Monday, May 14, 2012

ஷங்கரின் அடுத்த டார்கெட் 'ஓட்டுக்கு பணம்' - தலைப்பு 'தேர்தல்!!!

Monday, May, 14, 2012
கறுப்புப் பணம், ஊழல், சமூக ஒழுக்கமின்மையை தொடர்ந்து தன் படங்களில் சாடி வரும் இயக்குநர் ஷங்கர் அடுத்து குறி வைத்திருப்பது... பணம் வாங்கிக் கொண்டு வாக்களிக்கும் மோசமான வாக்காளர்களையும், அவர்களுக்கு பணத்தை அள்ளிவிடும் வேட்பாளர்களையும்!

விக்ரம் - பிசி ஸ்ரீராம் - ஏ ஆர் ரஹ்மான் என மீண்டும் ஒரு மெகா கூட்டணியோடு ஆரம்பிக்கும் தன் அடுத்த படத்தின் கதைக் களம் 'ஓட்டுக்குப் பணம்' என்பதுதான்.

இந்தப் பின்னணியில் ஆக்ஷன் - காதல் - காமெடி என்ற கட்டமைப்பில் திரைக்கதையை உருவாக்கி வருகின்றனர் எழுத்தாளர்கள் சுபா.

படத்தின் தலைப்பு 'தேர்தல்!'

பாலிவுட்டிலிருந்து ப்ரியங்கா சோப்ரா மாதிரி ஒருவரை இந்தப் படத்தில் ஹீரோயினாக்க வேண்டும் என முயற்சித்து வருகிறாராம் ஷங்கர். அசினுடனும் பேசியிருப்பதாகச் சொல்கிறார்கள்.

தயாரிப்பாளர் ஆஸ்கர் ரவிச்சந்திரன் என்கிறார்கள். ஆனால் இன்னமும் இறுதியாகவில்லையாம்.

யாராக இருந்தாலும் கேள்வி கேட்காமல் எக்கச்சக்க பணம் செலவழிக்கத் தயாராக இருக்க வேண்டும்!

எனது படங்களில் தாய் தலையீடு இல்லை: ராதா மகள் கார்த்திகா!!!

Monday, May, 14, 2012
நடிகை ராதா மகள் கார்த்திகா கதாநாயகியாக அறிமுகமாகி படங்களில் நடித்து வருகிறார். தமிழிலில் கார்த்திகா நடித்த 'கோ' படம் வெற்றிகரமாக ஓடியது. தெலுங்கு, மலையாள படங்களிலும் நடிக்கிறார். படப்பிடிப்பில் ராதா தலையீடு இருப்பதாக கிசுகிசு பரவியது.

சூட்டிங்கில் மகளுடன் ஆஜராகி கவர்ச்சியாக நடிக்க வைக்கக் கூடாது என்று இயக்குனர்களுக்கு கண்டிஷன் போடுவதாகவும் கூறப்பட்டது. ராதாவின் அறிவுரைப்படியே கார்த்திகா கேரக்டர்களை தேர்வு செய்து நடிக்கிறார் என்றும் கூறினர்.

இது குறித்து கார்த்திகாவிடம் கேட்டபோது மறுத்தார். அவர் கூறியதாவது:-

எனது விஷயங்களிலும் நடிப்பிலும் என் தாய் ராதா தலையிடுவது இல்லை. படப்பிடிப்புக்கு சென்றதுமே நான் இயக்குனரின் குழந்தையாகி விடுகிறேன். அவர் சொல்கிறபடியே நடிக்கிறேன். எனது தாய் சினிமாவில் முன்னணி நடிகையாக இருந்தவர். 150 படங்களில் நடித்துள்ளார். கடின உழைப்பால் முன்னுக்கு வந்தார். உச்சத்தில் இருக்கும்போதே குடும்பம் என செட்டில் ஆகிவிட்டார். என் தாய்க்கு திரையுலகில் இப்போதும் மரியாதை இருக்கிறது.

இவ்வாறு கார்த்திகா கூறினார்.

ராதாவும், கார்த்திகா பட விவகாரங்களில் தலையிடுவது இல்லை என்று மறுத்தார். அவர் கூறும்போது,

சினிமா முன்பு போல் இல்லை. நிறைய மாற்றங்கள் வந்து விட்டது. இளம் நடிகர், நடிகைகளுக்கு நடிப்பு பற்றிய எல்லா விஷயங்களும் தெரிகிறது. சொந்த முயற்சியில் முன்னேறுகிறார்கள். எனது மகள் கார்த்திகாவும் நிச்சயம் சாதிப்பார் என்றார்.