Tuesday, January 31, 2012

எதற்கும் டென்ஷன் ஆகமாட்டார் கமல்! - ஆண்ட்ரியா!!!

பச்சைக்கிளி முத்துச்சரம், ஆயிரத்தில் ஒருவன் போன்ற படங்களில் நடித்தவர் ஆண்ட்ரியா. இவர் தற்போது விஸ்வரூபத்தில் நடித்து வருகிறார். இதுகுறித்து அவர் கூறியதாவது: கமலின் விஸ்வரூபம் படத்தில் நடிக்கிறேன். நடிகர், இயக்குநர், கதாசிரியர் என்ற முப்பரிமாணங்களில் அவர் இதில் பொறுப்பு ஏற்றிருக்கிறார். அவருடன் நடிப்பது எனக்கு கிடைத்த 3 போனஸ். ஷூட்டிங் நேரத்தில் எதற்கும் டென்ஷன் ஆகாமல் அடிக்கடி கதைகள் சொல்லி பட குழுவினரை ஜாலியாக வைத்திருக்கும் அவரது போக்கு எனக்கு பிடிக்கும். அடுத்து வெற்றிமாறன் இயக்கும் வட சென்னை படத்தில் நடிக்க உள்ளேன். அதிக படங்களில் நடிக்கவில்லையே? என்கிறார்கள். அதற்கு காரணம் இருக்கிறது. ஒரே பாணியிலான வேடங்களில் நடிக்க வாய்ப்பு வந்தால் உதறிவிடுவேன். ஆனால், கமர்ஷியல் படங்களை நான் தவிர்த்துவிடுவதாக சிலர் தவறாக எடுத்துக் கொள்கிறார்கள்.

தாயை இழந்த எனக்குத் துணையாக நின்றது இசைஞானியின் இசைக்கரங்கள்! - உருக வைத்த முத்துக்குமார்!

தாயை இழந்த எனக்கு துணையாக வந்தது இசைஞானியின் இசைக்கரங்களே. அன்று பிடித்த அவரது கரங்களை இன்றுவரை நான் விடவில்லை என்றார் பிரபல பாடலாசிரியர் கவிஞர் நா முத்துக்குமார்.

சென்னை அண்ணா பல்கலைக்கழக நூற்றாண்டு விழா அரங்கில் பிரகாஷ் ராஜின் தோணி பட இசைவெளியீட்டு விழா கடந்த சனிக்கிழமை மாலை நடந்தது.

இசைஞானி இளையராஜா இசையமைத்துள்ள படம் அது. படத்தின் இசைவெளியீட்டை, இளையராஜாவுக்கு சிறப்பு செய்யும் விதத்தில் அமைத்திருந்தார் பிரகாஷ் ராஜ்.

இதுவரை தன் வாழ்க்கையிலேயே முதல் முறையாக தான் இசையமைத்த பட இசை விழாவில் அந்தப் படப் பாடல்களை லைவாக இசைக்க வைத்து, வந்திருந்தவர்களுக்கு ஆனந்த அதிர்ச்சி தந்தார் இளையராஜா.

நான்கு பாடல்கள் இசைக்கப்பட்டன. நான்கும் முத்தான பாடல்கள் என்று சொல்லும் அளவுக்கு மிக இனிமையாக, அர்த்தமுள்ளதாக அமைந்திருந்தது சிறப்பு.

இந்த இசை வெளியீட்டு விழாவுக்கு தமிழ் சினிமாவின் ஜாம்பவான்கள், சாதனையாளர்கள், இளையராஜாவின் அபிமானிகள் அத்தனை பேரும் குவிந்திருந்தனர். மாலை 7 மணிக்கு தொடங்கிய நிகழ்ச்சி, இரவு 9.30ஐ தாண்டிய பிறகும் நீடித்தது. ஆனால் ஒருவரும் வெளியில் எழுந்து செல்லவில்லை. அப்படியொரு ஈர்ப்புடன் அமர்ந்து நிகழ்ச்சியை ரசித்தனர்.

இளையராஜாவுடனான தங்கள் அனுபவங்கள், அவரது இசையின் சிறப்பு, இளையராஜா எனும் அற்புதமான கலைஞனின் தொழில்முறை நேர்த்தி என பல விஷயங்களைப் பகிர்ந்து கொண்டனர் பிரபலங்கள்.

இயக்குநர்களின் ஆதர்ச நாயகனாகக் கருதப்படும் மகேந்திரன், இயக்குநர் சிகரம் எனப் புகழப்படும் பாலச்சந்தர், எஸ்பி முத்துராமன், இயக்குநர்கள் பார்த்திபன், கேஎஸ் ரவிக்குமார், ஆர் வி உதயகுமார், ஜெயம் ராஜா, ராதா மோகன் என ஒவ்வொருவர் பேசியதையும் தனித்தனி கட்டுரைகளாகவே வெளியிடலாம். அத்தனை சிறப்பாக அமைந்தது பேச்சு.

குறிப்பாக நாசரின் பேச்சு, சுவாரஸ்யமிக்கதாக அமைந்தது.

இந்த விழாவின் ஹைலைட் என்றால் அது கவிஞர் நா முத்துக்குமாரி்ன் பேச்சு. அந்தப் பேச்சை கண்கலங்காமல் கேட்டவர்கள் அநேகமாக வெகு சிலராகத்தான் இருந்திருப்பார்கள்.

அவரது பேச்சு முழுவதுமாக:

இசைஞானி அவர்களுக்காக முதல்முறையாக நான் தோணி திரைப்படத்திற்காக அனைத்து பாடல்களையும் எழுதியிருக்கிறேன். ஜூலி கணபதி படத்துக்காகத்தான் அவரை நான் முதல் முறையாக என் குருநாதர் பாலுமகேந்திராவுடன் சந்தித்தேன். அந்த சந்திப்பு மறக்க முடியாதது. ஒரு பரீட்சை எழுதப்போகும் மாணவனின் பதைப்புடன் அவர் அறைக்குச் சென்றேன்.

எனக்குத் தந்த மெட்டுக்கு...

‘எனக்குப் பிடித்தப் பாட்டு அது உனக்குப் பிடிக்குமே
என் மனது போகும் வழியை உன் மனது அறியுமே
எனக்குப் பிடித்த நிலவு அது உனக்குப் பிடிக்குமே’

என்ற பல்லவியை அவருக்குக் கொடுத்தேன். படித்துப் பார்த்துவிட்டு ‘நன்றாயிருக்கிறது பல்லவி..! ஒரு சின்ன திருத்தம் செய்யலாமா?’ என்று கேட்டார். ‘தாராளமாக ஐயா’ என்று சொன்னேன்.

‘எனக்குப் பிடித்த நிலவு அது உனக்குப் பிடிக்குமே’ என்ற வரியை ‘என்னைப் பிடித்த நிலவு அது உன்னைப் பிடிக்குமே’ என்று மாற்றினால் அர்த்தம் இன்னும் சிறப்பாக இருக்குமென்றார். நான் எழுதிய வரிகளை விட பத்துமடங்கு சிறப்பாக இருக்கிறது என்று பரவசப்பட்டுப் போனேன்.

அன்று எனக்கு ஒன்று புரிந்தது. பாடலில் திருத்தம் என்பது சிதைப்பது அல்ல; செதுக்குவது என்று. அதன் பின்னர் நிறைய பாடல்கள் எழுதினேன். ஒவ்வொரு முறை அவர் அறைக்குள் நுழையும்போதும் என் கைகால்கள் நடுங்கத் துவங்கும்.

அவர் எப்போதும் என்னை அமரவைத்து, நகைச்சுவையாகப் பேசி என்னை இயல்புக்குக் கொண்டுவருவார். ஒவ்வொரு முறை பாடல் எழுதும்போதும் அவரிடம் ஒரு புதிய விஷயத்தை நான் கற்றுக்கொள்வேன். எப்படி எளிமையாக எழுத வேண்டும்… எப்படி மக்களுக்குப் புரியும் வகையில் எழுத வேண்டும்… போன்ற பல விஷயங்களை அவரிடம்தான் கற்றுக்கொண்டேன்.

‘தோணி’ திரைப்படத்தின் கம்போஸிங்கிற்கு "முத்துக்குமாரையும் கூட்டி வாருங்களேன்," என்று சொல்லியனுப்பியிருந்தார். போயிருந்தேன். அது ஒரு பரவச அனுபவம். முதல் முறை அவருடன் கம்போசிங்கில். ஒரு முக்கால் மணி நேரத்தில் வரிசையாக 5 டியூன்களைப் போடுகிறார். நான் கண்களை மூடி அமர்ந்து கேட்டுக்கொண்டிருக்கிறேன். கடவுளிடம் நேரடியாகப் பேசுபவர்கள் குழந்தைகளும் இசைக் கலைஞர்களும் என்று சொல்வார்கள். அந்த தருணத்தில் அதை நான் கண்டுகொண்டேன்.

என் மகனுக்கு தினமும் கண்ணே கலைமானே...

இன்றைக்கும் நான் இசைஞானியின் பாடல்களைக் கேட்காமல் தூங்குவதில்லை. என் மகனுக்கு நான் தினமும் பாடும் தாலாட்டு ‘கண்ணே கலைமானே’ பாடல்தான். ஒரு பாடலாசிரியராக என்னுடைய குருவாக அவரை நினைக்கிறேன். ஒரு சில பாடல்களே அவர் திரைப்படத்திற்கு எழுதியிருந்தாலும் அவர் எழுதிய பாடல்களுக்கு இன்றைக்கும் நான் ரசிகன். அழகி திரைப்படத்தில் எழுதியிருப்பார்…

"கோயில் மணிய யாரு ஏத்துறா?
தூண்டா வெளக்க யாரு ஏத்துறா ?
ஒரு போதும் அணையாம நின்று எரியணும்..”

அதே படத்தின் வேறொரு பாடலில்...

“இருள் தொடங்கிடும் மேற்கு - அங்கு
இன்னும் இருப்பது எதற்கு?
ஒளி தொடங்கிடும் கிழக்கு
உண்டு பொதுவினில் ஒரு விளக்கு”

இதை எந்தக் கவிஞனும் எழுதி விடலாம். ஆனால் அதன்பின்னர் வரும் 'ஒளி இருக்குமிடம் கிழக்குமில்லை மேற்குமில்லை' என்ற வரிகள் அத்தனை சிறப்பானவை. அதே போல நாடோடித் தென்றல் படத்தில்,

'யாரும் விளையாடும் தோட்டம்
தினந்தோறும் ஆட்டம் பாட்டம்
போட்டாலும் பொறுத்துக் கொண்டு
பொன்னு தரும் பூமி இந்த மண்ணு நம்ம சாமி
கோபங்கள் வேண்டாம் கொஞ்சம் ஆறப்போடு
ஆறோடும் ஊரைப் பாத்து டேரா போடு'

என்ற வரிகள். இந்த பூமியை, மண்ணை அவர் நேசிக்கும் அழகை அத்தனை அற்புதமாக்ச சொல்லியிருப்பார்.

நான் சிறுவயதில் தாயை இழந்தவன். அந்தத் தனிமை எப்போதும் என்னுடன் இருந்துகொண்டே இருக்கும். அப்போது ‘ஆவாரம்பூ’ படத்தில் ஒரு பாடல் கேட்டேன்.

ஆலோலம் பாடி அசைந்தாடும் காற்றே..!
அதைக்கேட்டு தூங்கும் ஆவராம்பூவே..!
தனியானால் என்ன துணை இங்கே நான் பாடும் பாட்டுண்டு

இந்த வரிகளைக் கேட்டவுடன் அவரின் இசைக் கரங்களை நான் பிடித்துக்கொண்டேன். அதன் பின்னர் வரும்,

தாய் இழந்த துன்பம் போலே
துன்பம் அது ஒன்றுமில்லை
பூமி என்ற தாயும் உண்டு
வானம் என்ற தந்தை உண்டு
நீங்கிடாத சொந்தம் என்று
நீரும் காற்றும் எங்கும் உண்டு

என்ற வரிகள் எனக்கு தன்னம்பிக்கை அளித்தன. அன்று பிடித்த அவரின் இசைக் கரங்களை இன்றுவரை நான் விடவில்லை," என்றார்.

அதுவரை நிசப்தத்தில் இருந்த அரங்கம் ஒரு நிமிடம் ஸ்தம்பித்து அதிர்ந்தது!

நயன்தாரா ரிட்டன்ஸ்! எடுத்த எடுப்பிலேயே ரூ.1.5 கோடி சம்பளம்!

காதல் கசந்துவிட்டதால் மீண்டும் நடிக்க ஆரம்பத்திருக்கும் நயன்தாராவுக்கு எடுத்த எடுப்பிலேயே ரூ1.5 கோடி சம்பளம் பேசப்பட்டுள்ளதாம். தமிழ், தெலுங்கில் டாப் நடிகையாக வலம் வந்தவர் நயன்தாரா. பிரபுதேவாவை திருமணம் செய்ய இருந்ததால், தெலுங்கில் ஸ்ரீராம்ராஜ்யம் படத்தோடு நடிப்பிற்கு முழுக்கு போட்டார். சினிமாவை விட்டு விலகுவதற்கு முன்பு வரை அவருடைய மார்க்கெட் ரேட்டிற்கு எந்த சரிவும் இல்லை. நல்ல நிலையிலேயே அவர் சினிமாவை விட்டு நீங்கினார்.

இந்நிலையில் பிரபுதேவா-நயன்தாரா காதலில் விரிசல் ஏற்பட்டு, இருவரும் பிரிந்து தனித்தனியாக வாழ்ந்து வருகின்றனர். இதனால் நயன்தாரா மீண்டும் நடிக்க ஆரம்பித்து விட்டார். இப்போது தெலுங்கில் நாகர்ஜூனாவுடன் ஒரு படத்தில் நடிக்கவுள்ளார். அந்த படத்தில் அவருக்கு பேசப்பட்டுள்ள சம்பளம் ரூ.1.5 கோ‌டியாம். நயன்தாராவின் இந்த சம்பள ரேட்டை கேட்டு முன்னணி நடிகைகள் பலர் வாயடைத்து போய் உள்ளனராம். நடிப்பிற்கு முழுக்கு போட்டு போன நடிகையை திருப்பி அழைத்து வந்து இவ்வளவு சம்பளம் கொடுக்கிறார்களே என்று பலர் புலம்பி வருகின்றனர்.

முதல் படத்திற்கே இவ்வளவு என்றால் இனி நடிக்க போகும் படத்திற்கு...?! அப்ப இனிமேல் நயன்தாரா காட்டில் மழை தான்... போங்க!!

கிளிப்பிங்ஸ்!!!

ரஜினியின் கோச்சடையான் பட ஷூட்டிங், பூஜையுடன் கடந்த சனிக்கிழமை தொடங்கியது.

மனைவி கீதாஞ்சலிக்கு குழந்தை பிறந்ததால் இரண் டாம் உலகம் பட ஷூட்டிங்கை நிறுத்தியிருந்தார் செல்வராகவன். படத்தின் 2வது ஷெட்யூல் ஐதராபாத்தில் இந்த வாரம் தொடங்குகிறது.

நீர்பறவை படத்தில் விஷ்ணு ஜோடியாக பிந்து மாதவி நடிக்கிறார். பட ஷூட்டிங் தூத்துக்
குடியில் நடக்க உள்ளது.

நீண்ட இடைவெளிக்கு பின் சிரஞ்சீவி நடிக்கும் தெலுங்கு படத்தை ஷங்கர் இயக்க பேச்சு நடக்கிறது.

பசங்க பாண்டிராஜ் இயக்கும் மெரினா படம் வரும் 3ம் தேதி ரிலீசாகிறது.

அரிவாளை கீழே போடுங்கய்யா...! - இளையராஜா!!!

சினிமாவில் இன்றைக்கு அரிவாள், ரத்தம் என வன்முறை அதிகரித்து வருகிறது. ஆயுதத்தை கீழே போடுங்கள், அன்பை உபயோகியுங்கள், என்றார் இசைஞானி இளையராஜா.

ரத்னகுமார் இயக்கத்தில் உருவாகியுள்ள செங்காத்து பூமியிலே படத்தின் செய்தியாளர் சந்திப்பில் இளையராஜா கூறுகையில், "செங்காத்து பூமியிலே வன்முறைக்கு எதிரான படம். இன்றைய காலகட்டத்தில் அப்படி வந்திருக்கும் ஒரே படம் என்று கூடச் சொல்லலாம்.

இப்படத்தின் இயக்குனர் ரத்னகுமார் என்னிடம் இசையமைக்க கேட்டபோது வழக்கமான “என்ன... அருவா வெட்டு குத்து படம் தானா, வன்முறையை விதைச்சிட்டு என்னத்த அறுவடை பண்ணப் போறீங்க” என்று கேட்டேன். உடனே படத்தை முடிச்சிட்டு வந்து போட்டுக் காட்டினார்.

ஒரு நல்ல கருத்தை சொல்லும் படமாக இருந்ததால் இசையமைக்க ஒப்புக் கொண்டேன்.

மனிதனாகப் பிறக்கிறோம், வாழ்கிறோம், மடிகிறோம்... இந்த வாழ்க்கையை மனிதன் வாழ்க்கையை அர்த்தமுள்ளதாக மாற்றிக் கொள்ள வேண்டாமா... கோபத்தின் வெளிப்பாடுதான் வன்முறை. கோபத்தின் ஆயுதத்தை தூக்குவதற்கு முன் தனது குடும்பத்தையும், குழந்தைகளையும் நினைத்து பார்த்தால் ஆயுதம் ஏந்த வேண்டும் என்ற எண்ணம் வராது.

ஆயுதத்தை கீழே போடுங்கள், அன்பை உபயோகியுங்கள். வன்முறை காணாமல் போகும். இதைத்தான் செங்காத்து பூமியிலே படம் பிரதிபலிக்கிறது. பெண்கள் நிச்சயம் பார்க்க வேண்டும். அப்போதுதான் வன்முறையின் வலி புரியும். தென் தமிழகத்து மக்களின் வாழ்க்கை, வலிகளை மிக யதார்த்தமாக படமாக்கியிருக்கிறார் ரத்னகுமார்.

இது போன்ற சிறு பட்ஜெட் படங்களுக்கு, கதையுள்ள கருத்துள்ள படங்களுக்கு பத்திரிகையாளர்கள் ஆதரவு தந்து உற்சாகப்படுத்தி வரவேற்க வேண்டும். பெரிய நடிகர்கள் படங்களுக்கு மட்டுமே ஆதரவு என்ற நிலைமை மாற வேண்டும். நல்ல கதைகளுக்கு நடிகர்கள் தேவை இல்லை," என்றார்.

ஏற்கெனவே, "வன்முறை, அரிவாள் கலாச்சாரம் அதிகமாக உள்ள படங்களுக்கு இசையமைக்க மாட்டேன். நீ அரிவாள கீழே போடுய்யா... இசை அமைக்கிறேன்," என இயக்குநர் அமீரிடமே சொன்னவர் இளையராஜா என்பது குறிப்பிடத்தக்கது.

ரஜினி சிறந்த குணசித்திர நடிகர் அவரது திறமை வீணாகிறது : இயக்குனர் மகேந்திரன்!

இன்றைக்கு இருக்கும் நடிகர்களில் மிகச் சிறந்த குணசித்திர நடிகர் ரஜினிதான். அவரது திறமையை வேறு பாணியில் பயன்படுத்தி வீணடிக்கிறார்கள் என்றார் இயக்குனர் மகேந்திரன். பிரகாஷ்ராஜ் தயாரித்து இயக்கி நடிக்கும் படம் ‘தோனி’. இளையராஜா இசை அமைக்கிறார். இதன் பாடல் கேசட் விழா சென்னையில் நடந்தது. இதில் இயக்குனர் மகேந்திரன் கூறியதாவது: நான் இயக்கிய படங்களில் ஜீவனாக அமைந்தது இளையராஜா இசைதான். அவரது இசை இல்லாமலிருந்திருந்தால் இன்றைக்கு நான் பேசப்பட்டிருக்கமாட்டேன். ரஜினிகாந்த் மிகச் சிறந்த குணசித்திர நடிகர்.

ஆனால் அவரை வேறு பாணியில் பயன்படுத்திக்கொண்டிருக்கிறார்கள். அவருக்கு இணையாக இன்றைக்கு பிரகாஷ்ராஜ் மிகப் பெரிய குணசித்திர நடிகராக இருக்கிறார். ஆனால் அவரை வில்லனாக பல படங்களில் பார்க்க வேண்டி உள்ளது. அவர் நடிக்கும் எல்லா படங்களையும் நான் பார்த்துவிடுவேன். குணசித்ர வேடத்தில் நூறு சதவீதம் தனது நடிப்பை தருவதுபோல் வில்லன் வேடத்திலும் தருகிறார். ‘கில்லி’ படத்தில் பிரகாஷ்ராஜ் ‘செல்லம்’ என்று அடிக்கடி சொல்வார்.

அப்படத்தில் விஜய்யை மணப்பதற்கு பதில் பிரகாஷ்ராஜையே த்ரிஷா கல்யாணம் பண்ணி இருக்கலாம் என்று எனக்கு தோன்றியது. இவ்வாறு மகேந்திரன் கூறினார். கே.பாலசந்தர், பாலுமகேந்திரா, எஸ்.ஏ.சந்திரசேகரன் உள்ளிட்ட ஏராளமானவர்கள் விழாவில் கலந்துகொண்டனர்.
div>

இலியானாவுடன் மோதலா? பிரியங்கா பரபரப்பு பேட்டி!!!

இலியானாவுடன் மோதலா என்பதற்கு பிரியங்கா சோப்ரா பதில் அளித்தார். பாலிவுட் ஹீரோயின் பிரியங்கா சோப்ரா. இவர் கூறியதாவது: இந்த ஆண்டின் தொடக்கத்தில் ‘அக்னீபத்’ படம் இந்தியில் வெளியாகி ஹிட் ஆகியுள்ளது. அதேபோல் ‘சாத் கூஹுன் மாப்’ என்ற படத்திற்காக பிலிம்பேர் விருது கிடைத்திருக்கிறது. இதை கொண்டாடும் ஆசை இருக்கிறது. ஆனால் ஷூட்டிங்கில் பிஸியாக இருக்கிறேன். தமிழ் மற்றும் தெலுங்கு படங்களில் நடித்திருக்கிறேன். இப்போதும் வாய்ப்புகள் வருகின்றன. மனதுக்கு பிடித்ததாக அமையவில்லை. கால்ஷீட் பிரச்னையும் நடிக்க முடியாததற்கு காரணம். நல்ல வேடம் வந்தால் நிச்சயம் ஏற்பேன். ‘பர்பி’ என்ற படத்தில் நானும் இலியானாவும் சேர்ந்து நடித்தோம். எங்களுக்குள் மோதல் என்று கிசுகிசு வெளியானது. அப்படி எதுவும் இல்லை. இலியானா இனிமையானவர் மட்டுமல்ல அழகானவர், நல்ல நடிகை. ஒருவருடத்துக்கும் மேலாக இருவரும் இணைந்து பணியாற்றினோம். அவரது தாய், தங்கையை நான் சந்தித்து பேசி இருக்கிறேன். நாங்கள் தோழிகளாக இருக்கிறோம். இவ்வாறு பிரியங்கா சோப்ரா கூறினார்.

இரவு விருந்து.... தோழி ஃபராகான் கணவரைப் புரட்டியெடுத்த ஷாரூக்கான்!

மும்பை: அக்னிபாத் வெற்றி விழா விருந்துக்கு வந்த பிரபல பெண் இயக்குநர் ஃபராகானின் கணவரும் இயக்குநருமான சிரீஷ் குந்தை கடுமையாக அடித்து உதைத்தார் நடிகர் ஷாரூக்கான்.

ஃபராகானும் ஷாரூக்கும் ஒரு காலத்தில் நெருங்கிய நண்பர்கள் என்பது குறிப்பிடத்தக்கது.

இந்தி நடிகர் சஞ்சய் தத் நடிப்பில் வெளியான அக்னிபாத் படம் வெற்றியடைந்ததை முன்னிட்டு மும்பை புறநகரில் உள்ள உணவகத்தில் சஞ்சய் தத் இரவு விருந்துக்கு ஏற்பாடு செய்திருந்தார். நடிகர் ஷாருக்கான் விருந்துக்கு வந்தார்.

விருந்து நடந்து இடத்திற்குள் நுழைந்த ஷாருக்கான் அங்கு நின்று கொண்டிருந்த இயக்குநர் சிரிஷ் குந்தரை நோக்கி வேகமாக சென்றார். பின்னர் திடீரென அவருடைய நீளமான தலைமுடியை பிடித்து இழுத்து கீழே தள்ளினார். சிரிஷ் குந்தர் முகத்தில் ஷாருக்கான் மாறிமாறி குத்தியதாகக் கூறப்படுகிறது.

இதைப் பார்த்த உணவகத்தின் உரிமையாளரான பாபா தீவான் தலையிட்டு ஷாருக்கானை பிடித்து வேறுபக்கமாக அழைத்துச் சென்றார். ஆனால் அவரை வெளியேறச் சொன்னார் ஷாரூக். உடனே சஞ்சய் தத் தலையிட்டு, ஷாரூக்கை அழைத்துச் சென்றுவிட்டாராம். அவர் மட்டும் வராமலிருந்திருந்தால் நிலைமை மிக மோசமாகிவிட்டிருக்கும் என்கிறார்கள்.

பின்னர் இயக்குநர் சிரிஷ் குந்தர், விருந்து நடந்த இடத்திலிருந்து வேகமாக வெளியேறினார். அப்போது அவருடைய முகம் முழுவதும் வீங்கி காணப்பட்டது.

சிரிஷ் குந்தரின் மனைவி பிரபல இயக்குநர் ஃபராகான் ஆவார். இவரும், ஷாருக்கானும் நெருக்கமான நண்பர்களாக இருந்தனர். ஷாரூக் தனது மே ஹுன் நா மற்றும் ஓம் ஷாந்தி ஓம் படங்களை இயக்கும் வாய்ப்பை ஃபரா கானுக்கு தந்திருந்தார். ஏராளமான படங்களில் ஷாரூக்கானுக்காக நடனம் அமைத்தவர் அவர்தான். ஆனால் தீஸ் மார் கான் படத்தில் ஃபராகான் அக்ஷய் குமாரை ஒப்பந்தம் செய்ய, பிரச்சினை ஆரம்பமானது.

சிரீஷ் குந்தரும் ஒரு காலத்தில் ஷாரூக்கின் நண்பராக இருந்தார். ஆனால் நேரம் கிடைக்கும்போதெல்லாம் ஷாரூக்கை மோசமாக கமெண்ட் அடித்துக் கொண்டிருந்தார். இதனால் அவர் இயக்கிய ஜோக்கர் படத்துக்கு ஷாரூக் கால்ஷீட் கொடுக்கவில்லை. அந்த கோபத்தில், ஷாரூக்கின் ரா ஒன் படம் குறித்து கேவலமான விமர்சித்திருந்தாராம் சிரிஷ்.

இந்த நிலையில், நேற்றைய விருந்துக்கு வந்த ஷாரூக்கை மிகவும் கோபப்படுத்தும் விதத்தில் சிரீஷ் நடந்து கொண்டதாகக் கூறப்படுகிறது. அந்த கோபத்தில்தான் ஷாரூக் வெளுத்தாராம். எனினும் இதுபற்றி போலீசில் புகார் தரப்போவதில்லை என்று பாராகான் தெரிவித்து உள்ளார்.

"ஒருவரை அடிப்பதில் தனக்கு நம்பிக்கை இல்லை என்றும் அது மோசமான விஷயம் என்றும் அடிக்கடி கூறுவார் ஷாரூக். அவரா இப்படிச் செய்தார் என்று ஆச்சர்யமாக உள்ளது," என்றார் ஃபாராகான்.

இந்த சண்டையின் போது நேரில் பார்த்த அனைவருமே, ஷாரூக் பக்கம் தவறில்லை என்றே குறிப்பிட்டுள்ளனர்.

2008-ம் ஆண்டு கத்ரீனா கைஃபின் பிறந்த நாள் விருந்தில் ஷாரூக்கானும் சல்மான் கானும் கைகலப்பில் இறங்கி பெரும் பிரச்சினையானது நினைவிருக்கலாம்!

Sunday, January 29, 2012

வைரமுத்துவின் பாடல்கள் ஓய்வதில்லை..அன்று கார்த்திக், ராதாவுக்கு, இன்று மகன், மகளுக்கு!

அன்று கார்த்திக், ராதா இணைந்து நடித்த அலைகள் ஓய்வதில்லை படத்திற்கும், அதன் பிறகு அவர்கள் நடித்த பல படங்களுக்கும் பாடல்கள் எழுதிய வைரமுத்துவின் கைகள் இன்று அவர்களது மகன், மகளுக்கும் பாடல்கள் எழுதியுள்ளது.

தமிழ் சினிமாவில் இது ஒரு அரிய நிகழ்வு. இரு தலைமுறையினருக்கு அதுவும், ஒரே நடிகர், நடிகைக்கும், அவர்களது வாரிசுகளுக்கும் ஒரே கவிஞர் பாடல்கள் எழுதுவது என்பது மிகவும் அரியதாகும். அந்த சாதனையை வைரமுத்து இப்போது நிகழ்த்தியிருக்கிறார்.

பாரதிராஜாவின் இயக்கம், இசைஞானி இளையராஜாவின் இசை மழை ஆகியவற்றுடன் இணைந்து வைரமுத்துவின் பாடல் வரிகளும் புகழ் குடையி்ல அன்று அலைகள் ஓய்வதில்லை மூலம் இளைப்பாறியது. அப்படத்தில் ஜோடியாக அறிமுகமானவர்கள்தான் கார்த்திக் மற்றும் ராதா.

அன்று விடலைகளாக இருந்த இருவரும் இன்று தங்களது விடலைப் பருவ வாரிசுகளை களம் இறக்கி நடிக்க விட்டுள்ளனர். 1982ம் ஆண்டு வெளியான அலைகள் ஓய்வதில்லை படத்தில் இடம் பெற்ற ஆயிரம் தாமரை மொட்டுக்களே பாடலை வைரமுத்து எழுதினார். இசைஞானியின் இசை மெட்டுக்களில் இந்த ஆயிரம் தாமரை மொட்டுக்கள் தொட்ட உச்சத்தை சொல்லித் தெரிய வேண்டியதில்லை.

இன்று காலம் திரும்பியுள்ளது. கார்த்திக்கின் மகன் கெளதம் முத்துராமன் மணிரத்தினம் படத்தில் ஹீரோவாக அறிமுகமாகிறார். இப்படத்தில் கெளதமுக்காக வைரமுத்து பாடல் எழுதியுள்ளார்.

அதேபோல பாரதிராஜாவின் அன்னக்கொடியும், கொடி வீரனும் படத்தில் ராதாவின் மகள் கார்த்திகா நடிக்கிறார். அதற்கும் வைரமுத்து வரிகள் சூட்டியுள்ளார்.

அதிசயம்தான்...!

கவர்ச்சியில் பின்னி எடுத்த ப்ரியாமணி!!!

தமிழில் என்னவோ கருத்தான ரோலில் நடித்து வந்த ப்ரியாமணி, இப்போது தெலுங்கில் கவர்ச்சியாக படு க்ளாமர் நடிகையாக மாறிவிட்டார். கடந்த ஆண்டு இவர் நடிப்பில் வெளிவந்த ராஜ் படம் இப்போது, தமிழில் மகாராணியாக டப் செய்யப்படு, இன்னும் சில தினங்களில் ரிலீஸ் ஆக உள்ளது. கதைப்படி இரண்டு தோழிகளுக்குள் நடக்கும் ஈகோ பிரச்னையால் அவர்கள் இறுதியில் எந்த அளவுக்கு கஷ்படப்படுகிறார்கள், அவர்கள் வாழ்க்கை என்ன ஆனது என்பது தான் கதை. இதில் நெருங்கிய தோழிகளாக ப்ரியாமணியும், விமலாராமனும் நடித்துள்ளனர். ஹீரோவாக நாகர்ஜூனாவின் அக்கா மகன் சுமந்த் நடிக்க ஆதித்யா இயக்கியுள்ளார். படத்தில் ப்ரியாமணி படு கவர்ச்சியாக நடித்துள்ளார்.

தமிழில், பட வாய்ப்பு இன்றி தவித்து வரும் ப்ரியாமணிக்கு, இந்த "மகாராணி" படமாவது, அவரை "மகாராணி"யாக மாற்றுமா...?! என்று பொறுத்து இருந்து பார்ப்போம்.

'முழுக்கு'ப் போட்ட நயனதாரா- பிரபுதேவாவின் கதி என்ன?!

எந்த வேகத்தில் பிரபுதேவா மீது காதலில் விழுந்தாரோ அதே வேகத்தில் அவரை விட்டுப் பிரிந்தும் விட்டார் நயனதாரா. இதனால் பிரபுதேவாவின் கதி என்ன என்பது திரையுலகினர் மத்தியில் பெரும் விவாதமாக மாறியுள்ளது.

பிரபுதேவாவின் திருமண வாழ்க்கையே பெரும் மர்மக் கதையாகவே இருந்து வருகிறது. ரம்லத்தை அவர் திருமணம் செய்த ஸ்டைலும், அதை மறைத்து பல ஆண்டுகளாக வாழ்ந்த விதமும் அனைவராலும் மறக்க முடியாதது.

ரம்லத்துடன் அவர் கிட்டத்தட்ட ரகசிய வாழ்க்கைதான் வாழ்ந்து வந்தார். இவர்தான் எனது மனைவி என்று அவர் வெகு காலமாகவே அதிகாரப்பூர்வமாக அறிவிக்கவில்லை. காரணம், பிரபுதேவாவின் குடும்பத்தார் இந்தத் திருமணத்தை அங்கீகரிக்கவில்லை என்பதால். இதனால் 3 குழந்தைகள் பிறந்து அவர்கள் ஓரளவுக்குப் பெரியவர்களாக ஆன பிறகும் கூட ரகசிய வாழ்ககைதான் வாழ்ந்து வந்தார் பிரபுதேவா.

இந்த நிலையில் பிரபுதேவா-ரம்லத் தம்பதியின் குழந்தை இறந்தபோது பெரும் சோகமடைந்தார் பிரபுதேவா. அந்த சோகத்தில் பங்கெடுக்க வந்தவர்தான் நயனதாரா. அப்போது அவரும் கூட சோகத்தில்தான் இருந்து வந்தார். சிம்புவிடமிருந்து பிரிந்த சோகம். இரண்டு சோகங்களும் ஒன்று கலக்கவே, அது அவர்களுக்கு சுகமாக தெரிந்தது- புதிய காதல் கதை பிறந்தது.

கடந்த நான்கு ஆண்டுகளாக தீவிரமாக காதலித்து வந்தனர் பிரபு தேவாவும் நயன்தாராவும். இந்தக் காதலுக்காக தனது மனைவியை கடுமையாக பிடிவாதம் பிடித்து விவாகரத்தும் செய்தார் பிரபுதேவா. தனது கணவரை தக்க வைக்க எப்படியெல்லாமோ முயற்சித்தார் ரம்லத். ஆனால் பாவம், அந்தப் பெண்ணின் முயற்சிகளுக்குப் பலன் கிடைக்கவில்லை. அவரும் கூட தனது மனதை தேற்றிக் கொண்டு கணவரை இன்னொரு பெண்ணுக்கு தாரை வார்த்துக் கொடுக்க நேரிட்டு விட்டது. இதனால் விவாகரத்து நடந்தது, பாகப்பிரிவினையும் நடந்து முடிந்தது.

அதன் பிறகு நடந்த அத்தனையுமே படு சுவாரஸ்யமானவை. பிரபுதேவாவை கல்யாணம் செய்வதற்காக மதம் மாறினார் நயனாரா. சினிமாவுக்கும் கூட முழுக்குப் போட்டார். சிம்பு மீண்டும் ஒருமுறை தனது படத்தில் ஆட வேண்டும் என்று வைத்த வேண்டுகோளையும் கூட நிராகரித்தார்.

தமிழில அவர் கடைசியாக பாஸ் என்கிற பாஸ்கரன் படத்தில் நடித்திருந்தார். அதேபோல தெலுங்கில், ஸ்ரீராமராஜ்ஜியம் படத்தில் நடித்தார்.

இத்தனையும் செய்து விட்டு பிரபுதேவாவிடம் கல்யாணம் என்று பேச்சை ஆரம்பித்த போதெல்லாம் அவர் பிடி கொடுக்கவே இல்லை. என்ன என்று ஆராய்ந்து பார்த்தபோதுதான், ரம்லத் மறறும் பிள்ளைகள் மீது இருந்த பாசத்தை பிரபுதேவாவால் விட முடியவில்லை என்பது.

நயனதாராவுக்கு தெரியாமல் ரகசியமாக தனது பிள்ளைகளைப் பார்த்து கொஞ்சி வந்தார் பிரபுதேவா. ரம்லத்தையும் கூட அவர் சந்தித்ததாக கூறப்படுகிறது. இதெல்லாம் நயனதாராவுக்குத் தெரிய வர ஷாக் ஆகி விட்டார். இதனால் இடையில் பிரபுதேவாவுடன் சண்டை போட்டு சொந்த ஊரான கேரளாவுக்குப் போய் விட்டார். இதையடுத்து அங்கு ஓடிய பிரபுதேவாவை வீட்டுக்குள்ளேயே நயனதாரா சேர்க்கவில்லை. இதனால் தெருவில் நிற்க வேண்டிய நிலை ஏற்பட்டதாக செய்திகள் வெளியாகின.

இருப்பினும் இதெல்லாம் கப்சா, அப்படியெல்லாம் ஒன்றும் இல்லை, திருமண ஏற்பாடுகள் தீவிரமாகநடந்து வருவதாக பிரபுதேவா, நயனதாரா தரப்பில் கூறப்பட்டது.

ஆனால் தற்போது இருவரும் பிரிந்து விட்டதாக செய்திகள் வெளியாகியுள்ளன. இருவருக்கும் இடையிலான பிளவு மிகப் பெரிதாகி விட்டதாகவும், இனிமேல் சேர முடியாத நிலை உள்ளதாகவும் கூறப்படுகிறது. இந்தப் பிளவுக்கு நடிகை ஹன்சிகா மோத்வானியுடன் பிரபுதேவா நெருக்கம் காட்டியதும் ஒரு முக்கியக் காரணமாக கூறப்படுகிறது.

ஆனால் ரம்லத் மற்றும் பிள்ளைகள் மீதான பாசத்தை பிரபுதேவாவால் கைவிட முடியாமல் தவிப்பதால்தான் நயனதாரா பிரிந்து போய் விட்டதாக கூறப்படுகிறது.

இப்போது மீண்டும் ஒரு சோகப் புள்ளியில் பிரபுதேவாவும், நயனதாராவும் வந்து நிற்கின்றனர். இந்த சோகத்தைப் பங்கு போடப் போவது யாரோ...

18 வயதிலியே திருமணத்திற்கு தயாராகிவிட்டேன்-பத்மபிரியா!

தான் 18 வயிதிலேயே திருமணத்திற்கு தயாராகிவிட்டதாக நடிகை பத்மபிரியா தெரிவித்துள்ளார்.

தனது திருமணம் குறித்து நடிகை ப்தமபிரியா கூறியதாவது,

நான் காதலித்து திருமணம் செய்துகொள்ள வாய்ப்பில்லை. ஆனால் நான் நிச்சயம் திருமணம் செய்து குழந்தைகள் பெற்றுக் கொள்வேன். 18 வயதிலேயே திருமணத்திற்கு தயாராகிவிட்டேன். ஆனால் இன்று வரை நல்ல மாப்பிள்ளை தான் கிடைக்கவில்லை.

முதன் முதலாக என்னை பெண் பார்க்க வந்தவர் எனது வங்கிக் கணக்கில் எவ்வளவு பணம் இருக்கிறது என்று கேட்டார். அடுத்து வந்தவர் தனது 2 குழந்தைகளுக்கும் தாயாக இருக்க வேண்டும் என்றார். அதனால் அவர்கள் இருவரையும் நிராகரித்துவிட்டேன்.

திருமணம் என்பது ஒரு அற்புதமான வரம். திருமணம் செய்து அதை அனுபவிக்காவிட்டால் பெண்ணாய் பிறந்து என்ன பயன் என்றார்.

எம்.பி.ஏ. படித்திருக்கும் பத்மபிரியா தற்போது நியூயார்க் பல்கலைக்கழகத்தில் பப்ளிக் அட்மினிஸ்டிரேஷன் படிக்கவிருக்கிறார் என்பது குறிப்பிடத்தக்கது. அவருக்கு 50 வயது வரை நடிக்க ஆசை உள்ளதாம்.

ரஜினி, அமிதாப் பச்சன் இணைகிறார்கள்!!!

ரஜினிகாந்தும் அமிதாப்பச்சனும் இணையும் படத்தை இயக்க இருப்பதாக, தெலுங்குப் பட இயக்குனர் பூரி ஜெகநாத் தெரிவித்துள்ளார். ரஜினியும் அமிதாப்பச்சனும் கடைசியாக, ‘அந்தா கானூன்’ என்ற இந்திப் படத்தில் நடித்திருந்தனர். இந்தப் படம் வெளியாகி 28 வருடங்கள் ஆகிவிட்டது. இதையடுத்து இப்போது மீண்டும் இணைய இருக்கின்றனர். அமிதாப் நடித்த, ‘புட்டா ஹோகா தேரா பாப்’ படத்தை இயக்கிய புரி ஜெகநாத் இதை இயக்குகிறார். இதுபற்றி பூரி ஜெகநாத் கூறும்போது, ‘‘சென்னையில் ரஜினியை சந்தித்து இந்த ஐடியாவை சொன்னேன். ரஜினி உற்சாகமாகிவிட்டார். இதில் நடிக்க அவருக்கு இருக்கும் ஆர்வத்தைத் தெரிந்துகொண்டேன். ரஜினியையும் அமிதாப்பையும் இயக்குவது எனது வாழ்நாள் கனவு. இப்போதுதான் அதற்கான வாய்ப்பு வந்திருக்கிறது. இருவரையும் இயக்குவது சாவாலான விஷயம்தான்’’ என்றார்.

பிரபுதேவாவை பிரிந்தார் நயன்தாரா : மீண்டும் நடிக்க வருகிறார்!

தெலுங்கு படத்தில் மீண்டும் நடிக்க நயன்தாரா சம்மதித்துள்ளார். இதனால் பிரபுதேவாவிடம் இருந்து அவர் பிரிந்துவிட்டதாக சினிமா வட்டாரத்தில் பரபரப்பு ஏற்பட்டுள்ளது. பிரபுதேவாவை திருமணம் செய்துகொள்வதற்காக நடிப்புக்கு முழுக்குப் போட்டார் நயன்தாரா. அவர் கடைசியாக ‘ஸ்ரீராம ராஜ்ஜியம்‘ என்ற தெலுங்கு படத்தில் நடித்தார். இதன் படப்பிடிப்பு முடிந்த கடைசி நாளில் எல்லோரிடமும் கண்ணீர் விட்டு அழுதபடி விடை பெற்றார். திருமணத்துக்குப் பிறகு நயன்தாரா நடிக்க மாட்டார் என்று பிரபுதேவா அப்போது கூறி வந்தார். இதற்கிடையே பிரபுதேவாவை திருமணம் செய்வதற்காக, கிறிஸ்தவ மதத்திலிருந்து இந்து மதத்துக்கு மாறினார் நயன்தாரா.

இந்நிலையில், ‘ஸ்ரீராம ராஜ்ஜியம்‘ படம் தெலுங்கில் ஹிட்டானதை அடுத்து, பாலகிருஷ்ணா, வெங்கடேஷ், நாகார்ஜுனா, ரவிதேஜா உள்ளிட்ட ஹீரோக்கள் மற்றும் இயக்குனர்கள், அவர் மீண்டும் நடிக்க வேண்டும் என்று கோரிக்கை விடுத்தனர். ஆனால், நயன்தாரா பதிலேதும் சொல்லாமல் இருந்தார். இப்போது நீண்ட இடைவெளிக்கு பிறகு ரசிகர்கள் மற்றும் ஹீரோக்களின் விருப்பத்துக்கு ஏற்ப, நயன்தாரா தெலுங்கில் நடிக்க ஒப்புக்கொண்டுள்ளார். இந்தப் படத்தை தசரத் இயக்குகிறார். இதுபற்றி தசரத் கூறும்போது, ‘‘நயன்தாரா நடிப்பது உண்மைதான். நாகார்ஜுனா ஹீரோவாக நடிக்கிறார். மே மாதம் ஷூட்டிங் தொடங்குகிறது‘‘ என்றார். இப்போது நயன்தாரா நடிக்க உள்ள படத்துக்கு சம்பளமாக, ஒன்றரை கோடி ரூபாய் கொடுக்கப்பட்டுள்ளதாக, பட யூனிட் தெரிவித்துள்ளது.

நயன்தாராவும் பிரபுதேவாவும் சேர்ந்து வாழ, சென்னை போட் கிளப் பகுதியில் சொந்தமாக வீடு வாங்கியிருந்தனர். இப்போது அந்த வீட்டில் இருவரும் இல்லை என்று கூறப்படுகிறது. பிரபுதேவாவிடம் இருந்து சுமூகமாக பிரிந்துவிட்டதால்தான் நயன்தாரா மீண்டும் நடிக்க வந்துள்ளார் என்றும் தமிழ், தெலுங்கில் அவர் தொடர்ந்து நடிக்க இருப்பதாகவும் கூறப்படுகிறது. இதனால் தமிழ், தெலுங்கு, மலையாள பட உலகில் பரபரப்பு ஏற்பட்டுள்ளது.

படத்தில் ஜோடியாக நடித்தவர்கள், நிஜவாழ்வில் ரகசிய திருமணம்!

சேலம் நியூ மாடர்ன் பிலிம் மேக்கர்ஸ் சார்பில், 10 பேர் இணைந்து தயாரிக்கும் படம், ‘நீ எனக்காக மட்டும்’. புதுமுகம் தமிழ், ஸ்ரீலட்சுமி ஜோடி. கே.பி.சக்திவேல் இயக்குகிறார். கதைப்படி தமிழ், ஸ்ரீலட்சுமி காதலிக்கின்றனர். எதிர்ப்பை மீறி, திருமணம் செய்கின்றனர். பிறகு பெண்ணின் பெற்றோர், தமிழிடம் இருந்து ஸ்ரீலட்சுமியைப் பிரிக்கின்றனர். அவரை காணாத நிலையில் தமிழ், வேறொரு பெண்ணை திருமணம் செய்ய முயற்சிக்கிறார். அப்போது ஸ்ரீலட்சுமி திரும்பி வர, தமிழ் என்ன முடிவு எடுக்கிறார் என்பது கிளைமாக்ஸ். ஆனால், ஷூட்டிங்கில் காதல் ஜோடி நிஜமாகவே காதலிக்கத் தொடங்கிவிட்டனர். இருவரது வீட்டிலும் எதிர்ப்பு. இதையடுத்து இந்த ஜோடி, சேலம் ரிஜிஸ்டர் ஆபீசில் பதிவு திருமணம் செய்துகொண்டது. இதுபற்றி தமிழிடம் கேட்டபோது, ‘‘சம்பவம் உண்மைதான். எங்கள் வீட்டில் ஆதரவு கிடைத்துள்ளது. விரைவில் ஸ்ரீலட்சுமியின் வீட்டிலும் ஆதரவு கிடைக்கும் என்று நம்புகிறோம்” என்றார்.

ரகுமானுக்கு ஷாக் கொடுத்த ரஜினி!¨!!

இசை அமைப்பாளர் ஏ.ஆர்.ரகுமானுடன் ஜெர்மன் திரைப்பட இசை குழுவினரின் இசை நிகழ்ச்சி குடியரசு தின விழாவன்று சென்னையில் நடந்தது. இந்நிகழ்ச்சியில் யாரும் எதிர்பாராதவிதமாக சூப்பர் ஸ்டார் ரஜினி கலந்துகொண்டார். அதைக்கண்டு ரகுமான் இன்ப அதிர்ச்சி அடைந்தார். அரங்கில் திரண்டிருந்த ரசிகர்கள் கைதட்டி வரவேற்றனர். இதுபற்றி ரஜினி மகள் சவுந்தர்யா கூறும்போது,‘‘வீட்டிலிருந்து நான் புறப்பட்டபோது அப்பா(ரஜினி)விடம், நிகழ்ச்சிக்கு போய்விட்டு வருவதாக’’ கூறினேன். ‘என்ன நிகழ்ச்சி?’ என்றார். ‘‘ரகுமான் இசை நிகழ்ச்சி’’ என்றேன். உடனே, ‘நானும் வருகிறேன்’ என்று புறப்பட்டார். இதை யாரும் எதிர்பார்க்காததால் இன்ப அதிர்ச்சியாக அமைந்தது. இசை நிகழ்ச்சியை ரசித்து கேட்டார். பின்னர் ரகுமானுடன் சிறிது நேரம் மனம்விட்டு பேசிவிட்டு அங்கிருந்து புறப்பட்டார்’’ என்றார்.

பட விழாவில் பரபரப்பு : மனிஷா கொய்ராலா போதையில் ஆட்டம்!

பட தொடக்க விழாவில் பங்கேற்ற மனிஷா கொய்ராலா போதையில் தள்ளாடியதால் பரபரப்பு ஏற்பட்டது. ‘உயிரே’, ‘பாபா’, ‘மும்பை எக்ஸ்பிரஸ்’, ‘இந்தியன்’, ‘மாப்பிள்ளை’ உள்ளிட்ட பல படங்களில் நடித்திருப்பவர் மனிஷா கொய்ராலா. நேபாளத்தை சேர்ந்த தொழில் அதிபர் சாம்ராட் தாஹல் என்பவரை சில ஆண்டுகளுக்கு முன் மணந்தார். கடந்த ஆண்டு தனது பேஸ்புக் பக்கத்தில் கணவர் சாம்ராட்டை பற்றி விமர்சித்து கருத்து தெரிவித்திருந்தார். ‘என் கணவர் எனக்கு எதிரியாகிவிட்டார்.

ஒரு பெண்ணுக்கு இதைவிட கொடுமை என்னவிருக்கிறது’ என்று விரக்தியுடன் குறிப்பிட்டிருந்தார். இதையடுத்து இருவரும் பிரியும் சூழல் உருவானது. இருகுடும்பத்தாரும் தலையிட்டு பிரச்னையை சுமூகமாக தீர்த்து வைத்தனர். இந்நிலையில் சமீபத்தில் மும்பையில் ரோஹித் ராய்யின் புதிய படமான ‘ஷாவுகீன்’ தொடக்க விழா நடந்தது. இதில் மனிஷா கலந்துகொண்டார். அப்போது அவர் அளவுக்கு அதிகமாக குடித்துவிட்டு போதையில் தள்ளாடினார். இதனால் பரபரப்பு ஏற்பட்டது. பின்னர் அவரை கைதாங்கலாக அங்கிருந்து அழைத்து சென்றனர்.

மைகேல் ஜாக்ஸன் பாணியில் பிரபுதேவா இசை ஆல்பம்!

மைக்கேல் ஜாக்ஸன் பாணியில் பிரபுதேவா இசை ஆல்பம் தயாரிக்கிறார். சிறுவயதிலிருந்தே மைக்கேல் ஜாக்ஸன் ரசிகராக வளர்ந்தவர் பிரபுதேவா. ஒருமுறையாவது ஜாக்ஸனுடன் மேடையில் ஆட வேண்டும் என்பது அவரது ஆசை. அது நிறைவேறவில்லை. இந்நிலையில் தனது மற்றொரு கனவான மியூசிக் ஆல்பம் தயாரிக்கும் வேலையில் ஈடுபட்டிருக்கிறார்.
இதுபற்றி பிரபுதேவா கூறும்போது, ‘‘மைக்கேல் ஜாக்சன் பாணியிலான மியூசிக் ஆல்பம் உருவாக்கும் பணியில் ஈடுபட்டிருக்கிறேன்.

எனது நண்பர்கள் விஷ்ணுதேவா, போனி உள்ளிட்ட பலர் எனது கனவை நனவாக்க கைகொடுத்துள்ளனர். இதன் ரெகார்டிங் பணிகள் மும்பையில் விரைவில் தொடங்க உள்ளது. 7டி கேமிராவில் இது பதிவாகிறது. மற்ற விவரங்கள் பிறகு தெரிவிப்பேன்’’ என்றார். சர்வதேச தரத்தில் இசை ஆல்பத்தை உருவாக்குகிறார் பிரபுதேவா. இதையடுத்து தான் இயக்கும் ‘ரவுடி ரத்தோர்’ இந்தி படத்தின் 3வது கட்ட ஷூட்டிங்கை விரைந்து முடிக்கிறார்

நடிகையால் ஷூட்டிங் பெண்டிங்!!!

நல்ல காலம் பொறக்குது..
நல்ல காலம் பொறக்குது..

கோலிவுட்டில் தடை தாக்கற படத்துல நடிக்கிற மம்தவான ஹீரோயின் திடீர்ன்னு கல்யாணம் பண்ணிட்டாராம்.. பண்ணிட்டாராம்.. இதனால தடை படத்துக்கு விட்டுப்போன காட்சிகள எடுக்கறதுல தடை ஏற்பட்டிருக்காம். மற்றொரு ஹீரோயினோட மம்த நடிகை நடிக்க வேண்டிய காட்சி பாக்கி இருக்காம். ஆனால் கல்யாணம் ஆன குஷில அத கண்டுக்காம இருக்காராம். ஷூட்டிங் முடியறதுக்கு முன்னேயே டும் டும் கொட்டினதால கால்ஷீட் வாங்க முடியாம பட குழு மண்டை காஞ்சிபோயிருக்காங்களாம்.. இருக்காங்களாம்..

Friday, January 27, 2012

நண்பன் படத்திற்கு எதிராக உண்ணாவிரத போராட்டம்!!!

நடிகர் விஜய் நடித்த "நண்பன் படத்தில் ஆண்டி, பண்டாரம் என ஜாதியின் பெயரை குறித்து வசனங்கள் வருவதால், அவற்றை நீக்கக் கோரி விரைவில் உண்ணாவிரதப் போராட்டம் நடத்த தமிழ்நாடு மிகப் பிற்படுத்தப்பட்டோர் நலக் கூட்டமைப்பு முடிவு செய்துள்ளது. திரைப்பட தயாரிப்பாளர்கள் சங்கத் தலைவர் சந்திரசேகர், இயக்குனர் ஷங்கர் மற்றும் தணிக்கைக் குழு உறுப்பினர்களுக்கு அக்கூட்டமைப்பின் தலைவர் சேம நாராயணன் அனுப்பியுள்ள கடிதம்: மிகவும் பிற்படுத்தப்பட்டோர் சமுதாயத்தை சேர்ந்த ஆண்டி, பண்டார சமூகத்தினர்கள் தமிழகத்தில் பரவலாக உள்ளனர். அவர்கள் கல்வி, வேலை வாய்ப்புகளைப் பெற்று வாழ்ந்து வருகின்றனர்.

நண்பன் திரைப்படத்தில் சில காட்சிகளில் ஆண்டி, பண்டாரம் என ஜாதியின் பெயரை குறித்து வரும் வசனங்கள் அச்சமுதாய மக்கள் மனம் புண்படும் அளவிற்கு அமைந்துள்ளது. ஆண்டி என்றும், பண்டாரம் என்றும் வரும் அந்த வார்த்தைகளையும், பாரி, பூரி, கக்கூஸ் நாரி என்ற வார்த்தைகளையும் அப்படத்தில் இருந்து நீக்க வேண்டும். அந்த வசனத்தை நீக்கவில்லை என்றால் உண்ணாவிரதப் போராட்டம் நடத்த முடிவு செய்துள்ளோம். இவ்வாறு கடிதத்தில் கூறியுள்ளார்.

புயல் நிவாரண நிதிக்கு ஜெ.விடம் ரூ.10 லட்சம் கொடுத்த ரஜினிகாந்த்!!!

சூப்பர் ஸ்டார் ரஜினிகாந்த் இன்று தமிழக முதல்வர் ஜெயலலிதாவை தலைமைச் செயலகத்தில் சந்தித்து தானே புயல் நிவாரண நிதிக்காக ரூ.10 லட்சத்திற்கான காசோலையை கொடுத்தார்.

கடந்த டிசம்பர் மாதம் 30ம் தேதி வீசிய தானே புயலால் தமிழகத்தில் கடலூர், விழுப்புரம் மாவட்டங்கள் மற்றும் புதுவையில் பெரும் சேதம் ஏற்பட்டது. இந்த புயலுக்கு 48 பேர் பலியாகினர். பலர் வீடுகளை இழந்து தவித்து வருகின்றனர். பயிர்கள் சேதமடைந்ததால் விவசாயிகள் கவலையில் ஆழ்ந்துள்ளனர். கடலூர் மாவட்டம் தற்போது தான் ஓரளவு மீண்டு வந்து கொண்டிருக்கிறது. புயலால் பாதிக்கப்பட்டவர்களுக்கு தமிழக அரசு நிவாரண நிதி வழங்கி வருகிறது.

இந்நிலையில் தானே புயல் நிவாரண நிதிக்கு தானும் ஏதேனும் கொடுக்க வேண்டும் என்று சூப்பர் ஸ்டார் ரஜினிகாந்த் நினைத்தார். இதையடுத்து அவர் இன்று தலைமைச் செயலகத்திற்கு சென்று முதல்வர் ஜெயலலிதாவை சந்தித்து அவரிடம் ரூ.10 லட்சத்திற்கான காசோலையை வழங்கினார். அப்போது உயர் அதிகாரிகள் பலர் உடன் இருந்தனர்.

அதன் பின்னர் செய்தியாளர்களிடம் பேசிய ரஜினிகாந்த் கூறியதாவது, முதல்வர் ஜெயலலிதாவை மரியாதை நிமித்தமாகத் தான் சந்தித்தேன். எனது உடல் நலம் தேற வாழ்த்து தெரிவித்ததற்கு நன்றி கூறினேன். விரைவில் புதிய படம் மூலம் எனது ரசிகர்களை சந்திப்பேன் என்றார்.

உடல் நலம் தேறிய பிறகு ரஜினிகாந்த் ஜெயலலிதாவை சந்திப்பது இதுவே முதல் முறையாகும்.

தமன்னாவும், பக்திப் பழமும்!!!

நடிகை தமன்னா தற்போது பக்திப் பழமாகி விட்டாராம். எப்பப் பார்த்தாலும் ஹோமம், புனஸ்காரம் என்று புகையும், பூஜையுமாக பிசியாக இருக்கிறாராம்.

ஒரு காலத்தில் தமன்னாவுக்கு தமிழில் அத்தனை மவுசு இருந்தது. ஆனால் தற்போது நிலைமை தலைகீழாக மாறிவிட்டது. தனுஷுடன் ஜோடி சேர்ந்து நடித்த வேங்கைக்குப் பிறகு அவருக்கு தமிழில் வாய்ப்புகள் வந்ததாகத் தெரியவில்லை. ஆனால் அம்மணி தெலுங்கில் பிசியாகத் தான் இருக்கிறார். சும்மா ஓடி, ஓடி நடிக்கிறார்.

ஆனால் தற்போது தமன்னாவைப் பார்ப்பவர்கள் என்னாச்சு இந்த பொண்ணுக்கு இப்படி பக்தி மானாய் மாறிவிட்டதே என்று ஆச்சரியப்படுகிறார்களாம்.

என்ன நம்ப முடியவில்லையா, அட நம்புங்கப்பா. ஹைதராபாத் வந்தால் போதும் தமன்னா கோவில் கோவிலாக ஏறி இறங்குகிறாராம். அட அப்படி என்ன தான் உருகி, உருகி வேண்டுகிறார் என்று தான் தெரியவில்லை.

மும்பைக்கு சென்றால் தனது வீட்டில் ஹோமம், பூஜை நடத்துகிறாராம். தற்போது தமன்னா இருக்குமிடம், போகுமிடமெல்லாம் பக்தி மயமாக உள்ளது.

பார்த்து, புகை ஜாஸ்தியாக கண்ணைக் கெடுத்துடப் போகுது...!

ஆட்டம் போடும் அமலா பால்... அதிர்ந்து நிற்கும் தயாரிப்பாளர்கள்!!!

தமிழ் சினிமா எத்தனையோ சாதனையாளர்களை தடவிக் கொடுத்து மகிழ்ந்திருக்கிறது... தீராத தலைவலியாய் திகழ்ந்தவர்களை சுளுக்கெடுத்தும் அனுப்பியுள்ளது.

தமிழ் சினிமாவின் இப்போதைய பெரும் தலைவலியாக உருவெடுத்துள்ளவர் அமலா பால். அம்மணி அலட்டும் அலட்டல் இருக்கிறதே.... இவரை நம்பி ஒப்பந்தம் செய்து படமெடுத்து வரும் தயாரிப்பாளர்களை அதிர வைத்திருக்கிறது.

வீரசேகரன் என்ற படத்தின் மூலம் நடிக்க வந்தவர் அமலா பால். இப்போது கேட்டால் 'ஆங்... அப்டி ஒரு படம் வந்ததா' என்பார். இந்தப் படத்துக்குப் பிறகு அம்மணி நடித்த படம் மாமனாரின் இன்பவெறி..சாரி.. சிந்து சமவெளி!

அதன் பிறகு சீந்துவாரின்றி கிடந்த அமலா பாலுக்கு வாழ்க்கை கொடுத்த படம் மைனா. போகிற இடமெல்லாம் மைனாதான் எனது முதல் படமாக்கும் என்று சொல்ல அமலா தயங்குவதே இல்லை. சரி அது அவர் விருப்பம். இப்போது விஷயம் ரொம்ப சீரியஸானது. அமலா பாலின் கேரியரையே காலி பண்ணும் அளவுக்கு!

சின்னதோ பெரியதோ.. ஒரு படத்தில் நடிக்க ஒப்புக் கொண்டால், அந்தப் படம் வெளியாகும்போது செய்யப்பட்டம் இசைவெளியீடு போன்ற புரமோஷனல் நிகழ்ச்சிகள், பிரஸ் மீட், சேனல் பேட்டி என அனைத்துக்கும் நடிகைகள் வரவேண்டும் என்பது தயாரிப்பாளர்கள் முன்கூட்டியே போடும் நிபந்தனை. இதற்கு ஒப்புக்கொண்டுதான் நடிக்க வருகிறார்கள் நடிகைகள்.

பெரும்பாலானோர் ஒப்புக் கொண்டபடி நடந்துகொள்கின்றனர். ஆனால் அமலா பால் போன்றோர் டிமிக்கி கொடுத்து தயாரிப்பாளரை அசிங்கப்படுத்துகின்றனர் (அமலா போன்றவர்களை தலையில் தூக்கி வைத்து ஆடும் இவர்களுக்கு இதுவும் வேணும்).

மைனா ஹிட்டானதிலிருந்தே தலைகால் புரியாமல் நடந்து கொள்ளும் அமலா பால், பத்திரிகையாளர் சந்திப்புகள் மற்றும் ஆடியோ வெளியீட்டு விழாக்களுக்கு வர ரொம்பவே பிகு பண்ணுவது வழக்கம்.

இப்படித்தான் தெய்வத் திருமகள் பிரஸ்மீட்டுக்கு வந்த அமலா பாலை புகைப்படக்காரர்கள் படமெடுக்க முயன்றபோது, 'எனக்கு மூட் இல்ல... போங்க போங்க' என்று விரட்டினார். அடுத்த நாள் இயக்குநர் விஜய்யுடன் ஒரு விருது வழங்கும் விழாவுக்கு வந்தார். அங்கும் படமெடுக்க முயன்றவர்களை கோபமாகத் திட்டிவிட்டு ஓடினார்.

ஒரு முறை இருமுறை அல்ல... மைனாவுக்குப் பின் அமலா பால் நடித்த தெய்வத் திருமகள், வேட்டை, இப்போது நடித்துக் கொண்டிருக்கும் முப்பொழுதும் உன் கற்பனைகள் மற்றும் காதலில் சொதப்புவது எப்படி ஆகிய படங்களின் பிரஸ் மீட்களில் இதுவே அமலா பாலின் வாடிக்கையாகிவிட்டது.

குறிப்பாக முப்பொழுதும் உன் கற்பனைகள் படத்துக்கான சேனல் இன்டர்வியூவுக்கு தயாரிப்பாளரின் பணத்தில் கேரளாவிலிருந்து விமானத்தில் வந்த அமலா, இரண்டு டிவி சேனலுக்குதான் பேட்டி தருவேன் என்று கூறிவிட்டாராம். அதுவும் எப்படி... 9 மணிக்கு வரவேண்டியவர்... 11 மணிக்கு வந்துவிட்டு, இப்படி ஜம்பமாய் சொல்ல, வந்திருந்த மற்ற டிவி சேனல்காரர்கள் கடுப்பாகி, பேட்டியெடுக்க முயன்றபோது, "உங்க சேனலை யார் பாக்குறாங்க... நான் பெரிய சேனல்களுக்குத்தான் தருவேன். உங்களுக்கு பேட்டி தரமுடியாது" என்று கூறிவிட்டார். இத்தனைக்கும் தமிழில் பிரபலமான சேனல்கள் அவை.

அமலா பாலின் இந்த நடவடிக்கையால் கடுப்பான சேனல்காரர்கள் கேமராவை ஏறக்கட்ட தயாரிப்பாளரும் இயக்குநருமான எல்ரெட் குமார் பதறியபடி சமாதானம் செய்ய முயன்றார். அதற்கு மீண்டும் ஒரு குண்டை தூக்கிப் போட்டார் அமலா. "சார் எனக்கு பர்சனல் வொர்க் இருக்கு. நான் போறேன்," என்று கூறிவிட்டு போயே போய்விட்டார். டிக்கெட் செலவு தயாரிப்பாளர் காசு... பார்ப்பது சொந்த வேலை... சேனல் மீட்டும் கெட்டது. இதெப்டி இருக்கு!

அடுத்த நாளே இன்னொரு நிகழ்ச்சி... இது நடந்தது காதலில் சொதப்புவது எப்படி பட இசை வெளியீட்டு விழாவில். படத்தின் நாயகியான இவர் விழாவுக்கே வராததால் நிகழ்ச்சி சொதப்பலாகிவிட்டது. விஷயத்தைக் கேட்டபோது, இன்று மாலை தனக்கு அரியர்ஸ் எக்ஸாம் இருப்பதால் வர முடியாது என அமலா கூறிவிட்டார் என்றார்கள்.

"குருவாயூரப்பன் ஊரில் பிறந்தால் லாஜிக்கே இல்லாமல் பொய் புளுகுவது சகஜம் போலிருக்கிறது. கேரளாவில் இப்போது எந்த தேர்வும் நடக்காது. இன்னொன்று, மாலை நேரத்தில் எந்த கல்லூரி அல்லது நிறுவனத்தில் தேர்வு நடக்கிறதென்று புரியவில்லையே," என்று கமெண்ட் அடித்தார் படக்குழுவைச் சேர்ந்தவர்.

இப்படி அடுக்கடுக்காக வரும் புகார்களால், அடுத்து அமலா பாலை ஒப்பந்தம் செய்ய தயாரிப்பாளர்கள் தயங்க ஆரம்பித்துள்ளனர். அமலா இப்போது இரண்டு தெலுங்குப் படங்கள் பண்ணுகிறார். அவரது கால்ஷீட்டுக்கு காத்திருந்த இரண்டு தமிழ் தயாரிப்பாளர்கள், 'பரவாயில்லை, அமலா ஹைதராபாதிலேயே இருக்கட்டும்' என்று முடிவு செய்து வேறு நடிகைகளை ஒப்பந்தம் செய்துவிட்டது லேட்டஸ்ட் சங்கதி!

அமலாவின் அலம்பல்களை பத்திரிகையாளர்களும் புகைப்படக்காரர்களும் வெளியில் சொல்லி அது செய்தியாக வந்ததும், உடனடியாக தனக்கு வேண்டப்பட்ட சில மலையாள நிருபர்களைக் கொண்டு அமலா அப்படியாக்கும் இப்படியாக்கும் என செய்தி வெளியிட ஆரம்பித்துள்ளது இன்னொரு பெரிய கதை!

Thursday, January 26, 2012

சென்னையில் ரிலீஸ் ஆகாத தமிழ்ப்படம்!!!

சிவாஜி, சுஜாதா ஜோடி சேர்ந்த படம் ‘அந்தமான் காதலி’. முக்தா சீனிவாசன் இயக்கினார். எம்.எஸ்.வியின் இசையில் யேசுதாஸின் குரலில் ஹிட் பாடல்கள் இடம்பெற்ற படம். கவிதா, சுகுமாரி, மனோரமா, தேங்காய் சீனிவாசன் ஆகியோருடன் தெலுங்கு ஹீரோ சந்திரமோகனும் நடித்திருந்தார். ‘பேய் மனைவி’ என்ற நாவலை தழுவி மலையாளத்தில் ‘ரக்ஷகானம்’ என்ற பெயரில் படம் வெளியானது. இதை ஷீலா இயக்கி இருந்தார். இதே படம் தெலுங்கில் கிருஷ்ணா நடிப்பில் ‘தெவுடு கௌ¤ச்சாடு’ என ரிலீஸ் ஆனது. அந்த படம்தான் தமிழில் ‘ஆயிரம் ஜென்மங்கள்’ பெயரில் உருவானது. துரை இயக்கியிருந்தார். பத்திரிகையாளர் மதிஒளி சண்முகம் திரைக்கதை, வசனங்களை எழுதினார். ரஜினிகாந்த், லதா, விஜயகுமார், பத்மபிரியா, மனோரமா, புஷ்பலதா, சுருளிராஜன், மதிஒளி சண்முகம் நடித்திருந்தனர்.

அரசு திரைப்பட கல்லூரிக்கு தனி மதிப்பு தந்த படம் ‘அவள் அப்படித்தான்’. காரணம், இந்த படம் மூலம்தான் திரைப்பட கல்லூரி மாணவர்களாலும் சாதிக்க முடியும் என தமிழ் சினிமாவில் நிரூபிக்கப்பட்டது. திரைப்பட கல்லூரி மாணவரான சி.ருத்ரைய்யா, கதை மற்றும் வசனங்கள் எழுதி தயாரித்து இயக்கினார். திரைக்கதையை அவருடன் சேர்ந்து வண்ணநிலவன், சோமசுந்தரேஷ்வர் ஆகியோர் எழுதினர். திரைப்பட கல்லூரி மாணவரான நல்லுசாமி ஞானசேகர் ஒளிப்பதிவு செய்திருந்தார். கண்ணதாசனுடன் சேர்ந்து கங்கை அமரன் பாடல்களை எழுதினார். இளையராஜா இசையமைத்தார். கமல்ஹாசன், ரஜினிகாந்த், ஸ்ரீபிரியா, சிவச்சந்திரன், குட்டி பத்மினி ஆகியோருடன் கவுரவ வேடத்தில் சரிதா நடித்தார். படம் சிறப்பாக ஓடியது.

எஸ்.ஏ.சந்திரசேகரன் சினிமா உலகிற்கு பிரவேசமானது இந்த ஆண்டு தான் (1978). எஸ்.சி.சேகர் என்ற பெயரில் படத்தை தயாரித்து, எழுதி, இயக்கினார். படத்தின் பெயர் ‘அவள் ஒரு பச்சை குழந்தை’. அவரது மனைவி ஷோபா பின்னணி பாடகியாக இப்படத்தில் அறிமுகமானார். வ¤ஜயகுமார், பவானி நடித்தனர். ரஜினி, ஸ்ரீபிரியா, மனோரமா, கீதா, சுருளிராஜன் நடித்த படம் ‘பைரவி’. பாஸ்கர் இயக்கினார். கதை எழுதி கலைஞானம் தயாரித்தார். சிவகுமார் இரட்டை வேடம் ஏற்ற படம் ‘சிட்டுக் குருவி’. நாயகியாக சுமித்ரா நடித்தார். தேவராஜ் மோகன் தயாரித்து இயக்கினர். திரைக்கதை, வசனங்களை வாலி எழுதினார். தொடர்ந்து மூன்று ஆண்டுகளாக கமல், ரஜினி ஜோடி திரையுலகில் ராஜ¢ஜியம் செய்து கொண்டிருந்தது. யாரை பார்த்தாலும் இந்த ஜோடியை நடிக்க வைக்கவே விரும்பினர். இவர்கள் இருவரும் சேர்ந்து நடித்த படங்களும் தொடர்ந்து ஹிட்டானதால் இருவரின் கால்ஷீட்டுக்கு ஏகப்பட்ட டிமாண்ட். டிரெண்டுக்கு ஏற்ப தன்னை மாற்றிக் கொண்ட இயக்குநர் ஸ்ரீதரும் இவர்களை வைத்து படம் எடுத்தார். அதுதான் ‘இளமை ஊஞ்சலாடுகிறது’. இளையராஜா இசையமைத்தார். ஸ்ரீபிரியா, ஜெயசித்ரா, கோபாலகிருஷ்ணன், ஒய்.ஜி. பார்த்தசாரதி நடித்தனர். பாலசந்தருடன் கலக்கிக் கொண்டிருந்த ரஜினி, கமல் முதல்முறையாக ஸ்ரீதருடன் சேர்ந்த இப்படம் வெள்ளி விழா கொண்டாடியது.

ரஜினி படிப்படியாக முன்னேறிக் கொண்டிருந்தார். சிவாஜியுடன் சேர்ந்து அவர் நடித்த படம் ‘ஜஸ்டிஸ் கோபிநாத்’. கே.ஆர்.விஜயா, சுமித்ராவும் நடித்திருந்தனர். யோகானந¢த் இயக்கினார். ஜெயகாந்தனின் ‘சில நேரங்களில் சில மனிதர்கள்’ நாவலை இயக்கிய பீம்சிங், மீண்டும் அவரது நாவலான ‘கருணையினால் அல்ல’ நாவலை தழுவி உருவாக்கிய படம் ‘கருணை உள்ளம்’. ஸ்ரீகாந்த், கே.ஆர்.விஜயா, சுகுமாரி, விஜயகுமார், சோ நடித்தனர். பழம்பெரும் தயாரிப்பாளர் ஆர்.கல்யாணராமன் தயாரித்த படம் ‘கவிராஜ காளமேகம்’. ஜி.ஆர்.நாதன் இயக்கம். டி.எம். சவுந்தரராஜன் ஹீரோ. நிர்மலா, மனோகர் நடித்தனர். படம் வியாபாரம் ஆகாததால் சென்னையில் ரிலீஸ் ஆகவில்லை. ராதிகா அறிமுகமான படம் ‘கிழக்கே போகும் ரயில்’. பாரதிராஜாவுக்கு மீண்டும் பெரிய அளவில் பெயரை பெற்றுத் தந்த படம் இது. புதுமுகம் சுதாகர் ஜோடியாக ராதிகா நடித்தார். பாக்யராஜ், கவுண்டமணி மற்றும் பலருடன் உஷா ராஜேந்தர் நடித்தார். Ôசவேரே வாலி காடிÕ பெயரில் இந்தியிலும் வெளியானது. இளையராஜாவின் இசையில் பாடல்கள் சூப்பர் ஹிட்டானது.

என்னிடம் எல்லாமே ப்ளஸ் தான்: ‌ஹன்சிகா மோத்வானி!!!

2011ம் ஆண்டில் மாப்பிள்ளை படம் மூலம் தமிழ் சினிமாவுக்கு புதிய வரவாக வந்தவர் நடிகை ஹன்சிகா மோத்வானி. தொடர்ந்து எங்கேயும் காதல், வேலாயுதம் போன்ற படங்களில் நடித்தார். தமிழில் நடித்தது 3 படங்கள் தான் என்றாலும் அம்மணிக்கு ஏகப்பட்ட வரவேற்பு. அழகான முகமும், அம்சமான உடல் அமைப்பும் ரசிகர்களை வெகுவாக கவர்ந்துள்ளது. தமிழ்நாட்டின் சின்ன குஷ்பு என்ற பட்டத்துடம் வலம் வந்து கொண்டிருக்கும் ஹன்சிகா, தன்னை பற்றி நம்மோடு பகிர்ந்து கொண்டுள்ளார். அவற்றின் தொகுப்பு இதோ...

நிஜ பெயர் : ஹன்சிகா மோத்வானி

சினிமா பெயர் : ஹன்சிகா மோத்வானி

பிறந்தது : மும்பை

படித்தது : பொலிட்டிகல் சயின்ஸ் (லண்டன் கேம்ப்ரிட்ஜ் பல்கலைக்கழகம்)

முதல்படம் : தேஷ்முத்ரு (தெலுங்கு)

முதல் படம் வெளியூர் சூட்டிங் : ஜெர்மனி (ஆப்கே சரூர்- இந்தி படம்)

மறக்கமுடியாத நபர் : அம்மா

அதிகமுறை பார்த்த படம் : சத்மா

அடிக்கடி பயன்படுத்தும் வார்த்தை : ஓ காட்

பிடித்த உணவு : இட்லி, தோசை

தவிர்க்க விரும்பும் உணவு : சீஸ், ஆயில் ஃபுட்

போக விரும்பிய வேலை : எப்பவுமே நடிகையாவது தான் (சின்ன வயசுல ஹிருத்திக் கூட நடிச்சிருக்கேன்)

பிடித்த கலர்/உடை : ரெட், வொயிட் - சல்வார்

எதைப்பார்த்தால் பொறாமை வரும் : எப்பவும், எதைப் பார்த்தாலும் வராது

பயப்படும் ‌‌ஒரே விஷயம் : ‌கோழி

எந்த விஷயத்தில் அதிக ஆசை : ஷீ மற்றும் பேக்

வெளிப்படையாக பேசி, மற்றவர்களிடம் மாட்டிக்கொண்ட அனுபவம் : ரொம்ப அமைதியான பொன்னு நான் - அப்படியெல்லாம் லூஸ் டாக் விடமாட்டேன்.

நன்றி சொல்ல விரும்பும் நபர் : கடவுள்

நினைவில் இருக்கும் பள்ளி ஆசிரியர் : லூலா (கேம்ப்ரிட்ஜ் பல்கலைக்கழக முதல்வர்)

பயன்படுத்தும் சோப்பு : அம்மா ஸ்கின் டாக்டரா இருப்பதால, எந்த சோப்பும் பயன்படுத்துவது இல்லை. கடலைமாவு மட்டும் தான்.

அதிக உடைகள் வாங்கும் இடம் : பாரீஸ் - லண்டன்

உணவு பழக்கம் தினமும் : காலை - காய்கறி மற்றும் முட்டை வெள்ளை கரு, மதியம் - ரொட்டி - பருப்பு, இரவு - காய்கறி சூப், சாலட்

ஆண்களின் பழக்கம் கற்றுக்‌ கொள்ள விரும்புவது : ஒன்னும் இல்லை

உணர்ச்சி வசப்பட்டால் : நான் நல்லா படம் வரைவேன்

உங்க ப்ளஸ் : என்னிடம் எல்லாமே ப்ளஸ் தான், நல்லா சமைப்பேன், மரியாதையா நடப்பேன், எல்லோரையும் நேசிப்பேன்

உங்க மைனஸ் : ஒன்னும் இல்லை

பிடிவாதம் : ரொம்ப சாப்ட் நான், எந்த கெட்ட பழக்கமும் என்கிட்ட இல்லை

மறக்க முடியாத சம்பவம்/வருஷம் : 2002-ஆனால் அது ரொம்ப பர்சனல்

ஊழலை கையில் எடுக்கிறார் கமல்ஹாசன்!!!

விஸ்வரூபம் படத்திற்கு பிறகு நடிகர் கமல்ஹாசன், ஊழலை மையப்படுத்தி ஒரு படத்தை எடுக்க திட்டமிட்டு இருக்கிறார். தற்போது நடிகர் கமல்ஹாசன் விஸ்வரூபம் படத்தில் படு பிஸியாக இருக்கிறார். ரூ.100 கோடி செலவில் தமிழ், தெலுங்கு, இந்தி என மூன்று மொழியில் உருவாகி வரும் இப்படத்தில் கமல் ஜோடியாக பூஜா குமார் நடிக்கிறார். கமலே இயக்கி, நடித்து தயாரிக்கும் இப்படத்தின் சூட்டிங் வேகமாக வளர்ந்து வரும் நிலையில், தன்னுடைய அடுத்தபடத்திற்கான அறிவிப்பையும் வெளியிட்டுள்ளார் கமல்.

விஸ்வரூபம் படத்திற்கு அடுத்தபடியாக தற்போது நாட்டில் பெரும் பிரச்னையாக உருவெடுத்துள்ள ஊழலை மையப்படுத்தி ஒரு படத்தை எடுக்கவுள்ளார் கமல். தமிழ் மற்றும் இந்தியில் உருவாக இருக்கும் இப்படத்தை கமலே இயக்கி, நடிக்க உள்ளார். இந்தியில் உருவாகும் படத்திற்கு "அமர் ஹெயின்" என்று பெயர் வைத்துள்ளார்.

இதுகுறித்து கமல் கூறுகையில், இந்தபடத்திற்கான கதையை கிட்டத்தட்ட இரண்டு ஆண்டுகளுக்கு முன்னரே தயார் பண்ணிவிட்டேன். ஆனால் அப்போது அந்த படத்தை எடுக்க போதிய தயாரிப்பாளர் கிடைக்கவில்லை. இப்போது அதற்கான நேரம் கூடி வந்துள்ளது. விஸ்வரூபம் படத்தை முடித்த பின்னர் இப்படத்தை எடுக்கவுள்ளேன் என்று கூறியுள்ளார்.

இதனிடையே விஸ்வரூபம் படத்தின் பெரும்பகுதி சூட்டிங்கை கமல் முடித்துவிட்டாராம். இதனால் படத்தை மே மாதம் வெளியிட கமல் திட்டமிட்டு இருப்பதாகவும் கூறப்படுகிறது.

இனி சொந்த குரலிலேயே...! த்ரிஷா அதிரடி முடிவு!!

நடிகை த்ரிஷா தமிழ் சினிமாவுக்கு வந்து கிட்டத்தட்ட பத்தாண்டுகள் ஆகிவிட்டது. சென்னையிலேயே பிறந்து, வளர்ந்த அம்மணி, சமீபத்தில் வெளிவந்த மங்காத்தா படத்தில் தான் சொந்த குரலில் பேசினார். இதில் கிடைத்த நல்ல வரவேற்பு இனி சொந்த குரலிலேயே பேச முடிவெடுத்து இருக்கிறார் த்ரிஷா. இதுகுறித்து அவர் கூறியதாவது, மங்காத்தா படத்தில் வெங்கட் பிரபு என்னை சொந்த குரலில் பேச வைத்தார். படத்தில் என்னுடைய டயலாக் கொஞ்சம் தான் என்றாலும், அதனை சிறப்பாக செய்தேன். வெங்கட்பிரபு கூட பாராட்டினார். மேலும் உங்கள் குரல் தான் நன்றாக இருக்கிறதே, ஏன் நீங்கள் சொந்த குரலில் பேசக்கூடாது என்று கேட்டார். அப்போது முதல் இனி சொந்த குரலில் பேச வேண்டும் என்று முடிவெடுத்தேன். அதன்படி இப்போது விஷாலுடன் நடித்து வரும் சமரன் படத்திலும் சொந்த குரலிலேயே பேசி வருகிறேன்.

சமீபத்தில் தெலுங்கில் வெளிவந்த பாடிகார்ட் படம் தனக்கு நல்ல வரவேற்பை பெற்று தந்துள்ளது. இதனால் ரொம்ப சந்தோஷமாக இருக்கிறது. தனக்கு கிடைத்த நல்ல வேடமாக பாடிகார்ட் படத்தை கருதுகிறேன். இந்தபடம் மூலம் நிறைய பேர், பழம்பெரும் நடிகை சாவித்திரி, மறைந்த நடிகை சவுந்தர்யா போன்றோருடன் என்னை ஒப்பிட்டு பாராட்டுகின்றனர். இதை பெரிய கவுரவமாக கருதுகிறேன். அதேசமயம் அவர்கள் இருவரும் திரையுலகில் சகாப்தமாக வாழ்ந்தவர்கள். எனவே அவர்களோடு என்னை ஒப்பிட்டு பேசுவதை நான் ஏற்கவில்லை என்று கூறியுள்ளார்.

சிம்ரன், ஜோதிகா மாதிரி ஆக சமீரா ரெட்டி ஆசை!

கிளாமரைத் தாண்டி சினிமாவில் ஜெயிக்க வேண்டும் என்று சமீரா ரெட்டி கூறினார். இதுபற்றி அவர் கூறியதாவது: இந்தியில் நடித்துள்ள ‘தேஜ்’ படம் ஏப்ரல் மாதம் ரிலீஸ் ஆக இருக்கிறது. அனில்கபூர், அஜய்தேவ்கனுடன் நடித்துள்ளேன். இதில் ஆக்ஷன் காட்சிகளிலும் நடித்துள்ளேன். இந்தப் படத்திலும் ‘வேட்டை’ படத்திலும் மாறி மாறி நடித்தேன். முதல் நாள் மாடர்ன் டிரெஸ் என்றால் மறுநாள் ‘வேட்டை’க்காக பாவாடை, தாவணியில் நடித்தது வித்தியாசமாக இருந்தது. இந்தியை விட தென்னிந்திய படங்களில் நடிப்பதை முக்கியமாக கருதுகிறேன். தமிழ், தெலுங்கில் நடித்துவிட்டேன். கன்னடப் படங்களில் நடிக்கவில்லை. இப்போது கதைகள் கேட்டு வருகிறேன். நடிப்புக்கு முக்கியத்துவம் உள்ள கேரக்டர்களில் நடிக்க ஆர்வமாக இருக்கிறேன். சிம்ரன், ஜோதிகா பெயர்கள் கிளாமரைத் தாண்டி நடிப்புக்காகப் பேசப்பட்டுக்கொண்டிருக்கிறது. அவர்களைப் போல ஆகவேண்டும் என நினைக்கிறேன். இவ்வாறு சமீரா ரெட்டி கூறினார்.

மீண்டும் ஷங்கர் இயக்கத்தில் விக்ரம்?

பிரம்மாண்ட இயக்குனர் ஷங்கரின் அடுத்த படத்தில் சீயான் விக்ரம் ஹீரோவாக நடிக்கிறார். ஷங்கர் இயக்கத்தில் இளைய தளபதி விஜய் நடிப்பில் வெளிவந்துள்ள 'நண்பன்' படம் வெற்றிகரமாக ஓடிக்கொண்டிருக்கிறது. இதனையடுத்து ஷங்கரின் அடுத்த பட அறிவிப்பு குறித்து தகவல்கள் வெளியாகியுள்ளன. நண்பன் படத்துக்கு பிறகு, சிறிது காலம் குடும்பத்துடன் ஓய்வு எடுக்க முடிவு செய்துள்ள ஷங்கர், கல்பாத்தி எஸ் அகோரம் நிறுவனத்திற்கு ஒரு படம் பண்ணி தர ஒப்புக்கொண்டுள்ளார். படத்திற்கு யார் ஹீரோ என்பது குறித்து எந்த ஒரு தகவலையும், தயாரிப்பு நிறுவனமோ (அ) ஷங்கரோ சொல்லவில்லை. தற்போது இந்த தகவல் கசிய தொடங்கியுள்ளது. ஆக்ஷன் + த்ரில்லர் கலந்த இந்த படத்தில் சீயான் விக்ரம் ஹீரோவாக நடிக்கிறார் என தகவல்கள் வெளியாகியுள்ளன. படத்தின் பெயர், இசையமைப்பாளர், ஹீரோயின் குறித்து விரைவில் தகவல்கள் வெளியாகும் என தெரிகிறது. ஏற்கனவே ஷங்கர்-விக்ரம் கூட்டணியில் வெளிவந்த அந்நியன் படம் மிகப்பெரிய வெற்றியை பெற்றது என்பது குறிப்பிடத்தக்கது.

Sunday, January 22, 2012

விஜய்யை அடிக்க தயங்கிய ஸ்ரீகாந்த்!!!

நீண்ட இடைவெளிக்கு பிறகு ஷங்கர் இயக்கத்தில் வெளிவந்துள்ள நண்பன் படம் மூலம், நடிகர் ஸ்ரீகாந்த்திற்கு ஒரு பிரேக் கிடைத்திருக்கிறது என்றால் அதுமிகையல்ல. விஜய், ஜீவா ஆகியோருடன் சேர்ந்து ஸ்ரீகாந்தும் நண்பன் படத்தில் அற்புதமான நடிப்பை வெளிப்படுத்தி இருந்தார். இந்நிலையில் நண்பன் படத்தின் க்ளைமாக்ஸ் காட்சியில் நடிகர் விஜய்யை, ஜீவாவும், ஸ்ரீகாந்தும் அடிப்பது போன்று ஒரு காட்சி. ஆனால் இந்த காட்சியில் நடிக்க தயங்கியதாக ஸ்ரீகாந்த் கூறியுள்ளார்.

இதுகுறித்து அவர் கூறியுள்ளதாவது, ஜீவாவும், நானும் விஜய்யை அடிப்பது போன்று காட்சி. ஆனால் இதில் நடிக்க நான் தயங்கினேன். பிறகு விஜய்யே வந்து தயங்காதீர்கள், இந்த காட்சிக்கு ரசிகர்கள் மத்தியில் வரவேற்பு இருக்கும் என்று உற்சாகப்படுத்தினார். அதன்பின்னர் அந்தகாட்சியில் நடித்தேன். விஜய் ‌சொன்னது போன்று பலரும் அந்தக்காட்சியை பாராட்டினார்கள். சூட்டிங்கில் மூவரும் நல்ல நண்பர்களாகத்தான் இருந்தோம். நண்பன் படம் மூன்று ஹீரோ சப்ஜெக்ட் என்றாலும் மூவருக்கும் சமமான கேரக்டர் தான். இதனால் மூவரும் தங்களது நடிப்பை வெளிப்படுத்த முடிந்தது. அப்படி ஒரு கேரக்டரை அமைத்து கொடுத்த டைரக்டர் ஷங்கர் சாருக்கு நன்றி. ஷங்கர் சார் டைரக்டர் மட்டுமல்ல, ஒரு சிறந்த நடிகரும் கூட. அவர் எப்படி நடிக்க சொன்னாரோ, அதன்படி அப்படியே நடித்தேன் என்றார்.

பசங்களுக்குப், 'பாம்பு' பெட்டர்!; சொல்கிறார் மல்லிகா ஷெராவத்!!!

எனக்கு ஆண்கள் கொடுத்த முத்தத்தை விட 'ஹிஸ்' படத்தில் பாம்பு கொடுத்த முத்தம்தான் பிடித்திருக்கிறது. ஆண்களை விட பாம்புதான் எனக்கு பெஸ்ட் 'லவ்வர்' என்று 'டெர்ரர்' ஆக கூறியுள்ளார் மல்லிகா ஷெராவத்.

மேலும் வர வர தனக்கு ஆண்கள் மீதான ஆர்வம் குறைந்து வருவதாகவும் அவர் கூறியுள்ளது, மல்லிகா மோகத்தில் உள்ள ஆண்களின் மனதில் தீயை பாய்ச்சுவதாக அமைந்துள்ளது.

தசாவதாரத்தில் வில்லியாக வந்து போன 'வடக்கத்தி அல்வா' மல்லிகா ஷெராவத், சமீபத்தில் ஒஸ்தி படத்தில் ஓய்யாரமாக ஒரு ஆட்டம் போட்டு கலக்கி விட்டுப் போனார். தற்போதெல்லாம் இவர் பெரும்பாலும் ஹாலிவுட் பக்கம்தான் அதிகம் புழங்கி வருகிறார். இந்த நிலையில் லக்கி அன்லக்கி மற்றும் கிஸ்மத் லவ் பெய்சா டில்லி என்ற இரு படங்களுக்காக இந்தியா வந்திருந்தார்.

அப்போது ஒரு நாளிதழுக்கு அளித்த பேட்டியில் அதிரடியாக கருத்துக்களைக் கூறி கலக்கியுள்ளார். மல்லிகாவின் பேட்டியிலிருந்து சில துளிகள்...

பாலிவுட்டுக்கு ஹாலிவுட் பெட்டர்... பாலிவுட்டில் நடிப்பது ரொம்பக் கஷ்டம். ஹாலிவுட்டில் அப்படியில்லை. அங்கு ஈகோ கிடையாது, பாலிட்டிக்ஸ் கிடையாது, குறிப்பாக பின்னால் பேச மாட்டார்கள். எதுவாக இருந்தாலும் நேருக்கு நேர் முகத்துக்கு நேர் பேசி விடுவார்கள். தெளிவாக இருப்பார்கள். சந்தர்ப்பவாதம் கிடையாது. நட்பு ரீதியான, தொழில் முறையிலான அணுகுமுறைதான் அங்கு முக்கியமானது. ஆனால் பாலிவுட் இதற்கு நேர் மாறாக உள்ளது.

அமெரிக்க அதிபர் ஒபாமாவை சமீபத்தில் சந்திக்க நேர்ந்தபோது மிகவும் எளிமையாகப் பேசினார். அவர் என்னிடம் பேசுகையி்ல், சுதந்திரத்தின் வேட்கைக்கு அமெரிக்கா எப்போதுமே தலைவணங்குகிறது. அதில்தான் அமெரிக்காவை கட்டியெழுப்பியுள்ளோம். உங்களின் கலைச் சேவைக்கு நான் மரியாதை செய்கிறேன். உங்களைப் பார்த்துப் பெருமைப்படுகிறேன் என்று கூறி என்னை வாழ்த்தினார். இதை நான் சாகும் வரை மறக்க மாட்டேன்.

முன்பெல்லாம் ஹாலிவுட்டில் பிற இனத்தவர்களை மட்டம் தட்டுவது போல கேரக்டர்கள் வைப்பதுண்டு. வேலைக்காரப் பெண்மணி கேரக்டர்களில் ஸ்பானிஷ் பேசுபவர்களைப் பார்க்கலாம். கூலிப்படையினராக ஆப்பிரிக்க அமெரிக்கர்களைக் காணலாம். தீவிரவாதிகள் என்றால் மத்திய கிழக்கு நாடுகளைச் சேர்ந்தவர்களை வர்ணிப்பார்கள். ஆனால் இப்போது அந்த எண்ணம் மாறி விட்டது. குறிப்பாக ஸ்லம்டாக் மில்லியனர் வந்த பிறகு இது மாறியுள்ளது. ஹாலிவுட்டில் உள்ள நடிகர்களை விட இளம் இயக்குநர்கள் மிகுந்த துணிச்சலுடன் பல்வேறு பரீட்சார்த்த முயற்சிகளை மேற்கொள்கிறார்கள். இதனால்தான் என்னைப் பல்வேறு ஹாலிவுட் படங்களில் அவர்களால் நடிக்க வைக்க முடிகிறது.

சமீபத்தில் உங்களை முத்தமிட்டபோது எந்த விசேஷமும் தெரியவில்லை என்று நடிகர் இம்ரான் கூறியிருந்தாரே என்று கேட்டபோது, இது அவரது கருத்தாக இருக்கலாம். ஆனால் எனக்கு ஹிஸ் படத்தில் பாம்பு கொடுத்த முததமும், அதற்கு நான் கொடுத்த முத்தமும்தான் திரில்லாக இருந்தது. பாம்புதான் உணமையிலேயே மிகச் சிறந்த கிஸ்ஸர். எனக்கு அதுதான் பெஸ்ட் லவ்வராகவும் இருந்தது என்றார் மல்லிகா நெத்தியடியாய்.

சரி இப்போது யாருடன் லவ்வில் இருக்கிறீர்கள் என்று கேட்டபோது, அப்படியெல்லாம் எதுவும் இல்லை. வர வர நான் சாமியார் போல மாறி வருகிறேன். எனது வேலையில்தான் இப்போதெல்லாம் எனக்கு கவனம் அதிகமாக இருக்கிறது. இப்போதெல்லாம் ஆண்களை விட திரைக்கதைதான் என்னை அதிகம் கவருகிறது என்று கூறியுள்ளார் மல்லிகா.

சாய்த்து முத்தமிட்டதால் இலியானா மூக்கு இடிக்கவில்லை... விஜய் விளக்கம்!!!

காட்சிக்குத் தேவைப்பட்டதால்தான் இலியானாவுக்கு நண்பன் படத்தில் முத்தமிட்டேன். அதேசமயம், அவருக்கு நான் நேருக்கு நேராக முத்தமிடவில்லை. இதனால் மூக்கு இடிக்கவில்லை என்று முத்தமிட்டது தொடர்பாக வித்தியாசமான விளக்கம் அளித்துள்ளார் விஜய்.

நண்பன் படம் படு வேகமாகப் போய்க் கொண்டிருப்பது நண்பன் படக் குழுவை மகிழ்ச்சியின் உச்சத்திற்குக் கொண்டு போயுள்ளது. இப்படிப்பட்ட படங்களில் விஜய் தொடர்ந்து நடித்தால் எப்படியிருக்கும் என்று ரசிகர்கள் ஆர்வத்தோடு கூறுவதைப் பார்க்க முடிகிறது.

ஆண்கள், பெண்கள், குழந்தைகள், பெரியவர்கள் என அத்தனைத் தரப்பினரும் நண்பனைப் பார்க்க அலை மோதுவதை தியேட்டர்களில் காண முடிகிறது. நண்பன் படம் வசூலில் அள்ளிக் கொண்டிருப்பதை தமிழ்த் திரையுலகமும் கூட சந்தோஷத்துடன் பார்த்துக் கொண்டிருக்கிறது.

இந்த நிலையில் நேற்று செய்தியாளர்களைச் சந்தித்தார் விஜய். அப்போது அவர் கூறுகையில்,

நண்பன் படம் நல்லா போகுது. வசூலில் என் முந்தைய படங்கள் சாதனையை முறியடித்துள்ளதாகவும் தகவல் வருது. வித்தியாசமான கேரக்டர்களில் நடிக்க ஆர்வம் இருந்தது. இந்தியில் 3 இடியட்ஸ் பார்த்த போது ரொம்ப பிடித்தது. அதனால் அதன் ரீமேக்கில் நடித்தேன். இது மாதிரி கேரக்டர்களில் நடிக்க கதை, இயக்குனர், தயாரிப்பாளர் எல்லோரும் எதிர்பார்த்த மாதிரி அமைய வேண்டும்.

நண்பன் படத்தில் அது அமைந்தது. இதில் ஆக்ஷன், பன்ச் வசனம் இல்லை. பத்து பேரை அடித்து சண்டை போடுவது ஒரு வகை ஹீரோயிசமாக இருந்தாலும் நண்பன் பட கேரக்டர் வேறு விதமான ஹீரோயிசம்.

என்னை திரையில் வித்தியாசமாக பார்க்க ஆசைப்பட்டேன். அது நண்பன் படத்தில் நிறைவேறியது. என் படங்களில் பஞ்ச் வசனங்களை திணிக்க விரும்ப மாட்டேன். சீன்களுக்கு தேவைப்பட்டால் மட்டுமே பேசுவேன்.

நண்பன் படத்தில் கதைக்கு தேவையாக இருந்ததால் இலியானாவுடன் முத்த காட்சியில் நடித்தேன். அதேசமயம், நேருக்கு நேராக முத்தம் கொடுக்கவில்லை. மாறாக சாய்த்துக் கொடுத்ததால், மூக்குடன் மூக்கு இடிக்கவில்லை.

ஸ்ரீகாந்த், ஜீவா பேன்ட் கழற்றும் சீன்கள் தவறாக தெரியவில்லை. கல்லூரி ராக்கிங்குகளில் அவை நடப்பவை தான். படப்பிடிப்பில் ஸ்ரீகாந்த்தும் ஜீவாவும் எனக்கு நெருக்கமான நண்பர்களாகி விட்டனர்.

தற்கால கல்வி முறையின் தவறுகள் படத்தில் சுட்டிக் காட்டிப்பட்டு உள்ளது. மாணவர்களுக்கு எந்த துறையிலும் ஆர்வம் இருக்கிறதோ அதில் அனுப்ப வேண்டும். எனது அப்பா என்னை டாக்டராக்க ஆசைப்பட்டார். எனக்கு நடிப்பில் ஆர்வம் இருந்ததால் சினிமாவுக்கு வந்து விட்டேன். எனது மகனுக்கு கிரிக்கெட்டில் ஆர்வம் இருக்கிறது.

அடுத்து துப்பாக்கி படத்தில் நடிக்கிறேன். இப்படம் வேறு பரிமானத்தில் இருக்கும். நண்பன் படத்துக்கு கேளிக்கை வரி விலக்கு அளித்த முதல்வருக்கு நன்றி தெரிவித்துக் கொள்கிறேன் என்றார் விஜய்.

சரி இந்திப் படத்தில் நடிப்பீர்களா என்ற செய்தியாளர்களின் கேள்விகளுக்குப் பதிலளித்த விஜய், ஏன் நல்லாத்தானே போய்ட்டிருக்கு என்று சிரித்தபடி கேட்டார்.

Saturday, January 21, 2012

அரசியலுக்கு வந்துதான் மக்களுக்கு ரஜினி சேவை செய்ய வேண்டுமா? - லதா ரஜினி!

அரசியலுக்கு வந்தால்தான் ஒருவரால் மக்கள் பணியாற்ற முடியும் என்றில்லை. என் கணவர் ரஜினி ஒரு சிறந்த தேசியவாதியாக மக்கள் பணியை தொடர்வார், என்று லதா ரஜினி கூறினார்.

ஆஷ்ரம் ஆர்ட்ஸ் அகாடமி விருது வழங்கும் விழாவில் கலையுலக சாதனையாளர்களுக்கு ரஜினி விருது, செவாலியே சிவாஜி விருது மற்றும் பீஷ்ம விருதுகளை ரஜினி வழங்கினார். இந்த விழாவில் ரஜினியின் குருநாதர் கே பாலச்சந்தருக்கு வாழ்நாள் சாதனையாளருக்கான ரஜினி விருது வழங்கப்பட்டது.

மறைந்த நடிகர் ஷம்மி கபூர், பழம்பெரும் நடிகை ஆஷா பரேக் ஆகியோருக்கும் ரஜினி விருது வழங்கப்பட்டது.

மூத்த நடிகர் வீரராகவனுக்கு செவாலியே சிவாஜி கணேசன் விருது வழங்கப்பட்டது.

நடிகை எம்என் ராஜம், பழம்பெரும் பாடகர் ஏ எல் ராகவன், கடம் வித்வான் விக்கு விநாயக்ராம், கல்யாண கிருஷ்ண சோமையாஜி, வேணுகோபால் சந்திரசேகர் மற்றும் சினிமா பத்திரிகையாளர் – பிஆர்ஓ பிலிம்நியூஸ் ஆனந்தன் ஆகியோருக்கு பீஷ்மா விருது வழங்கப்பட்டது.

ரஜினியைப் போல யாருமில்லை...

விழாவில் இயக்குநர் கே பாலச்சந்தர் பேசுகையில், "ரஜினியைப் போன்ற குருபக்தி கொண்ட ஒருவரை நான் எங்குமே பார்த்ததில்லை. யாரோடும் ஒப்பிட முடியாத அளவுக்கு உயர்வானர். இந்தியாவின் நிகரற்ற தவப்புதல்வர். திரையுலக சரித்திரத்தையே மாற்றிய சாதனையாளர்.

கல்வித் துறையில் லதா ரஜினி ஆற்றும் பணிகள், இந்த துறைக்காகவே தன்னை அவர் அர்ப்பணித்துக் கொண்டுள்ளதைக் கண்டு நான் பெருமையும் உவகையும் அடைகிறேன்," என்றார்.

ஆஷா பரேக்

பழம்பெரும் பாலிவுட் நடிகை ஆஷா பரேக் கூறுகையில், "இன்று நான் மிகுந்த மகிழ்ச்சியும் பெருமையும் அடைந்துள்ளேன். நான் திரையுலக வாழ்க்கையை ஆரம்பித்தது ஷம்மி கபூருடன்தான். இன்று அவருடன் எனக்கும் பெருமைக்குரிய ரஜினி விருது கிடைத்திருப்பது நிறைவாக உள்ளது. ரஜினி சிறந்த மனிதர். ஒப்பற்ற கலைஞர். யாரோடும் ஒப்பிட முடியாத தனித்தன்மை மிகுந்தவர். தேசத்தின் இணையற்ற தவப்புதல்வர்," என்றார்.

அரசியலுக்கு வந்தால்தானா...

இந்த விழாவில் லதா ரஜினியின் பேச்சு மிக முக்கியமானதாக அமைந்தது. அவர் பேசுகையில், "இந்தியாவின் மிகச் சிறந்த தேசியவாதி என் கணவர் என்று சொல்லிக் கொள்வதில் நான் பெருமை அடைகிறேன். இதைச் சொல்லும்போதே சிலிர்ப்பாக உள்ளது. நிறைய பேர் என் கணவர் அரசியலுக்கு வருவாரா என்று கேட்கிறார்கள். அரசியலுக்கு வந்துதான் ஒருவர் மக்களுக்கு தொண்டு செய்ய வேண்டும் என்பதில்லை. என் கணவர் ஒரு தேசியவாதியாக, தேசப்பற்றாளராக இந்த நாட்டுக்கும் மக்களுக்கும் தன் சேவைகளைத் தொடர்வார்," என்றார் அவர்.

என் ஆசை நண்பன் படத்தில் நிறைவேறியிருக்கிறது : விஜய் பேட்டி...!

தன்னை வித்தியாசமாக பார்க்க வேண்டும் என்ற ஆசை, நண்பன் படம் மூலம் நிறைவேறி இருக்கிறது என்று விஜய் கூறியுள்ளார். நடிகர் விஜய்க்கு இந்தாண்டு துவக்கமே சிறப்பான ஆண்டாக அமைந்துள்ளது. அவரது நண்பன் படம் ரசிகர்கள் மத்தியில் நல்ல வரவேற்பும், வசூலையும் பெற்றுள்ளது. இதனால் ரொம்பவே உற்சாகத்தில் இருக்கிறார் விஜய். அந்த உற்சாகத்தோடு சென்னையில் நிருபர்களை சந்தித்தார். அப்போது அவர் பேசுகையில், 3-இடியட்ஸ் படம் என்னை ரொம்பவே கவர்ந்து விட்டது. அதனால் அந்தபடத்தில் நடிக்க ஆசைப்பட்டேன். அதற்கேற்றாறு போல டைரக்டர், தயாரிப்பாளர் என அனைத்தும் அமைந்ததால் நண்பன் படத்தில் நடித்தேன். படமும் நன்றாக வந்துள்ளது. எல்லா தியேட்டர்களிலும் நல்ல வசூல் என்று செய்திகள் வருகிறது. இதை கேட்கும்போது சந்தோஷமாக இருக்கிறது.

பொதுவாக என்னுடைய படத்தில் பஞ்ச் டயலாக்குகளை திணிக்க விரும்ப மாட்டேன். அதேசமயம் சீன்களுக்கு தேவைப்பட்டால் மட்டுமே பேசுவேன். அதேபோல் என்னுடைய படத்தில் அதிரடி காட்சிகளும் இருக்கும். அதில் ஒரு வகையான ஹீ‌ரோயிசம் தெரியும். ஆனால் நண்பன் படம் அப்படியில்லை. பஞ்ச் டயலாக் கிடையாது, அதிரடி கிடையாது. அது ஒரு வித்தியாசமான கேரக்டர். என்னை வித்யாசமாக பார்க்க வேண்டும் என்று ரொம்ப நாளா ஆசைப்பட்டேன். அது நண்பன் படம் மூலம் நிறைவேறியிருக்கிறது என்றார்.

மேலும் அவர் பேசுகையில், என்னை எனது அப்பா டாக்டராக்க ஆசைப்பட்டார். ஆனால் எனக்கோ நடிப்பில் தான் ஆர்வம் இருந்தது. அதனால் சினிமாவுக்கு வந்துவிட்டேன். அதேபோல் ஒவ்வொரு பெற்றோரும் அவர்களது பிள்ளைகள் எந்த துறையில் ஆர்வம் காட்டுகிறார்களோ, அதில் அவர்கள் செல்ல அனுமதிக்க வேண்டும் என்று கூறினார்.

பிப்ரவரி 3ம்தேதி ஜெனிலியா-ரித்தேஷ் திருமணம்!!!

நடிகை ஜெனிலியாவுக்கும், அவரது காதலர் ரித்தேஷ் தேஷ்முக்கிற்கும் வருகிற பிப்ரவரி 3ம்தேதி திருமணம் நடைபெற உள்ளது. ஜெனிலியாவும், ரித்தேசும் காதலித்து வந்தனர். இவர்களது காதல் விவகாரம் பெற்றோருக்கு தெரிய வந்ததையடுத்து அவர்களுக்கு திருமணம் செய்து வைக்க முடிவு செய்தனர். இரு வீட்டு பெற்றோர் சம்மதத்துடன் இவர்களது திருமணம் வருகிற பிப்ரவரி 3ம்தேதி மும்பையில் கோலாகலமாக நடைபெற உள்ளது. அங்குள்ள நட்சத்திர ஹோட்டலில் நடைபெறும் திருமணத்திற்கு முன்னதாக வரும் 31ம்தேதி நிச்சயதார்த்த சடங்குகள் நடைபெற உள்ளன.

திருமண வரவேற்பு நிகழ்ச்சி பிப்ரவரி 4ம்தேதி நடைபெறுகிறது. இந்த மங்களகரமான நிகழ்ச்சியில் இந்தி, தமிழ், தெலுங்கு திரையுலக நட்சத்திரங்கள், பிரபலங்கள் கலந்து கொள்கிறார்கள். திருமணத்துக்கு பின் ஜெனிலியா சினிமாவில் நடிக்கமாட்டார் எனத் தெரிகிறது. அவர் சினிமாவில் நடிப்பதை மணமகனின் தந்தையும், மத்திய அமைச்சருமான விலாஸ்ராவ் தேஷ்முக் விரும்பவில்லை என்பதால் இந்த முடிவை ஜெனிலியா எடுத்திருப்பதாக தகவல்கள் தெரிவிக்கின்றன.

இப்போதைக்கு ‘நோ’ திருமணம்: காஜல் அகர்வால்!!!

திருமணம் செய்துகொள்ளும் நிலையில் நான் இல்லை’ என்றார், காஜல் அகர்வால். மேலும் அவர் கூறியதாவது: கடந்த ஆண்டு நான் நடித்த பல படங்கள் வெற்றிகரமாக ஓடியது. சில படங்கள் தோல்வி அடைந்தது. நான் நடிக்கும் எல்லா படமும் வெற்றிபெறும் என்று எதிர்பார்ப்பது சரியல்ல. அப்படி எதிர்பார்த்தால் ஏமாற்றம்தான் மிஞ்சும். தெலுங்கு படத்தில் மகேஷ்பாபுவுடன் முத்தக்காட்சியில் நடித்தது பற்றி கேட்கிறார்கள். இக்காட்சியை ஆபாசம் இல்லாமல் பூரி ஜெகன்நாத் இயக்கினார். ரசிகர்களும் அதை ஏற்றுக்கொண்டனர். முத்தக்காட்சியை தவிர எத்தனையோ காட்சிகள் படத்தில் இருக்கிறது. அதுபற்றிக் கேட்காமல், முத்தம் பற்றியே கேட்பது ஏன்? கதைக்கு அவசியம் என்பதால்தான் அப்படி நடித்தேன். நான் ‘நிர்வாண போஸ்’ கொடுத்ததாக வந்த செய்திக்கு, தொடர்ந்து எதிர்ப்பு தெரிவிக்காதது ஏன் என்கிறார்கள். இதை நான் பலமாக மறுத்திருக்கிறேன். பொய்யான அச்செய்திக்கு தொடர்ந்து முக்கியத்துவம் கொடுத்து, விஷயத்தைப் பெரிதாக்க விரும்பவில்லை. அதனால் அமைதியாகி விட்டேன். இந்தியில் ‘சிங்கம்Õ ரிலீசுக்குப் பிறகு நிறைய வாய்ப்புகள் வந்தது. தமிழ், தெலுங்கில் பிசியாக நடித்து வருவதால் ஏற்க முடியவில்லை. தெலுங்கு ஹீரோ பிரபாசுடன் எனக்கு காதல் என்று எழுதுகிறார்கள். திருமணம் ஆகாதவர்கள் இரண்டு பேர் பழகினால், உடனே அவர்கள் காதலிக்கிறார்கள் என்று அர்த்தமா? அவர் எனக்கு நல்ல நண்பர், அவ்வளவுதான். தற்போது திருமணம் செய்துகொள்ளும் நிலையில் நான் இல்லை. அதற்கான நேரம் வரும். அப்போது திருமணம் செய்வேன்.

செல்வராகவன்-கீதாஞ்சலி தம்பதிக்கு பெண் குழந்தை பிறந்தது!!!

டைரக்டர் செல்வராகவன்-கீதாஞ்சலி தம்பதிக்கு அழகான பெண் குழந்தை பிறந்தது. காதல் கொண்டேன், 7ஜி ரெயின்போ காலனி, புதுப்பேட்டை, ஆயிரத்தில் ஒருவன், மயக்கம் என்ன உள்ளிட்ட படங்களை இயக்கியிருப்பவர் செல்வராகவன். இவர் முதலில் நடிகை சோனியா அகர்வாலை காதலித்து திருமணம் செய்தார். அதன் பின்னர் அவர்களுக்குள் ஏற்பட்ட மனக்கசப்பை அடுத்து இருவரும் பரஸ்பர விவாகரத்து பெற்று பிரிந்தனர்.

சோனியா அகர்வாலை விவாகரத்து செய்த கையோடு, கீதாஞ்சலி என்ற உதவி இயக்குனரை காதலித்து திருமணம் செய்து கொண்டார் செல்வராகவன். இவர்களது திருமணம் கடந்த ஆண்டு சென்னையில் நடந்தது. இந்நிலையில் கீதாஞ்சலி கர்ப்பம் ஆனார். நிறைமாத கர்ப்பமாக இருந்த அவருக்கு பிரசவ வலி ஏற்பட்டது. உடனடியாக அவரை சென்னையில் உள்ள தனியார் மருத்துவமனையில் அனுமதித்தனர். நேற்று (20ம்தேதி) மாலை 5.25 மணிக்கு அவருக்கு அழகான பெண் குழந்தை பிறந்தது. இதையடுத்து மருத்துவமனைக்கு வந்த செல்வராகவன், அங்குள்ளவர்களுக்கு இனிப்பு வழங்கி மகிழ்ச்சியை பகிர்ந்து கொண்டார். பிரசவத்திற்கு பிறகு தாயும், சேயும் நலமுடன் இருப்பதாக டாக்டர்கள் தெரிவித்துள்ளனர்.

ஆங்கில ஆல்பத்தில் ஆடுகிறார் அக்ஷயா!!!

கலாபக் காதலன்’, ‘உளியின் ஓசை’ படங்களில் நடித்துள்ள அக்ஷயா, தற்போது ஆங்கில ஆல்பம் ஒன்றில் ஆடுகிறார். இதுகுறித்து அவர் கூறியதாவது: தமிழில் 2 படங்களிலும், தெலுங்கில் ‘நாக்கண்டு ஒக்கரு’ படத்திலும் நடிக்கிறேன். என் நண்பர்கள் தயாரிக்கும் ‘ஜி-அருளஸ்’ என்ற ஆங்கில ஆல்பத்தில் ஆடியிருக்கிறேன். இது வெற்றிபெற்றால், தொடர்ந்து நண்பர்களுடன் இணைந்து தமிழிலும் ஆல்பம் தயாரிப்பேன். எனக்கு பாய் பிரண்டுகள் அதிகம். இதனால், நான் யாரையோ காதலிப்பதாகவும், திருமணம் செய்து கொண்டதாகவும் அடிக்கடி செய்திகள் வருகிறது. யாரையும் நான் காதலிக்கவில்லை என்பதே உண்மை. காதலையும், கல்யாணத்தையும் மறைக்க வேண்டிய அவசியம் இல்லை. தற்போது சினிமாவில் மட்டுமே கவனம் செலுத்துகிறேன்.

மல்டி ஸ்டார் படம் தவறு இல்லை!!!

ஒரே படத்தில், பல ஹீரோக்களுடன் இணைந்து நடிப்பது தவறு இல்லை’ என்றார் ஸ்ரீகாந்த். மேலும் அவர் கூறியதாவது: ‘ரோஜாக்கூட்டம்’, ‘ஏப்ரல் மாதத்தில்’, ‘பார்த்திபன் கனவு’ படங்களில் பார்த்த மென்மையான ஸ்ரீகாந்தை மீண்டும் பார்க்க வைத்த படம், ‘நண்பன்’. தெலுங்கிலும் ‘டப்’ ஆகிறது. தமிழில் இனி நான் நடிக்கும் படத்தை ரொம்ப கவனமாகத் தேர்வு செய்யும்படி ஷங்கர் அறிவுரை சொன்னார். அதை கடைபிடிக்கிறேன். வெற்றிகரமான படத்தில் இருக்கும்போது மட்டுமே அப்படத்தில் நடித்தவர்கள் கவனிக்கப்படுகிறார்கள். அந்தவகையில், ‘நண்பன்’ எனக்கு திருப்புமுனைப் படமாக அமைந்துள்ளது. ஒரே படத்தில் பல ஹீரோக்களுடன் இணைந்து நடிக்கும்போது, நடிப்பில் ஆரோக்கியமான போட்டி ஏற்படுகிறது. தவிர, மற்ற ஹீரோக்களின் ரசிகர்களும் படத்தைப் பார்த்து நடிப்பை பாராட்டுகிறார்கள். என்னைப் பொறுத்தவரை, படத்தில் எனது கேரக்டருக்கு சம முக்கியத்துவம் அளிக்கப்பட்டால், எத்தனை ஹீரோக்களுடனும் இணைந்து நடிக்கத் தயாராக இருக்கிறேன். இப்படி நடிப்பது ரசிகர்களுக்கும் பரவச அனுபவமாக இருக்கும். மல்டி ஸ்டார் படம் ஒன்றும் தவறு இல்லை. தமிழில் ‘பாகன்’ படத்தில் ஜனனி அய்யருடன் நடிக்கிறேன். மலையாளத்தில் பிருத்விராஜின் வேண்டுகோளுக்காக, அவர் ஹீரோவாக நடிக்கும் ‘ஹீரோ’ படத்தில், நடிகர் ஸ்ரீகாந்தாகவே கவுரவ வேடத்தில் வருகிறேன். தெலுங்கில் ‘நிப்பு’ படத்தில் ரவிதேஜாவுடன் சேர்ந்து நடிக்கிறேன். எனக்கு ஜோடி, பாவனா.

ஆதரவு கொடுத்திட்டாரு கார்த்திக்... இனி அதிமுகவுக்கு அமோக வெற்றிதான்!!!

தேர்தல் என்ற சீரியஸான நாடகத்தில் அவ்வப்போது சில சிரிப்பு கேரக்டர்கள் எட்டிப் பார்த்து காணாமல் போகும்.

அந்தக் கேரக்டர்களில் ஒருவராகிவிட்டார் நடிகர் கார்த்திக். சும்மா நடிகர்னா கோவிச்சுக்குவார்... நாடாளும் மக்கள் கட்சியின் தலைவர்!

கடந்த சட்டமன்றத் தேர்தலில் அதிமுகவுக்கு முதலில் ஆதரவு தெரிவித்து, அவர்கள் சீட் எதுவும் தராததால், 'கூட்டணியை' முறித்துக் கொண்டு வெளியில் வந்தவர் கார்த்திக்.

பின்னர் சில தொகுதிகளில் வேட்பாளர்களை நிறுத்தினார். அவர்கள் என்ன ஆனார்கள் என்று யாருக்கும் தெரியவில்லை. கார்த்திக்குக்காவது தெரியுமா தெரியவில்லை.

இந்த நிலையில் வரும் சங்கரன் கோயில் நாடாளுமன்றத் தேர்தலில், அதிமுகவுக்கு ஆதரவு அளிக்கப் போவதாக கார்த்திக் கட்சி அறிவித்துள்ளது. இந்தத் தேர்தலில் அதிமுக வேட்பாளரை ஆதரித்து கார்த்திக் பிரச்சாரம் செய்யப் போகிறாராம்.

இதுகுறித்து கார்த்திக் கட்சியின் மாநிலத் தலைவர் பாலமுருகன் கூறுகையில், "சங்கரன்கோவில் தொகுதியில் நாடாளும் மக்கள் கட்சிக்கு கணிசமான வாக்குகள் உள்ளன. இந்த தொகுதியில் தனித்து போட்டியிட்டபோதே நாங்கள் 10ஆயிரத்துக்கும் மேற்பட்ட வாக்குகளை பெற்றோம். கடந்த உள்ளாட்சி தேர்தலின்போது அ.தி.மு.க.வை ஆதரித்தோம். அதேபோல் சங்கரன் கோவில் இடைத்தேர்தலில் அ.தி.மு.க வேட்பாளர் முத்துச்செல்வியை வெற்றிபெற செய்யவேண்டும் என்று எங்கள் கட்சியின் நிறுவனத் தலைவர் கார்த்திக் தெரிவித்துள்ளார்.

அதன்படி அ.தி.மு.க. வேட்பாளரின் வெற்றிக்காக நாங்கள் பாடுபடுவோம். அ.தி.மு.க. வேட்பாளருக்கு ஆதரவாக கார்த்திக் பிரசாரம் செய்வார். அவரது பிரசாரதேதி தேர்தல்தேதி அறிவித்தபிறகு தெரிவிக்கப்படும். அடுத்த பொதுத்தேர்தலின்போது சங்கரன்கோவில் தொகுதியை பொதுத்தொகுதியாக மாற்றவேண்டும் என்று வலியுறுத்துவோம்," என்றார்.

கோச்சடையானில் ரஜினியுடன் ஷோபனா!!!

சிவா, தளபதி படங்களில் ரஜினியின் ஜோடியாகி ரசிகர்களைக் கவர்ந்தவர், நடிகை ஷோபனா. தேசிய விருதுபெற்ற நடிகை. பின்னாளில் பரத நாட்டியமே போதும் என சினிமாவிலிருந்து ஒதுங்கிக் கொண்டார்.

இப்போது மீண்டும் ரஜினியுடன் இணைந்து நடிக்கிறார் ஷோபனா, கோச்சடையானில்.

இந்தப் படத்தில் ஏற்கெனவே பல முக்கிய நட்சத்திரங்கள் ஒப்பந்தமாகியுள்ளனர். பாலிவுட்டில் ஐஸ்வர்யா ராய்க்கு அடுத்த நிலையில் உள்ள கத்ரீனா கைஃப் ரஜினிக்கு ஜோடியாக நடிக்கிறார்.

தமிழ் நடிகை சினேகா ரஜினியின் தங்கையாக வருகிறார். ஆதியும், ப்ருத்விராஜும் முக்கிய பாத்திரங்களில் நடிக்கிறார்கள். மோகன்பாபுவின் மகளும், நடிகை-மற்றும் தயாரிப்பாளருமான லட்சுமி மஞ்சு ஒரு முக்கிய வேடம் ஏற்றுள்ளார்.

இந்த நட்சத்திரங்களுடன் புதிதாக இணைந்திருப்பவர் ஷோபனா.

படத்துக்கு ஏற்கெனவே ஏ ஆர் ரஹ்மான் இசையமைக்க ஆரம்பித்துவிட்டார். கே எஸ் ரவிக்குமார் கதை திரைக்கதை வசனம் எழுதி இயக்குநர் மேற்பார்வை செய்ய, சௌந்தர்யா இயக்கும் படம் இது!

Friday, January 20, 2012

இனி என் பெயரில் விருது வழங்க வேண்டாம்! - ரஜினி திடீர் அறிவிப்பு!!!

சாதனையாளர்களுக்கு என் பெயரில் இனி விருதுகள் வழங்க வேண்டாம். நான் ஒன்றும் சாதித்துவிடவில்லை. இனி என் குருநாதர் கே பாலச்சந்தர் பெயரில் அந்த விருதினை வழங்க வேண்டும்," என்று சூப்பர் ஸ்டார் ரஜினிகாந்த் அறிவித்தார்.

லதா ரஜினியின் ஆஷ்ரம் ஆர்ட்ஸ் அகாடமியின் 21-வது ஆண்டுவிழா மற்றும் கலைத்துறை சாதனையாளர்களுக்கு விருதுகள் வழங்கும் விழா சென்னையில் நேற்று நடந்தது.

லதா ரஜினிகாந்த் ஏற்பாடு செய்திருந்த இந்த விழாவில் ரஜினிகாந்த் பங்கேற்று, கலைத்துறை சாதனையாளர்களுக்கு ரஜினி விருது, சிவாஜி விருது மற்றும் பீஷ்மா விருதுகளை வழங்கினார்.

மறைந்த நடிகர் ஷம்மி கபூர், பழம்பெரும் பாலிவுட் நடிகை ஆஷா பரேக், இயக்குநர் கே பாலச்சந்தர் ஆகியோருக்கு வாழ்நாள் சாதனையாளர்களுக்கான 'ரஜினிகாந்த் விருது'களை வழங்கி கவுரவித்தார் ரஜினி.

பின்னர் அவர் பேசுகையில், "விழாவின் கடைசியில் நான் வந்தால் போதும் என்றார்கள். அதனால்தான் இந்த மேடையில் நிற்கிறேன்.

இங்கே விருது பெற்றவர்களைப் பார்க்கும்போது எனக்கு மகிழ்ச்சியாக இருக்கிறது. ஆஷா பரேக் அவர்கள் மும்பையிலிருந்து வந்திருக்கிறார். மறைந்த ஷம்மி கபூரின் மகன் ஆதித்யா இந்த விருதைப்பெற நேரில் வந்திருக்கிறார்.

ஷம்மி கபூர் மிக ஸ்டைலிஷான நடிகர். சின்ன வயதிலிருந்தே எனக்குப் பிடித்தமானவர். என்னுடன் ஒருநாள் அவர் காபி ஷாப்பில் பேசிக்கொண்டிருந்ததை மறக்க முடியாது.

இங்கே வாழ்நாள் சாதனையாளர்களுக்கு எனது பெயரில் விருதுகள் வழங்கப்பட்டன. நான் ஒரு சாதனையாளனே அல்ல. என்னுடைய குருநாதர் கே பி சாருக்கு எனது பெயரில் விருது வழங்கியது சங்கடமாக உள்ளது. இதை நான் என் மனைவி லதாவிடமும் கூறிவிட்டேன். இனி வரும் ஆண்டுகளில் எனது பெயரில் இந்த விருதினை வழங்க வேண்டாம். கே பாலச்சந்தர் பெயரில் வழங்கப்பட வேண்டும்," என்றார்.

விலைமாது கேரக்டரில் நடிக்க ஆசை! ஸ்ரேயா!!!

விலைமாது கேரக்டரில் நடிக்க ஆசையாக இருக்கிறது என்று நடிகை ஸ்ரேயா கூறியிருக்கிறார். தற்போது ஆங்கில படம் ஒன்றில் நடித்து வரும் ஸ்ரேயா அளித்துள்ள பேட்டியில், நடிகைகள் எல்லோருக்கும் விலைமாது வேடத்தில் நடிக்க ஆர்வம் உண்டு. எனக்கும் விலைமாதுவாக நடிக்க ஆசை இருக்கிறது. அனுஷ்கா, "வேதம்" படத்தில் அதுபோன்ற கேரக்டரில் நடித்தார். விலைமாது வேடத்தில்தான் நடிப்புத் திறமையை வெளிப்படுத்த முடியும். மிக சிறந்த இடத்தை பிடித்த நடிகைகள் எல்லோருமே இந்த கேரக்டரில் நடித்து உள்ளனர்.

இந்தியை விட தென் இந்திய மொழி பட வாய்ப்புகளே எனக்கு அதிகம் வருகின்றன. இந்தி திரையுலகம் ஆணாதிக்கம் மிகுந்ததாக உள்ளது. நடிகைகளுக்கு அங்கு முக்கியத்துவம் இல்லை. கவர்ச்சிக்கும் - டூயட் பாட்டுக்கும் மட்டுமே பயன்படுத்துகிறார்கள். கிரிக்கெட் வீரர் ஸ்ரீசாந்துடன் என்னை தொடர்புபடுத்தி பேசுகின்றனர். அவர் யார் என்றே எனக்கு தெரியாது, என்று கூறியுள்ளார்.

விஜய்க்கும் டைரக்டர் ஏ.ஆர்.முருகதாசுக்கும் மீண்டும் சண்டையா?

ஏ.ஆர்.முருகதாஸ் இயக்கத்தில் விஜய் நடிக்கும் படம் 'துப்பாக்கி'. படத்தின் ஷூட்டிங் படுவேகமாக மும்பையில் நடந்து வருகிறது. இதில் இளைய தளபதி விஜய்க்கும் டைரக்டர் ஏ.ஆர்.முருகதாசுக்கும் மீண்டும் சண்டை ஏற்பட்டுள்ளதாக தகவல்கள் வெளியாகியுள்ளன. இந்த மோதலுக்கு காரணம் இந்த காட்சியிலே அந்த நடிகர் நடித்திருந்தால் அப்படி நடிச்சிருப்பார் என்று முருகதாஸ் சொல்ல விஜய் கோபித்துக் கொண்டு ஓட்டலுக்கு சென்றுவிட்டதாக கிசு..கிசுக்கள் வெளியாகியுள்ளன. மேலும் ஒரு நாள் முழுக்க ஓட்டல் ரூமை விட்டு வெளியே வரவே இல்லையாம் விஜய்! ஏற்கனவே விஜய்க்கும், முருகதாசுக்கும் சம்பள பிரச்சனையில் சண்டை வந்ததாக கூறப்பட்டது.

விஷாலுடன் நடிக்க சம்மதித்தது எப்படி த்ரிஷா பேட்டி!!!

விஷாலின் நெடுநாள் கனவான த்ரிஷாவுடன் சேர்ந்து நடிக்க வேண்டும் என்ற அவரது ஆசை இப்போது சமரன் படம் மூலம் நிறைவேறியிருக்கிறது. திரு இயக்கும் இப்படத்தில் விஷால், த்ரிஷா ஆகியோருடன் சுனேனாவும் நடித்து வருகிறார். ஆக்ஷ்ன் மற்றும் த்ரில்லர் நிறைந்த படமாக சமரன் படம் உருவாகி வருகிறது. இந்நிலையில் விஷாலுடன் நடிக்க சம்மதித்தது எப்படி என்று த்ரிஷா கூறியிருக்கிறார். அதாவது, விஷாலும், நானும் நீண்டநாள் ‌நண்பர்கள். நாங்கள் இருவரும் சேர்ந்து ஒரு படத்தில் நடிக்க வேண்டும் என்று சில வருடத்திற்கு முன்பே தீர்மானித்தோம். ஆனால் இருவரும் வேறு சில படங்களில் பிஸியாக இருந்ததால் அதற்கான வாய்ப்பு அமையவில்லை.

சமரன் படத்தில் நடிக்க என்னை அழைத்தபோது என்னால் மறுக்கமுடியவில்லை. காரணம் சத்யம் படத்திலேயே என்னை நடிக்க விஷால் அழைத்தார். ஆனால் முடியவில்லை. அதனால் இந்தபடத்தை மறுக்க முடியவில்லை. மேலும் சமரன் படத்தின் கதையும் எனக்கு ரொம்ப பிடித்து போய்விட்டது. அதனால் உடன் நடிக்க ஒப்புக்கொண்டேன் என்று கூறியுள்ளார்

பில்லா 2! ரூ.5.30 கோடிக்கு வெளிநாட்டு உரிமை!!!

அஜித்தின் பில்லா 2 படத்தின் வெளிநாட்டு உரிமையை ரூ.5 கோடியே 30 லட்சத்திற்கு ஒரு பிரபல நிறுவனம் வாங்கியிருப்பதாக செய்திகள் வெளியாகியுள்ளன. கடந்த 2007ம் ஆண்டில் அஜித்துக்கு மெகா ஹிட் படமாக அமைந்த படம் பில்லா. அதன் தொடர்ச்சியாக இப்போது பில்லா-2 படம் உருவாகி வருகிறது. டைரக்டர் சக்ரி டோல்டி இயக்கி வரும் இப்படத்தில் அஜித் ஜோடியாக பார்வதி ஓமணக்குட்டன் நடித்து வருகிறார். யுவன் சங்கர் ராஜா இசையமைக்கிறார். இன்‌எண்டர்டெயின்மெண்ட் மற்றும் ஓய்டு ஆங்கிள் நிறுவனம் இணைந்து இப்படத்தை தயாரித்து வருகிறார்கள்.

கடந்த சில நாட்களாக பில்லா 2 படத்தின் விளம்பரங்கள் பத்திரிகைகளில் வெளியாகி வருகின்றன. இந்நிலையில் பில்லா 2 படம் பற்றிய புதிய செய்திகள் வெளியாக ஆரம்பித்திருக்கின்றன. இப்படத்துக்கான உள் நாட்டு வெளிநாட்டு வியாபாரம் ஜரூராக நடந்து வரும் நிலையில், இதன் வெளிநாட்டு உரிமையை பிரபல நிறுவனம் ஒன்று ரூ.5 கோடியே 30 லட்சத்துக்கு விலைக்கு வாங்கி இருப்பதாக தகவல் வெளியாகி உள்ளது. இதுவரை அஜித் படம் எதுவும் இவ்வளவு தொகைக்கு வெளிநாட்டில் விற்பனையாகவில்லை என்பது குறிப்பிடத்தக்கது.

தனுஷுடன் இணைத்து கிசுகிசு - குமுதம் பத்திரிகைக்கு நோட்டீஸ் அனுப்பினார் ஸ்ருதி!!!

நடிகர் தனுஷுடன் இணைத்து செய்தி வெளியிட்டதற்காக குமுதம் வார இதழுக்கு வக்கீல் நோட்டீஸ் அனுப்பியுள்ளார் நடிகை ஸ்ருதி.

ஐஸ்வர்யா தனுஷ் இயக்கி வரும் 3 என்ற படத்தில் நாயகியாக நடிக்கிறார் ஸ்ருதி. இதில் ஐஸ்வர்யாவின் கணவர் தனுஷ் நாயகனாக நடிக்கிறார். படத்தில் நடிக்கும்போது தனுஷுக்கும் ஸ்ருதிக்கும் காதல் அரும்பியதாகவும், இருவரும் ஜோடியாக சுற்றுவதாகவும் செய்திகள் வெளியாகின.

ஆங்கிலப் பத்திரிகைகளிலும் இந்த செய்தி வெளியானது.

ஆரம்பத்தில் அமைதி காத்த தனுஷ் மற்றும் ஸ்ருதி தரப்பு, விவகாரம் ஓயாமல் தொடர்ந்ததால், இப்போது மறுப்பு தெரிவித்து வருகிறது.

இந்த செய்திகளை முதலில் ஐஸ்வர்யா மறுத்திருந்தார். இப்போது ஸ்ருதி ஹாஸனும் மறுத்துள்ளார். அத்துடன் செய்தியை வெளியிட்டதற்காக குமுதம் பத்திரிகைக்கு அவர் வக்கீல் நோட்டீசும் அனுப்பியுள்ளார்.

இதுகுறித்து அவர் கூறுகையில், "என்னையும் தனுசையும் இணைத்து வெளியான கட்டுரை முற்றிலும் கற்பனையானது. ஆதாரம் இல்லாதது. இதற்காக குமுதத்துக்கு நான் வக்கீல் நோட்டீஸ் அனுப்பி உள்ளேன். பதில் அளிக்காவிட்டால் அடுத்த கட்டமாக சட்டப்படி நடவடிக்கை எடுப்பேன். குறிப்பிட்ட ஆஹ்கில நாளிதழுக்கும் நோட்டீஸ் அனுப்பவிருக்கிறேன்.

சக நடிகர் என்ற முறையில் தனுஷ் படப்பிடிப்பில் தொழில் ரீதியாக எனக்கு உதவிகள் செய்தார். தொழில் ரீதியாகவே எங்கள் தொடர்புகள் இருந்தது. இதை வைத்து தவறான வதந்திகளை பரப்புவது வருத்தம் அளிக்கிறது.

தனுஷ் மனைவி ஐஸ்வர்யா வும் நானும் நண்பர்களாக இருக்கிறோம். இந்த வதந்தி எங்கள் நட்பை பாதிக்காது," என்றார்.

Tuesday, January 17, 2012

பிப்ரவரி 15ல் ரஜினியின் 'கோச்சடையான்' படப்பிடிப்பு– கே.எஸ்.ரவிக்குமார்!!!

Tuesday, January 17, 2012
சூப்பர்ஸ்டார் ரஜினிகாந்த் நடிக்க உள்ள கோச்சடையான் திரைப்படத்தின் படப்பிடிப்பு பிப்ரவரி மாதம் 15ம் தேதி முதல் தொடங்கும் என்று படத்தின் மேற்பார்வையாளர் கே.எஸ்.ரவிக்குமார் தெரிவித்துள்ளார்.

ராணா படம் பூஜை போடப்பட்டு உடல் நலம் குன்றியதால் அந்த படம் கைவிடப்பட்டது. பின்னர் சிங்கப்பூருக்கு சென்று சிகிச்சைக்கு பெற்று திரும்பிய பின்னர் கோச்சடையான் படத்தில் ரஜினி நடிக்க உள்ள அறிவிக்கப்பட்டது.

எந்திரன் படத்திற்குப் பின்னர் ரஜினி நடிக்க உள்ள படம் கோச்சடையான். என்பதால் ரசிகர்களிடையே அதிக எதிர்பார்ப்பை ஏற்படுத்தியுள்ளது. ரஜினியின் இளைய மகள் சௌந்தர்யா இத் திரைப்படத்தை இயக்க உள்ளார்.

அதற்கான பட வேலைகளில் இவர் தீவிரமாக ஈடுபட்டுள்ளார். கே எஸ் ரவிக்குமார் மேற்பார்வையிடுகிறார். திரைப்படத்திற்கான ஆயத்தப் பணிகள் நடைபெற்று வருகின்றன.

பிப்ரவரி 15ல் படப்பிடிப்ப..

இந்த திரைப்படத்திற்கான பூஜை வரும் வியாழக்கிழமை நடைபெற உள்ளதாக தகவல்கள் வெளியாகியுள்ளன. இந்த நிலையில் திரைப்படத்தின் சூட்டிங் பிப்ரவரி மாதம் 15ம் தேதி முதல் தொடங்க உள்ளதாக திரைப்படத்தின் மேற்பார்வையாளர் கே.எஸ். ரவிக்குமார் தெரிவித்துள்ளார். சூட்டிங்கில் கலந்து கொள்ளும் வகையில் ரஜினிகாந்த் பூரண உடல் நலம் பெற்றுவிட்டதாகவும் அவர் கூறியுள்ளார்.

முழுக்க முழுக்க 3 டி அனிமேஷன் படமாக தயாராக உள்ள கோச்சடையானை அவதார் பட உத்தியைப் பயன்படுத்தி, அத்தனை பாத்திரங்களும் நிஜத்தில் வருவது போலவே எடுக்க உள்ளனர். இந்தியாவில் இதுபோல தயாராகும் முதல் திரைப்படம் கோச்சடையான்தான். இந்த படத்திற்கு ஏ.ஆர்.ரஹ்மான் இசையமைக்கிறார் என்பது அனைவருக்கும் தெரிந்ததே.

அனுஷ்காவிற்கு சுராஜ் புகழாரம்!!!

Tuesday, January 17, 2012
தலைநகரம், மருமதலை, படிக்காதவன், மற்றும் மாப்பிளை போன்ற படங்களை இயக்கிய இயக்குனர் சுராஜ், அடுத்து கார்த்தி-அனுஷ்கா நடிக்கும் படத்தை இயக்கி வருகிறார். படுவேகமாக ஷூட்டிங் நடத்தி வரும் சுராஜ், அனுஷ்காவை புகழ்ந்து தள்ளியுள்ளார். இதற்கு அனுஷ்காவின் அதிகபடியான அழகு மட்டும் காரணம் அல்ல அவரது டெடிகேஷனும் தான். பெ‌ரிய ஹீரோயின் என்ற பந்தா இல்லாமல் ஷுட்டிங் தொடங்கும் முன்பே மேக்கப்புடன் முதல் ஆளாக ஆஜராகிவிடுவார். கார்த்தி, அனுஷ்கா நடிக்கும் படத்தின் படப்பிடிப்பில் பெரும்பாலும் முதலில் மேக்கப்புடன் தயாராவது அனுஷ்காதான். படப்பிடிப்புக்கு இவ்வளவு டெடிகேட்டாக எந்த நடிகையும் வருவதில்லை என்று சுரா‌ஜ் அனுஷ்காவை புகழ்கிறார்.

குறும்படத்தில் நடிக்கிறார் கார்த்தி!!!

Tuesday, January 17, 2012
சைபர் குற்றங்களை தடுக்கும் பொருட்டு, மக்கள் மத்தியில் விழிப்புணர்வு ஏற்படுத்தும் விதமாக தமிழ்நாடு காவல்துறை சார்பில் உருவாகும் குறும்படத்தில் நடிகர் கார்த்தி நடிக்க உள்ளார். பருத்திவீரன் படத்தின் மூலம் தமிழ் சினிமாவிற்கு அறிமுகமான கார்த்தி, தொடர்ந்து ஹிட் படங்களாக கொடுத்து ரசிகர்கள் மத்தியில் ஒரு இடத்தை பிடித்து கொண்டார். இப்போது முதுமுக இயக்குநர் ஷங்கர் தயாள் இயக்கத்தில் சகுனி படத்திலும், சுராஜ் இயக்கத்தில் ஒரு படத்திலும் நடித்து வருகிறார்.

இந்நிலையில் விழிப்புணர்வுக்காக ஒரு குறும்படத்தில் நடிக்கிறார் கார்த்தி. நாட்டில் சைபர் குற்றங்கள் அதிகரித்து வருகிறது. அதிலும் குறிப்பாக ஆன்-லைன் மோசடிகள் நாளுக்கு நாள் பெருகி கொண்டே போகிறது. இதனை தடுக்கும் பொருட்டு, மக்கள் மத்தியில் ஒரு விழிப்புணர்வு ஏற்படுத்தும் விதமாக ‌தமிழ்நாடு காவல் துறை சார்பாக ஒரு குறும்படம் இயக்கப்படுகிறது. 5 நமிடங்களில் உருவாக இருக்கும் இந்தகுறும்படத்தில் கார்த்தி தோன்றுகிறார். இதில் எப்படியெல்லாம் மக்களை ஏமாற்றி ஆன்-லைன் மோசடிகள் மற்றும் பிற மோசடிகள் நடக்கிறது என்பதை பற்றி கார்த்தி விளக்க உள்ளார்.

விரைவில் வெளியாக இருக்கும் இந்த குறும்படம், மக்கள் அதிகம் கூடும் இடங்களான சுற்றுலா தளங்கள், தியேட்டர்கள், பெரிய ஷாப்பிங் மால்கள் உள்ளிட்ட பல இடங்களில் பெரிய திரையில் காண்பிக்கப்பட இருக்கிறது. இதன்மூலம் மக்கள் மத்தியில் ஒரு விழிப்புணர்வை ஏற்படுத்தலாம் என்பது போலீஸின் நம்பிக்கை.