Thursday, March 15, 2012

நடிகை பத்மாலட்சுமியின் மகளுக்கு 'தந்தை' யார்?.

Thursday, March 15, 2012
சென்னையை சேர்ந்தவர் பத்மாலட்சுமி(41) அமெரிக்காவில் வசித்து வரும் இவர் ஏராளமான விளம்பர படங்களில் மாடலிங் செய்துள்ளார். சில ஆங்கில திரைப்படங்களிலும் நடித்துள்ளார். இவர் பிரபல எழுத்தாளர் சல்மான் ருஷ்டியை சில ஆண்டுகள் காதலித்தார். இதன் மூலம் அவர் உலகம் முழுவதிலும் பிரபலமானார். சல்மான் ருஷ்டியுடன் கருத்து வேறுபாடு ஏற்பட்டதால் அவரை பிரிந்தார். 3 ஆண்டுகளுக்கு முன்பு டெல் கம்ப்யூட்டர்ஸ் அதிபர் மைக்கேலின் சகோதரர் ஆடம்டெல் என்பவரை காதலித்தார்.

அதே காலக்கட்டத்தில் பத்மாலட்சுமி அமெரிக்க தொழில் அதிபர் டெட்டி பால்ஸ்மேன் (71) என்பவரையும் காதலித்தார். இருவருக்கும் 30 வயது வித்தியாசம் உள்ளது. இதனால் அமெரிக்க பத்திரிகைகள் நடிகை பத்மாலட்சுமி சொத்துக்கு ஆசைப்பட்டு பால்ஸ்மேனை காதலிப்பதாக கூறின. இவற்றை பத்மா லட்சுமி மறுத்து வந்தார்.

தற்போது பத்மாவுக்கு 2 வயதில் கிருஷ்ணா என்ற மகள் இருக்கிறாள். இந்நிலையில் கடந்த நவம்பர் மாதம் பால்ஸ்மேன் புற்று நோயால் திடீரென இறந்து போனார். அவர் இறப்பதற்கு முன்பு தான் சம்பாதித்த ரூ.8883 கோடி சொத்துக்களை கிருஷ்ணா பெயரில் எழுதி வைத்தார். இதையறிந்ததும் பத்மாலட்சுமியின் முன்னாள் காதலர் ஆடம்டெல் அங்குள்ள கோர்ட்டில் கிருஷ்ணா எனது மகள், அவளை என்னிடம் ஒப்படைக்க வேண்டும் என்று கோரி வழக்கு தொடர்ந்துள்ளார்.

இதற்கு பதில் அளித்த பத்மாலட்சுமி கிருஷ்ணா பால்ஸ்மேனின் உண்மையான மகள். ஆடம்டெல் சொத்துக்கு ஆசைப்பட்டு என் மகள் கிருஷ்ணாவை சொந்தம் கொண்டாடுகிறார் என்றார். வழக்கை விசாரித்த கோர்ட்டு ஆடம்டெல் உண்மையான தந்தையா? என்பதை கண்டறிய மரபணு சோதனைக்கு உத்தரவிட்டுள்ளது

உலகின் ‘ஹாட்டஸ்ட்’அழகியாக ரோசி ஹன்டிங்டன் தேர்வு!!!

Thursday, March 15, 2012
இங்கிலாந்து நடிகை, மாடல் அழகி ரோசி ஹன்டிங்டன் ஒயிட்லி (24). பள்ளி படிப்பை முடிப்பதற்கு முன்பே மாடலிங் தொழிலுக்கு வந்தவர். உள்ளாடை தயாரிப்பில் உலகப் புகழ் பெற்ற விக்டோரியாஸ் சீக்ரட் நிறுவனம், ஆடைகள், சென்ட் தயாரிக்கும் பர்பரி நிறுவனம் ஆகியவற்றில் இவர்தான் நம்பர் ஒன் மாடல் அழகி. சினிமாவிலும் நடிக்க ஆரம்பித்துள்ளார். ‘டிரான்ஸ்பார்மர்கள்’ என்ற வரிசையில் ஹாலிவுட் படங்கள் 2007-ம் ஆண்டு முதல் வெளியாகி வருகின்றன. இந்த வரிசையின் 3-வது படமான ‘டார்க் ஆப் த மூன்’ கடந்த ஜூன் 29-ம் தேதி வெளியானது.

பிரான்சை தலைமையிடமாக கொண்டு உலகம் முழுவதும் வெளிவரும் ‘எல்லீ’ பேஷன் இதழ் சமீபத்தில் ஒரு சர்வே நடத்தியது. இதில் இந்த ஆண்டின் சூப்பர் மாடல் அழகியாக ரோசியை நேயர்கள், ரசிகர்கள் தேர்ந்தெடுத்துள்ளனர். உலகம் முழுவதும் வெளிவரும் எப்.எச்.எம். இதழ் ‘கவர்ச்சியான பெண் யார்’ என்று போட்டி நடத்தியது. இதில் ரசிகர்களின் ஏகோபித்த வரவேற்பை பெற்று நம்பர் ஒன் அழகியாக ரோசி தேர்வாகியுள்ளார். உலகம் முழுவதும் உள்ள நடிகைகள், மாடல் அழகிகளை அலசி ஆராய்ந்து ‘ஹாட் அழகிகள்’ என்ற பட்டியலை மேக்சிம் இதழ் வெளியிட்டுள்ளது. அதிலும் நம்பர் ஒன் இடத்தை பிடித்திருக்கிறார் ரோசி. "என் உதடுகள் பெரிதாக இருக்கும். படிக்கும் காலத்தில் இதை சொல்லி தோழிகள் கிண்டல் செய்வார்கள். அதுதான் எனக்கு தற்போது அழகி பட்டத்தை பெற்று தந்திருக்கிறது" என்கிறார் ரோசி

கோச்சடையான் படத்தில் ரஜினிகாந்த் தனது சொந்தக் குரலில் ஒரு பாடல் பாடியுள்ளார்!!!

Thursday, March 15, 2012
நிச்சயமாக இந்த செய்தி ரசிகர்களுக்கு மகிழ்ச்சியை அளிக்கும் என்பதில் எந்த சந்தேகமும் இல்லை. ஆம், கோச்சடையான் படத்தில் ரஜினிகாந்த் தனது சொந்தக் குரலில் ஒரு பாடல் பாடியுள்ளார்.

ரஜினிகாந்த்தின் இளைய மகள் செந்தர்யா அஸ்வின்தான் இந்த யோசனையைக் கொடுத்தவர். படத்தின் மிக முக்கியமான காட்சிகளில் ரஜினிகாந்த்தின் குரல் சிறப்பாக எடுபடும் என்று நினைத்தவர், உடனடியாக அவரது குரலை பதிவும் செய்துவிட்டார்.

இது ஒரு சாதாரண டூயர் பாடலோ, கமர்சியல் பாடலோ அல்ல. உணர்ச்சிப் பூர்வமான காட்சிகளுக்கு பின்னணியாக வரும் வகையிலான பாடலாகும். இதற்கு சிவாஜி நடித்த ராஜராஜ சோழன் படத்தின் தென்றலோடு உடன் பிறந்தாள் பாடல் வரிகளை பயன்படுத்தியுள்ளதாகத் தெரிகிறது.

ஏற்கனவே, மன்னன் திரைப்படத்தில் ரஜினிகாந்த் தனது சொந்தக் குரலில் ஒரு டூயட் சாங் பாடியுள்ளார் என்பது அனைவரும் அறிந்ததே.

அலறும் ஹீரோ ஐஸ் வைக்கும் இயக்குனர்!!!

Thursday, March 15, 2012
அலைபாயுற நடிகருக்கு முட்டில அடிபட்டதுல மனம் உடைஞ்சிபோயிட்டாராம்... போயிட்டாராம்... ஆக்ஷன் படங்கள் வந்தா அலறத் தொடங்குறாராம். ஓட முடியாது, குதிச்சி சண்டை போட முடியாதுன்னு ந¤றைய கண்டிஷன் போடுறாராம்... போடுறாராம்... இதனால அவருக்கு கதை சொல்லுறதுக்கு இயக்குனருங்க யோசிக்கிறாங்களாம். சீக்கிரமே இதுக்கு ஒரு வழி பாருங்கன்னு நெருங்கினவங்க கொடுத்த அட்வைசால மூட்டு ஆபரேஷன் பண்ண முடிவு பண்ணியிருக்காராம்... இருக்காராம்...

நியூ டர்னிங் படத்துல நடிக்க¤ற ஆண்டிய ஹீரோயின், கிளாமர் போட்டோவை ரிலீஸ் பண்ண¤னதுக்கு சண்டை போட்டாராம்... போட்டாராம்... அப்படியென்ன கிளாமர் ஸ்டில்ல ரிலீஸ் பண்ணீங்கன்னு சாரதமான பட இயக்கத்துக்கிட்ட கேட்டா, Ôசண்டையா அப்படியெல்லாம் ஒண்ணுமில்லையே. அவர் ரொம்ப கோ ஆப்ரேட் பண்ண¤னாரு. ஷூட்டிங் வர்றப்போ எனக்காக ஜூஸ் எல்லாம் வீட்லேருந்து எடுத்துட்டு வருவாருÕன்னு ஐஸ் மழையா பொழியுறாராம்... பொழியுறாராம்...

கழகு படத்துல நடிச்சிருக்கிற பிந்து ஹீரோயின் சிலுக்கு மாதிரியே இருந்தாலும் கிளாமரா நடிக்க¤றதுக்கு சான்ஸ் வரமாட்டேங்குதாம்... வரமாட்டேங்குதாம்... இது நடிகைக்கு வருத்தமாம். பாட்டுல மட்டும் கவர்ச்சியா நடிக்க வைக்கிறாங்க. வித்யாபாலனுக்கு கிடைச்ச ரோல் மாதிரி படம் முழுக்க கிளாமரா நடிச்சா, நான் டாப்புக்கு போயிடுவேன்னு நெருங்கியவங்ககிட்ட சொல்றாராம்... சொல்றாராம்...

கிளிப்பிங்ஸ்!!!

Thursday, March 15, 2012
*அலை, ‘யாவரும் நலம் படங்களை இயக்கிய விக்ரம் குமார் தெலுங்கில் தான் இயக்கிய ‘இஷ்க் படத்தை இந்தியில் ரன்பீர் கபூர் ஹீரோவாக நடிக்க இயக்குகிறார்.

*‘மைனா படத்தில் போலீஸ் அதிகாரியின் மனைவியாக நடித்த சூசன் அடுத்து பேச்சியக்கா மருமகன் படத்தில் வில்லியாக நடிக்கிறார்.

*‘மதராசபட்டினம் படத்தில் ஆருயிரே என்ற பாடல் பாடிய சோனு, தற்போது வசந்த் இயக்கும் மூன்றுபேர் மூன்று காதல் என்ற படத்துக்காக யுவன் சங்கர் ராஜா இசையில் ‘மழை மழை மழையோ மழை என்ற பாடல் பாடினார்.

*‘அழகர்சாமியின் குதிரை படத்திற்காக சிறந்த துணை நடிகருக்கான தேசிய விருது பெற்ற அப்புகுட்டி என்கிற சிவபாலன், ஓட்டலில் கிளீனராக வேலை செய்தபோது சினிமா வாய்ப்பு வந்ததாம்.

*ஷூட்டிங்கில் இருக்கும்போது மீடியா நபர்கள் வந்தால் கேரவனில் சென்று பதுங்கிவிடுகிறாராம் சினேகா.

கிளிப்பிங்ஸ்!!

யாருடைய தயவும் எனக்கு தேவையில்லை! - அசின் அதிரடி!!!

Thursday, March 15, 2012
'காவலன்' படத்துக்கு பின் அசினுக்கு தமிழில் வாய்ப்புகள் இல்லை. இந்தியில் 'ஹவுஸ்புல் 2போல்பச்சன்' என இரு படங்களில் நடித்து வருகிறார். 'ஹவுஸ்புல் 2' படம் ஏப்ரல் 5-ல் ரிலீசாக உள்ளது. சினிமாவில் ரொம்ப கஷ்டங்களை சந்தித்ததாக அசின் கூறினார். இது குறித்து ஐதராபாத்தில் அவர் அளித்த பேட்டி வருமாறு:- சினிமாவில் எனக்கு யாருடைய தயவு தாட்சண்யமும் தேவையில்லை. ரொம்ப கஷ்டப்பட்டுத்தான் இந்த நிலைமைக்கு வந்தேன். நடிகையாக அறிமுகமானபோது யாரும் எனக்கு உதவவில்லை. தனியாக போராடி எனது சொந்த திறமையால் முன்னுக்கு வந்தேன். இனிமேலும் அப்படித்தான் இருப்பேன். சினிமா உலகில் ஆரம்ப காலத்தில் கஷ்ட நஷ்டங்களை பார்த்து விட்டேன். அப்போதும் தனியாகத்தான் இருந்தேன். இப்போதும் தனியாகவே இருக்கிறேன். சினிமாவில் சில நண்பர்கள் கிடைத்து இருக்கிறார்கள். திரையுலகில் என் குடும்பத்தினர் யாரும் இல்லை. சொந்தக்காரர்களும் கிடையாது. சோதனைகளை தாண்டி வந்து இருக்கிறேன். சினிமாவில் நிலைக்க திறமை போதும்; என் திறமை மேல் நம்பிக்கை இருக்கிறது. அதிர்ஷ்டம் இருந்தால் உயரலாம் என்கிறார்கள். அதிர்ஷ்டத்தை நம்பி வீட்டில் சும்மா இருந்தால் எல்லாம் வந்து விடுமா? திறமைதான் முக்கியம். நான் திறமையை நம்புகிறேன். சரி.. சரி.. திறமைசாலிதான் ஒத்துக்கிறோம்.....

'முகமூடி' ஸ்டில்ஸ்-க்கு மிஷ்கின் போட்ட தடை!!!

Thursday, March 15, 2012
ஜீவா, பூஜா ஹெக்டே நடித்து வரும் படம் 'முகமூடி'. யு.டிவி நிறுவனம் தயாரித்து வரும் இப்படத்தினை இயக்கி வருகிறார் மிஷ்கின். 'யுத்தம் செய்' படத்திற்கு இசையமைத்த கே இப்படத்திற்கு இசையமைத்து வருகிறார். தமிழ் திரையுலகில் முதன் முறையாக தயாராகி வரும் சூப்பர் ஹீரோ கதை 'முகமூடி' என்பது குறிப்பிடத்தக்கது. பெப்சி பிரச்சினையால் 'முகமூடி' படமும் பாதிக்கப்பட்டது. ஆனால் தற்போது படப்பிடிப்பு சென்னையில் சுமூகமாக நடைபெற்று வருகிறது. ஜீவா முதன் முறையாக சூப்பர் ஹீரோ உடைகளை அணிந்து முதல் காட்சியில் நடித்து இருக்கிறார். ஜீவாவின் சூப்பர் ஹீரோ லுக்கை மிக ரகசியமாக பாதுகாக்கிறார் மிஷ்கின். படத்தின் இசை வெளியீடு வரை யாரும் ஜீவாவின் சூப்பர் ஹீரோ ஸ்டில்ஸை வெளியிடக்கூடாது என்று தெரிவித்து இருக்கிறார் மிஷ்கின்.

தெலுங்கில் கனிமொழி - தடை கோரி நடிகை சோனா வழக்கு!!!

Thursday, March 15, 2012
கனிமொழி படத்தை தெலுங்கில் வெளியிட தடை கோரி சென்னை உயர்நீதிமன்றத்தில் நடிகை சோனா வழக்கு தொடர்ந்துள்ளார்.

தமிழில் சோனா தயாரித்த படம் கனிமொழி. ஆனால் சரியாகப் போகவில்லை.

இந்தப் படத்தை தெலுங்கில் டப் செய்து, 'லவ் ஜர்னி' என்ற பெயரில் வெளியிட முயற்சி நடந்து வருகிறது. இதற்கு தடை விதிக்கக் கோரி, சென்னை உயர்நீதிமன்றத்தில் யுனிக் புரடக்ஷன்ஸ் நிறுவனத்தின் உரிமைரான நடிகை சோனா மனு தாக்கல் செய்துள்ளார்.

அதில், "நடிகர் ஜெய் நடிக்கும் படத்தை, அம்மா கிரியேஷன்ஸ் தயாரித்து வந்தது. படத்தை முடிக்க முடியாததால், என்னை அணுகினர்.

படத் தயாரிப்புக்கு வேண்டிய பணத்தைக் கொடுத்தேன்; அதன் உரிமையை, விலைக்கு வாங்கினேன். 'கனிமொழி' என்கிற பெயரில் படம் வெளியானது. படத்தை வெளியிட்டேன்; பெரும் நஷ்டம் ஏற்பட்டது.

தற்போது, இப்படத்தை தெலுங்கு மொழியில், டப்பிங் செய்வதற்கான நடவடிக்கைகளில், அம்மா கிரியேஷன்ஸ் ஈடுபட்டுள்ளது. இதற்கு என் ஒப்புதலை பெறவில்லை. 'லவ் ஜர்னி' என்கிற பெயரில் படத்தை வெளியிட உள்ளனர். இப்படத்தை வெளியிட தடை விதிக்க வேண்டும்", என்று குறிப்பிட்டுள்ளார்.

மனுவை நீதிபதி வாசுகி விசாரித்தார். மனுதாரர் சார்பில் வழக்கறிஞர் தங்கசிவன் ஆஜரானார். விசாரணையை வரும் 27ம் தேதிக்கு நீதிபதி வாசுகி தள்ளி வைத்துள்ளார்.

கோவா திரைப்பட விழாவில் தமிழ் பட ஹீரோயின் தேர்வு!!!

Thursday, March 15, 2012
கோவா பட விழாவில் சந்தித்தவரை ஹீரோயினாக தேர்வு செய்தேன் என்றார் இயக்குனர் பாலாஜி சக்திவேல்.
சாமுராய் ‘காதல், ‘கல்லூரி படங்களை அடுத்து பாலாஜி சக்திவேல் இயக்கும் படம் வழக்கு எண் 18/9. இப்படம் பற்றி அவர் கூறியதாவது:
வழக்கமான மசாலா படங்கள் இயக்குவதில் எனக்கு ஆர்வம் கிடையாது. ஒரு படம் இயக்கினாலும் மாறுபட்ட திரைக்கதையுடன் இருக்க வேண்டும் என்று எண்ணுகிறேன். அந்த வகையில்தான் ‘வழக்கு எண்... படம் உருவாகிறது. இப்படத்தின் மத்திய மற்றும் கிளைமாக்ஸ் காட்சியை எழுதி முடித்துவிட்டேன். ஆனால் தொடக்க காட்சியை எப்படி அமைப்பது என்பதற்கு ஒரு வருடம் ஆனது. இதில் ஸ்ரீ, மிதுன்முரளி, ஊர்மிளா, மினிஷா என புதுமுகங்கள் நடிக்கின்றனர். கோவாவில் நடந்த சர்வதேச பட விழாவிற்கு சென்றபோது ஊர்மிளாவை சந்தித்தேன். புனே திரைப்பட கல்லூரி மாணவி. தங்கப்பதக்கம் வென்றவர். நடிப்புக்கான சான்றிதழ் காட்டி தனது நடிப்பு ஆர்வத்தை வெளிப்படுத்தினார். வேடத்துக்கு பொருத்தமாக இருந்ததால் தேர்வு செய்தேன். மற்ற நட்சத்திரங்களும் நடிப்பு தேர்வுக்கு பிறகே தேர்வாகினர். இப்படத்தை லிங்குசாமி தயாரிக்கிறார். ‘காதல்Õ படத்தை இவர்தான் தயாரிப்பதாக இருந்தது. அதற்காக தனுஷிடம் கதை சொல்வதற்கு இருவரையும் மலேசியா அனுப்பி வைத்தார். ஆனால் அது ஈடேறவில்லை. அந்த படத்தை மிஸ் செய்ததையடுத்து இப்படத்தை அவருக்காக இயக்குகிறேன். பிரசன்னா இசை. விஜய் மில்டன் ஒளிப்பதிவு.

மாவோயிஸ்ட்கள் பற்றிய கதை கொண்ட இந்தி படத்தில் நடிக்க அசின் மறுப்பு!!!

Thursday, March 15, 2012
மாவோயிஸ்ட்கள் பற்றிய கதை கொண்ட இந்தி படத்தில் நடிக்க அசின் மறுத்துவ¤ட்டார்.
தமிழில் வெளியான கோ படத்தை இந்தியில் ரீமேக் செய்கிறார் இயக்குனர் பிரகாஷ் ஜா. இதில் அக்ஷய் குமார், கேத்ரினா கைப் நடிக்கின்றனர். இப்படத்தை இயக்கியபடி, சக்ரவியூ என்ற படத்தையும் பிரகாஷ் ஜா இயக்க உள்ளார். இது மாவோயிஸ்ட்கள் பற்றிய கதை. இதில் நடிக்க அபிஷேக் பச்சன், அசினிடம் பிரகாஷ் பேசினார். ஆனால் படத்தில் நடிக்க இருவருமே மறுத்துவிட்டனர்.
இது பற்றி பட வட்டாரம் கூறிய தகவல்:
ரோஹித் ஷெட்டி இயக்கும் போல் பச்சன் காமெடி படத்தில் அபிஷேக், அசின் நடித்து வருகின்றனர். அந்த படத்துக்கு அதிக நாள் கால்ஷீட் கொடுத்திருப்பதால் இதில் அவர்களால் நடிக்க முடியவில்லை. மற்றொரு காரணம், போல் பச்சன் படத்தில் அண்ணன், தங்கை வேடத்தில் அபிஷேக், அசின் நடித்து வருகின்றனர். இந்த படம் ரிலீசாகும் நேரத்தில் சக்ரவியூ படமும் ரிலீசாகும். அப்போது அண்ணன், தங்கையாக நடித்தவர்கள், உடனே ரிலீசாகும் மற்றொரு படத்தில் ஜோடியாக நடித்தால் இரண்டு படத்துக்குமே பாதிப்பு வரலாம் என இரு படங்களின் தயாரிப்பாளர்கள் தரப்பில் பேசப்பட்டது. இதையெல்லாம் மனதில் வைத்துதான் சக்ரவியூ படத்தில் நடிக்க அசின், அபிஷேக் மறுத்துள்ளனர். அவர்களுக்கு பதிலாக அபய் தியோல், இஷா குப்தா நடிக்கின்றனர்.
இவ்வாறு பட வட்டாரங்கள் தெரிவித்தன.

வடிவேலு ரியல் எஸ்டேட் விவகாரம்: காமெடி ஆக்கினாரா விவேக்?.

Thursday, March 15, 2012
வடிவேலு - சிங்கமுத்து இடையே எழுந்த நிலத் தகராறு, மோசடி வழக்குகள் ஊரறிந்த கதை. இந்த சீரியஸ் பிரச்சினையை ஒரு படத்தில் தமாஷாக்கியிருக்கிறாராம் இன்னொரு காமெடியன்.

அவர் விவேக்.. படம் கந்தா!

பாபு கே விஸ்வநாத் இயக்க, கரண் ஹீரோவாக நடித்துள்ள படம் இது. முன்பே ரிலீஸ் ஆக வேண்டியது. கொஞ்சம் டிலே ஆகி, அடுத்த வாரம் வருகிறது.

விவேக்கை நேரில் பார்த்தபோது, 'வடிவேலுவுக்கும் சிங்கமுத்துக்கும் நடுவே எழுந்த ரியல் எஸ்டேட் பிரச்னையை கந்தா படத்தில் சீண்டியிருக்கிறீர்களாமே?' என்று கேட்டோம்.

அதற்கு அவர், "கந்தா படத்தில் ரியல் எஸ்டேட் பிரச்னையை வைத்து நான் ட்ராக் பண்ணியிருப்பது உண்மைதான். ஆனால், இது காமெடி ட்ராக் முடிந்து ஷூட்டிங் முடிந்த பிறகுதான் வடிவேலு பிரச்னை வெளிவந்தது.

அதற்கும் இதற்கும் எந்த தொடர்பு இல்லை.. கந்தா பட்ஜெட் படம் என்பதாலும், தியேட்டர்கள் கிடைக்காததாலும் இந்தப் படம் இப்போது தான் வருகிறது. வடிவேலுவிடம் கூட இதுதொடர்பாக பேசிவிட்டேன்," என்றார்.

விஸ்வரூபம் படத்துக்காக கமலுக்கு ஹெலிகாப்டர் சண்டை அமைத்த ஹாலிவுட் ஸ்டன்ட் மாஸ்டர்!!!

Thursday, March 15, 2012
கமல்ஹாசன் நடிக்கும் விஸ்வரூபம் படத்துக்காக ஹெலிகாப்டர் ஆக்ஷன் காட்சியை ஹாலிவுட் ஸ்டன்ட் மாஸ்டர் அமைத்தார்.
பேர்ல் ஹார்பர் உள்ளிட்ட 70க்கும் மேற்பட்ட ஹாலிவுட் படங்களுக்கு சண்டை காட்சிகள் அமைத்தவர் லீ விட்டேக்கர். இவருக்கு பலமுறை கோலிவுட் படங்களில் ஸ்டன்ட் அமைக்க அழைப்பு வந்தபோது மறுத்துவிட்டார். கமல்ஹாசன் நடித்து இயக்கும் விஸ்வரூபம் படத்துக்கு ஸ்டன்ட் அமைக்க அழைப்பு விடுத்தபோது ஒப்புக்கொண்டார்.

இப்படத்தில் தீவிரவாதியாக நடிக்கும் ராகுல் போஸுடன் ஹெலிகாப்டரில் பறந்தபடி கமல்ஹாசன் சண்டைபோடும் காட்சி அமைக்கப்பட்டது. இதற்காக நேரில் வந்து பயிற்சி அளித்து சண்டை காட்சியை மேற்பார்வையிட்டு படமாக்கினார் லீ.குறைந்த அளவே பாதுகாப்பு ஏற்பாடுகள் செய்யப்பட்டிருந்தபோதிலும் துணிச்சலுடன் ஹெலிகாப்டரில் ரோப் கட்டி பறந்தபடி கமல்ஹாசன் நடித்த ஸ்டன்ட் காட்சியை கண்டு வியந்த லீ அவருக்கு கை குலுக்கி பாராட்டு தெரிவித்தார்.

ஐஸ்வர்யாராய் குழந்தை பெயர் 'ஆரத்யா':4 மாதங்களாக பரிசீலித்து தேர்வு!!!

Thursday, March 15, 2012
ஐஸ்வர்யாராய், அபிஷேக்பச்சன் தம்பதிக்கு கடந்த வருடம் நவம்பர் 16-ல் பெண் குழந்தை பிறந்தது. நான்கு மாதங்களாக குழந்தைக்கு பெயர் தேர்வு செய்யும் பணியில் மொத்த குடும்பத்தினரும் ஈடுபட்டனர்.

ரசிகர்களிடமும் பெயர்கள் தேர்வு செய்து அனுப்புமாறு அமிதாப்பச்சன் வேண்டுகோள் விடுத்தார். இதையடுத்து டூவிட்டர், பேஸ்புக்கில் ஆயிரக்கணக்கான பெயர்கள் குவிந்தது.

அமிதாப்பச்சன், அபிஷேக்பச்சன், ஐஸ்வர்யா மூவருக்கும் ஏ ஆங்கில எழுத்தில் பெயர்கள் துவங்குவதால் குழந்தையின் பெயரும் ஏ-யில் ஆரம்பிப்பதாக இருக்க வேண்டும் என்று விரும்பினர்.

அதன்படி அபிலாஷா என்ற பெயரை இறுதியாக பரிசீலித்தனர். அந்த பெயர் சூட்டப்படலாம் என எதிர்பார்க்கப்பட்டது. தற்போது கடைசியாக ஆரத்யா என்ற பெயரை தேர்வு செய்துள்ளனர்.

இப்பெயர் குடும்பத்தினருக்கும், உறவினர்களுக்கும் பிடித்து போனதாம். ஆரத்யா பெயரை பதிவு செய்துவிட்டனர். இந்த பெயர் சமஸ்கிருத மொழியாகும்.

கோச்சடையான்' படப்பிடிப்பு நாளை தொடங்குகிறது!!!

Thursday, March 15, 2012
கோச்சடையான்' படப்பிடிப்பு நாளை தொடங்குகிறது. சம்பிரதாயமாக படத்தை ஆரம்பித்துவிட்டு, வரும் மார்ச் 21-ம் தேதி சூப்பர் ஸ்டார் ரஜினியுடன் லண்டனுக்குப் பறக்கிறது 'கோச்சடையான்' யூனிட். 'கோச்சடையானில் ரஜினிக்கு இவர் டூப் போடவிருக்கிறார்... அவர் டூப் போடுகிறார்' என்ற ரீதியில் வரும் செய்திகள் அனைத்துமே பக்கா கப்சா. காரணம், தன்னால் முடியாமல் போனால் அந்த படமே வேண்டாம் எனும் அளவுக்கு இந்த விஷயத்தில் கறாராக உள்ளாராம் ரஜினி. சண்டைக் காட்சிகள், அப்பா - மகன் வேடங்கள் என அனைத்திலுமே தானே நடிக்கவிருக்கிறார் ரஜினி. இதற்காக பிரிட்டிஷ் ஸ்டன்ட் கலைஞர்கள் குழுவை ஏற்பாடு செய்துள்ளனர். ரஜினிக்கேற்ப அவர்கள்தான் காட்சிகளை வடிவமைக்கிறார்கள். பீட்டர் ஹெயின் அதை இயக்குவார். ஏற்கெனவே ஹாங்காங் போன படத்தின் இயக்குநர் சவுந்தர்யா, அங்கு படத்தின் தொழில்நுட்பம் சார்ந்த பல விஷயங்களை முடிவு செய்துவிட்டு வந்திருக்கிறார். தொழில்நுட்ப ரீதியில் இந்தியாவின் முதல் ஹைடெக் படம் என்பதால் பக்கா திட்டமிடலுடன் படத்தை தொடங்குகிறார்கள்.பிளானெல்லாம் பயங்கரமாத்தான் இருக்கு.. ஆனா, நம்பத்தானே முடியல......