Saturday, May 26, 2012

ரகுமான் குழந்தைகளுக்கு கட்டுப்பாடு!!!

Saturday, ,May, ,26, 2012
சென்னை::இங்கிலாந்து, அமெரிக்கா என மாறி மாறி பறந்து கொண்டிருக்கிறார் ஏ.ஆர்.ரகுமான். தற்போது கோடை விடுமுறைக்காக மனைவி, 3 குழந்தைகளுடன் அமெரிக்கா சென்றிருக்கிறார். இது பற்றி அவர் கூறியதாவது: என் குழந்தைகளுக்கு கோடை விடுமுறை விட்டிருப்பதால் அவர்களை லாஸ் ஏஞ்சல்ஸ் அழைத்து சென்றேன். அமெரிக்கா செல்லும் குழந்தைகள் எல்லோருமே டிஸ்னி வேர்ல்டுக்குத்தான் போக வேண்டும் என்று அடம்பிடிப்பார்கள். ஆனால் எனது குழந்தைகள் அதற்கு பதிலாக தங்களை ஸ்டுயோக்களுக்கு அழைத்துச் செல்ல கேட்டனர். அவர்களை ஹாலிவுட் ஸ்டுடியோவுக்கு அழைத்துச் சென்றேன். அதை ஆர்வமாக சுற்றிப் பார்த்தனர். என் குழந்தைகளைப் பொறுத்தவரை என்னிடம் எப்போது விளையாட வேண்டும், எப்போது தொந்தரவு செய்யாமல் ஒதுங்கி இருக்க வேண்டும் என்பதை கற்று வைத்திருக்கிறார்கள். வேலை நேரத்தில் என் எதிரில் கூட வரமாட்டார்கள். அந்த கட்டுப்பாட்டை அவர்களாக பயிற்சி எடுத்துக்கொண்டிருக்கிறார்கள். என் குடும்பத்துடன் நான் இருக்கும்போது ரசிகர்களும் எனது தனிமையில் தலையிடுவதில்லை. அந்த நேரங்களில் ஆட்டோகிராப், போட்டோ எடுத்துக்கொள்வது என்று கேட்டு தொந்தரவு செய்வதில்லை.

லாஸ் ஏஞ்சல்ஸில் என்னை பலருக்கு அடையாளம் தெரியாது. அதனால் எல்லா இடத்திலும் சுற்றுவேன். அப்படியும் மேற்கு ஆப்ரிக்காவை சேர்ந்த ஒரு குடும்பத்தினர் என்னை அடையாளம் கண்டுவிட்டனர். அவர்கள் சுமார் 12 பேர் இருந்தனர். அவர்களுடனான சந்திப்பும், கலந்துரையாடலும் மகிழ்ச்சி அளித்தது. இவ்வாறு ரகுமான் கூறினார்.

தாண்டவம் - தேம்ஸ் நதியில் டூயட்!!!

Saturday, ,May, ,26, 2012
சென்னை::லண்டனில் தாண்டவம் படப்பிடிப்பை நடத்தி வருகிறார் இயக்குனர் விஜய். லண்டனில் மழை பெய்து படப்பிடிப்புக்கு சவால்விட்ட நிலையிலும் அசராமல் படப்பிடிப்பை நடத்திக் கொண்டிருக்கிறார்.

சமீபத்தில் விக்ரம், எமி ஜாக்ஸன் இடம்பெறும் டூயட் பாடல் ஒன்று படமாக்கப்பட்டது. பாடலுக்கு இசை ‌ஜி.வி.பிரகாஷ். இதுவொரு ஆங்கிலப் பாடல். தேம்ஸ் நதியில் இந்தப் பாடலை விஜய் படமாக்கினார். மதராசப்பட்டினத்தில் கூவத்தில் பாடலை படமாக்கினார். இப்போது தேம்ஸில்.

இந்தப் படத்தில் லட்சுமிராயும் நடிக்கிறார். சந்தானம் இடம்பெறும் காட்சிகளும் லண்டனில் படமாக்கப்பட்டுள்ளது குறிப்பிடத்தக்கது.

தியாகராஜ பாகவதர், கவுண்டமணி, நான்: சந்தானத்தின் கனவு!!!

Saturday, ,May, ,26, 2012
சென்னை::ஆசையில்லா மனிதன் கிடையாது. ஆனால் நடிகர் சந்தானத்திற்கு ஒரு வித்தியாசமான ஆசை உள்ளது.

சந்தானம் தான் இன்றைய தேதியில் படுபிசியாக இருக்கும் காமெடி நடிகர். ஓ.கே. ஓ.கே. படத்திற்கு பிறகு 10க்கும் மேற்பட்ட படங்களில் நடிக்க ஒப்பந்தமாகியுள்ளார். இந்த ஆண்டு ரிலீஸான படங்களில் கிட்டதட்ட முக்கால் வாசி படங்களில் சந்தானம் தான் காமெடியன். அதுவும் இயக்குனர் ராஜேஷின் ஆஸ்தான காமெடியன் ஆகிவிட்டார். இவரை படத்தில் எடுத்தாலே அது ஹிட் என்று ராஜேஷ் நினைக்கிறார்.

இத்தனை படங்களில் நடித்துள்ள சந்தானத்திற்கு ஒரு கனவு கதாபாத்திரம் உள்ளதாம். அது குறித்து அவர் கூறுகையில்,

ஒரு படத்திலாவது நான் பல்வேறு கதாபாத்திரங்களில் நடிக்க வேண்டும் என்பதே எனது கனவு, ஆசை. அதுவும் ஒவ்வொரு கதாபாத்திரமும் ஒவ்வொரு தலைமுறையைச் சேர்ந்ததாக இருக்க வேண்டும். 30களைச் சேர்ந்த தியாகராஜ பாகவதர் மாதிரி ஒரு ரோல், 80களில் கலக்கிய கவுண்டமணி மாதிரி ஒரு ரோல் மற்றும் தற்போதைய தலைமுறை பிரதிநிதியாக நான் நடிக்க வேண்டும் என்றார்.

உங்கள் ஆசை பற்றி அறிந்து கொள்ளும் ஏதாவது ஒரு இயக்குனர் உங்களின் கனவு கதாபாத்திரத்தை வழங்குவார் என்று நம்புங்கள்.

யாரு‌க்கு ப‌க்‌தி அ‌திக‌ம் - கம‌ல்ஹாச‌ன் சொ‌ல்‌கிறா‌ர்!!!!!!

Saturday, ,May, ,26, 2012
சென்னை::சாமி பக்தி குறித்து நடிகர் கமல்ஹாசன் பேசிய பேச்சு பரபரப்பை ஏற்படுத்தியுள்ளது. ஓவியர் ஸ்ரீதர், வின்சென்ட் அடைக்கலராஜ் ஆகிய இருவரும் சேர்ந்து சென்னை ஆழ்வார்பேட்டையில் ஒரு கலைக்கூடத்தை உருவாக்கியிருக்கிறார்கள். அதில் பல்வேறு வகையான ஓவியங்கள் கண்காட்சியாக வைக்கப்பட்டுள்ளன. இந்த ஓவியக்கூடத்தை நடிகர் கமல்ஹாசன் திறந்து வைத்தார்.

அதன் பின்னர் பேசிய கமல்ஹாசன், ஸ்ரீதர் என் மீது அன்பு கொண்டவர். என்னை ஓவியங்களாக வரைந்து அவைகளை எனக்கு அன்பளிப்பாக கொடுத்து இருக்கிறார். அந்த ஓவியங்களை எல்லாம் என் அலுவலகத்தின் முன்பு வைத்து இருக்கிறேன். நம் கலைகள் இன்னும் நவீனத்தை நோக்கி பயணித்துக் கொண்டிருக்கிறது. சினிமா மட்டுமல்லாமல், ஓவியங்களும் இப்போது டிஜிட்டல் மயமாக மாறிவிட்டது. காலத்துக்கு ஏற்ப நாம் மாற வேண்டும். கலைஞனை நம்பி செலவு செய்தால்தான் கலை வளர முடியும். கோவிலுக்குள் இருப்பவர்களை விட, வெளியில் இருப்பவர்களுக்குத்தான் பக்தி அதிகம். அதேபோல் கலைஞனை விட, ரசிகனுக்குத்தான் ரசனை அதிகம். நானே வேறு படங்களை பார்க்கும்போது, நல்ல கலைஞனாக மாறியிருக்கிறேன், என்றார்.

சமீபகாலமாய் முக்கியத்துவம் வாய்ந்த கேரக்டர்களில் நடித்து வரும் பிரபு தாதா வேடத்தில் பிரபு!!!

Saturday, ,May, ,26, 2012
சென்னை::சமீபகாலமாய் முக்கியத்துவம் வாய்ந்த கேரக்டர்களில் நடித்து வரும் பிரபு, ஸ்ரீகாந்த் நாயகனாக நடிக்கும், "எதிரி எண்-3 படத்தில், தாதா வேடத்தில் நடித்துள்ளார். முதலில் சாதாரண ரவுடியாக இருப்பவர், பின்னர் சென்னை சிட்டியையே தன் கட்டுப்பாட்டில் வைத்துக்கொள்ளும் பெரிய ரவுடியாகிவிடுவாராம். இதற்கு முன்பு சில படங்களில் சிறிய அளவிலான வில்லன் வேடங்களில் நடித்திருந்தாலும், இப்படம் பிரபுவை வேறு பரிமாணத்தில் காட்டும் என்கிறார், அப்படத்தின் இயக்குனரான ராம்குமார்.

கொழுக், மொழுக்னு இருந்தாத்தான் ரசிகர்களுக்கு பிடிக்குது: ஹன்சிகா!!!

Saturday, ,May, ,26, 2012
சென்னை::தான் கொழுக், மொழுக் என்று இருந்தால் தான் ரசிகர்களுக்கு பிடிப்பதாக நடிகை ஹன்சிகா தெரிவித்துள்ளார்.

சாப்பிடாமல் பட்டினி கிடந்து, ஜிம்மில் தவமிருந்து உடலை நரம்பாக வைத்திருக்கும் நடிகைகள் மத்தியில் ஹன்சிகா வித்தியாசமானவர். அமுல் பேபி மாதிரி கொழுக், மொழுக் என்று இருக்கிறார். இந்நிலையில் அவர் உடல் எடையைக் குறைக்க அமெரிக்கா சென்றதாக செய்திகள் வெளியாகின. ஆனால் அதை அவர் மறுத்துள்ளார்.

இது குறித்து அவர் கூறுகையில்,

உடல் எடையைக் குறைக்க நான் ஒன்றும் அமெரிக்கா செல்லவில்லை. உடற்பயிற்சி செய்து உடம்பை கட்டுகோப்பாக வைத்துள்ளேன். நான் கொழுக், மொழுக் என்று இருந்தால் தான் ரசிகர்களுக்கு பிடிக்கிறது. அதனால் நான் ஒல்லியாக மாட்டேன். ஆனால் உடற்பயிற்சி செய்து குண்டாகிவிடாமல் பார்த்துக்கொள்வேன். சேட்டை படத்தில் ஆர்யாவுடன் சேர்ந்து நடிப்பது ஓர் இனிமையான அனுபவம். அந்த படத்தின் ஷூட்டிங் ஜாலியாக போகிறது.

சிங்கம்-2 படத்தில் சூர்யாவுடன் நடிக்கவிருக்கிறேன். அதன் ஷூட்டிங் வரும் ஆகஸ்ட் மாதம் துவங்குகிறது என்றார்.

நல்ல முடிவு ஹன்சிகா. நீங்க ஒல்லியானா நல்லா இருக்காது. கும்முன்னு இருப்பது தான் ஹன்சிகாவுக்கு அழகு.

தல ரசிகர்களுக்கு சர்பிரைஸ் கொடுக்கவிருக்கும் சிம்பு!!!

Saturday, ,May, ,26, 2012
சென்னை::அஜீத் குமாரின் பில்லா 2 பட இடைவேளையில் தனது மற்றும் தல ரசிகர்களுக்கு சிம்பு ஒரு சர்பிரைஸ் கொடுக்கப் போகிறார்.

நடிகர் சிலம்பரசன் ஒரு தீவிர அஜீ்த் ரசிகர் என்பது அனைவரும் அறிந்ததே. அஜீத்தின் பில்லா 2 விரைவில் ரிலீஸ் ஆகவிருக்கிறது. இந்நிலையில் தல மற்றும் தனது ரசிகர்களுக்கு ஏதாவது சர்பிரைஸ் கொடுக்க வேண்டுமே என்று நினைத்த சிம்பு தனது மண்டையைப் போட்டு உடைத்து ஒரு முடிவுக்கு வந்துள்ளார்.

சிம்பு தற்போது ஹன்சிகாவுடன் சேர்ந்து வாலு படத்தில் நடித்துக் கொண்டிருக்கிறார் அல்லவா அந்த படத்தின் டீசர் அண்மையில் தான் எடுக்கப்பட்டது. அந்த டீசரை பில்லா 2 இடைவேளையில் திரையிட அவர் திட்டமிட்டுள்ளாராம். இது சிம்பு ரசிகர்களுக்கு வேண்டுமானால் சர்பிரைஸ் என்று சொல்லலாம் ஆனால் தல ரசிகர்கள் என்ன சொல்லப் போகிறார்களோ?

சிம்பு, ஹன்சிகா, சந்தானம், வி.டி.வி. கணேஷ் நடிக்கும் வாலு படத்தை புதுமுக இயக்குனர் விஜய் இயக்குகிறார். தமன் இசையமைக்கிறார்.

பில்லா 2 இடைவேளையில் 'வாலு' வந்தால் உங்களுக்கு எல்லாம் ஓ.கே.வா?

புத்தம் புதுப் பொலிவுடன் மீண்டும் புதிய பாதை!!!

Saturday, ,May, ,26, 2012
சென்னை::பார்த்திபனுக்கு ஒரே படத்தின் மூலம் ஏற்றம் கொடுத்த படமான புதிய பாதை மீண்டும் திரைக்கு வருகிறது. 20 ஆண்டுகளுக்குப் பிறகு மீண்டும் உருவாகும் புதிய பாதையில் மீண்டும் பார்த்திபனே ஹீரோவாக நடிக்கிறார்.

வித்தியாசமான கதைக் களம், வித்தியாசமான நடிப்பு, புத்தம் புதிய ஹீரோத்தனம் என எல்லாவற்றிலும் வித்தியாசமாக அமைந்த படம் புதிய பாதை. அப்படத்தின் கதையும், பார்த்திபன், சீதா ஜோடிப் பொருத்தமும், தேவாவின் புதிய இசையும் படத்தை தூக்கி நிறுத்தின. பெரும் ஓட்டம் ஓடிய இப்படம் பார்த்திபனையும், சீதாவையும் நிஜ வாழ்க்கையிலும் சேர்த்து வைத்தது.

முதல் படத்திலேயே தேசிய விருதையும் இப்படம் தட்டிச் சென்றது. இப்படத்தை மீண்டும் தூசி தட்டி எடுக்கிறார். அவரே மீண்டும் ஹீரோவாக நடிக்கப் போகிறார். இக்காலத்துக்கு ஏற்றவகையில் கதையில் சின்னதாக மாற்றம் செய்து படத்தை ரீமேக் செய்யப் போகிறார்.

இதுகுறித்து அவர் கூறுகையில், இதுவரை ஒரு தமிழ்ப் படத்தை ரீமேக் செய்வதாக இருந்தால் அதில் வேறு ஹீரோதான் நடித்துள்ளனர். குறிப்பாக பி.யூ சின்னப்பா படங்களை ரீமேக் செய்தபோது எம்.ஜி.ஆர். நடித்தார். ரஜினி படங்களை ரீமேக் செய்தபோதும் வேறு ஹீரோக்களே நடித்தனர். ஆனால் ஒரு ஹீரோவின் படம் பல வருடங்களுக்குப் பின்னர் ரீமேக் செய்யும்போது அதே ஹீரோவே நடிப்பது என்பது உலக வரலாற்றில் இதுவரை இல்லாதது. அந்த வகையில், எனது இந்தப் படம் புதிய உலக சாதனையாகும் என்றார்.

பார்த்திபனுக்கும் பெரிய பிரேக் தற்போது தேவைப்படுகிறது. சிறந்த கலைஞரான அவருக்கு இந்தப் புதிய பாதை மீண்டும் ஒரு புதிய பாதையை திறந்து விடட்டும்.

நல்ல கலைஞர்கள் முடங்கிக் கிடப்பது அவர்களுக்கு மட்டுமல்ல, கலா ரசிகர்களுக்கும் கூட கஷ்டமான விஷயம்தான்.