Monday, April 30, 2012

மீண்டும் 3 ஹீரோயின் கதையை இயக்கும் டைரக்டர்!!!

Monday, April, 30, 2012
ஜோதிகா, ரம்பா, லைலா 3 ஹீரோயின்கள் நடித்த ‘த்ரீ ரோசஸ்' பட இயக்குனர் பரமேஸ்வர் அடுத்து ‘உயிரெழுத்து' படத்தை இயக்குகிறார். இதுவும் 3 ஹீரோயின்கள் கதை. இது பற்றி பரமேஸ்வர் கூறியதாவது: மூன்று பெண்கள் தங்கி இருக்கும் ஒரு வீட்டில் நுழையும் நான்கு தீவிரவாதிகள் அவர்களை மிரட்டி அங்கேயே தங்குகின்றனர். அங்கிருந்தபடி நகரம் முழுவதும் வெடிகுண்டு வைத்து தகர்க்க முயல்கின்றனர். இதில் ஒரு பெண் அவர்களுக்கு துணைபோகிறார். இறுதியில் தீவிரவாதிகள் திட்டம் எப்படி முறியடிக்கப்படுகிறது என்பது கதை.

ஏற்கனவே இயக்கிய ‘த்ரீ ரோசஸ்' கதையில் 3 ஹீரோயின்கள் நடித்தனர். இதிலும் வர்ஷா, பிராச்சி, சூரியகிரண் ஆகிய 3 ஹீரோயின்கள் நடிக்கின்றனர். தீவிரவாதிகள் திட்டத்தை ஹீரோக்கள்தான் முறியடிப்பார்கள் என்ற சினிமா பார்முலாவை மாற்றி ஹீரோயின்கள் சாதிப்பதுபோல் இக்கதை அமைந்துள்ளது. விஜய் வில்சன் ஒளிப்பதிவு. பவன் இசை. சயத், மணி தயாரிப்பு.

சினேகா-பிரசன்னா காதல் திருமணம் : ஜோடியாக இன்று அறிவிப்பு!!!

Monday, April, 30, 2012
பைவ் ஸ்டார், அழகிய தீயே, அஞ்சாதே உள்ளிட்ட படங்களில் நடித்தவர் பிரசன்னா. பார்த்திபன் கனவு, வசூல் ராஜா எம்பிபிஎஸ் உள்ளிட்ட பல படங்களில் நடித்தவர் சினேகா. இவர்கள் இருவரும் ‘அச்சமுண்டு அச்சமுண்டு என்ற படத்தில் ஜோடியாக நடித்தனர். அப்போது இருவருக்கும் காதல் மலர்ந்தது. திருமணம் செய்து கொள்ள முடிவு செய்தனர். அதன்படி இருவீட்டார் சம்மதத்துடன் மே 11ம் தேதி சென்னை அடுத்த வானகரத்தில் உள்ள ஸ்ரீ வாரு வெங்கடேஸ்வரா திருமண மண்டபத்தில் திருமணம் நடக்கிறது.

இதுபற்றிய அறிவிப்பை இன்று பிற்பகலில் சென்னை வடபழனியில் உள்ள பிரசாத் ஸ்டுடியோவில் பிரசன்னா-சினேகா ஜோடியாக அறிவிக்கின்றனர். இதற்கிடையில் தங்கள் திருமண அழைப்பிதழை ரஜினிகாந்த், கமல்ஹாசன் உள்ளிட்ட முன்னணி நட்சத்திரங்கள், இயக்குனர்கள், தயாரிப்பாளர்களுக்கு இருவரும் ஜோடியாக சென்று அளித்தனர். திருமண ஏற்பாடுகள் தடபுடலாக செய்யப்பட்டு வருகிறது.

சமர் ஆனது விஷாலின் சமரன்!!!

Monday, April, 30, 2012
விஷால் - த்ரிஷா நடிப்பில் உருவாகி வரும் சமரன் படத்தின் தலைப்பு சமர் என்று மாற்றப்பட்டுள்ளது.

திரு இயக்கும் இந்தப் படத்தில் விஷாலுடன் முதல்முறையாக ஜோடி சேர்ந்துள்ளார் த்ரிஷா. இன்னொரு நாயகியாக சுனேனா நடிக்கிறார்.

மனோஜ் பாஜ்பாய், ஜேடி சக்ரவர்த்தி ஆகியோர் வில்லன்களாக நடிக்கின்றனர்.

அதிரடி சண்டைக் காட்சிகள், நகைச்சுவை நிரம்பிய இந்தப் படத்துக்கு முதலில் சமரன் என்று பெயர் சூட்டியிருந்தனர்.

ஆனால் இன்னும் சுருக்கமாகவும் அழுத்தமாகவும் வேண்டும் என்பதற்காக இந்தப் பெயரை இப்போது சமர் என்று மாற்றப்பட்டுள்ளது.

"சமர் என்ற பெயர் இன்னும் நன்றாக இருக்கிறது. அதனால்தான் இந்த மாற்றம். படத்தின் முக்கிய காட்சிகள் தாய்லாந்தில் படமாக்கப்பட உள்ளன. மே மாதம் முழுவதும் அங்குதான் ஷுட்டிங்" என்றார் படத்தின் ஹீரோ விஷால்.

ஆமா... கல்யாணந்தான்... ஆனாலும் நடிப்பேன்! - ஸ்ரேயா!!!

Monday, April, 30, 2012
விரைவில் தனக்கு திருமணம் நடக்கப் போவதாக வந்த செய்திகள் உண்மைதான் என்றும், ஆனாலும் திருமணத்துக்குப் பிறகு நடிப்பு தொடரும் என்றும் நடிகை ஸ்ரேயா கூறினார்.

தென்னகத்தில் பிரபல நடிகையாகத் திகழ்ந்து, பின்னர் பாலிவுட்டிலும் நடித்தவர் ஸ்ரேயா. இப்போது இரண்டு மூன்று படங்களில் நடித்தாலும், அந்த அளவு பிஸியாக இல்லை. எனவே திருமணம் செய்து கொள்ள முடிவெடுத்துள்ளார்.

வீட்டில் அவருக்கு மாப்பிள்ளை பார்க்கும் படலம் ஆரம்பமாகிவிட்டது.

இதுகுறித்து ஸ்ரேயாவிடம் கேட்டபோது, "திருமண ஏற்பாடுகள் நடப்பது உண்மைதான். பெற்றோர் மாப்பிள்ளை பார்க்கின்றனர். அதது அந்தந்த வயதில் நடக்க வேண்டும். பெற்றோருக்கும் திருமணம் செய்து பார்க்க வேண்டும் என்ற ஆசை இருக்கும். எனவே நானும் திருமணத்துக்கு சம்மதம் தெரிவித்து விட்டேன்.

பெற்றோர் பார்க்கும் மாப்பிள்ளையையே திருமணம் செய்து கொள்வேன். திருமணத்துக்கு நான் சம்மதித்து விட்டதால் ஸ்ரேயாவுக்கு சினிமா வாய்ப்பு போய்விட்டது. அதனால்தான் கல்யாணம் செய்து கொள்ளப் போகிறார் என்று வதந்திகள் பரவக்கூடும். அதைப் பற்றி எனக்கு கவலையில்லை.

திருமணத்துக்குப் பிறகும் நடிப்பேன். சினிமாவுக்கும், திருமணத்துக்கும் எந்த சம்பந்தமும் இல்லை. தயவு செய்து இதனை புரிந்து கொள்ளவேண்டும். மனதுக்கு பிடித்தவர் கிடைத்தால் காதலிக்கலாம் என்று நினைத்து இருந்தேன். ஆனால் அப்படி யாரையும் இதுவரை நான் சந்திக்கவில்லை. எனவேதான் பெற்றோர் பார்க்கிறார்கள்.

எனக்கு கணவராக வருபவர் ஆரோக்கியமானவராக இருக்க வேண்டும். அது ரொம்ப முக்கியம். சினிமா உலகை நன்கு புரிந்த, தெளிவானவராக இருக்க வேண்டும். எனக்கு நல்ல நண்பராக இருக்க வேண்டும். எல்லா விஷயங்களையும் ஒளிவு மறைவு இல்லாமல் என்னோடு பகிர்ந்து கொள்ள வேண்டும்.

திருமணத்துக்கு பிறகு நிறைய பேர் விவாகரத்து செய்து பிரிகிறார்கள். அப்படி விவாகரத்து செய்வது எனக்கு பிடிக்காது. அதனால் முதலிலேயே தீர ஆராய்ந்து திருமணம் செய்து கொள்ள விரும்புகிறேன்," என்றார்.

எனக்கென்று தனி இடம் இல்லை - தமன்னா!!!

Monday, April, 30, 2012
தமிழ் சினிமாவில் நீண்ட இடைவெளிக்குப் பிறகு ”ஏனென்றால் காதல் என்பேன்” படம் மூலம் ரீஎண்ட்ரி ஆகும் தமன்னா கூறியதாவது:

தமிழ்ப் படங்களில் நடித்து ஒன்றரை வருடம் ஆகிறது. நான் தெலுங்கில் நடித்த “ரச்சா” படம் வெற்றியடைந்ததை அடுத்து, தமிழில் “ரகளை” என்ற பெயரில் ரிலீஸ் செய்தனர். தற்போது தெலுங்கில் பிசியாக இருக்கிறேன். அதனால் தமிழ் சினிமாவிலிருந்து விலகி விட்ட்தாக கூறுகிறார்கள். நல்ல கதை, நல்ல கேரக்டர் அமையும்போது நிச்சயம் நடிப்பேன்.

ஒரே மாதிரியாக நடித்ததால்தான் தமிழில் வாய்ப்பு குறைந்ததாக சொல்வதை ஒப்புக்கொள்ள மாட்டேன். ஸ்கிரிப்ட்தான் ஹீரோயினை தீர்மானிக்கிறது. தமிழில் இப்போது நிறைய ஹீரோயின்கள் வந்திருக்கிறார்கள். அவர்கள் என் இடத்தை பிடித்து விட்டார்கள் என்பதை ஏற்கமாட்டேன். காரணம் எனக்கென்று எந்த தனி இடமும் கிடையாது. நான் நடிகை, எனக்கு பிடித்த, என்னால் முடிகிற கேரக்டர்களில் நடிக்கிறேன். அது எந்த மொழியாக இருந்தாலும் சரி.

இவ்வாறு அவர் கூறினார்.

அஜீத், சூர்யாவுடன் நடிக்க ஆசை! – ஸ்ரேயா!

Monday, April, 30, 2012
’தல’ அஜீத், சூர்யாவுடன் நடிக்க விருப்பப்படுவதாக கவர்ச்சி நாயகி ஸ்ரேயா கூறியுள்ளார். இது பற்றி அவர் கூறியதாவது:

கவர்ச்சியாக நடிக்கும் பாத்திரங்களில் நிறைய படங்கள் நடித்துவிட்டேன். ஸ்ரேயா என்றாலே கவர்ச்சியான இமேஜ்தான் ஞாபகத்துக்கு வரும். அந்தளவுக்கு படங்களில் நடித்திருக்கிறேன். ஆனால் இப்படி நடிப்பது எனக்கு விருப்பம் கிடையாது. என்ன செய்வது, இயக்குனர்கள்தான் என்னை அதுபோல் நடிக்க வைக்கின்றனர். விருது பெறும் நடிப்பை வெளிப்படுத்தும் வேடம், ஆக்ஷன் மற்றும் கிராமத்து பெண் போன்ற வேடங்களில் நடிக்கவே எனக்கு விருப்பம் அதிகம்.

மேலு, அஜீத், சூர்யாவுடன் இதுவரை நான் நடிக்கவில்லை. அவர்களுடன் நடிக்க வாய்ப்பு வந்தால் நடிப்பேன். நடிப்பை விட்டு விலகுவதற்கான எண்ணம் எனக்கு இல்லை. நல்ல வேடங்களுக்காக காத்திருக்கிறேன். இந்த ஆண்டு தெலுங்கில் ”லைஃப் ஈஸ் பியூட்டிபுல்”, மற்றும் தீபா மேத்தாவின் ”மிட்நைட்ஸ் சில்ரன்” படங்கள் வெளிவரவுள்ளன.

இவ்வாறு அவர் கூறினார்.

'வேறுமொழிப் பட காட்சியை இனி யாரும் சுட முடியாது!' - பெண் இயக்குநர் பேச்சு!!!

Monday, April, 30, 2012
சாஃப்ட்வியூ மீடியா காலேஜ் சார்பாக சென்னையில் நடந்த சித்திரை போட்டோ எக்ஸ்போ-வில் பிரபல திரைப்பட இயக்குனர் மு.களஞ்சியம், திருதிரு துறுதுறு திரைப்படத்தின் இயக்குனர் ஜே.எஸ்.நந்தினி ஆகியோர் கலந்து கொண்டு மாணவர்களின் புகைப்படங்களை தேர்வு செய்து பரிசளித்தார்கள். மிகவும் அழகாகவும் ஜீவனுள்ள வகையிலும் எடுக்கப்பட்ட புகைப்படங்களை 'க்ளிக்'கிய மாணவர்களை பாராட்டிய இருவரும் திரைப்பட துறையில் நுழைவதற்கான யுக்திகளையும் அவர்களுக்கு சொல்லிக் கொடுத்தார்கள்.

இந்நிகழ்ச்சியில் மு.களஞ்சியம் பேசும்போது, "மனிதனின் நாகரீக வளர்ச்சிக்கும் பாரம்பரிய பெருமைக்கும் எவ்வளவோ உதாரணங்கள் இருந்தாலும் ஓவியம் மிகவும் சிறப்பானது. ஓவியத்திலிருந்து வந்ததுதான் இந்த புகைப்படக்கலை. ஓவியமாகட்டும், புகைப்படமாகட்டும். அவற்றை அழகுபடுத்த மிக முக்கியமானது லைட்டிங்தான்.

ஒரே கேமிராவை பயன்படுத்துகிற இருவேறு கேமிராமேன்கள் விதவிதமான திறமையுடன் மிளிர்வதற்கு காரணம் லைட்டிங் எனப்படும் இந்த கலைதான். மணிரத்னமும், கவுதம்மேனனும் ஒரே மாதிரி கேமிராவைத்தான் பயன்படுத்துகிறார்கள். அவர்கள் படத்தில் மட்டும் எப்படி அவ்வளவு அழகுணர்ச்சி தெரிகிறது? அதற்கு காரணம் அவர்கள் தேர்வு செய்யும் லொக்கேஷன்கள். அங்கு சிதறும் ஒளியும். அதை சரியான கோணத்தில் இணைக்கும் அவர்களின் கற்பனையும்தான்.

இன்று படித்துவிட்டு வெளியே வருகிற எல்லா மாணவர்களுக்கும் உடனே டைரக்ஷன் செய்துவிட வேண்டும். உடனே ஒளிப்பதிவாளராகிவிட வேண்டும் என்ற அவசரம்தான் தெரிகிறது. இந்த எண்ணத்தை முதலில் மாற்றிக் கொள்ள வேண்டும். நல்ல விஷயங்களை தெரிந்து கொள்கிற ஆர்வம் வர வேண்டும். அதற்காக எத்தனை ஆண்டுகள் ஆனாலும் கார்த்திருக்கிற பொறுமை வேண்டும். அர்ப்பணிப்பு உணர்வு வேண்டும்.

உலகின் மிகப்பெரிய இயக்குனராக கருதப்படும் அகிரகுரோசோவா தனது 46 வது வயதில்தான் முதல் திரைப்படத்தை உருவாக்கினார். அதுவரைக்கும் அவர் இந்த துறையை பற்றி தேடி தேடி அறிந்து கொண்டார். அகிரகுரோசோவாவிடம்தான் உதவி இயக்குனராக இருந்தார் ஸ்பீல்பெர்க். இவரே அவரைத் தேடிப்போய் உங்களிடம் அசிஸ்டென்ட் டைரக்டராக பணியாற்ற வேண்டும் என்று கேட்டார். அவரிடம், எனக்கு ஆங்கிலம் தெரியாது என்று கூறினார் அகிரகுரோசோவா. பரவாயில்லை. நான் ஜப்பான் மொழியை கற்றுக் கொள்கிறேன் என்று கூறி அந்த மொழியை கற்றுக் கொண்டு உதவி இயக்குனராக பணியாற்றினார் ஸ்பீல்பெர்க்.

இந்த அர்ப்பணிப்பு இருந்தால்தான் பெரிய டைரக்டர் ஆக முடியும். நிறைய கற்க வேண்டும். அவசரப்படுகிறவர்களால் டைரக்டர் ஆக முடியாது," என்றார்.

இயக்குநர் ஜே.எஸ்.நந்தினி பேசுகையில், "இன்று உலகம் மிகவும் அருகில் வந்துவிட்டது. எல்லாமும் இணையத்தில் கிடைக்கிறது. சுயமான கற்பனை இருந்தால்தான் வெற்றிபெற முடியும். உலகத்தில் எங்கோ ஒரு மூலையில் ரிலீஸ் ஆன படம்தானே? அதிலிருந்து ஒரு காட்சியை திருடி நமது கதையில் வைத்துக் கொள்வோம் என்று நினைக்கவே முடியாது.

அப்படி ஒரு காட்சியை நாம் எந்த தயாரிப்பாளரிடம் சொன்னாலும், இது அந்த படத்தில் வந்த காட்சியாக இருக்கிறதே என்று கூறுகிற அளவுக்கு இன்று எல்லாமும் எல்லாருக்கும் எளிதாகிவிட்டது. எனவே மாணவர்கள் தங்கள் அறிவுத்திறனை மேம்படுத்திக் கொள்ள வேண்டும்," என்றார்.

நிகழ்ச்சி முடிவில் சாப்ட்வியூ மீடியா காலேஜ் இயக்குனர் எம். ஆன்ட்டோபீட்டர் அனைவருக்கும் நன்றி கூறினார்.

தமிழ் டர்ட்டி பிக்சர்ஸில் நடிக்க நான் ரெடி... நிகிதா!!!

Monday, April, 30, 2012
கன்னட டர்ட்டி பிக்சர்ஸில் நடிக்க மறுத்து விட்ட கன்னட நடிகை நிகிதா துக்ரால், தற்போது தமிழில் எடுக்குப்படும் டர்ட்டி பிக்சர்ஸ் படத்தில் நடிக்க தயாராக இருப்பதாக அறிவித்துள்ளார்.

இந்தியில் வித்யா பாலனின் எடுப்பான கவர்ச்சியால் பெரும் வெற்றி பெற்ற தி டர்ட்டி பிக்சர்ஸ் படம் சில்க் ஸ்மிதாவின் வாழ்க்கையைத் தழுவி உருவாக்கப்பட்டதாகும். இப்படத்தை தற்போது தமிழிலும், கன்னடத்திலும் ரீமேக் செய்யவுள்ளனர்.

தமிழில் அனுஷ்கா நடிப்பார் என்று கூறப்படுகிறது. கன்னடத்தில் பாகிஸ்தான் நடிகை வீணா மாலிக் நடிக்கவுள்ளார்.

முதலில் இந்த வேடத்தில் நடிக்க பூஜா காந்தி மற்றும் நிகிதாவை அணுகினர். ஆனால் இருவரும் நடிக்க மறுத்து விட்டனர். இதுகுறித்து நிகிதா கூறுகையில், இது சில்க் ஸ்மிதாவின் வாழ்க்கை வரலாறாக இருக்குமானால் நிச்சயம் நான் ஒப்புக் கொண்டிருப்பேன். ஆனால் இது ஒரு விபச்சாரியின் கதையாக உள்ளது. இதில் நான் நடித்தால் அது சில்க்கையும், கன்னட மக்களையும் அவமானப்படுத்தும் செயலாகும் என்பதால் நடிக்கவில்லை என்று கூறினார்.

இந்த நிலையில் தற்போது தமிழ் டர்ட்டி பிக்சர்ஸில் நடிக்க நான் தயார் என்று திடீரென கூறியுள்ளார் நிகிதா. சில்க் ஸ்மிதா தமிழில்தான் பிரபலமானார். தமிழ் நடிகையாகவே இருந்தவர் அவர். எனவே தமிழில் இப்படத்தின் தமிழ் ரீமேக்கில் நான் நடிக்க விரும்புகிறேன் என்று கூறியுள்ளார் நிகிதா.

ஆனால், கன்னடத்தில் படு கவர்ச்சியாக இப்படத்தை எடுக்கவிருப்பதால்தான் நிகிதா நடிக்க மறுத்து விட்டார் என்றும், தமிழில் அந்த அளவுக்கு கவர்ச்சி இருக்காது என்பதால்தான் தமிழில் நடிக்க விரும்புகிறார் என்றும் ஒரு டாக் உலவுகிறது.

த்ரிஷா,பிபாஷாவுடன் நெருக்கமா? ராணா பதில்!!!

Monday, April, 30, 2012
த்ரிஷா, பிபாஷாவுடன் நெருக்கமா என்றதற்கு ராணா பதில் அளித்தார்.
த்ரிஷாவுடன் காதல், பிபாஷாவுடன் டேட்டிங் செல்கிறார் என்று தெலுங்கு நடிகர் ராணா பற்றி திரையுலகில் பரபரப்பாக பேசப்படுகிறது. இதற்கு ராணா பதில் அளித்தார். அவர் கூறியதாவது:
இந்தியில் ‘தம் மாரோ தம் படத்தில் நடித்தேன். பிபாஷா பாசு ஜோடியாக நடித்தார். அப்போதுமுதல் இருவரும் நண்பர்களாக இருக்கிறோம். புத்தாண்டின்போது இருவரும் கோவா சென்றோம். இதுபற்றி என்னை கேட்காதவர்கள் இல்லை. ‘நீங்கள் இருவரும் காதலிக்கிறீர்களா? என்கிறார்கள். கோவாவுக்கு நாங்கள் மட்டுமா சென்றோம். எங்களைப்போல் 200 பேருக்கு மேல் சென்றார்கள். அவர்களிடம் ஏன் இதுபோல் கேட்கவில்லை. எங்களுக்குள் எந்த உறவும் கிடையாது என்பதை இன்டர்நெட்டில் தெரிவித்துவிட்டேன். ஆனாலும் அதற்கு முற்றுப்புள்ளி வைக்காமல் பேசிக்கொண்டிருக்கிறார்கள். எங்கள் இருவரையும் இணைத்து பேசினால் அதில் அவர்களுக்கு ஒரு த்ரில் இருக்கும் என்று நினைக்கிறேன். இந்த கிசுகிசுக்கள் முன்பு என்னை பாதித்தது. இப்போது பெரிதாக எடுத்துக்கொள்வதில்லை. பிபாஸுவை பொறுத்தவரை எனக்கு நெருக்கமான நண்பர். எனக்கு அடிபட்டபோது நலம் விசாரித்து ஆறுதல் கூறினார். அதைக்கூட காதல் என்று கதை கட்டுகிறார்கள். நண்பனுக்கு அடிபட்டால் இன்னொரு நண்பர் விசாரிக்க மாட்டாரா? எங்களை இணைத்து வைப்பதில் மற்றவர்கள் ஏன் குறியாக இருக்கிறார்கள் என்று தெரியவில்லை. இதேபோல்தான் த்ரிஷாவுடனும் என்னை இணைத்து பேசினார்கள்.
எனக்கென்று ஒரு காதலி இருக்கிறார். அவர் ஐதராபாத்தில் உள்ளார். அவர் யார் என்பதை இப்போது சொல்ல விரும்பவில்லை. ஆனால் நிச்சயம் சினிமா நடிகை கிடையாது. எனது திருமணம் பற்றியும் இப்போதைக்கு யோசிக்கவில்லை.
இவ்வாறு ராணா கூறினார்.

வி்த்யா பாலன் செம போல்ட்... புகழும் அனுஷ்கா!!!

Monday, April, 30, 2012
வித்யா பாலன் புகழ் பாட ஆரம்பித்துள்ளார் அனுஷ்கா. யாரும் செய்யத் தயங்குவதை வித்யா பாலன் படு போல்டாக செய்கிறார்.அவரது அந்த போக்கு என்னைக் கவர்ந்து விட்டது என்று அதற்குக் காரணம் கூறுகிறார் அனுஷ்கா.

வித்யா பாலன் ரொம்பவே வித்தியாசமான நடிகை. சாதாரண கேரக்டர்களில் நடிப்பதை விட வித்தியாசமான, யாரும் செய்யத் தயங்கும் வேடங்களாக தேடிப் பிடித்து நடிக்க ஆரம்பித்துள்ளார் அவர். இதனால் அவருக்கு செம பேராகியுள்ளது.

அவரது டர்ட்டி பிக்சர்ஸும், கஹானியும் பெரிய அளவில் அவருக்குப் பெயர் வாங்கிக் கொடுத்துள்ளன. இதுதான் அனுஷ்காவை அசரடித்து விட்டதாம்.

இப்போது டர்ட்டி பிக்சர்ஸின் தமிழாக்கத்தில் வித்யா கேரக்டரில் அனுஷ்தான் நடிக்கப் போகிறார். அதேபோல கஹானி படத்தின் ரீமேக்கிலும் நடிக்க ஆர்வமாக இருக்கிறாராம். அதில் வித்யா பாலன் கர்ப்பணி கேரக்டரில் நடித்திருந்தார் என்பது நினைவிருக்கலாம்.

இதுகுறித்து அனுஷ்கா கூறுகையில், வித்யா பாலன் மிகவும் போல்டாக நடிக்கிறார். யாருமே தயங்கும் கேரக்டர்களை அவர்தேடிப் பிடித்து நடிக்கிறார். அவரது அந்தப் பாணி என்னைக் கவர்ந்து விட்டது. நானும் கிட்டத்தட்ட அப்படித்தான். மற்றவர்கள் செய்யத் தயங்குவதை செய்வதில் எனக்கு இயற்கையிலேயே ஆர்வம் அதிகம் என்கிறார் பூரிப்புடன்.

சீக்கிரமா 'டர்ட்டி' ஆகுங்க அனுஷ்கா...!

இரு மொழி படங்கள் டிரெண்ட் தற்போது தமிழ், தெலுங்கில் அதிகரித்து வருகிறது!!!

Monday, April, 30, 2012
இரு மொழி படங்கள் டிரெண்ட் தற்போது தமிழ், தெலுங்கில் அதிகரித்து வருகிறது. சமீபகாலமாக தமிழ்தெலுங்கு படங்களுக்கு இடையே நெருக்கமான சூழ்நிலை நிலவி வருகிறது. தமிழ் ஹீரோக்கள் நடித்த படங்கள், தெலுங்கில் வசூலைக் கொடுத்து வருகிறது. இதனால் சில வருடங்களுக்கு முன் வெளியிடப்பட்ட தமிழ்ப்படங்கள் கூட டப் செய்யப்பட்டு அங்கு வெளியிடப்பட்டு வருகிறது.
பொதுவாக ஆக்ஷன் மசாலாப் படங்களையே தெலுங்கு ரசிகர்கள் விரும்புவார்கள் என்று சொல்லப்படுவது உண்டு. ஆனால் கதையம்சம் உள்ள படங்களும் அங்கு வரவேற்பை பெற்றுள்ளன. அதனால், முன் எப்போதும் இல்லாத அளவுக்கு தமிழ்ப் படங்களின் உரிமம் பல கோடிகளை எட்டியுள்ளது.

அதேபோல தெலுங்கு ஹீரோக்கள் நடித்த படங்கள் சென்னை போன்ற நகரங்களில் வசூல் குவிக்கிறது. தமிழ் ‘காஞ்சனா’ தெலுங்கிலும், தெலுங்கு ‘அருந்ததி’ தமிழிலும் சக்கைபோடு போட்டன. இப்படிப்பட்ட சூழலில் இரு மொழிகளில் படங்களை தயாரிப்பது அதிகரித்து வருகிறது. தெலுங்கு இயக்குனர் ராஜமவுலி இயக்கிய ‘மகதீரா’, தமிழில் ‘மாவீரனா’கப் பேசப்பட்டது. இப்போது அவர், ‘நான் ஈ’ படத்தை தமிழ், தெலுங் கில் உருவாக்கி வருகிறார். கருணாகரன், ‘ஏனென் றால் காதல் என்பேன்’ படத்தை தமிழ், தெலுங்கில் உருவாக்கி வருகிறார். கவுதம் வாசுதேவ் மேனன், ‘நீதானே என் பொன்வசந்தம்’ படத்தை தமிழ், தெலுங்கில் இயக்குகிறார். மோகன்பாபு மகள் லட்சுமி மஞ்சு, ‘மறந்தேன் மன்னித்தேன்’ என்ற படத்தை இருமொழிகளில் தயாரித்து வருகிறார்.

வீரப்பன் வாழ்க்கையை மையமாக கொண்டு ஏ.எம்.ஆர்.ரமேஷ் இயக்கும் ‘வனயுத்தம்’ தமிழ், கன்னடத்தில் தயாராகிறது. ஷாம் நடிக்கும், ‘ஏஸ் ராஜா ராணி ஜாக்கி மற்றும் ஜோக்கர்’ படமும் தமிழ், தெலுங்கில் உருவாகிறது. இவை தவிர, சில சிறிய பட்ஜெட் படங்களும் தமிழ்தெலுங்கு, தமிழ்கன்னட மொழிகளில் தயாராகி வருகின்றன. ‘‘படங்களுக்கான பட்ஜெட், உயர்ந்து வரும் நட்சத்திரங்களின் சம்பளம் போன்றவற்றை சரி கட்ட, வரும் காலங்களில் இரு மொழிகளில் படங்கள் அதிகமாக உருவாவதை தவிர்க்க முடியாது. இரு மொழிகளில் ஒரே நேரத்தில் தயாரிக்கும்போது ஒவ்வொரு காட்சியையும் இரண்டு முறை படமாக்க வேண்டும் என்பதை தவிர, வேறு கூடுதல் செலவு இல்லை. இரண்டு மாநிலங்களிலும் வியாபாரம் செய்து கொள்ளலாம். ஏதாவது ஒரு மாநிலத்தில் வெற்றி பெற்றாலும் லாபம்தான். இப்படி பல சாத்தியக் கூறுகள் இருப்பதால் இருமொழி படங்கள் தயாரிப்பு அதிகரிக்கும்’’ என்கிறார் முன்னணி தயாரிப்பாளர் ஒருவர்.

கோவை சரளாவும், கருணாசும் ஒரு பாட்டுக்கு குத்தாட்டம்!!!

Monday, April, 30, 2012
பாபா சினி பிலிம்ஸ் சார்பில் எஸ்.எஸ்.பாபா விக்ரம் தயாரித்து, இசை அமைத்து இயக்கும் படம், ‘பொம்மை நாய்கள்’. கருணாஸ், ராதாரவி, பாபிலோனா நடித்துள்ளனர். படம் பற்றி பாபா விக்ரம் கூறும்போது, ‘‘ஒரு வீட்டில் இருக்கும் நாய் பொம்மைகள் உயிர்பெற்று தீயவர்களை அழிப்பது போன்ற கதை. பெரும்பாலான காட்சிகள் அனிமேஷன் செய்யப்பட்டுள்ளது. சாம்ஸ், ஆர்த்தி, கிரேன் மனோகர் துப்பறிவாளர்களாக நடித்துள்ளனர். காமெடி, திகில் கலந்த படம். கோவை சரளாவும், கருணாசும் ஒரு பாட்டுக்கு குத்தாட்டம் ஆடியுள்ளனர். அடுத்த மாதம் வெளியாகிறது.

மகன் உதயநிதி நடித்த படத்தை பார்க்க பயந்தேன்: ஸ்டாலின்!

Monday, April, 30, 2012
ஊட்டியில் தி.மு,க.பொருளாளர் மு.க., ஸ்டாலின் தினகரன் நாளிதழுக்கு அளித்த சிறப்பு பேட்டி: எனது மகன் உதயநிதி நடித்த படத்தை பார்ப்பதற்கு முன் பயந்தேன். ஆனால், படம் பார்த்த பின் அந்த பயம் இல்லை. நன்றாக நடித்துள்ளார். படம் நன்றாக ஓடிக்கொண்டிருக்கிறது. தி.மு.க.,வில் உழைத்தவர்கள் மட்டுமே கட்சி பொறுப்பில் இடம் பெற வேண்டும். நான் கட்சிக்காக உழைக்க வில்லை. எனவே சினிமா துறையை தேர்வு செய்துள்ளேன் என உதயநிதி கூறியுள்ளார். எனவே அவர் அரசியலுக்கு வராமல், கலைத்துறைக்கு சென்றது எனக்கு மகிழ்ச்சி தான். அதில் எந்த வருத்தமும் இல்லை. இவ்வாறு ஸ்டாலின் கூறினார்.

Sunday, April 29, 2012

8-க்கும் நோ சொன்ன ரிச்சா!!!

Sunday, April 29, 2012
தமிழில் சிறந்த கதையை எதிர்பார்த்திருப்பதாக, ரிச்சா கங்கோபாத்யாய் கூறினார். அவர் மேலும் கூறியதாவது: தமிழில், தனுஷுடன் 'மயக்கம் என்ன', சிம்புவுடன் 'ஒஸ்தி' படங்களில் நடித்தேன். இந்தப் படங்கள் என்னை தமிழ் ரசிகர்களிடம் கொண்டு சேர்த்திருக்கின்றன. இந்தப் பட ஷூட்டிங்கின் போது சிம்புவும், தனுஷும் தமிழ் பேசுவதற்கு உதவி செய்தனர். இருவரும் பல்வேறு திறமைகளை கொண்ட நடிகர்கள். இருவருடனும் நடித்ததை பெருமையாக நினைக்கிறேன். இப்போது எனது தாய்மொழியான பெங்காலியில் 'பிக்ரம் சிங்கா' படத்தில் நடித்துள்ளேன். இது தமிழில் வெளியான 'சிறுத்தை' படத்தின் ரீமேக். பெங்காலிக்காக கதையில் மாற்றம் செய்துள்ளனர். தாய்மொழியில் நடிப்பது எப்போதும் சுகமானது. தெலுங்கில் பிரபாஸூடன் 'வாராதி' என்ற படத்தில் நடித்துவருகிறேன். தமிழில் அடுத்த படம் என்ன என்கிறார்கள். ஒவ்வொரு படத்திலும் வித்தியாசமான கேரக்டரில் நடித்துவருகிறேன். தமிழிலும் அப்படித்தான் எதிர்பார்க்கிறேன். நடித்த கேரக்டரிலேயே நடிக்க எனக்கு உடன்பாடில்லை. இதுவரை எட்டு கதைகள் கேட்டேன். எனக்கு திருப்தியாக இல்லாததால் நிராகரித்தேன்.

17 ஆண்டுகள்... பல சீரியல்கள்... ஒரு சேனல்! - அபிநயா கிரியேஷன்ஸ் ஜேகேயின் அனுபவங்கள்!!!

Sunday, April 29, 2012
சி‌ன்‌னத்‌தி‌ரை‌ உலகி‌ல்‌ பல வெ‌ற்‌றி‌த்‌ தொ‌டர்‌களை‌த்‌ தயா‌ரி‌த்‌து, தனக்‌கெ‌ன ஒரு தனி‌ முத்‌தி‌ரை‌யை‌ப்‌ பதி‌த்‌தி‌ருக்‌கும்‌ அபி‌நயா‌ கி‌ரி‌யே‌ஷன்‌ஸ்‌ நி‌றுவனத்‌துக்‌கு, இந்‌த ஆண்‌டு முக்‌கியமா‌ன ஆண்‌டு. பதி‌னா‌று ஆண்‌டுகளை‌க்‌ கடந்‌து பதி‌னே‌ழா‌வது ஆண்‌டி‌ல்‌ அடியெடுத்து வைக்கிறது இந்த நிறுவனம்.

அந்‌நி‌றுவன ஆக்‌கத்‌ தலை‌வர்‌‌ மற்‌றும்‌ கதை‌யா‌சி‌ரி‌யர்‌ ஜே‌.கே‌. தன் அனுபவங்களைப் பகிர்ந்து கொண்டார்...

பதி‌னே‌ழா‌ம்‌ ஆண்‌டி‌ல்‌ அடி‌யெ‌டுத்‌து வை‌த்‌தி‌ருக்‌கி‌றீ‌ர்‌கள்‌? எப்‌படி‌ உணர்‌கி‌றீ‌ர்‌கள்‌‌?

நல்‌ல கதை‌ இருந்‌தா‌ல்‌ வெ‌ற்‌றி‌ பெ‌றுவோ‌ம்‌, அதே‌ போ‌ல‌ நண்‌பர்‌களா‌க இணை‌ந்‌து ஒரு பி‌ரா‌ஜக்‌ட்‌ செ‌ய்‌யு‌ம்‌ போ‌து. பலருடை‌ய ஒத்‌துழை‌ப்‌பு‌ம்‌ நமக்‌கு கி‌டை‌க்‌கி‌றது. எந்‌த ஒரு தொ‌ழி‌லி‌லும்‌ அதி‌கா‌ரம்‌ செ‌ய்‌ய கூடா‌து. நட்‌பு‌தா‌ன்‌ சா‌தி‌க்‌கும்‌ என்‌பதை‌ நா‌ன்‌ உணர்‌ந்‌தி‌ருக்‌கி‌றே‌ன்‌.

உங்‌கள்‌ அபி‌நயா‌ கி‌ரி‌யே‌ஷன்‌ஸ்‌ எத்‌தனை‌ தொ‌டர்‌கள்‌ தயா‌ரி‌த்‌தி‌ருக்‌கி‌றது‌?

1996 ஆம்‌ ஆண்‌டு மே‌ 7-ம்‌ தே‌தி‌ எங்‌களது முதல்‌ தயா‌ரி‌ப்‌பா‌க‌ கோ‌வை‌ அனுரா‌தா‌வி‌ன்‌ ‘கா‌ஸ்‌ட்‌லி‌ மா‌ப்‌பி‌ள்‌ளை’ என்‌கி‌ற முதல்‌ தொ‌டர்‌ ஒளி‌பரப்‌பா‌னது. அதி‌லி‌ருந்‌து தொ‌டர்‌ச்‌சி‌யா‌க ‘மா‌ண்‌பு‌மி‌கு மா‌மி‌யா‌ர்’, ‘மகா‌ரா‌ணி‌ செ‌ங்‌கமலம்‌’, ‘கி‌ரீ‌‌ன்‌ சி‌க்‌னல்’, ‘செ‌ல்‌லம்‌மா’, ‘மங்‌கள அட்‌சதை’, ‘கே‌ள்‌வி‌யி‌ன்‌ நா‌யகனே’, ‘என்‌ பெ‌யர்‌ ரங்‌க நா‌யகி’ என வா‌ரா‌ந்‌தி‌ர தொ‌டர்‌களா‌க எட்‌டு தயா‌ரி‌த்‌தோ‌ம்‌.

2002 மே‌ மா‌தம்‌ ‘மங்‌கல்‌யம்‌’ என்‌ற முதல்‌ மெ‌கா‌ தொ‌டரை‌‌ எடுத்‌தோ‌ம்‌. அது 330 எபி‌சோ‌ட்‌கள்‌ ஒளி‌பரப்‌பா‌னது, அதை‌யடுத்‌து ‘ஆடுகி‌றா‌ன்‌ கண்‌ணன்’, ‘தீ‌ர்‌க்‌க சுமங்‌கலி’, ‘செ‌ல்‌லமடி‌ நீ‌ எனக்‌கு’, ‘தி‌ருப்‌பா‌வை’, ‘அனுபல்‌லவி’, இப்‌போ‌து ஒளி‌பரப்‌பா‌கி‌ வரும்‌ ‘வெ‌ள்‌ளை‌தா‌மரை‌’ என தொ‌டர்‌கி‌றது.

எனக்‌கு ஒவ்‌வொ‌ரு தொ‌டரி‌லும்‌ ஒவ்‌வொ‌ரு அனுபவம்‌. கா‌ஸ்‌ட்‌லி‌ மா‌ப்‌பி‌ள்‌ளை‌ தொ‌டரை‌ப்‌ பொ‌ருத்‌தவரை‌ அது கா‌மெ‌டி‌ தொ‌டர்‌தா‌ன்‌. இருந்‌தா‌லும்‌ ஒவ்‌வொ‌ரு வரி‌யி‌லும்‌ ஒரு மெ‌ஸே‌ஜ்‌ இருக்‌கும்‌. இந்‌தி‌யா‌வி‌ல்‌ பீப்‌பில்‌ஸ்‌ மீ‌ட்‌டர்‌ என்‌று மக்‌கள்‌ ரசனை‌ அறி‌யு‌ம்‌ ஒன்‌று இருக்‌கி‌றது. அதன்‌ கணக்‌குப்‌ படி‌ இந்‌தி‌யா‌வி‌லே‌யே‌ அந்‌த சீ‌ரி‌யல்‌ கடை‌சி‌‌ வரை‌ நம்‌பர்‌ ஒன்‌ சீ‌ரி‌யலா‌கவே‌ இருந்‌தது.

ஒரு தொ‌டர்‌ வரதட்‌சனை‌ கொ‌டுமை‌யை‌ மை‌யப்‌படுத்‌தி‌யது, மற்‌றொ‌ன்‌று தீ‌ண்‌டா‌மை‌யை‌ப்‌ பற்‌றி‌, மா‌மி‌‌யா‌ர்‌ மருமகள்‌ சண்‌டை‌ ஏன்‌‌ உருவா‌கி‌றது என்‌பதை‌யு‌ம்‌, பு‌ரி‌தல்‌ இல்‌லா‌மை‌யே‌ இப்‌படி‌ப்‌பட்‌ட‌ கருத்‌து வே‌றுபா‌டுகள்‌ ஏற்‌படக்‌ கா‌ரணம்‌ என்‌பைதையு‌ம்‌ இன்‌னொ‌ரு தொ‌டர்‌ சொன்‌னது. குடும்‌ப உறவு‌களை‌ மதி‌க்‌க வே‌ண்‌டும்‌, வெ‌‌றுக்‌க கூடா‌து என்‌பது போ‌ன்‌ற உணர்வு‌களை‌ ஒரு தொ‌டர்‌ சொ‌ன்‌னது.

கணவன்‌‌ மனை‌வி‌க்‌குள்‌ள இருக்‌கும்‌ மெ‌ல்‌லி‌ய கா‌தலை‌ சொ‌ன்‌னது மகா‌ரா‌ணி‌ செ‌ங்‌கமலம்‌, ஒருவருக்‌கு ஒருவர்‌ உதவி‌யா‌க இருக்‌க வே‌ண்‌டும்‌ என்பதை‌‌ மை‌யப்‌படுத்திச்‌‌ சொன்‌னது கீ‌ரி‌ன்‌ சி‌க்‌னல்‌, கணவன்‌ மனை‌வி‌க்‌குள்‌ள ரகசி‌யங்‌கள்‌ கூடா‌து என்‌பதை‌ சொ‌ன்‌னது மங்‌கள அட்‌சதை. இப்‌படி‌ எங்‌களுடை‌ய ஒவ்‌வொ‌ரு தொ‌டரி‌லும்‌ ஒரு வி‌த்‌தி‌யா‌சமா‌ன நல்‌ல கதை‌‌ இருக்‌கும்‌, கண்‌டி‌ப்‌பா‌க மக்‌களுக்‌கு நல்‌ல மெ‌ஸெ‌ஜ்‌ இருக்‌கும்‌.

உங்‌கள்‌ தொ‌டர்‌களுக்‌கா‌ன கதையை‌ எங்‌கி‌ருந்‌து எடுக்‌கி‌றீர்‌கள்‌? நீண்ட நாட்கள் சொல்வது போரடிக்காதா?

மக்‌களி‌டம்‌ இருந்‌ததுதா‌ன்!‌ நா‌ன்‌ பா‌ர்‌க்‌கும் மனி‌தர்‌கள்தா‌ன்‌ என்‌ கதை‌களுக்‌கு வி‌தை‌கள்‌. சந்‌தி‌க்‌கும்‌ ஒவ்‌வொ‌ரு மனி‌தனை‌யு‌ம்‌ மனதி‌ல்‌ பதி‌வு‌ செ‌ய்‌து கொள்‌வே‌ன்‌. உங்‌களை‌ பா‌ர்‌க்‌கும்‌ போ‌து உங்‌களி‌டம்‌ உள்‌ள நல்‌ல வி‌ஷயங்‌களை‌க்‌ கி‌ரகி‌த்‌துக்‌ கொ‌ள்‌வே‌ன்‌. பு‌து வி‌‌ஷயங்‌களைப்‌‌ பா‌ர்‌க்‌கும்‌ போ‌தும்‌, கே‌ட்‌கும்‌ போ‌தும்‌ இப்‌படி‌ இருந்‌தா‌ல்‌ இது நல்‌லா‌ இருந்‌தி‌ருக்‌குமே‌ன்‌னு நி‌னை‌க்‌கி‌றோ‌மே‌ அந்‌த உணர்‌வி‌ன்‌ வெ‌ளி‌ப்‌பா‌டுதா‌ன்‌ என்‌ கதை‌கள்‌. நாங்கள் தொடர்களை நீண்ட நாட்களுக்கு இழுப்பதில்லை. சுவாரஸ்யம் குறையாமல் தருகிறோம்.

கி‌ட்‌டதட்‌ட 17 வருடங்‌களா‌க ஒரே‌ சே‌னலி‌ல்‌ உங்‌கள்‌ இடத்‌தை‌ தக்‌க வை‌த்‌துக்‌ கொ‌ண்‌டி‌ருக்‌கி‌றீ‌ர்‌கள்‌? எப்‌படி‌ சா‌த்‌தி‌யமாச்சு?

ஒரு வி‌ஷயத்‌தை‌ ஒழுங்‌கா‌கச்‌ செ‌ய்‌தா‌ல்‌ எங்‌கே‌யு‌மே‌ ஒழுங்‌கா‌ இருக்‌கலா‌ம்‌. சொ‌ல்‌ல வந்‌ததை‌ நே‌ர்‌த்‌தி‌யு‌டன்‌ சொ‌ன்‌னா‌ல்‌ எல்‌லா‌ம்‌ சா‌த்‌தி‌யமே‌. சன்‌ டி‌வி‌யை‌ப்‌ பொ‌ருத்‌தவரை‌ எல்‌லோ‌ருக்‌கும்‌ கருத்‌துச்‌ சுதந்‌தி‌ரம்‌ கொ‌டுத்‌தி‌ருக்‌கி‌றா‌ர்‌கள்‌. அதைச்‌‌ சரி‌யா‌க பயன்‌படுத்‌து‌றே‌ன்‌. ரசி‌கர்‌கள் மனநி‌லை‌ பு‌ரி‌ந்‌து அவர்‌களுக்‌கு இதுதா‌ன்‌ வே‌ணும்‌ என்‌று நா‌ன்‌ பி‌க்‌ஸ்‌ பண்‌ணி‌க்‌குவே‌ன்‌. அதனா‌ல டி‌ஆர்‌பி‌யி‌ல எந்‌த பா‌தி‌ப்‌பு‌ம்‌ ஏற்‌படா‌து. சே‌னலும் எங்களை உற்சாகப்படுத்தறாங்க.

உங்‌கள்‌ தொ‌டர்‌களி‌ன்‌ டை‌ட்‌டி‌ல்‌ சா‌ங்‌ ஒவ்‌வொ‌ன்‌றும்‌ நல்‌ல வரவே‌ற்‌பு‌ப்‌ பெ‌றுவதன்‌ கா‌ரணம்‌ என்‌ன?

அதற்‌குக்‌ கா‌ரணம்‌ ஒவ்‌வொ‌ரு பா‌டலி‌லும்‌ கி‌ளா‌சி‌க்‌கல்‌ டச்‌ இருக்‌கும்‌. அதனா‌லதா‌ன்‌ என்‌ பா‌டல்‌கள்‌ வெ‌ற்‌றி‌ பெ‌றுகி‌றது. அதுதா‌ன்‌ ஒவ்‌வொ‌ருவரை‌யு‌ம்‌ முணுமுணுக்‌கச்‌ செ‌ய்‌கி‌றது.

ஸ்‌டுடி‌யோ‌க்‌களுக்‌கு உள்ளே‌ இருந்‌த தொ‌‌டர்‌களை‌ அவு‌ட்‌டோ‌ருக்‌கு‌ கொ‌ண்‌டு போ‌னவர்‌ நீ‌ங்‌கள்‌. அந்‌த அனுபவம்‌ பற்‌றி‌?

ஐந்தா‌று தொ‌டர்‌களுக்‌குப்‌ பி‌றகுதா‌ன், நா‌ன்‌ அவு‌ட்‌டோ‌ர் போ‌னே‌ன்‌. என்‌னை‌ அறி‌யா‌மல்‌ எனக்‌கு அங்‌கு ஒரு செ‌ல்‌வா‌க்‌கு இருந்‌தது. அதற்‌குக்‌ கா‌ரணம்‌ சன்‌ டி‌வி‌. ஏனென்‌றா‌ல்‌ என்‌னுடை‌ய தொ‌டர்‌கள்‌ எல்‌லா‌ம்‌ ஆடி‌யன்‌ஸ்‌க்‌கு நல்‌லா‌ ரீ‌ச்‌ ஆ‌கி‌ அபி‌நயா‌ கி‌ரி‌யே‌ஷன்‌சை‌‌ தங்‌களுடை‌ய வீ‌ட்‌டுக்‌ கம்‌பெ‌னி‌‌ போ‌ல மக்‌கள்‌ பா‌வி‌க்‌க ஆரம்‌பி‌த்‌தா‌ர்‌கள். அதை‌ நா‌ன்‌ கண்‌ கூடா‌கப்‌ பா‌ர்‌த்‌தே‌ன்‌.

கொ‌டை‌க்‌கா‌னலி‌ல்‌ ஒரு முறை‌ சூ‌ட்‌டி‌ங்‌ போ‌னோ‌ம். சூ‌ட்‌டி‌ங்‌ எடுக்‌க அனுமதி‌யே‌ கி‌டை‌க்‌கல. ஒருத்‌தர்‌ என்‌ன தொ‌டர்‌ என்‌று கே‌ட்‌க, கம்‌பெனி‌‌ பே‌ரைச்‌‌ சொ‌ல்‌லி‌, தொ‌டரி‌ன்‌ பே‌ர்‌, தீ‌ர்‌க்‌க சுமங்‌கலி‌ என்‌று சொ‌ன்‌னதும்‌, உடனே‌, “தீ‌ர்‌க்‌க சுமங்‌கலி‌யா? சூ‌ப்‌பர்‌ கதை‌யா‌ச்‌சசே‌?. நீ‌ங்‌க தா‌ரா‌ளமா‌ சூ‌ட்‌டி‌ங்‌ எடுத்‌துக்‌கோ‌ங்‌க”ன்‌னு சொ‌ன்‌னாங்‌க. ரொ‌ம்‌ப குஷி‌யா‌கி‌டுச்‌சு. அதே‌போ‌ல ஆடுகி‌றா‌ன்‌ கண்‌ணன்‌ தொ‌டருக்‌கா‌க டெ‌ல்‌லி‌ போ‌ய்‌ ஸா‌‌ங்‌ சூ‌ட்‌ பண்‌ணி‌னோ‌ம்‌‌. ‌ அதன்‌ பி‌றகு கும்‌பகோ‌ணம்‌, தஞ்‌சா‌வூ‌ர்‌, தி‌ருவை‌யா‌று, தி‌ருவா‌ரூ‌ர்‌, மும்‌பை‌, ஊட்‌டி‌, கோத்‌தகி‌ரி‌, கொ‌டை‌க்‌கா‌னல்‌ என பல இடங்‌களி‌ல்‌ எடுத்‌தி‌ருக்‌கோ‌ம்‌. எல்‌லா‌ இடங்‌களி‌லும்‌ நல்‌ல மரி‌யா‌தை‌யு‌ம்‌ ஒத்‌துழை‌ப்பும்‌ கி‌டை‌த்‌தது. அதெ‌ல்‌லா‌ம்‌ மறக்‌க முடி‌யா‌த அனுபவங்‌கள்‌.

முன்‌பு‌ தொ‌லை‌க்‌கா‌ட்‌சி‌த்‌ தொ‌டர்‌கள்‌ எடுத்‌தற்‌கும்‌‌, இப்‌போ‌தை‌ய கா‌லகட்‌டத்‌தி‌ற்‌கும்‌ நி‌றை‌ய மா‌ற்‌றங்‌கள்‌ ஏற்‌பட்‌டி‌ருக்‌கி‌றது. எப்‌படி‌ உணர்‌கி‌றீ‌ர்‌கள்‌?

டெ‌‌க்‌னா‌லஜி‌ முன்னேற்றம்தான். அதா‌வது தி‌ரை‌ப்‌படங்‌கள்‌ மா‌தி‌ரி‌தா‌ன்‌. 1948-ல்‌ சி‌னி‌மா‌ வந்த‌தற்‌கும்‌ பி‌றகு 60-ல்‌ வந்ததற்கும் இருந்த மாற்றத்தைப் போலத்தான். அடுத்‌து 80-களி‌ல்‌ ஒரு மா‌ற்‌றம்‌, 90-ல்‌ ஒரு மா‌ற்‌றம்.‌ இப்‌போ‌து ஒரு மா‌ற்‌றம்‌. இப்‌படி‌ ரசி‌கர்‌களி‌ன்‌ ரசனை, கா‌லத்‌தி‌ற்‌கு ஏற்‌ப மா‌றிக்‌‌கி‌ட்‌டே‌ இருக்‌கி‌றது. அதற்‌கு ஏற்‌றா‌ற்‌ போ‌ல்‌ நா‌ங்‌களும்‌ மா‌ற்‌றி‌க்‌ கொ‌ள்‌கி‌றோ‌ம்‌. ஒரு நே‌ரத்‌தி‌ல்‌ சி‌னி‌மா‌கா‌ரர்‌கள்‌ டி‌வி‌யி‌னா‌லதா‌ன்‌ எங்‌களுக்‌கு நஷ்‌டம்‌னு சொ‌ன்‌னா‌ங்‌க, ஆனா‌ல்‌ இன்‌றை‌ய சூ‌ழ்‌நி‌லை‌யி‌ல்‌ டி‌வி‌யி‌னா‌லதா‌ன்‌ அவர்‌கள்‌ படமே‌ ஓடுதுன்‌னு சொ‌‌ல்‌றா‌ங்‌க. அதுதா‌ன்‌ சி‌ன்‌னத்‌தி‌ரை‌.

உங்‌கள்‌ தொ‌டர்‌களி‌ல்‌ பணி‌பு‌ரி‌ந்‌த பல டெ‌க்‌னீ‌ஷி‌யன்‌கள்‌ அடுத்‌த லெ‌வலுக்‌கு உயர்‌ந்‌து இருக்‌கி‌றா‌ர்‌கள்‌. அதை‌ எப்‌படி‌ பா‌ர்‌க்‌குறீ‌ங்‌க?

எல்‌லா‌ம்‌ அவு‌ங்‌க தி‌றமை‌தா‌ன்‌. சமுத்‌தி‌ரகனி அபி‌நயா‌ கி‌ரி‌யே‌ஷன்‌ஸி‌ல்‌ தொ‌டர்‌ இயக்‌கி‌னா‌ர்‌. பி‌றகு நா‌டோ‌டி‌கள்‌ படத்‌தை‌ இயக்‌கி‌ பே‌ரும்‌ பு‌கழும்‌ பெ‌ற்‌றா‌ர்‌. இப்‌பவு‌ம்‌ அடுத்‌தடுத்‌த படங்‌களி‌ல்‌ பிஸியா இருக்‌கி‌றா‌ர்‌. மா‌ங்‌கல்‌யம், ஆடுகி‌றா‌ன்‌ கண்‌ணன்‌‌ தொ‌டர்‌களை‌ இயக்‌கி‌ய பத்‌ரி‌, வீ‌ரா‌ப்‌பு‌, தம்‌பி‌க்‌கு இந்‌த ஊரு போ‌ன்‌ற படங்‌களை‌‌ இயக்‌கி‌னா‌ர்‌. தொ‌டர்‌ந்‌து பட இயக்‌குநரா‌கவு‌ம்‌ வசனகர்‌த்‌தா‌கவு‌ம்‌ இயங்‌கி‌கி‌ட்‌டு இருக்‌கா‌ர்‌. வசனகர்‌த்‌தா‌ பா‌லு இப்‌போ‌ படத்‌துக்‌கு வசனம்‌ எழுதுறா‌ரு. ஒளி‌ப்‌பதி‌வா‌ளர்‌ சி‌த்‌தி‌ரை‌செ‌ல்‌வன்‌ இப்‌போ‌து சினி‌மாவு‌க்‌கு ஒளி‌ப்‌பதி‌வு‌ செ‌ய்கி‌றா‌ர்‌. ஆக்‌ரா‌ என்‌கி‌ற ஒரு படத்‌தையு‌ம்‌‌ இயக்‌கி‌னா‌ர்‌. இப்‌போ‌து தயா‌ரி‌ப்‌பி‌ல்‌ இறங்‌கி‌ இரண்‌டு படம்‌ தயா‌ரித்‌துள்‌ளா‌ர்‌. தீ‌ர்‌க்‌க சுமங்‌கலி‌ தொ‌டரை‌ இயக்‌கி‌ய ப்‌ரி‌யன்‌, ஐவர்‌ என்‌கி‌ற படத்‌தை‌ இயக்‌கி‌னா‌ர்‌. அதே‌ போ‌ல‌ மதி‌ல்‌ மே‌ல்‌ பூ‌னை‌ என்‌ற படத்‌தை‌ இயக்‌கி‌ இருக்‌கும்‌ ஆனந்‌த், எங்‌களி‌டமி‌ருந்‌து போ‌னவர்‌தா‌ன்‌.

எனது தொ‌டர்‌களுக்‌கு இசை‌யமை‌த்‌த சத்‌யா‌, எங்‌கே‌யு‌ம்‌ எப்‌போ‌தும்‌ படத்‌தி‌ன்‌ மூ‌லம்‌ தி‌ரை‌ இசை‌யமை‌ப்‌பா‌ளரா‌க அறி‌முகமா‌னா‌ர்‌. என்‌னுடை‌ய மக்‌கள்‌ தொ‌டர்‌பா‌ளர்‌ பா‌லன்‌, ஒத்‌தவீ‌டு என்‌கி‌ற படத்‌தை‌ இயக்‌கி‌யுள்‌ளா‌ர்‌. இப்‌படி‌ இங்‌கி‌ருந்‌து போ‌னவர்‌கள்‌ எல்‌லா‌மே‌ பெ‌ரி‌ய தி‌ரை‌யி‌ல்‌ நல்‌ல இடத்‌தி‌ல்‌தா‌ன்‌ இருக்கி‌றா‌ர்கள்‌. என்‌னை‌ப்‌ பொ‌றுத்‌தவரை‌ கடவு‌ளை‌ குறை‌ சொ‌ல்‌லக்‌கூடா‌து, அதி‌ர்‌ஷடத்‌தை‌ குறை‌ சொ‌ல்‌லக்‌கூடா‌து. உழை‌ப்‌பை‌ மட்‌டுமே‌ நம்‌ப வே‌ண்‌டும்‌.

இத்‌தனை‌ இயக்‌குனர்‌களை‌ உருவா‌க்‌கி‌ய நீ‌ங்‌கள்‌ ஏன்‌ பெ‌ரி‌ய தி‌ரை‌க்‌குப்‌ போ‌கவி‌ல்‌லை‌?

எதை‌ச்‌ செ‌ய்‌தா‌லும்‌ அதை‌ தி‌ருந்‌தச்‌ செ‌ய்‌ய வே‌ண்‌டும்‌ என்‌று நா‌ன்‌ நி‌னை‌ப்‌பே‌ன்‌. எல்‌லா‌வற்‌றி‌லும்‌ கால் வை‌ப்‌பது எனக்‌கு பி‌டி‌க்‌கா‌து. அதுதா‌ன்‌ கார‌ணம்‌. கி‌டை‌த்‌த இடத்‌தி‌ல்‌ சி‌றப்‌பா‌க செ‌ய்‌வதை‌க்‌ கற்‌றுக்‌கொ‌ண்‌டவன்‌.

எங்‌களுடை‌ய நி‌றுவனத்‌தி‌ல்‌ ஆரம்‌ப கா‌லம்‌ முதல்‌ இப்‌போ‌தும்‌ பல டெ‌ன்‌னீ‌சி‌யன்‌கள்‌ பணி‌பு‌ரி‌கி‌றா‌ர்‌கள்‌. அவர்‌களுக்கு வே‌று இடம்‌ என எதுவு‌ம்‌ கி‌டை‌யா‌து. கலை‌ இயக்‌குநர்‌ அசோ‌கன்‌, கா‌ஸ்‌டி‌யூ‌மர்‌ பழனி‌வே‌லன்‌, லை‌ட்‌ பா‌ய்‌ஸ்‌, எடி‌ட்‌டர்‌ என என்‌னை‌ நம்‌பி‌ பல பே‌ர்‌ இங்‌கு பல வருடங்‌களா‌க பர்‌மனன்‌ட்‌டா‌க என்‌ கூடவே‌ இருக்‌கி‌றா‌ர்‌கள்‌. அவர்‌களோ‌டு கலந்‌தா‌லோ‌சி‌த்‌துதா‌ன்‌ வே‌லை‌களை‌ச்‌ செ‌ய்‌கி‌றே‌ன்‌.

எங்‌கள்‌ நி‌றுவனத்‌தி‌ன்‌ முதல்‌ ஹீ‌ரோ‌ வே‌ணு அரவி‌ந்‌த, அதே‌ போ‌ல அபி‌ஷே‌க்‌ இருவரும்‌‌ ஆரம்‌ப கா‌லம்‌ முதல்‌ எங்‌கள்‌ நண்‌பர்‌கள்‌. இவர்‌கள்‌ இயக்‌குநரா‌கவு‌ம்‌ தங்‌களை‌ வெ‌ளி‌ப்‌படுத்‌தி‌க்‌ கொ‌ண்‌டவர்‌கள்‌. ஸ்ரீம‌ன்‌, கா‌யத்‌தி‌ரி‌ ப்‌ரி‌யா‌, யு‌வஸ்ரீ என பலர்‌‌ எங்‌கள்‌ அபி‌நயா‌வி‌ல்‌‌ இருந்‌து வந்‌தவர்‌கள்‌தா‌ன்‌.

இப்‌போ‌து ஒளி‌பரப்‌பா‌கி‌ வரும்‌ வெ‌ள்‌ளை‌த்‌தா‌மரை‌ தொ‌டர்‌ பற்‌றி‌?

வெ‌ள்‌ளை‌த்‌தா‌மரை‌ மி‌க நன்‌றா‌க போ‌ய்க்‌‌ கொ‌ண்‌டி‌ருக்‌கி‌றது. ஒரு சஸ்‌பெ‌ன்‌ஸை‌ வை‌த்‌தா‌ல்‌ அதற்‌கு உடனே‌ வி‌டை‌ கொ‌டுத்‌துவி‌டுவோ‌ம்‌. அதனா‌ல ரசி‌கர்‌களை‌ நன்‌கு கவர்‌ந்‌து வருகி‌றது. ஒவ்‌வொ‌ரு எபி‌சோ‌டு‌ம்‌ பொழுதுபோக்காகவும் இருக்‌கணும்‌, அதே‌ சமயத்‌தி‌ல்‌ நல்‌ல மெ‌ஸே‌ஜு‌ம்‌ கொ‌டுக்‌கணும்‌, அதை‌வி‌ட்‌டுவி‌ட்‌டு குடம்‌ குடமா‌ய்‌ அழுகை‌யை‌க்‌ கொ‌டுக்‌க எனக்‌கு வி‌ருப்‌பமி‌ல்‌லை‌.

இந்‌த பதி‌னே‌ழு வருட அனுபவங்களை எப்படி பார்க்கிறீர்கள்?

இன்‌னும்‌ எதை‌யு‌ம்‌ சரி‌யா‌ செ‌ய்‌யலை‌யேனுதா‌ன்‌‌ தோ‌ணுது. இன்‌னும்‌ நல்‌லா‌ செ‌ய்‌யணும்‌னு உத்‌வே‌கத்‌தை‌ கொ‌டுக்‌குது. மக்‌களுக்‌கு ரீ‌ச்‌சா‌கி‌ற நே‌ரத்‌துக்‌கு கொ‌ண்‌டு போ‌கணும்‌. இப்‌போ‌ இருக்‌கி‌ற மி‌ன்‌வெ‌ட்‌டு சரி‌யா‌கணும்‌. எங்‌களுடை‌ய தி‌றமை‌ குடத்‌தி‌ல்‌ இட்‌ட வி‌ளக்‌கு போ‌லதா‌ன்‌ இன்‌னும்‌ இருக்‌கி‌றது. வெ‌ள்‌ளைத்‌தா‌மரை‌ போ‌ன்‌ற கதை‌கள்‌ கண்‌டி‌ப்‌பா‌ மக்‌களுக்‌கு போ‌ய்ச்‌‌ சே‌ரணும்‌. மி‌ன்‌ வெ‌ட்‌டு கா‌ரணமா‌ அது மக்‌களை‌ போ‌ய்‌ சரி‌யா‌ சே‌ரலங்‌கி‌ற வருத்‌தம்‌ இருக்‌கு. டிவி சீரியலுக்கு மெயின் வில்லனே மின்வெட்டுதான் இப்போ. அது எல்‌லா‌ம்‌ மா‌றணும்‌ அப்‌போ‌தா‌ன்‌ எங்‌களுக்‌கு நி‌ஜமா‌ன வெ‌ற்‌றி‌. அதே‌ போ‌ல அடுத்‌தவு‌ங்‌க இடத்‌தை‌ பி‌டி‌க்‌கணும்‌ என்‌கி‌ற என்‌னமெ‌ல்‌லா‌ம்‌ எனக்‌குள்‌ வந்‌தது கி‌டை‌யா‌து. எல்‌லா‌மே‌ நம்‌ம படை‌ப்‌பு‌தா‌ன்‌ மா‌ற்‌றங்‌களை‌ உருவா‌க்‌கனும்‌ என நி‌னை‌ப்‌பே‌ன்‌….!"

சோனாக்ஷியைப் பிடித்தார் பிரபுதேவா!!!

Sunday, April 29, 2012
பிரபு தேவாவின் காதல் கதைகள் கிட்டத்தட்ட சிந்துபாத் கதை மாதிரி 'முற்றும்' விழாமல் தொடர்ந்து கொண்டே உள்ளன.

நயன்தாராவும் அவரும் பிரிந்த பிறகு, இந்த நடிகையுடன் காதல், அந்த நடிகையுடன் நெருக்கம் என செய்திகள் வருகின்றன.

ஹன்ஸிகாவைத்தான் பிரபு தேவா காதலிப்பதாக கிசுகிசு பரவியது. அதனை மறுத்த ஹன்ஸிகா, கரகாட்டாக்காரன் கோவை சரளா பாணியில், பிரபு தேவா என் அண்ணன் மாதிரி என்று ஒரு போடு போட்டார்.

அடுத்து சமீபத்தில் பிரபு தேவாவுடன் நள்ளிரவுப் பார்ட்டியில் பங்கேற்று நெருக்கமாக நடனம் ஆடி பத்திரிகைப் பக்கங்களைச் சூடேற்றியிருந்தார் த்ரிஷா.

அந்த சூடு குறையும் முன் இப்போது பிரபு தேவாவுடன் கிசுகிசுக்கப்படுபவர் மும்பை அழகுப் புயல் சோனாக்ஷி சின்ஹா. பிரபல நடிகர் சத்ருகன் சின்ஹா மகள் இவர்.

பிரபு தேவா இயக்கியுள்ள ரவுடி ரதோர் படத்தில் நாயகியாக நடித்துள்ளார்.

பிரபுதேவாவும், நயன்தாராவும் காதலை முறித்துக் கொண்டு பிரிந்துள்ளனர். நயன்தாரா மீண்டும் சினிமாவில் நடிக்க தொடங்கியுள்ளார். தமிழ், தெலுங்கு படங்களுக்கு ஒப்பந்தமாகி ஐதராபாத்துக்கும் கோடம்பாக்கத்துக்குமாய் போய் வந்து கொண்டு இருக்கிறார்.

பெங்களூர் ஸ்டேடியத்தில் சென்னை சூப்பர் கிங்க்ஸ் - ராயல் சேலஞ்சர்ஸ் பெங்களூர் அணிகள் மோதிய கிரிக்கெட் போட்டியை காண பிரபுதேவாவும் சோனாக்ஷியும் ஜோடியாக வந்தனர்.

இது ரசிகர்கள் மத்தியில் பரபரப்பை ஏற்படுத்தியது. எல்லோரது கண்களும் அவர்களையே மொய்த்தன. எதிர்பாராதவிதமாக மழை பெய்து போட்டியை நடக்க விடாமல் செய்தது. இதனால் இருவரும் அங்கிருந்து புறப்பட்டுச் சென்றனர். மும்பை திரையுலகில் இவர்களின் நெருக்கம் பற்றி கிசுகிசு பரவியுள்ளது.

மும்பை நட்சத்திர ஓட்டல்களில் கிரிக்கெட் வீரர்களுக்கு அளிக்கப்பட்ட விருந்து நிகழ்ச்சிகளிலும் பிரபுதேவா - சோனாக்ஷி ஜோடியாகப் பங்கேற்று, மீடியாவுக்கு ஏக சென்சேஷனல் செய்திகளைத் தந்து வருகிறார்கள்.

இது எங்கே போய் முடியப் போகிறதோ...

நிராகரிக்கப்பட்ட ரஜினியின் கோரிக்கை! ஏமாற்றத்தில் ரஜினி!!!

Sunday, April 29, 2012
கோச்சடையான் படத்தின் இரண்டாம் கட்ட படப்பிடிப்பு கேரளாவில் நடந்து கொண்டிருக்கிறது. ரஜினி படப்பிடிப்பில் சுறுசுறுப்பாக இருந்தாலும், உள்ளுக்குள் சில கவலைகள் இருக்கின்றதாம். அந்த கவலைகள் தன் மகள் சௌந்தர்யா பற்றியது தான்.

இதற்கு முன் சௌந்தர்யா சுல்தான், கோவா ஆகிய படங்களுக்கு பைனான்ஸ் வாங்கிய போது ஏற்பட்ட பணப்பிரச்சினையை ரஜினி தலையிட்டு தீர்த்து வைத்தார். இப்போது மறுபடியும் ரஜினி நடிக்கும் கோச்சடையான் படத்தை எராஸ் இண்டர்நேஷனல் நிறுவனத்துடன் இணைந்து சௌந்தர்யா தயாரிக்கிறார்.

ஒருவேளை படத்தினால் நஷ்டமடைந்தால் தானே இழப்பீடு தரப்போகிறார்கள், அப்போது கூட எவ்வளவு நஷ்டம் வந்துவிடப் போகிறது என்று கேட்டால், சங்கதி அதுவல்ல என்கிறது சினிமா வட்டாரம். கோவா படத்திற்காக ரஜினி இழப்பீடு கொடுத்ததால் தான் ரஜினியின் மூத்த மகள் ஐஸ்வர்யா இயக்கிய 3 படத்தினால் ஏற்பட்ட நஷ்டத்தை ரஜினி ஈடு செய்வார் என்ற பேச்சு எழுந்தது.

இப்போது மீண்டும் சௌந்தர்யாவிற்காக பணம் கொடுத்தால் பழையபடி பேச ஆரம்பித்து விடுவார்கள் என்பதால், கோச்சடையான் ஷூட்டிங்கிற்காக கேரளா செல்வதற்கு முன் ஏ.வி.எம் ஸ்டூடியோவிற்கு ஒரு விசிட் அடித்தார் ரஜினி.

ரஜினி எப்போது நினைத்தாலும் ஏ.வி.எம் சரவணனை பார்க்கலாம். ரஜினிக்காக ஏ.வி.எம்மின் கதவுகள் எப்போதும் திறந்தே இருக்கும். ஏ.வி.எம் சரவணனை ஏ.வி.எம் ஸ்டூடியோவில் சந்தித்த ரஜினி கோச்சடையான் படத்தை தயாரிக்கும் பொறுப்பை ஏற்றுக்கொள்ள சொல்லியிருக்கிறார்.

சிறிது நேரம் யோசித்த சரவணன் ரஜினியிடம் “ தமிழ் சினிமா முன்பு போல் இல்லை ரஜினி. சூழ்நிலை நன்றாக இல்லை. படம் தயாரிக்கும் நிலையில் நானும் இல்லை. உனக்கு உதவ முடியாத நிலையில் நான் இருக்கிறேன் மன்னித்துக் கொள்” என்று கூறினாராம்.

அதன் பிறகு ரஜினி அங்கிருந்து கிளம்பி சென்றுவிட்டிருக்கிறார். ரஜினி இந்த சூழ்நிலையை எப்படி சமாளிப்பது என்ற பதட்டத்தில் இருப்பதாகவும் கூறுகிறார்கள்.

விஜய் ஏற்படுத்திய நஷ்டம்! கை கொடுப்பாரா அஜித்!!!

Sunday, April 29, 2012
அஜித் நடித்துள்ள பில்லா 2 படத்தின் இசை அஜித்தின் பிறந்தநாளான மே-1ம் தேதி வெளியிடப்படும் என அறிவிக்கப்பட்டிருந்தாலும் படம் எப்போது ரிலீஸ் எப்போது என்பது பற்றிய தகவல் எதுவும் வெளியாகவில்லை.

பில்லா 2 படத்தை தமிழகம் முழுவதும் வெளியிடும் உரிமையை 28 கோடி ரூபாய் கொடுத்து ஆஸ்கார் ஃபிலிம்ஸ் ரவிச்சந்திரன் வாங்கியுள்ளார். கடைசியாக ரவிச்சந்திரன் விஜய் நடித்த வேலாயுதம் படத்தை தயாரித்து நஷ்டம் அடைந்தார்.

அதைத் தொடர்ந்து இப்போது இவ்வளவு பெரிய தொகை கொடுத்து பில்லா 2 படத்தின் விநியோக உரிமையை வாங்கியிருப்பதால், விஜய்யின் ‘காவலன்’ விநியோக உரிமையை வாங்கியது... விஜய்யை வைத்து ‘வேலாயுதம்’ படம் எடுத்தது... என நஷ்டம் மேல் நஷ்பட்டிருக்கும் ரவியின் தலையை ‘தல’ காப்பாத்துமா?

Saturday, April 28, 2012

கார்த்திகாவா? யார் அது? - ஹன்ஸிகா ஆவேசம்!!!

Saturday, April, 28, 2012
கார்த்திகாவா... யார் அது? அப்படி ஒருவரை எனக்கு தெரியவே தெரியாதே என்று தன் ஆத்திரத்தைக் கொட்டியிருக்கிறார் கோடம்பாக்கத்தின் லேட்டஸ்ட் சென்சேஷன் ஹன்ஸிகா.

ஏன் இந்தக் கோபம்... அதுவும் பிரபல நடிகையான கார்த்திகாவை தெரியாது என்று கூறும் அளவுக்கு?

சுந்தர் சிதான். இவர் அடுத்து இயக்கும் புதிய படத்தில் முதலில் ஹீரோயினாக ஒப்பந்தமானவர் ஹன்ஸிகா. அப்புறம் என்ன நினைத்தாரோ, திடீரென்று ஹன்ஸிகாவை தூக்கிவிட்டு, அந்த இடத்துக்கு கார்த்திகாவை ஒப்பந்தம் செய்துவிட்டார்.

இதனால் பயங்கர கடுப்பாகிவிட்டாராம் ஹன்ஸிகா. எனக்கு ஒரு சந்தர்ப்பம் கிடைக்காமலா போயிடும்... அப்ப பாத்துக்கறேன் என்று கமெண்ட் அடித்தாராம்.

ஹன்ஸிகாவிடம், சமீபத்தில் இந்த மோதல் குறித்து கேட்டபோது, "கார்த்திகாவா... யார் அது? அவருடன் நான் ஏன் சண்டை பிடிக்க வேண்டும். இது வதந்திதான். நான் தற்போது 'வேட்டை மன்னன்', 'சிங்கம்-2' படங்களில் நடிக்கிறேன். டெல்லி பெல்லி தமிழ் ரீமேக் படத்தில் நடிக்கவும் ஒப்பந்தமாகி உள்ளேன். சினிமாவில் அவரவர்களுக்கென்று தனித்தனி இடங்கள் உள்ளன. அதை யாரும் தட்டி பறிக்க முடியாது," என்றார்.

3 சினிமா படத்தில் வரும் கொல வெறிடி பாடலுக்கு மலேசிய பிரதமரும் ரசிகர்!!!

Saturday, April, 28, 2012
கோலாலம்பூர்::நடிகர் தனுஷ் நடித்த 3 சினிமாவில் வரும் கொல வெறிடி பாடல் எனக்கு மிகவும் பிடிக்கும் என்று மலேசிய பிரதமர் நஜிப் ரசாக் கூறியுள்ளார்.மலேசிய பிரதமர் நஜிப் ரசாக், தலைநகர் கோலாலம்பூரில் தமிழ் ரேடியோ நிகழ்ச்சியில் பங்கேற்றார். அப்போது இங்கு வசிக்கும் தமிழர்களை சந்தித்து பேசுகையில், தனுஷ் நடித்த படத்தில் வரும் கொல வெறிடி பாடல் எனக்கும் பிடிக்கும். இந்திய பிரதமர் மன்மோகன் சிங்கும், இந்த பாடலை ரசித்து கேட்டார் என்று கேள்விப்பட்டேன் என்றார்.மேலும், ரேடியோவில் வரும் கலக்கல் காலா நிகழ்ச்சியில் நஜிப் பேட்டி அளித்தார். அப்போது அவர் கூறுகையில், என் தலைமையிலான அரசு மீது நம்பிக்கை கொள்ளுங்கள். கடந்த 3 ஆண்டு கால ஆட்சியில் நாங்கள் நேர்மையானவர்கள் என்பதை நிரூபித்துள்ளோம். தமிழர்கள் உள்பட சிறுபான்மையினத்தவருக்கு அரசு நிறைய திட்டங்களை அமல்படுத்தி உள்ளது. தமிழ் பள்ளிகளுக்கு அதிக நிதி ஒதுக்கி உள்ளது.

இந்திய மாணவர்களுக்கு ஸ்காலர்ஷிப் வழங்கப்படுகிறது. மலேசியர்களை போலவே மற்ற இனத்தவர்களும் இங்கு முன்னேற வேண்டும். நாட்டின் பொருளாதார வளர்ச்சியில் முழு அளவில் பங்கேற்க வேண்டும் என்றார். நிகழ்ச்சியின் போது தமிழ் நேயர்களை மகிழ்விக்க விரும்புகிறேன். எனக்கு தெரிந்த சில தமிழ் சொற்களை சொல்கிறேன் என்று கூறி, அச்சமில்லை, நம்பிக்கை, ஒரே மலேசியா போன்ற சொற்களை கூறினார்.

கிளிப்பிங்ஸ்!!!கிளிப்பிங்ஸ்!!!கிளிப்பிங்ஸ்!!!

Saturday, April, 28, 2012
* இங்கிலாந்தில் இருந்து தமிழ் படத்தில் இடம்பிடித்த எமி ஜாக்ஸன் தற்போது பாலிவுட், டோலிவுட் படங்களில் நடிப்பதுடன் இந்திய சோப்பு நிறுவனம் ஒன்றிற்கு தூதராக நியமிக்கப்பட்டிருக்கிறார்.

* சசிகுமார் நடிக்கும் ‘சவுந்திரபாண்டியன்’ படத்தை அவரது உதவியாளர் பிரபாகரன் இயக்குகிறார். ‘கும்கி’ படத்தில் நடிக்கும் லட்சுமி ஹீரோயினாக நடிக்கிறார்.

* இளையராஜா தலைமையில் ‘ஹவ் டு நேம் இட்’ என்ற இசை நிகழ்ச்சியை நடத்தும் பவதாரணி அடுத்து உலகளவில் பல்வேறு நாடுகளுக்கு சென்று இசை நிகழ்ச்சி நடத்த முடிவு செய்துள்ளார்.

* சினிமாவில் தலைகாட்டாமல் ஒதுங்கி இருந்த ரம்யா கிருஷ்ணன் தற்போது தெலுங்கு படமொன்றில் அல்லாரி நரேஷின் அத்தையாக நடிக்கிறார். இதற்காக பெரிய சம்பளம் வாங்கி இருக்கிறாராம் ரம்யா.

* ‘கோச்சடையான்’ படத்தில் தன்னுடன் நடித்த ஆதியின் உயரத்தை ரசித்த ரஜினி அவரிடம் உங்கள் உயரம் என்ன என்று விசாரிக்க 6 அடி 2 இன்ச் என்றதும் வெரிகுட் என்று பாராட்டினார்.

* ஏற்கனவே 30 பாடல்கள் சொந்த குரலில் பாடி இருக்கும் மோகன்லால் அடுத்து ஜோஷி இயக்கும் ரன் பேபி ரன் என்ற படத்துக்கு சொந்த குரலில் பாடுகிறார்.

* விஜய் ஆதிராஜ் இயக்கும் புதிய படத்தில் ஆர்யா தம்பி சத்யா ஜோடியாக நடிக்கிறார் ‘யுவன்’ பட ஹீரோயின் ரகுல் பிரீத் சிங்.

* ஜி.வி.பிரகாஷ் இசை அமைக்கும் ‘கேங்ஸ் ஆப் வாசிபூர்’ படம் 65வது கேன்ஸ் சர்வதேச பட விழாவில் திரையிடப்படுகிறது.

கிரிக்கெட் வீரருடன் ஹரி ப்ரியா குத்தாட்டம்!!!

Saturday, April, 28, 2012
கிரிக்கெட் வீரருடன் ஹரி ப்ரியா குத்தாட்டம் போட்டதால் பரபரப்பு ஏற்பட்டது.கிரிக்கெட் வீரர்களுடன் கோலிவுட் ஹீரோயின்கள் அடிக்கடி கிசுகிசுவில் சிக்குகின்றனர். சமீபத்தில் டோனியுடன் இணைத்து கிசுகிசுக்கப்பட்டார் லட்சுமிராய். இதுபோல் பல்வேறு பாலிவுட் நடிகைகளும் இப்பிரச்னையில் சிக்கி உள்ளனர். புதிதாக இந்த பட்டியலில் இடம் பிடித்திருக்கிறார் ‘முரண்’ பட ஹீரோயின் ஹரி ப்ரியா. இவர் கன்னடத்தில் ‘கில்லாடி கிட்டி’ என்ற படத்தில் நடித்து வருகிறார். இதன் பாடல் கேசட் விழா சமீபத்தில் பெங்களூரில் நடந்தது. இந்த விழாவுக்கு ஐபில் கிரிக்கெட் போட்டியில் விளையாடி வரும் வெஸ்ட் இண்டீஸ் கிரிக்கெட் வீரர் கிரிஸ் கெய்ல் சிறப்பு விருந்தினராக அழைக்கப்பட்டார்.

விழாவில் பங்கேற்ற கிரிஸ் அங்குள்ளவர்களிடம் சகஜமாக பேசினார். அவரிடம் ஹரி ப்ரியாவை அறிமுகப்படுத்தினார்கள். அவருக்கு கைகுலுக்கி வாழ்த்து கூறினார் கெய்ல். பட கேசட் வெளியானது. பாடல் ஒலிபரப்பப்பட்டது. அப்போது கெய்ல் ஆர்வமிகுதியால் குத்தாட்டம் போட்டார். அவரை பார்த்து உற்சாகம் அடைந்த ஹரி ப்ரியா தானும் அவருடன் இணைந்து குத்தாட்டம் போட ஆரம்பித்தார். இதை அங்கிருந்தவர்கள் கைதட்டி ரசித்தனர். இதுபற்றி ஹரி ப்ரியா கூறும்போது. ‘‘கெய்ல் என்னை பார்த்ததும் கைகுலுக்கி வாழ்த்து சொன்னார். உங்களை சந்தித்ததில் மகிழ்ச்சி. நீங்கள் மிகவும் அழகாக இருக்கிறீர்கள் என்று பாராட்டினார்’’ என்றார்.

வித்யா வேடத்தில் நடிக்க அனுஷ்கா ஷெட்டி ஆர்வம்!!!

Saturday, April, 28, 2012
சில்க் வேடத்தில் நடிக்க மறுத்த அனுஷ்கா ஷெட்டி வித்யா பாலன் நடித்த வேடத்தில் நடிக்கிறார்.சில்க் ஸ்மிதா வாழ்க்கையை மையமாக வைத்து உருவான இந்தி படம் ‘தி டர்ட்டி பிக்சர்ஸ்’. இதில் சில்க் வேடத்தில் வித்யாபாலன் நடித்திருந்தார். இப்படம் தமிழ் உள்ளிட்ட தென்னிந்திய மொழியில் ரீமேக் செய்ய திட்டமிடப்பட்டது. இதில் நடிக்க அனுஷ்கா ஷெட்டியிடம் கால்ஷீட் கேட்டபோது மறுத்துவிட்டார். ‘வேறு நல்ல கதை அம்சமுள்ள படத்தை ரீமேக் செய்தால் அதில் நடிப்பேன்’ என்று கூறினார். இந்நிலையில் வித்யாபாலன் நடித்த ‘கஹானி’ என்ற படம் பாலிவுட்டில் வெளியாகி ஹிட்டானது. கர்ப்பிணி ஒருத்தி கொல்கத்தாவில் காணாமல்போன தனது கணவனை தேடி கண்டுபிடிப்பதே கதை. இப்படத்தை அனுஷ்கா ஷெட்டி பார்த்தார்.

பின்னர் அவர் கூறும்போது, ‘வித்யாபாலன் நடித்த இக்கதாபாத்திரம் சவாலானது. இப்படத்தை தென்னிந்திய மொழியில் ரீமேக் செய்தால் நடிக்க தயார். எந்த நேரத்திலும் இதற்கு கால்ஷீட் தருவேன்’ என்று கூறினார். இதையடுத்து இப்படத்துக்கு மவுசு கூடியது. தெலுங்கு, தமிழில் இப்படத்தின் உரிமையை வாங்க பிரபல நிறுவனங்கள் போட்டியில் இறங்கி உள்ளன.

கௌதம் படம் ட்ராப்!!!

Saturday, April, 28, 2012
விண்ணைத்தாண்டி வருவாயா இந்தி ‌ரீமேக் ஏக் தீவானா தா பெருத்த தோல்வியை‌க் கண்டது. ஆனாலும் வீம்புக்காக தனது நீதானே என் பொன்வசந்தத்தை இந்தியிலும் இயக்கி வெளியிடுவேன் என்று கூறி வந்தார் கௌதம். இந்தப் படம் தமிழில் ‌ஜீவா நடிப்பிலும் தெலுங்கில் நானி நடிப்பிலும் உருவாகி வருகிறது.

இந்திப் பதிப்புக்கு பெயரெல்லாம் தேர்வு செய்திருந்தார் கௌதம். ஆனால் படத்தை எடுத்தால் விற்பனையாக வேண்டுமே. தவிர விண்ணைத்தாண்டி வருவாயா போ‌ல்தான் நீதானே என் பொன்வசந்தமும் தயாராகி வருகிறது.

மின்னலே, விண்ணைத்தாண்டி வருவாயா என இரு படங்களை ‌ரீமேக் செய்து இரு ப்ளாப்கள் கொடுத்ததால் கொஞ்சம் உஷாராகியிருக்கிறார் கௌதம். தமிழ், தெலுங்கில் படத்துக்கு கிடைக்கும் வரவேற்பை வைத்து இந்தியில் ‌ரீமேக் செய்வது என்று தற்காலிகமாக இந்தி பதிப்பை ட்ராப் செய்திருக்கிறார்.

புத்திசாலித்தனமான முடிவு.

கவர்ச்சி காட்டுவதை தவிர்க்க முடியாது : காஜல் அகர்வால் பேட்டி!!!

Saturday, April, 28, 2012
கமர்ஷியல் படங்களில் கவர்ச்சி காட்டுவதை தவிர்க்க முடியாது என்றார் காஜல் அகர்வால்.தெலுங்கு நடிகர் நாகேஸ்வரராவின் பேரனும், நாகார்ஜுன் மகனுமான நாக சைதன்யா தெலுங்கில் நடித்த படம் ‘தடா’. இப்படம் தமிழில் ‘டைகர் விஷ்வா’ என்ற பெயரில் டப்பிங் ஆகிறது. காஜல் அகர்வால், சமிக்ஷா நடிக்கின்றனர். இதுபற்றி காஜல் அகர்வால் கூறியதாவது:
தமிழில் விஜய்யுடன் ‘துப்பாக்கி’, சூர்யாவுடன் ‘மாற்றான்’ படங்களில் நடித்து வருகிறேன். தெலுங்கில் நான் நடித்த படங்கள் இப்போது தமிழில் டப்பிங் ஆகி வருகிறது. நாக சைதன்யாவுடன் நடித்த ‘தடா’ என்ற படம் ‘டைகர் விஷ்வா’ என்ற பெயரில் வருகிறது. இப்படத்தை அஜெய் இயக்கி உள்ளார். தேவி ஸ்ரீபிரசாத் இசை. இதில் மற்றொரு நாயகியாக சமிக்ஷா நடித்துள்ளார்.

தாதாவிடம் ஹீரோ மோத வேண்டிய சூழல் ஏற்படுகிறது. இந்நிலையில் ஹீரோயின் அண்ணன் தாதாவிடம் வேலை செய்கிறார். அவர் எப்படி மீட்கப்படுகிறார் என்பது கதை. இப்படத்தின் ஷூட்டிங் மறக்க முடியாது. ஐதராபாத்தில் ஷூட்டிங் நடந்தபோது தெலங்கானா பிரச்னையால் ஷூட்டிங் நடத்த முடியவில்லை. பின்னர் சென்னையில் ஷூட்டிங் நடந்தது. ஒரே படத்தில் 2 ஹீரோயின்கள் நடிப்பதால் கவர்ச்சி போட்டிக்கு வழிவகுக்கிறதா என்கிறார்கள். கதைக்கு தேவைப்படும்போது இரண்டுக்கு அதிகமான நடிகைகள் கூட நடித்திருக்கிறோம். கமர்ஷியல் படம் என்றால் கவர்ச்சி ஒரு அம்சமாகிவிடுகிறது. அதை தவிர்க்க முடியாது. இது எல்லா மொழி படங்களுக்கும் பொருந்துவதாகிவிட்டது.

கவர்ச்சி நடிகைக்கு முக்கியத்துவம் தருவதா? இயக்குனர் மீது 2 ஹீரோயின்கள் பாய்ச்சல்!!!

Saturday, April, 28, 2012
கவர்ச்சி நடிகைக்கு முக்கியத்துவம் தந்து எங்களை ஒதுக்குவதா? என்று இயக்குனர் ராம் கோபால் வர்மா மீது 2 ஹீரோயின்கள் கோபம் அடைந்தனர். ராம்கோபால் வர்மா இயக்கும் படம் ‘டிபார்ட்மென்ட்’. இதில் அஞ்சனா சுகானி, லட்சுமி மன்சு, நாதாலியா கவுர் என 3 ஹீரோயின்கள் நடிக்கின்றனர். இப்படத்தின் புரமோஷனில் அஞ்சனா, லட்சுமி இருவரையும் ஓரம்கட்டிவிட்டு கவர்ச்சி நடிகை நாதாலியா கவுருக்கு வர்மா முக்கியத்துவம் தருவதாக கூறப்படுகிறது. இதையடுத்து அஞ்சனா, லட்சுமி இருவரும் இயக்குனர் மீது கோபமாக இருக்கிறார்கள், ‘இதுபழிவாங்கும் செயல்’ என்று லட்சுமி மன்சு கூறியதாக தகவல் வெளியானது.

இதுபற்றி மன்சுவிடம் கேட்டபோது, ‘‘இது வர்மாவின் படம். அவருடைய படத்தை எப்படி புரமோஷன் செய்ய வேண்டும் என்பது அவருக்கு தெரியும். அவர் படத்தில் நடித்தது சந்தோஷம். இன்னும் சொல்லப்போனால் அவர் படத்தில் நடித்தது பெருமை. ராம்கோபால் வர்மாவைவிட வேறு யாரும் தன் படத்தில் நடிக்கும் ஹீரோயின்களை கவுரவமாக நடத்த மாட்டார்கள். தற்போது தமிழ், தெலுங்கில் ‘மறந்தேன் மன்னித்தேன்’ என்ற படத்தை தயாரித்து வருகிறேன். ஆந்திராவின் உட்புற பகுதிகளில் ஷூட்டிங் நடந்துள்ளது. டாப்ஸி, சுதீப் கிஷன் மற்றும் ஆதி நடித்துள்ளனர். 1986ம் ஆண்டு கோதாவரி ஆற்றில் ஏற்பட்ட வெள்ளத்தின்போது நடந்த முக்கிய சம்பவமொன்றை மையமாக வைத்து இப்படம் உருவாகிறது’’ என்றார்.

ரகசியத்தை உடைத்த நடிகை : சத்தம் போட்ட இயக்குனர்!!!

Saturday, April, 28, 2012
பிரமாண்ட இயக்கம் திரும்ப கதை பண்ண உட்கார்ந்தா, லஞ்சம், ஊழலுக்கு எதிரான ஹீரோயிசம்னு அவரோட பழைய எண்ணங்களே காட்சியா வருதாம்... வருதாம்... நொந்துபோனவரு, ஸ்கிரிப்ட் டீமையே கலைச்சிட்டாராம்... கலைச்சிட்டாராம்... ஆனந்த இயக்கத்தோட ஸ்கிரிப்ட் டீமை தன்னோட படத்துக்கு பயன்படுத்த முடிவு பண்ணினவரு, அந்த டீமோடு உட்கார்ந்து டிஸ்கஷன் பண்றாராம்... இனி என்னோட பாணி புதுசா இருக்கும்னு இயக்கம் சொல்லிக்கிறாராம்...

ஷூட்டிங் ஸ்பாட்ல மன்சுவான நடிகையை மணியான இயக்கம் சத்தம் போட்டாராம்... சத்தம் போட்டாராம்... ஷாட் சரியா வந்துச்சு, நடிகையும் நல்லாத்தான் நடிச்சாங்க. அப்புறம் ஏன் சத்தம் போட்டாருன்னு யூனிட்காரங்க குழம்பிபோனாங்களாம்... நைட்பார்டடியில தனக்கு நெருக்கமான இண்டஸ்ட்ரிகாரங்ககிட்ட மணியானவரு படத்துல தன்னோட ரோல் என்னாங்கிற ரகசியத்தை மன்சு நடிகை போட்டு உடைச்சிட்டாராம்... இந்த தகவல் எப்படியோ மணி காதுக்கு போச்சாம். அந்த
கோபத்தைதான் ஷூட்டிங் ஸ்பாட்ல இயக்கம் காட்டினாராம்...

இந்தியல பாடிகாட் படம் பண்ணின சித்திக்கான இயக்கம், திரும்ப இந்தி படம் பண்ண முயற்சி பண்ணினாரு. கானை வச்சு படம் எடுத்தவரு, அடுத்ததா தன் படத்துல நடிக்க இன்னொரு கான் வருவாருன்னு எதிர்பார்த்தாராம்... ஆனா அது நடக்கல. இயக்கத்துக்கும் இந்தியில பெரிய ஹீரோக்களை அப்ரோச் பண்ற டெக்னிக் தெரியலையாம்... தெரியலையாம்... இதனால இரண்டாம் தர ஹீரோவை வச்சு ஒரு படம் பண்ண ரெடி ஆயிட்டாராம்...

மே 1 கமலின் காஸ்ட்லி படமான விஸ்வரூபம் புரமோ!!!?

Saturday, April, 28, 2012
கமலின் காஸ்ட்லி படமான விஸ்வரூபம் கேன்ஸில் திரையிடப்படும் என்று சொல்லப்பட்டது. அதுவும் போட்டிப் பி‌ரிவில். ஆனால் அப்படி எந்த அறிகுறியும் தென்படவில்லை.

இந்நிலையில் மே 1ஆ‌ம் தேதி படத்தின் 30 வினாடி புரமோவை வெளியிட கமல் திட்டமிட்டுள்ளார்.

கமல் படங்கள் எப்போதும் சமுத்திரத்தில் போட்ட கல்லாக சைலண்டாக இருக்கும். ‌ரிலீஸ் தேதி நெருங்குகையில் தனது புத்திசாலித்தனமான விளம்பரங்கள் மூலம் - அது விளம்பரம் என்று தெ‌ரியாத வகையில் படத்துக்கு எதிர்பார்ப்பை உருவாக்குவார் கமல். விஸ்வரூபத்தைப் பொறுத்தவரை இதுவரை சைலண்டாக இருந்த கமல் மே 1 முதல் விளம்பர களத்தில் இறங்குகிறார்.

பில்லா 2, துப்பாக்கி, மாற்றான் என்று சகலப் படங்களையும் விரைவில் பின்னுக்கு தள்ளியும்விடுவார்.

அதுதான் கமல்.

ஆதியின் உயரத்தை ரசித்த சூப்பர் ஸ்டார் ரஜினி: கோச்சடையான் படத்தில் ரஜினியுடன் நடிப்பது மகிழ்ச்சி: நடிகர் ஆதி பேட்டி!!!

Saturday, April, 28, 2012
ஆதியின் உயரத்தை ரசித்த சூப்பர் ஸ்டார் ரஜினி: கோச்சடையான் படத்தில் ரஜினியுடன் நடிப்பது மகிழ்ச்சி: நடிகர் ஆதி பேட்டி!

சூப்பர் ஸ்டார் ரஜினிகாந்த்-தின் 'கோச்சடையான்' படத்தின் சூட்டிங் படுவேகமாக நடந்து வருகிறது. சிறிது காலம் உடல்நிலை பாதிக்கப்பட்ட ரஜினி, மீண்டும் கோச்சடையான் படம் மூலம் தன்னுடைய பழைய வேகத்தில் சுறுசுறுப்பாக நடித்து வருகிறார். இந்நிலையில், ‘கோச்சடையான்’ படத்தின் ஷூட்டிங் போது தன்னுடன் நடித்த ஆதியின் (ஈரம் படத்தின் ஹீரோ) உயரத்தை ரசித்த ரஜினி அவரிடம் உங்கள் உயரம் என்ன என்று விசாரிக்க 6 அடி 2 இன்ச் என்றதும் வெரிகுட் என்று பாராட்டினாராம்...

கோச்சடையான் படத்தில் ரஜினியுடன் நடிப்பது மகிழ்ச்சி: நடிகர் ஆதி பேட்டி!

ரஜினியின் கோச்சடையான் படப்பிடிப்பு விறுவிறுப்பாக நடக்கிறது. முதல்கட்ட படப்பிடிப்பு லண்டனில் முடிந்துள்ளது. இரண்டாம் கட்ட படப்பிடிப்பு கேரளாவில் நடந்து வருகிறது.

இப்படத்தில் சரத்குமார், ஆதி, முக்கிய கேரக்டரில் நடிக்கின்றனர். நாயகியாக தீபிகா படுகோனே நடிக்கிறார். ஆதி நடித்த காட்சிகள் சமீபத்தில் படமாக்கப்பட்டது.

இப்படத்தில் நடிப்பது குறித்து ஆதி கூறியதாவது:-

ரஜினியின் கோச்சடையான் படத்தில் நடிப்பது மகிழ்ச்சி அளிக்கிறது. ரசிகர்களுக்கு இதன் மூலம் புதிய அனுபவத்தை ஏற்படுத்தி கொடுத்துள்ள சவுந்தர்யாவுக்கு நன்றி தெரிவித்துக் கொள்கிறேன்.

எனது கேரக்டரில் ஒன்றி நடித்தேன். அதே நேரம் சவாலாகவும் இருந்தது. ரஜினியை சந்தித்தது உற்சாகமூட்டுவதாக அமைந்தது. நான் நடித்து முடித்த கடைசி நாளில் ரஜினியுடன் சிறிது நேரம் பேச சந்தர்ப்பம் கிடைத்தது. அப்போது அவருடன் போட்டோ எடுத்துக்கொள்ள ஆசைப்பட்டேன். அதை அவரிடத்தில் சொல்ல தயங்கினேன். ஆனால் ரஜினி திடீரென என்னை பக்கத்தில் அழைத்து போட்டோ எடுத்துக்கொள்ளலாம் என்றார். என் தோளில் கைபோட்டு படம் எடுத்தார். அது மறக்க முடியாத தருணங்களாக அமைந்தது.

என்று கூறினார்.

த்ரிஷா படத்துக்கு கர்நாடகாவில் சிக்கல்!!!

Saturday, April, 28, 2012
த்ரிஷா நடித்துள்ள தெலுங்கு படத்துக்கு கர்நாடகாவில் சிக்கல் ஏற்பட்டுள்ளது. த்ரிஷா, கோ கார்த்திகா, ஜூனியர் என்டிஆர் நடித்துள்ள தெலுங்கு படம் தம்மு. நாளை ரிலீசாகிறது. இப்படம் கர்நாடகாவில் மட்டும் 150 தியேட்டர்களில் ரிலீசாக உள்ளது. பெரிய ஹீரோவின் கன்னட படத்துக்கு இணையாக இத்தனை தியேட்டர்களில் இப்படம் ரிலீசாவதால் கன்னட திரையுலகம் கொதித்துப் போயுள்ளது. இதற்கு முன் கர்நாடகாவில் ரிலீசான ரச்சா தெலுங்கு படம் அங்கு வசூலை குவித்தது. இதனால் தம்மு படத்தை போட்டி போட்டுக் கொண்டு தியேட்டர் உரிமையாளர்கள் வாங்கியுள்ளனர். அதே நேரம், இந்த போக்கு கன்னட ஹீரோக்கள், தயாரிப்பாளர்களிடையே கோபத்தை ஏற்படுத்தியுள்ளது.

ஏற்கனவே மற்ற மொழி படங்களை கர்நாடகாவில் தாமதமாகவே ரிலீஸ் செய்ய வேண்டும் என்ற விதிமுறையை கன்னட சினிமா சங்கத்தினர் கொண்டு வந்தனர். பலத்த எதிர்ப்புகள் காரணமாக அந்த விதிமுறை நீக்கப்பட்டது. இப்போது கன்னட படங்களுக்கு இணையாக தம்மு படம் ரிலீஸ் ஆவதால், அதே நாளில் திரைக்கு வரும் 3 கன்னட படங்களின் வியாபாரம் பாதிக்கப்படலாம் என தயாரிப்பாளர்களும் வினியோகஸ்தர்களும் கதி கலங்கியுள்ளனர். அப்பட ஹீரோக்களும் இதனால் டென்ஷனில் உள்ளனர். நாளை திரைக்கு வரும் 3 கன்னட படங்களில் உபேந்திராவின் காட்ஃபாதர் படமும் அடங்கும். இதற்கிடையே கன்னட தயாரிப்பாளர் சங்கம், இது பற்றி ஆலோசிக்க முடிவு செய்துள்ளதாக பரபரப்பு ஏற்பட்டுள்ளது. மாற்று மொழி படங்களுக்கு குறிப்பிட்ட அளவு தியேட்டர்களை ஒதுக்க வேண்டும் என கூட்டத்தில் முடிவு செய்யப்படும் என தெரிகிறது.

ரூ.1 கோடி சம்பளம் கேட்டேனா? தமன்னா பதில்!!!

Saturday, April, 28, 2012
புது படத்தில் நடிக்க ரூ.1 கோடி சம்பளம் கேட்டு வாங்கியதாக வந்த தகவல் பற்றி பதிலளித்தார் தமன்னா. அவர் கூறியதாவது: இப்போது தெலுங் கில் நடித்து வரும் 2 படங்களை தவிர புது படங்கள் எதுவும் ஏற்கவில்லை. இதற்கிடையே ஒரு படத்துக்கு நான் ரூ.1 கோடி வாங்கியதாக தகவல் பரவியுள்ளது. இதில் துளியும் உண்மை கிடையாது. ஏதேனும் ஒரு படத்துக்கு அதுபோல் சம்பளம் வாங்கியிருந்தால் மீடியாவுக்கு கண்டிப்பாக தெரிந்திருக்கும். சந்தேகத்தின் அடிப்படையில் யாரும் என்னிடம் இதுபோல் கேள்வி எழுப்பியிருக்க மாட்டீர்கள்.

இந்தியில் நடிக்கப்போவதாகவும் நிறைய தகவல் வருகிறது. சில வாய்ப்புகள் வருவது உண்மைதான். இடைவெளி இல்லாமல் இப்போது கால்ஷீட் கொடுத்துவிட்டு நடித்து வருகிறேன். இதற்கிடையே இந்தியில் நடிக்க கால்ஷீட் உடனே ஒதுக்க முடியாது. அதற்காக நேரம் எடுத்து நான் தயாராக வேண்டும். இந்தியில் அறிமுகமானவள்தான் நான். இனி இந்தியில் நடிக்க வேண்டுமானால் அது பெரிய படமாக இருக்க வேண்டும். யாருடன் ஜோடி சேர்ந்து நடிக்க ஆசை எனக் கேட்கிறீர்கள். தமிழ், தெலுங்கில் பல நடிகர்களுடன் இதுவரை நடிக்கவில்லை. வாய்ப்பு வந்தால் அவர்களுடன் சேர்ந்து நடிப்பேன். குறிப்பிட்டு ஒரு நடிகருடன்தான் நடிப்பேன் என சொல்ல மாட்டேன்.

எல்லை பாதுகாப்பில் ஈடுபட்டுள்ள ராணுவ வீரர்களே நிஜ ஹீரோக்கள் -அஜீத்!!!

Saturday, April, 28, 2012
அஜீத்தின் பில்லா-2 படம் ரிலீசுக்கு தயாராகிறது. இப்படத்தை ரூ.28 கோடிக்கு தயாரிப்பாளர் ஆஸ்கார் ரவிச்சந்திரன் விலைக்கு வாங்கி இருப்பதாக தகவல் வெளியாகியுள்ளது. வருகிற 1-ந்தேதி படத்தின் பாடல் சி.டி.யை பிரமாண்ட விழா நடத்தி வெளியிட ஏற்பாடுகள் நடக்கிறது.

இப்படத்தில் ஆபத்தான ஹெலிகாப்டர் சண்டை காட்சியொன்றில் அஜீத் உயிரை பணயம் வைத்து நடித்து இருப்பது பரபரப்பாக பேசப்படுகிறது. இதுபற்றி அஜீத்திடம் கேட்ட போது அவர் கூறியதாவது:-

ஹெலிகாப்டர் சண்டை காட்சியில் நான் உயிரை பணயம் வைத்து சண்டை போட்டது பெரிதாக பேசப்படுகிறது. இதற்கான பெருமை மொத்த படக் குழுவினரையும் சேரும். இந்த சண்டைக்காட்சியை படமாக்கிய ஜெர்மன் ஸ்டன்ட் மாஸ்டர் ஸ்டிபன் ரிச்டருக்கு நன்றி தெரிவிக்கிறேன்.

வாங்குகிற சம்பளத்துக்கு வேலை செய்கிறேன். எல்லையில் பாதுகாப்பு பணியில் ஈடுபட்டுள்ளன ராணுவ வீரர்களை விட பெரிதாக சாதித்து விடவில்லை. ராணுவ வீரர்கள் தான் நிஜ ஹீரோக்கள். என் படங்கள் பற்றி நான் கருத்து சொல்ல விரும்பவில்லை. படம் எப்படிப்பட்டது என்று ரசிகர்கள் தான் தீர்ப்பு சொல்ல வேண்டும்.

நான் தேர்வு செய்யும் கதைகள் இயக்குனர், தயாரிப்பாளருக்கும் பிடித்து இருக்க வேண்டும். மூவரையும் கதை கவர்ந்தால் தான் படம் சிறப்பாக வரும் நல்ல கதை சொல்பவர்கள் எல்லோரும் சிறந்த இயக்குனர்கள் என்று கூறிவிட முடியாது. அது போல் கதை சொல்ல தெரியாதவர்கள் கூட சிறந்த இயக்குனர்களாக இருப்பார்கள் என் அனுபவம் மூலம் இதை உணர்ந்துள்ளேன்.

இவ்வாறு அஜீத் கூறினார்.

என் வாழ்க்கை கதையை நானே டைரக்டு செய்கிறேன்: நடிகை சோனா பேட்டி!

Saturday, April, 28, 2012
பிரபல கவர்ச்சி நடிகை சோனா. இவர் ரஜினியுடன் குசேலன், பத்து பத்து, கோ, மிருகம் உள்ளிட்ட பல படங்களில் நடித்துள்ளார். கனிமொழி என்ற படத்தையும் தயாரித்தார்.

சமீபத்தில் விருந்து நிகழ்ச்சி ஒன்றில்ஏற்பட்ட தகராறில் போலீஸ், கோர்ட் என்றெல்லாம் சென்று வந்தார். சினிமாவில் பட்ட கஷ்டங்களை படமாக்கப் போவதாக சோனா அறிவித்துள்ளார்.

இதுகுறித்து அவர் அளித்த பேட்டி வருமாறு:-

என் வாழ்க்கையில் நிறைய சம்பவங்கள் நடந்து விட்டன. அவற்றை சினிமா படமாக எடுக்க முடிவு செய்துள்ளேன். அந்த படத்தை நானே டைரக்டு செய்யப் போகிறேன்.

சில மாதங்களாக சினிமா பணிகளில் ஈடுபடாமல் ஒதுங்கி இருந்தேன். மீண்டும் நடிக்க திட்டமிட்டுள்ளேன். இதற்காக உடல் எடையை குறைத்துள்ளேன். யுனிக் என்ற நிறுவனத்தை துவங்கி வெளிநாட்டு பொருட்களை விற்பனை செய்து வருகிறேன்.

இந்த நிறுவனம் பேஷன் டிசைனர் சிட்னி ஷெல்டனுடன் இணைந்து ஆஸ்திரேலியாவில் கண்காட்சி மற்றும் பேஷன் ஷோ நடத்த உள்ளது. இதற்காக மாடல் அழகிகளுடன் விரைவில் ஆஸ்திரேலியா செல்ல இருக்கிறேன்.

இவ்வாறு சோனா கூறினார்.

பின்னர் பேஷன் ஷோவில் பங்கேற்கும் அழகிகளை சோனா அறிமுகப்படுத்தினார். நடிகை சோனியா அகர்வால், சிட்னி ஷெல்டன் ஆகியோரும் இதில் கலந்து கொண்டனர்.

படு கவர்ச்சியாக நடிக்க மாட்டேன்... தப்பான நினைப்போட என்கிட்ட வராதீங்க - அஜீத் ஹீரோயின்!!!

Saturday, April, 28, 2012
அஜீத் ஹீரோயின் பார்வதி ஓமனக்குட்டனுக்கு ஏக முன் ஜாக்கிரதை. நடித்த முதல் படமே இன்னும் ரிலீசாகவில்லை. ஆனால் அதற்குள் அவர் ஒரு பலே கண்டிஷன் போட்டுள்ளார்.

அது, "படுகவர்ச்சியாக நடிப்பேன் என்ன நினைப்பிலோ அல்லது தவறான கண்ணோட்டத்துடனோ என்னை யாரும் அணுக வேண்டாம்," என்பதுதான்.

உலக அழகி போட்டியில் இரண்டாவது இடம் பெற்ற பார்வதி ஓமனகுட்டன், 'பில்லா-2' படத்தின் மூலம் சினிமா கதாநாயகியாக அறிமுகம் ஆகிறார். படத்தில் இவர்தான் அஜீத்துக்கு ஜோடி.

'பில்லா-2' ஷூட்டிங் ஸ்பாட்டில் பார்வதி ஓமனகுட்டன் கூறுகையில், "முதல் படத்திலேயே அஜீத் ஜோடியாக நடித்தது மிகப்பெரிய பாக்கியம் என்றுதான் சொல்ல வேண்டும். கடவுளுக்கு நன்றி சொல்கிறேன். என் முதல் படமே திருப்புமுனையாக அமையும் என்று நம்புகிறேன்.

அஜீத்தை சந்திப்பதற்கு முன்பு அவர் ஒரு பந்தா பார்ட்டியாக இருப்பார் என்று நினைத்தேன். பழகிய பிறகுதான் தெரிந்தது, அவர் எவ்வளவு எளிமையானவர் என்று. அவர் ஒரு உதாரணமான மனிதர். நான், அவருடைய மனைவி ஷாலினியின் தீவிர ரசிகை. இதை அவரிடம் சொன்னபோது, அவரும் ஷாலினியின் ரசிகராக இருந்தவர் என்று தெரியவந்தது. அவர் ரசித்த பெண்ணே வாழ்க்கை துணையாக வந்ததற்காக, நான் அவருக்கு வாழ்த்து சொன்னேன்.

'பில்லா-2' படத்தின் கதையை என்னிடம் கேட்காதீர்கள். அதைச் சொன்னால், சுவாரஸ்யம் போய்விடும். அஜீத்துக்கு ஜோடியாக, படத்தின் கதையை திசை திருப்பும் கதாபாத்திரத்தில் நான் நடிக்கிறேன். இந்த படம் ரசிகர்களை பெரிய அளவில் ஈர்க்கும் என்று மட்டும் என்னால் உறுதியாக சொல்ல முடியும்.

பார்வதி ஓமனகுட்டன் உலக அழகி என்பதால் தாராளமாக கவர்ச்சி காட்டுவார் என்ற தவறான கண்ணோட்டத்துடன் யாரும் என்னை அணுக வேண்டாம். நான் நடிக்கிற வேடத்துக்கு எந்த அளவுக்கு கவர்ச்சியும், நெருக்கமும் தேவைப்படுகிறதோ, அதை நான் தயங்காமல் செய்வேன்.

நடிப்பு திறனை வெளிப்படுத்த உதவும் கதாபாத்திரம் அமைந்து, அந்த கதாபாத்திரத்துக்கு கவர்ச்சி தேவைப்பட்டால், நிச்சயம் செய்வேன்.

மிக சிறந்த நடிகை என்ற பெயர் வாங்க வேண்டும். எவ்வளவு கனமான கதாபாத்திரம் என்றாலும் பார்வதி ஓமனகுட்டன் வெளுத்துக் கட்டுவார் என்ற பெயர் வாங்க வேண்டும். நான் சாதிப்பேன் என்ற தன்னம்பிக்கை எனக்கு உண்டு. சிறந்த நடிகையாவதற்காக இரவு-பகலாக உழைக்கவும் தயாராக இருக்கிறேன்,'' என்றார்.

‘சிங்கம்-2’ படப்பிடிப்பு ஜூன் மாதம் தொடக்கம்: சொந்த ஊரில் டைரக்டர் ஹரி பேட்டி!!!

Saturday, April, 28, 2012
நடிகர் சூர்யாவும், டைரக்டர் ஹரியும் இணைந்து பணிபுரிந்த படங்கள் ஆறு, வேல், சிங்கம். இந்த மூன்று படங்களும் வெற்றிபெற்றதை தொடர்ந்து நடிகர் சூர்யாவும், டைரக்டர் ஹரியும் மீண்டும் இணைகிறார்கள். அந்தபடம் ஏற்கனவே வெளியான சிங்கம் படத்தின் இரண்டாம் பாகமாக சிங்கம்-2 என்ற பெயரில் உருவாகிறது.

தற்போது டைரக்டர் ஹரி, தனது குலதெய்வம் கோவிலின் கும்பாபிஷேக விழாவில் கலந்துகொள்வதற்காக குடும்பத்துடன் தன்னுடைய சொந்த ஊரான தூத்துக்குடி மாவட்டம் நாசரேத் அருகே உள்ள கச்சனாவிளைக்கு வந்துள்ளார்.

சிங்கம்-2 படம் குறித்து டைரக்டர் ஹரி கூறியதாவது:-

எனது சொந்த ஊரான சக்கனாவிளையில் எங்களின் குலதெய்வம் கோவிலான நாராயணசுவாமி கோவில் இருக்கிறது. இந்த கோவில் கும்பாபிஷேக விழா தற்போது நடந்துவருகிறது. அதில் கலந்து கொள்வதற்காக குடும்பத்துடன் இங்கு வந்துள்ளேன்.

சிங்கம்-2 தூத்துக்குடி சம்பந்தப்பட்ட கதையாகும். இந்த படத்தின் கதை தென்னிந்தியாவில் தொடங்கி தென்ஆப்ரிக்காவில் முடிகிறது. சிங்கம்-2 படப்பிடிப்பு வருகிற ஜூன் மாதம் தூத்துக்குடியில் தொடங்குகிறது. படத்தின் பெரும்பாலான காட்சிகள் தூத்துக்குடி மாவட்டத் திலேயே படமாக்கப்படுகின்றன. நெல்லை மாவட்டம் கல்லிடைக்குறிச்சியிலும் படப்பிடிப்பு நடத்தப்படுகிறது.

இதில் நடிகர்கள் சூர்யா, விவேக், சந்தானம், நடிகைகள் அனுஷ்கா, ஹன்சிகா உள்ளிட்ட பல முன்னணி நடிகர்-நடிகைகள் கலந்து கொள்கிறார்கள். சிங்கம்-2 படத்தின் உச்சகட்ட காட்சிகள் தென் ஆப்ரிக்காவில் படமாக்க திட்டமிட்டுள்ளோம்.

இவ்வாறு டைரக்டர் ஹரி கூறினார்.

Friday, April 27, 2012

பட வாய்ப்புகளை இழந்தது ஏன்? வடிவேலு விளக்கம்!!!

Friday, April, 27, 2012
பட வாய்ப்புகளை இழந்தது ஏன் என்றதற்கு பதில் அளித்தார் வடிவேலு. காமெடியில் தனக்கென தனிபாணி வகுத்து நடித்து வந்தார் வடிவேலு. கடந்த சட்டசபை தேர்தல் பிரசாரத்தில் ஈடுபட்டபோது நிறைய படங்களை ஒப்புக்கொள்ளவில்லை. இதையடுத்து சினிமாவில் அவருக்கு இடைவெளி ஏற்பட்டது. நீண்ட இடைவெளிக்கு பிறகு மீண்டும் நடிக்க வருகிறார் வடிவேலு. சிம்புதேவன் இயக்கிய ‘இம்சை அரசன் 23ம் புலிகேசி’ என்ற படத்தில் அவர் இரட்டை வேடம் ஏற்று நடித்திருந்தார். அப்படம் ரூ.4 கோடி செலவில் தயாரிக்கப்பட்டது. வெற்றிகரமாக ஓடி ரூ.16 கோடி வரை சம்பாதித்தது. 18ம் நூற்றாண்டையொட்டிய காலகட்டத்தில் நடக்கும் சம்பவங்கள்போல் காட்சிகள் அமைக்கப்பட்டிருந்தது. இப்படத்தின் 2ம் பாகம் உருவாகிறது. சமீபத்தில் வடிவேலுவை சந்தித்த சிம்புதேவன் 2ம் பாக கதையை அவரிடம் கூறினார். அது பிடித்திருந்ததை அடுத்து நடிக்க ஒப்புக்கொண்டார்.

இதுபற்றி வடிவேலு கூறும்போது, ‘‘சிம்புதேவன் கூறிய ‘இம்சை அரசன்’ படத்தின் 2ம் பாக கதை பிடித்திருந்தது. முதல் பாகத்தைவிட இரண்டாம் பாகத்தில் அதிகபட்சமாக நகைச்சுவை காட்சிகள் சேர்த்திருக்கிறார். இதுபற்றி இருவரும் பேசி வருகிறோம். ஷூட்டிங் பற்றி விரைவில் முடிவு செய்யப்படும். சமீபகாலமாக படங்களில் நடிக்காமல் இடைவெளிவிட்டிருந்தேன். நிறைய படங்களில் நடிக்க முடியாமல் போனது. அதுபற்றி கவலை இல்லை. இந்த வருடம் முழுவதும் பிஸியாகவே இருக்கிறேன். இடைவெளி எடுத்துக்கொண்ட நேரத்தில் என் குடும்பத்தினருடன் பொழுதை கழித்தேன்’’ என்றார்.

41 வயதில் காதல் காட்சியா? கிண்டல் செய்யாதீர்கள் : அஜீத் மனம் திறந்த பேட்டி!

Friday, April, 27, 2012
41 வயதில் காதல் காட்சிகளில் நடிப்பதா? கிண்டல் செய்யாதீர்கள் என்று கூறினார் அஜீத்.நடிகர் அஜீத் அளித்த பேட்டியில் கூறியதாவது:பில்லா 2 பற்றி கேட்கிறார்கள். படம் ரிலீஸ் ஆவதற்கு முன் அதுபற்றி நான் பேசுவது சரியாக இருக்காது. படம் பார்ப்பவர்கள்தான் அதை முடிவு செய்ய வேண்டும். இதில், ‘டூப் போடாமல் சண்டை போட்ட அனுபவம் எப்படி? என்கிறார்கள். தொழில் ரீதியான நடிகர் என்ற முறையில் எனது வேலையை செய்தேன். இக்காட்சிகளின் போது எனது பாதுகாப்புக்காக பட யூனிட் அதிக கவனம் எடுத்துக் கொண்டது. குறிப்பாக ஜெர்மனியை சேர்ந்த ஸ்டண்ட் மாஸ்டர் ஸ்டீபன் ரிச்டாருக்கு எனது நன்றி. நம் நாட்டின் எல்லையில் எல்லா துன்பங்களையும் தாங்கி கொண்டு நமது பாதுகாப்புக்காக ஆயுதம் ஏந்தி நிற்கும் ராணுவத்தினர்தான் நிஜமான ஹீரோக்கள். அவர்களுடன் ஒப்பிடும்போது நான் எந்த சாதனையும் செய்து விடவில்லை.

எனது படங்களை தேர்வு செய்யும் போது தயாரிப்பாளர், இயக்குனர், எனக்கும் இடையே உள்ள புரிதல் மிக முக்கியம். 5 நிமிடங்கள் எங்களுக்குள் கருத்து வேறுபாடு ஏற்பட்டாலும் 50 நாட்கள் ஒன்றாக வேலை பார்க்க முடியாது. ஒரு ஸ்கிரிப்டை தேர்வு செய்வது கடினம். ஏனென்றால் சிறப்பாக கதை சொல்கிறவர் சில சமயம் சிறந்த இயக்குனராக இல்லாமல் போவதற்கு வாய்ப்புள்ளது. எனக்கு 41 வயது ஆகிவிட்டது. இனிமேல் காதல் காட்சிகளில் ரொமான்ஸ் செய்து கொண்டு நடிக்க முடியாது. அது கிண்டலுக்கு இடம் கொடுத்து விடும். என் மனைவி ஷாலினி உறுதியான மனம் படைத்தவர். எப்போதாவது சில சமயம் சினிமா பற்றி பேசிக் கொள்வோம். மற்ற தம்பதிகள் எந்த சவாலை எல்லாம் எதிர்கொள்வார்களோ அதை நாங்களும் எதிர்கொண்டோம். இவ்வாறு அஜீத் கூறினார்.

மீண்டும் தனுஷுடன் சிவகார்த்திகேயன்!!!

Friday, April, 27, 2012
3 படத்தில் தனுஷின் நண்பனாக வந்து கலக்கியிருந்தார் சிவகார்த்திகேயன். இந்த‌க் கூட்டணி தனுஷுக்கு ரொம்ப பிடித்திருக்கிறது. தான் தயா‌ரிக்கும் படத்தில் சிவகார்த்திகேயனை ஹீரோவாக்கியிருக்கிறார்.

தனுஷ் விரைவில் இரு படத்தை தயா‌ரிக்கிறார். வெற்றிமாறனின் அசிஸ்டெண்ட் செந்தில்தான் இயக்குனர். ரொமாண்டிக் காமெடியான இதில் சிவாகார்த்திகேயனை ஹீரோவாக்கியிருக்கிறார் தனுஷ். படத்தின் ஹீரோயின் உள்ளிட்ட மற்ற விவரங்கள் இன்னும் முடிவாகவில்லை.

விரைவில் அதிகாரபூர்வமாக இந்தப் படத்தை அறிவிக்கிறார் தனுஷ்.

ராஜா போக்கி‌ரி ராஜா - மு‌ன்னோ‌ட்ட‌ம்!!!

Friday, April, 27, 2012
மலையாளத்தில் வெளிவந்த போக்கி‌ரிராஜாவை தமிழில் ராஜா போக்கி‌ரிராஜா என ஒரு ராஜா எக்ஸ்ட்ராவாக சேர்த்து வெளியிடுகிறார்கள். படத்தின் முக்கியமான அம்சம் மம்முட்டியும், பிருத்விராஜும் இணைந்து நடித்திருப்பது.

பிருத்விரா‌ஜின் காதலி ஸ்ரேயா. இவர்கள் காதலைப் பி‌ரிக்கும் கொட்டேஷன் ரவுடியான மம்முட்டிக்கு வருகிறது. அதேநேரம் தனது மகன் பிருத்வியை காப்பாற்றும்படி மம்முட்டியிடம் கோ‌ரிக்கை வைக்கிறார் நெடுமுடிவேணு. இங்கே ஒரு ட்விஸ்ட். நெடுமுடிவேணுவின் மகன்கள்தான் பிருத்வியும், மம்முட்டியும். அப்புறமென்ன... அண்ணன் தம்பியின் காதலுக்கு உதவுகிறார்.

விஷாக் இயக்கியிருக்கும் இந்தப் படத்துக்கு ஜெஸ்சிகிப்ட் இசையமைத்திருக்கிறார். பாடல்கள் விவேகா. படத்தின் கதை, திரைக்கதை உதயகிருஷ்ணா, எடிட்டிங் மாதேஷ் நாராயணன். கனல் கண்ணன் சண்டைப் பயிற்சி.

மலேசியா பாண்டியன் படத்தை வெளியிடுகிறார். வரும் 27 ஆம் தேதி படம் திரைக்கு வருகிறது.

Thursday, April 26, 2012

அஜீத்தின் அசத்தல் ஹெலிகாப்டர் சண்டை!!!

Thursday, April, 26, 2012
பில்லா 2 படத்தின் டிரைலருக்கு பெரும் வரவேற்பு இணையத்தில். பல லட்சம் பேர் பார்த்த வீடியோவாக மாறியுள்ளது இந்த ட்ரைலர்.

வெளியான சில மணி நேரங்களில் 4 லட்சம் பேர் பார்த்துவிட்டார்கள்.

இந்த வீடியோவில் ரசிகர்களை உறைய வைத்தது அஜீத்தின் மயிர்க்கூச்செரியும் சண்டைக் காட்சிகள்.

மிக உயரத்தில் பறக்கும் ஹெலிகாப்டரில், கயிறு கூட கட்டிக் கொள்ளாமல் திறந்த கதவருகே நின்றபடி அஜீத் போடும் சண்டைக் காட்சி அது.

நானும் எத்தனையோ படங்களுக்கு ஸ்டன்ட் அமைத்துள்ளேன். ஆனால் இந்த அளவு ரிஸ்க் எடுத்த முன்னணி நடிகரை பார்த்ததில்லை. மைனஸ் டிகிரி குளிரில், உயரப் பறக்கும் ஹெலிகாப்டரிலிருந்து குதித்த அஜீத், ஒரு கையால் ஹெலிகாப்டரின் கம்பியைப் பிடித்து தொங்கியபடி சண்டை போட்டது என்னை அதிர்ச்சியில் உறைய வைத்தது. சினிமா வரலாற்றிலேயே எந்த நடிகரும் எடுக்காத ரிஸ்க் இது என அவருக்கு ஸ்டன்ட் அமைத்துக் கொடுத்த இயக்குநர் கீசா காம்பக்தீ வியப்பு தெரிவித்துள்ளார்.

ஏகத்துக்கும் ஏத்தி விடறாங்களே...!

சன்னி லியோனிடம் 'அதை' எதிர்பார்த்த தயாரிப்பாளர்கள்!!!

Thursday, April, 26, 2012
செக்ஸ் இல்லாவிட்டால் சான்ஸ் இல்லை ... இது திரையுலகில் மிகச் சாதாரணமாக உலா வரும் ஒரு வார்த்தை. இதை அவர்களே கூட மறுக்க மாட்டார்கள். அந்த அளவுக்கு செக்ஸுக்கும், சினிமா வாய்ப்புகளுக்கும் நிறைய உறவு உண்டு.

ஒரு பெண் நடிகையாக வேண்டும் என்றால் நிறைய 'முதலீடு' செய்தாக வேண்டும். பல 'முதலாளிகளைப்' பார்த்தாக வேண்டும். அவர்களின் 'நிபந்தனைகளுக்கு' உட்பட்டாக வேண்டும். அப்போதுதான் அவர்களுக்கு சின்ன பிட்டு வேடமாவது கிடைக்கும். இதை திரையுலகிலேயே சகஜமாக பலரும் கூறுவதைக் கேட்கலாம்.

இந்த நிலையில் கடல் கடந்து பாலிவுட்டில் நடிகையாகியுள்ள கனடாவின் சன்னி லியோனுக்கும் கூட இந்த 'செக்ஸ் பக்' கடித்துள்ளதாம். கனடாவின் ஆபாசப் பட நடிகைதான் சன்னி. இவர் காட்டிய கவர்ச்சியைப் போல யாரும் காட்டியிருக்க முடியாது. டாப்லெஸ், பாட்டம்லெஸ் என்று இவர் போகாத ஏரியா இல்லை. இந்த நிலையில் இவரிடமும் 'அதை' எதிர்பார்த்து பல தயாரிப்பாளர்கள் கொக்கி போட்டுள்ளனராம்.

பிக் பாஸ் 5 ரியாலிட்டி ஷோவில் சன்னி லியோனும் பங்கேற்றிருந்தார். அப்போது அவரை சில தயாரிப்பாளர்கள் அணுகி, வாய்ப்பு தருவதாகவும், தங்களைக் கவனிக்குமாறும் வெளிப்படையாகவே கேட்டனராம்.

சன்னியிடம் இப்படி பகிரங்கமாகவே அவர்கள் கேட்டதற்குக் காரணம் அவர் ஒரு ஆபாசப் பட நடிகை என்பதால்தானாம். ஆபாசப் படங்களில் நடிப்பவர்தானே, நாம் கேட்டால் மாட்டேன் என்றா கூறி விடப் போகிறார் என்பது அவர்களின் எண்ணமாம். ஆனால் தன்னிடம் செக்ஸை எதிர்பார்த்து வந்த தயாரிப்பாளர்கள் அத்தனை பேரையும் ரிஜக்ட் செய்து விட்டாராம் சன்னி லியோன்.

பட வாய்ப்புக்காக படுக்கையை பகிர்ந்து கொள்ள நான் ரெடியாக இல்லை என்று கூறும் சன்னி லியோன், அப்படி எந்த ஒரு முன் நிபந்தனையும் இல்லாமல் ஜிஸ்ம் 2 பட வாய்ப்பைப் பெற்றுள்ளாராம். இப்போது அவர் பாலிவுட்டில் புக்காகியுள்ள படங்களிலும் கூட அப்படித்தான் சுதந்திரமான வாய்ப்பைப் பெற்றுள்ளதாக அவரது தரப்பு கூறுகிறது.

இதுகுறித்துக் கேட்டால், நான் ஆபாசப் பட நடிகைதான். அதை மறுக்கவில்லை, ஆனால் நான் விபச்சாரி இல்லை என்று பொட்டில் அடித்தது போலக் கூறுகிறார் சன்னி.

ஜெயம் ரவிக்கு ஜோடி நயன்தாரா அல்ல... அமலா பால்!!!

Thursday, April, 26, 2012
முன்னணி நடிகை என்ற பெயர் இருந்தாலும், முன்னணி ஹீரோக்களுடன் ஜோடி போடாதவர் அமலா பால்.

இப்போது அந்தக் குறையும் தீர்ந்துவிடும் போலிருக்கிறது.

இவர் நடிக்கும் அடுத்த படத்தின் ஹீரோ ஜெயம் ரவி!

ஜெயம் ரவியை வைத்து சமுத்திரக்கனி இயக்கும் அடுத்த படத்தில் நயன்தாரா நாயகியாக நடிப்பார் என்ற கூறப்பட்டது. ஆனால் இப்போது நயன்தாரா இல்லை என்பதை உறுதிப்படுத்தியுள்ளனர் இந்தப் படத்தை வாசன் விஷுவல்ஸ் நிறுவனத்தினர்.

படத்தின் கதையைக் கேட்ட அமலாப் பால் படத்தில் நடிக்க ஒப்புக் கொண்டுள்ளதாகவும், இப்படம் ஒரே நேரத்தில் தமிழ் மற்றும் தெலுங்கில் உருவாக்கப்படுவதாகவும் முதல் கட்ட தகவல்கள் கூறுகின்றன.

அமலா பால் நடித்து சமீபத்தில் வெளியான காதலில் சொதப்புவது எப்படி படம் ஓரளவு நல்ல வெற்றியைப் பெற்றது. இதைத் தொடர்ந்து அவருக்கு தமிழில் வாய்ப்புகள் வந்தாலும், அவர் தெலுங்குப் படங்களுக்கே முக்கியத்துவம் தந்துவந்தார்.

அடுத்த பட ஹீரோ விக்ரம்தான் - முடிவுக்கு வந்தார் ஷங்கர்!!!

Thursday, April, 26, 2012
தனது அடுத்த மெகா படத்தின் ஹீரோ யார் என்பதில் இயக்குநர் ஷங்கர் ஒரு முடிவுக்கு வந்துவிட்டார். எதிர்ப்பார்த்த மாதிரியே, விக்ரம்தான் அவரது அடுத்த பட ஹீரோ.

இந்தப் படத்துக்கு முதல் முறையாக எழுத்தாளர்கள் சுபா ( சுரேஷ் மற்றும் பாலா) வசனம் எழுதுகிறார்கள். ஏ.ஆர்.ரஹ்மான் இசையமைப்பார் எனத் தெரிகிறது.

இந்தப் படத்தில் முதலில் விக்ரம் நடிப்பார் என்றும், இல்லையில்லை சூர்யா நடிப்பார் என்றும் மாறிமாறி தகவல்கள் வெளியாகி வந்தன.

ஆனால் தற்போது படத்தின் நாயகனாக ஒப்பந்தமாகி இருக்கிறார் விக்ரம். விஜய் இயக்கத்தில் விக்ரம் நடித்து வரும் 'தாண்டவம்' படத்தின் பணிகள் முடிந்ததும் ஷங்கர் படத்துக்கு வந்துவிடுவாராம் விக்ரம்.

ரஜினிக்கு பொருத்தமான வில்லன் நானே - ஜாக்கி ஷெராப்!!!

Thursday, April, 26, 2012
ரஜினிக்கு பொருத்தமான வில்லன் நான்தான். அதை கோச்சடையானில் நீங்கள் பார்க்கலாம், என்கிறார் நடிகர் ஜாக்கி ஷெராப்.

ரஜினியின் அடுத்த படமான கோச்சடையானில் அவருடன் பெரும் நட்சத்திரப் பட்டாளமே நடிக்கிறது. தீபிகா படுகோன், ருக்மணி, ஷோபனா, சரத்குமார், நாசர், ஆதி இவர்களுடன் ஜாக்கி ஷெராபும் நடிக்கிறார்.

இவர்தான் படத்தில் ரஜினிக்கு பிரதான வில்லன்.

இதுகுறித்து ஜாக்கி ஷெராப் கூறுகையில், "ரஜினி என் நெருங்கிய நண்பர். அவருடன் பல வருடங்களுக்குப் பிறகு இணைந்து நடிப்பதில் மிகவும் மகிழ்ச்சி. மிகச் சிறந்த நடிகர் ரஜினி. அவருக்கு இணையாக யாரையும் சொல்ல முடியாது.

கோச்சடையான் படத்தில் என் பெயர் ராஜா. ஆனால் முழுக்க முழுக்க பக்கா வில்லன் வேடம். நானும் ரஜினியும் மோதும் காட்சிகள் லண்டனில் எடுக்கப்பட்டுவிட்டன. அவருக்குப் பொருத்தமான வில்லன் நான்தான் என்பதைப் புரிந்து கொள்வீர்கள், படம் வந்ததும். இதற்கு மேல் சொல்ல முடியாது," என்றார்.

நண்பனின் நூறாவது நாள் கொண்டாட்டம்!!!

Thursday, April, 26, 2012
கடந்த காலங்களில் விஜய் நடித்து ஹிட் ஆன முதல் படமான 'நண்பன்' 100-வது நாளை தாண்டி ஓடிக் கொண்டிருக்கிறது. தமிழ் சினிமாவில் மூன்று கதாநாயகன்கள் ஒன்றாக இணைந்து நகைச்சுவைக் கதையில் நடித்து ஹிட் ஆகியுள்ள இப்படத்தின் 100-வது நாள் கொண்டாட்டத்தை ஏப்ரல் 21-ம் தேதி படக்குழுவினர் கொண்டாடினர். விஜய், ஜீவா, ஸ்ரீகாந்த், இலியானா, சத்யராஜ், சத்யன் ஆகியோர் நடித்த இப்படம், ஷங்கரின் முதல் ரீமேக் படம் என்பது குறிப்பிடத்தக்கது. விழாவில் இலியானா தவிர படத்தில் நடித்த அனைத்து கலைஞர்களும் கலந்து கொண்டனர்.

ரூ.23 கோடிக்கு விலை போன 'சகுனி'!!!

Thursday, April, 26, 2012
நடிகர் கார்த்தி நடிக்கும் 'சகுனி' படத்திற்கு ரூ.23 கோடி விலை பேசப்பட்டிருப்பதாக செய்திகள் வெளியாகியுள்ளன. 'சிறுத்தை' பட வெற்றிக்குப் பிறகு கார்த்தி நடிக்கும் புதிய படம் 'சகுனி'. ட்ரீம் வாரியர் பிக்சர்ஸ் சார்பில் ஆண்டனி சேவியர் தயாரிப்பில் உருவாகும் இப்படத்தில் கார்த்திக்கு ஜோடியாக 'உதயன்' படத்தின் நாயகி ப்ரணிதா நடிக்கிறார். இவர்களுடன் காமெடியில் சந்தானமும் கலக்க உள்ளார். ஜீ.வி.பிரகாஷ்குமார் இசையமைக்க, பி.ஜி.முத்தையா ஒளிப்பதிவு செய்ய, ஸ்ரீகர் பிரசாத் படத்தொகுப்பு வேலையை கவனிக்கிறார். இப்படத்தை கதை, திரைக்கதை அமைத்து புதுமுகம் சங்கர் தயாள் என்பவர் இயக்கியுள்ளார். படத்தின் ஷூட்டிங் எல்லாம் முடிந்து ரிலீஸ்க்கு தயாராக இருக்கிறது. இந்நிலையில் 'சகுனி' படத்தின் தமிழக உரிமையை மட்டும் ரூ.23 கோடிக்கு வாங்கியிருக்கிறதாம் வேந்தர் பிலிம்ஸ் என்ற நிறுவனம். சமீபத்தில் 'அரவான்' படத்தை பெரிய விலை கொடுத்து வாங்கியிருந்ததும் இதே நிறுவனம்தான் என்பது குறிப்பிடத்தக்கது

கேன்ஸ் விழாவில் முப்பொழுதும் உன் கற்பனைகள்!!!

Thursday, April, 26, 2012
புகழ்பெற்ற கேன்ஸ் சர்வதேச திரைப்பட விழாவில் 'தயாரிப்பாளர்கள் நெட்வொர்க்கின் சிறப்புத் திரையிடல் பிரிவில்' தமிழ்ப் படமான முப்பொழுதும் உன் கற்பனைகள் திரையிடப்படுகிறது.

சர்வதேச அளவில் புதிய திறமைகள் மற்றும் சினிமா போக்குகள் பற்றி தெரிவிக்கும் விதத்தில் இந்தப் பிரிவில் 2004-ம் ஆண்டு முதல் படங்களைத் திரையிடுகிறார்கள். உலகின் முன்னணி இயக்குநர்கள் பலரும் இடம்பெற்றுள்ள அமைப்பு இது.

இந்த விழாவுக்கு முப்பொழுதும் உன் கற்பனைகள் படத்தின் தயாரிப்பாளரும் இயக்குநருமான எல்ரெட் குமாருக்கு அழைப்பு விடுக்கப்பட்டுள்ளது.

பிரான்ஸின் கேன்ஸ் நகரில் வரும் மே 16 முதல் 27-ம் தேதி வரை இந்த விழா நடக்கிரது. இதில் தயாரிப்பாளர்கள் நெட்வொர்க்கின் சிறப்புத் திரையிடல் மே 17 முதல் 23 வரை நடக்கிறது. விழாவின் துவக்க நாளில் முப்பொழுதும் உன் கற்பனைகள் டீமுக்கு சிறப்பு செய்யப்படுகிறது. 22-ம் தேதி படம் திரையிடப்படுகிறது.

"இதனை மிகப்பெரிய கவுரவமாக நாங்கள் கருதுகிறோம்," என்று படத்தின் இயக்குநர் எல்ரெட் குமார் கூறியுள்ளார்.

எல்ரெட் குமார் இயக்கிய முதல் படம் இந்த முப்பொழுதும் உன் கற்பனைகள் என்பது குறிப்பிடத்தக்கது. விண்ணைத் தாண்டி வருவாயா, கோ உள்ளிட்ட பல படங்களின் தயாரிப்பாளர் இவரே!