Sunday, December 16, 2012

கேரக்டருக்காக விக்ரமுக்கு சாய்ஸ் தந்த இயக்குனர்!!!

Sunday,16th of December 2012
சென்னை::இந்தி படத்தில் சொந்த குரலில் டப்பிங் பேசி நடித்திருக்கிறார் விக்ரம். விக்ரம் நடிக்கும் இந்தி படம் ‘டேவிட். பிஜாய் நம்பியார் இயக்குகிறார். இப்படம் தமிழ், தெலுங்கில் ஒரே நேரத்தில் உருவாகிறது. தமிழ், தெலுங்கில் விக்ரமுடன் ஜீவாவும் இணைந்து நடிக்கிறார். தபு, இஷா ஷர்வானி, லாரா தத்தா, நாசர் உள்ளிட்டோர் நடிக்கின்றனர். ரத்னவேலு ஒளிப்பதிவு செய்கிறார். இப்படம் பற்றி விக்ரம் கூறியதாவது: மணிரத்னம் இயக்கிய ‘ராவணன் படத்தில் பணியாற்றியபோது அதில் இணை இயக்குனராக பணியாற்றியவர் பிஜாய். இவர் இயக்கிய ‘ஷைத்தான் படம் பார்த்தேன் பிடித்திருந்தது.

தான் இயக்கும் ‘டேவிட் படத்தில் நடிக்க கேட்டபோது ஒப்புக்கொண்டேன். டேவிட் படத்தின் கதையை என்னிடம் பிஜாய் கூறியபோது, ஜாலியான, லவ், ஆக்ஷன் உள்ளிட்ட 2 கதாபாத்திரங்களை கூறி ‘எதில் நடிக்கிறீர்கள் என்றார். ‘ரொமான்டிக் ஆக்ஷன் வேடத்தில் நடிக்கிறேன் என்றேன். கோவாவில் வசிக்கும் மீனவர் வேடத்தில் நடிக்கிறேன். எனக்கு இந்தி தெரியாது. ஆனால் லைவ் ரெக¢கார்டிங் என்ற முறையில் ஷூட்டிங் நடக்கும்போது வசனங்களும் பதிவு செய்யப்பட்டது. வசனங்களை நன்கு கவனித்து பேசினேன். இப்படத்தில் டேவிட் என்ற மற்றொரு கதாபாத்திரத்தில் மும்பையில் வசிக்கும் கிடார் இசைகலைஞராக ஜீவா நடிக்கிறார்.

Friday, December 14, 2012

கும்கி - மு‌ன்னோ‌ட்ட‌ம்!!!

Friday,14th of December 2012
சென்னை::கும்கி என்ற பெயர் பிரபுசாலமன் தனது படத்துக்கு இந்தப் பெயரை தேர்வு செய்தப் பிறகுதான் பலருக்கும் தெ‌ரிய வந்தது. ச‌ரி, கும்கி என்றால் என்ன? அடம்பிடித்து ஊருக்குள் வரும் காட்டு யானைகளை மீண்டும் காட்டுக்குள் துரத்தும் பணியைச் செய்யும் யானைகளை கும்கி என்பார்கள். அப்படியொரு கும்கியின் பாகன்தான் இந்தப் படத்தின் கதாநாயகன் விக்ரம் பிரபு, நடிகர் பிரபுவின் மகன்

சிவா‌ஜி பரம்பரையில் இளைய திலகம் பிரபுக்குப் பிறகு நடிப்புச் சங்கிலி அறுந்து போகாமலிருக்க அந்தக் குடும்பம் நம்பும் ஒரே நபராக விக்ரம் பிரபு இருக்கிறார். கதை கேட்டு, பிரபுசாலமனின் வேலை பிடித்து அவ‌ரிடம் விக்ரம் பிரபுவை செதுக்கும் பணியை ஒப்படைத்தார்கள்.

மைனா படத்துக்கு முன்புவரை பிரபுசாலமனை பலருக்கும் தெ‌ரியாது. அவர் இப்போது உலக சினிமா தரத்துக்கு கும்கி இருக்கு என்பது பீதியை கிளப்புகிறது. மைனாவுக்கு முன்பு இவர் இயக்கிய உலகப் படம் லாடம். மார்கன் பி‌ரிமேன், பென்கிங்ஸ்லி, புரூஸ் வில்லீஸ் நடித்த லக்கி நம்பர் லெவன் படத்தின் மலிவான பதிப்பு. மைனாவில் ச‌ரியாக ஒரு மலைக்கிராமத்தை பிரதிபலித்தவர் மீண்டும் உலக சினிமா என்று பேசினால் பீதியடைவது இயற்கைதானே.

மலையோரமும், இயற்கை வனப்பும் படத்துக்கு தனி சோபையை தரும் என்று மைனாவில் பிரபுசாலமன் கண்டு பிடித்துள்ளார். கும்கியும் அதே ஃபிளேவ‌ரில் தயாராகியுள்ளது. இதுவும் காதல் கதை. என்றாலும் அந்த யானை எதாவது செய்யும் என்ற அசைக்க முடியாத நம்பிக்கையை படத்தின் ட்ரெய்லரும் படயூனிட்டின் பேச்சும் ஏற்படுத்தியுள்ளது.


இசை டி.இமான், லிங்குசாமியின் திருப்பதி பிரதர்ஸ் தயா‌ரிப்பு, படத்தை வெளியிடுவது ஞானவேல் ராஜாவின் ஸ்டுடியோ கி‌‌ரீன் என்று பக்கா செட்டப். ஒளிப்பதிவு சுகுமார், பாடல்கள் யுகபாரதி என்று அதே பழைய மைகா டீம்.

விக்ரம் பிரபுவின் ஜோடியாக லட்சுமி மேனன் நடித்துள்ளார். இவர்களுடன் முக்கியமான கதாபாத்திரத்தில் தம்பி ராமைய்யா, அஸ்வின் ராஜா. பொம்மன் என்ற கதாபாத்திரத்தில் விக்ரம் பிரபு நடித்துள்ளார். கஜராஜா என்ற பெய‌ரில் தெலுங்கில் இப்படம் வெளியாகிறது.

சென்சார் யு சான்றிதழ் அளித்திருக்கும் இப்படம் இன்று திரைக்கு வருகிறது.

Thursday, December 13, 2012

விஸ்வரூபம் படத்தை தியேட்டரில் ரிலீசாவதற்கு 8 மணி நேரத்துக்கு முன்பே டிடிஎச்சில் காணலாம். இதற்காக ஒரு இணைப்புக்கு ரூ 1000 கட்டணமாக வாடிக்கையாளர்கள் செலுத்த வேண்டும்!!!

Thursday,13th of December 2012
சென்னை::விஸ்வரூபம் படத்தை தியேட்டரில் ரிலீசாவதற்கு 8 மணி நேரத்துக்கு முன்பே டிடிஎச்சில் காணலாம். இதற்காக ஒரு இணைப்புக்கு ரூ 1000 கட்டணமாக வாடிக்கையாளர்கள் செலுத்த வேண்டும்.

ஜனவரி 11-ந்தேதி கமல்ஹாசனின் விஸ்வரூபம் படம் வெளி வருகிறது. இந்தப் படம் தியேட்டர்களில் வெளியிடப்படும் அதே நாள் டி.டி.எச்-லும் ஒளிபரப்பாகும் என்று அறிவிப்பை வெளியிட்டார்.

இதனை தியேட்டர் அதிபர்கள் ஏற்கவில்லை. ஆனால் தயாரிப்பாளர்களில் ஒரு பிரிவினர் கமல் ஹாசனுக்கு ஆதரவு தெரிவித்தனர்.

கமல்ஹாசனின் இந்த அறிவிப்பைத் தொடர்ந்து டாடா ஸ்கை, ஏர்டெல், ரிலையன்ஸ், வீடியோகான் உள்பட பிரபலாமன டி.டி.எச் நிறுவனங்கள் விஸ்வரூபம் படத்தை ஒளிபரப்ப ஆர்வம் காட்டின. இதனால் கடும் போட்டி நிலவியது.

இறுதியாக கமல்ஹாசன் ஏர்டெல் நிறுவனம் விஸ்வரூபம் டிடிஎச் உரிமையைப் பெற்றுள்ளது. இதனால் வீடுகளில் ஏர்டெல் டி.டி.எச் வைத்திருப்பவர்கள் விஸ்வரூபம் திரைப்படத்தை தியேட்டர்களில் ரிலீசாவதற்கு 8 மணி நேரத்துக்கு முன்பே தங்கள் வீடுகளில் உள்ள டி.விக்களில் காண முடியும்.

ஏர்டெல் டி.டி.எச். சேவையில் விஸ்வரூபம் சினிமா பார்ப்பதற்காக சந்தாதாரர்கள் ரூ.1000 கட்டணம் செலுத்த வேண்டும். கட்டணம் செலுத்தியவர்களுக்கு மட்டுமே விஸ்வரூபம் படம் ஒளிபரப்பு இணைப்பு கிடைக்கும்.

இதற்கிடையே வெளிநாடுகளிலும் விஸ்வரூபம் படத்தை டி.டி.எச். மூலம் ஒளிபரப்பு ஏற்பாடு செய்யப்பட்டு வருகிறது. இது தொடர்பாக மலேசியாவின் அஸ்ட்ரோ, சிங்கப்பூரின் சிஸ்டெல் போன்ற வெளிநாட்டு டி.டி.எச் நிறுவனங்களுடனும் பேச்சுவார்த்தை நடத்தப்பட்டு வருகிறது.

ஆனால் தியேட்டர் உரிமையாளர்கள் இன்னும் சமரசமாகவில்லை. அவர்கள் விஸ்வரூபம் படத்தைத் திரையிடமாட்டோம் என்று கூறிவருகின்றனர்.

இசைஞானி இளையராஜாவின் 920வது படமாக வருகிறது நீதானே என் பொன்வசந்தம்!!!

Thursday,13th of December 2012
சென்னை::இசைஞானி இளையராஜாவின் 920வது படமாக வருகிறது நீதானே என் பொன்வசந்தம்.

இந்திய சினிமாவில் யாரும் தொடாத உச்சத்தைத் தொட்ட இசையமைப்பாளர் இளையராஜா. விருதுகளைத் தாண்டிய பெருமைக்குச் சொந்தக்காரராகத் திகழும் அவர், தமிழ், தெலுங்கு, மலையாளம், கன்னடம், இந்தி, மராட்டி மற்றும் ஆங்கிலப் படங்களுக்கு இசையமைத்துள்ளார். எண்பதுகளிலேயே ஹாலிவுட் படத்துக்கு இசையமைத்த பெருமை அவருக்குண்டு.

அவரது முதல்படம் அன்னக்கிளி. 100வது படம் மூடுபணி. 300வது படம் உதயகீதம். 400வது படம் நாயகன்....

இப்போது ஆயிரம் படங்களை நெருங்கிக் கொண்டிருக்கிறார் இசைஞானி. இப்போது அவரது இசையில் வெளியாகும் நீதானே என் பொன்வசந்தம் அவரது 920வது படமாகும்.

எண்பதுகளில் ஒரே ஆண்டில் 50 படங்களுக்கு இசையமைத்தவர் இளையராஜா. இந்த சாதனையை எந்த மொழியிலும் யாராலும் இதுவரை தாண்ட முடியவில்லை என்பது குறிப்பிடத்தக்கது.


வெறும் எண்ணிக்கை என்பதைத் தாண்டி, தனது அத்தனைப் படங்களிலும் ஏதாவது ஒரு விதத்தில் தன் முத்திரையைப் பதித்தவர் ராஜா என்றால் மிகையல்ல.

பாலுமகேந்திராவின் வீடு படம் திரையிடல்!!!

Thursday,13th of December 2012
சென்னை::தமிழர்கள் பெருமையாகச் சொல்லிக் கொள்ள ஒருசில படங்களே உள்ளன. அதில் பாலுமகேந்திராவின் வீடு படமும் ஒன்று. குறைவான பட்ஜெட், நிறைவான நடிப்பு, அமைதியான திரைக்கதை, ஆழமான உணர்வுகள் என்று இப்படத்தின் நிறைகளை அடுக்கிக் கொண்டே போகலாம். ‌ஜிகினா மேலும் ‌ஜிகினா என்று சீரழிவை நோக்கிப் போய்க் கொண்டிருக்கும் நமது ரசனையை மீட்டெடுக்க அவ்வப்போதாவது வீடு போன்ற படங்கள் வர வேண்டும். துரதிர்ஷ்டவசமாக அப்படியொரு யோகம் நமக்கு இல்லை. குறைந்தபட்சம் வீடு, அழியாத கோலங்கள் போன்ற படங்களை பார்ப்பதற்கும் அதுபற்றி விவாதிப்பதற்கும் ஒரு மேடையாவது கிடைக்க வேண்டும். அதனை தொடர்ந்து ஒழுங்கு செய்து வருகிறது தமிழ்ஸ்டுடியோ இணையதளம்.

தொடர்ந்து சிறந்த இந்திய திரைப்படங்களை இவர்கள் திரையிட்டு விவாதித்து வருகிறார்கள். அந்தவகையில் வரும் சனிக்கிழமை வீடு திரைப்படம் திரையிடப்படுகிறது. வெறுமனே படத்தைப் பார்த்துவிட்டு செல்லாமல் அதன் மீதான பார்வையாளர்களின் மதிப்பீடுகளை பகிரவும், அறியவும் இவர்கள் வழி செய்கிறார்கள். இந்த நிகழ்வில் பாலுமகேந்திராவும் கலந்து கொள்கிறார் என்பது இந்த நிகழ்வின் முக்கியத்துவத்தை அதிக‌ரிக்கிறது.

ச‌ரியாக வரும் சனிக்கிழமை மாலை 5 மணிக்கு சென்னை வேப்பே‌ரியிலுள்ள பெ‌ரியார் திடலில் இப்படம் திரையிடப்படுகிறது. தொடர்ந்து படம் குறித்த விவாதம். அனுமதி இலவசம். அனைவரும் தவறாமல் கலந்து கொள்ளுங்கள்.

நவம்பர் 3 ஆம் தேதி நடப்பதாக இருந்த இளையராஜாவின் எங்கேயும் எப்போதும் ராஜா இசை நிகழ்ச்சி: பிப்ரவரியில் லைவ் கான்சர்ட்!

Thursday,13th of December 2012
டொரன்டோ::நவம்பர் 3 ஆம் தேதி நடப்பதாக இருந்த இளையராஜாவின் எங்கேயும் எப்போதும் ராஜா இசை நிகழ்ச்சிக்கு சில புலம்பெயர் (புலி ஆதரவு தமிழர்கள் ஆதரவாளர்கள்) எதிர்ப்பு: அன்று நடக்காமல் போன இசை நிகழ்ச்சிக்கு புதிதாக - புயல் வராத தேதியாகப் பார்த்து நாள் குறித்திருக்கிறார்கள்.

2013 பிப்ரவரி 16. அன்றுதான் இளையராஜாவின் இசை நிகழ்ச்சி நடக்கயிருக்கிறது. இருநூறுக்கும் அதிகமான இசைக்கலைஞர்கள், பாடகர்கள் பங்குபெறும் இந்த பிரமாண்ட இசை நிகழ்ச்சிக்கு நீங்கள் ஏற்கனவே டிக்கெட் ரிசர்வ் செய்திருந்தால், அதாவது நவம்பர் 3 ஆம் தேதிக்கு ரிசர்வ் செய்திருந்தால் அந்த டிக்கெட் பிப்ரவரிக்கு செல்லுபடியாகும்.

டிக்கெட்கள் அதிகமிருப்பதால் இசை நிகழ்ச்சிக்கு டிக்கெட் வாங்காமல் விட்டு விட்டோமே என்று கவலைப்பட தேவையில்லை.

பி‌ரியாணி - லேட்டஸ்ட் தகவல்!!!

Thursday,13th of December 2012
சென்னை::எண்ணைய் காணாத செம்மண் தலை, அழுக்கு உடை... இதைவிட்டால் மாடர்ன் ட்ரெஸ், கருப்பாக அலைபாயும் தலைமுடி....

இந்த இரண்டு கெட்டப் தவிர்த்து வேறு எதையும் முயன்றதில்லை கார்த்தி. பி‌ரியாணியில் முதல் முறையாக பட்டி பார்த்து டிங்க‌ரிங் செய்ய முடிவெடுத்தார் வெங்கட்பிரபு. உதவி காஸ்ட்யூமர் வாசுகி பாஸ்கர்.

கார்த்தியின் ஹேர் ஸ்டைலை வெகுவாக மாற்றி பி‌ரியாணியில் நடிக்க வைப்பதாகவும் அந்த அபூர்வ படத்தை தீபாவளிக்கு ‌ரிலீஸ் செய்வதாகவும் கூறினார்கள். என்ன கஷ்டமோ.... சொன்னபடி செய்ய முடியவில்லை.

மலேசியாவில் நடக்கும் யுவனின் லைவ் கான்சர்ட்டில் இந்த பி‌ரியாணி லுக்கை வெளியிட தீர்மானித்துள்ளனர். பி‌ரியாணி யுவனின் 100வது படம் என்பதால் இது ச‌ரியாக இருக்கும் என யுவனும் சம்மதம் தெ‌ரிவித்துள்ளார்.

மணிரத்னம் மாதி‌ரி இரண்டு மூன்று பர்ஸ்ட் லுக் வெளியிடாமலிருந்தால் ச‌ரிதான்.

2012 - கான்களின் வருடம்!!!

Thursday,13th of December 2012
சென்னை::அபூர்வமாக இந்த வருடம் 3 கான்களின் படங்களும் வெளியாயின. சல்மான்கான், ஷாருக்கான், அமீர்கான். மூவரின் படங்களும் நூறு கோடி தாண்டி வசூல் செயயும் என்பதுதான் விசேஷம்.

சல்மான்கான் - மற்ற இரு கான்களுடன் ஒப்பிடுகையில் - அதிக படங்களில் நடிக்கிறார். ஏக் தா டைகர் வெளியாகி சில மாதங்களில் தபாங் 2 வெளியாக உள்ளது. அடுத்து கிக் படம். அதையடுத்து மேலும் இரு புராஜெக்ட்ஸ். ஷாருக்கானும் பரவாயில்லை. ஜப் தக் ஹை ஜான் ஓடிக்கொண்டிருக்கிறது. அதற்குள் சென்னை எக்ஸ்பிரஸில் பிஸியாகிவிட்டார்.

அமீர்கான் ஒவ்வொரு படத்தையும் திட்டமிட்டு வெளியிடுவதால் வருடக்கணக்கில் ஆகிறது. 3இடியட்ஸுக்குப் பிறகு 3 வருட இடைவெளியில் தல்லாஷ் வெளியாகியிருக்கிறது. ஆறு மாதத்துக்கு முன்பே வெளியாக வேண்டிய படம், அமீரின் தொலைக்காட்சி நிகழ்ச்சியால் தாமதமானது.

இந்த வருடம் இந்திய அளவில் அதிகம் வசூலித்த படங்களில் இந்த மூன்று கான்களின் படங்களே முன்னிலை வகிக்கின்றன. டிசம்பர் 21 வெளியாகும் தபாங் 2 மெகாஹிட்டாகும் என்பதில் யாருக்கும் சந்தேகமில்லை.

அடுத்த வருட ரம்ஜானுக்கு சல்மானன்கானின் கிக் வெளியாகும் என எதிர்பார்க்கப்படுகிறது. அதேபோல் ஷாருக்கின் சென்னை எக்ஸ்பிரஸும் வந்துவிடும். சந்தேகத்துக்கு இடமான அமீர்கானின் தூம் 3 படமும் வெளிவந்துவிடும். படத்தின் பெரும்பகுதி ஷுட் செய்யப்பட்டுவிட்டதால் 2013 ரேஸில் கண்டிப்பாக அமீர்கானும் இருக்கிறார்.

அடுத்த வருடமும் இந்த 3 கான்களே பாலிவுட்டை ஆட்சி செய்வார்கள் என்பதையே இந்த புள்ளி விவரம் நமக்கு தெரிவிக்கிறது.

என்னால் படங்கள் தாமதமா? : சமந்தா கோபம்!!!

Thursday,13th of December 2012
சென்னை::என்னால் எந்த படமும் தாமதம் இல்லை. இந்த ஆண்டு எல்லா படத்தையும் முடித்துவிட்டேன் என்றார் சமந்தா. ‘பாணா காத்தாடி‘ பட ஹீரோயின் சமந்தா. இந்த ஆண்டு அவருக்கு ‘நான் ஈ வெற்றி படமாக அமைந்தது. இதையடுத்து மணிரத்னம், ஷங்கர் படங்களில் நடிக்க வாய்ப்பு வந்தது. தோல் நோயால் பாதிக்கப்பட்டதால் அந்த படங்களிலிருந்து விலகினார். இதற்கிடையில் கவுதம் மேனன் இயக்கும் ‘நீ தானே என் பொன்வசந்தம்‘ படத்தில் நடித்து வந்தார். தோல் நோய்க்கு சிகிச்சை எடுக்க சென்றதால் இப்பட ஷூட்டிங் பாதியில் நின்றது. சில தெலுங்கு படங்களின் ஷூட்டிங்கும் நின்றது. இது குறித்து சமந்தா கூறும்போது,‘தெலுங்கில் சீதம்மா வகிட்லே சிருமல்லே செட்டு படத்தில் மகேஷ்பாபு ஜோடியாக நடிக்கிறேன்.

இதன் ஷூட்டிங் புனாவில் நடக்கிறது. ஏற்கனவே இதன் பட ஷூட்டிங் முடிந்த நிலையில் பாடல் காட்சி மட்டும் பாக்கி இருந்தது. அதுவும் முடிவடைய உள்ளது. இம்மாதம் 20ம் தேதியுடன் இந்த ஆண்டில் நடிக்க ஒப்புக்கொண்ட படங்களை முடித்துவிடுவேன். புதிய படத்தின் ஷூட்டிங்கை 2013 புத்தாண்டில் தொடங்க உள்ளேன். ஆனால் என்னால் சில படங்கள் தாமதம¢ ஆனதாக சொல்கிறார்கள். அது உண்மை கிடையாது. மருத்துவ சிகிச்சை காரணமாக 2 மாதம் ஷூட்டிங்கில் பங்கேற்கவில்லை. அந்த நேரத்தில் நான் சம்பந்தப்படாத காட்சிகளை இயக்குனர்கள் படமாக்கி முடித்துவிட்டனர். அதனால் என்னால் எந்த படமும் தாமதம் ஆகவில்லை’ என்றார்.

இன்று பிறந்தநாள் கொண்டாடும் பிஆர்ஓ கோவிந்தராஜுக்கு நடிகர் சின்னிஜெயந்த் சிறப்பு பரிசு!!!

Thursday,13th of December 2012
சென்னை::12.12.12 என்ற இந்த சிறப்புமிக்க நாளில் ரஜினியின் பிறந்தநாள் என்பது அனைவருக்கும் தெரியும். இதே நாளில் பிறந்தநாள் கொண்டாடும் மேலும் பலரில் தமிழ் திரையுலக மக்கள் தொடர்பாளர் (பிஆர்ஓ) கோவிந்தராஜுக்கும் இன்று தான் பிறந்தநாள். இந்த சிறப்புமிக்க தினத்தன்று பிறந்தநாள் கொண்டாடும் கோவிந்தராஜுக்கு நடிகர் சின்னி ஜெயந்த் 12.12.12 என்று முத்திரையிட்ட தங்க மோதிரத்தை பரிசாக வழங்கினார்.

"ரஜினி சாரோட பிறந்த நாள் டிசம்பர் 12. 12.12.12 என்ற நாள் 100 ஆண்டுகளுக்கு ஒரு முறைதான் வரும். நாள், மாதம், வருடம் மூன்றும் ஒன்றாக இனி 88 ஆண்டுகளுக்குப் பிறகுதான் வரும். இப்படி சிறப்புமிக்க நாளில் பி.ஆர்.ஓ கோவிந்தராஜுக்கு பிறந்தநாள் வருவதால் வாழ்த்துகிறேன்." என்று கூறி இந்த தங்க மோதிரத்தை நடிகர் சின்னிஜெயந்த் பரிசாக அணிவித்தார்.

'பாட்ஷா' படத்தில் உதவி பி.ஆர்.ஓ வாக தனது சினிமா வாழ்க்கையை தொடங்கினார் கோவிந்தராஜ், தற்போது 200 படங்களையும் கடந்த தனது பணியை சிறப்பாக செய்து வருகிறார்.

சூப்பர் ஸ்டார் பிறந்தநாள் கொண்டாடும் இந்த சிறப்புமிக்க நாளில் தானும் பிறந்தநாள் கொண்டாடுவதை எண்ணி மகிழ்ச்சியடையும் கோவிந்தராஜ் இது பற்றி கூறுகையில், "பாட்ஷா படம்தான் பி.ஆர்.ஓ உதவியாளராக நெல்லை சுந்தராஜன் சாரிடம் பணிபுரிந்த முதல் படம். அருணாசலம் படப்பிடிப்புக்கு இடையே ஏ.வி.எம் ஸ்டுடியோவில் ரஜினி சார் பிறந்தநாள் கொண்டாடியபோது, அவரிடம் நான் பிறந்த நாள் வாழ்த்துப் பெற்றுள்ளேன். அவருடைய மகள் ஐஸ்வர்யா திருமணத்திற்குப் பணிபுரிந்த பத்து பி.ஆர்.ஓக்களில் நானும் ஒருவன். அதற்காக ரஜினி சாரிடம் பாராட்டுப் பெற்றுள்ளேன். இந்த ஆண்டு ரஜினி சாருடன் பல வெற்றிப் படங்களில் நடித்த சின்னி ஜெயந்த் சார் எனக்கு தங்க மோதிரம் அணிவித்து பிறந்த நாள் வாழ்த்துக் கூறியது பெரும் மகிழ்ச்சியாக உள்ளது." என்றார்.

Wednesday, December 12, 2012

சூப்பர் ஸ்டார் ரஜினியின் 12.12.12=36! ஒரு ஸ்பெஷல் ரிப்போர்ட்!!!

Wednesday,12th of December 2012
சென்னை::சூப்பர் ஸ்டார் ரஜினியின் ரசிகர்களுக்கு 12.12.12 ஒரு சூப்பர் நாள். 1000 ஆண்டுகளுக்கு ஒருமுறை வரும் அபூர்வ நாள் என்பதால் மட்டுமல்ல, தமிழ் சினிமாவில் அபூர்வ ராகமாக ஒலித்த ரஜினியின் பிறந்த நாள். 12.12.12 என்பதை கூட்டினால் 36. சூப்பர் ஸ்டார் திரைப்படத்துக்கு வந்து 36 ஆண்டுகளை கடந்து விட்டார். 36ஐ அப்படியே திருப்பிப் போட்டால் 63 அதுதான் அவருக்கு வயது. அதுமட்டுமல்ல மரணத்தின் வாயிலை எட்டிப்பார்த்துவிட்டு அதை எட்டி உதைத்துவிட்டு திரும்பியிருக்கும் சூப்பர் ஸ்டார் மறுபிறவிக்கு இது முதல் பிறந்த நாள். இப்படி பல சிறப்பு அம்சங்களுடன் பிறக்கிறது 12.12.12. சூப்பர் ஸ்டாரின் சினிமா பயணம் 1975ல் தொடங்கியது. அன்று முதல் இன்று வரையிலான அவரது சினிமா பாதையில் கற்களும், முற்களும் நிறைந்திருந்தது. பூக்களும் கொட்டிக் கிடந்தது. அதிலிருந்து தேர்ந்தெடுக்கப்பட்ட 36-ஐ  பூந்தளிர் இணையதள வாசகர்களுக்குத் தருகிறோம்...

1. ரஜினி நடித்த முதல் படம் அபூர்வ ராகங்கள். அதில் அவர் பேசிய முதல் வசனம் "பைரவி வீடு இதுதானே..."என்பது தான். நடித்த காட்சிகள் 6.

2. ரஜினி சிகரெட் ஸ்டைல் மிகவும் புகழ்பெற்றது. அது அறிமுகமான படம் மூன்று முடிச்சு.

3. வில்லனாக நடித்துக் கொண்டிருந்த ரஜினி ஹீரோவாக நடித்த படம் பைரவி. இதில்தான் அவருக்கு சூப்பர் ஸ்டார் பட்டம் வழங்கப்பட்டது. வழங்கியவர் கலைப்புலி எஸ்.தாணு. நான் போட்ட சவால் படத்தின் டைட்டில் கார்டில்தான் சூப்பர் ஸ்டார் என்ற பட்டம் போடப்பட்டது.

4. ரஜினி பேசிய முதல் பன்ஞ் டயலாக் "இது எப்படி இருக்கு?: படம் 16 வயதினிலே. இந்த வசனத்தையே "ஹவ் இஸ் இட்?" என்று ஆங்கிலத்திலும், "இப்புடு சூடு" என்று தெலுங்கிலும் பின்னாளில் பேசினார். இந்த பன்ஞ் டயலாக்கை தலைப்பாக வைத்து ஒரு படமும் வெளிவந்தது.

5. மூன்று முடிச்சு தொடங்கி எந்திரன் வரை பல படங்களில் வில்லனாக நடித்திருந்தாலும் கொடூர வில்லனாக நடித்தது ஆடுபுலி ஆட்டம் படத்தில்தான். வில்லத்தனங்களை செய்து விட்டு "இது ரஜினி ஸ்டைல்" என்பார்.

6. ரஜினி நடித்த முதல் திகில் படம் ஆயிரம் ஜென்மங்கள். நீண்ட இடைவெளிக்குப் பிறகு நடித்த படம் சந்திரமுகி.

7. ரஜினி நடிக்க மறுத்த படம் "நீயா?" ஸ்ரீப்ரியாவின் சொந்தப் படத்தில் அவர் ரஜினியை நடிக்க கேட்டபோது நான்கைந்து ஹீரோக்களுடன் நடிக்க மாட்டேன் என்று மறுத்து விட்டார். பின்னர் அந்த கேரக்டரில் நடித்தவர் கமல்.

8. பிராமண லாங்குவேஜ் பேசி நடித்த படம் சதுரங்கம், சென்னைத் தமிழ் பேசி நடித்த படம் தப்புத் தாளங்கள்.

9. வணக்கத்துக்குரிய காதலியே ரஜினியின் முதல் தோல்விப் படம்.

10. ரஜினிக்கு பிடித்த படம் "முள்ளும் மலரும்". பிடித்த இயக்குனர் "மகேந்திரன்". பிடித்த நடிகர் "கமல், பிடித்த நடிகை "ஷோபா.

11. சிவாஜியுடன் நடித்த முதல் படம் "ஜஸ்டிஸ் கோபிநாத்". இதில் அவர் சிவாஜியின் வளர்ப்பு மகனாக நடித்தார். பிற்காலத்தில் சொந்த மகன் போல் சிவாஜியால் பார்க்கப்பட்டார். அவருடன் நடித்த கடைசிப் படம் "படையப்பா".

12. முதல் பேண்டசி படம் "அலாவுதீனும் அற்புத விளக்கும்". இதில் கமல் அலாவுதீனாக நடித்தார். ஒரிஜினல் கதையில் இல்லாத கமருதீன் என்ற கேரக்டர் ரஜினிக்காக உருவாக்கப்பட்டது.

13. முதன் முதலில் இரட்டை வேடத்தில் நடித்த படம் "பில்லா". மூன்று வேடங்களில் நடித்த படம் "மூன்று முகம்".

14. குறுகிய காலத்தில் நடித்த படம் "அன்புள்ள ரஜினிகாந்த்". 6 நாட்களில் நடித்துக் கொடுத்தார். 9 நாட்களில் நடித்த படம் "மாங்குடி மைனர்".

15. மேனியாக் டிப்ரெசிங் நோயால் பாதிக்கப்பட்டு அதிலிருந்து குணமான பிறகு நடித்த படம் "தர்மயுத்தம்". அந்தப் படத்திலும் அந்த நோயால் பாதிக்கப்பட்டவராகவே நடித்தார்.

16. முதல் சினிமாஸ்கோப் படம் "பொல்லாதவன்". முதல் 70எம்எம் படம் "மாவீரன்". முதல் 3டி படம் "சிவாஜி". முதல் அனிமேஷன் படம் "கோச்சடையான்".

17. ரஜினி தயாரித்த முதல் படம் "மாவீரன்". திரைக்கதை வசனம் எழுதிய படம் "வள்ளி". பாடல் பாடிய படம் "மன்னன்".

18. எம்.ஜி.ஆரின் போஸ்ட்டரை பார்த்து வீரம் வந்து சண்டை போடுபவராக, அவரது ரசிகராக நடிக்க மறுத்தார். இன்னொருவர் புகழில் குளிர்காயக்கூடாது என்பது அவரது கருத்து.

19. "பாண்டியன்", "அருணாசலம்" படங்கள் தன் நண்பர்களுக்காக ரஜினி நடித்துக் கொடுத்த படம்.

20. ரஜினியின் அதிக படங்களை இயக்கியவர் எஸ்.பி.முத்துராமன். அதிக படங்களில் ஜோடியாக நடித்தவர் ஸ்ரீப்ரியா. அதிக படங்களுக்கு கதை வசனம் எழுதியவர் பஞ்சு அருணாசலம்.

21. ரஜினியின் 50வது படம் "ரங்கா". 100வது படம் "ஸ்ரீராகவேந்திரர்". ரங்கா படத்தில் ரஜினியின் அக்காவாக ஜெயலலிதா நடிப்பதாக இருந்தது. எம்.ஜி.ஆர் அவரை அரசியலுக்கு அழைத்துச் சென்றதால் நடிக்கவில்லை. ஸ்ரீராகவேந்திரர் படத்தை எஸ்.பி.முத்துராமன் இயக்க மறுத்தார். பின்னர் ரஜினியின் அன்புக்காக இயக்கினார்.

22. எம்.ஜி.ஆர் நடிக்க இருந்த படம் "ராணுவ வீரன்". அவர் முதல்வரானாதல் நடிக்க முடியாமல் போக அந்தக் கதையில் ரஜினி நடித்தார்.

23. ரஜினி நடித்த சில படங்களின் பெயர்கள் கடைசி நேரத்தில் மாற்றப்பட்டது. "நானே ராஜா நீயே மந்திரி" என்ற டைட்டில் "தம்பிக்கு எந்த ஊரு" என்று மாறியது. "நான் காந்தி அல்ல", "நான் மகான் அல்ல" என மாறியது. "காலம் மாறிப்போச்சு" என்ற டைட்டில் "தர்மதுரை" ஆனது.

24. முதன் முதலாக ஜப்பான் மொழியில் டப் செய்யப்பட்ட இந்திய படம் "முத்து". ஜப்பானில் ரசிகர் மன்றம் தொடங்கப்பட்ட முதல் இந்திய நடிகர் ரஜினி.

25. ரஜினி எடிட் செய்த படம் "படையப்பா". படப்பிடிப்பு முடிந்து பார்த்தபோது படம் 21 ஆயிரம் அடி வந்திருந்தது. எந்தக் காட்சியையும் குறைக்க முடியவில்லை. படத்துக்கு 2 இடைவேளை விடலாமா என்று யோசித்தார்கள். தான் நடித்த காட்சிகளை வெட்டத் தயங்குகிறார்கள் என்று நினைத்த ரஜினி. தானே எடிட்டிங்கில் உட்கார்ந்து காட்சிகளை குறைத்தார். இதுபற்றி அவர் சொன்ன கருத்து "ரசிகனை ரொம்ப கொடுமைப்படுத்தக்கூடாது" என்பது.

26. அதிக நாள் ஓடிய படம் "சந்திரமுகி". அதிக பட்ஜெட்டில் எடுக்கப்பட்ட படம் "எந்திரன்". குறைந்த பட்ஜெட்டில் எடுக்கப்பட்ட படம் "அன்புள்ள ரஜினிகாந்த்".

27. "மூன்று முடிச்சு", "மாப்பிள்ளை", "மன்னன்", "படையப்பா" படங்களில் ரஜினியோடு மோதுபவர்கள் பெண்கள்.

28. "முள்ளும் மலரும்", "மூன்று முகம்", "முத்து", "படையப்பா", "சந்திரமுகி", "சிவாஜி" படங்களுக்காக மாநில விருதைப் பெற்றார். பத்மஸ்ரீ, பத்மபூஷன் மத்திய அரசு வழங்கிய விருதுகள்.

29. மீசையில்லாமல் நடித்த முதல் படம் "தில்லு முல்லு", முதல் முழு நீள காமெடி படமும் அதுதான்.

30. ரஜினியின் பேவரேட் பாம்பு சீன் முதலில் இடம் பெற்றது பைரவியில் புகழ் பெற்றது அண்ணாமலையில்.

31. இளைஞன், நடுத்தர வயது குடும்பஸ்தன். தள்ளாடும் முதியவர் என்ற மூன்று கெட்அப்களில் நடித்த படம் "6லிருந்து 60 வரை". ரஜினிக்கு தேசிய விருது எதிர்பார்க்கப்பட்ட படம்.

32. கோடிக் கணக்கில் சம்பளம் தர முன்வந்தும் ரஜினி இதுவரை ஒரு விளம்பரப் படத்தில்கூட நடித்ததில்லை. நான் உபயோகிக்காத ஒரு பொருளை மற்றவர்களை உபயோகிக்கச் சொல்வது தவறு என்பது அவர் கருத்து.

33. நிஜ வாழ்க்கையில் கண்டக்டராக இருந்த ரஜினி எந்தப் படத்திலும் கண்டக்டராக நடிக்கவில்லை. "ஆறு புஷ்பங்கள்" படத்தில் விஜயகுமார் கண்டக்டராக நடிக்க ரஜினி டிரைவராக நடித்திருந்தார். பாட்ஷா படத்தில் ஒரே ஒரு பாட்டில் கண்டக்டராக வருவார்.

34. ரஜினிக்கு எதிர்பாராத வெற்றியைக் கொடுத்த படம் "முரட்டுக்காளை", "சந்திரமுகி". எதிர்பாராத தோல்வியைக் கொடுத்த படம் "ஸ்ரீராகவேந்திரர்" மற்றும் "பாபா".

35. ரஜினி நடித்த ஹாலிவுட் திரைப்படம் பிளட் ஸ்டோன். ரஜினின் பல படங்கள் தெலுங்கு, இந்தி, கன்னடம், பெங்காலி மொழிகளில் டப் செய்யப்பட்டிருக்கிறது. நேரடியாக நடித்த இந்திப் படம் 16.

36. தமிழ் சினிமாவில் அதிகமான புத்தகங்கள் வெளிவந்திருப்பது ரஜினி பற்றித்தான். அவரது வாழ்க்கை பற்றி நிறையபேர் எழுதியிருக்கிறார்கள். ரஜினியை சுயசரிதை எழுதச் சொல்லிக் கேட்டார்கள். அதற்கு அவர் சொன்ன பதில் "சுயசரிதை எழுதும் அளவுக்கு என் வாழ்க்கை பரிசுத்தமானதல்ல. அந்த அளவுக்கு பெரிதாக சாதித்தவனும் அல்ல. நான் நடிச்சு மக்களை சந்தோஷப்படுத்துறேன். அவர்கள் பணமாக எனக்கு திருப்பித் தந்து என்னை சந்தோஷப்படுத்துகிறார்கள் அவ்வளவுதான்" என்பார். அதுதான் சூப்பர் ஸ்டார்.

பிறந்தநாள் வாழ்த்துக்கள் ரஜினி...! வாசகர்களும் தங்கள் பிறந்தநாள் வாழ்த்தை தெரிவிக்கலாம்!!

எனது பிறந்தநாளை பெற்றோரை வழிபடும் நாளாக கொண்டாடுங்கள்: ரசிகர்களுக்கு ரஜினி பிறந்தநாள் செய்தி!!!

Wednesday,12th of December 2012
சென்னை::ரஜினி பிறந்த நாளையொட்டி ரசிகர்களை இன்று சந்தித்ததால் நிருபர்களும், டி.வி.கேமராமேன்களும் போயஸ்கார்டனில் உள்ள அவரது வீட்டு முன்னால் கூடி நின்றனர். திடீரென்று அவர்களை ரஜினி வீட்டுக்குள் அழைத்தார். அப்போது நிருபர்கள் ரஜினிக்கு பிறந்த நாள் வாழ்த்து கூறினார்கள். பதிலுக்கு ரஜினி நன்றி கூறினார்.

பின்னர் நிருபர்களிடம் ரஜினி கூறியதாவது:-

என் பிறந்தநாளையொட்டி ரசிகர்கள் வாழ்த்து சொல்ல வீட்டுக்கு வந்தார்கள். அவர்களை சந்தித்தேன். மகிழ்ச்சியாக உள்ளது. எனது பிறந்த நாள் 12.12.2012 தேதியில் வந்து இருப்பது பெரிய விஷயம். என்னுடைய பிறந்தநாளை ரசிகர்கள் அவர்களின் பெற்றோரை வழிபடும் நாளாக கொண்டாடினால் இன்னும் சந்தோஷப்படுவேன். அப்பவும், இப்பவும், எப்பவும் சொல்வேன், என்னைவிட பெற்றோர்கள்தான் முக்கியம். அவர்களை நன்றாக கவனித்துக் கொள்ளவேண்டும்.

‘கோச்சடையான்’ படம் இன்றைய சினிமா தொழில்நுட்பத்தின் அடுத்தகட்டம். இப்படம் மட்டும் வெற்றிப்பெற்றால் இனி ராமாயணம், மகாபாரதம் போன்ற இதிகாச படங்களும் இதே தொழில்நுட்பத்தில் வெளிவந்து வெற்றி பெறும்.

நீங்கள் அரசியலுக்கு வர வேண்டும் என்று ரசிகர்கள் எதிர்பார்க்கிறார்கள். எப்போது வருவீர்கள் என்று கேட்டபோது, அதுபற்றி எத்தனையோ தடவை சொல்லிவிட்டேன். இப்போது சொல்வதற்கு ஒன்றும் இல்லை.

இவ்வாறு அவர் கூறினார்.

இன்று ரஜினி பிறந்த நாள் : 12 கோயில்களில் சிறப்பு பூஜை, யாகம்: அனைவரும் நேர்மையாக நடந்துகொள்ள வேண்டும்: ரசிகர்களுக்கு ரஜினி பிறந்தநாள் செய்தி!

Wednesday,12th of December 2012
சென்னை::நடிகர் ரஜினிகாந்தின் பிறந்த நாளையொட்டி சென்னையில் 12 கோயில்களில் சிறப்பு பூஜை, கோ தானம், சமபந்தி விருந்து நடக்கிறது.

ரஜினிக்கு இன்று 63வது பிறந்த நாள். இதையொட்டி அவரது பிறந்த நாளை ரசிகர்கள் தமிழகம் முழுவதும் உற்சாகமாக கொண்டாடினர். சென்னை மாவட்ட ரசிகர் மன்றம் சார்பில் 12 கோவியில்களில் சிறப்பு பூஜை உள்ளிட்ட பல நிகழ்ச்சிகள் நடக்கிறது. சென்னை மாவட்ட நிர்வாகிகள் என்.ராமதாஸ், ஆர்.சூர்யா, கே.ரவி ஆகியோர் தலைமை தாங்குகின்றனர். காலை 6 மணிக்கு பெசன்ட் நகர் அன்னை வேளங்கண்ணி ஆலயத்தில் சிறப்பு பிரார்த்தனை.

7 மணிக்கு மயிலை ராகவேந்திரா கோயில் சிறப்பு பூஜை. 8 மணிக்கு அயனாவரம் ஸ்ரீ மகா காளியம்மன் கோயிலில் பூஜை. 8.30 மணிக்கு மயிலை மல்லீஸ்வரர் கோயில் பூஜை, 9 மணிக்கு சைதை இளங்காளி அம்மன் கோயிலில் யாகம், சிறப்பு பூஜை, அபிஷேகம், தி.நகர் வெங்கடாஜலபதி கோயிலில் சிறப்பு பூஜை. பகல் 11 மணிக்கு அண்ணாசாலை தர்காவில் சிறப்பு பிரார்த்தனை, சேப்பாக்கம் சக்தி விநாயகர் ஆலயத்தில் சிறப்பு வழிபாடு, சமபந்தி விருந்து, மாலை 4 மணிக்கு சிவலிங்கபுரம் பள்ளி மாணவமாணவிகளுக்கு இலவச புத்தகம் சீருடை வழங்குதல் நடக்கிறது.

கடந்த ஆண்டு உடல்நலம் பாதிக்கப்பட்ட ரஜினிகாந்த் பூரண குணம் அடைந்ததையொட்டி அதற்கு நேர்த்தி கடனாக ரசிகர்கள் காஞ்சிபுரம் அருள்மிகு ஆனந்த வள்ளி அகஸ்தீஸ்வரர் கோயிலுக்கு கோ தானம் வழங்கும் நிகழ்ச்சி நடக்கிறது. இதையடுத்து நாளை, சென்னை ராயப்பேட்டை ஒய்எம்சிஏ மைதானத்தில் ஏழைகளுக்கு நலதிட்ட உதவிகள் வழங்கப்படுகிறது. பிறகு ரசிகர்கள் அரசு மருத்துவமனைக்கு ரத்தானம், கண்தானம், உடல் உறுப்பு தானம் வழங்கும் பத்திரத்தில் கையெழுத்திடுவார்கள். விழாவில் நடிகர் சங்க தலைவர் சரத்குமார், ராதாரவி, பி.வாசு, வாகை சந்திரசேகர், எஸ்.தாணு, கே.ராஜன், ஆர்.வி.உதயகுமார், பாண்டு, பாண்டியராஜன், நமீதா உள்ளிட்டோர் கலந்துகொள்கின்றனர்.

அனைவரும் நேர்மையாக நடந்துகொள்ள வேண்டும்: ரசிகர்களுக்கு ரஜினி பிறந்தநாள் செய்தி!

ரஜினி பிறந்தநாளை அவரது ரசிகர்கள் இன்று கோலாகலமாக கொண்டாடினார்கள். அவரை வாழ்த்துவதற்காக ஏராளமானோர் போயஸ் கார்டனில் உள்ள அவரது வீட்டின் முன்பு திரளாக குவிந்தனர். அவர்களை நேரில் சந்தித்தப்பதற்காக ரஜினிகாந்த் வீட்டிலிருந்து வெளியே வந்தார். உடனே ரசிகர்கள் ‘ரஜினி வாழ்க’, ‘சூப்பர் ஸ்டார் வாழ்க’ என கோஷம் எழுப்பினர். உடனே அவர் ரசிகர்களைப் பார்த்து உற்சாகமாக கையசைத்தார்.

அவர்களிடம் வாழ்த்துக்களையும் பெற்றுக் கொண்டார்.

பின்னர், ரசிகர்கள் முன்னிலையில் ரஜினி பேசியதாவது:

எனது ரசிகர்கள் அனைத்து விஷயங்களையும் நேர்மையான கண்ணோட்டத்துடனேயே அணுக வேண்டும். ‘கோச்சடையான் படம் நவீன தொழில்நுட்பத்துடன் பிரம்மாண்டமாக உருவாகி வருகிறது. இந்த படம் சிறப்பான வெற்றி பெற்றால் தமிழில் உள்ள இலக்கியங்கள், இதிகாசங்களை படமாக்கும் முயற்சி வெற்றி பெறும். உங்களால் நான் வாழ்கிறேன். என்னை காண்பதற்காக இங்கு வந்துள்ள அனைவருக்கும் எனது நன்றியை தெரிவித்துக் கொள்கிறேன்.

இவ்வாறு அவர் பேசினார்.

ரஜினி தங்களை நேரில் சந்தித்ததால் உற்சாகமடைந்த ரசிகர்களை பட்டாசு வெடித்தும், இனிப்புகள் வழங்கியும் தங்களுக்குள் வாழ்த்துக்களை பரிமாறிக் கொண்டனர். சென்னை மற்றும் தமிழ்நாட்டின் அனைத்து பகுதிகளிலும் உள்ள ரஜினியின் ரசிகர்கள் அவரது பிறந்தநாளை இனிப்புகள் வழங்கியும், நலத்திட்ட உதவிகளை செய்தும் உற்சாகமாகக் கொண்டாடினர்.

துளசி - கண்ணில் காட்டினார் மணிரத்னம்!!!

Wednesday,12th of December 2012
சென்னை::ஃபர்ஸ்ட் லுக் என்று இதுவரை இரண்டு லுக் வெளியிட்டிருக்கிறார் மணிரத்னம். முதல் லுக்கில் ஹீரோவின் முதுகை காட்டினார். இரண்டாவதில் போனால் போகிறது என்று முகம். ஹீரோயின் துளசியின் திருமுகம் வெளியிடப்படாமல் இருந்தது. மூன்றாவது லுக்கில்... நல்லவேளை முதுகை காட்டாமல் அம்மணியின் முகத்தை காட்டியிருக்கிறார். பெரிய மனசு.

பிரச்சனைக்குரிய ஏரியாவில் வலையை வீசுவது மணிரத்னம் ஸ்டைல். எல்லைப் பிரச்சனையோ கொள்ளை பிரச்சனையோ அது தொட்டுக்க ஊறுகாய். மெயின் டிஷ் காதல். மீனவர்கள் பிரச்சனை சென்சிடிவாக இருக்கும் இந்த நேரத்தில் வலையை நேராக கடலுக்கு வீசியிருக்கிறார். இதிலும் பின்னணியில் இருப்பது காதல்தான்.

கார்த்திக் மகன் கௌதம், ராதா மகள் துளசி இந்தப் படத்தில் அறிமுகமாவதை வரலாற்று முக்கியத்துவத்துடன் கொண்டாடுகிறது தமிழ் சமூகம். சினிமா மீதான அலைகள் ஓயப்போவதில்லை என்பதையே இது காட்டுகிறது. மணிரத்னத்தின் ஃபர்ஸ்ட் லுக்கில் வெளியான கௌதம் பெரிதாக எந்த அலையையும் கிளப்பவில்லை. ஆனால் துளசி கிளப்புவார் என்பதை பார்த்த உடனே மனம் தெரிந்துகொண்டது. ராதாவின் மகள் தடித்த உதடும் குழந்தை முகமுமாக சமந்தாவுக்கு டஃப் ஃபைட் தரும்விதத்தில் இருக்கிறார்.

பார்த்து உங்க கமெண்டையும் சொல்லுங்க.

12-12-12 ஐ தவறவிட்ட ரஜினி ரசிகர்கள்!!!

Wednesday,12th of December 2012
சென்னை::12-12-12 என்ற சரித்திர தினத்தை தவறவிட்ட சோகத்தில் இருக்கிறது ரஜினி ரசிகர்கள் வட்டாரம்.

என்ன நடந்தது?

ரஜினி பிறந்நாள் அன்று அவர் வருகிறாரோ இல்லை அவரது குடும்ப உறுப்பினர்கள் வருகிறார்களோ. யாரையும் எதிர்பார்க்காமல் பிரமாண்ட கூட்டம் நடத்தி தலைவரின் பிறந்தநாளை ரசிகர்கள் கொண்டாடி வருகிறார்கள். சென்ற வருடம் இந்த கூட்டம் வள்ளுவர்கோட்டத்தை கிடுகிடுக்க வைத்தது. இந்தமுறை ரஜினி பற்றி பட்டிமன்றம் நடத்தி நாஞ்சில் சம்பத்தை நடுவராக்குவதாக திட்டம். இடம் அதே வள்ளுவர்கோட்டம்.

கடைசிவரை வள்ளுவர்கோட்டத்தில் விழா நடத்த அனுமதி தராமல் இழுத்தடித்து கடைசியில் நோ சொல்லி ரசிகர்களை அதிர வைத்திருக்கிறார்கள். ரசிகர்கள் டோட்டல் அப்செட். அவர்கள் திட்டமிட்டிருந்த 12-12-12 அன்று முக்கியமான இடங்கள் அனைத்தும் எங்கேஜ்ட்.

தேதியை கைவிட்டாலும் திட்டத்தை கைவிடுவதில்லை என்ற வைராக்கியத்தோடு 13-12-12 அன்று சென்னை ராயப்பேட்டை ஒய்எம்சி மைதானத்தில் கூட்டம் போடுவது என்று முடிவு செய்து வேலையையும் ஆரம்பித்திருக்கிறார்கள்.

இப்போதைய கேள்வி, அ.தி.மு.க.வில் சரண்டரான நாஞ்சிலார் இந்த கூட்டத்தில் கலந்து கொள்வாரா மாட்டாரா?

Tuesday, December 11, 2012

விஸ்வரூபம் டிடிஎச் பிரச்னை : தியேட்டர் உரிமையாளர்களுடன் பேச்சு நடத்த பிலிம்சேம்பர் முடிவு!!!

Tuesday,11th of December 2012
சென்னை::கமலின் ‘விஸ்வரூபம் படத்தை டி.டி.எச் மூலம் ஒளிபரப்புவதற்கு தியேட்டர் அதிபர்கள் எதிர்ப்பு தெரிவித்துள்ளனர். கமல்ஹாசன் தயாரித்து, இயக்கி, கதாநாயகனாக நடிக்கும் படம் ‘விஸ்வரூபம். பொங்கல் தினத்தையொட்டி இப்படம் ரிலீஸ் ஆகிறது. தியேட்டரில் ரிலீஸ் செய்வதற்கு 8 மணி நேரம் முன்னதாக டிடிஎச் மூலம் டி.வியில் ஒளிபரப்புவதற்கு கமல் முடிவு செய்துள்ளார். இந்தியாவில் இதுவரை இதுபோல் எந்த படமும் ஒளிபரப்பானதில்லை. கமலின் முடிவை கேட்டு தியேட்டர் அதிபர்கள் அதிர்ச்சி அடைந்தனர். டிடிஎச் மூலம் ஒளிபரப்புவதற்கு கடும் எதிர்ப்பு தெரிவித்துள்ளனர். அவரது படத்தை புறக்கணிப்போம் என்று அறிவித்துள்ளனர்.

இப்பிரச்னையால் கடந்த ஒரு வாரமாக தமிழ் திரையுலகில் குழப்பம் ஏற்பட்டுள்ளது. இதற்கு கமல்ஹாசன் விளக்கம் அளித்துள்ளார். அவர் கூறும்போது, ‘வீட்டோடு தங்கியவர்களையும் சினிமா பார்க்க ஈர்க்கும் முயற்சியே இது. ஒரு முறை படத்தை பார்க்க ஆயிரம் ரூபாய் கட்டணம். காட்சியை வீட்டில் பார்த்த சந்தோஷம் தவிர தியேட்டரில் கிடைக்கும் அனுபவம் கண்டிப்பாக கிடைக்காது என்றார். இந்த பிரச்னையில் கமல்ஹாசனுக்கு பிலிம்சேம்பர் நிர்வாகிகளும், பட அதிபர்களும் ஆதரவு தெரிவித்து இருக்கிறார்கள். பிலிம் சேம்பர் செயலாளர் காட்ரகட்ட பிரசாத், ‘தியேட்டர் அதிபர்களுடன் பிலிம்சேம்பரும், தயாரிப்பாளர்கள் சங்கமும் 2 நாட்களில் பேச்சுவார்த்தை நடத்தி சுமுக முடிவு ஏற்பட வழிவகை செய்வோம் என்றார்.

ரஜினி பிறந்தநாளுக்காக நடிகர் லாரன்ஸ் வெளியிட்டிருக்கும் ரஜினி பாடல்!!!

Tuesday,11th of December 2012
சென்னை::12-12 அன்றைய தேதியில் 63வது பிறந்தநாள் காணும் ரஜினிகாந்துக்காக, ஒரு சிறப்பு பாடலை நடிகர் ராகவா லாரன்ஸ் உருவாக்கியிருக்கிறார். இந்த பாடலை அண்ணாமலை எழுத, விஜய் ஆண்டனி இசையமைத்திருக்கிறார்.

ரஜினிகாந்தின் ரசிகனான லாரன்ஸ், ரஜினியின் ஒவ்வொரு பிறந்தநாளன்றும் ஏதாவது பரிசு கொடுக்க வேண்டும் என்று நினைத்து ரஜினியில் என்ன வேண்டும் என்று கேட்பாராம், அவர் எனக்கு எதுவும் வேண்டாம். ராகவேந்திரா கோயில் அவர் மீது அணிவிக்கப்படும் அந்த காவி உடை மட்டும் போதும். என்பாராம். அதன்படி லாரன்ஸ் கட்டியிருக்கும் ராகவேந்திரா கோயிலில் உள்ள ராகேவேந்திரா சுவாமியின் மீது அணிவிக்கப்படும் காவி உடையை ஒவ்வொரு ஆண்டு பிறந்தநாளன்றும் ரஜினிக்கு பரிசாக லாரன்ஸ் கொடுத்து வந்தார்.

12-12-12 என்ற் சிறப்பான இந்த பிறந்தநாளுக்கு சூப்பர் ஸ்டாருக்கு ஏதாவது சிறப்பாக செய்ய வேண்டும் என்று நினைத்த லாரன்ஸ், ரஜினியைப் பற்றி ஒரு பாடலை உருவாகியிருக்கிறார். இந்த பாடல் வெளியீட்டு விழா சமீபத்தில் ஏவிஎம் ஸ்டூடியோவில் நடைபெற்றது. இதில் லதா ரஜினிகாந்த் கலந்துகொண்டு பாடலை வெளியிட்டார். இந்த நிகழ்ச்சியில் பாடலாசிரியர் அண்ணாமலை, இசையமைப்பாளர் விஜய் ஆண்டனி ஆகியோர் கலந்துகொண்டார்கள்.

நிகழ்ச்சியில் பேசிய லாரன்ஸ், "இந்த ஆண்டு சூப்பர் ஸ்டாரின் பிறந்தநாள் ஒரு சிறப்பான தேதியில் வருவதால், அவருக்கு சிறப்பாக ஏதாவது செய்ய வேண்டும் என்று யோசித்த போதுதான் இந்த பாடல் யோசனை தோன்றியது. உடனே இதை அவரிடம் நான் சொன்னேன். நான் எதை செய்தாலும் அவரிடம் சொல்லிவிட்டு தான் செய்வேன். அதன்படி இதை அவரிடம் சொன்னபோது, அவர் உடனே "ஏம்பா...அதெல்லாம் வேண்டாம். நம்பள பத்தி நாமே பாடலாம் எழுத கூடாது வேண்டாம்" என்று மறுத்துவிட்டார். நான் உடனே, இல்ல அண்ணே உங்கள பத்தி நீங்க தான் எழுத கூடாது. ஆனால், இதை நான் ஒரு ரசிகனாக, என்னுடைய மன திருப்திக்காக பண்ன்றேன். உங்களைப் பற்றி எனக்கு தெரியும், உங்களுக்கு எப்படி செய்ய வேண்டுமோ அப்படி செய்வேன். பாடலை முடித்துவிட்ட பிறகு நீங்க பாருங்க பிறகு சொல்லுங்கள். என்று அனுமதி வாங்கிவிட்டு இந்த பாடலை உருவாக்கினேன்.

இந்த பாடல் ரஜினி சாரை புகழ்வது போல இருக்காது. ரசிகர்களுக்கு நல்ல விஷயங்கள் சொல்வது போலவும், திரைப்படங்களில அவர் சொன்ன நல்ல விஷ்யங்களையும் வைத்துதான் இந்த பாடலை உருவாக்கியுள்ளோம்." என்றார்.

விரைவில் இந்த பாடலை ஆல்பமாகவும், வீடியோ படமாகவும் உருவாக்க இருக்கும் லாரன்ஸ், ரஜினிகாந்தின் திருமணநாளன்று இதை வெளியிடப்போகிறாராம்.

இந்த பாடல் இலவசமாக கொடுக்கப்படுகிறது. இதை அனைத்து இசை இணையதளங்களிலும் இலவசமாக டவுன் லோட் செய்துகொள்ளலாம்.

இந்த பாடலை டவுன் லோட் செய்ய www.soundcloud.com/vijayantony என்ற இணையதள முகவரிக்கு சென்று இலவசமாக டவுன் லோட் செய்துகொள்ளலாம்.

நடிகை குஷ்புவுக்கு எதிராக போராட்டம் : இந்து மக்கள் கட்சி அறிக்கை!!!

Tuesday,11th of December 2012
சென்னை::ராமர், கிருஷ்ணர், ஆஞ்சநேயர் என்று இந்துக் கடவுள் படங்கள் அச்சிட்ட சேலையை அணிந்ததால் நடிகை குஷ்புவுக்கு எதிராக போராட்டம் நடத்தப்போவதாக இந்து மக்கள் கட்சி அறிக்கை வெளியிட்டுள்ளது.


இது தொடர்பாக நடிகை குஷ்பு மன்னிப்பு கேட்க வேண்டும் என்றும் வலியுறுத்தப்பட்டுள்ளது.

இதுகுறித்து இந்து மக்கள் கட்சி சென்னை மண்டல தலைவர் முத்து ரமேஷ் வெளியிட்டுள்ள அறிக்கையில் கூறி இருப்பதாவது:-

நடிகை குஷ்பு கடவுள்களை தொடர்ந்து அவமதித்து வருகிறார். ஐதராபாத்தில் நடந்த தெலுங்கு பட விழா ஒன்றில் இந்துக் கடவுள் படங்கள் அச்சிட்ட சேலை அணிந்து பங்கேற்று உள்ளார். அவரது சேலை பார்டரில் பிரம்மச்சாரியான ஆஞ்சநேயர், யோகங்களின் தலைவர் கிருஷ்ணர், ஒருவனுக்கு ஒருத்தி என்ற தத்துவத்தை போதித்த ராமர் போன்ற இந்து கடவுள் படங்கள் உள்ளன.

அதை மார்பில் போர்த்திக் கொண்டு விழாவில் பங்கேற்று உள்ளார். இது இந்துக் கடவுள்களை அவமதிப்பது ஆகும். இந்த குற்றத்தை அவர் தெரியாமல் செய்து இருந்தால் பகிரங்க மன்னிப்பு கேட்க வேண்டும். தெரிந்தே செய்து இருந்தால் குஷ்புக்கு எதிராக போராட்டம் நடத்துவோம்.

இவ்வாறு அறிக்கையில் குறிப்பிடப்பட்டு உள்ளது.

கிளிப்பிங்ஸ்!!!கிளிப்பிங்ஸ்!!!கிளிப்பிங்ஸ்!!!

Tuesday,11th of December 2012
சென்னை::தமிழ் தெலுங்கில் 50 படங்களுக்கு இசை அமைத்திருக்கும் தேவி ஸ்ரீ பிரசாத், 51வது படமாக கார்த்தி அனுஷ்கா நடித்துள்ள ‘அலெக்ஸ் பாண்டியன் படத்துக்கு இசை அமைத்திருக்கிறார்.

எழில் இயக்கத்தில் ‘மனம்கொத்தி பறவை படத்தில் அறிமுகமான அத்மியா அடுத்து சேரன் உதவியாளர் ராமகிருஷ்ணன் இயக்கத்தில் நடிக்கிறார். மலையாளத்தில் ‘ரோஸ் கயட்டரினால் படம் மூலம் அறிமுகமாகிறார்.

அமீர் இயக்கும் ‘ஆதிபகவன் படத்தின் பாடல் காட்சிக்காக ஹீரோ ஜெயம் ரவி, நீது சந்திரா போலந்து நாட்டுக்கு செல்கின்றனர். அத்துடன் ஷூட்டிங் முடிகிறதாம்.

வித்யாபாலன்சித்தார்த் ராய் கபூர் திருமணம் 14ம் தேதி நடக்கிறது. முன்னதாக சங்கீத் விழா நாளை தொடங்குகிறது. இதில் ‘ஊ ல ல லா பாடலுக்கு வித்யாபாலனை நடனம் ஆட நண்பர்கள் வற்புறுத்தி உள்ளார்களாம்.

சிங்கம் புலி’ படத்தை இயக்கிய சாய் ரமணி மீண்டும் ஜீவா, சந்தானம் காம்பினேஷனில் புதிய படம் இயக்குகிறார். இதன் ஷூட்டிங் அடுத்த ஆண்டு தொடங்க உள்ளது.

வெவ்வேறு மொழி படங்களை சேர்ந்த நடிகர்கள் பங்குபெறும் நட்சத்திர கிரிக்கெட் ஜனவரியில் தொடங்க உள்ளது. மலையாள கிரிக்கெட் அணியினரை உற்சாகப்படுத்தும் பொறுப்பை பாவனா, மம்தா மோகன்தாஸ் ஏற்றுள்ளனர்.

அசினுடன் ஜோடிபோட்ட ஆமிர்கான், சல்மான்கான், அஜய் தேவ்கன், அக்ஷய் குமார் ஆகிய 4 பாலிவுட் ஹீரோக்களில் அசினுடன் ரொம்பவும் ஜாலியாக பழகுபவர் அக்ஷய்குமார்தானாம்.

‘கடல்’ படத்துக்கு வசனம் எழுதும் எழுத்தாளர் ஜெயமோகன் அடுத்த படத்திலும் மணிரத்னத்துடன் பணியாற்றுகிறார்.

‘டோனி’ படத்தை இயக்கிய பிரகாஷ்ராஜ் அடுத்து ‘உன் சமையல் அறையில்’ படத்தை தயாரித்து இயக்குகிறார். ஹீரோயினாக நடிக்கிறார் சினேகா.

மணிரத்னத்தின் மகனை ஹாலிவுட் கூட்டி செல்லும் கமல்!!!

Tuesday,11th of December 2012
சென்னை::உலக நாயகன் கமல் ஹாசன் இயக்குனர் மணிரத்னத்தின் மகனை வைத்து ஒரு திட்டம் தீட்டியுள்ளாராம். கமல் ஹாசன் தனது விஸ்வரூபம் படத்தை ரிலீஸ் செய்துவிட்டு அடுத்ததாக ஹாலிவுட் படத்தில் நடிக்கிறார் என்று அனைவருக்கும் தெரியும். பிரபல ஹாலிவுட் தயாரிப்பாளர் பாரி ஆஸ்பர்னுடன் சேர்ந்து கமல் பணியாற்றவிருக்கிறார். உலக தரத்தில் படம் எடுக்கும் உலக நாயகனை ஹாலிவுட் படத்தில் பார்க்க ரசிகர்கள் பேராவலாக உள்ளனர்.

இந்நிலையில் கமல் இயக்குனர் மணிரத்னத்தின் மகன் நந்தனை தன்னுடன் ஹாலிவுட் அழைத்துச் செல்ல திட்டமிட்டுள்ளார் என்று கூறப்படுகிறது. இது வரை சினிமா உலகை விட்டு விலகியே இருக்கும் நந்தன் கமல் மூலம் அதுவும் ஹாலிவுட் போகிறார் என்ற செய்தி அனைவரையும் ஆச்சரியப்பட வைத்துள்ளது. நந்தன் கமலின் ஹாலிவுட் படத்தில் தயாரிப்பு ஒருங்கிணைப்பாளரக பணியாற்றுவார் என்று தெரிகிறது.

என்னுடன் சேர்ந்து போட்டோ எடுக்க ஆசைப்பட்டார் ஷங்கர்: பவர் ஸ்டார் பேச்சால் களைகட்டிய படவிழா!!!

Tuesday,11th of December 2012
சென்னை::தமிழ் சினிமாவில் இப்போதைக்கு காமெடியில் பிசியான நடிகராக வலம் வருபவர் சந்தானம். இவர் முதன்முறையாக ‘கண்ணா லட்டு தின்ன ஆசையா’ என்ற படத்தை இயக்குனர் ராமநாராயணனுடன் இணைந்து தயாரித்திருக்கிறார்.


இப்படத்தில் சந்தானத்துடன் பவர் ஸ்டார் சீனிவாசனும், புதுமுகம் சேதுவும் இணைந்து நடித்திருக்கிறார்கள். இந்த படத்தின் ஆடியோ வெளியீடு நேற்று தேவி திரையரங்கில் நடைபெற்றது.

சாதாரண நிகழ்ச்சியாக ஆரம்பித்த இந்த நிகழ்ச்சி பவர் ஸ்டார் மற்றும் அவரது ரசிகர்களின் கைதட்டல், விசில் சத்தத்தால் களைகட்டியது. பவர் ஸ்டாரின் பேரை யார் உச்சரித்தாலும் திரையரங்கில் ஒரே விசில் சத்தமும், கைதட்டலுமாக இருந்தது. அந்தளவுக்கு கூட்டம் அலைமோதியது.

இவ்விழாவில் பவர் ஸ்டார் பேசும்போது,

அனைவருக்கும் இந்த லட்டு ஒரு திகட்டாத லட்டாக இருக்கும் என்றுதான் சொல்லவேண்டும். அந்தளவுக்கு எல்லோரும் சந்தோஷமாக நடித்திருக்கிறோம்.

திரையுலகில் நான் மீண்டும் முத்திரை குத்த வாய்ப்பளித்த அருமை தம்பி சந்தானத்துக்கு ரொம்ப நன்றிக்கடன்பட்டிருக்கிறேன். நான்தான் நடிக்க வேண்டும் என்று தம்பி அன்புக் கட்டளையின் பேரில் நான் இந்த படத்தில் நடித்திருக்கிறேன்.

தயாரிப்பாளர் ராமநாரயாணன் என்னை அழைத்து என்னிடம் ஒப்பந்தம் போட அவ்வளவு தயக்கம் காட்டினார். ஒரு அரைமணி பேச்சுவார்த்தைக்கு பின் நீங்கள் இந்த படத்தில் நடிக்க வேண்டும் என்று சொன்னார். அப்படி நடிக்க வாய்ப்பளித்த அவருக்கும் நான் கடமைப்பட்டிருக்கிறேன்.

அதன்பிறகு என் அன்பு, ஆசை, அருமைத் தம்பி சங்கர் சாரை நான் ரொம்ப பாராட்ட வேண்டும். அவருடைய ‘ஐ’ படத்தில் எனக்கு நடிக்க வாய்ப்பு கொடுத்திருக்கிறார். நான் சற்று யோசித்தேன், இது கனவா? நனவா? என்று. அழைப்பு வந்ததின் பேரில் நான் அங்கு சென்றபோது எனக்கு நடிக்க வாய்ப்பு கொடுத்தார்.

நான் அவரிடம் சேர்ந்து போட்டோ எடுக்க வேண்டும் என்று ஆவலாக இருந்தேன். ஆனால் என் தம்பி ஷங்கர் அவர்கள், “அண்ணே நான் உங்களுடன் சேர்ந்து போட்டோ எடுக்க வேண்டும். நான் உங்களுடைய ரசிகன்“ என்று சொன்னவுடன், உண்மையிலேயே நான் பிறந்த பலனை அடைந்துவிட்டேன் என்றுதான் நினைக்கிறேன்.

அதேபோல், இன்னொரு தம்பி சிம்பு அவர்கள் என்னுடன் இப்படத்தில் நடிக்கிறார். எனக்கு இந்த படத்தின் மூலம் நிறைய தம்பிமார்கள் கிடைத்துள்ளார்கள். அதற்குமேல் எனக்கு உயிரினும் மேலான ரசிகர்களும் கிடைத்திருக்கிறார்கள்.

இவ்வாறு அவர் பேசினார்.

அவர் பேசும், ஒவ்வொரு நொடியும் தியேட்டரில் அவரது ரசிகர்களின் விசில் சத்தமும், கைதட்டலும் கேட்டுக் கொண்டே இருந்தது.

Monday, December 10, 2012

விஜய்யின் டுவென்டி-20: ஸ்பெஷல் ஸ்டோரி!!!

Monday,10th of December 2012
சென்னை::இளைய தளபதி விஜய்யின் சினிமாவுக்கு  20வது பிறந்த நாள். ஆம்...1992ம் ஆண்டு டிசம்பர் 4ம் தேதிதான் விஜய்யின் முதல் படமான "நாளைய தீர்ப்பு" வெளிவந்தது. அதன்படி  அவரது சினிமா வாழ்க்கையின் 20ம் ஆண்டு. அதையொட்டி அவர் கடந்து வந்த சினிமா வாழ்க்கையின் சின்ன பிளாஷ் பேக் 20. அதாவது இளையதளபதியின் டுவென்டி-20...!

1.லயோலா கல்லூரியில் படித்துக் கொண்டிருந்த விஜய்க்கு சினிமாவில் நடிக்க வேண்டும் என்பது ஆசை. அதை அப்பாவிடம் சொல்ல தயக்கம். அம்மாவிடம் சொன்னார். அம்மா அப்பாவுக்கு சிபாரிசு செய்தபோது அப்பா சொன்ன வார்த்தை "இந்த மூஞ்சியெல்லாம் எவன் சினிமாவுல பார்ப்பான். ஏதாவது படிச்சு பெரிய ஆளாகுற வழியப்பாரு" என்பதுதான். அந்த விஜய்யைத்தான் இன்று சினிமா உலகம் கொண்டாடுகிறது.

2.விஜய்யின் முதல் படம் "நாளைய தீர்ப்பு" அட்டர் ஃப்ளாப். கோபக்கார தந்தையான எஸ்.ஏ.சி., தன் மகனை சினிமா உலகம் ஏற்கிற வரை விடப்போவதில்லை என்று உறுதிபூண்டு அடுத்து தான் விஜயகாந்த் நடிப்பில் எடுத்த "செந்தூரப்பாண்டி" படத்தில் விஜயகாந்துடன் நடிக்க வைத்தார். அதன் பிறகு விஜய் ஹீரோவாக நடிக்க எடுத்த "ரசிகன்"தான் விஜய்க்கு ரசிகர்களை ஏற்படுத்திக் கொடுத்தது.

3.விஜய் நடித்த முதல் காமெடி படம் "கோயம்புத்தூர் மாப்பிள்ளை". ஆக்ஷன் ஹீரோவாக வெற்றிக் கொடி நாட்டிய விஜய்யை அந்த பாதைக்கு திருப்பிய படம் "திருமலை".

4.விஜய்யின் முதல் ஹீரோயின் கீர்த்தனா. அதன் பிறகு அமலாபால் வரை 22க்கும் மேற்பட்ட ஹீரோயின்கள் நடித்துள்ளனர்.

5.சாதாரண நடிகராக இருந்த விஜய்யை, பெண்கள் மத்தியில் கொண்டு போய் சேர்த்து ஹீரோவாக்கிய படங்கள் பூவே உனக்காக, காதலுக்கு மரியாதை

6.54 படங்களில் நடித்துள்ள விஜய்யின் 50வது படம் சுறா.

7.நடிகர் திலகம் சிவாஜியுடன் "ஒன்ஸ்மோர்" விஜயகாந்துடன் "செந்தூரப்பாண்டி", அஜீத்துடன் "ராஜாவின் பார்வையிலே", சூர்யாவுடன் "பிரண்ட்ஸ்" ஜீவா, ஸ்ரீகாந்த்துடன் "நண்பன்" படங்களில் நடித்தார்.

8.விஜய்க்கு பிடித்த படம் "காதலுக்கு மரியாதை", "கில்லி".

9.டாட்டா டொக்காமோ, ஜோய் ஆலுக்காஸ், கோகோ கோலா, ஆகியவை விஜய் நடித்த முக்கிய விளம்பர படங்கள்.

10.விஜய் பெற்ற விருதுகள் கலைமாமணி (1998), தமிழக அரசின் சிறந்த நடிகர் விருது (காதலுக்கு மரியாதை-1998), டாக்டர் எம்.ஜி.ஆர் பல்கலைகழகத்தின் கவுரவ டாக்டர் பட்டம் (2007), தமிழக அரசின் எம்.ஜி.ஆர் விருது (2000), தமிழக அரசின் சிறப்பு விருது (திருப்பாச்சி-2005). இவை தவிர விஜய் டி.வியின் 4 வருதுகளும், தனியார் அமைப்புகள் சார்பில் 20க்கும் மேற்பட்ட விருதுகளும் பெற்றுள்ளார்.

11. இதுவரை பிற மொழிப் படங்களில் நடித்திராத விஜய் முதன் முறையாக "ரவுடி ரத்தோர்" என்ற இந்திப் படத்தில் கவுரவ தோற்றத்தில் நடித்தார். தந்தை எஸ்.ஏ.சி இயக்கிய "சுக்ரன்" படத்தில் கவுரவ வேடத்தில் நடித்தார்.

12."குஷி"யில் விஜய்யுடன் நடித்த ஜோதிகா, சூர்யாவின் மனைவியானார், "காதலுக்கு மரியாதை"யில் விஜய்யுடன் நடித்த ஷாலினி, அஜீத்தின் மனைவியானார். இரண்டுமே மாபெரும் வெற்றிப் படங்கள்.

13."ரசிகன்" படத்திலேயே பாடகரான அறிமுகமான விஜய் அவ்வப்போது பாடி வந்திருக்கிறார். தன் தாயார் ஷோபாவுடன் இணைந்தும் பாடியிருக்கிறார். கடைசியாக துப்பாக்கி படத்தில் பாடினார். தற்போது இயக்குனர் விஜய் படத்திலும் பாடியிருக்கிறார். அது இன்னும் வெளிவரவில்லை.

14.விஜய் நடிப்பில் கலெக்ஷனை அள்ளிய படங்கள் கில்லி, சிவகாசி, திருப்பாச்சி, போக்கிரி, துப்பாக்கி

15."அழகிய தமிழ் மகன்", வில்லு போன்ற படத்தில் இரட்டை வேடத்தில் நடித்திருந்தார்.

16.நாளைய தீர்ப்பு, செந்தூரப்பாண்டி, ரசிகன், வசந்த வாசல், ஒன்ஸ்மோர், நேருக்கு நேர், பிரியமானவளே, ஆகிய படங்களில் விஜய் நடித்த கேரக்டரின் பெயரும் விஜய்.

17.அம்மாவுடன் பாடியிருக்கும் விஜய். அம்மாவுடன் இணைந்து ஜோய் ஆலுக்காஸ் விளம்பரத்திலும் நடித்துள்ளார். இந்த விளம்பரம்தான் இப்போது டாப் ரேங்கில் உள்ளது.

18.விஜய்யுடன் நடித்த இஷா கோபிகர், பிரியங்கா சோப்ரா, அசின் ஆகியோர் பாலிவுட்டில் பிரபலமானார்கள்.

19.நண்பன், போக்கிரி, கில்லி, காவலன் உள்ளிட் பல ரீமேக் படங்களிலும் விஜய் நடித்துள்ளார்.

20.இளையதளபதியின் ரசிகர் மன்றம், 2009ம் ஆண்டு விஜய் மக்கள் இயக்கமாக மாறியது. அடுத்து....?

100வது படத்துக்கும், இயக்கத்தின் அடுத்த கட்டத்துக்கும் "வீ ஆர் வெயிட்டிங் விஜய்..."

கார்த்தியே நடித்திருந்தாலும் இந்த பெருமை கிடைத்திருக்காது - கும்கி பட இயக்குனர் பிரபுசாலமன்!!!

Monday,10th of December 2012
சென்னை::இயக்குனர் பிரபுசாலமன் இயக்கத்திலும் திருப்பதி பிரதர்ஸ் தயாரிப்பிலும்(முதலில் ஞானவேல் ராஜாவின் ஸ்டூடியோ கிரீன் தயாரிப்பதாக இருந்து, பிறகு லிங்குசாமி தயாரித்தார்.) உருவான ‘கும்கி’ படம் டிசம்பர் 14-ஆம் தேதி ரிலீஸாவது உறுதி செய்யப்பட்டுவிட்டது. ’நடிகர் திலகம்’ சிவாஜிகணேசனின் பேரனும், நடிகர் பிரபுவின் மகனுமான விக்ரம் பிரபு, லக்‌ஷ்மி மேனனுடன் ஜோடியாக நடித்திருக்கும் இந்த படத்தில் தம்பி ராமையா முக்கிய கதாபாத்திரத்தில் நடித்துள்ளார்.

கும்கி பட பத்திரிக்கையாளர் சந்திப்பில் கும்கி படக்குழுவினர் படத்தைப் பற்றிய முக்கிய தகவல்களை பகிர்ந்துகொண்டனர். கும்கி பட இயக்குனர் பிரபுசாலமன் “ மைனா போன்ற ஒரு வெற்றிப்படம் கொடுத்ததும் எனக்கு பல பெரிய இடங்களில் இருந்து பெரிய நடிகர்களுடன் இணைய வாய்ப்பு வந்தது.

ஆனால் புதுவிதமான கதையம்சத்துடன் நான் எடுத்த படத்தை பாராட்டி ரசிகர்கள் எனக்கு கொடுத்த வெற்றியைத் தொடர்ந்து ஒரு கமெர்ஷியல் படம் எடுக்க வேண்டாம் என்று அவற்றை தவிர்த்துவிட்டேன். மறுபடியும் ரசிகர்களுக்கு ஒரு புதுவித கதைக்களத்தை உருவாக்க வேண்டும் என்ற முயற்சியில் தான் எனக்கு கும்கி என்ற சிறந்த கதை கிடைத்தது. இதற்கு நான் ரசிகர்களுக்குத் தான் நன்றி சொல்ல வேண்டும்” என்று கூறினார்.

பின்னர் பேசிய கும்கி பட தயாரிப்பாளர் லிங்குசாமி “கும்கி படத்தின் டிரெய்லரும், பாடல்களும் ரசிகர்களிடையே ஒரு தாக்கத்தை ஏற்படுத்தியுள்ளது. படத்தின் டிரெய்லர் ரசிகர்களை மட்டும் கவரவில்லை பல இந்திய திரையுலக பிரபலங்களையும் கவர்ந்துள்ளது. மலையாள நடிகர் மோகன்லால், தெலுங்கு நடிகர் பிரபாஸ் மற்றும் இந்தி திரையுலக முன்னணி நடிகர்கள் சிலரும் ’டிரெய்லரே படு அமர்க்களமாக இருக்கிறது படம் எப்போது ரிலீஸ்’ என்று கேட்டிருக்கின்றனர். கும்கி படத்தின் மீதான எதிர்பார்ப்பு நாளுக்கு நாள் அதிகரித்துக்கொண்டே போவதாலும், படம் ரிலீசுக்கு தயாராக இருப்பதாலும் டிசம்பர் 14-ஆம் தேதி கும்கி படத்தை ரிலீஸ் செய்ய இருக்கிறோம்” என்று கூறினார்.

கடைசியாக பேசிய ஞானவேல் ராஜா ”முதலில் ஹீரோவாக கார்த்தி நடிக்க ஸ்டூடியோ கிரீன் தயாரிப்பில் உருவாக இருந்தது கும்கி. ஆனால் சில தவிர்க்க முடியாத காரணத்தால் கார்த்தியால் நடிக்க முடியாமல் போனது, கும்கி படத்தையும் திருப்பதி பிரதர்ஸ் சார்பில் லிங்குசாமி தயாரிக்க ஆரம்பித்தார். ரிலீஸ் ஆவதற்கு முன்பே இத்தகைய வரவேற்பை பெற்றிருக்கும் கும்கி படத்தை தவறவிட்டுவிட்டோமே என்று எங்கள் யாருக்கும் எந்த கவலையும் இல்லை. சிவாஜி குடும்பமும், சிவகுமார் குடும்பமும் மிக நெருங்கிய பழக்கம் உடையவர்கள

கார்த்தி நடித்திருந்தால் அவருக்கு கும்கி மற்றுமொறு வெற்றிப்படமாக அமைந்திருக்கும். ஆனால் கார்த்தி நடிக்காமல் போனதால் சிவாஜி குடும்பத்திலிருந்து ஒரு நடிகர் தமிழ் சினிமாவிற்கு அறிமுகமாகிறார் என்பது மகிழ்ச்சியான விஷயம். இந்த படத்தை நாங்கள் வாங்கி ரிலீஸ் செய்வது எங்களுக்கு பெருமையான விஷயம். கும்கியில் கார்த்தி நடித்திருந்தால் நாங்கள் எவ்வளவு மகிழ்ச்சியடைவோமோ அதைவிட இப்போது அதிகமாக மகிழ்ச்சியடைகிறோம்” என்று கூறினார்.

டைரக்டர் மீது சினேகா உல்லால் தாக்கு!!!

Monday,10th of December 2012
ஐதராபாத்::ஷூட்டிங்கிற்காக கிளிகளை கொல்வதா என்று டைரக்டர் மீது சினேகா உல்லால் பாய்ந்திருக்கிறார். சினேகா உல்லால் 3டியில் உருவாகும் தெலுங்கு படத்தில் நடிக்கிறார். அனில் சன்கரா இயக்குகிறார். நகைச்சுவை படமாக உருவாகும் இது பற்றி டுவிட்டர் பக்கத்தில் பட ஹீரோயின் சினேகா உல்லால் கூறி இருப்பதாவது: இப்படத்தில் நடித்தது மிகவும் ஏமாற்றமாக இருக்கிறது. பட ஷூட்டிங்கின்போது 2 கிளிகள் இறந்திருக்கிறது.

விலங்குகளை நல்லமுறையில் கவனித்துக்கொள்ள முடியாத பட்சத்தில் அவைகளை ஷூட்டிங்கிற்கு பயன்படுத்தக்கூடாது. கிளி இறந்த சம்பவம் என் மனதை பாதித்துவிட்டது. உயிர்களை மதிக்கத் தெரியாதவர்களுக்கு தொழிலை எப்படி நேசிக்க முடியும்? சினிமா உருவாக்கம் என்பது ரத்தத்தில் ஊறிப்போன விஷயம் என்பதை ஏற்கிறேன். அதற்காக விலங்குகளை ஆபத்தில் சிக்கவைப்பது எந்த விதத்தில் நியாயம். கிளிகள் இறந்ததற்கு விபத்துதான் காரணம்.

ஆனாலும் இது மனித தவறுதான். அனைவரிடமும் நான் கெஞ்சிக்கேட்டுக்கொள்கிறேன் விலங்குகளை பயன்படுத்தும்போது அதற்கு ஏற்ற பாதுகாப்பையும் உறுதிபடுத்த வேண்டும். கோல்ட் பிஷ் (மீன்) பயன்படுத்தினாலும் மீண்டும் அதை மீன் காட்சியகத்துக்கோ அல்லது கடலிலோ விட்டுவிட வேண்டும். புறாவாக இருந்தால் அதை ஷூட்டிங் முடிந்ததும் பறக்க விட வேண்டும். தயவு செய்து இதை பின்பற்றுங்கள். இந்த சம்பவம் என்னை பெரிதும் பாதித்துவிட்டது.

விஸ்வரூபம் பட பிரச்சினை: கமலஹாசனுக்கு தயாரிப்பாளர்கள் ஆதரவு

Monday,10th of December 2012
சென்னை::விஸ்வரூபம் படத்தை டி.டி.எச். மூலம் டி.வி.யில் ஒளிபரப்பும் கமல் முடிவுக்கு தயாரிப்பாளர்கள் ஆதரவு தெரிவித்து உள்ளனர். இதுகுறித்து தயாரிப்பாளர் சங்கத்தின் அதிருப்தி கோஷ்டி தலைவரான கேயார் சென்னையில் இன்று நிருபர்களிடம் கூறியதாவது:-


விஸ்வரூபம் படத்தை டி.டி.எச். மூலம் டி.வி.யில் ஒளிபரப்புவதால் யாருக்கும் பாதிப்பு ஏற்படாது. 1989-ல் அபூர்வ சகோதரர்கள் படம் மூலம் ஓவர்சீஸ் பட வியாபாரத்தை சிறக்க வைத்தார் கமல். இதன்மூலம் சிங்கப்பூர், மலேசியாவில் மூடப்பட்ட தியேட்டர்கள் திறக்கப்படுவதற்கும் காரணமாக இருந்தார்.

ஹேராம் படம் சரியாக ஓடவில்லை என்றதும் விநியோகஸ்தர்களுக்கும், தியேட்டர் அதிபர்களுக்கும் பணம் கொடுத்தார். விஸ்வரூபம் படத்தை ரூ.50 கோடிக்கு திருட்டு வி.சி.டி.யில் எடுக்க பேரம் நடந்துள்ளது. அதை தடுப்பதற்கு டி.டி.எச்.-ல் ஒளிபரப்புவதை வரவேற்க வேண்டும் என்றார்.

டைரக்டர் பாரதிராஜா கூறும்போது:-

விஸ்வரூபம் படத்தை டி.டி.எச். மூலம் டி.வி.யில் ஒளிபரப்புவதை தியேட்டர் அதிபர்கள் எதிர்க்க கூடாது. தியேட்டர்களில் படத்தை தடை செய்தால் விஸ்வரூபம் படத்தை கமல் சேட்டிலைட் உரிமைக்கு வழங்கலாம். அப்படி நடந்தால் தியேட்டர்கள் பாதிக்கப்படும் என்றார்.

பிலிம்சேம்பர் தலைவர் பிரசாத்தும் ஆதரவு தெரிவித்தார்.

ரசிகர்கள் ஆதரவு யாருக்கு?: நயன்தாரா, தமன்னாவை மிஞ்சிய திரிஷா!!!

Monday,10th of December 2012
சென்னை::ரசிகர்களிடம் செல்வாக்கு உள்ள நடிகை திரிஷா என்று கருத்து கணிப்பில் தெரிய வந்துள்ளது. இவர் சினிமாவுக்கு வந்து பத்து ஆண்டுகள் ஆகிறது. கமல், விஜய், சிம்பு என முன்னணி ஹீரோக்களுடன் நடித்துள்ளார். தற்போது விஷால் ஜோடியாக 'சமர்' படத்திலும் ஜெயம் ரவி ஜோடியாக 'பூலோகம்' படத்திலும் நடிக்கிறார்.

தெலுங்கிலும் முன்னணி நடிகையாக உள்ளார். 'காட்ட மிட்டா' படம் மூலம் இந்திக்கும் போனார். திரிஷாவுக்கு 29 வயது ஆகிறது. இன்னும் ரசிகர்களின் மனம் கவர்ந்த வராக இருக்கிறார். இந்த வருடம் மொபைல் போனில் ரசிகர்கள் பதிவிறக்கம் செய்து ரசித்த நடிகைகளில் திரிஷா முதல் இடத்தில் இருக்கிறார்.

இளம் ரசிகர்கள் ஏராளமானோர் திரிஷா படங்களை மொபைல் போன்களில் பதிவிறக்கம் செய்துள்ளதாக ஆய்வு தெரிவிக்கிறது. நயன்தாரா, காஜல் அகர்வால், சமந்தா, தமன்னா போன்றோர் திரிஷாவை விட பின் தங்கியுள்ளனர்.

நயன்தாரா காதல் சர்ச்சையால் ரசிகர்களை விட்டு விலகி போனார். சமந்தாவுக்கு நான் ஈ படம் மட்டுமே பெரிய ஹிட் படமாக அமைந்தது. காஜல் அகர்வால் இப்போது தான் பிரபலமாகி கொண்டு இருக்கிறார். தமிழில் அவர் நடித்த துப்பாக்கி படம் வெற்றிகரமாக ஓடுகிறது. தமன்னாவுக்கு தமிழில் மார்க்கெட் சரிந்துள்ளது. திரிஷா மட்டும் சாயாமல் நிலைத்து நிற்கிறார்.

வித்யாபாலன் திருமண சடங்குகள் நாளை துவங்குகிறது: தமிழ் முறைப்படி 14-ந் தேதி முகூர்த்தம்!!!

Monday,10th of December 2012
சென்னை::'டர்டிபிக்சர்' படத்தில் சில்க்ஸ்மிதா வேடத்தில் நடித்து பிரபலமானவர் வித்யாபாலன். இப்படம் மூலம் சிறந்த நடிகைக்கான தேசிய விருதையும் பெற்றார். தமிழில் வெளியான 'உருமி' படத்திலும் ஒரு பாடல் காட்சியில் நடித்துள்ளார்.

வித்யாபாலனுக்கு திருமணம் நிச்சயமாகியுள்ளது. மணமகன் பெயர் சித்தார்த் ராய் கபூர். தனியார் டி.வி.யொன்றில் உயர் அதிகாரியாக இருக்கிறார். வித்யாபாலன்-சித்தார்த் ராய் கபூர் திருமணம் வருகிற 14-ந் தேதி மும்பையில் நடக்கிறது. இதற்காக காஞ்சீபுரத்தில் இருந்து முகூர்த்த பட்டு புடவையை வித்யாபாலன் வாங்கியுள்ளார். புரோகிதர்களை வைத்து தமிழ் முறைப்படி திருமணம் நடக்கிறது.

திருமண சடங்குகள் நாளை துவங்குகின்றனர். முதலாவதாக மணப்பெண்ணுக்கு மருதாணியிடும் சங்கீத் வைபவம் நடக்கிறது. இதில் நெருங்கிய உறவினர்கள் மற்றும் நடிகர், நடிகைகள் பங்கேற்கிறார்கள். இதில் வித்யாபாலன் நடித்த படங்களில் இருந்து ஹிட் பாடல்களை தேர்வு செய்து இசைக்குழுவினர் பாடுகிறார்கள். வித்யாபாலன் நண்பர்களுடன் நடனம் ஆடுகிறார்.

முகூர்த்தம் எளிமையாக நடத்தப்படுகிறது. திருமண வரவேற்பு நிகழ்ச்சியை டெல்லி மற்றும் சென்னையில் நடத்த வித்யாபாலன் திட்டமிட்டுள்ளார். இதற்காக தனி அழைப்பிதழ் அச்சிட்டு நடிகர்-நடிகைகளுக்கு வழங்கியுள்ளார்.

விஸ்வரூபம் இசை வெளியீடும், சர்ச்சையும்!!!

Monday,10th of December 2012
சென்னை::சென்ற மாதம் 7ஆம் தேதி விஸ்வரூபம் ஆடியோவை மூன்று நகரங்களில் வெளியிட திட்டமிட்டு, புயல் காரணமாக ஒரு மாதம் கழித்து அதே 7ஆம் தேதி அதே மூன்று நகரங்களில் வெற்றிகரமாக இசை வெளியீட்டு விழா(க்களை) நடத்தினார் கமல்ஹாசன்.

இவர்கள் சென்ற ஹெலிகாப்ட‌ரில் கமல், ஆண்ட்‌ரியா, பூஜா குமார், சங்கர் எசன் லாய் ஆகியோருடன் வைரமுத்தும் இருந்திருக்க வேண்டும். ஆனால் கவிப்பேரரசு மிஸ்ஸிங். கடைசியில் சென்னையில் நடந்த இசை வெளியீட்டு விழாவில் கமலின் மூத்த சகோதரர் அண்ணன் இசைஞானி கமலின் அருகில் அமர்ந்திருந்தார். ஒரு உறையில் இரண்டு கத்திகள் இருந்தாலும் ஒரு விழாவில் இரண்டு ஈகோ ஃபேக்ட‌ரிகளுக்கு வாய்ப்பேயில்லை.

முதலில் மதுரை. தேடிப்போய் பார்க்கிற கமல் நம்மையே தேடி வந்தால்... மதுரையின் மொத்த ஜனமும் குவிந்துவிட்டதோ என்று சந்தேகப்படுகிற அளவுக்கு கூட்டம். கமலின் உற்சாகத்தை இது அதிகப்படுத்தியது. சென்னையில் நடந்த விழாவில் மதுரையிலும், கோவையிலும் அடித்து தூள் கிளப்பிவிட்டார்கள் என்று கமலே சிலாகித்தார் என்றால் பார்த்துக் கொள்ளுங்கள். மதுரையில் முதல் சிடி-யை தனது மாற்றுத்திறனாளி ரசிகரான பத்‌ரிநாத்துக்கு அளித்து புதுமை செய்தார் கமல். விஐபி-களை அழைத்து சிடி வெளியிடுவதற்குப் பதில் ஒரு சாதாரண ரசிகனுக்கு அந்த கௌரவத்தை தந்து அவனை விஐபி ஆக்குவதற்கு பெ‌ரிய மனம் வேண்டும்.

கோவையில் விஐபி-களாக்கப்பட்டது இரண்டு பேர். இரண்டு ரசிகர்களுக்கு முதல் ஆடியோ சிடியை அளித்தார் கமல். அப்படியே ஹெலிகாப்ட‌ரில் சென்னை. ஆண்ட்‌ரியாவும், பூஜா குமாரும் மேடையேறுவதற்கே இரவு 8.30 ஆனது. அதன் பிறகு கமல். கமலின் அந்தக்காலம் தொட்டு இணைந்துவரும் நண்பர்கள் பாரதிராஜாவும், இளையராஜாவும் கலந்து கொண்டது விழாவை இன்னும் சிறப்பாக்கியது. நான் விஸ்வரூப கமலுக்கு கோவணம் கட்டிப் பார்த்தவன் என்று பாரதிராஜா பெருமிதப்பட்ட போது கூட்டம் உற்சாகத்தில் கொந்தளித்தது.

ஏ.ஆர்.முருகதாஸ், வஸந்த், கே.எஸ்.ரவிக்குமார், பிரபுசாலமன், பிரபு, கேயார், டி.‌ஜி.தியாகராஜன், ராம்குமார், சந்தானபாரதி, எஸ்.பி.முத்துராமன், சுரேஷ் கிருஷ்ணா, கார்த்திக், கருணாஸ், ரமேஷ்கண்ணா... என்று எங்கு பார்த்தாலும் திரையுலகினர்.

கரகோஷத்திற்காகதான் படம் எடுக்கிறேன், நீங்கள் எவ்வளவு கரகோஷம் செய்தாலும் இன்னும் வேண்டும் வேண்டும் என்று கேட்பவன் நான் என்றார் கமல். உங்களின் அளவுகடந்த அன்புதான் எனக்கு அச்சாணி. அந்த கழன்று போகாத அச்சாணி காரணமாகதான் இந்த சக்கரம் ஓடிக்கொண்டிருக்கிறது என்றார். டிடிஹெச் பிரச்சனை மனதில் இருந்திருக்கும் போல.

ஏ.ஆர்.முருகதாஸ் சிங்கத்துக்கு சீக்கிரம் சாப்பாடு சமைப்பேன் என்றார். அதாவது கமலுக்கு ஏற்ற கதையை விரைவில் தயார் செய்வாராம். இது பன்ச் டயலாக் இல்லாத போதும் மாய்ந்து போய் கைத்தட்டினார்கள் ரசிகர்கள். ரொம்ப ஆர்வமாக இருக்கிறார்கள். கமல் கவனிப்பாராக.

ஒருபுறம் இப்படி கொண்டாட்டமாகப் போய்க் கொண்டிருக்க திரையரங்கு உ‌ரிமையாளர்கள் கொந்தளிப்பாக அறிக்கை வெளியிட்டுக் கொண்டிருந்தார்கள்.

திரையரங்கு உரிமையாளர்களின் பதற்றமும், கமலின் அறச்சீற்றமும்!!!

Monday,10th of December 2012
சென்னை::விஸ்வரூபம் படத்தை டிடிஹெச் சில் வெளியிட்டாலும் திரையரங்கு உரிமையாளர்கள் நஷ்டப்படப் போவதில்லை என்று கமல் கறாராக சொல்லியிருக்கிறார். படத்தின் தயாரிப்பாளரும், விநியோகஸ்தரும் அவரே என்பதால் படம் திரையரங்குகளில் ஓடவிட்டால்கூட அந்த நஷ்டம் நேரடியாக கமலை மட்டுமே பாதிக்கும். இவ்வளவு தெரிந்திருந்தும் இந்த புதிய முயற்சியை எதிர்க்கிறார்களே என்ற கோபத்தில் கமல் அறிக்கை ஒன்றை வெளியிட்டுள்ளார். அந்த அறிக்கை...

புதிய முயற்சிகளைஇ கண்டுபிடிப்புகளை முதலில் உதாசீனம் செய்வதும் ஏளனம் செய்வதும் ஏன்... அவைகளைக் கண்டனம் செய்வதும்கூட உலக வழக்கம்.

உலகம் உருண்டை வடிவம் என்று சொன்ன விஞ்ஞானி கலீலியோவை எரித்துக் கொல்ல வேண்டும் என்று சொன்ன இஸ்பானிய ராணி முதல் இன்றைய சினிமாத்துறையினர் வரை இம் மனப்பாங்கு நீடிக்கிறது.

ராஜ்கமல் நிறுவனத்தின் DTH முயற்சியையும் புரிதல் இல்லாததால் ‘புறக்கணிப்போம்இ புறந்தள்ளுவோம்’ என்ற பதற்றக்குரல்கள் எழுகின்றன. தேவையற்ற புரளிகளையும் கிளப்புகிறது ஒரு கூட்டம்.

ஆனால் திரைத்துறையில் ஒரு பெரும் கூட்டம் - பெரும்பான்மை - ‘இது சினிமா வர்த்தகத்தின் புதிய பரிணாம வளர்ச்சி; தமிழ் சினிமாவைஇ ஏன்… உலக சினிமாவையே புதிய வருமான எல்லைகளைக் கடக்க வைக்கும் முயற்சி’ என்று என்னைப் பாராட்டுகிறது. இது சந்தோஷமான செய்தி. DTHற்கு வெகுவான வரவேற்பு உள்ளது. இது சினிமாவை வலுப்படுத்தும் இன்னொரு வியாபாரக்கிளை.

ஒரு சிறுபான்மை மட்டும் இது நாசம் விளைவிக்கும் என்று ஆவேசம் கொள்கிறது.

இந்த DTH என்பது என்னடூ எல்லார் வீட்டிலும் இருக்கும் தொலைக்காட்சிப் பெட்டியா என்றால் இல்லை. நல்ல வசதி உள்ளவர்கள் அதிகப் பணம் கட்டி ஒரு கருவியின் மூலம் பல சானல்களையும் சினிமாவையும் பார்க்க உதவும் கருவி.

சினிமா அரங்குக்கே செல்ல மறந்த மறுத்த வசதியான கூட்டம் சினிமாவை வீட்டோடு அனுபவிக்க உதவும் ஊடகம் இந்த DTH. இப்படி வீட்டோடு தங்கியவர்களையும் சினிமா பக்கம் ஈர்க்கும் முயற்சியே இது. இதை விடுத்து படம் சரியாக அமையாததால் கிடைத்ததைச் சுருட்டிக் கொண்டு ஓடப் பார்க்கிறார் கமல் என்று புரளிகள் கிளம்புகிறார்கள். கிடைத்ததைச் சுருட்டும் பழக்கம் எனக்கில்லை என்பதற்கு என் சினிமா வாழ்வும் நான் எடுத்த சினிமாக்களும் சான்று. என் படம் முடிந்து 7 மாதங்களாகின்றன. இப்பொழுது என் படத்திற்கு விலை கொடுத்து வாங்கப் பலர் பெரிய விலைகளைச் சொல்லியும் விற்காமல் எல்லா ஊடகங்களிலும் படம் நல்ல வசூலை ஈட்ட வழி செய்யவே இந்த முயற்சி. முழுமையாக மக்களின் ஆர்வம் வருமானமாக மாறி படத்தயாரிப்பாளர் கையில் சேர்ந்தால் திரை உலகு மேம்படும். நேர்மையான வியாபாரத்தில் அனைவரும் ஈடுபட்டு நல்லபடி வரிகட்டி அரசிடம் எடுத்துச் சொல்லி கறுப்புப் பண விளையாட்டைக் குறைத்துக் கொண்டால்இ 5 வருடத்தில் தமிழ் சினிமா இந்தி சினிமாவின் வசூலுக்கு நிகராகும்.

ஒரே நாளில் விஸ்வரூபத்தின் தமிழ்இசை இந்தியாவிலேயே அதிக விற்பனையான இசை தகடாக இருக்கிறது. இன்னும் சில தினங்களில் இந்தியாவிலேயே அதிக விற்பனையான இசை தகடாக முதல் இடத்திற்கு வி.ரூ வரும் என்கிறது வியாபார வட்டாரம். இது ஒரு வர்த்தக சாதனை. ஏற்கனவே உலக வர்த்தகம் இந்திய சினிமாவை நல்ல பொருள் ஈட்டும் களம் என நம்புகிறது. உலகத்துக்கு இருக்கும் நம்பிக்கை உள்ளூரிலும் இருக்க வேண்டாமா?

DTH ல் ஒரே ஒரு காட்சி காட்டப்படும். இதை பதிவு செய்ய முடியாது. பிரத்தியேகக் காட்சி முடியும் போது படம் DTH கருவியில் தங்காது. ஒரு முறை இப்படத்தைப் பார்க்க 1000 ரூபாய் கட்டணம். தியேட்டர் கட்டணத்தைப் போல் பத்து மடங்கு. காட்சியை வீட்டில் பார்த்த சந்தோஷம் தவிர சினிமா தியேட்டரில் கிடைக்கும் அனுபவம் கண்டிப்பாய்க் கிடைக்காது.

விஸ்வரூபத்தில் ஒலி அமைப்பு இதுவரை இந்திய ரசிகர்கள் கேட்டிராத அளவு அற்புதமாக செய்திருக்கிறோம். ஹாலிவுட் படத்தயாரிப்பில் அதுவும் மேல் தட்டுப் படங்களில் மட்டுமே தென்படும் தரமிது. இத்தனையும் செய்தது TV-ல் காட்டுவதற்கு மட்டும் அல்ல.

DTH வசதி தமிழக ஜனத்தொகையில் 3 விழுக்காடு வசதி படைத்தவர்களிடம் மட்டுமே இருக்கிறது. அதில் நாங்கள் 1½ விழுக்காடு வாடிக்கையாளர்களிடம் மட்டுமே காட்ட முடியும் என்கிறது கணக்கு. 100 பேர் ஒருவனுக்கு பயப்படுவது ஆச்சரியம்.

7½ கோடியில் ஒரு விழுக்காடு படம் பார்த்தால் குடியே கெடும் என்பவர்கள் நமது வருமானத்தில் 50 சதவீதம் கள்ள DVD வியாபாரி கொண்டு போவதைத் தடுப்பதற்கு சிறு முயற்சிகளே செய்கிறார்கள். கள்ள DVD-க்காரர்களுடன் கூட்டுச் சேர்ந்து பயிரை மேயும் வேலியை விட்டு விட்டு நேர்மையான வியாபாரத்தைத் தடுப்பது கண்டிக்கத்தக்கது.

திருடனுக்கு 50 சதவீதம் கொடுத்தாலும் கொடுப்பேன்; உடையவனுக்கு ஒன்று கூட சேரக்கூடாது என்பது நியாயமில்லாத வாதம்.

இந்த முயற்சியால் தியேட்டரில் கூட்டம் குறையாது. தொலைக்காட்சியில் இலவசமாய் படம் காட்டினால் வியாபாரம் கெடும் என்று எதிர்த்துத் தோற்ற இதே வியாபாரிகள் இன்று சுபிட்சமாக வாழும் சான்றே போதுமானது. பகுத்தறிவாளனாக இருப்பினும் பெரும்பான்மையினர் புரிந்து கொள்ள ஒரு பக்தி விளக்கம். வீட்டில் பெருமாள் படம் காலண்டரில் தொங்குவதால் யாரும் திருப்பதிக்குப் போவதைக் குறைத்துக் கொண்டதாய்த் தெரியவில்லை. கிட்டதட்ட அந்த நிலைதான் சினிமா அரங்க அனுபவத்திற்கும் வீட்டில் மின் விசிறி இருப்பினும் காற்று வாங்க கூட்டம் கடற்கரைக்கு வருகிறது. ரேடியோவில் தன் குரல் கேட்டால் புகழ் குறையும் என்று, நினைத்துப் பாடாமல் இருந்த கர்நாடக பாகவதர்கள் போல் இருப்பது உசிதமல்ல. சமையலறையும் நல்ல சமையலும் பல வீடுகளில் இருப்பதால் ஹோட்டல்களை மூடிவிட்டார்களா என்ன?

முடிவாக இது முஸ்லிம்களை தவறாக சித்தரிக்கும் படம் என்று சந்தேகப்படுகிறதாம் ஒரு சில முஸ்லிம் அமைப்புகள். இந்த முஸ்லிம்கள் படத்தை பார்த்து ‘மனம் மாறி’ தேவையில்லாமல் கமல்ஹாசனை சந்தேகப்பட்டுவிட்டோமே என்று மனதிற்குள் வருந்துவர். அவர்கள் மனதிற்குள் வருந்தினால் மட்டும் போதாது. நான் விடமாட்டேன். சகோதரனைச் சந்தேகப்பட்டதற்கு பிராயச்சித்தமாக அந்த முஸ்லிம் சகோதரர்கள் அடுத்த பக்ரீத்துக்கு அண்டா அண்டாவாக பிரியாணி விருந்தளிக்க வாக்களிக்க வேண்டும். அத்தனை பிரியாணியையும் நான் ஒரு ஆள் சாப்பிட இயலாது. ஆதலால் நம் அன்பின் சான்றாக பசித்த ஏழைப் பிள்ளைகளுக்கு அதை விருந்தாக்குங்கள். எப்போதும் போல அக்குழந்தைகளின் சாதி-மதம் பார்க்காமல் அதைச் செய்யுங்கள். அப்பெருவிருந்தில் கலந்து கொள்ள நான் பசியுடன் காத்திருக்கிறேன்.

1 வருடத்தில் உருவான 3டி சிவாஜி!!!

Monday,10th of December 2012
சென்னை::ரஜினி நடித்துள்ள சிவாஜி படம் 3டியில் டிச.12ம் தேதி ரிலீஸ் ஆகிறது. ஏவி.எம். நிறுவனம் சார்பில் எம்.சரவணன், எம்.எஸ்.குகன், அருணா குகன், அபர்ணா குகன் தயாரித்த படம் ‘சிவாஜி. இப்படம் 3டியில் மாற்றப்பட்டிருக்கிறது. ஷங்கர் இயக்க கே.வி.ஆனந்த் ஒளிப்பதிவு செய்துள்ளார். ஏ.ஆர்.ரகுமான் இசை அமைத்திருக்கிறார். இப்படம் சமீபத்தில் ரஜினிக்கு சிறப்பு காட்சி திரையிடப்பட்டது. படத்தை பார்த்து பாராட்டினார். படத்தின் விறுவிறுப்பை கூட்டும் வகையில் சுமார் 15 நிமிட காட்சிகள் குறைக்கப்பட்டுள்ளன. அதே சமயம் ரஜினியின் ஸ்டைலான ஆக்ஷன் காட்சிகள் கண்களுக்கு அருகே வருவதுபோல் 3டியில் மாற்றப்பட்டிருக்கிறது.

பாடல் காட்சியில் ஆப்பிள் பழத்தை வீசும்போதும், துப்பாக்கியை தூக்கி வீசியதும் அது பறந்து வந்து வில்லனை சுடுவதும், கண்ணாடி ஜன்னல்கள் உடைந்து தெறிப்பதும் என பல்வேறு காட்சிகள் கண்களுக்கு அருகே வருவதுபோல் அமைக்கப்பட்டிருக்கிறது. இது பற்றி தயாரிப்பாளர் எம்.எஸ். குகன் கூறும்போது, ‘சிவாஜியை 3டியில் மாற்ற ஒரு வருட காலம் பிடித்தது. தமிழ்நாட்டில் 3டியில் ஏற்கனவே 65 தியேட்டர்கள் இருக்கிறது. கூடுதலாக 50 தியேட்டர்கள் 3டி தியேட்டர்களாக மாற்றப்பட்டுள்ளது. ரஜினி பிறந்தநாளான 121212 அன்று படம் ரிலீஸ் ஆகிறது என்றார். டைரக்டர்கள் எஸ்.பி. முத்துராமன், ஷங்கர், வைரமுத்து உள்ளிட்டவர்கள் படத்தை பார்த்து பாராட்டு தெரிவித்துள்ளனர்.