Thursday, May 17, 2012

நான்கு பேரும் மூன்று காதலும்!!!

Thursday, ,May, 17, 2012
தான் இயக்கும் ஒவ்வொரு படத்திற்கும் வித்தியாசமான கதைத்களங்களை தேர்வு செய்பவர் இயக்குனர் வஸந்த்.

'கேளடி கண்மணி','நீ பாதி நான் பாதி', 'நேருக்கு நேர்', 'ஆசை','அப்பு', 'ரிதம்', 'ஏய் நீ ரொம்ப அழகே இருக்கே', 'சத்தம் போடாதே' ஆகிய படங்கள் இதற்கு சான்று.

'சத்தம் போடாதே' படத்தினைத் தொடர்ந்து தற்போது அர்ஜுன், சேரன், விமல் என மூன்று நாயகர்களை ஒன்றிணைத்து 'மூன்று பேர் மூன்று காதல்' என்னும் படத்தினை இயக்கி வருகிறார் வஸந்த்.

தேசிய விருது வென்ற நான்கு பேர் இப்படத்தில் ஒன்றாக இணைந்து பணிபுரிந்து வருகிறார்கள் என்பது இப்படத்திற்கு கூடுதல் சிறப்பாக அமைந்து இருக்கிறது.

'வெற்றிக் கொடி கட்டு', 'ஆட்டோகிராப்', 'தவமாய் தவமிருந்து' ஆகிய படங்களுக்காக தேசிய விருது வென்ற சேரன், 'மைனா' படத்திற்காக தேசிய விருது வென்ற தம்பி ராமையா, 'அழகர்சாமியின் குதிரை' படத்திற்காக தேசிய விருது வென்ற அப்புக்குட்டி, இந்த மூவருடன் இணைந்திருக்கிறார் இயக்குனர் வஸந்த்.

2005ம் ஆண்டு 'தக்கையின் மீது நான்கு கண்கள்' என்ற குறும்படத்திற்காக தேசிய விருது வென்றார் இயக்குனர் வஸந்த்.

இந்த நான்கு பேரும் 'மூன்று பேர் மூன்று காதல்' படத்தில் இணைந்து பணியாற்றி வருகிறார்கள்.

கார்த்தி பிறந்தநாளில் சகுனி சிங்கிள் ஆடியோ டிராக் ரிலீஸ்!!!

Thursday, ,May, 17, 2012
சிங்கிள் ஆடியோ டிராக் கலாச்சாரம் தமிழ் சினிமாவில் அதிகரித்து வருகிறது. அது இப்போது கார்த்தியின் படத்திலும் தொடர்கிறது. புதுமுகம் ஷங்கர் தயாள் இயக்கத்தில், கார்த்தி-ப்ரணீதா-சந்தானம் கூட்டணியில் உருவாகி இருக்கும் புதியபடம் சகுனி. ஏப்ரல் மாதமே ரிலீஸ் ஆகவேண்டிய இப்படம் பெப்சி பிரச்னை உள்ளிட்ட பல பிரச்னைகளால் இப்படத்தின் சூட்டிங் காலதாமதமானது. தற்போது படத்தின் சூட்டிங் எல்லாம் முடிந்து ரிலீஸ் செய்வதற்கான வேலைகள் மும்முரமாக நடந்து வருகிறது. அத‌ில் முதற்கட்டமாக படத்திற்கான ஆடியோ ரிலீஸ் வேலைகள் தீவிரமாக நடந்து வருகின்றன. படத்தின் ஆடியோவை மொத்தமாக ரிலீஸ் செய்யாமல் ஒரே ஒரு பாடலை மட்டும் ரிலீஸ் செய்யவுள்ளனர். அதுவும் கார்த்தி பிறந்தநாளான மே 25ம் தேதி சிங்கிள் டிராக்கும், அதனைத்தொடர்ந்து மே 31ம் தேதி அனைத்து பாடல்களையும் ரிலீஸ் செய்யவுள்ளனர். ஜூன் மாதம் இப்படம் திரைக்கு வரும் என்று எதிர்பார்க்கப்படுகிறது

வில்லனாக நடிக்கும் ஜெயம் ரவி!!!

Thursday, ,May, 17, 2012
அது எப்படி ஒரு லவ்வப்பல் கதாநாயகனை வில்லனாக நடிக்க இந்த தமிழ் ரசிகர்கள் ஒப்புக் கொள்வார்கள் என்று அதிர்ச்சியோடு இந்த செய்தியை படிக்க வந்தீர்களா?

உண்மையாக ஒரு படத்தில் ஜெயம்ரவி வில்லனாகத்தான் நடிக்கிறார். அதாவது, சமுத்ரக்கனி இயக்கும் அடுத்த படத்தில் ஜெயம் ரவி நடிக்கிறார், அவருக்கு ஜோடியாக அமலாபால் நடிக்கிறார் என்று உங்களுக்கு ஏற்கனவேத் தெரியும். அதுவல்ல செய்தி.

அந்த படத்தில் ஜெயம்ரவிக்கு இரட்டை வேடம். ஒரு வேடம் 40 வயதை தாண்டிய வில்லன் வேடம். மற்றொன்று கதாநாயகன் வேடம். இந்த 40 வயது கதாப்பாத்திரம் ஏறக்குறைய நெற்றிக்கண் அப்பா ரஜினியைப் போல பெண் சபலம் கொண்டவராக அமைக்கப்பட்டுள்ளது. இதில்தான் ஜெயம்ரவி நடிக்கிறார். இப்போ புரியுதா தலைப்பு.

ஆனால் நெற்றிக்கண் கதைக்கும், இந்த கதைக்கும் எந்த சம்பந்தமும் இல்லை என்று அலறி அடித்துக் கொண்டு ஸ்டேட்மென்ட் கொடுக்கிறார் சமுத்ரக்கனி.

சினேகா - பிரசன்னாவுக்கு ரஜினி தந்த திருமணப் பரிசு!!!

Thursday, ,May, 17, 2012
புதுமணத் தம்பதிகள் சினேகா - பிரசன்னாவை தன் வீட்டுக்கே வரவழைத்து திருமணப் பரிசு வழங்கினார் சூப்பர் ஸ்டார் ரஜினிகாந்த்.

கடந்த மே 11-ம் தேதி நடந்த தங்கள் திருமணத்துக்கு வருமாக சூப்பர் ஸ்டாருக்கு அழைப்பிதழ் கொடுத்திருந்தனர் சினேகாவும் பிரசன்னாவும். ஆனால் ரஜினியால் இந்த திருமணம் அல்லது அதன் பிறகு திரையுலகினருக்காக நடத்தப்பட்ட பிரத்தியேக வரவேற்பில் பங்கேற்க முடியவில்லை. கோச்சடையான் பணிகளில் அவர் பிஸியாக இருந்தார்.

இந்த நிலையில் சினேகாவையும் பிரசன்னாவையும் தன் வீட்டுக்கே வரவழைத்து அவர்களுக்கு திருமணப் பரிசு வழங்கி, இன்ப அதிர்ச்சியில் ஆழ்த்தியுள்ளார்.

ஸ்ரீராகவேந்திரர் உருவப்படத்தின் ஆயில் பெயின்டிங்கை இருவருக்கும் அன்புப் பரிசாக அளித்த ரஜினி, இருவருக்கும் திருமண வாழ்த்து கூறியுள்ளார்.

இதுகுறித்து பிரசன்னா கூறுகையில், "இந்த நாள் எங்கள் வாழ்க்கையில் மறக்க முடியாதது. சூப்பர் ஸ்டாரின் அன்புப் பரிசோடு வாழ்க்கையைத் தொடங்குகிறோம்," என்றார்.

பாலிவுட்டில் தமன்னாவுக்கு திடீர் எதிர்ப்பு!!!

Thursday, ,May, 17, 2012
பாலிவுட்டில் தமன்னா நுழைவதை தடுக்க அவரது வாய்ப்பை தட்டிபறிக்கும் வேலை தொடங்கி இருக்கிறது. தமிழ் படங்களில் முன்னணி நடிகைகளில் ஒருவர் தமன்னா. திடீரென்று கோலிவுட்டில் வாய்ப்புகள் குறைந்ததால் தெலுங்கு படங்களில் நடித்து வருகிறார். இதற்கிடையில் பாலிவுட் படங்களில் நடிப்பது பற்றி கேட்டபோது நல்ல வாய்ப்புக்காக காத்திருப்பதாக கூறி வந்தார். 1983ம் ஆண்டு ஜிதேந்திரா, ஸ்ரீதேவி நடித்த ‘ஹிம்மத்வாலா என்ற இந்தி படம் ரீமேக் செய்யப்படுகிறது. இதில் ஸ்ரீதேவி ஏற்று நடித்த வேடத்தில் நடிக்க தமன்னா ஒப்பந்தம் ஆகி இருக்கிறார்.

சாஜித் கான் இயக்கும் இப்படத்தில் ஹீரோயினாக தமன்னா ஒப்பந்தம் ஆன பிறகு அவருக்கு எதிராக சிலர் பிரச்னை கிளப்பி வருகிறார்களாம். ஸ்ரீதேவி நடித்த கதாபாத்திருத்துக்கு தமன்னா பொருத்தமாக இருக்க மாட்டார். கேத்ரினா கைப், தீபிகா படுகோன் இவர்களில் ஒருவர்தான் இதற்கு பொருத்தமாக இருப்பார்கள் என்று கருத்து தெரிவித்து வருகின்றனர். தனக்கு எதிராக இப்படியொரு பிரச்னையை எழுவதை அறிந்து தமன்னா அதிர்ச்சி அடைந்துள்ளார். ஏற்கனவே இப்படத்தின் மூலம்தான் ஸ்ரீதேவி பாலிவுட்டில் நம்பர் ஒன் இடத்துக்கு போனார். அதே வேடத்தில் மற்றொரு தென்னிந்திய நடிகையை நடிக்க வைத்தால் அது தற்போது முன்னணி இடத்தில் இருக்கும் பாலிவுட் நடிகைகளை பாதிக்கும் என்பதால் இப்படியொரு எதிர்ப்பு பிரசாரம் செய்யப்படுவதாக திரையுலக பிரமுகர்கள் கருதுகின்றனர்.

சில்க் பட பிரச்னை தொடர்கிறது : வீணா மாலிக் படத்துக்கு தயாரிப்பாளர் திடீர் எதிர்ப்பு!!!

Thursday, ,May, 17, 2012
ஏக்தா கபூர் தயாரித்த இந்தி படம் ‘தி டர்ட்டி பிக்சர்Õ. இப்படம் கடந்த ஆண்டு வெளியானது. இது சில்க் ஸ்மிதாவின் வாழ்க்கையை தழுவி உருவான படம். இந்நிலையில் கன்னடத்தில் தயாராகும் படத்துக்கு ‘தி டர்ட்டி பிக்சர்Õ என்று பெயரிடப்பட்டுள்ளது. இதில் நிர்வாண புகைப்பட சர்ச்சையில் சிக்கிய பாகிஸ்தான் நடிகை வீணா மாலிக் நடிக்கிறார். த்ரிசூல் இயக்குகிறார். இதுவும் சில்க் கதை கொண்ட படம்தான். இந்த தலைப்புக்கு கன்னட பிலிம்சேம்பர் அனுமதி அளித்திருக்கிறது. இதையறிந்த தயாரிப்பாளர் ஏக்தா கபூர் தன்னுடைய பட டைட்டிலை கன்னட படத்துக்கு வைக்கக்கூடாது என்று ஆட்சேபம் தெரிவித்து கன்னட பிலிம் சேம்பருக்கு கடிதம் அனுப்பி இருக்கிறார். ‘கடிதம் கிடைத்த 5 நாட்களுக்குள் டைட்டில் வைக்க கொடுத்த அனுமதியை ரத்து செய்ய வேண்டும்Õ

என்று குறிப்பிட்டுள்ளார். இதுபற்றி சேம்பரின் நிர்வாகிகள் குழு ஆலோசித்து வருகின்றனர். இயக்குனர் த்ரிசூல் கூறும்போது, ‘தலைப்பை மாற்றும் பேச்சுக்கே இடமில்லை. சட்டப்படியும் இதை சந்திக்க தயாராக இருக்கிறேன். மற்றொரு மொழியில் வைத்த டைட்டிலை வேறு மொழி படத்துக்கு வைக்க எந்த தடையும் கிடையாது. கர்நாடக பிலிம்சேம்பரில் சட்டப்படி இதற்காக அனுமதி பெற்றிருக்கிறோம். எதற்காக நாங்கள் தலைப்பை மாற்ற வேண்டும்? இந்தியில் எடுக்கப்பட்ட படம் சில்க் வாழ்க்கையை மையமாக வைத்து எடுக்கப்பட்டிருக்கிறது. ஆனால் எனது படம் வேறு மாதிரியாக இருக்கும். ஏக்தா கபூர் பட கதைக்கும் எனது பட கதைக்கும் சம்பந்தமில்லை என்றார்.

மும்பையில் தொடங்கும் அ‌‌ஜீத் படம்!!!

Thursday, ,May, 17, 2012
விஷ்ணுவர்தன் இயக்கத்தல் அ‌‌‌ஜீத் நடிக்கும் படத்தின் வேலைகள் மின்னல் வேகத்தில் நடக்கின்றன. மே 31 பில்லா 2 வெளியாகும் முன்பே படப்பிடிப்பை தொடங்குகின்றனர்.

இன்னும் பெய‌ரிடப்படாத இந்தப் படத்தில் அ‌‌‌ஜீத் ஜோடியாக நயன்தாரா நடிக்கிறார். ஆர்யாவுக்கு முக்கியமான வேடம். தாப்ஸீயையும் ஒப்பந்தம் செய்துள்ளனர். யுவன் ஷங்கர் ராஜா இசை.

இந்தப் படத்தின் படப்பிடிப்பை மும்பையில் வரும் மே 31 தொடங்குகின்றனர். எழுத்தாளர்கள் சுபா படத்தின் வசனத்தை எழுதியுள்ளனர். விஜய்யின் துப்பாக்கிப் படத்தின் படப்பிடிப்பு மும்பையில் நடந்தது. தற்போது அ‌‌‌ஜீத் மும்பை கிளம்புகிறார்.

ஏ.எம்.ரத்னம் இந்தப் படத்தை தயா‌ரிப்பதாகச் சொல்லப்பட்டது. இப்போது ரத்னம் மேற்பார்வையில் ஸ்ரீசத்யசாய் மூவிஸ் சார்பில் ரகுராம் தயா‌ரிப்பதாக தெ‌ரிவித்துள்ளனர். ரத்னம் படங்களின் தோல்விக் கணக்கை இந்தப் படத்தில் விநியோகஸ்தர்கள் தீர்த்துக் கொள்ள முயலக்கூடும் என்பதால்தான் புதிய கம்பெனி பெயரை நுழைந்திருப்பதாக கூறப்படுகிறது.

சில்லரை வேடங்களில் சரத்குமார்!!!

Thursday, ,May, 17, 2012
மலையாளப் படங்களில் நடித்ததால் சில நல்ல பழக்கங்கள் சரத்குமா‌ரிடம் தென்படுகின்றன. அதில் ஒன்று சின்ன வேடம் என்றாலும் நல்ல படங்களில் தன்னை இணைத்துக் கொள்வது. காஞ்சனாவுக்குப் பிறகு கோச்சடையானில் சிறிய வேடம் ஒன்றில் நடிக்க ஒப்புக் கொண்டிருக்கிறார்.

மலையாளத்திலும் இப்படி அவர் நடித்த சில படங்கள் - முக்கியமாக ஓ‌ரிடத்து ஒரு போஸ்ட்மேன் - சரத்குமாருக்கு நல்ல பெயரை சம்பாதித்து தந்தது. சமீபத்தில் இவர் நடிக்க ஒப்புக் கொண்ட இன்னொரு படம் துப்பாக்கி.

விஜய் நடிக்க முருகதாஸ் இயக்கும் இந்தப் படத்தில் முக்கியமான சிறிய வேடம் ஒன்றில் சரத்குமார் நடிக்கிறார். ர‌ஜினி படத்தில் வில்லனாக நடிக்க முடியாது என்று சொல்லிவிட்டு தெலுங்கில் துக்கடா ஹீரோவுக்கு அப்பாவாக நடிக்கும் சத்யராஜுக்கு சரத்குமார் எவ்வளவோ மேல்.