Wednesday, April 25, 2012

ஆண்ட்‌ரியாவின் கவர்ச்சி மழை!!!

Wednesday,April,25,2012
ஸ்டில்லை பார்த்தால் அடைமழை போலதான் இருக்கிறது. படத்தில் தூறலாக கடந்து போகவும் வாய்ப்புள்ளது.

ஆண்ட்‌ரியா இதுவரை கவர்ச்சியாக நடித்ததில்லை. அப்படி நடிப்பதற்கான ஸ்கோப் அவ‌ரிடம் இல்லை என்று சில அனாட்டமி ஸ்பெஷலிஸ்ட்கள் தொடர்ந்து கூறி வருகிறார்கள். அவர்களின் கூற்றை பொய்யாக்கியிருக்கிறார் ஆண்ட்‌ரியா திருப்பங்கள் படத்தில்.

இந்தப் படத்தில் விசால மனதுடன் கவர்ச்சியாக நடித்துள்ளார் ஆண்ட்‌ரியா. இவ‌ரின் சேலை ஸ்டில்லில் இணையதள இளைஞர்கள் சிக்குண்டு கிடக்கிறார்கள். லேட்டாக இந்த விவம் தெ‌ரிந்த ஆண்ட்‌ரியா இயக்குனருக்கு போன் அடிக்க தற்காலிகமாக ஸ்டில்களை வாஸ் பெற்றிருக்கிறார் இயக்குனர்.

'வைகை', 'கோரிப்பாளையம்' என்று ஒரு சில படங்களில் நடித்திருக்கும் சுவாஷிகா, தற்போது 'கண்டதும் காணததும்' என்ற படத்தில் நாயகியாக நடித்து வருகிறார்!!!

Wednesday,April,25,2012
'வைகை', 'கோரிப்பாளையம்' என்று ஒரு சில படங்களில் நடித்திருக்கும் சுவாஷிகா, தற்போது 'கண்டதும் காணததும்' என்ற படத்தில் நாயகியாக நடித்து வருகிறார். இவர் நடிப்பை பார்த்து இப்படத்தின் இயக்குநர் பாராட்டினாரோ இல்லையோ, படப்பிடிப்பில் இவர் கொடுத்த ஒத்தழைப்பை பார்த்து ரொம்பவே பாராட்டியிருக்கிறார்.

புதுமுக இயக்குநர் சீலன் இயக்கும் இப்படத்தில் ஹீரோவாக பிரபல நடன இயக்குநர் ஜான் பாபுவின் மகன் விகாஷ், ஹீரோவாகவும், சுவாஷிகா ஹீரோயினாகவும் நடிக்கிறார்கள். படத்தின் தயாரிப்பாளர்கள் எஸ்.சங்கரநாராயணன், எஸ்.இந்து, இசையமைப்பாளர் வி.ஏ.சார்லி, ஒளிப்பதிவாளர் வின்ஷி பாஸ்கி என முழுக்க முழுக்க புதுமுகங்களால் உருவாகும் இப்படத்தின் பாடல்கள் வெளியீட்டு விழா சமீபத்தில் சென்னையில் நடைபெற்றது.

திரையிடப்பட்ட பாடல்களும், அதை படமாக்கிய விதமும் அனைவரையும் கவர்ந்தது. அதிலும் ஒரு பாடலில் ஒளிப்பதிவாளர் வின்ஷி பாஸ்கி படமாக்கிய சில காட்சிகள் ஆஹா! என்று சொல்ல வைத்தது.

நிகழ்ச்சியில் பேசிய இயக்குநர் சீலன், படத்தில் பங்குபெற்ற அனைவரையும் பாராட்டி பேச, ஹீரோயின் சுவாஷிகாவைப் பற்றி பேசும் போது, "சுவாஷிகா மிகச்சிறந்த நடிகையாக வருவார். எங்கு படப்பிடிப்பு நடந்தாலும் கொஞ்சமும் முகம் சுளிக்காமல் எந்தவித இடையூறும் செய்யாமல் மிகச்சிறப்பாக நடித்து கொடுத்தார்." என்றார்.

கோடையில் ரிலீசாக இருந்த கமல், அஜித், சூர்யா, கார்த்தி படங்கள் தள்ளிவைப்பு: ரசிகர்கள் ஏமாற்றம்!!!

Wednesday,April,25,2012
தமிழ் திரையுலகினர் கோடையில் புதுப்படங்களை ரிலீஸ் செய்ய ஆர்வப்படுவது உண்டு. அப்போது கூட்டம் மற்ற நாட்களைவிட அதிகமாக இருக்கும். வசூலும் எகிறும்.

முந்தைய திரையுலக வரலாற்றை புரட்டினால் முன்னணி நடிகர்களின் படங்கள் கோடையில் ரிலீசாகி வெற்றிகரமாக ஓடியதை அறிய முடியும். ரஜினியின் படையப்பா 1999 ஏப்ரல் 10-ந்தேதியும், கமலின் இந்தியன் 1996 மே 9-ந்தேதியும் ரிலீசானது. இதுபோல் விஜயின் கில்லி, அஜீத்தின் சிட்டிசன், சூர்யாவின் அயன், விக்ரமின் சாமி போன்ற மெகாஹிட் படங்கள் கோடை காலங்களிலேயே ரிலீஸ் செய்யப்பட்டன. கார்த்தியின் பையா படமும் 2010 கோடையில் வந்தது.

எம்.ஜி.ஆர், சிவாஜி காலம் தொட்டு கோடை காலத்தில் பெருமளவு படங்களை ரிலீஸ் செய்வது வழக்கமாக இருந்து வந்தது. ஆனால் திரையுலக வரலாற்றில் முதல் முறையாக இந்த கோடையில் ஏப்ரல், மே மாதங்களில் முன்னணி நடிகர்கள் படங்கள் எதுவும் ரிலீசாகவில்லை. சிறு பட்ஜெட் படங்கள் மட்டுமே வருகின்றன.

கமலஹாசனின் விசுவரூபம், அஜீத்தின் பில்லா-2, சூர்யாவின் மாற்றான், கார்த்தியின் சகுனி போன்ற படங்களை கோடையில் ரிலீஸ் செய்யப் போவதாகத்தான் படப்பிடிப்பு துவங்கும்போது அறிவித்தனர். ஆனால் அப்படங்கள் வரவில்லை.

பெப்சி தொழிலாளர் போராட்டம் காரணமாக படப்பிடிப்பில் தாமதம் ஏற்பட்டது. எனவே திட்டமிட்டபடி கோடையில் அப்படங்களை வெளியிட முடியவில்லை. ரிலீஸ் தேதி தள்ளிவைக்கப்பட்டு உள்ளது.

ஐ.பி.எல். கிரிக்கெட் போட்டிக்கு பயந்தும் சில படங்கள் தள்ளி வைக்கப்பட்டு உள்ளதாக கூறப்படுகிறது. ஆனால் ஐ.பி.எல்., கிரிக்கெட் சினிமாவில் எந்த பாதிப்பையும் ஏற்படுத்தவில்லை. சமீபத்தில் ரிலீசான ஒரு கல் ஒரு கண்ணாடி வெற்றிகரமாக ஓடுகிறது.

வாடகைக்கு பங்களா பிடித்து 'டிஸ்கஷன்' செய்யும் நிஷா அகர்வால்!!!

Wednesday,April,25,2012
காஜல் அகர்வால் காலம் போய் விட்டது. அடுத்து தங்கச்சி நிஷா அகர்வால் டர்ன். இஷ்டம் படத்தில் விமலுடன் ஜோடி போட்டு நடித்துள்ள நிஷா, தமிழ் சினிமாவில் நங்கூரம் பாய்ச்சி தனது இடத்தை பக்கவாக போட்டு விட துடிப்போடு இருக்கிறாராம்.

காஜல் அகர்வாலுக்கே தற்போது தமிழில் பெரிய அளவில் மார்க்கெட் இல்லைதான். இருந்தாலும் அவரது தங்கச்சியான நிஷா அகர்வாலையும் களத்தில் இறக்கி விட்டுள்ளார். தமிழிலும், தெலுங்கிலுமாக தற்போது நடித்து வரும் காஜல், தங்கச்சிக்கும் அவ்வப்போது ஏகப்பட்ட அட்வைஸ்களை அள்ளிக் கொடுத்து ஊக்கமளித்து வருகிறார்.

இருப்பினும் கைவசம் ஓரிரு படங்களே நிஷா வசம் இருக்கிறதாம். இதனால் என்ன செய்யலாம் என்று யோசித்துப் பார்த்துள்ளனர் அக்காவும், தங்கச்சியும். அப்போதுதான் நம்மைத் தேடி கதை சொல்ல வருவோருடன் அமர்ந்து 'டிஸ்கஸ் செய்து கதையை முடிவு செய்ய சரியான இடம்' இல்லை என்று அவர்களுக்குப் புரிந்ததாம்.

இதையடுத்து தற்போது கிழக்குக் கடற்கரைச் சாலையில் ஒரு பங்களாவை - ஸ்விம்மிங் பூல் உள்ளிட்ட சகல வசதிகளுடன் கூடிய பங்களவாம் அது, வாடகை எவ்வளவு என்று தெரியவில்லை - வாடகைக்குப் பிடித்துள்ளாராம் நிஷா. இப்போது கதை சொல்ல வரும் இயக்குநர்களுக்கும், காசு போட்டு படம் எடுக்கும் தயாரிப்பாளர்களுக்கும் வசதியாக இந்த பங்களா அமைந்துள்ளதாம்.

இங்கிருந்தபடிதான் இனி இயங்கப் போகிறாராம் நிஷா. எனவே இனிமேல் நிஷாவிடம் கதை சொல்ல விரும்புவோருக்கு எந்தவித பிரச்சினையும் இல்லை. பங்களாவுக்குப் போய் விட்டால் போதும் ஆற அமர கதை சொல்லி படத்திற்குப் 'புக்' செய்து விட்டு வர முடியும்.

படப்பிடிப்பில் ப்ரியங்காவுடன் மோதலா? - மறுக்கும் இலியானா!!!

Wednesday,April,25,2012
இந்திப் படத்தில் நடிக்கும்போது படப்பிடிப்பில் தனக்கும் பிரியங்கா சோப்ராவுக்கும் இடையே மோதல் என்ற வரும் செய்திகளில் உண்மையில்லை என்கிறார் நடிகை இலியானா.

தமிழில் நண்பன் படத்தில் விஜய் ஜோடியாக நடித்தவர் இலியானா. தெலுங்கில் முன்னணி நடிகை.

பார்ஃபி எனும் இந்திப் படத்தில் தற்போது நடித்து வருகிறார். இப்படத்தில் முதல் நாயகியாக பிரியங்கா சோப்ரா நடிக்கிறார். இருவருக்கும் படப்பிடிப்பில் மோதல் ஏற்பட்டதாக தகவல் வெளியானது.

இருவரும் தனக்குத்தான் முக்கியத்துவம் அளிக்க வேண்டும் என்று இயக்குனரை வற்புறுத்தினார்களாம். ஒரு கட்டத்தில் இருவரும் நேரடியாக ஒருவரையொருவர் திட்டி தகராறில் ஈடுபட்டதாகவும் படப்பிடிப்பு குழுவினர் சமரசப்படுத்தியதாகவும் வதந்தி பரவிது.

இது குறித்து இலியானாவிடம் கேட்டபோது, "பிரியங்கா சோப்ராவும் நானும் ஒரு படத்தில் இணைந்து நடிக்கிறோம். பிரியங்கா சோப்ராவை எனது தோழி என்று சொல்ல மாட்டேன். ஒரு நடிகை என்ற ரீதியிலேயே எங்களுக்குள் அறிமுகம் உள்ளது. வேறு எந்த தொடர்பும் இல்லை. எங்களுக்குள் மோதல் நடந்ததாக வெளியான தகவலில் உண்மை இல்லை. ப்ரியங்கா சிறந்த நடிகை," என்றார்.

மகளை களமிறக்கிக் கலக்கும் ராதா-கேரளாவுக்கே 'ஷிப்ட்' ஆன அம்பிகா!!!

Wednesday,April,25,2012
இப்போது 40 முதல் 45 வயது ஆகும் 'இளைஞர்களின்' அந்தக் கால 'கனவுக் கன்னி'களாக விளங்கிய அம்பிகா மற்றும் ராதாவின் வாழ்க்கையில் சமீப காலமாக சில திருப்பங்கள்.

அம்பிகாவையும், ராதாவையும் அவ்வளவு சீக்கிரம் தமிழ் சினிமா ரசிகர்கள் மறக்க முடியாது. அந்த அளவுக்கு அவர்களின் 'நடிப்பு வீச்சு' ரசிகர்களை ஒரு காலத்தில் கட்டிப் போட்டு வைத்திருந்தது.

இருவரும், அந்த நாள் ஸ்டார் நடிகர்கள் ஒருவர் விடாமல் அத்தனை பேருடனும் சேர்ந்து ஜோடி போட்டுப் பட்டையைக் கிளப்பியவர்கள். தனித் தனியாக நடித்ததோடு, ஜோடியாக சேர்ந்தும் நடித்து 'தமிழ் சினிமாத் திருவிழாவில்' தூள் கிளப்பியவர்கள்.

இன்று இருவருக்கும் தனித் தனி வாழ்க்கை. தங்கை ராதா ரொம்ப காலமாக மும்பையில் செட்டிலாகிப் போயிருந்தார். அவரது முகமே பலருக்கும் மறந்து போயிருந்தது. ஆனால் ஒரு நல்ல நாளில், தனது மூத்த மகள் கார்த்திகாவோடு, தான் ஏற்கனவே பாடித் திரிந்த கோடம்பாக்கத்தில் கால் வைத்தார். கார்த்திகாவும் இன்று ஒரு நடிகை. அம்மா அளவுக்கு ஆஹாஹா என்று சொல்ல முடியாவிட்டாலும் கூட கார்த்திகாவுக்கும் ஒரு தனி முத்திரை கிடைத்துள்ளது - நன்றி 'கோ'.

'கோ' படத்தில் மகளுக்குக் கிடைத்த வரவேற்பால் பூரிப்படைந்திருந்த ராதாவை மேலும் 'உப்ப' வைக்கும் அளவுக்கு உற்சாகத்தைக் கொடுத்தார் குரு நாதர் பாரதிராஜா. தனது அன்னக்கொடியும் கொடி வீரனும் படத்தில் கார்த்திகாவுக்கும் முக்கிய ரோல் கொடுத்து நடிக்க வைத்துள்ளார். இதனால் கூடுதல் குஷியுடன் காணப்படுகிறார் ராதா.

இது ராதாவின் கதை. அடுத்து அம்பிகாவின் கதை. சினிமாவில் நாயகியாக வெளுத்துக் கட்டிய அம்பிகா போகப் போக அம்மா, அக்கா, அண்ணி என்று ரோல் மாறி நடிக்க ஆரம்பித்தார்.

கடைசியாக அவர் நடிப்பில் அலற வைத்த படம் அவன் இவன். நம்ம அம்பிகாவா இது என்று அனைவரும் ஆச்சரியப்படும் வகையில், 'ஊதி'த் தள்ளியிருந்தார் அம்பிகா.

அவரைத் தேடி நிறையப் பட வாய்ப்புகள் வந்தபோதிலும் அவர் புதிய படங்களை ஏற்க மறுத்து வருவதாக தெரிகிறது. இப்போது நிரந்தரமாக கேரளாவுக்கே 'ஷிப்ட்' ஆகி விட்டதாகவும் சொல்கிறார்கள்.

கேரளாவுக்குப் போன கையோடு அங்கு மலையாளப் படங்களில் கேரக்டர் ரோல்களில் நடிக்க முயற்சிகளை முடுக்கி விட்டுள்ளாராம். மறுபடியும் அவர் சென்னைக்கு இடம் பெயர்வது என்பது சந்தேகம்தான் என்கிறார்கள்.

அம்பிக்கு ஏன் இந்தக் கோவமோ தெரியவில்லை...!

கொலவெறியை ஓரம் கட்டும் 'கோவி்ந்தாய நமஹ'!!!

Wednesday,April,25,2012
கொலவெறி என்ற புகழ் பெற்ற இலக்கிய நயம் மிக்கப் பாடல் வந்தாலும் வந்தது, அதே பாணியில் ஏகப்பட்ட காப்பிகேட்கள் நடமாடத் தொடங்கி விட்டன. இருந்தும் எதுவும் கொலவெறியை ஓவர்டேக் செய்ய முடியவில்லை. ஆனால் தற்போது கொலவெறியை ஓரம் கட்டும் வகையில் ஒரு பாடல் மகா வேகமாக ஹிட் ஆகி கர்நாடகாவைக் கலக்கிக் கொண்டிருக்கிறது.

பியார்கே ஆக்பிட்டாய்த்தே என்று ஆரம்பமாகும் அந்தப் பாடல் கன்னடம் மற்றும் உருது மொழி கலந்த குண்டக்க மண்டக்க பாடலாகும். கோவிந்தாய நமஹ என்ற படத்தில் இப்பாடலை போட்டுள்ளனர். படு வேகமாக இந்தப் பாடல் பிரபலமாகியுள்ளது. இதுவரை யூடியூபில் பத்து லட்சம் ஹிட்டுகளுக்கு மேல் அடித்துள்ளதாம். படமும் சூப்பர் ஹிட் ஆகி விட்டது.

3 படம் போண்டியானதால், கொலவெறிப் பாடல் மீதான மோகமும் மங்கிப் போய் விட்டது. இதையடுத்து அந்த இடத்தை இந்த கோவிந்தாய நிரப்பும் என்று சொல்கிறார்கள்.

இந்த ஆண்டின் மிகப் பிரபலமான கன்னடப் பாடலாக இது உருவெடுத்துள்ளதாம். இப்பாடலுக்கு இசையமைத்துள்ளவர் குருகிரண். படத்தை இயக்கியிருப்பவர் புதுமுகமான பவன் உடையார். சேத்தன் மற்றும் இந்து நாகராஜ் பாடலைப் பாடியுள்ளனர்.

சினிமா பாணி இசை, நாட்டுப் புற இசை என பலதையும் கலந்து பப்பளக்க வைத்துள்ளனர் இந்தப் பாடலை. இப்பாடலுக்கு டான்ஸ் போட்டிருப்பவர்கள் கோமல் மற்றும் பருல் யாதவ். பீஜப்பூர் கோட்டை மற்றும் இப்ராகிம் ரோஸா ஆகிய இடங்களில் பாடலைப் படமாக்கியுள்ளனர்.

பாட்டு எப்படி இருக்கிறது என்று 'ஹேளிபிட்டு ஹேளி குரு....'!

கோச்சடையானை மறுத்த ஏ.வி.எம்.!!!

Wednesday,April,25,2012
'கோச்சடையான்' படப்பணிகளில் மும்முரமாக ஈடுபட்டு வருகிறார் ரஜினி. இப்படத்தினை ஈராஸ் நிறுவனத்துடன் இணைந்து சௌந்தர்யாவின் ஆக்கர் ஸ்டூடியோஸ் நிறுவனம் தயாரித்து வருகிறது. ரஜினிக்கு இப்படத்தை சௌந்தர்யா தயாரிப்பதில் துளிகூட இஷ்டம் இல்லையாம். அதனால் 'கோச்சடையான்' படத்தினை எப்படியாவது கைமாற்றி விட வேண்டும் என்று துடிக்கிறாராம். ரஜினி 'முதலாளி' என்று அழைப்பது ஏ.வி.எம். சரவணனை மட்டும் தான். அவரைப் பார்க்க வேண்டும் என்றால் உடனே காரை எடுத்துக் கொண்டு நேரடியாக ஏ.வி.எம். ஸ்டூடியோவிற்கு சென்று விடுவது ரஜினியின் பழக்கம். கேரளாவில் 'கோச்சடையான்' படப்பிடிப்பிற்கு கிளம்பும் சில நாட்களுக்கு முன்பு ஏ.வி.எம். சரவணனை சந்திக்க சென்றாராம் ரஜினி. 'கோச்சடையான்' படத்தயாரிப்பை அப்படியே கை மாற்றிவிட ஏ.வி.எம். சரவணனிடம் பேசினாராம். "சினிமா நிலவரம் சரியில்லை ரஜினி. அதனால் சினிமா தயாரிக்கும் மனநிலையில நாங்கள் இல்லை. நீங்களே வலியவந்து கேட்டும் என்னால் செய்ய முடியவில்லை... ஸாரி ரஜினி" என்று சொல்லி விட்டாராம் சரவணன்.

'எல்லாரும் தவறாம வந்திடுங்க' - மும்முரமாக திருமண அழைப்பிதழ் தரும் சினேகா- பிரசன்னா!!!

Wednesday,April,25,2012
நடிகை சினேகாவுக்கும் பிரசன்னாவுக்கும் மே 11-ந்தேதி திருமணம் நடக்கிறது. இருவரும் அச்சமுண்டு அச்சமுண்டு படத்தில் ஜோடியாக நடித்த போது காதலாகி, பெற்றோர் சம்மதத்துடன் திருமணம் செய்து கொள்கின்றனர்.

முகூர்த்த ஆடைகள், நகைகள் வாங்குதல் என இத்தனை நாள் தீவிரமாக இருந்தவர்கள், இப்போது திருமண அழைப்பிதழ் கொடுக்கும் வேலையில் மும்முரமாகியுள்ளனர்.

சக நடிகர், நடிகைகள், உறவினர்கள், நண்பர்களுக்கு தனித்தனியாக சென்று அழைப்பிதழ் கொடுத்து வருகிறார்கள்.

கடந்த சில தினங்களில் கமல், அஜீத், விஜய் போன்றோருக்கு பிரசன்னா நேரில் சென்று அழைப்பிதழ் கொடுத்து திருமணத்துக்கு அழைத்தார்.

இதுகுறித்து பிரசன்னா கூறுகையில், "விஜய், அஜீத் போன்றோரை சந்தித்து அழைப்பிதழ் கொடுத்து திருமணத்துக்கு அழைத்தேன். இருவரும் குடும்பத்தினருடன் என்னை சந்தித்தனர். வாழ்த்தும் சொன்னார்கள். சினேகாவிடம் டெலிபோனில் வாழ்த்து கூறினார்கள். கமல்ஹாசனை ஏற்கனவே சந்தித்து அழைப்பிதழ் கொடுத்தோம்," என்றார்.

ரஜினிக்காக காத்திருக்கிறோம்..

அடுத்து ரஜினிக்கும் அழைப்பிதழ் கொடுக்க காத்திருக்கிறார்கள் சினேகாவும் பிரசன்னாவும். கேரளாவில் கோச்சடையான் படப்பிடிப்பு முடிந்து ரஜினி வந்ததும் சந்தித்து அழைப்பு தருகின்றனர்.

கோச்சடையானில் ரஜினி தங்கையாக நடிக்கவிருந்து, பின்னர் நீக்கப்பட்டார் சினேகா என்பது குறிப்பிடத்தக்கது.

திருமணம் முடிந்த கையோடு கோலிவுட் திரும்பும் ரீமா சென் - விஜய் படத்தில் நடிக்கிறார்!!!

Wednesday,April,25,2012
கடந்த மாதம் டெல்லி தொழிலதிபரை ஆடம்பரமாக திருமணம் முடித்த ரீமா சென் மீண்டும் நடிக்க வந்துவிட்டார் என்பதுதான் கோலிவுட்டின் லேட்டஸ்ட் சுவாரஸ்ய செய்தி!

விசாரித்ததில் இது அதிகாரப்பூர்வமானதுதான் என உறுதியானது.

நடிகர் விஜய் தொடங்கியிருக்கும் சொந்தப்பட நிறுவனமான கில்லி பிலிம்ஸ் தயாரிக்கும் முதல் படமான சட்டம் ஒரு இருட்டறையில் முக்கிய வேடத்தில் நடிக்கிறார்.

1981-ல் வெளியாகி பெரும் திருப்பத்தை ஏற்படுத்திய அதே சட்டம் ஒரு இருட்டறைதான் இப்போது ரீமேக் செய்யப்படுகிறது.

இந்தப் படத்தில் நடிப்பது குறித்து ரீமா சென் கூறுகையில், "இந்தப் படத்தின் இந்தி ரீமேக் அந்தா கானூனை நான் பார்த்திருக்கிறேன். அதில் ஹேமமாலினியின் பாத்திரம் ரொம்பப் பிடிக்கும். அந்த பாத்திரத்தைதான் இப்போது தமிழில் நான் செய்யப் போகிறேன் என்பதில் ரொம்ப மகிழ்ச்சி. தொடர்ந்து படங்களில் கவனம் செலுத்துவேன். முன்பை விட இன்னும் வேகமான ரீமாவை படத்தில் காணலாம்," என்றார்.

'சில்வர் ஜூப்ளி' காணும் இசைஞானியின் 'ஹவ் டூ நேம் இட்'!!!

Wednesday,April,25,2012
ஹவ் டூ நேம் இட்... இசைஞானியின் ரசிகர்களின் ரத்தத்தில், சுவாசத்தில் கலந்த இந்தப் பெயரை மறக்க முடியுமா... வெளியாகி, இசை வானில் சிறகடித்து, இன்னிசையால் இதயங்களை நனைய வைத்து, இளக வைத்து, உருக வைத்து, அழ வைத்து 25 வருடங்களைப் பூர்த்தி செய்துள்ளது ஹவ் டூ நேம் இட்.

1986ம் ஆண்டு வெளியான ஹவ் டூ நேம் இட் அக்காலத்தில் பெரும் இசை லயிப்பலைகளை ஏற்படுத்திய இசைஞானியின் இசை மழைத் தொகுப்பாகும். அதுவரை திரையிசைப் பாடல்களை மட்டுமே கேட்டு வந்த இந்திய இசை ரசிகர்களின் காதுகளை இளையராஜாவி்ன் இந்த இசை ஆல்பம் புதியதொரு பாணியில் லயிக்க வைத்தது.

இந்திய மற்றும் மேற்கத்திய இசைக் கலவையாக அமைந்த ஹவ் டூ நேம் இட் இசை ஆல்பத்தில் இடம் பெற்றிருந்த இரு இசைக் கலவைகளை தியாகையருக்கும், ஜெர்மனி இசை மேதை ஜே.எஸ்.பாக்குக்கும் சமர்ப்பித்திருந்தார் இளையராஜா.

இந்திய இசையமைப்பாளர் ஒருவர் வெளியிட்ட முதல் இசை ஆல்பம் என்ற பெருமை ஹவ் டூ நேம் இட்டுக்கு உண்டு. இன்று அந்த இசைத் தொகுப்பு 25 ஆண்டுகளைக் கடந்துள்ளது. இதையொட்டி சென்னையில் ஒரு சிறப்பு நிகழ்ச்சிக்கு ஏற்பாடு செய்யப்பட்டுள்ளது.

சென்னை கோட்டூர்புரம் அண்ணா நூற்றாண்டு நூலக அரங்கில், ஏப்ரல் 29ம் தேதி மாலை 6.30 மணிக்கு நடைபெறும் இந்த நிகழ்ச்சியில், ஹவ் டூ நேம் இட் தொகுப்பில் இடம் பெற்றுள்ளவற்றை அம்பி சுப்பிரமணியமும், ராஜேஷ் வைத்யாவும் நேரடியாக ரசிகர்களுக்கு இசைத்து வழங்கவுள்ளனர். இந்த நிகழ்ச்சியில் இசைஞானியின் இசைப் படையில் இணைந்துள்ள 40க்கும் மேற்பட்ட இசை வீரர்கள் கலந்து கொண்டு காதுகளுக்கு களிப்பூட்டவுள்ளனர்.

எலியும், பூனையுமாக இருந்த கேத்ரினா , சோனா சந்திப்பு : மும்பை படவுலகில் பரபரப்பு

Wednesday,April,25,2012
மும்பை படவுலகில் எலியும், பூனையுமாக இருந்த நடிகைகள் கேத்ரினா கைப்பும், சோனக்ஷி சின்ஹாவும் சந்தித்து திடீர் நெருக்கம் காட்டியது பரபரப்பை ஏற்படுத்தி உள்ளது. நடிகை சோனக்ஷி சின்ஹா சில நாட்களுக்கு முன்பு நடிகை கேத்ரினா கைப்பை கடுமையாக விமர்சித்திருந்தார். பின்னர் சுமுக உறவை ஏற்படுத்துவதற்காக அவருக்கு நலம் விசாரித்து மெசேஜ் அனுப்பினார். ஆனால் அதற்கு கேத்ரினா எந்த ரியாக்ஷ னும் காட்டவில்லை. கடந்த வெள்ளிக்கிழமை நடிகர் சோகைல்கான் இல்ல விழாவில் இருவரும் சந்தித்தனர். அப்போது கட்டியணைத்து ஒருவருக்கொருவர் வாழ்த்து தெரிவித்துக் கொண்டனர். இதில் என்ன விசேஷம் என்றால் இருவரது மோதலுக்கு காரணமான நடிகர் சல்மான்கான் அந்த விழாவில் கலந்து கொண்டதுதான். இருவரும் சகஜமாக சிரித்து பேசிக் கொண்டிருந்தது விழாவுக்கு வந்த தயாரிப்பாளர்கள், சக நடிகர், நடிகைகளை வியப்பில் ஆழ்த்தியது.

நடிகை சோனக்ஷி சின்ஹா, நடிகர் சல்மான்கானுடன் ‘தபங்க்’ படத்தில் நடித்ததில் இருந்து கைப்பும், சோனக்ஷியும் நேருக்கு நேர் சந்திப்பதையே தவிர்த்து விட்டனர். பொது நிகழ்ச்சிகளில் சந்திக்க வாய்ப்பிருந்தும் அதை தவிர்த்தனர். தற்போது இருவரும் ஒட்டிக் கொண்டது மும்பை படவுலகில் பரபரப்பை ஏற்படுத்தி உள்ளது. இதுகுறித்து கைப்பின் தோழி கூறுகையில், ‘‘இருவரும் இணைய என்ன காரணம் வேண்டுமானாலும் இருக்கட்டும். நீண்ட நாட்களுக்கு பின்னர் இந்திப் படவுலகின் இரு பெரும் நடிகைகளை இணைந்து பார்ப்பது மகிழ்ச்சி யாகத் தானே இருக்கிறது’’ என்றார்.