Saturday, March 31, 2012

ஷங்கருடன் மீண்டும் விக்ரம்?!!!

Saturday, March, 31, 2012
இந்தியாவின் டாப் கமர்ஷியல் இயக்குநர் எனப்படும் ஷங்கர் மீண்டும் நடிகர் விக்ரமுடன் இணைகிறார் என செய்திகள் வெளியாகியுள்ளன.

நண்பன் படத்துக்குப் பிறகு, புதிய படத்துக்கான வேலைகளை ஆரம்பித்துள்ளார் ஷங்கர். இந்தப் படத்தில் நடிப்பவர்கள் குறித்து அவர் இதுவரை எதுவும் கூறவில்லை.

ஹீரோ குறித்து அதிகாரப்பூர்வமாக ஷங்கர் கூறாவிட்டாலும், விக்ரம்தான் இந்தப் படத்தில் நடிப்பார் என்ற பேச்சு அடிபட ஆரம்பித்துள்ளது. தாண்டவம் படம் முடிந்த பிறகு, ஷங்கரின் படத்தில் நடிப்பார் விக்ரம் என்கிறார்கள்.

ஷங்கரும் விக்ரமும் ஏற்கெனவே அந்நியன் படத்தில் இணைந்துள்ளனர்.

ஷங்கருக்கு ஆரம்பத்தில் பாலகுமாரன் எழுதினார். பின்னர் சுஜாதா பல படங்களுக்கு வசனம் எழுதினார்.

சுஜாதாவுக்குப் பிறகு, மதன் கார்க்கி இரு படங்களில் ஷங்கருடன் இணைந்து எழுதினார். இப்போது எழுத்தாளர்கள் 'சுபா' (சுரேஷ் - பாலகிருஷ்ணன்) ஷங்கருக்கு எழுதுகின்றனர்.

கேவி ஆனந்த் படங்களுக்கு ஆஸ்தான எழுத்தாளர்கள் இந்த சுபா தான்!

புனேவில் 'மாற்றான்' பாடல்!!

Saturday, March, 31, 2012
இந்தியாவின் தலைசிறந்த திரைப்படக்கல்லூரிகளில் ஒன்று புனேவில் இருக்கிறது. இங்கேதான் நம்ம கேமரா கவிஞர் பாலுமகேந்திரா படித்தார். அப்படிப்பட்ட புனேவில் சூர்யாவுக்கு என்ன வேலை என்று கேட்கிறீர்களா? 'மாற்றான்' படத்தின் ஒன் அண்ட் ஒன்லி டூயட்டை கடந்த 23-ம் தேதி தொடங்கி இங்கேதான் ஷூட் செய்து கொண்டிருக்கிறார் நம்ம கே.வி ஆனந்த். ஏனாம்? எல்லாம் சென்டிமென்ட் மச்சி என்று நம் காதை கடிக்கிறார்கள் படத்தின் புரடெக்ஷன் மேனேஜர்கள். அதாகப்பட்டது! மொட்டை பாஸ் ரஜினி கலக்கிய ஷங்கரின் 'சிவாஜி' படத்தில் இடம்பெற்ற 'பல்லேலக்கா பல்லேலக்கா' பாடலை படம் பிடித்த அதே லொக்கேஷன்களில் சக்ஸஸ் சென்டிமெண்ட்டாக இருக்கட்டும் என்று சூர்யாவையும் காஜல் அகர்வாலையும் இங்கே அழைத்து வந்து படமெடுத்துக் கொண்டிருக்கிறார். இந்த ஒரு பாடலுக்கான ஷெட்யூல் மட்டுமே பத்து நாட்கள். 'மாற்றான்' படத்தில் இடம்பெரும் வசனக்காட்சிகளை மொத்தமாக முடித்து விட்ட இயக்குநர் அடுத்து திட்டமிட்டு இருப்பது வெளிநாட்டு பாடல் காட்சிகளை. விசா கிடைப்பதைப் பொறுத்து சுவிஸ் அல்லது கே.வி. ஆனந்தின் ஃபேவரைட் லொக்கேஷனான அந்தமான் நிக்கோபாரில் அடுத்த கட்ட படப்பிடிப்புக்கு தயாராக இருக்கிறது 'மாற்றான்' படக்குழு! சென்டிமெண்ட்டு, ஃபேவரிட்டுனு அலைய வைக்காம சட்டுபுட்டுனு பாட்ட எடுங்க பாஸ்........

கிளிப்பிங்ஸ்!!!கிளிப்பிங்ஸ்!!!கிளிப்பிங்ஸ்!!!

Saturday, March, 31, 2012
சித்தார்த், ஸ்ருதி ஹாசன், ஹன்சிகா நடித்து திரைக்கு வரவுள்ள ஸ்ரீதர் என்ற படத்திற்காக நட்புக்கில்லை எல்லை என்ற பாடல் பாடி இருக்கிறார் சிம்பு.

ஒளிப்பதிவாளர் ரமேஷ் இயக்கும் புதிய படத்தில் வினய் ஜோடியாக ஆண்டிரியா ராய் நடிக்கிறார். விபத்தில் வினய் கால் எலும்பு முறிந்து சிகிச்சை பெற்றுவருவதால் ஏப்ரலில் தொடங்க இருந்த இதன் ஷூட்டிங் தள்ளி வைக்கப்பட்டுள்ளது.

தமிழில் நீதானே என் பொன்வசந்தம் படத்தில் நடிக்கும் சமந்தா அப்படத்தின் இந்தி பதிப்பிலும் நடிக்க உள்ளார். ஏற்கனவே இந்த வேடத்துக்கு சோனம் கபூரிடம் கால்ஷீட் கேட்கப்பட்டது.

நான் ஈ படத்தில் நடிக்கும் ஹீரோ நானிக்கு விரைவில் காதல் திருமணம் நடக்க உள்ளது.

கமல் நடிக்கும் படத்தை இயக்க பேச்சு நடத்துகிறார் அமீர்.

ஆகஸ்ட் 15-க்கு குறிவைத்திருக்கும் 'துப்பாக்கி'!!!

Saturday, March, 31, 2012
விஜய் ரசிகர்கள் தற்போது ஆவலுடன் எதிர்ப்பார்த்து இருப்பது 'துப்பாக்கி' படத்தின் FIRST LOOK எப்போது என்பதுதான்! ஏ.ஆர்.முருகதாஸ் இயக்கத்தில் விஜய் நடித்து வரும் 'துப்பாக்கி' படத்தின் படப்பிடிப்பு வேகமாக வளர்ந்து வருகிறது. விஜய், காஜல் அகர்வால் நடனமாடிய ஒரு பாடலை பாங்காக்கில் படமாக்கி இருக்கிறார்கள். இதுவரை 'துப்பாக்கி' படத்தின் படப்பிடிப்பு சுமார் 50% முடிந்துள்ளது. சத்யன் காமெடியனாகவும், ஜெயராம் வில்லத்தனம் கலந்த கதாபாத்திரத்திலும், வித்யூத் ஜாம்வால் வில்லனாகவும் நடித்து வருகிறார்கள். நீண்ட நாட்கள் கழித்து தமிழ் படத்திற்கு ஒளிப்பதிவு செய்து வருகிறார் சந்தோஷ் சிவன். பாதி படப்பிடிப்பு முடிந்து விட்ட காரணத்தால் படத்தின் FIRST LOOK எப்போது வெளியாகும் என்று எதிர்பார்ப்பு நிலவி வந்தது. இந்நிலையில் ஏப்ரல் 13-ம் தேதி படத்தின் FIRST LOOK-யை வெளியிட தீர்மானித்து இருக்கிறார்கள். 'துப்பாக்கி' திரைப்படம் ஆகஸ்ட் 15-ம் தேதி ரசிகர்களின் இதயத்தைக் குறிவைத்து வருகிறது.

நண்பனை வெட்டிய வேட்டை மன்னர்!!!

Saturday, March, 31, 2012
கவுண்டர் தன் வீட்டில் காலை நீட்டி ஹாயாக படுக்க ஆரம்பித்த பிறகுதான் வடிவேலுவின் கால்(ஷீட்) ஓட ஆரம்பித்தது. அதன்பின் வடிவேலுவின் ரெஸ்ட் நேரம் அரசியல் என்ற தேள் கொடுக்கினால் வந்தது. ஹாயாக அவர் காலை நீட்டியதும் சந்தானம் ஓட ஆரம்பித்தார். கவுண்டருக்கும், வடிவேலுவுக்கும் வந்த அந்த பொல்லாத கெட்ட நேரம் சந்தானத்திற்கும் வரும்போல தெரிகிறது. ('நண்பன்' சத்யனை பார்த்தவர்கள் ஏற்கனவே அது வந்தாச்சு என்று கூவுவது கேட்கிறதா?) சிம்புங்கிற பெரிய மனுசன் தண்ணி ஊத்தலேன்னா இந்த செடி வளர இன்னும் டைம் பிடிச்சிருக்கும் என்று அவ்வப்போது சிம்புவின் மனசை தண்ணீரால் பதப்படுத்திக் கொண்டே வந்தார் சந்தானம். இப்போது அதே தண்ணீரில் ஒரே பிளிச்சிங் பவுடர் வாசனை வீச ஆரம்பித்திருக்கிறதாம். இருவருக்குள்ளும் நடக்கும் பனிப்போரில் சிம்புவால் கழற்றிவிடப்பட்டிருக்கிறார் திருவாளர் சந்தானம். 'வேட்டை மன்னன்' படத்திற்கு பிட் பிட்டாக கால்ஷீட் கொடுத்திருந்தார் சந்தானம். அழைத்தபோதெல்லாம் வந்துவிட்டு போக இவர் என்ன வையாபுரியா? பிஸியான ஆளேச்சே. சிம்பு ஷூட்டிங்கிற்கு அழைத்த தினத்தில் வேறொரு படத்திற்கு கால்ஷீட் கொடுத்திருந்தாராம் அவர். தனது கால்ஷீட்டை பிரித்துக் கொடுக்க முடியாதளவுக்கு தவித்துப் போனார் சந்தானம். எப்படியோ தட்டு தடுமாறி சிம்புவிடம் விஷயத்தை சொல்ல, இனிமேல் என் படத்தில் நீயில்லை என்று தெள்ளந்தெளிவாக கூறிவிட்டார் சிம்பு. இப்போதெல்லாம் நொடி முள் ஒவ்வொரு முறையும் கட்டிங் பிளேயராக நகர்கிறதாம் சந்தானத்திற்கு.

ரோஜாவின் லக்கா கிக்கா...?!!!

Saturday, March, 31, 2012
வெள்ளித்திரையில் ஜொலித்த நடிகை ரோஜா, இப்போது சின்னத்திரைக்கு வந்துள்ளார். ஜீ தமிழ் டி.வி.யில் ஒளிப்பரப்பாகும் 'லக்கா கிக்கா' என்ற ஜாக்பாட் நிகழ்ச்சியை தொகுத்து வழங்குகிறார். வழக்கமான ஜாக்பாட் நிகழ்ச்சி போன்று இல்லாமல், முற்றிலும் வித்தியாசமான முறையில் இந்த நிகழ்ச்சி நடைபெற இருக்கிறது. நான்கு வித ரவுண்டுகளை உள்ளடக்கிய இந்த நிகழ்ச்சியில் முதல் கேள்வியை நடிகை ரோஜா கேட்பார். அதற்கு பார்வையாளர்கள் விடை சொன்னால் அப்போதே கையில் ரூ.5 ஆயிரம் பரிசு கிடைக்கும். 2-வது ரவுண்டு திறமைக்கான போட்டி. பாடத்தெரிந்தவர்கள் ஆடத்தெரிந்தவர்கள் மேடையேறி ஆடலாம். அப்போது கிளி ஒவ்வொருவருக்கும் ஒரு சீட்டெடுக்கும். அந்த சீட்டில் வருகிற பரிசுத்தொகையை அப்போதே ரோஜா வழங்குகிறார். 3-வது ரவுண்டில் ஏலம் விடும் நிகழ்ச்சி. 4-வது இறுதி ரவுண்டை எட்டுபவர்களுக்காக 3 பொம்மைகள் வைக்கப்பட்டிருக்கும். அதில் ஒரு பொம்மையில் மட்டும் அதிக தொகை இருக்கும். இதில் ஒரு பொம்மையை தேர்ந்தெடுத்து தங்களுக்கான தொகையை பெற்றுக் கொள்ளலாம். முற்றிலும் வித்தியாசமான முறையில் நடக்கும் இந்த நிகழ்ச்சி திங்கள் மற்றும் செவ்வாய் கிழமைகளில் இரவு 9.30 மணிக்கு ஜீ தமிழ் டி.வியில் ஒளிப்பரப்பாக இருக்கிறது. நீங்களும் கடைய போட்டுட்டீங்களா...? அரசியல் என்னாச்சுக்கா...?!

பாலாவால் ரீ-என்ட்ரியாகிறாரா பூஜா?!!!

Saturday, March, 31, 2012
தமிழ் சினிமாவை விட்டு சில காலம் ஒதுங்கியிருந்த பூஜா, இப்போது மீண்டும் தமிழ் படங்களில் நடிக்க ஆர்வம் காட்டி வருகிறார். 'ஜே ஜே' படம் மூலம் தமிழ் சினிமாவில் அறிமுகமானவர் நடிகை பூஜா. தொடர்ந்து 'அட்டகாசம்', 'ஜித்தன்', 'உள்ளம் கேட்குமே', 'பட்டியல்' உள்ளிட்ட பல படங்களில் நடித்த பூஜா கடைசியாக இயக்குநர் பாலாவின் 'நான் கடவுள்' படத்தில் நடித்தார். படத்தில் கண் தெரியாத பிச்சைக்கார பெண்ணாக நடித்து அனைவரின் பாராட்டை பெற்ற பூஜாவுக்கு, இந்தபடத்திற்காக தமிழக அரசின் விருது உள்ளிட்ட பல்வேறு விருதுகள் கிடைத்தது. ஆனால் அதன்பிறகு எந்தவொரு தமிழ் படத்திலும் கமிட் ஆகவில்லை பூஜா. இந்நிலையில் இப்போது மீண்டும் தமிழ் படங்களில் நடிக்க ஆர்வம் காட்டி வருகிறார். கடைசியாக பாலா படத்தில் நடித்த பூஜா, இப்போது ரீ-என்ட்ரியாக பாலா படம் மூலமே தமிழுக்கு வருகிறார். தற்போது அதர்வா வைத்து பாலா இயக்கும் படத்தில் பூஜாவும் ஒரு முக்கிய கேரக்டரில் வருகிறார். இதுதவிர துரை தயாநிதி அழகிரி தயாரிப்பில் ஒரு படத்திலும் கமிட் ஆகி இருக்கிறார். இப்படத்தில் அருள்நிதி ஹீரோவா நடிக்க அவருக்கு ஜோடியாக பூஜா நடிப்பதாக கூறப்படுகிறது. கண்ணாலம் ஆயிருச்சுனு கேள்விபட்டோமே.. நெசமாத்தானா அம்ணி?

சம்பந்தி டார்ச்சரால் '3' பார்த்த ரஜினி!!!

Saturday, March, 31, 2012
நேற்று உலகம் முழுவதும் வெளியான '3' படத்துக்கு எக்குத்தப்பான எதிர்பார்ப்பு ஏற்பட்டுள்ள நிலையில், அந்தப்படத்தின் தயாரிப்பாளரும், தனுஷின் அப்பாவுமான கஸ்த்தூரி ராஜா செய்து வரும் காமெடிகளைப் பார்த்து கெக்கே பிக்கே என்று சிரிக்கிறது கோடம்பாக்கம். சென்னையின் முக்கிய ஐந்து மல்ட்டிபிளக்ஸ் திரையரங்குகளின் முதல் நான்கு காட்சிகளுக்கான டிக்கெட்டுகளை பிளாக் செய்த கஸ்துரி ராஜா, அவற்றை தனுஷின் மன்ற நிர்வாகிகள், மன்றதுக்கு நெருக்கமான ரசிகர்கள், உறவினர்கள், டிக்கெட் கேட்டு டார்ச்சர் செய்த திரையுலகினர் ஆகியோருக்கு இரண்டு மடங்கு விலையில் தனது மேனஜர்கள் மூலம் விற்று விட்டதாக புலம்புகிறார்கள் காசு கொடுத்து டிக்கெட் வாங்கிய பலர். இதைவிட பெரிய புலம்பல் மீடியா வட்டாரத்தில் இருந்து.. "எந்திரனுக்குக் கூட இத்தனை பில்ட் அப் இல்ல.. இரவு பத்து மணி காட்சிக்கான டிக்கெட்டுகளை ஊடகத்தினருக்கு கொடுத்து வெறுப்பேத்தியிருக்கிறார்கள். பிள்ளை குட்டிகளை வீட்டில் தனியாக விட்டு விட்டு எப்படி இரவுக்காட்சிக்கு செல்வது" என்பது அவர் கேள்வி. இது பற்றி கஸ்தூரி ராஜாவிடம் எடுத்துச் சொல்லப்பட "அவங்க எப்படி வேண்டுமானாலும் விமர்சனம் எழுதிக்கட்டும். ஓசி டிக்கெட்டுக்கு என்ன அலட்டுறாங்க" என்றாராம்! மகள் ஐஸ்வர்யா தந்த குடைச்சலில் ஏற்கனவே இரண்டு முறை படம் பார்த்து க்ளைமாக்ஸையும் மாற்றச் சொன்னாராம் ரஜினி. 'கோச்சடையான்' படப்பிடிப்புக்கு கிளம்பும் வரை க்ளைமாக்ஸை மாற்றியாச்சா என்று கேட்டுக் கொண்டே இருந்த ரஜினிக்கு மகள் பதில் சொல்லாமல் நழுவி விட்டார் என்கிறார்கள். இதற்கிடையில் 'கோச்சடையான்' படப்பிடிப்பில் இருக்கும் ரஜினையை தனது யூனிட்டோடு லண்டனில் '3' படத்தை பார்த்தே ஆகவேண்டும் அப்போதுதான் அந்த செய்தியை வைத்து '3' படத்துக்கு 15 நாள் ஓபனிங் கிரவுட்டை புல் பண்ணி தியேட்டருக்கு இழுக்க முடியும் என்று ரஜினிக்கு நேரடியாக போனைப் போட்டு சம்பந்தி என்ற முறையில் டார்ச்சர் கொடுக்க, தப்பிக்க வழியில்லாமல் நேற்று லண்டனில் '3' படத்தை தனது குழுவுடன் ரஜினி பார்த்திருக்கிறார்.

காஜலும் நானும் எதிரும் புதிருமானவர்கள் : நிஷா அகர்வால்!!!

Saturday, March, 31, 2012
காஜலும் நானும் எதிரும் புதிருமாக பணியாற்றுபவர்கள் என்றார் நிஷா. காஜல் அகர்வாலின் தங்கை நிஷா அகர்வால். தமிழில் இஷ்டம் என்ற படம் மூலம் அறிமுகமாகிறார். அவர் கூறியதாவது: தெலுங்கில் நான் நடித்த ஏமய்ந்தி இ வேல மற்றும் சோலோ என இரண்டு படங்களும் ஹிட். ஆனாலும் புதிய படங்கள் ஒப்புக்கொள்வதில் அவசரப்பட மாட்டேன். நல்ல ஸ்கிரிப்ட்டுக்காக காத்திருக்கிறேன். தெலுங்கில் முன்னணி நடிகர்களுடன் ஜோடியாக நடிக்க வேண்டும் என்பது ஆசை. நானும், காஜலும் சகோதரிகளாக இருந்தாலும் நடிப்பை பொறுத்தவரை எதிரும் புதிருமாகவே இருக்கிறோம்.

எங்களுடைய அப்ரோச் மாறுபட்டது. காஜல் மிகவும் சுறுசுறுப்பானவர், அதிக திறமை வாய்ந்தவர். நான் இப்போதுதான் நடிக்க வந்திருக்கிறேன். எங்கள் இருவரையும் ஒப்பிடக்கூடாது. ஏமய்ந்தி.. படத்தில் நடித்த கதாபாத்திரத்தை மிகவும் விரும்பி நடித்தேன். இதற்கிடையில் தமிழில் பெரிய படமொன்றில் நடிக்க வாய்ப்பு வந்திருக்கிறது. அந்த வாய்ப்பை என்னால் மறுக்க இயலாது. இதில் நடிப்பது பற்றி பேச்சுவார்த்தை நடந்து வருகிறது. முடிவானதும் சொல்கிறேன். இவ்வாறு நிஷா அகர்வால் கூறினார்

தெலுங்கு மழையில் நனையும் பார்வதி!!!

Saturday, March, 31, 2012
சோன்னு மழையடிச்ச பின்பு பொறிகலங்கி நிக்கிற உப்பு வியாபாரி போலாகிவிட்டார் அமலா பால். அவர் மேல் அடித்த தமிழ்ப்பட மழையும் மாயையும் கிட்டத்தட்ட ஓய்ந்துவிட்டது. இந்த பெருமழையில் தனது மேக்கப் கலைந்து ஐயோவாகிப் போன அமலா பால், அதன்பின் ஆக வேண்டிய வேலையை பார்க்க ஆந்திரா பக்கம் போயிருக்கிறார். இப்போது அவர் மேல் அடிக்கவிருப்பது தெலுங்கு மழை. இந்த அருமையான வாய்ப்பை அவருக்கு வழங்கியது 'காதலில் சொதப்புவது எப்படி'தானாம். கடைசியில் சொதப்புவது எப்படி என்பதை தியேட்டரில் லைட் போடும்போதுதான் காண்பித்தான் நம்ம ஊரு ரசிகன். ஆனால் ஆந்திராவில் இந்த படம் நல்ல ஹிட். சமீபத்தில் ஆந்திராவுக்கு போயிருந்த அமலா பாலை பார்வதி.. பார்வதி.. என்று துரத்த ஆரம்பித்துவிட்டார்களாம் ரசிகர்கள். இந்த படத்தின் ஹிட் எனக்கு தெலுங்குலேயும் பெரிய இடத்தை பிடிச்சு தரும்னு நம்புறேன் என்கிறார் அமலா பால். அதற்கேற்றார் போல ராம்சரண் தேஜாவுடன் ஒரு படத்தில் நடிக்கிறாராம். அங்கேயும் பிரஸ் இருக்கும். அவங்களையும் பகைச்சுக்கிட்டா அப்புறம் பென்ஷன் வயசு ஹீரோக்களை தேடி கன்னடத்துக்குதான் போகணும் ஆமா!

கோடம்பாக்கம் கோடங்கி!!!கோடம்பாக்கம் கோடங்கி!!!

Saturday, March, 31, 2012
மகன் நடிக்க வந்ததால, வேல்டு நாயகன்கிட்ட அப்பாயின்ட்மென்ட் வாங்கி ஆசி வாங்க வைக்க வாரிசை மனோ சிங்கர் அழைச்சிட்டு போனாராம்... போனாராம்... வாரிசை பார்த்ததும், ‘நீ ஏன் பாடகராகலேன்னு ஹீரோ கேட்டாராம். இதை கேட்டு பாடகரோட வாரிசு அதிர்ச்சி ஆயிட்டாராம்... ஆயிட்டாராம்... பிறகு வாரிசுக்கு நீண்ட நேரம் நடிகரு பாடம் எடுத்தாராம்... எடுத்தாராம்...

ஐகாட் இயக்கம் படத்துல நடிக்கிற வேதி ஹீரோயினை பற்றி வர்ற சேதி ஷாக்கா இருக்காம்... இருக்காம்... ஷூட்டிங்குல அம்மணிக்கு சரியா நடிக்க வரலேன்னு அவரை இயக்கம் தூக்கிட்டதா தகவல் பரவுதாம். இப்படி பரப்பிவிடுறது யாருன்னு தெரியலே. அந்த படத்துல நான் நடிச்சிட்டுதான் இருக்கேன். சீன்கள் சரியா அமையாதப்போ இயக்குனருங்க சத்தம் போடுறது சகஜம்தான். அந்தமாதிரி சூழல் எல்லா படத்துலயும் வர்றதுதான். இதுக்கு போய் இப்படி புரளி கிளப்புவாங்களான்னு நடிகை குமுறுறாராம்... குமுறுறாராம்..

களத்துல இருக்க¤ற வி காமெடிக்கும், ச காமெடிக்கும் போட்டி நடக்குதாம்... நடக்குதாம்... இடையில கொஞ்ச நாள் மிஸ்ஸான வி காமெடி, மறுபடியும் புது தெம்போட களத்துல குதிச்சிருக்காராம். துப்பறியும் அதிகாரியா அவர் நடிக்கிற புதுபடத்துக்கான ஷூட்டிங்ல யூனிட்ல இருந்தவங்க எல்லார்கிட்டயும் சகஜமாபேசி சிரிக்க வச்சாராம்... வச்சாராம்... மறுபடியும் தம்கட்டி இடத்தை பிடிக்க புதுமாதிரியான காமெடி பாணியை பாலோ பண்ண முடிவு பண்ணிருக்காராம்... பண்ணிருக்காராம்...

கோலிவுட் என்றதும் ஒற்றை எழுத்து பட கார்த்திகமான ஹீரோயின் இழுத்துப் போர்த்திக்கொண்டு நடிக்கிறாராம்... நடிக்கறாராம்... டோலிவுட் படம்னதும் அம்மா பாணியில் படு கிளாமருக்கு ஓ.கே. சொல்றாராம். ஏன் இந்த பாரபட்சம்னு யாராவது கேட்டா கோலிவுட்ல பேமன்ட்டு கம்மி அத்தோட இழுத்து போர்த்தி நடிச்சாத்தான் பேரு கெடக்கும். டோலிவுட்ல பேமன்ட் ஜாஸ்தி. கிளாமரா பண்ணாத்தான் மத்த ஹீரோயின்களுக்கு ஈடுகொடுக்க முடியும்னு தாய்க்குலம் பதில் சொல்றாராம்... சொல்றாராம்...

போராட்ற ஆள் டைட்டில் படத்த பாலிவுட்ல ரீமேக் பண்ற முயற்சில கடல்கனி இயக்கம் மும்முரமா இருக்காராம்... இருக்காராம்... அதுக்கான பாலிவுட் ஹீரோ கெடக்கறது குதிர கொம்பா இருக்காம். பலபேர்கிட்ட தூது அனுப்பியும் ரெஸ்பான்ஸ் இல்லைன்னு பீலிங்குல இருக்காராம். இந்த நேரத்துலதான் ஓபராய் ஆக்டரு படத்த பாத்து பாராட்டினாராம். படத்துக்கு அவர் பொருத்தமா இருப்பாருன்னு இயக்கம் சொன்னாலும் படத்தை தயாரிக்கறதுக்கு இன்னும் யாரும் ஓ.கே. சொல்லலையாம்.. சொல்லலை யாம்...

இன்னும்கொஞ்ச நாள்ல சவுத் பக்கம் பிரகாச ஹீரோவ பாக்க முடியாதாம்... முடியாதாம்... பாலிவுட்டில் அவரது டான்ஸ் ஒய்ப் நட்புகளை பிடிச்சி தர்றாராம்... அதால யார்கிட்ட பேசணும், எப்படி மூவ் பண்ணனும்றது ஈஸியா இருக்காம். கோலிவுட்ல பீக் வில்லனா இடம்பிடிச்சதுபோல் பாலிவுட்லயும் சீக்கிரமே இடம் பிடிக்க பிளான் பண்ணி இருக்காராம். அப்படியே தான் இயக்கிய படங்களையும் ரீமேக் பண்றதுக்கான ஏற்பாடும் செய்யறாராம்... செய்யறாராம்...

விஸ்வரூபத்துக்காக காத்திருக்கும் ஆதிபகவன்!!!

Saturday, March, 31, 2012
கமல்ஹாசனின் தீவிர ரசிகரான டைரக்டர் அமீர், அவரை வைத்து எப்படியாவது படம் பண்ண வேண்டும் என்று முனைப்போடு, அவரின் கால்ஷீட்டுக்காக தவம் கிடந்து வருகிறார். இந்த தவம் இப்போது ஆரம்பமானது அல்ல, அமீரின், 'ஆதிபகவன்' படத்திற்கு முன்பு இருந்தே தொடர்கிறதாம். ஆனால் கமல்ஹாசன் அப்போது 'விஸ்வரூபம்' படத்திற்கான பிஸியில் இருந்ததால் முடியவில்லையாம். இப்போது கமல்ஹாசன் 'விஸ்வரூபம்' படத்தினை முடிக்கும் தருவாயில் இருக்கிறார். இதனால் மீண்டும் அவரை அணுக திட்டமிட்டு வருகிறார் அமீர். இதுகுறித்து அமீர் கூறியுள்ளதாவது, என்னுடைய 'ஆதிபகவன்' படத்தை முடித்த பிறகு, கமல்ஹாசனை வைத்து படம் இயக்க திட்டமிட்டேன். இதுதொடர்பாக ஏற்கனவே அவரிடம் பேசி இருக்கிறேன். இரண்டு-மூன்று கதைகள் கூட அவரிடம் சொல்லியிருக்கிறேன். ஆனால் இருவரும் எங்களது பட வேலைகளில் பிஸியாக இருந்ததால் அதுபற்றி தொடர்ந்து பேச முடியவில்லை. இப்போது நானும் எனது 'ஆதிபகவன்' படத்தை முடிக்க இருக்கிறேன். கமலும், 'விஸ்வரூபம்' படத்தை முடிக்க உள்ளார். ஆகையால் விரைவில் கமலை சந்தித்து அடுத்தபடம் குறித்து பேச இருக்கிறேன் என்று கூறியுள்ளார்

ஸ்டிரைக் பிரச்னையால் பாரதிராஜா பட கதை மாற்றம்!!!

Saturday, March, 31, 2012
கோலிவுட்டில் நிலவும் ஸ்டிரைக் காரணமாக பாரதிராஜா பட கதை திடீரென மாற்றப்படுகிறது. அன்னக்கொடியும் கொடி வீரனும் என்ற படத்தை பாரதிராஜா இயக்கி வருகிறார். இதில் இயக்குனர் அமீர் ஹீரோவாக நடிக்க ஒப்பந்தமானார். கார்த்திகா, இனியா ஹீரோயின். இதன் ஷூட்டிங் தொடங்கி நடந்து வந்தது. இந்நிலையில் பெப்சி, தயாரிப்பாளர்களுக்கு இடையே சம்பள பிரச்னை எழுந்தது. இதையடுத்து பட ஷூட்டிங்குகள் பாதிக்கப்பட்டது. தற்போது தயாரிப்பாளர்கள், ஏப்ரல் மாதம் வரை ஷூட்டிங் நடைபெறாது என அறிவித்ததுடன் மே 2ம் தேதி முதல் புதிதாக தொடங்க உள்ள தொழிலாளர்கள் சங்கத்துடன் இணைந்து படப்பிடிப்பு தொடங்கப்படும் என்று அறிவித்துள்ளனர். இதற்கு பெப்சி கண்டனம் தெரிவித்துள்ளது.

ஏற்கனவே ஹீரோ மாற்றம், பெரியாறு அணை பிரச்னையால் கேரளாவில் ஷூட்டிங்கிற்கு தடை, திரையுலக பிரச்னையால் அன்னக்கொடி.. படத்தின் ஷூட்டிங் பல்வேறு வகையில் பாதிக்கப்பட்டது. இதனால் தொடர்ந்து ஷூட்டிங் நடத்த முடியாத நிலை ஏற்பட்டது. இந்நிலையில் பட ஹீரோ அமீர் சம்பள பிரச்னை விவகாரத்தில் பெப்சி அமைப்புக்கு ஆதரவாக உள்ளார். இதனால் படத்த¤லிருந்து அவரை பாரதிராஜா நீக்கிவிட்டதாக கூறப்படுகிறது. ஆனால் இதை படக்குழு மறுக்கிறது. இப்படத்தின் கதையை 2 ஆக பிரிக்க பாரதிராஜா முடிவு செய்துள்ளார். கார்த்திகா, புதுமுக ஹீரோ நடிக்கும் காதல் கதையாக ஒரு படமும், அமீர், இனியா நடிக்க மற்றொரு படமாக அன்னக்கொடி... பட கதையை பிரித்துவிட்டார். முதலில் கார்த்திகா பட ஷூட்டிங் தொடங்க உள்ளது. அதன்பிறகு அமீர் நடிக்கும் படத்தை படமாக்க திட்டமிட்டிருக்கிறார் பாரதிராஜா என்கிறது படக்குழு.

பாட்டுக்காகத் தான் படத்துக்கே வந்தோம்- கொலவெறி ரசிகர்கள் கொண்டாட்டம்!!!

Saturday, March, 31, 2012
சூப்பர்ஸ்டார் ரஜினிகாந்தின் மகள் ஐஷ்வர்யா இயக்கத்தில் சூப்பர்ஸ்டாரின் மருமகன் தனுஷும், உலகநாயகன் கமல்ஹாஸனின் மகள் ஸ்ருதியும் ஜோடியாக நடித்த படம் 3. இந்தியாவின் பிரபல நட்சத்திரங்களின் வாரிசுகள் ஒன்றாக இணைந்த இந்த படத்திற்கு தமிழகத்தில் பெரும் எதிர்பார்ப்பு இருந்தது.

படத்திலுள்ள கொலவெறி பாடல் பெற்ற புகழினால் இந்தியா முழுவதும் பெரிதும்
எதிர்பார்க்கப்பட்டது இந்த படம். தமிழில் மட்டும் தயாரான இந்த படம் இந்தி, தெலுங்கு என பரவியது கொலவெறிப் பாடலால் தான். இன்று(30.03.12) ரிலீஸான இந்த படத்தை பற்றி தியேட்டரை விட்டு வெளியே வந்த ரசிகர்களிடம் கருத்து கேட்ட போது “படம் பரவாயில்லை.

படம் எப்படி இருந்தால் என்ன? நாங்கள் பாடல்களை எதிர்பார்த்துத் தான் வந்தோம் நாங்கள் எதிர்பார்த்தது போல் பாடல்கள் நன்றாக வந்துள்ளன. இன்னும் நிறைய எதிர்பார்த்தோம். ஆனாலும் பரவாயில்லை. வொய் திஸ் கொலவெறி கொலவெறி கொலவெறி.....” என்று பாட்டு பாடிக்கொண்டே பேசினார்கள்.

பிரேசிலுக்குச் செல்லும் சிம்புவின் ‘வேட்டை மன்னன்!!!

Saturday, March, 31, 2012
சிம்பு நடிப்பில் உருவாகி வரும் ‘வேட்டை மன்னன்’ ஒரு கேங்ஸ்டர் படமாகும். மிகவும் பொருட்செலவில் தயாராகி வரும் இதில் சிம்பு-வுக்கு மூன்று ஜோடிகள். மன்மதன், வல்லவன் படங்களில் சிம்புவுடன் பணியாற்றிய நெல்சன் இப்படத்தின் மூலம் இயக்குனராக அறிமுகமாகிறார்.

இப்படத்தில் சிம்புவிற்கு ஜோடியாக ஹன்சிகா மொத்வானி மற்றும் தீக்சா சேத் ஒப்பந்தமாகியுள்ளனர். இந்நிலையில் பட்டினப்பாக்கத்தில் சிம்புவும் தீக்சா சேத் இருவரும் சேர்ந்து நடிக்கும் காட்சிகள் சமீபத்தில் படமாக்கப்பட்டது.

மேலும் இப்படத்தின் இரண்டாம் கட்டப் படப்பிடிப்புகள் பிரேசில் நாட்டில் தொடங்கப் போவதாக சினிமா வட்டாரங்கள் தெரிவிக்கின்றன. ஜெய் இந்த படத்தில் ஒரு முக்கிய வேடத்தில் நடிக்கிறார் என்பது குறிப்பிடத்தக்கது.

வானம், ஒஸ்தி படத்திற்கு பிறகு சிம்பு நடித்து வரும் படம் என்பதால், இப்படத்திற்கு அவரது ரசிகர்களிடையே மிகுந்த எதிர்பார்ப்பை ஏற்படுத்தியுள்ளது.

நயன்தாராவுக்கு டப்பிங் பேச நட்சத்திரங்கள் மறுப்பு!:-தெலுங்கில் சீதை வேடத்தில் நடித்த நயன்தாராவின் படம் தமிழில் ரிலீஸ்!!!

Saturday, March, 31, 2012
நயன்தாரா, பாலகிருஷ்ணா படத்துக்கு டப்பிங் பேச பிரபல நடிகர், நடிகைகள் மறுத்துவிட்டனர். என்.டி.பாலகிருஷ்ணா, நயன்தாரா நடித்த படம் ஸ்ரீராமராஜ்யம். இப்படத்துக்கு டப்பிங் பேச நடிகர், நடிகைகள் மறுத்தனர். இதுபற்றி பட தயாரிப்பாளர் கிரண் கூறியதாவது: 14 ஆண்டு வனவாசத்தில் ராமர், சீதை அனுபவித்த சோதனைகளை சொல்லும் புராண படமாக உருவாகி உள்ளது ஸ்ரீராமராஜ்யம். ராமர், சீதையாக என்.டி.பால கிருஷ்ணா, நயன்தாரா நடித்துள்ளனர். தெலுங்கில் இப்படம் ரிலீஸ் ஆகிவிட்டது. தமிழில் ரிலீஸ் செய்ய முடிவு செய்து பிரபல நடிகர், நடிகைகளை டப்பிங் பேச அழைத்தபோது மறுத்துவிட்டனர். இலக்கண சுத்தமாக தமிழில் டப்பிங் பேச ஆள் கிடைக்கவில்லை.

இதனால் ரிலீஸ் தேதி தள்ளிப்போனது. பின்னர் எஸ்.பி.பாலசுப்பிரமணியத்திடம் பாலகிருஷ்ணாவுக்கு பேச கேட்டோம். சுத்த தமிழில் பேச தனக்கு 3 நாள் அவகாசம் தேவை என்று நேரம் எடுத்துக் கொண்டு பேசிக்கொடுத்தார். நயன்தாராவுக்கு பாடகி சின்மயி பேசினார். மற்றபடி ராஜேஷ், கே.ஆர்.விஜயா உள்ளிட்டோர் பல்வேறு கதாபாத்திரங்களுக்கு பேசினார்கள். தமிழில் இப்படத்தை புரமோஷன் செய்ய நயன்தாராவிடம் கேட்டபோது அரை மணி நேரம் ஒதுக்கி பேசித்தருவதாக கூறினார். ஏப்ரல் 13ம் தேதி படம் ரிலீஸ் செய்ய திட்டமிடப்பட்டுள்ளது. இவ்வாறு கிரண் கூறினார்.

தெலுங்கில் சீதை வேடத்தில் நடித்த நயன்தாராவின் படம் தமிழில் ரிலீஸ்!!!

நயன்தாரா தெலுங்கில் சீதை வேடத்தில் நடித்த படம் ஸ்ரீராம ராஜ்ஜியம். ராமராக பாலகிருஷ்ணா நடித்தார். கோசலையாக கே.ஆர்.விஜயா, பூமா தேவியாக ரோஜா மற்றும் நாகேஸ்வரராஜ், ஸ்ரீகாந்த், பிரமானந்தம் என்பவர் நடித்துள்ளனர். இளையராஜா இசையமைத்தார். பாபு இயக்கினார். இப்படம் கடந்த வருடம் ஆந்திராவில் ரிலீசாகி வெற்றிகரமாக ஓடியது.


இதை தமிழில் டப்பிங் செய்து வெளியிட ஏற்பாடுகள் நடக்கின்றன. நயன்தாராவுக்கு பின்னணி பாடகி சின்மயி டப்பிங் பேசுகிறார். தமிழில் வசனத்தையும் பாடல்களையும் பிறைசூடன் எழுதியுள்ளார். 'டப்பிங்' பணிகள் முடிந்து அடுத்த மாதம் (ஏப்ரல்) 13-ந்தேதி தமிழ் புத்தாண்டையொட்டி இப்படத்தை தமிழ்நாடு முழுவதும் ரிலீஸ் செய்ய ஏற்பாடுகள் நடக்கின்றன.

ராமர் 14 ஆண்டுகள் வனவாசம் முடிந்து நாட்டுக்கு திரும்பி பட்டாபிஷேகம் சூட்டிக் கொள்கிறார். பின்னர் மக்கள் கருத்துக்கேற்ப சீதையை பிரிகிறார். அவர் நிறைமாத கர்ப்பிணியாக நாட்டுக்கு சென்று லவ- குசா என இரு குழந்தைகளை பெற்று பல சோதனைகளை சந்தித்து அவற்றில் இருந்து எப்படி மீள்கிறார் என்பது போன்ற காட்சிகளுடன் இப்படம் தயாராகி உள்ளது.

இந்த படத்தை ஜே.பனீந்திரகுமார் என்ற கிரண் தயாரித்துள்ளார். தமிழ்நாடு முழுவதும் கூடுதல் பிரிண்ட்களுடன் படம் திரையிடப்பட உள்ளது என்று அவர் தெரிவித்தார்.

சிறுவயதில் குண்டாக இருந்த என்னை யாரும் திரும்பி பார்க்கவில்லை, தாமதமாகத்தான் ஆண்கள் என்னை சைட் அடித்தார்கள் - சமீரா ரெட்டி!!!

Saturday, March, 31, 2012
சிறுவயதில் குண்டாக இருந்த என்னை யாரும் திரும்பி பார்க்கவில்லை. தாமதமாகத்தான் ஆண்கள் என்னை சைட் அடித்தார்கள் என சமீரா ரெட்டி கூறினார். வாரணம் ஆயிரம், வெடி, வேட்டை உள்ளிட்ட படங்களில் நடித்திருப்பவர் சமீரா ரெட்டி. அவர் கூறியதாவது: எனக்கு 19 வயது இருந்தபோது உடல் எடை 105 கிலோ. குண்டாக உடல் பெருத்து பார்ப்பதற்கே ஒரு ஷேப் இல்லாமல் இருந்தேன். என்னை கிண்டல் செய்யாதவர்கள் இல்லை என்றே சொல்லலாம். இதனால் வெளியில் செல்வதே எனக்கு சோதனையாக இருக்கும். என் தங்கை மேக்னா ஒல்லியாக, அழகாக இருப்பாள். அவளிடம் பேசுபவர்கள் என்னிடம் பேச மாட்டார்கள். அவளது இடுப்பளவு 22 இன்ச். எனக்கு டவுள் சைஸ். கல்லூரி நாட்களில் இந்த வேதனையை நிறைய அனுபவித்திருக்கிறேன். போராட்டமே எனது வாழ்க்கையாகி விட்டது. இந்த போராட்டத்தை நடிகைகள் மட்டுமல்ல, குடும்ப பெண்களே அனுபவித்துக் கொண்டிருக்கிறார்கள். நடிகைகள்போல் அவர்களும் ஒல்லியாக அழகாக இருக்க வேண்டும் என்று அவர்களது கணவன்மார்கள் விரும்புகிறார்கள்.

அப்போதெல்லாம் உடல் எடையை குறைக்க தினமும் ஒரு இட்லிதான் சாப்பிடுவேன். இதனால் மயக்கம் அடைந்து விழுந்ததுதான் மிச்சம். இதைப்பார்த்து கோபம் அடைந்த அம்மா, ‘இந்த முட்டாள்
தனத்தை கைவிடாவிட்டால் வீட்டிலேயே பூட்டி வைத்துவிடுவேன் என்றார். பிறகுதான் உணவு என்பது உடல் எடைக்கு எதிரி அல்ல என்பதை புரிந்துகொண்டேன். முறையான உணவு பழக்கத்தை மேற்கொண்டேன். யோகாசனம், உடற்பயிற்சி மூலம் எடையை குறைத்தேன். நடிகையானபிறகு எனது பள்ளி, கல்லூரி தோழிகள் என்னைப் பார்த்து ஆச்சரியப்பட்டார்கள். ‘நீ புதுபிறவி எடுத்ததுபோல் இருக்கிறது’ என்றார்கள். என்னை கண்டாலே கிண்டல் செய்த ஆண்களும் காலதாமதமாகவே என்னை ரசிக்க ஆரம்பித்தார்கள். இவ்வாறு சமீரா ரெட்டி கூறினார்.

நடிப்பு வராததால் பாலா படத்தில் இருந்து நீக்கமா? - வேதிகா!!!

Saturday, March, 31, 2012
அதர்வாவை நாயகனாக வைத்து “பரதேசி” என்ற படத்தை இயக்கி வருகிறார் பாலா. இதில் நாயகியாக வேதிகாவை ஒப்பந்தம் செய்து இருந்தார். முதல் கட்ட படப்பிடிப்பில் வேதிகா பங்கேற்று நடித்து முடித்துள்ளார். இரண்டாம் கட்ட படப்பிடிப்பு விரைவில் நடக்க உள்ளது.

இந்த நிலையில் வேதிகாவை படத்தில் இருந்து திடீரென நீக்கி விட்டதாக வதந்தி பரவியுள்ளது. வேதிகா இதுவரை நடித்த காட்சிகளை பாலா பார்த்த போது திருப்தி ஏற்படவில்லையாம். சரியாக நடிக்கவில்லை என்று அவர் நடித்த காட்சிகள் அனைத்தையும் வெட்டி எறிந்து விட்டதாகவும் அத்துடன் படத்தில் இருந்தும் அவரை நீக்கி விட்டு புதிதாக பூஜாவை ஒப்பந்தம் செய்துள்ளதாகவும் கூறப்படுகிறது.

இதுபற்றி வேதிகாவிடம் கேட்டபோது மறுத்தார். பாலா படத்தில் இருந்து என்னை நீக்கியதாக வதந்தி பரப்பப்பட்டு உள்ளது. அவர் படத்தில் நான் நடித்துக் கொண்டுதான் இருக்கிறேன். விரைவில் இரண்டாம் கட்ட படப்பிடிப்பில் பங்கேற்று நடிக்க இருக்கிறேன்.

பாலா படத்தில் நடிப்பது மறக்க முடியாத அனுபவமாக உள்ளது. என்னைப்பற்றி ஏன் இப்படி கிசு கிசுக்கள் பரப்புகிறார்கள் என்று புரியவில்லை. இவ்வாறு வேதிகா கூறினார்.

பழைய நடிகைகள் ராஜசுலோசனா, சச்சு, ராஜஸ்ரீக்கு விருது!!!

Saturday, March, 31, 2012
சென்னையில் பழைய நடிகைகளுக்கு விருதுகள் வழங்கப்பட்டன. தெலுங்கு வருட பிறப்பையொட்டி லயன்ஸ் கிளப் இன்டர் நேஷனல் அமைப்பு இவ்விருது வழங்கும் விழாவுக்கு ஏற்பாடு செய்து இருந்தது.

நடிகைகள் ராஜ சுலோசனா, ராஜஸ்ரீ, சச்சு, சத்யபிரியா ஆகியோர் விழாவில் பங்கேற்று உகாதி புரஸ்கார் விருதுகளை பெற்றனர். நடிகர் பானு சந்தர் இசையமைப்பாளர்கள் கண்டசாலா ரத்னகுமார், சலருவாசுராவ் ஆனந்த் பின்னணி பாடகி பி.வசந்தா உள்ளிட்ட மேலும் பலர் விருது பெற்றனர்.

லயன் சங்க மாவட்டத்தலைவர் கோட்டீஸ்வரராவ் இவ்விருதுகளை வழங்கினார். நந்தகோபால், சம்பத் உள்ளிட்ட பலர் பங்கேற்றனர்.

கொலவெறி '3' - சினிமா விமர்சனம்!!!

Saturday, March, 31, 2012
நடிகர்கள்: தனுஷ், ஸ்ருதிஹாஸன், பிரபு, பானுப்ரியா, சிவகார்த்திகேயன், சுந்தர் ராமு

இசை: அனிருத்

ஒளிப்பதிவு: வேல்ராஜ்

எழுத்து - இயக்கம்: ஐஸ்வர்யா ஆர் தனுஷ்

தயாரிப்பு: ஆர் கே புரொடக்ஷன்ஸ் & வுண்டர்பார் பிலிம்ஸ்

பிஆர்ஓ: ரியாஸ்

பெரும் எதிர்ப்பார்ப்பைக் கிளப்பிவிட்டு வரும் படங்கள் பொதுவாகவே படுத்துவிடுவது வழக்கம். காரணம், அந்த எதிர்ப்பார்ப்பின் சுமையைத் தாங்க முடியாது. பெரிய இயக்குநர்கள், நாயகர்கள் படங்களுக்கே அந்தக் கதி என்றால், முதல் பட இயக்குநர் ஐஸ்வர்யாவின் '3' என்னவாகப் போகிறதோ.. என்பதுதான் 3 ரிலீசுக்கு முன்பு வரை இருந்த பேச்சு.

ஆனால் ஐஸ்வர்யா தப்பித்துவிட்டார் என்றுதான் சொல்ல வேண்டும். துள்ளுவதோ இளமை, மயக்கம் என்ன படங்களின் சாயல் லேசாகத் தெரிந்தாலும் (செல்வராகவன் உதவியாளர் அல்லவா... இருக்கத்தானே செய்யும்!), இடைவேளைக்குப் பிறகு கொஞ்சம் சோதித்தாலும் படத்தைப் பார்க்க முடிகிறது!

இன்னொன்று, அறிமுக இயக்குநர்களின் படங்களுக்கே உரிய அமெச்சூர்த்தனம், பெண் இயக்குநர்கள் வழக்கமாக செய்யும் தவறுகள் எதுவும் இல்லாமல், ஒரு பக்குவமான காட்சிப்படுத்தலை 3-ல் பார்க்க முடிகிறது. அந்த வகையில் இயக்குநர் ஐஸ்வர்யாவுக்கு ஒரு பூச்செண்டு கொடுத்து வரவேற்கலாம்!

ஒரு இளைஞனின் மூன்று கட்ட வாழ்க்கை நிலைகளின் சம்பவங்களின் தொகுப்பு இந்தப் படம்.

ப்ளஸ்டூ படிக்கும் தனுஷுக்கும் ஸ்ருதிக்கும் காதல் (ரெண்டு பேருமே மாணவ வேடம் அத்தனை கச்சிதம்). ரொம்ப அழகான காதல். கல்லூரி படிப்பு முடிந்த பிறகு திருமணம் நடக்கிறது. திருமணத்துக்குப் பிறகுதான் தனுஷுக்கு சோதனை ஆரம்பமாகிறது. ஒரு ஆள் பல பரிமாணமெடுக்கும் மனநோய். இதனால் பல பிரச்சினைகள். அதிலிருந்து அவர் மீண்டாரா என்பது மீதிக் கதை.

எல்லோரும் ஏகத்துக்கும் ஏற்றிவிட்ட கொலவெறி பாடலைத் தாண்டி இந்தப் படம் மனதில் நிற்பதற்குக் காரணம், இளமை துள்ளும் அந்த முதல் பாதி.

ட்யூஷன் சென்டரில் ஸ்ருதியைக் கவர தனுஷ் செய்யும் முயற்சிகள் செம. தனுஷ் - ஸ்ருதி திருமணம் நடக்கும் இடம், அந்த திருமணத்தை எதிர்க்கும் ஸ்ருதி பெற்றோரிடம் தனுஷ் பேசும் வசனங்கள், அதற்கு ஸ்ருதியின் அம்மா ரோகிணியின் அடுத்த ரியாக்ஷன் போன்றவை சற்றும் எதிர்பாராத திருப்பக் காட்சிகள்.

அதென்னமோ தொடர்ந்து தனுஷு்ககு சைக்கோ கேரக்டர்களாக அமைகின்றன. இது எதேச்சையானதா திட்டமிட்டதா தெரியவில்லை. ஆனால் இந்தப் படத்தில் நடிப்பில் தனுஷ் மிரட்டியிருக்கிறார். இதுவரை பார்க்காத வேறுமுகம் அது. அதிலும் மனைவிக்குத் தெரியாமல் தன் நோயை மறைக்க அவர் படும் பாடு... வாவ்!

நடிப்பா இயக்கமா... யார் பெஸ்ட் பார்ப்போம் என கணவனுக்கும் மனைவிக்கும் பெரிய போட்டியே நடந்திருக்கும் போல!

ஏழாம் அறிவில் எல்கேஜி லெவலுக்கு இருந்த ஸ்ருதி ஹாஸன் நடிப்பு இந்தப் படத்தில் டிகிரி வாங்கிவிட்டது. இந்தப் பொண்ணு இந்த அளவு நடிக்குமா என கேட்க வைக்கிறது. ஆனால் அவர் அழ ஆரம்பித்தால் நாம் தலை கவிழ வேண்டியுள்ளது. அதைக் கொஞ்சம் கவனியுங்கள் அம்மணி!

இயக்குபவர் மனைவி என்பதையெல்லாம் கண்டுகொள்ளாமல் அநியாயத்துக்கு ஸ்ருதியுடன் நெருக்கம் காட்டியுள்ளார் தனுஷ். இதான் அந்த கெமிஸ்ட்ரியா!

சந்தானத்துக்கு போட்டியாக வந்துவிடுவார் போலிருக்கிறது சிவகார்த்திகேயன். சுந்தர் ராமு, பிரபு, பானுப்ரியா, ரோகிணி என எல்லோருமே படத்துக்கு பலம் சேர்த்துள்ளனர்.

இடைவேளை வரை அழகாகப் பயணிக்கும் படம், தனுஷ் மனநோயாளியாக மாறியதும் பார்வையாளர்களைப் பொறுமையிழக்க வைக்கிறது. தனுஷின் இந்த மனநோய் அவருக்கு மட்டும் தெரிந்து, மற்ற யாருக்குமே தெரியாமல் போவது எப்படி என்று புரியவில்லை (நண்பன் ஒருவனைத் தவிர).

அடுத்தடுத்த படங்களில் மனநோயாளியாகவே தனுஷைப் பார்க்க நமக்கே ஒரு மாதிரியாகத்தான் இருக்கிறது!

அனிருத்தின் இசையில் எல்லாப் பாடல்களுமே கேட்கும்படி உள்ளது. உலகமகா கொலவெறிப் பாட்டை இப்படி சுமாராகத்தான் எடுத்திருப்பார்கள் என நினைத்தது சரியாகத்தான் இருக்கிறது.

வேல்ராஜின் கேமரா அருமை. கோலா பாஸ்கர் கத்தரி இடைவேளைக்குப் பிறகு கோளாறாகிவிட்டது போலிருக்கிறது.

ரஜினியின் பொண்ணு என்ற சிறப்புப் பட்டம் இனி ஐஸ்வர்யாவுக்கு தேவையில்லை. கம்பீரமாக 'நான் இயக்குநர் ஐஸ்வர்யா' என்று சொல்லிக் கொள்ளலாம்!