Friday, April 6, 2012

சினிமா தாண்டி நானும் சல்மானும் அவ்வளவு நெருக்கம்... - சொல்கிறார் அசின்!!!

Friday, April, 06, 2012
சினிமாவுக்கு வெளியிலும் நானும் சல்மான் கானும் நெருக்கமான நண்பர்கள். அதனால்தான் எங்கள் ஜோடிப் பொருத்தம் திரையில் வெகுவாகப் பாராட்டப்படுகிறது, என்கிறார் அசின்.

சல்மான் - அசின் நெருக்கம் குறைத்து பத்திரிகைகள் தொடர்ந்து எழுதி வருகின்றன. சினிமாவைத் தாண்டி இருவருக்குள்ளும் உறவிருப்பதாக மும்பை பத்திரிகைகள் ஆரம்பத்திலிருந்தே செய்தி வெளியிட்டு வருகின்றன.

அசினுக்கு வீடு வாங்கிக் கொடுத்தார் சல்மான் என்று கூட செய்தி உண்டு. ஆனால் அதையெல்லாம் மறுத்து வந்தார் அசின்.

இந்த நிலையில் இப்போது, தங்கள் ஜோடிப் பொருத்தம் திரையில் கச்சிதமாக வரக் காரணம் என்ன என்பதற்கான விளக்கத்தை அவர் தந்துள்ளார்.

அசின் கூறுகையில், "நிஜத்திலும் இணக்கான மனநிலை இருந்தால்தான் திரையில் ஜோடிப் பொருத்தம் சரியாக வரும். எனக்கும் சல்மானுக்கு வெளியிலும் நல்ல உறவு உள்ளது. அதுதான் நட்பு. வேறு எதையும் கற்பனை செய்ய வேண்டாம். சல்மானுக்கு நல்ல நகைச்சுவை உணர்வு உண்டு.

அவரது அந்த நகைச்சுவையை சிலர் தவறாகப் புரிந்து கொள்கிறார்கள். நான் அவரை சரியாகப் புரிந்து கொண்டேன். நாங்கள் இரண்டு படங்கள் சேர்ந்து செய்தோம். மூன்று ஆண்டுகளுக்கு மேல் எங்களுக்குள் நல்ல புரிதல் உள்ளது. அதுதான் எங்களை நல்ல ஜோடியாக திரையில் காட்ட உதவுகிறது," என்றார்.

நெருக்கம், நல்ல புரிதல், ஜோடிப் பொருத்தம்... எல்லாமே நட்புதானா? என்னமோ போங்க..!

எங்களுக்குள் எந்த பிரச்சினையும் இல்லை - ஜோடியாக நடிக்க ரெடி!- சிம்பு, நயன்தாரா அறிவிப்பு!!!

Friday, April, 06, 2012
அதைத்தொடர்ந்து, நயன்தாராவுக்கும் பிரபு தேவாவுக்கும் காதல் மலர்ந்து. மூன்றரை ஆண்டுகள் நெருக்கமாக இருந்து சமீபத்தில் இருவரும் பிரிந்து பேட்டிகள் கொடுத்து வருவது தெரிந்ததே.

இப்போது, ஆரம்பத்தில் பிரிந்த சிம்புவும் நயன்தாராவும் இணக்கமாகி வருகிறார்கள்.

இப்போது சிலம்பரசன் நடிக்கும் 'வாலு' என்ற புதிய படத்தில் நயன்தாராவை கதாநாயகியாக நடிக்க கேட்டதாகவும், அப்போது நயன்தாரா தனக்கு ரூ.3 கோடி சம்பளம் வேண்டும் என்றும், தன்னிடம் சிலம்பரசன் நெருங்கி பழகக்கூடாது, கேரவனுக்குள் வந்து பேசக்கூடாது என்று நிபந்தனைகள் விதித்ததாகவும் வெளியான தகவல் கடந்த இரு தினங்களாக பரபரப்பான செய்தியாகிவிட்டது.

ஆனால் இதனை இருவருமே இப்போது மறுத்துள்ளனர். இதுகுறித்து நயன்தாரா கூறுகையில், "வாலு' பட இயக்குநர் விஜய், அந்த படத்துக்காக என்னிடம் தேதி கேட்டது உண்மை. அந்த படத்துக்கு என்னால் தேதி கொடுக்க முடியவில்லை. நான் இப்போது 3 தெலுங்கு படங்களில் நடிப்பதால், இந்த படத்துக்கும் தேதி கொடுத்தால் குழப்பம் ஏற்படும் என்று அவரிடம் சொன்னேன்.

இதுதொடர்பாக அந்த படத்தின் தயாரிப்பாளர், என்னிடம் பேசவும் இல்லை, நான் எந்த நிபந்தனையும் விதிக்கவும் இல்லை. ரூ.3 கோடி சம்பளம் கேட்கவில்லை. கேரவனுக்குள் சிலம்பரசன் நுழையக்கூடாது என்று நிபந்தனை விதிக்கவும் இல்லை. எந்த தயாரிப்பாளரிடமும் நான் நிபந்தனை விதிப்பதில்லை. அப்படிப்பட்ட பெண் நான் அல்ல.

சிம்புவுடன் நடிப்பதில் ஆட்சேபனை இல்லை

எனக்கு, சிம்புவுடன் எந்த பிரச்சினையும் கிடையாது. அவருடன் நடிப்பதில் எனக்கு எந்த ஆட்சேபனையும் இல்லை. என்னிடம் தேதி இருந்தால் மட்டுமே அவர் படத்தில் நடிப்பேன். இல்லையென்றால், நடிக்கமாட்டேன். எனக்கும், அவருக்கும் பிரச்சினை என்று நான் சொல்லவில்லை. நானும், சிம்புவும் சேர்ந்து நடிப்பதாக இருந்தால், ஒன்று அவர் சொல்லவேண்டும், அல்லது நான்தான் சொல்லவேண்டும்," என்றார்.

கால்ஷீட் இருந்தால் நடிப்போம்

"நயன்தாராவுடன் நடிப்பதில் எனக்கு எந்த பிரச்சினையும் கிடையாது. 'வாலு' படத்தில் நடிப்பதற்கு கேட்டபோது, அவர் நிபந்தனைகள் விதித்ததாக வதந்தியை பரப்புகிறார்கள் (வாலு படத்தில் நடிக்க கேட்கவே இல்லை என்று கூறி வந்தார் சிம்பு என்பது குறிப்பிடத்தக்கது).

ஒரு தயாரிப்பாளரோ, டைரக்டரோ அவர்கள் படத்துக்கு நயன்தாராவும், நானும் வேண்டுமென்று விரும்பினால், இருவருக்குமே `கால்ஷீட்' இருந்தால் நடிப்பதில் தப்பில்லை. எங்கள் இருவருக்கும் இடையே எந்த பிரச்சினையும் இல்லை'', என்றார்.

நடிகை சிம்ரன் துபாயில் பிறந்தநாள் கொண்டாட்டம்!!!

Friday, April, 06, 2012
நடிகை சிம்ரன் துபாயில் தனது பிறந்தநாளை கணவர் மற்றும் குழந்தைகளுடன் கேக் ‌வெட்டி கொண்டாடினார். வெள்ளித்திரையில் கொடிகட்டி பிறந்த நடிகை சிம்ரன், கல்யாணத்திற்கு பிறகு குழந்தை குட்டி என்று ஆனவுடன் சினிமா வாய்ப்புகளை குறைத்து கொண்டார். இப்போது சின்னத்திரையில் அசத்தி கொண்டிருக்கும் சிம்ரன், ஜெயா டி.வி.யின் ஜாக்பாட் நிகழ்ச்சி‌யை தொகுத்து வழங்கி கொண்டிருக்கிறார். இந்த நிகழ்ச்சியின் 500வது எபிசோட்டை துபாயில் நடத்தி வருகின்றனர் ஜெயா டி.வி. குழுவினர். இதற்காக தனது கணவர் மற்றும் குழந்தைகளுடன் துபாய் சென்றிருந்தார் சிம்ரன்.

சிம்ரனுக்கு நேற்று 04.04.12ம் தேதி பிறந்தநாள். தனது பிறந்தநாளை துபாயில் உள்ள இந்திய‌ உய‌ர்நிலைப்ப‌ள்ளியின் ஷேக் ராஷித் அர‌ங்கில் த‌ன‌து க‌ண‌வ‌ர், குழ‌ந்தைக‌ள் ம‌ற்றும் ர‌சிக‌ர்க‌ளுட‌ன் த‌ன‌து பிற‌ந்த‌ நாளை எளிய‌ முறையில் கொண்டாடினார். ப‌ல்வேறு த‌மிழ் அமைப்புக‌ளின் பிர‌முக‌ர்க‌ள் த‌ங்க‌ள‌து வாழ்த்துக்க‌ளை ந‌டிகை சிம்ர‌னுக்கு தெரிவித்துக் கொண்ட‌ன‌ர்.

வெண்ணிற ஆடை நிர்மலாவுக்கு ஆதரவாக வீடு அபகரிப்பு: வழக்குப் பதிவு செய்ய ஐகோர்ட் உத்தரவு!

Friday, April 06, 2012
மதுரை::கும்பகோணத்தில் நடிகை "வெண்ணிற ஆடை' நிர்மலா தூண்டுதலில், உறவினர்களை மிரட்டி வீட்டைவிட்டு வெளியேற்றிய வழக்கில், சம்பந்தப்பட்டவர்கள் மீது போலீசார் வழக்குப் பதிவு செய்ய மதுரை ஐகோர்ட் கிளை உத்தரவிட்டுள்ளது.

கும்பகோணம் சவுராஷ்டிரா பெரியதெருவை சேர்ந்த வைஷ்ணவி தாக்கல் செய்த மனு: எனது தந்தை லட்சுமணன் இறந்துவிட்டார். தாத்தா பாலகிருஷ்ணனுக்கு சொந்தமான வீட்டில் நானும், தாயும் வசித்து வந்தோம். இந்த வீடு யாருக்கு சொந்தம் என்பது தொடர்பாக எங்களுக்கும், பாட்டி ருக்மணி மற்றும் அத்தை "வெண்ணிற ஆடை' நிர்மலா (எ) சாந்திக்கும் இடையே பிரச்னை உள்ளது. சாந்தி தூண்டுதல் பேரில் செல்வம், "யானை'குமார், "மண்ணெண்ணெய்' ராஜா எங்களை மிரட்டி வீட்டை காலி செய்தனர். நான் கும்பகோணம் மேற்கு போலீசில் புகார் செய்தேன். போலீசார் நடவடிக்கை எடுக்கவில்லை. ரவுடிகளுக்கு ஆதரவாக செயல்படும் இன்ஸ்பெக்டர் பாலசுப்பிரமணியன், எஸ்.ஐ., கவிதா மற்றும் செல்வம், "யானை'குமார், "மண்ணெண்ணெய்' ராஜா மீது நடவடிக்கை எடுக்கவும், 10 லட்சம் ரூபாய் இழப்பீடு வழங்கவும் உத்தரவிட வேண்டும். இவ்வாறு குறிப்பிட்டுள்ளார். இம்மனு நீதிபதி கே.கே.சசிதரன் முன் விசாரணைக்கு வந்தது. மனுதாரர் வக்கீல் தாழைமுத்தரசு ஆஜரானார்.

நீதிபதி: சம்பந்தப்பட்டவர்கள் மீது புகார் கொடுத்தும், போலீசார் நடவடிக்கை எடுக்கவில்லை என்பது ஏ.டி.எஸ்.பி., அறிக்கையில் உள்ளது. அந்த சொத்தை குமார்,"மண்ணெண்ணெய்' ராஜா மலிவான விலைக்கு வாங்கியுள்ளதாக தெரிகிறது. இது நில அபகரிப்புக்குச் சமமானது. புகார் மீது, போலீசார் நடவடிக்கையும் எடுக்கவில்லை. போலீஸ் அதிகாரிகள் மீது துறை ரீதியான நடவடிக்கை மட்டும் போதாது. இதுபோன்ற சொத்துப் பிரச்னையில், குண்டர்கள் தலையிடுவதை போலீசார் ஊக்குவிக்கக்கூடாது. மக்களுக்கு பாதுகாப்பாக இருக்க வேண்டும். மனுதாரருக்கு சொத்தில் பங்கு உண்டு. அவர் யார், யார் மீது புகார் அளித்துள்ளாரோ, அவர்கள் மீது ஏப்., 9 க்குள் வழக்குப் பதிவு செய்ய தஞ்சாவூர் எஸ்.பி.,நடவடிக்கை எடுக்க வேண்டும். நியாயமாக விசாரணை நடத்த வேண்டும் என்றார்.

கொலவெறி பாட்டுக்கு தடைகோரி கேரள ஐகோர்ட்டில் மனு தாக்கல்!!!

Friday, April 06, 2012
கொச்சி::சமீபத்தில் வெளியான, "3' சினிமாவில் இடம் பெற்றுள்ள "ஒய் திஸ்' கொலவெறி, பாடலுக்கு தடை விதிக்க வேண்டும் என, கேரள ஐகோர்ட்டில் பொதுநல வழக்கு தாக்கல் செய்யப்பட்டுள்ளது.
தமிழ் சினிமா நடிகர் தனுஷ் மனைவி ஐஸ்வர்யா தயாரித்த "3' சினிமா, கடந்த சில தினங்களுக்கு முன் ரிலீசானது. இதில், இடம்பெற்றுள்ள ஒய் திஸ் கொலவெறி பாடல், சிறுவர்கள் மனதில் வன்முறையை தூண்டும் விதத்தில் உள்ளதாக கூறி, அந்தப்பாடலுக்கு தடை விதிக்க வேண்டும் என, கேரளா, இடுக்கி மாவட்டம், பீர்மேடு அஞ்சல் துறையில் பணியாற்றி வரும் மாடசாமி, கேரள ஐகோர்ட்டில் பொதுநல
மனு தாக்கல் செய்துள்ளார்.அம்மனுவில், "இப்பாடலை கேட்கும் சிறுவர்கள் மனதளவில் பாதிக்கப்படுவதற்கான வாய்ப்புகள் அதிகம் உள்ளன; கேரளா மற்றும் தமிழகத்தின் பள்ளிகளில் படிக்கும் சிறுவர்கள், இந்த பாடலை விரும்பி பாடுவது பெற்றோர் மற்றும் ஆசிரியர்கள் மத்தியில் கவலையை ஏற்படுத்தியுள்ளது' என, தெரிவித்துள்ளார்.