Tuesday, February 14, 2012

விஜய், ஜெயம் ரவி, ரிச்சா, லட்சுமிராய் உள்பட நடிகர், நடிகைகளுக்கு விருதுகள்!!!

Tuesday, February 14, 2012
சிறந்த நடிகர், நடிகைகளுக்கு எடிசன் விருதுகள் வழங்கும் விழா சேத்துப்பட்டு லேடி ஆண்டாள் பள்ளியில் நடந்தது. இதில் சிறந்த நடிகருக்கான ரஜினி விருது விஜய்க்கு கிடைத்தது. வேலாயுதம் படத்தில் நடித்ததற்காக இந்த விருது கிடைத்தது. ராகவா லாரன்ஸ் விருதை விஜய்க்கு வழங்கினார்.

சிறந்த நடிகைக்கான விருதை ரிச்சா பெற்றார். வாகை சூடவா படத்தில் நடித்த இனியாவுக்கும் விருது கிடைத்தது. நடிகர்கள் ஜெயம் ரவி, மகத் ஆகியோரும் விருது பெற்றனர். சிறந்த காமெடி நடிகருக்கான விருது பிரேம்ஜிக்கு கிடைத்தது. சிறந்த பாடலாக தனுசின் கொலை வெறி பாடல் தேர்வு செய்யப்பட்டது. தனுசின் மனைவி ஐஸ்வர்யா விருதை பெற்றார்.

சிறந்த இசையமைப் பாளருக்கான விருது ஹாரீஸ் ஜெயராஜ்க்கும், குணசித்திர நடிகை விருது கோவை சரளாவுக்கும், துணை நடிகருக்கான விருது சரவணனுக்கும் வழங்கப் பட்டன. சிறந்த வில்லன் நடிகர் விருதை ஆர்.கே. பெற்றார். பின்னணி பாடகி எல்.ஆர். ஈஸ்வரிக்கு வாழ்நாள் சாதனையாளர் விருது வழங்கப்பட்டது. சிறந்த திரைக்கதைக்கான விருதை மௌனகுரு இயக்குனர் சாந்தகுமார் பெற்றார்.

மகள் இஷாதியோலுக்கு ஏற்ற ஜோடி: என் மருமகன் அழகானவர் -ஹேமமாலினி பேட்டி!!!

Tuesday, February 14, 2012
இந்தி திரையுலக நட்சத்திர தம்பதி ஹேமமாலினி தர்மேந்திராவின் மகள் இஷா தியோல். இவரும் இந்தியில் முன்னணி நடிகையாக உள்ளார், தமிழில் ஆயுத எழுத்து படத்தில் நடித்துள்ளார்.இஷா தியோலுக்கும் மும்பை தொழில் அதிபர் பரத்தக்தனிக்கும் காதல் மலர்ந்தது. இவர்கள் காதலை இரு வீட்டு பெற்றோரும் ஏற்றுக் கொண்டனர்.

இதையடுத்து இஷா தியோல் பரத் தக்தனி திருமண நிச்சயதார்த்தம் இரு தினங்களுக்கு முன் மும்பையில் நடந்தது. இதில் தமிழ்நாட்டில் இருந்து ரஜினி மகள் ஐஸ்வர்யா மட்டும் கலந்து கொண்டார். மருமகனாக போகும் பரத் தக்தனி ரொம்ப அழகாக இருப்பதாக ஹேமமாலினி புகழ்ந்தார். அவர் அளித்த பேட்டி வருமாறு:-

இஷா தியோல், பரத்தக்தனி திருமண நிச்சயதார்த்தம் நடந்து முடிந்துள்ளது. திருமண தேதி இன்னும் நாங்கள் முடிவு செய்யவில்லை. இஷா திருமணம் செய்து குடும்பத்தோடு செட்டில் ஆக வேண்டும் என்று விரும்பியதால் நிச்சயதார்த்தத்தை முடித்துள்ளோம். திருமண தேதியை விரைவில் அதிகாரபூர்வமாக அறிவிப்போம். எனது மருமகன் பார்க்க ரொம்ப அழகாக இருக்கிறார்.

இவ்வாறு அவர் கூறினார்.

இஷா தியோல் கூறும்போது, நிச்சயதார்த்தம் முடிந்ததால் மிகவும் சந்தோஷமாக இருக்கிறேன். எல்லோரது ஆசீர்வாதத்தாலும் பரத்துக்கும் எனக்கும் நிச்சயதார்த்தம் நடந்துள்ளது. அனைவருக்கும் நன்றி என்றார்.

நடிகை அனன்யா திருமணத்தில் மோசடி: முதல் திருமணத்தை மறைத்த மணமகன்!!!

Tuesday, February 14, 2012
பிரபல மலையாள நடிகை அனன்யா. இவர் தமிழில் நாடோடிகள் படத்தில் கதாநாயகியாக அறிமுகமானார். தனுஷ் ஜோடியாக சீடன் மற்றும் சமீபத்தில் ரிலீசான எங்கேயும் எப்போதும் படங்களிலும் நடித்துள்ளார்.

அனன்யாவுக்கும், ஆஞ்சநேயன் என்பவருக்கும் கடந்த வாரம் திடீரென திருமண நிச்சயதார்த்தம் நடந்தது. ஆஞ்சநேயன் கேரளாவில் தொழில் அதிபராக உள்ளார். பெரும் பணக்காரர். அனன்யா சூட்டிங்குகள் மற்றும் அவர் கலந்து கொள்ளும் பட விழாக்களில் ஆஞ்சநேயன் தவறாமல் பங்கேற்று காதலிப்பதாக வற்புறுத்தி வந்தார். ஒரு கட்டத்தில் அனன்யாவும் அவர் காதலை ஏற்றதால் திருமண நிச்சயதார்த்தம் நடந்தது.

இந்த நிலையில் முதல் திருமணத்தை மறைத்து அனன்யாவை 2-வது திருமணம் செய்து கொள்ள ஆஞ்சநேயன் முயற்சித்ததாக பரபரப்பு தகவல் வெளியாகியுள்ளது.

ஆஞ்சநேயன் மீது அனன்யாவின் தந்தை கேரளாவில் உள்ள பெரும்பாவூர் போலீசில் இது குறித்து புகாரும் அளித்துள்ளார். புகார் மனுவில் அவர் கூறியிருப்பதாவது:-

எனது மகள் அனன்யாவுக்கும், ஆஞ்சநேயனுக்கும் திருமண நிச்சயதார்த்தம் நடந்துள்ளது. ஆனால் ஆஞ்சநேயன் ஏற்கனவே திருமணமானவர் என்ற விவரம் இப்போது எங்களுக்கு தெரிய வந்துள்ளது. முதல், திருமணத்தை எங்களிடம் மறைத்து மோசடியாக அனன்யாவை 2-வது திருமணம் செய்து கொள்ள திட்டமிட்டுள்ளார். அவர் மீது நடவடிக்கை எடுக்க வேண்டும்.

இவ்வாறு மனுவில் குறிப்பிட்டு உள்ளார்.

போலீசார் ஆஞ்சநேயன் வீட்டுக்கு சென்று அவரிடம் விசாரித்தனர். அப்போது ஏற்கனவே திருமணமானதை அவர் ஒப்புக்கொண்டார். முதல் மனைவியை விவாகரத்து செய்ய கோர்ட்டில் மனு தாக்கல் செய்துள்ளதாகவும் கூறினார். போலீசார் தொடர்ந்து விசாரணை நடத்தி வருகிறார்கள்.

அனன்யா அதிர்ச்சியில் வீட்டில் முடங்கி கிடக்கிறார்.

புது ஹீரோக்களுக்கு நடிகை கால்ஷீட் மறுப்பு : மரியம்!!!

Tuesday, February 14, 2012
ஜெனி ஹீரோயின் நடிச்ச டோலிவுட் படம் இந்த மாசம் ரிலீசாகுதாம். திருமதி ஆயிட்டதால, இத்தோட நடிப்புக்கு முழுக்கு போட நடிகை பிளான் போட்டிருந்தாராம்... போட்டிருந்தாராம்... ஆனா நிறைய புது வாய்ப்புகள் வருதாம். இனிமே நடிக்க¤றதா, வேணாமாங்கிற குழப்பத்துல, இயக்குனர்களுக்கு பதில் சொல்லாம காலம் கடத்துறாராம்... கடத்துறாராம்...

காஜல் ஹீரோயின் நம்பர் ஒன் ரேசுல ஓடுறாராம்... ஓடுறாராம்... முன்னெல்லாம் புது ஹீரோவுக்கு ஜோடின்னாலும் ஓகே சொல்லிட்டிருந்தவரு, இப்போ அந்த மாதிரி படங்களை கண்டுக்க¤றதில்லையாம். தமிழ்ல, தெலுங்குல பெரிய ஹீரோக்களுக்கு மட்டுமே கால்ஷீட் ஓகே பண்றாராம்... பண்றாராம்... பாலிவுட்டுக்கு மட்டும் இந்த பாலிசி கிடையாதுன்னு நடிகை மறைமுகமா அறிவிச்சிருக்காராம்... அறிவிச்சிருக்காராம்...

ஒண்ணுக்கு மேற்பட்ட மொழிகள்ல கேரக்டர் ரோல் பண்ற நடிகர், நடிகைக்குதான் இப்போ மவுசாம்... மவுசாம்... இதனால வில்லன், அப்பா, அம்மா, அண்ணின்னு எந்த வேஷம் க¤டைச்சாலும் கோலிவுட் ஸ்டார்கள் சம்மதிக்கிறாங்களாம்... சம்மதிக்கிறாங்களாம்... நாட்டாமை நடிகரை தொடர்ந்து, சமீபத்துல அப்படி ஒப்பந்தம் ஆகி இருக்க¤றவரு புதுபாதை நடிகராம். டோலிவுட்ல ராமான சரண ஹீரோவுக்கு அப்பாவா நடிக்க வந்த வாய்ப்பை தட்டாம ஏத்துக்கிட்டாராம்... ஏத்துக்கிட்டாராம்...

புதிய படங்களை ஒப்புக்கொள்ளவில்லை த்ரிஷாவுக்கு மாப்பிள்ளை தேடுகிறார்கள்!!!



Tuesday, February 14, 2012
புதிய படங்களை த்ரிஷா ஒப்புக் கொள்ளாமல் காலம் தாழ்த்தி வருகிறார். இந்நிலையில் அவருக்கு மாப்பிள்ளை பார்க்கும் படலம் நடப்பதாக கூறப்படுகிறது. தமிழ், தெலுங்கு என இருமொழிகளிலும் அடுத்தடுத்து படங்களை ஒப்புக்கொண்டு பிஸியாக நடித்து வந்த த்ரிஷா சமீபகாலமாக புதிய படங்கள் ஒப்புக்கொள்வதை குறைத்துக்கொண்டிருக்கிறார். நம்பர் ஒன் இடத்தை பிடிப்பது யார் என்ற போட்டியில் தான் இல்லை என்றும், பிடித்த ஸ்கிரிப்ட் வந்தால் மட்டுமே நடிப்பேன் என்றும் அவர் சமீபத்தில் கூறியிருந்தார். தெலுங்கில் அவர் நடித்து ‘பாடிகார்ட்’ சமீபத்தில் வெளியானது. ஜூனியர் என்.டி.ஆருடன் ‘தம்’ என்ற படத்தில் நடித்து வருகிறார். அப்படம் முடிவடையும் நிலையில் உள்ளது. தொடர்ந்து அவருக்கு புதுபடங்களில் நடிக்க வாய்ப்புகள் தேடி வந்தது. ஆனால் எதையும் ஏற்கா மல் மவுனம் காக்கிறார். அதேநேரம் போட்டி நடிகைகள் அனுஷ்கா, காஜல் அகர்வால் கைநிறைய படங்களை ஏற்றுக்கொண்டு நடித்து வருகின்றனர். த்ரிஷாவுக்கு திருமணம் செய்ய அவரது பெற்றோர் முடிவு செய்திருக்கின்றனர். இதுபற்றி அவரது குடும்பத்தினர் கூறும்போது, ‘‘த்ரிஷாவுக்கு பொருத்தமான மாப்பிள்ளை கிடைத்தால் திருமணம் நடக்கும்’’ என்றனர். தெலுங்கு நடிகர் ஒருவருடன் த்ரிஷாவுக்கு காதல் மலர்ந்துள்ளதாகவும் கூறப்படுகிறது. இதை அவரது தரப்பு மறுத்திருந்தது. சமீபத்தில் தெலுங்கு நடிகர் ரானாவுடன் நடிக்க த்ரிஷாவுக்கு வாய்ப்பு வந்தது. அதில் நடிப்பதுபற்றி இறுதி முடிவு எடுக்காமல் இருக்கிறார்.

பெங்களூரில் ரசிகர்களுடன் கொலை வெறிடி பாடலை 4 முறை பாடிய தனுஷ்!!

Tuesday, February 14, 2012
பெங்களூர்: ரசிகர்கள் தொடர்ந்து வற்புறுத்தியதால் ‘ஒய் திஸ் கொலை வெறிடி’ பாடலை தனுஷ், 4 முறை பாடினார். மனைவி ஐஸ்வர்யா தயாரித்து இயக்கும் ‘3’ படத்தில் தனுஷ் எழுதி பாடியுள்ள ‘ஒய் திஸ் கொலை வெறிடி’ பாடல் ரசிகர்களிடையே பலத்த வரவேற்பை பெற்றுள்ளது. இந்த பாடலின் புரமோஷன் நிகழ்ச்சி பெங்களூரில் உள்ள அரண்மனை மைதானத்தில் நேற்று நடந்தது. இசை அமைப்பாளர் அனிரூத்துடன் தனுஷ் கலந்துகொண்டார். அங்கு திரண்டிருந்த ஆயிரக்கணக்கான ரசிகர்கள் முன்னிலையில் தனுஷ் பேசினார்.

அப்போது ‘கொலை வெறிடி’ பாடலை பாடும்படி ரசிகர்கள் ஆரவாரம் செய்தனர். இதையடுத்து பாடலை பாடினார் தனுஷ். தொடர்ந்து ரசிகர்கள் ஒன்ஸ்மோர் கேட்டதால் அதே பாடலை 3 முறை பாடினார். தனுஷுடன் சேர்ந்து ரசிகர்களும் பாடியபடி ஆட்டம் போட்டனர். பின்னர் பேசிய தனுஷ், ‘இந்த பாடலை பாடிய பாடகராக என்னை உங்களுக்கு தெரியும். என் பெயர் தனுஷ். பேசுவதற்காகத்தான் இங்கு வந்தேன். உங்கள் ஆரவாரம் என்னை மகிழ்ச்சியில் ஆழ்த்திவிட்டது. உங்கள் அன்புக்கு தலைவணங்குகிறேன். இவ்வளவு பாராட்டுக்கும் தகுதியான வகையில் நான் எதையும் சாதித்துவிடவில்லை’’ என்றார்.

ரஜினி படத்துக்கு கால்ஷீட் கொடுத்ததால் தீபிகா - இந்தி தயாரிப்பாளர் கடும் மோதல்!

Tuesday, February 14, 2012
மும்பை: ரஜினி படத்துக்கு கால்ஷீட் கொடுத்ததால் தன் படத்தில் தீபிகா நடிக்க மறுத்துவிட்டதாக பாலிவுட் தயாரிப்பாளர் பரபரப்பு புகார் அளித்திருக்கிறார்.
பாலிவுட் நடிகை தீபிகா படுகோன். ரஜினி ஜோடியாக ‘ராணா’ படத்தில் நடிக்க ஒப்பந்தம் ஆனார். ரஜினிக்கு திடீர் உடல்நலக் குறைவு ஏற்பட்டதையடுத்து அப்படம் தள்ளிவைக்கப்பட்டது. உடல்நலம் தேறியதை தொடர்ந்து, ‘கோச்சடையான்’ படத்தில் ரஜினி நடிக்கிறார். ஜோடியாக தீபிகாவே நடிக்கிறார். ஷூட்டிங் விரைவில் தொடங்குகிறது.

இந்நிலையில் இந்தி பட தயாரிப்பாளர் ரமேஷ் துரானி தயாரிக்கும் ‘ரேஸ் 2’ படத்தில் இருந்து தீபிகா வெளியேறினார். இதையடுத்து அவர் மீது சினிமா மற்றும் டிவி நடிகர்கள் சங்கத்தில் தயாரிப்பாளர் புகார் அளித்துள்ளார். ‘நான் தயாரிக்கும் ரேஸ் 2 படத்தில் நடிப்பதாக கூறிய தீபிகா ஷூட்டிங் தொடங்கிய பிறகு நடிக்க மறுத்து வெளியேறிவிட்டார். அவருக்கு நடிக்க தடை விதிக்க வேண்டும்’ என்று கோரி இருக்கிறார்.

கடந்த சில வாரங்களாக நடந்துவரும் இப்பிரச்னையில் தீபிகா பதில் அளிக்காமல் மவுனம் காத்தார். தற்போது பதில் அளித்துள்ளார். அவர் கூறியதாவது: ரேஸ் 2 படத்தில் நடிக்க ஒப்புக்கொண்டது உண்மைதான். ஆனால் அவர்கள் சுமார் ஒன்றரை ஆண்டு ஷூட்டிங் தொடங்காமல் தாமதம் செய்துவிட்டனர். இதற்கிடையில் மற்ற படங்களில் நடிக்க கொடுத்திருந்த கால்ஷீட்படி ஷூட்டிங் தொடங்கிவிட்டது. இதனால்தான் ரேஸ் 2 படத்தில் நடிக்க முடியவில்லை.

ரஜினிகாந்த் படத்துக்கு ஒன்றரை ஆண்டுக்கு முன்பே கால்ஷீட் கொடுத்துவிட்டேன். அவர்கள் இப்போதுதான் அறிவிக்கிறார்கள். ரேஸ் 2 பட கேரக்டர் மிகவும் அருமையானது. யார் நடித்தாலும் அவர்கள் அதிர்ஷ்டசாலிதான். சூழ்நிலையால்தான் அந்த படத்தில் நான் நடிக்க முடியவில்லை.

விஜய் நடிக்கும், 'துப்பாக்கி' படத்தின் ஷூட்டிங் மும்பை சாலைகளில்!!

Tuesday, February 14, 2012
விஜய் நடிக்கும், 'துப்பாக்கி' படத்தின் ஷூட்டிங் மும்பை சாலைகளில் நடக்க இருக்கிறது. கலைப்புலி எஸ்.தாணு ஏராளமானப் பொருட்செலவில் பிரமாண்டமாகத் தயாரிக்கும் படம், 'துப்பாக்கி'. விஜய் ஹீரோவாக நடிக்கிறார். ஹீரோயினாக காஜல் அகர்வால் நடிக்கிறார். சந்தோஷ் சிவன் ஒளிப்பதிவு. ஹாரிஸ் ஜெயராஜ் இசை அமைக்கிறார். ஏ.ஆர்.முருகதாஸ் இயக்குகிறார். இந்தப் படத்தின் ஷுட்டிங் மும்பையில் நடந்து வந்தது. பெப்சி பிரச்னை காரணமாக, தற்போது நிறுத்தி வைக்கப்பட்டுள்ள இதன் ஷூட்டிங், வரும் 20ம் தேதி முதல் மும்பையில் மீண்டும் தொடங்குகிறது.

மும்பை நகரத்தின் முக்கிய சாலைகளில் படப்பிடிப்பு நடக்க இருக்கிறது. 'சில நாட்களுக்கு முன்பு மும்பை பிலிம்சிட்டி இருக்கும் கோரேக்கான் மேம்பாலத்தில் சிறப்பு அனுமதி வாங்கி ஷூட்டிங் நடத்தினோம். படப்பிடிப்பு நடந்தது தெரிந்து ஏராளமான தமிழர்கள் அங்கு கூடிவிட்டனர். இதனால் மாலை நான்கு மணிக்கே படப்பிடிப்பை நிறுத்திவிட்டு வேறு இடத்தில் ஷூட் செய்தோம். வரும் 20ம் தேதி முதல் மக்கள் கூடும் முக்கிய சாலைகளில் படப்பிடிப்பு நடக்க உள்ளது' என்று பட யூனிட் தெரிவித்தது. இதற்கிடையே, "துப்பாக்கியின் நீண்ட ஷெட்யூலை முடித்துள்ளோம். சமீபத்தில், பாடல் கம்போஸிங் நடந்தது. சிறப்பான ட்யூன்கள் கிடைத்துள்ளன" என்று முருகதாஸ் தெரிவித்துள்ளார். கிடைத்துள்ள இடைவெளியில் ஒளிப்பதிவாளர் சந்தோஷ் சிவன், விவசாயிகள் பற்றிய குறும்படத்தை எடுத்துக்கொண்டிருப்பதாகத் தெரிவித்துள்ளார்.

2வது முறையாக சாம்பியன் : சென்னை ரைனோஸ் த்ரில் வெற்றி!!!

Tuesday, February 14, 2012
செலிப்ரிட்டி கிரிக்கெட் லீக் டி20 தொடரில், கர்நாடகா புல்டோசர்ஸ் அணியுடனான இறுதிப் போட்டியில் சென்னை ரைனோஸ் அணி 20 ஓவரில் 4 விக்கெட் இழப்புக்கு 161 ரன் குவித்தது. தொடக்க வீரர் விக்ராந்த் ஆட்டமிழக்காமல் 95 ரன் விளாசினார். தமிழகம், கேரளா, கர்நாடகா, ஆந்திரா, மும்பை மற்றும் மேற்கு வங்கத்தை சேர்ந்த திரைப்பட நட்சத்திரங்கள் பங்கேற்ற செலிப்ரிட்டி கிரிக்கெட் லீக் டி20 தொடரின் 2வது சீசன், கடந்த மாதம் 13ம் தேதி ஷார்ஜாவில் கோலாகலமாகத் தொடங்கியது. விஷால் தலைமையிலான சென்னை ரைனோஸ் உட்பட மொத்தம் 6 அணிகள் இந்த தொடரில் களமிறங்கின.

லீக் சுற்றின் முடிவில் முதல் 4 இடங்களைப் பிடித்த தெலுங்கு வாரியர்ஸ், மும்பை ஹீரோஸ், கர்நாடகா புல்டோசர்ஸ் மற்றும் சென்னை ரைனோஸ் அணிகள் அரை இறுதிக்கு தகுதி பெற்றன. சென்னையில் நேற்று முன்தினம் நடந்த அரை இறுதி ஆட்டங்களில் சென்னை ரைனோஸ் அணி 15 ரன் வித்தியாசத்தில் தெலுங்கு வாரியர்ஸ் அணியையும், கர்நாடகா புல்டோசர்ஸ் அணி 53 ரன் வித்தியாசத்தில் மும்பை ஹீரோஸ் அணியையும் வீழ்த்தி பைனலுக்கு முன்னேறின.

ஐதராபாத், ராஜிவ் காந்தி சர்வதேச ஸ்டேடியத்தில் நேற்று நடந்த இறுதிப் போட்டியில் சென்னை ரைனோஸ் & கர்நாடகா புல்டோசர்ஸ் அணிகள் மோதின. டாசில் வென்ற சென்னை ரைனோஸ் கேப்டன் விஷால் முதலில் பேட் செய்ய முடிவு செய்தார். தொடக்க வீரர்களாக ஜீவா, விக்ராந்த் களமிறங்கினர். கார்த்திக் வீசிய முதல் ஓவரின் முதல் பந்திலேயே ஜீவா டக் அவுட் ஆகி வெளியேற சென்னை ரைனோஸ் அணிக்கு அதிர்ச்சி தொடக்கமாக அமைந்தது.

அடுத்து வந்த பாலாஜி 7 ரன்னில் வெளியேறினார். அரை இறுதியில் ஆல் ரவுண்டராக ஜொலித்து ஆட்ட நாயகன் விருது பெற்று அசத்திய விஷ்ணு 3 ரன் மட்டுமே எடுத்த நிலையில் காயம் காரணமாக வெளியேறியது ரைனோஸ் அணிக்கு பெரும் பின்னடைவாக அமைந்தது. அடுத்து விக்ராந்த்துடன் பிருத்வி ஜோடி சேர்ந்தார். ஒரு முனையில் பிருத்வி பொறுப்புடன் கம்பெனி கொடுக்க, மறுமுனையில் விக்ராந்த் அதிரடியாக விளையாடி ரன் குவித்தார். அபாரமாக விளையாடிய விக்ராந்த் அரை சதம் அடித்து அசத்தினார். விக்ராந்த் & பிருத்வி ஜோடி 3வது விக்கெட்டுக்கு 99 ரன் சேர்த்தது. பிருத்வி 20 ரன் எடுத்து அபிமன்யு பந்துவீச்சில் சுதிர் வசம் பிடிபட்டார்.

கடைசி கட்டத்தில் ரமணா கம்பெனி கொடுக்க விக்ராந்த் சதம் விளாசுவார் என ரசிகர்கள் ஆவலுடன் எதிர்பார்த்தனர். ரமணா 8 ரன்னில் ஆட்டமிழந்தார். சென்னை ரைனோஸ் 20 ஓவர் முடிவில் 4 விக்கெட் இழப்புக்கு 161 ரன் குவித்தது. விக்ராந்த் 95 ரன் (69 பந்து, 14 பவுண்டரி, 1 சிக்சர்), கேப்டன் விஷால் 4 ரன்னுடன் ஆட்டமிழக்காமல் இருந்தனர். கர்நாடகா புல்டோசர்ஸ் பந்துவீச்சில் கார்த்திக், துருவா, பிரதீப், அபிமன்யு தலா ஒரு விக்கெட் வீழ்த்தினர்.

அடுத்து 20 ஓவரில் 162 ரன் எடுத்தால் வெற்றி என்ற இலக்குடன் கர்நாடகா புல்டோசர்ஸ் களமிறங்கியது. பாஸ்கர், ராஜிவ் இருவரும் துரத்த்தலை தொடங்கினர். அந்த அணி & ஓவரில் 2 விக்கெட் இழப்புக்கு 32 ரன் எடுத்து திணறியது. சென்னை ரைனோஸ் பந்து வீச்சு மற்றும் பீல்டிங்கில் துடிப்புடன் செயல்பட்டு அசத்தினர்.

சூர்யாவின் மாற்றான் தாய் நான்!!!

Tuesday, February 14, 2012
2012லிருந்து ரிவர்ஸ் கியர் போட்டு 84க்கு போனால், டீக்கடைகளில் ஒலித்துக்கொண்டிருக்கிறது ‘சோலைப் புஷ்பங்களே... என் சோகம் சொல்லுங்களேன்...’ பாடல்! ‘இங்கேயும் ஒரு கங்கை’ படத்தில் மறக்கமுடியாத விஷயம் இந்தப் பாடல் மட்டுமல்ல... காதலுக்காக முரளியை மருகவைத்த நடிகை தாராவும்தான்! ‘நாயகன்’, ‘பறவைகள் பலவிதம்’ உள்ளிட்ட சில தமிழ்ப் படங்களில் நடித்ததுடன் கன்னடத் திரையுலகிற்குச் சென்றவர், 18 வருட இடைவெளிக்குப் பிறகு மீண்டும் வந்துள்ளார், ‘மாற்றான்’ படத்தில் சூர்யாவின் அம்மாவாக!

இடையில் நிறைய இயக்குனர்கள் என்னை அழைத்தார்கள். கன்னடத்தில் பிஸியாக இருந்ததால், தேடி வந்த வாய்ப்புகளை இழந்தேன். இடையில் ‘எம் மகன்’ படத்தில் நடிக்க வந்தேன். இரண்டு நாள் ஷூட்டிங் முடிந்தநிலையில் வடிவேலுவின் கால்ஷீட்டில் குளறுபடி ஏற்படவே, தொடர்ந்து அதில் நடிக்க முடியவில்லை. 18 வருடங்களுக்குப் பிறகு இப்போது தமிழ்ப் படத்தில் நடிப்பதை நினைத்தால் சந்தோஷமாக இருக்கிறது. சென்னையில் இருந்த நாட்கள் நினைவுக்கு வருகின்றன’’ என்று சிரிக்கிற தாரா தமிழில் ஏழு படங்கள் முடித்த கையோடு பெங்களூரு சென்றவர்.

2005ல் கிரீஷ் காசரவல்லி இயக்கத்தில் நான் நடித்த ‘ஹசினா’ படத்திற்காக சிறந்த நடிகைக்கான தேசிய விருது கிடைத்தது. நிறைய ஸ்டேட் அவார்டும் வாங்கி இருக்கேன். நான் நடித்த 12 படங்கள் தேசிய விருது வாங்கியிருக்கு. அந்த பாக்கியம் அமைந்தது என் பெற்றோர் செய்த புண்ணியம்தான். தேசிய விருது வாங்கிய அதே வருடத்தில்தான் கன்னட சினிமாவில் சிறந்த ஒளிப்பதிவாளராக போற்றப்படும் எச்.சி.வேணுவுடன் திருமணமானது. பொதுவா திருமணம் ஆகிவிட்டால் வீட்டோடு முடங்க வேண்டிய சூழ்நிலைதான் நிறைய நடிகைகளுக்கு இருக்கு. அந்த விஷயத்தில் நான் ரொம்ப லக்கி. குடும்ப வாழ்க்கை, சினிமா, அரசியல்னு எப்பவும் பிஸியாவும் சந்தோஷமாவும் இருக்கேன்’’ என்று வார்த்தைகளில் நிறைவைக் கொட்டுகிறார் தாரா.

மாற்றான்’ பற்றிக் கேட்டதும் அவர் கண்களில் பரவசம். ‘‘கே.வி.ஆனந்த் சாரோட ‘அயன்’ படத்திலேயே நான் நடிச்சிருக்க வேண்டியது. கால்ஷீட் பிரச்னையால முடியாமப் போனது. ‘மாற்றான்’ பற்றி சொன்னப்போ, ‘இந்த முறை கண்டிப்பா மிஸ் பண்ணக்கூடாது’ன்னு தயாராகிட்டேன். சூர்யாவோட அம்மாவா நடிக்கிறேன். சும்மா வந்துபோகிற அம்மா கேரக்டர் இல்லை. ஒரு கண்ணில் கண்ணீரும் மறு கண்ணில் சென்டிமென்ட்டும் பிழிந்து கிளிசரின் செலவு வைக்கும் வேலையெல்லாம் இல்லாமல் படம் முழுக்க வரும் கனமான கதாபாத்திரம். முதல் கட்ட ஷூட்டிங் முடிந்துவிட்டது. அடுத்து சென்னையில்தான் ஷூட்டிங்.

அந்த கேரக்டர் பற்றி வெளில சொல்லக்கூடாது. இயக்குனரோட கோபத்திற்கு நான் ஆளாக விரும்பல. இரண்டு சூர்யாவுக்கு நான் அம்மா... இளமை, முதுமை என இரண்டு பருவங்களும் இருக்கு. நான் நடித்த படங்களில் இதுவும் முக்கியமான படமாக இருக்கும். சூர்யாவின் தந்தையாக சச்சின் கேரேக்கர் நடித்திருக்கார். அவருக்கு ரொம்ப கண்டிப்பான தந்தை கேரக்டர் என்றால், அதுக்கு நேரெதிரா கலாட்டா அம்மா சுதாவா நான் வர்றேன். இதுக்கு மேல என்னால சொல்ல முடியாது ப்ளீஸ்...’’ என்கிற தாரா, வாயைத் திறந்தால் சூர்யா புகழ் பாடுகிறார்.

சூர்யா ரொம்ப அர்ப்பணிப்பான நடிகர். புது ஹீரோக்களே ஷூட்டிங்கிற்கு பத்து பேரோட வந்து பந்தா காட்டும் இந்தக் காலத்தில் சூர்யா ரொம்பவே சைலன்ட். பிரேக் டைம்ல ஒரு ஓரமா உட்கார்ந்து அடுத்த ஷாட்டில் எப்படியெல்லாம் பண்ணலாம்னு யோசிப்பார். 4 மணிக்கு ஷூட்டிங் முடிச்சிட்டு, மறுபடியும் 7 மணிக்கு கூப்பிட்டாலும் அலுப்பு பார்க்காமல் வரக்கூடியவர். இதுவரை நான் சேர்ந்து நடித்த நடிகர்களில், தனது கேரியர் பற்றி ரொம்ப கவனமா இருக்குற ஆளா சூர்யாவைத்தான் பார்க்கிறேன். ஷூட்டிங் முடிஞ்சபிறகும் என்னை ‘சுதா அம்மா’ன்னே கூப்பிடுறார்.

சினிமாவைத் தாண்டி நிஜ வாழ்க்கையிலும் சக மனிதர்களை நேசிக்கற மனிதரா இருக்கிறார். இது மாதிரியான மனிதர்கள் அபூர்வம். இப்போ இந்த பேட்டிக்காக நீங்க படம் கேட்டப்பதான், அவர்கூட சேர்ந்து ஒரு போட்டோகூட எடுத்துக்கலையேன்னு ஞாபகம் வருது. சென்னையில் ஷூட்டிங் நடக்குறப்போ சூர்யாவோட கண்டிப்பா போட்டோ எடுத்துக்கணும்!’’

விஜய்க்கு சூப்பர் ஸ்டார் ரஜினி விருது!!!

Tuesday, February 14, 2012
சூப்பர் ஸ்டார் ரஜினி பெயரில் இந்த ஆண்டு விஜய்க்கு விருது வழங்கியுள்ளனர்.

எடிசன் விருது வழங்கும் விழா கடந்த ஞாயிறன்று சென்னையில் நடந்தது. விழாவில் ஏராளமான சினிமா நட்சத்திரங்கள் பங்கேற்றனர்.

ரஜினி மகள் ஐஸ்வர்யா தனுஷ், நடிகர்கள் ஜெயம் ரவி, ராகவா லாரன்ஸ், ஆர்கே, பேபி சாரா, கோவை சரளா, மயக்கம் என்ன நாயகி ரிச்சா கங்கோபாத்யாயா, இனியா, லட்சுமிராய், லட்சுமி ராமகிருஷ்ணன், உள்பட ஏராளமானோர் கலந்து கொண்டனர்.

சிறந்த பாடலாசிரியர் விருது நா முத்துகுமாருக்கும், இசையமைப்பாளர் விருது ஹாரிஸ் ஜெயராஜுக்கும் வழங்கப்பட்டது.

இந்த விருது விழாவில், விஜய் தன் படங்களில் ரஜினி பற்றிப் பேசி ரசிகர்களிடம் கைத்தட்டல் வாங்கிய காட்சிகளைக் காட்டினர். பின்னர் ரஜினி விருதினை அவருக்கு வழங்குவதாக அறிவித்தனர்.

விருதினைப் பெற்றுக் கொண்ட விஜய், ரசிகர்களை ஆஹா ஓஹோவெனப் பாராட்டினார். நண்பன் படத்திலிருந்து ஒரு பாட்டுப் பாடினார்.

எல்லாம் முடிந்ததும், 'சூப்பர் ஸ்டார் ரஜினி அவார்டு வாங்கியிருக்கீங்க... அவரைப் பற்றி பேசுங்கள்' என நிகழ்ச்சித் தொகுப்பாளர் சிட்டி பாபு கேட்க (மகா சொதப்பல்), விஜய் ஒன்றுமே பேசவில்லை. மீண்டும் மீண்டும் பேசச் சொன்னபோது, சற்று நேரம் மவுனமாக நின்றுவிட்டு, "வரேன்!" என்று கூறிச் சென்றார்.

எங்க காதலுக்கு இளையராஜா தான் காரணம்! சொல்கிறார் பிரசன்னா!!!

Tuesday, February 14, 2012
எங்க காதலுக்கு முக்கிய காரணமாக இருந்ததே இளையராஜா சார் தான் என்று கூறியுள்ளார் விரைவில், சினேகாவை திருமணம் செய்ய இருக்கும் நடிகர் பிரசன்னா. இதுகுறித்து அவர் கூறியதாவது, அச்சமுண்டு அச்சமுண்டு படத்தில் தான் சினேகாவின் அறிமுகம் கிடைத்தது. இப்படத்தின் சூட்டிங் அமெரிக்காவில் நடந்த போது ஆரம்பத்தில் எனக்கும், சினேகாவுக்கும் ஒத்து போகவில்லை. இரண்டு பேருமே எப்போதும் முறைத்து கொண்டு இருந்தோம். சூட்டிங் இடைவேளையில் நான் ஐ-பாடில் இளையராஜா சார் பாடல்களை நிறைய கேட்பேன். அப்போது தான் சினேகாவும், அவரது அக்காவும் என்னோடு பழக ஆரம்பித்தனர். அவர்களும் இளையராஜா சாரின் பாடல்களை கேட்க ஆரம்பித்தனர். அப்போது முதலே எங்களுக்குள் ஒருவித ஈர்ப்பு வந்துவிட்டது. எங்கள் காதலுக்கு ஒரு இன்ஸ்பரேஷனாக இருந்ததே இளையராஜா சார் த‌ான். அந்த நாட்களை இப்போதும் நினைக்கும் போது இனிமையாக இருக்கிறது.

தற்போது கல்யாணம் மண்டபம் உள்ளிட்ட விஷயங்கள் வரை பேச்சுவார்த்தை நடக்கிறது. சினேகா இப்போது விடியல், உள்ளிட்ட படங்களில் நடித்து வருகிறார். இந்தபடங்களை எல்லாம் முடிக்க 2-3 மாதம் ஆகும். அதன்பிறகு திருமணம் நடக்கும் என்று கூறியுள்ளார்.

சரி, காதலர் தினத்தில் சினேகாவுக்கு என்ன பரிசு ‌கொடுக்க போகிறீர்கள் என்று கேட்டால், அன்றைய தினம் அவருக்கு சூட்டிங் இருப்பதால் இன்றே ஒரு அழகான வாட்ச்சை பரிசாக கொடுக்க போகிறேன் என்கிறார்.

அப்படின்னா சினேகா கையில் எப்போதும் பிரசன்னா தான்...!

அனுஷ்கா ரிச்சா ஜெனிலியாவை மறக்க மனம் கூடுதில்லையே : தனுஷ் காதலர் தின பேட்டி!

Tuesday, February 14, 2012
ரஜினி, ஐஸ்வர்யா, அனுஷ்கா, ரிச்சா, ஜெனிலியாவை மறக்க முடியாது என்றார் தனுஷ். இன்று காதலர் தினம். இதையொட்டி தனுஷ் தனக்கு பிடித்தமானவர்கள் பற்றி கூறியது: சினிமாவில் என்னுடன் ஜோடியாக நடித்த சிலரின் கதாபாத்திரங்களை இன்றும் காதலிக்கிறேன். ‘அதுவொரு கனா காலம்’ படத்தில் பிரியாமணி ஏற்ற துளசி, ‘மயக்கம் என்ன’ படத்தில் ரிச்சா ஏற்ற யாமினியை மறக்க முடியாது. அனுஷ்கா எனது ரோல் மாடல். வாழ்வில் என்ன வருகிறதோ அப்படியே ஏற்றுக்கொள்பவர். எனக்கு பொருத்தமான ஜோடி ஜெனிலியா. தோற்றம், பாடி லாங்கு வேஜ் எல்லாமே எங்களுக்கு ஒரே பாணியில் இருக்கும். சிம்புவுக்கும் எனக்கும் பகைபோல் ஒரு தோற்றம் உருவாக்கப்படுகிறது. அவருடன் எந்த பிரச்னையும் இல்லை. இருவரும் சந்திக்கும்போது ‘ஹாய்’ சொல்லிக்கொள்வோம். என் மனைவி ஐஸ்வர்யாவுக்கும் எனக்கும் சமமான புரிதல் இருக்கிறது. எந்த வதந்தியும் எங்களை பாதிக்காது. இன்றைக்கு இந்த நிலைக்கு உயர்ந்ததற்கு காரணம் என் அண்ணன் செல்வராகவன். அவர்தான் எனது குரு. நான் மிகவும் நேசிப்பவர் ரஜினி. அவர் உடல் நலமில்லாதபோது என்னுடைய வேலைகளை ஒதுக்கி வைத்துவிட்டு பெரும்பாலான நேரத்தை அவருடனே கழித்தேன். காதலில் வெற்றி பெற வேண்டுமென்றால் ஒருவரையொருவர் மதிக்க வேண்டும், தனித்தன்மையை தக்க வைக்க இடம் தர வேண்டும், உங்களை நேசிப்பதைவிட நீங்கள் அதிகம் நேசிக்க வேண்டும். 4 சுவர்களுக்குள் நடக்கும் நிகழ்வுகளை இருவருக்குள் ரகசியம் காக்க வேண்டும். இருவரது பிரச்னைக்குள் 3வது நபரை தலையிடவிடக்கூடாது.

கோவா பீச்சில் நடிகருக்கு நடிகைகொடுத்த இச்!!!

Tuesday, February 14, 2012
சினிமால நம்பர் ஒன் இடத்தை பிடிக்கிறதுல ஹீரோக்களுக்கு இடையே போட்டி சகஜம்தான். அந்தபோட்டி இப்போ வர்த்தக ரீதியில நிலவுதாம்... நிலவுதாம்... விளம்பர உலகத்துல, பிரகாசமான ஹீரோக்கு இருந்த மவுசு இப்போ கொலவெறி ஹீரோ பக்கம் திரும்பி இருக்காம்... திரும்பி இருக்காம்... அவர் கையிலிருக்கும் சில கம்பெனிகள் இப்போ கொலவெறி ஹீரோவை அப்ரோச் பண்றாங்களாம். இது பற்றி பிராகச ஹீரோகிட்ட கேட்டா உதடு ரெண்டையும் டைட்டா மூடிக்கிறாராம்... மூடிக்கிறாராம்...

செல்வ இயக்கத்தோட செகண்ட் மேரேஜ் முடிஞ்ச கையோட, சோனியான ஸ்வீட் கடை நடிகையையும் மறுமணம் செய்ய பலர் வற்புறுத்த¤னாங்களாம். இனிமே கல்யாணமே வேணாம்னு முடிவு பண்ணியிருந்தவரு, இப்போ மனசை மாத்திகிட்டாராம்... மாத்திகிட்டாராம்... Ôமறுமணம் பண்ணிக்கிறேன். ஆனா அதுக்கு இன்னும் நிறைய டைம் இருக்குÕன்னு நடிகை சொல்றாராம்... சொல்றாராம்...

மெட்ராஸ் பட்டண எமியான ஹீரோயின், பாலிவுட் பிரதிக்கான ஹீரோவோடு ரொம்ப நெருக்கம் ஆயிட்டாராம்... ஆயிட்டாராம்... சமீபத்துல கோவா பீச் பக்கம் போன ஜோடி லிப் டு லிப் இச் கொடுத்தாங்களாம்... கொடுத்தாங்களாம்... இதை சிலர் செல்போன்ல கிளிக் பண்ண¤னாங்களாம். அதை பார்த்துட்டு ஜோடி எதுவும் கண்டுக்கலையாம்... கண்டுக்கலையாம்...