Tuesday, April 17, 2012

ஓஹோ சம்பளம்... மீண்டும் நம்பர் ஒன் ஆனார் நயன்தாரா!!!

Tuesday, April, 17, 2012
சிம்பு, தனுஷ், பிரபுதேவாவுடன் கிசுகிசுக்கப்பட்டு, பின்னர் கொஞ்ச நாள் கோடம்பாக்கம் பக்கமே வராமலிருந்து, மீண்டும் நடிக்க ஆரம்பித்துள்ள நயன்தாராதான் இன்றைக்கு கோடம்பாக்கத்தின் நம்பர் ஒன் நாயகி.

தயாரிப்பாளர்கள் தரும் வரவேற்பு, கொடுக்கத் தயாராக இருக்கும் சம்பளம் மற்றும் ரசிகர்களின் ஆர்வம் என பல வகையிலும் நயன்தாரா பக்கமே தராசு சாய்வதால், அவருக்கு இந்த அந்தஸ்து கிட்டியுள்ளது.

நயன்தாராவுக்கு இன்றைய தேதியில் சம்பளம் ரூ 1.5 முதல் 1.75 கோடி என்கிறது கோடம்பாக்கம் வட்டாராம்.

இவரோடு ஒப்பிட்டால், இன்றுள்ள மற்ற நடிகைகள் பலரும் எங்கேயோ இருக்கிறார்கள்.

இவருக்கு அடுத்த நிலையில் அனுஷ்கா, காஜல் அகர்வால் மற்றும் தமன்னா ஆகியோர் உள்ளனர். த்ரிஷாவும் இந்த முதல் நிலை நாயகிகள் லிஸ்டிலேயே உள்ளது குறிப்பிடத்தக்கது, இவர்கள் சம்பளம் ரூ 1 முதல் 1.2 கோடி வரை போகிறது.

அமலா பால் எப்போது இந்த கோடீஸ்வர நடிகைகள் பட்டியலுக்கு வருவது என துடித்துக் கொண்டிருக்கிறார். இன்னும் ஒரு படம், ஒரே ஒரு படம் ஓடிவிட்டால், அவர் தயங்காமல் ஒற்றை விரலைக் காட்டிவிடுவார்!

ஒசாமா பின்லேடனை கடலில் புதைத்த கப்பலில் கமல்!!!

Tuesday, April, 17, 2012
இந்தோனேசியாவில் கடந்த புதன்கிழமையன்று பயங்கர நிலநடுக்கம் ஏற்பட்டு சுனாமி வரும்..வரும்...வந்துவிடும்.. என்று ஊடகங்கள் அலறிக் கொண்டிருந்த நேரம்... கடலோர கிராமங்கள் எச்சரிக்கையாக தவித்துக் கொண்டிருந்த தருணம்...நடுக்கடலில்.. சென்னை கடற்பரப்பில் இருந்து 200 மைல் தொலைவில். சொகுசுக் கப்பலில் விருந்தில் கலந்து கொண்டிருந்தார் உலக நாயகன் கமல்ஹாசன். சென்னை அருகே முகாமிட்டுள்ள அமெரிக்காவின் அணுசக்தி கப்பலான யுஎஸ்எஸ் கார்ல் வின்ஸ் கப்பலில் நடந்த விருந்தில்தான் கமல்ஹாசனும் பங்கேற்றிருந்தார்.. அமெரிக்க போர்க் கப்பலில் நடைபெற்ற விருந்துக்கு அழைக்கப்பட்ட முதல் இந்திய நடிகரும் கமல்தான்! உலகமே சுனாமி சுனாமி என்று கத்திக் கொண்டிருந்த நேரத்தில் கப்பலில் இருந்த எனக்கு அது பற்றி எதுவுமே தெரியவில்லை என்கிறார் கமல். கமலின் புதிய படமான 'விஸ்வரூப'த்தில் சர்வதேச அமைதி மற்றும் புலனாய்வு தொடர்பான விஷயங்கள் இடம்பெற்றிருக்கின்றன. படத்தின் பெரும்பகுதி அமெரிக்காவில் படம்பிடிக்கப்பட்டிருக்கிறது. கமல்ஹாசன் விருந்தில் கலந்து கொண்ட கப்பல், சர்வதேச பயங்கரவாதி ஒசாமா பின்லேடனை கடலில் புதைத்த கப்பல் என்பதும் குறிப்பிடத்தக்கது.

அடுத்த ஆண்டில் ஜீ.வி.பிரகாஷ் திருமணம்!!!

Tuesday, April, 17, 2012
தமிழ் சினிமாவில் முன்னணி இசையமைப்பாளராக இருக்கும் ஜீ.வி.பிரகாஷ் குமாருக்கும், அவரது காதலியும் பின்னணி பாடகியுமான சைந்தவிக்கும் அடுத்த ஆண்டு ஜனவரி மாதம் திருமணம் நடைபெற இருக்கிறது. ஆஸ்கர் நாயகன் ஏ.ஆர்.ரஹ்மானின் அக்கா மகனான ஜீ.வி.பிரகாஷ் குமார் இப்போது தமிழ் சினிமாவின் பெரிய இசையமைப்பாளர்கள் பட்டியலில் உள்ளார். தமிழ், தெலுங்கு, இந்தி என்று மொழி தாண்டி இசையமைத்து வருகிறார். சமீபத்தில் இவர் இசையமைத்து வெளிவந்த 'ஆடுகளம்', 'தெய்வத்திருமகள்', 'முப்பொழுதும் உன் கற்பனைகள்' போன்ற ஹிட் படங்களை கொடுத்த வெற்றியாளர் தற்போது திருமணம் செய்யும் எண்ணத்தில் இருக்கிறார். இவரும், பிரபல பின்னணி பாடகி சைந்தவியும் நீண்ட நாட்களாக காதலித்து வந்தனர். இவர்களது காதலுக்கு இருவரது வீட்டிலும் சம்மதம் தெரிவித்துவிட்டனர். இதனால் சீக்கிரத்தில் திருமணம் நடத்த நாள் பார்த்து கொண்டு இருக்கின்றனர். இதுகுறித்து ஜீ.வி.யிடம் கேட்டபோது, இப்போது தமிழ், தெலுங்கு, இந்தி என பல மொழிகளில் படங்கள் முடிக்க வேண்டியுள்ளது. அதனால் அடுத்த ஆண்டு ஜனவரி மாதம் திருமணம் செய்ய நாள் பார்த்து கொண்டிருக்கின்றனர். திருமண தேதி முடிவானதும் விரைவில் அறிவிக்கிறேன் என்று கூறியுள்ளார்.