Friday, May 11, 2012

நடிகை சினேகா திருமணம் நடந்தது - இரண்டு முறை தாலி கட்டி மனைவியாக்கினார் பிரசன்னா!!!

Friday, ,May, ,11, 2012
சென்னை::நடிகை சினேகா கழுத்தில் பிரசன்னா 2 முறை தாலி கட்டினார். நடிகர், நடிகைகள், நண்பர்கள், உற்றார் உறவினர் வாழ்த்தினர். ‘சாது மிரண்டால்’, ‘சீனா தானா 007’, ‘பாணா காத்தாடி’ உள்ளிட்ட படங்களில் நடித்திருப்பவர் பிரசன்னா. ‘என்னவளே’, ‘வசூல்ராஜா எம்பிபிஎஸ்’, ‘பள்ளிக்கூடம்’ உள்ளிட்ட பல்வேறு படங்களில் நடித்திருப்பவர் சினேகா. இவர்கள் இருவரும் ‘அச்சமுண்டு அச்சமுண்டு’ என்ற படத்தில் ஜோடியாக நடித்தனர். அப்போது முதல் இருவரும் நண்பர்களாக பழகினர். பின்னர் அது காதலாக மாறியது. ஒரு வருடத்துக்கும் மேலாக பார்ட்டி மற்றும் முக்கிய நிகழ்ச்சிகளுக்கு இருவரும் ஜோடியாக வந்தனர்.

சினேகா நாயுடு வகுப்பை சேர்ந்தவர். பிரசன்னா பிராமண வகுப்பை சேர்ந்தவர். இவர்களுக்கு காதலுக்கு இரு குடும்பத்திலும் எதிர்ப்பு இருந்தது. அதனால், காதலிப்பதை இருவரும் மறுத்து வந்தனர். பின்னர் இருவீட்டாரும் சந்தித்து பேசியதில், சமரசம் ஏற்பட்டது. இரண்டு ஜாதி முறைப்படியும் திருமணம் நடத்த முடிவு செய்தனர். கடந்த வாரம் பிரசன்னா, சினேகா ஜோடியாக பத்திரிகையாளர்களுக்கு பேட்டி அளித்தபோது இதை தெரிவித்தனர். பிரசன்னா சினேகா திருமணம் இன்று காலை சென்னை அடுத்த வானகரத்தில் உள்ள ஸ்ரீவாரு வெங்கடாஜலபதி பேலஸில் நடந்தது. முதலில் நாயுடு முறைப்படி திருமண சடங்குகள் நடந்தன. பிரசன்னா காசி யாத்திரைக்கு செல்ல அவரை மச்சான்கள் சமாதானப்படுத்தி குடைபிடித்து மேடைக்கு அழைத்து வரும் சடங்கு நடந்தது. பின்னர் பிரசன்னா, சினேகா மாலை மாற்றும் சம்பிரதாயம் நடந்தது. அப்போது சினேகாவிடம் திருமண சேலையை பிரசன்னா குடும்பத்தினர் வழங்கினர். அதை மணமகள் அறைக்கு எடுத்துச் சென்று உடுத்தி வந்தார். மெரூன் நிற பட்டு சேலை சரசரக்க, தங்க நகை அலங்காரம் ஜொலி ஜொலிக்க மணமேடைக்கு வந்து பிரசன்னா அருகில் அமர்ந்தார் சினேகா. சரியாக காலை 9.50க்கு கெட்டி மேளம் முழங்க சினேகா கழுத்தில் தாலி கட்டினார் பிரசன்னா. பின்னர் பிராமண முறைப்படி திருமண சடங்குகள் நடந்தன. பிரசன்னா பஞ்சகச்சம் கட்டி வந்தார். சினேகா மடிசார் அணிந்து மணக்கோலத்தில் வந்தார். சினேகா தனது தந்தையின் மடியில் அமர்ந்துகொள்ள பிரசன்னா அவருக்கு தாலி கட்டினார்.

திருமண விழாவில் மத்திய அமைச்சர் ப.சிதம்பரம் மனைவி நளினி, நடிகர்கள் சிவகுமார், விஜயகுமார், சிபிராஜ், தாமு, இயக்குனர் கங்கை அமரன், நடிகை மஞ்சுளா, டைரக்டர் பிரியா உள்ளிட்டோர் கலந்துகொண்டு வாழ்த்தினர். முன்னதாக, நேற்று மாலை நடந்த திருமண வரவேற்பு நிகழ்ச்சியில் திரையுலகினர் கலந்துகொண்டு வாழ்த்தினர். திருமணத்துக்காக சினேகாவுக்கு ரூ.25 லட்சம் மதிப்பில் 9 கஜத்துடன் கூடிய 2 பட்டு சேலைகள் காஞ்சிபுரத்தில் பிரத்யேகமாக ஆர்டர் செய்து வாங்கப்பட்டன. இருமுறைப்படி நடந்த திருமணம் நடந்ததால் 2 சேலைகள் வாங்கப்பட்டது. மேலும் வரவேற்பு நிகழ்ச்சிக்காக பெங்களூரில் உள்ள காஸ்டியூம் டிசைனரிடம் உடைகள் ஆர்டர் தரப்பட்டன. இருவருக்கும் ரோஸ் மற்றும் நீலம் கலந்த நிறத்தில் எம்பிராய்டரி வேலைகளுடன் கூடிய பிரத்யேக டிசைனில் உடை வடிவமைக்கப்பட்டு வரவழைக்கப்பட்டது. இந்த உடைகளின் மதிப்பு ரூ. 7 லட்சம் என்பது குறிப்பிடத்தக்கது.

முன்னணி நடிகர்கள் யாரும் வரவில்லை

ஆனால் தமிழ் சினிமாவின் முதல்நிலை நட்சத்திரங்களான ரஜினி, கமல், விஜய், அஜீத், சூர்யா உள்ளிட்ட நடிகர் நடிகைகள் திருமணத்துக்கு வரவில்லை.

கோலிவுட் நடிகைகளுக்கு ஆசைவலை வீசும் பாலிவுட் நடிகர்கள் - ஸ்பெஷல் ஸ்டோரி!!!!

Friday, ,May, ,11, 2012
தென்னிந்திய நடிகைகள் வடஇந்திய சினிமாவை வசப்படுத்துகிற சங்கதி ‘ஃபிலிம் தோன்றி பிரிண்ட் போட்ட’ காலத்திலிருந்தே நடப்பதுதான்! வைஜெயந்திமாலா, ஹேமாமாலினி, ஸ்ரீதேவி என வரிசைகட்டி விளையாடினார்கள்! இப்போ ‘டிஜிட்டல் தோன்றி ‘கியூப்’ காலத்திலும் வித்யாபாலன், அசின்.... என வடக்கத்தி மண்ணுல தெக்கத்தி பொண்ணுக... தூள் கிளப்புறாங்க!

இவர்களெல்லாம் பக்காவா ரிசர்வேஷன் பண்ணி மும்பை எக்ஸ்ப்ரஸில் ஏறியதால் சரியான இடத்தில் ஜமாய்த்தார்கள், ஜமாய்த்துக் கொண்டிருக்கிறார்கள். ஆனாலும்...! எப்படியாவது மும்பை போயிடணும்னு அலையா ஆலையும் நடிகைகளை ஆசை வார்த்தை காட்டி வளைப்பதற்கென்றே சில பாலிவுட் ஹீரோயின்கள் ‘பிள்ளைபிடிக்கி’ மாதிரி திரிவது கூட இப்போதும், அப்போதும் இருக்கத்தான் செய்கிறது. என்ன ஒண்ணு... முன்னாடி ஆளனுப்புவாக; இப்ப மெயில் அனுப்புறாக!

தமிழ் சினிமாவில் சங்கவி பிஸியாக இருந்த சமயம்... ‘நான் பாலிவுட் படத்தில் மிதுன்சக்கரவர்த்தியின் ஜோடியா நடிக்கப் போறேன்!’ என அடிக்கடி பேட்டி கொடுப்பார்! அதன்பின் ‘வான்மதி’சுவாதியும்...‘நான் பாலிவுட் படத்தில் மிதுன்சக்கரவர்த்தியின் ஜோடியா நடிக்கப்போறேன்!’ என அடிக்கடி பேட்டி கொடுப்பார்! இவர்கள் இப்படி பேட்டி கொடுக்கிற போதெல்லாம்... மிதுன்சக்கரவர்த்தி தனது ஊட்டி பங்களாவுக்கு வந்திருக்கிறார் என்று அர்த்தம்! அழகான... அதேசமயம் விபரமில்லாத கோலிவுட் நடிகைகளை தனது ஊட்டி பங்களாவுக்கு ‘ஸ்டோரி டிஸ்கஷன்! நீங்க தான் நாயகி’ என ஊட்டி வரவழைப்பது வழக்கம்!

மிதுன் ஓய்வெடுத்துவிட்டு மும்பை கிளம்பிவிடுவார்! ஆனால் இந்த நடிகைகள் மிதுன் கொடுத்த ஆசைவார்த்தையை ‘நிஜம்’ என நம்பி பேட்டி-பிரஸ் மீட்னு திரிவாக!

இப்போ மிதுன் ரூட்டில் இறங்கியிருக்கிறார் பாலிவுட்டின் கமால்-ஆர்-கான்! ஃபேஸ்புக்கில் பேசி, டுவிட்டரில் டுவிஸ்ட் அடித்து, மெயிலனுப்பி மயிலுகளை வளைக்கப் பார்ப்பதே கமாலோட கைங்கர்யமா இருக்கு!

நேத்து அமீர்கான், இன்னைக்கி சல்மான்கான்னு ஜோடி போட்ட அசினின் நாளைய டார்கெட் ஷாருக்கான்! அப்புடி இருக்கும் போது அசினுக்கு ஆசைப்படலாமா..... கமால்கான்? ஆனா ஆச வந்திருச்சே! ஆசயும் பட்டுட்டாரே! ‘குட்மார்னிங் மேடம் நீங்க க்யூட்டா இருக்கீங்க!’ குட் அஃப்டர்நூன் மேடம்! நீங்க அழகா இருக்கீங்க!‘ ‘குட் ஈவ்னிங் மேடம்! நீங்க குளுகுளுனு இருக்கீங்க!’ ‘குட்நைட் மேடம்! நீங்க கும்முனு இருக்கீங்க!’ இப்படி டுவிட்டரில் சதாகாலமும் அசினைப் பற்றி சௌந்தர்யலஹரி பாடிக்கொண்டிருந்தார் கமால்கான்!

சேச்சி ரியாக்‌ஷன் காட்டவில்லை! விட்டாரா கமால்? இல்லையே..... ‘நான் அசினின் தீவிர ரசிகன்!’ என மீடியாவில் சொல்லி வைக்க......

ஓ... என் புராணம் பாடுறது அந்த பார்ட்டி தானா? ஓகே! தீவிர ரசிகரா ஏத்துக்கிறேன்! இதுக்குமேல தொல்லை பண்ணினா என்னோட ஆக்‌ஷன் வேற மாதிரி இருக்கும் என அசின் சும்மா சொல்லி வைக்க..... அசின் நினைப்பை டெலிட் செய்துவிட்டார் கமால்!

ப்ரியாமணி ‘பருத்திவீரன்’ படத்துக்காக ‘சிறந்த நடிகை’ என தேசிய விருது வாங்கிய சமயம்..... கோவா திரைப்படவிழாவை ஷாருக்கானும், ப்ரியாமணியும் தான் குத்துவிளக்கு ஏற்றி துவங்கி வைத்தனர்! அப்போதே தன் பாலிவுட் ஆசை பற்றி ஷாருக்கிடம் பிட்டைப் போட்டார் ப்ரியாமணி. ‘சந்தர்ப்பம் வந்தால் பாக்கலாம் என பதிலுக்கு பிட்டை போட்டுவிட்டுப் போனார் ஷாருக்!

அசினிடம் அடிபட்ட கமாலுக்கு ப்ரியாமணியின் பாலிவுட் ஆசை லேட்டாக தெரியவர ‘நிழலுலக தாதாக்கள் கதையில் எனக்கு ஜோடியா நடிக்க ரொம்ப....... பொருத்தமான அழகும் திறமையும் உள்ள நடிகை நீங்கதான் ஓ.கே.வா? என மெயிலனுப்பினார் கமால்! வெளிநாட்டு படப்பிடிப்பில் இருந்ததால் தாமதாக மெயில் செக் பண்ணிய ப்ரியாமணி... ‘இஷ்டமில்லை’ என பதிலனுப்பிவிட்டார்! தனது ஆசைவார்த்தைகளுக்கு யாருமே சிக்கலியே.... என மௌஸைப் போட்டு சுரண்டிக் கொண்டிருக்கிறார் கமால்!

பாலிவுட்டில் நடித்தே தீருவது’ என அடிக்கடி மும்பை விசிட் அடிக்கும் லட்சுமிராயின் லட்சியம் இன்னும் கமால்கானுக்கு எட்டவில்லை போல! பாலிவுட்டில் சரியான ஒரு வய்ப்பு வந்தும் மறுத்திருக்கிறார் கோலிவுட்டின் பிரபல நடிகை! காரணம்..........(என்ன அவசரம்! இந்த ரணகளத்துலயும் உடனே அந்த கிளுகிளுப்ப சொல்லணுமா?)

அந்த சாமியாரோட சேந்தா எந்த சாமியாருக்கும் புத்தி கெட்டுப்போகும்கிற மாதிரி பாலிவுட்டின் இம்ரான் காஸ்மியோட நடிச்சா எந்த நடிகைக்கும் உதடு கெட்டுப் போகும்ல! ‘கத இருக்கோ இல்லியோ...... ஏன்... ஃபிலிமே இல்லாமக்கூட இம்ரான் காஸ்மிய வச்சு படம் எடுத்திரலாம்! ஆனா, ‘உதடால் உதடு சுவைக்கும் இங்கிலீஷ் கிஸ் சீன் இல்லாமல் படமே எடுக்க முடியாது!

மர்டர்’ படத்தில் இம்ரான் காஸ்மியோடு ஜோடிபோட்டவர் ‘ஒஸ்தி’ கலாசலா மல்லிகா ஷெராவத்! படத்தில் நீண்ட நெடிய முத்தக்காட்சி உண்டு!

முத்தம் கொடுத்தமா? கடிச்சமா? சாரி.... நடிச்சமா?னு விட்றணும்!

ஆனா அப்ப நடிச்ச முத்த அனுபவம் பத்தி இப்ப டுவிட்டினார் இம்ரான்!

மல்லிகாவுக்கு ஸ்டைலிஷா முத்தம் குடுக்கவே தெரியல! முத்தம் குடுக்குறதுக்கு வசமாகவும் இல்ல மல்லிகாவோட உதட்டுவாகு!’ என எழுதியிருந்தார்! ‘ஹிஸ்ஸ்ஸ்’ ஹாலிவுட் படத்தில் பாம்புக்கே முத்தம் கொடுத்தவர் மல்லிகா, விடுவாரா? ‘ஆன் பண்றா கம்ப்யூட்டர’னு ஆன் பண்ணி பின்னியெடுத்துவிட்டார்!

இம்ரான் காஸ்மி ஒதட்டவிட.... பாம்போட ஒதட்டுக்கு முத்தம் கொடுத்தது புது அனுபவமா இருந்துச்சு!’ என சூடாகி சுளுக்கெடுத்துவிட்டார்!

நக்கல் புடுச்ச இம்ரான் சும்மா இருப்பாரா? ‘பாம்புக்கு முத்தம் கொடுத்த மல்லிகா அடுத்து பாம்பாட்டிக்கும் கொடுக்கட்டும்’ என பதிலடி கொடுத்தார்! எப்பவோ கொடுத்த முத்தத்துக்கு இப்ப சண்ட போட்டுக்கிட்டாங்க!

சமீபத்தில் கன்னடப்படம் பார்த்த இம்ரான் காஸ்மிக்கு பாவனாவின்(சித்திரம் பேசுதடி’ பாவனாதான்) அழகு.... அதாவது உதட்டழகு பிடித்துவிட்டு! ‘எக்ஸ்க்யூஸ் மீ! என் படத்துல நடிங்க’ என தூதனுப்ப.... ஓடிப்போய் கதைகேட்டார் பாவனா!

கத கிடக்கட்டும் கழுத! படத்துல மெயின் கேரக்டர்ல வர்றதே என்னோட உதடும் உங்களோட உதடும் தான்! லிப்-லாக் ஸீன் அடிக்கடி வரும்!’ என சொல்ல, ‘கவ்வினாலும் கவ்வீருவாய்ங்க’னு எட்ட நின்னு ’ஒங்க கூட நடிக்கல’னு வந்த ’வாய்’ப்ப மறுத்திட்டார் பாவனா!

மிஸ்டர் கமால்கான் ஒங்க படத்துக்கு வேணும்னா பாவனாவை ட்ரை பண்ணுங்களேன்!