக்குனர் மீது எனக்கு எந்த வருத்தமும் இல்லைÕ என்றார்.

கோலிவுட் ஸ்டிரைக்கால் தமிழுக்கு படையெடுக்கும் பிற மொழி படங்கள்!!!

Wednesday,April,11,2012
தமிழ் திரையுலகில் பெப்சி தொழிலாளர்கள் ஸ்டிரைக்கில் ஈடுபட்டுள்ளதால், தமிழ் படங்கள் ரிலீஸ் ஆவதில் சிக்கல் ஏற்பட்டுள்ளது. இதை பயன்படுத்தி, தெலுங்கு மற்றும் கன்னட படங்கள் தமிழில் டப் ஆகி வெளியாவது அதிகரித்துள்ளது. வழக்கமாக கன்னட படங்கள் சென்னையில் ரிலீஸ் ஆவது அரிது. தமிழ் படங்களை கர்நாடகாவில் ரிலீஸ் செய்யவே அங்கே ஏகப்பட்ட நிபந்தனைகள் விதிக்கப்படுகின்றன. இடையில் தமிழ் படங்களை ரிலீஸ் செய்ய தடை கூட விதித்தார்கள். பேச்சுவார்த்தைகளுக்கு பின் அந்த தடை நீக்கப்பட்டது. ஆனால் இப்போது நிலை தலைகீழ். சுதீப் நடித்த கன்னட படம், Ôஜஸ்ட் மாட் மாடல்லிÕ தமிழில் டப் ஆக உள்ளது. இதேபோல் முன் எப்போதும் இல்லாத அளவுக்கு தெலுங்கு படங்கள் அடுத்தடுத்து தமிழில் டப் ஆக¤ வருகிறது. நயன்தாரா, பாலகிருஷ்ணா நடித்த Ôஸ்ரீராம ராஜ்யம்Õ, ராம்சரண் தேஜா, தமன்னா நடித்துள்ள படம் ÔரகளைÕ என்ற பெயரிலும் சித்தார்த், ஹன்சிகா நடித்த படம் Ôஸ்ரீதர்Õ, சமந்தா நடித்த ÔஈகாÕ, Ôநான் ஈÕ என்ற பெயரிலும் டப் ஆகிறது. இது தவிர த்ரிஷா, கார்த்திகா, ஜூனியர் என்டிஆர் நடித்துள்ள Ôதம்முÕ படமும் தமிழில் மொழிமாற்றம் செய்து வெளியிட உள்ளனர். தயாரிப்பாளர்கள், பெப்சி தொழிலாளர்கள் பிரச்னை காரணமாக, தமிழ் படங்கள் ரிலீஸ் ஆவதில் சிக்கல் ஏற்பட்டுள்ளது. இதனால் மாற்று மொழி படங்களை டப் செய்து திரையிடுவதில் தயாரிப்பாளர்களும் வினியோகஸ்தர்களும் ஆர்வம் காட்டி வருகின்றனர்.

சிறப்பு ரயில் மாற்றுத் திறனாளிகள் திருப்பதி ட்ரிப்: கொடி அசைத்து வழியனுப்பிய ஹன்சிகா!!!

Wednesday,April,11,2012
சென்னையிலிருந்து மாற்றுத்திறனாளிகள் உள்பட 1008 மாணவ-மாணவிகள் சிறப்பு ரெயில் மூலம் திருப்பதி தரிசனம் காணச் சென்றனர். இந்த ரெயில் பயணத்தை சினிமா நடிகை ஹன்சிகா மோத்வானி கொடி அசைத்து தொடங்கி வைத்தார்.

ராஜஸ்தான் இளைஞர் சங்கம் என்ற தொண்டு நிறுவனம் சார்பில், சென்னை சென்டிரல் ரெயில் நிலையத்தில் இருந்து மாற்றுத் திறனாளிகள் மற்றும் பள்ளிக்கூட மாணவ-மாணவிகள் திருப்பதி வெங்கடாசலபதி கோவிலுக்கு செல்வதற்காக ஏற்பாடு செய்யப்பட்டது.

அதைத்தொடர்ந்து ரெயில்வே நிர்வாகத்தின் சார்பில் புட் பேங்க் எக்ஸ்பிரஸ் என்ற பெயரில் சிறப்பு ரெயில் ஒன்று விடப்பட்டது. மாற்றுத் திறனாளிகள் உள்பட பள்ளி மாணவ-மாணவிகளின் திருப்பதி பயணம் நேற்று காலை தொடங்கியது. ரெயில் முழுவதும் வண்ண பலூன் மற்றும் காகிதப் பூக்களால் அலங்கரிக்கப்பட்டு இருந்தது.

ஹன்சிகா மோத்வானி தொடங்கி வைத்தார்

சினிமா நடிகை ஹன்சிகா மோத்வானி சிறப்பு விருந்தினராக கலந்து கொண்டு ரெயில் பயணத்தை கொடி அசைத்து தொடங்கி வைத்தார். இந்த ரெயில் பயணத்தில் 300 மாற்றுத் திறனாளி மாணவ-மாணவிகள் உள்பட 1008 பேர் திருப்பதி சென்றனர்.

காலை 7.30 மணிக்கு சிறப்பு ரெயில் சென்டிரல் ரெயில் நிலையத்தில் இருந்து மாற்றுத்திறனாளி மாணவர்களுடன் புறப்பட்டுச் சென்றது.

விழாவில், சென்னை கோட்ட ரெயில்வே மேலாளர் அனந்தராமன், நடிகை விந்தியா உள்பட ஏராளமானவர்கள் கலந்து கொண்டனர். திருப்பதி கோவிலை சுற்றிப்பார்த்து தரிசனம் முடித்து விட்டு மாணவ மாணவிகள் அனைவரும் பத்திரமாக சென்னை திரும்பினார்கள்.

சந்தானம்- முதல்ல டான்ஸு... அப்புறம் முழு பாட்டு... அடுத்து ஹீரோ?:!!!

Wednesday,April,11,2012
சந்தானத்தின் வளர்ச்சி அபாரமானது. சின்னச் சின்ன வேடங்களில் நடித்து வந்த சந்தானம், சிவா மனசுல சக்தி போன்ற படங்களுக்குப் பின் நட்சத்திர அந்தஸ்தை எட்டினார்.

இடையில் அறைஎண் 305-ல் கடவுள் என்ற படத்தில் மூன்று ஹீரோக்களில் ஒருவராக வந்தார். ஆனால் படம் படுத்துவிட்டது.

ஆனாலும், கவுண்டமணி ஸ்டைல் காமெடிக்கு இருந்த மவுசு, வடிவேலு இல்லாத இடைவெளி போன்ற காரணங்களால் இன்று அவர் காட்டில் மழை.

இப்போது பெரிய எதிர்ப்பார்ப்புக்குரிய படமாக உள்ளது ஒரு கல் ஒரு கண்ணாடிதான். கிட்டத்தட்ட சந்தானம்தான் ஹீரோ எனும் அளவுக்கு நகைச்சுவையைத் தாண்டிய பாத்திரமாம் அது.

இதற்கு முன் பாடல் காட்சிகளில் பெயருக்கு தலை காட்டிய சந்தானம், இந்த ஓகேஓகேயில் ஒரு முழுபாடலுக்கும் நடனம் ஆடியுள்ளாராம். வாடா மச்சான் என்று தொடங்கும் இந்தப் பாடல் சந்தானத்துக்கு பெரிய வாய்ப்புகளைப் பெற்றுத் தரும் என்கிறார்கள்.

பெரிய வாய்ப்பு என்றால்... ஹீரோதானே!

தமிழக அரசு தலையீடு: தயாரிப்பாளர்கள் - 'பெப்சி' உடன்பாடு... ஸ்ட்ரைக் வாபஸ்!!!

Wednesday,April,11,2012
சென்னை::தமிழக அரசின் தலையீடு காரணமாக 'பெப்சி' தொழிலாளர்கள் - தயாரிப்பாளர் இடையே அமைச்சர் முன்னிலையில் நடந்த பேச்சில் உடன்பாடு ஏற்பட்டதால் வேலைநிறுத்தம் நேற்று வாபஸ் பெறப்பட்டது.

தென்னிந்திய திரைப்பட தொழிலாளர் சம்மேளனம் (பெப்சி), தமிழ்நாடு தயாரிப்பாளர் சங்கம் இடையே ஊதிய உயர்வு தொடர்பாக பிரச்சினை இருந்து வந்தது. இந்த பிரச்சினையில் தீர்வு ஏற்படாததால் பெப்சி வேலைநிறுத்தத்தை அறிவித்தது.

தயாரிப்பாளர்கள் தரப்பில் புதிய தொழிற்சங்கம் அமைக்கும் முயற்சி தீவிரமடைந்தது.

ஒரு மாதத்திற்கு மேலாக நீடித்து வந்த இந்த வேலைநிறுத்தத்தை முடிவுக்கு கொண்டுவர தமிழக அரசு முடிவு செய்தது.

இதைத்தொடர்ந்து, சென்னை தலைமைச் செயலகத்தில் தொழிலாளர் நலத்துறை அமைச்சர் சி.த.செல்லபாண்டியன் முன்னிலையில் நேற்று இரவு முத்தரப்பு பேச்சுவார்த்தை நடந்தது. தயாரிப்பாளர் சங்கத் தலைவர் எஸ்.ஏ.சந்திரசேகர், நடிகர் சங்கத்தலைவர் சரத்குமார் எம்.எல்.ஏ. ஆகியோருடன் முதலில் பேச்சுவார்த்தை நடத்தப்பட்டது. பின்னர் பெப்சி பொதுச்செயலாளர் சிவா, ஊதியக்குழு தலைவர் அமீருடன் அடுத்த கட்டமாக பேச்சுவார்த்தை நடந்தது.

ஸ்டிரைக் வாபஸ்

பிற்பகல் 3.30 மணிக்குத் தொடங்கிய பேச்சுவார்த்தை இரவு 7.30 மணி வரை நீடித்தது. பின்னர் பேச்சுவார்த்தையில் உடன்பாடு எட்டப்பட்டது. இதுகுறித்து அமைச்சர் சி.த.செல்லபாண்டியன் கூறுகையில், "வேலை நிறுத்தத்தை முடிவுக்கு கொண்டு வருவதற்காக முதல்வர் ஜெயலலிதாவின் உத்தரவின்படி இரு தரப்பினரையும் அழைத்துப் பேசினோம்.

இரு தரப்பினரும் தங்கள் கோரிக்கைகளையும் அதில் உள்ள நியாயங்களையும் முன்வைத்தனர். அதையடுத்து, அரசு கேட்டுக்கொண்டதன் பேரில், வேலைநிறுத்த போராட்டத்தை வாபஸ் பெறுவதாக பெப்சி பொதுச்செயலாளர் சிவா அறிவித்தார்.

புதிய சங்கம் தொடங்கினால் நடவடிக்கை

தயாரிப்பாளர் சங்கம் சார்பில் தனியாக புதிதாக ஒரு தொழிலாளர் சங்கம் தொடங்கி இருப்பது பற்றி எங்களுக்கு தகவல் ஏதும் வரவில்லை. அதேபோல், தயாரிப்பாளர் சங்கமும் அதுபற்றி எங்களிடம் ஏதும் தெரிவிக்கவில்லை. இதுதொடர்பாக ஏதாவது புகார் வந்தால் நடவடிக்கை எடுக்கப்படும்.

பெப்சி தொழிலாளர் ஊதிய உயர்வு பிரச்சினை தொடர்பாக தொழிலாளர் நலத்துறை ஆணையர் முன்னிலையில் முத்தரப்பு பேச்சுவார்த்தை நடத்த முழு ஒத்துழைப்பு தருவதாக இரு தரப்பினரும் ஒப்புக்கொண்டார்கள். இந்த பேச்சுவார்த்தை வெகுவிரைவில் நடைபெறும்.

பெப்சி சம்மேளனத்தில் மொத்தம் 23 சங்கங்கள் உள்ளன. இவற்றில் 15 சங்கங்களின் கோரிக்கைகள் நிறைவேற்ற ஒப்புக்கொள்ளப்பட்டது. எஞ்சியுள்ள 8 சங்கங்களின் ஊதிய உயர்வு உள்ளிட்ட கோரிக்கைகள் குறித்து விரைவில் பேச்சுவார்த்தை நடத்தப்படும்," என்றார்.

தமிழக அரசு செய்திக் குறிப்பு

பெப்சி தொழிலாளர்கள் வேலைநிறுத்த பிரச்சினை தொடர்பாக தமிழக அரசு நேற்று இரவு வெளியிட்ட செய்திக்குறிப்பு:

தமிழ்நாடு திரைப்பட தொழிலாளர்களின் கோரிக்கைகள் தொடர்பாக சுமூக தீர்வு காணும் பொருட்டு தொழிலாளர் நலத்துறை அமைச்சர் சி.த.செல்லபாண்டியன் முன்னிலையில் தலைமைச் செயலகத்தில் பேச்சுவார்த்தை நடந்தது. பேச்சுவார்த்தையின்போது இரு தரப்பினருக்கும் அமைச்சர் அறிவுரை வழங்கினார்.

பெப்சி தொழிற்சங்கத்தினர் வேலை நிறுத்தத்தை உடனடியாக கைவிட்டு சினிமா படப்பிடிப்பு நடைபெற முழு ஒத்துழைப்பு வழங்கவும், தயாரிப்பாளர் சங்கத்தினரும் முத்தரப்பு பேச்சுவார்த்தைக்கு முழு ஒத்துழைப்பு வழங்கவும் அமைச்சர் முன்னிலையில் ஒப்புக்கொண்டனர்.

இவ்வாறு அதில் கூறப்பட்டு உள்ளது.

மீண்டும் கவர்ச்சிக் களத்தில் நயன்தாரா!!!!

Wednesday,April,11,2012
நயன்தாரா அடுத்தடுத்து படங்களை ஒப்புக்கொள்வதிலும், கதைகளை கேட்பதிலும் பிஸியாக இருக்கிறார். தெலுங்கில் கோபிசந்துடன் நடிக்க துவங்கிவிட்ட நயன்தாரா அடுத்ததாக விஷ்ணுவர்தன் இயக்கத்தில் அஜித், ஆர்யாவுடன் இணைந்து நடிப்பதாக பேசப்படுகிறது.

இந்நிலையில் கவர்ச்சி நடிகை வித்யா பாலன் நடித்த “தி டர்ட்டி பிக்சர்ஸ்” படத்தின் ரீமேக்கில் நயன்தாரா நடிக்கவிருப்பதாக தெரிகிறது. நடிகை சில்க் ஸ்மிதாவின் வாழ்க்கையை கதையாகக் கொண்டு எடுக்கப்பட்ட படம் டர்ட்டி பிக்சர்ஸ்.

சில்க் கதபாத்திரத்தில் நடித்த வித்யாபாலனுக்கு தேசிய விருது கிடைத்துள்ளது. தமிழிலும், தெலுங்கிலும் நடிக்க வித்யாபாலனிடம் கேட்ட போது அவர் மறுத்துவிட்டதாகவும் பேசப்படுகிறது. நயன்தாரா ஸ்ரீ ராம ராஜ்யம் படத்தில் சீதையாக நடித்திருந்தார்.

அந்த படத்தில் ரசிகர்கள் அவரை சீதையாகவே பார்த்ததால் இனி கவர்ச்சி வேடத்தில் நடிக்க வேண்டாம் எனக் கேட்டுக்கொண்டார்கள். இந்நிலையில் நயன்தாராவிற்கு கவர்ச்சி வேடத்தில் நடிக்க அழைப்பு வந்துள்ளது. இந்த படத்தில் நயன்தாரா நடித்தால் அது ரசிகர்களுக்கு மிகப்பெரிய கவர்ச்சி விருந்தாக இருக்கும்.

நயன்தாராவிற்கு கன்னடம், மளையாலம் ஆகிய மொழிகளிலும் மார்கெட் இருப்பதால் அந்த மொழிகளிலும் படம் ரீமேக் செய்யப்படலாம் என்பது கோடம்பாக்கத்தின் தற்போதைய சூடான பேச்சு.