Thursday, May 24, 2012

புதுக்கோட்டை தேர்தலில் போட்டியிடக் கூடாது... மன்றச் செயலாளருக்கு ரஜினி உத்தரவு?¨!!!

Thursday, May, 24, 2012
சென்னை::புதுக்கோட்டை இடைத் தேர்தலில் ரஜினிகாந்த் ரசிகர் மன்றம் சார்பில் போட்டியிடும் புதுக்கோட்டை மாவட்ட ரசிகர் மன்றச் செயலாளர் ஸ்ரீதர் மீது நடிகர் ரஜினிகாந்த் அதிருப்தியில் இருப்பதாக கூறப்படுகிறது. அவர் மன்றம் சார்பில் போட்டியிடக் கூடாது, தேர்தலிலிருந்து வாபஸ் பெற வேண்டும் என்று ரஜினி சார்பில் உத்தரவு போயுள்ளதாக கூறப்படுகிறது.

புதுக்கோட்டை இடைத் தேர்தலில் அதிமுக போட்டியிடுகிறது, தேமுதிக போட்டியிடுகிறது, இந்திய ஜனநாயகக் கட்சியும் போட்டியிடுகிறது. இதேபோல புதுக்கோட்டை மாவட்ட ரஜினி ரசிகர் மன்றச் செயலாளர் ஸ்ரீதர் என்பவரும் போட்டியிட மனு செய்துள்ளார்.

இவர் ரஜினி மன்றம் சார்பில் போட்டியிடுகிறார். மேலும் மன்றக் கொடியையும் பயன்படுத்தி வாக்கு சேகரித்து வருகிறார். வேட்பு மனு தாக்கலின்போது ரஜினி ரசிகர்கள் புடை சூழ, மன்றக் கொடி, பேனருடன் ஊர்வலமாக சென்று பரபரப்பையும் ஏற்படுத்தினார்.

இது ரஜினிக்கு பிடிக்கவில்லை என்று கூறப்படுகிறது. மன்றத்தின் பெயரில் ஸ்ரீதர் போட்டியிடுவதை அவர் விரும்பவில்லை என்றும் கூறப்படுகிறது. எனவே போட்டியிலிருந்து வாபஸ் பெறுமாறு ஸ்ரீதருக்கு அறிவுரை போயிருப்பதாக தகவல்கள் கூறுகின்றன. ஆனால் ரஜினி அப்படி உத்தரவிட்டுள்ளாரா என்பது அதிகாரப்பூர்வமாக தெரியவில்லை.

இந்த விவகாரம் குறித்து ரஜினி ரசிகர் மன்றப் பொறுப்பாளரான சுதாகர் என்பவர் கூறுகையில், ரசிகர்கள் யார் வேண்டுமானாலும் தேர்தலில் போட்டியிடலாம், எந்தக் கட்சிக்காகவும் தேர்தல் வேலை செய்யலாம். அதை ஒருபோதும் ரஜினிகாந்த் தடுத்ததில்லை.

ஆனால் தேர்தல் பணியில் ஈடுபடும் யாரும் ரஜினியின் பெயரையோ, மன்றக் கொடியையோ பயன்படுத்தக் கூடாது. முதலில் ரசிகர்கள் தங்களது குடும்பங்களைத்தான் கவனிக்க வேண்டும். இதைத்தான் எப்போதும் ரஜினி சொல்லி வருகிறார், ஆசைப்படுகிறார்.

ரஜினி ரசிகர் மன்றம் சார்பில் ஸ்ரீதர் வேட்பு மனுதாக்கல் செய்துள்ள தகவலை பத்திரிகை மூலம் அறிந்தோம். நான் அவரிடம் ரஜினி பெயரையோ ரசிகர் மன்றத்தின் பெயரையோ மன்ற கொடியையோ பயன்படுத்தி தேர்தலில் நிற்கக் கூடாது என்று கூறி இருக்கிறேன் என்றார்.

ஆனால் தான் ரஜினி மன்றம் சார்பில் போட்டியிடுவது என்று அனைத்து ரசிகர்களும் கூடி எடுத்த முடிவு என்று ஸ்ரீதர் கூறுகிறார். இதனால் இவர் வாபஸ் பெறுவாரா, மாட்டாரா என்பது குழப்பமாகியுள்ளது.

பஞ்சதந்திரம் பாகம் 2 உருவாகிறது!!!

Thursday, May, 24, 2012
கே.எஸ். ரவிக்குமார் இயக்கத்தில் கமலஹாசன் நடித்து வெளியான பஞ்ச தந்திரம் படத்தின் இரண்டாம் பாகத்தை தயாரிக்க இரு தரப்புமே ஆவலாக உள்ளனர்.

தற்போது கே.எஸ். ரவிக்குமார், ரஜினிகாந்த் நடிக்கும் கோச்சடையான் படத்தின் மேற்பார்வையாளராக இருக்கிறார். அதே சமயம், கமலஹாசனும் விஸ்வரூபடம் படத்தில் பிசியாக உள்ளார்.

எனவே இவர்கள் இருவருமே தற்போதுள்ள பணிகளை முடித்துவிட்டு அக்டோபர் மாதத்தில் பஞ்சதந்திரத்தின் இரண்டாம் பாகத்தை உருவாக்கும் பணியில் இறங்குவார்கள் என்று எதிர்பார்க்கப்படுகிறது.

எதுவாக இருந்தாலும் விரைவில் தமிழ் ரசிகர்களுக்கு ஒரு சிறந்த பொழுதுபோக்குப் படம் வெளியாகும் என்பது மட்டும் உறுதி.

இசை அமைப்பாளர்கள் மோதலை படமாக்கும் எஸ்.ஜே. சூர்யா!!!

Thursday, May, 24, 2012
சென்னை::இரு இசை அமைப்பாளர்கள் இடையே நடக்கும் மோதலை பற்றிய கதையை இயக்கி நடிக்கிறார் எஸ்.ஜே.சூர்யா. இது பற்றி அவர் கூறியதாவது: தெலுங்கு படம் இயக்கச் சென்றதால் கோலிவுட்டில் இடைவெளி ஏற்பட்டது. தற்போது ‘இசை என்ற படத்தை இயக்குகிறேன். இரு இசை அமைப்பாளர்களின் மோதல் கதை. இது நிஜ கதையா என்கிறார்கள். கற்பனை கதைதான். திரைப்பட இசை அமைப்பாளராக நான் நடிக்கிறேன். போட்டி இசை அமைப்பாளராக பிரகாஷ்ராஜ் நடிக்கிறார். ஹீரோயினாக சாவித்ரி என்பவர் அறிமுகமாகிறார். கஞ்சா கருப்பு, எம்.எஸ்.பாஸ்கர் மற்றும் நிறைய புதுமுகங்கள் நடிக்கிறார்கள். சில இயக்குனர்களும் நடிக்க உள்ளனர். வித்தியாசமான பாடல் காட்சி ஒன்றுக்கு கரீனா கபூரை நடிக்க கேட்டிருக்கிறேன். ஏற்கனவே இந்தியில் நான் இயக்கிய குஷி பட ரீமேக்கில் அவர் நடித்தார். இப்படத்துக்கு இசை அமைக்கும் பொறுப்பு ஏற்றதால் கடந்த 5 மாதமாக 5 மாஸ்டர்களிடம் கீபோர்ட், பியானோ, கிடார் கற்றதுடன் அதன் நுணுக்கங்களையும் தெரிந்துகொண்டேன். என்னால் இசை அமைக்க முடியும் என்று நம்பிக்கை ஊட்டியவர் ஏ.ஆர்.ரகுமான்தான். தயாரிப்பு எஸ்.விக்டர்ராஜ். ஒளிப்பதிவு சவுந்தர்ராஜன்.

தயாரிப்பாளர் சங்க பொதுக்குழுவுக்கு தடை : ஐகோர்ட்!!!

Thursday, May, 24, 2012
சென்னை::திரைப்பட தயாரிப்பாளர் சங்க பொதுக்குழு கூட்டத்துக்கு ஐகோர்ட் இடைக்கால தடை விதித்துள்ளது. திரைப்பட தயாரிப்பாளர் சங்க பொதுக்குழு கூட்டம் வரும் 30ம் தேதி நடக்கிறது. இதை அட்ஹாக் கமிட்டி நடத்துகிறது. இதற்கு தடைவிதிக்க கோரி ஏற்கனவே தயாரிப்பாளர் சங்க தலைவர் எஸ்.ஏ.சந்திரசேகரன் சென்னை ஐகோர்ட்டில் வழக்கு தொடர்ந்தார். இந்த வழக்கு நிலுவையில் உள்ளது. இந்நிலையில் தயாரிப்பாளர் சங்க செயலாளர் தாணு சென்னை ஐகோர்ட்டில் புதிய மனு ஒன்றை தாக்கல் செய்தார். இந்த மனு நீதிபதி தனபாலன் முன்பு இன்று விசாரணைக்கு வந்தது.

அப்போது தாணு சார்பாக மூத்த வக்கீல் வி.டி.கோபாலன் ஆஜராகி, தயாரிப்பாளர் சங்கத்தின் தலைவர், அட்ஹாக் கமிட்டி செயல்பட தடைவிதிக்க கோரி ஐகோர்ட்டில் வழக்கு தொடர்ந்துள்ளார். இந்த வழக்கு ஜூன் 5ம் தேதி விசாரணைக்கு வருகிறது. இந்நிலையில் அட்ஹாக் கமிட்டி 30ம் தேதி பொது குழு நடக்கும் என்று அறிவித்துள்ளது. இது சட்ட விரோதமானது. எனவே கமிட்டி பொது குழுவை நடத்த தடைவிதிக்க வேண்டும் என்றார். இதைகேட்ட நீதிபதி அட்ஹாக் கமிட்டி வரும் 30ம் தேதி பொதுகுழு நடத்த இடைக்கால தடை விதித்து வழக்கு விசாரணையை ஜூன் 5ம் தேதிக்கு தள்ளி வைத்தார்.

தேனிலவு தள்ளி வைப்பு: சினேகா மீண்டும் நடிக்கிறார்!!!

Thursday, May, 24, 2012
சினேகா- பிரசன்னா திருமணம் சமீபத்தில் நடந்தது. திருமணத்துக்கு பின் சினேகா சினிமாவில் நடிப்பாரா மாட்டாரா என்ற எதிர்பார்ப்பு நிலவியது. அவர் விரும்பினால் தொடர்ந்து நடிக்கலாம் என்று பிரசன்னா கூறினார். நடிப்பது பற்றி இன்னும் முடிவு செய்யவில்லை என்று சினேகா தெரிவித்தார்.

திருமணம் முடிந்து ஓரிரு வாரங்கள் ஆன நிலையில் சினேகா தற்போது மீண்டும் நடிக்க வந்துள்ளார். ஜி.என்.ஆர். குமாரவேலன் இயக்கும் ஹரிதாஸ் படத்தில் நடிக்கிறார். அதில் சினேகாவுக்கு வித்தியாசமான வேடமாம். கேரக்டர் ரொம்ப பிடித்து போனதால் நடிக்கிறார். படப்பிடிப்பு விறுவிறுப்பாக நடக்கிறது. மீண்டும் சினிமாவில் நடிக்க துவங்கியுள்ளதால் தேனிலவுக்கு போவதை சினேகாவும், பிரசன்னாவும் தள்ளி வைத்துள்ளனர்.

சொல்வதெல்லாம் உண்மை..: அரங்கிலிருந்து அவுட்டோருக்கு!!!

Thursday, May, 24, 2012
சொல்வதெல்லாம் உண்மை ரியாலிட்டி நிகழ்ச்சி இந்த வாரம் டிஆர்பி ரேட்டிங் எகிறிவிட்டது என்றே கூறவேண்டும். ஏனெனில் கடந்த வாரம் நிகழ்ச்சி ஒளிப்பதிவு நடைபெற்றுக் கொண்டிருக்கும் போதே ஜீ தமிழ் சேனலுக்குள் நுழைந்து அங்கு பணிபுரியும் பணியாளர்களை அடித்து விட்டு நிகழ்ச்சியில் பங்கேற்ற பெண்ணை இழுத்துச் சென்றதுதான். அதைத்தான் இந்த வாரம் செவ்வாய்க்கிழமை இரவிலும் அதை ஒளிபரப்பினார்கள்.

ஊடகங்களிடம் பேசிய நிகழ்ச்சி ஒருங்கிணைப்பாளர் நிர்மலா பெரியசாமி போலீசாரின் அராஜகச் செயல் என்று தெரிவித்தார். சம்பத்தப்பட்ட பெண்ணோ போலீசாருக்கும், பெற்றோருக்கும் சாபம் விட்டார். போலீஸ் அதிகாரிகளோ தங்கள் தரப்பு நியாயத்தை எடுத்துக்கூறினார்கள். இந்த நிகழ்ச்சியின் பரபரப்பான காட்சிகள் பிரபல ஆங்கில சேனல்களில் ஒளிபரப்பானதுதான் இதன் ஹைலைட் ஆக இருந்தது.

இந்த சூட்டோடு சூட்டாக தற்போது மக்களின் பிரச்சினைகளை தீர்க்க நேரடியாக களம் இறங்கிவிட்டார் நிர்மலா பெரியசாமி. முதன் முறையாக கோயம்புத்தூரில் மக்களை நேரடியாக சந்தித்து அவர்களின் பிரச்சினைகளை கேட்டு ஒளிப்பதிவு செய்ய உள்ளனர். கோவை மற்றும் அதனை சுற்றியுள்ள கிராம மக்கள் இந்த அரிய வாய்ப்பை பயன்படுத்திக்கொள்ளலாமாம்.

ஆர்ட் ஹவுஸின் புதிய ஆர்ட் காலரியைத் திறக்கும் கமல்ஹாசன்!!!

Thursday, May, 24, 2012
சென்னையைச் சேர்ந்த ஆர்ட் ஹவுஸ் கலையகத்தின் புதிய ஆர்ட் காலரியை நடிகர் கமல்ஹாசன் நாளை திறந்து வைக்கவுள்ளார்.

இதுகுறித்து ஆர்ட் ஹவுஸின் நிர்வாகிகளும், ஓவியக் கலைஞர்களுமான ஏபி ஸ்ரீததர் மற்றும் வின்சென்ட் அடைக்கலராஜ் ஆகியோர் கூறுகையில்,

ஆர்ட் ஹவுஸ் உருவாக்கியுள்ள புதிய ஆர்ட் காலரியையும், கலர் சிம்பனி என்ற பெயரிலான ஓவியக் கண்காட்சியையும் கலைஞானி டாகட்ர் கமல்ஹாசன் 25ம் தேதி வெள்ளிக்கிழமை தொடங்கி வைக்கிறார். ஓவியர் ஸ்ரீதரின் 55வது ஓவியக் கண்காட்சி இது. சென்னை ஆழ்வார்ப்பேட்டை, கஸ்தூரி ரங்கா சாலையில் உள்ள ஆர்ட் ஹவுஸ் - பைன் ஆர்ட் காலரியில் இந்த நிகழ்ச்சி நடைபெறும்.

மேலும் விவரங்களுக்கு நிகில் - 9840077270 என்ற எண்ணில் தொடர்பு கொள்ளலாம் என்று தெரிவித்துள்ளனர்.

தில்லாலங்கடி ‌ரீமேக்கில் சல்மான்கான்!!!

Thursday, May, 24, 2012
தெலுங்கில் வெற்றிபெற்ற கிக் படத்தை தில்லாலங்கடி என்ற பெய‌ரில் தமிழில் எடுத்தனர். படம் சுமாராகதான் போனது. இதனை இந்தியில் ‌ரீமேக் செய்கிறார்கள். ஹீரோ சல்மான்கான்.

கான்கள் இந்திப் படத்தைப் பார்க்கிறார்களோ இல்லையோ தமிழ்ப் படங்களை விடாமல் பார்க்கிறார்கள். இங்கிருந்து செல்லும் சௌத் இந்தியன் மசாலாக்கள்தான் அங்கு பாக்ஸ் ஆஃபிஸில் தூள் கிளப்புகின்றன. இதனால் சுமாரான மசாலாக்களுக்கும் ராஜ ம‌ரியாதை.

அந்தவகையில் தில்லாலங்கடியையும் இந்தியில் ‌ரீமேக் செய்கிறார்கள். இயக்குனர் யார் என்பது இன்னும் முடிவு செய்யப்படவில்லை.

இறுதிகட்டத்தில் மாற்றான்!!!

Thursday, May, 24, 2012
கே.வி.ஆனந்தின் மாற்றான் இறுதிகட்டத்தை எட்டியிருக்கிறது. அயன், கோ வைவிட ஒருபடி மேலாக இருக்க வேண்டும் என்று சூர்யாவும், கே.வி.ஆனந்தும் அதிகபடி உழைப்பை கொட்டி மாற்றானை உருவாக்கி வருகிறார்கள். படத்தின் கதை இன்னும் மர்மமாகவே உள்ளது.

காஜல் அகர்வால் சூர்யா ஜோடியாக நடிக்கும் இந்தப் படத்தின் முக்கிய காட்சி இந்தியா, பாகிஸ்தான் பார்டரான பு‌ஜியில் படமாக்கப்பட்டு வருகிறது. இந்த ஷெட்யூல் முடிந்தால் ஒரேயொரு பாடல் காட்சி. அலஸ்காவில் பாடலை படமாக்க தீர்மானித்திருக்கிறார்கள். அலஸ்கா ட்‌ரிப்பும் முடிந்தால் படப்பிடிப்பு நிறைவடைந்துவிடும்.

ஹா‌ரிஸ் ஜெயரா‌ஜ் இசையமைத்திருக்கிறார். சண்டைக் காட்சி அமைக்க ஹாலிவுட் கலைஞர்களை பயன்படுத்தியிருக்கிறார் கே.வி.ஆனந்த்.

சாலக்குடியில் அலெக்ஸ் பாண்டியன்!!!

Thursday, May, 24, 2012
சகுனி எப்படியும் சறுக்கும் என்பதாலோ தெ‌ரியவில்லை அலெக்ஸ் பாண்டியனை வேக வேகமாக எடுத்து வருகிறார்கள்.

இந்தப் படத்தில் நடிக்க உற்சாகமாக ஒப்புக் கொண்டார் அனுஷ்கா. ஆனால் அடுத்தடுத்து தெலுங்குப் படங்களில் கமிட்டாக அலெக்ஸ் பாண்டியனுக்கு எண்ணி எண்ணிதான் கால்ஷீட் தருகிறாராம். இதனால் கடுப்பில் இருக்கிறார் சுரா‌ஜ்.

மைசூ‌ரில் நடைபெற்று வந்த இப்படத்தின் ஷூட்டிங் நேற்று முடிவடைந்தது. இன்று சாலக்குடிக்கு மொத்த டீமும் இடம் பெயர்ந்திருக்கிறது. சகுனியின் ‌ரிசல்டைப் பொறுத்து அலெக்ஸ் பாண்டியனை களத்தில் இறக்கிவிட தீர்மானித்திருக்கிறார்கள். சகுனி நன்றாகப் போனால் பாண்டியன் பதுங்குவார், சறுக்கினால் உடனே பாய்ந்து வருவார். இதுதான் இப்போதைய திட்டம்.

விஷால் படத்தில் கார்த்திகா 'அவுட்'!!!

Thursday, May, 24, 2012
சுந்தர் சி இயக்கத்தில் விஷால் நடிக்கவுள்ள மதன கஜ ராஜா படத்தில் நாயகியாக நடிக்கவிருந்த கார்த்திகா திடீரென அதிலிருந்து தூக்கப்பட்டு விட்டார். புது நாயகியைத் தேடி வருகின்றனராம்.

எம்.ஜி.ஆர். என்று சுருக்கமாக வரும் வகையில் மதன கஜ ராஜா என்ற பெயரில் புதிய படத்தை இயக்கப் போகிறார் சுந்தர்.சி. இப்படத்தில் நாயகனாக நடிப்பவர் விஷால். அவருக்கு ஜோடியாக கார்த்திகாவை புக் செய்திருந்தனர். ஆனால் இடையில் என்ன நடந்ததோ தெரியவில்லை, இபபோது கார்த்திகா படத்தில் இல்லையாம்.

இப்படத்தில் விஷால் மூன்று வேடத்தில் நடிக்கவிருக்கிறார். அவருக்கு ஜோடியாக கார்த்திகாவை புக் செய்திருந்தனர். படத்தின் டெஸ்ட் ஷூட்டிலும் கூட அவர் கலந்து கொண்டிருந்தார். ஆனால் தற்போது அவர் படத்தில் இல்லையாம். அவருக்குச் சொன்ன கதையை மாற்றி வேறு கதையை சுந்தர்.சி எடுக்கத் திட்டமிட்டதால்தான் கார்த்திகாவே விலகி விட்டதாக கூறுகிறார்கள்.

தற்போது இரண்டு நாயகி கதையாக படத்தை மாற்றி விட்டாராம் சுந்தர்.சி. இரண்டு நாயகி கதையில் நடிக்க கார்த்திகாவுக்கு விருப்பம் இல்லாததால்தான் அவர் விலகியதாக கூறினாலும் கூட தொடர்ந்து அவருடன் சுந்தர்.சி தரப்பு பேசி வருவதாகவும் ஒரு தகவல் கூறுகிறது.

கோ படத்துக்குப் பிறகு ராதா மகள் கார்த்திகாவுக்கு பிரேக் தரும் படம் எதுவும் இன்னும் அமையவில்லை. பாரதிராஜா இயக்கத்தில் அவர் நடித்து வரும் கொடி வீரனும் அன்னக்கொடியும் வந்தால்தான் அவரது அடுத்த இன்னிங்ஸ் ஆரம்பிக்கும் என்கிறார்கள்.

உடல் எடையை குறைக்க ஹன்சிகா ஆபரேஷன்?!!!

Thursday, ,May, 24, 2012
உடல் எடையை குறைக்க ஆபரேஷன் செய்ததாக வந்த தகவலை மறுத்துள்ளார் ஹன்சிகா. இது குறித்து அவர் கூறியது: திடீரென எனது உடல் எடை கூடிவிட்டது. இதனால் அவதிப்பட்டேன். எடையை குறைக்க முடிவு செய்தேன். இதற்காக கடுமையாக டயட் இருந்தேன். உடற்பயிற்சி தவறாமல் செய்தேன். சிங்கம் 2 படத்தில் சூர்யாவுடன் நடிக்கிறேன். இதில் பள்ளி மாணவி வேடம். அதனால் எடையை குறைக்க வேண்டும் என இயக்குனர் ஹரி சொல்லிவிட்டார். அதே நேரம், ஒல்லிகுச்சி நடிகையானால் இந்தி சினிமாவில் ஜமாய்க்கலாம். ஆனால் தமிழ் சினிமாவில் கொஞ்சம் குண்டாக இருந்தால்தான் வாய்ப்பு வரும். அதே நேரம், ஓவர் குண்டாகிவிட்டால் ஓரம் கட்டிவிடுவார்கள். நிறைய பேர் அதை சுட்டிக்காட்டினார்கள். அதனால்தான் எடையை குறைத்தேன்.

ஆர்யாவுடன் சேட்டை படத்தில் நடித்து வருகிறேன். இப்பட செட்டில் என்னை பார்ததவர்கள், ஆச்சரியம் அடைந்தனர். ஆபரேஷன் மூலம் எடையை குறைத்ததாக சிலர் கதை கட்டுகிறார்கள். அதற்கெல்லாம் அவசியமே கிடையாது. எடையை குறைத்தாலும் எனது பப்ளி லுக் மாறிவிடக்கூடாது என்பதில் தீர்மானமாக இருந்தேன். சமீபத்தில் கல்லூரி விழா ஒன்றில் என்னை பார்த¢த மாணவன், ரசகுல்லா என அழைத்தார். இது எனக்கு சந்தோஷமாக இருந்தது.
இவ்வாறு ஹன்சிகா கூறினார்.

இலங்கை கடற்கரையை பிகினியில் சூடாக்கிய சன்னி லியோன்!!!

Thursday, ,May, 24, 2012
ஆபாச படங்களில் இருந்து பாலிவுட்டுக்கு வந்துள்ள நடிகை சன்னி லியோன் ஜிஸ்ம் 2 படத்திற்காக இலங்கையின் ரம்மியமான கடற்கரைகளில் பிகினி அணிந்து நடித்துள்ளாராம்.

பாலிவுட்டுக்கும், பிகினிக்கும் அவ்வளவு ராசியாகிவிட்டது. முன்பெல்லாம் ஹாலிவுட் நடிகைகள் தான் பிகினி அணிந்து சன் பாத் எடுப்பார்கள். ஆனால் இப்போது பாலிவுட் படங்களில் பிகினி உடையில் வர நடிகைகளிடையே போட்டி நிலவும் நிலை உள்ளது. பிகினி அணிந்து நடிப்பதற்காகவே சில நடிகைகள் உடலை குறைக்கின்றனர் என்றால் பாருங்களேன்.

ஆபாச படங்களில் நடிக்கும் சன்னி லியோன் பாலிவுட் இயக்குனர் மகேஷ் பட்டின் ஜிஸ்ம் 2 படத்தில் நடித்து வருகிறார். அந்த படத்தின் ஷூட்டிங் தற்போது இலங்கையில் நடந்து வருகிறது. அங்குள்ள அழகான கடற்கரைகளில் சன்னி பிகினி அணிந்து வரும் காட்சிகள் படமாக்கப்பட்டுள்ளன. அந்த படங்களை இயக்குனர் மகேஷ் பட் டுவிட்டரில் வெளியிட்டுள்ளார்.

ஜிஸ்ம் 2 படத்தில் பிகினி காட்சி தவிர ரந்தீப் ஹூடாவுடன் படுக்கையறைக் காட்சிகளிலும் சன்னி லியோன் நடித்துள்ளார். அவ்வாறு படுக்கையறைக் காட்சிகளில் நடிக்கும் போது அவர் மிகவும் கூச்சப்பட்டதாக இயக்குனர் ஏற்கனவே தெரிவித்திருந்தார்.

நாலு சுவருக்குள் வெட்கப்படுகிறார் சன்னி, ஆனால் வெட்ட வெளியில் படு குஷாலாக நடிக்க வெட்கப்பட மாட்டாராம்...