Tuesday, March 6, 2012

துப்பாக்கியில் ஜெய் நடிக்கவில்லை - ஏ ஆர் முருகதாஸ் மறுப்பு!!!

Tuesday, March 06, 2012
துப்பாக்கி படத்தில் ஜெய் நடிப்பதாக வந்த செய்திகளை மறுத்துள்ளார் இயக்குநர் ஏ ஆர் முருகதாஸ்.

அசப்பில் விஜய்யின் சாயல் நடிகர் ஜெய்யிடம் உண்டு. ஒரு வேளை அவர் தம்பியாக இருக்குமோ என்றுதான் பகவதி படம் பார்த்தபோது நினைத்தனர். அந்தப் படத்தில் விஜய்யின் தம்பியாகத்தான் அவர் நடித்திருந்தார்.

இப்போது மீண்டும் விஜய்யுடன் இணைந்து துப்பாக்கி படத்தில் அவர் நடிப்பதாக கடந்த இரு தினங்களாக செய்திகள் வெளியாகின.

இந்தப் படத்தில் தான் நடிப்பது உண்மைதான் ஜெய்யும் கூறிவந்த நிலையில், இந்த செய்திகள் தவறானவை என மறுப்பு தெரிவித்துள்ளார் இயக்குநர் முருகதாஸ்.

அவரைத் தொடர்பு கொண்டு கேட்டபோது, "இந்தப் படத்தில் விஜய்க்கு தம்பி வேடமே இல்லை. அப்புறம் எங்கே ஜெய் நடிப்பது. இது தவறான செய்தி, என்று மறுத்தார் முருகதாஸ்.

'சாவதற்கு முன்பு எனது அழகை ரசித்தார் வினோத்குமார்': அல்போன்சா!!!

Tuesday, March 06, 2012
சென்னை::எனது காதல் நிஜமானது. வினோத் குமார் எடுத்த முடிவு எதிர்பாராதது. சாவதற்கு முன்பு என்னை விதம் விதமாக ஆடைகள் கட்டி வரச் சொல்லி எனது அழகை ரசித்தார். நான் கடைசியாக சேலையில் அவர் முன்பு வந்து நின்றபோது அதையும் ரசித்தார். பிறகுதான் அவர் தூக்குப் போட்டுத் தற்கொலை செய்து கொண்டார் என்று நடிகை அல்போன்சா கூறியுள்ளார்.

தமிழ் சினிமாவில் கவர்ச்சி நடன நடிகையாக வலம் வந்தவர் அல்போன்சா. பாட்ஷா, பஞ்சதந்திரம், ஸ்ரீ உள்ளிட்ட பல படங்களில் கவர்ச்சி நடனம் ஆடியுள்ளார். இவர் கேரளாவைச் சேர்ந்தவர். இவரது தம்பிதான் நடன மாஸ்டர் ராபர்ட்.

இவருக்கு ஏற்கனவே துபாயைச் சேர்ந்த ஒருவருடன் கல்யாணமாகி ஒரு பெண் குழந்தையும் உள்ளது. இருப்பினும் தற்போது கணவரைப் பிரிந்து விருகம்பாக்கத்தில் உள்ள ஒரு அடுக்குமாடிக் குடியிருப்பில் வசித்து வருகிறார் அல்போன்சா.

இவரது தம்பி ராபர்ட் மூலம் சென்னை அருகே உள்ள கல்பாக்கத்தைச் சேர்ந்த வினோத்குமார் என்பவர் பழக்கமானார். நடனம் கற்க வந்த வினோத்குமார், அல்போன்சாவுடன் காதலில் விழுந்தார். இருவரும் ஆரம்பத்தில் நட்புடன் பழகி பின்னர் ஒரே வீட்டில் குடும்பம் நடத்தும் அளவுக்கு தீவிரக் காதலில் விழுந்து விட்டனர். கடந்த ஒரு வருடமாக இருவரும் ஒன்றாக குடும்பம் நடத்தி வந்தனராம்.

இந்த நிலையில்தான் நேற்று முன்தினம் இரவு தூக்கில் தொங்கிய நிலையில் அல்போன்சா வீட்டில் பிணமாக கண்டெடுக்கப்பட்டார் வினோத்குமார். இது தற்கொலை என அல்போன்சா கூறுகிறார். ஆனால் வினோத்குமாரின் குடும்பத்தினர் இது கொலை, அல்போன்சாவும், அவரது தம்பி ராபர்ட்டும் சேர்ந்து வினோத்குமாரை அடித்துக் கொலை செய்து விட்டனர் என்று குற்றம் சாட்டியுள்ளனர். எனவே இதை சந்தேக மரணம் என்று போலீஸார் வழக்குப் பதிவு செய்துள்ளனர்.

வினோத்குமாரின் தந்தை பெயர் பாண்டியன். இவர் திருக்கழுக்குன்றம் நகர எம்ஜிஆர் பேரவை செயலாளராக இருக்கிறார்.

இந்த நிலையில், காதலர் மரணம் குறித்து அல்போன்சா போலீஸாரிடம் சில தகவல்களைக் கூறியுள்ளார். இதுகுறித்து அவர் கூறுகையில்,

நானும், வினோத்குமாரும் கடந்த ஒரு ஆண்டாக காதலித்து வந்தோம். எனது சகோதரர் ராபர்ட்ராஜ், வினோத்குமாருக்கு நெருங்கிய நண்பர். அவரிடம் நடனம் கற்றுக்கொள்ள வினோத் வருவார். அப்போது அவரிடம் பழக்கம் ஏற்பட்டது. அவர்தான் முதலில் காதலை சொன்னார்.

எனக்கு ஏற்கனவே திருமணம் ஆகி, ஒரு குழந்தை இருந்ததால், முதலில் அவரது காதலை ஏற்க தயங்கினேன். எனது வீட்டில் இந்த காதலை ஆதரித்தார்கள். முதல் கணவரை விவாகரத்து செய்ய முடிவு எடுக்கப்பட்டது. அதற்கு ஒருவருட காலம் பிரிந்து வாழவேண்டும் என்று எனது வக்கீல் சொன்னார். இதனால் எனது முதல் கணவரை பிரிந்து வாழ்ந்து ஒரு வருடத்துக்காக காத்திருந்தோம்.

இந்த நிலையில் என்னை உடனடியாக திருமணம் செய்துகொள்ள வினோத் விரும்பினார். என்னை சினிமாவில் நடிக்கக்கூடாது என்று கண்டிசன் போட்டார். துபாய்க்கு நடன நிகழ்ச்சி நடத்த போகக்கூடாது என்று சொன்னார். திருமணத்துக்குப்பிறகு அதை ஏற்றுக்கொள்வதாக நான் சொன்னேன்.

தற்கொலை செய்வதற்கு முன்பு இரவு 8 மணி அளவில் வினோத் அவரது தாயாருடன் காரசாரமாக செல்போனில் பேசி சண்டை போட்டார். பின்னர் போனை வைத்துவிட்டு, எனது வீட்டில் வேறு பெண் பார்க்கிறார்கள் என்று கோபமாக சொன்னார். அவரது கோபத்தை தணிக்க நான் அவரை படுக்கை அறைக்கு அழைத்துச்சென்றேன். உங்கள் விருப்பப்படி நடக்கிறேன். தயவு செய்து கோபத்தை விடுங்கள் என்றேன்.

என்னை வித விதமான ஆடை அணிந்து அழகு காட்டும்படி ஆசையாக கேட்டார். நானும் அதன்படி நடந்தேன். கடைசியாக சேலை கட்டி வரும்படி கூறினார். நானும் சேலை கட்டி வந்தேன். எனது அழகை ரசித்தார். இருவரும் சந்தோஷமாகத்தான் இருந்தோம்.

பின்னர் சிகரெட் குடிக்க பாத்ரூம் சென்றார். நான் சேலையை கழற்றிவிட்டு, துண்டை கட்டிக்கொண்டு, வேறு உடை அணிய முயற்சித்தேன். பாத்ரூம் சென்ற அவரை நீண்ட நேரம் காணாததால், துண்டோடு படுக்கை அறையைவிட்டு வெளியில் வந்தேன். அப்போது எதிரில் உள்ள இன்னொரு படுக்கை அறைக்கு சென்று பார்த்தபோது தான், வினோத்குமார் அங்கு தூக்கில் தொங்கியதை பார்த்து, மார்பில் கட்டியிருந்த துண்டோடு வெளியே ஓடி வந்து உதவி கேட்டேன்.

காவலாளி உள்ளிட்ட பக்கத்து வீட்டுக்காரர்கள் முன்னிலையில்தான், அவரது உடலை தூக்கில் இருந்து இறக்கினோம். அவர் இதுபோல் ஒரு முடிவை எடுப்பார் என்று கனவில் கூட நினைக்கவில்லை. எனது காதல் நிஜமானது என்று அல்போன்சா கூறியுள்ளாராம்.

மார்பில் கட்டிய துண்டோடு ஓடி வந்தார்

அல்போன்சா வசிக்கும் வீடு சியாமளா கார்டன் அடுக்கு மாடிக் குடியிருப்பில் 3வது மாடியில் உள்ளது. இது பெரும் பணக்காரர்கள், சினிமாக்காரர்கள் தங்கியிருக்கும் குடியிருப்பு வளாகமாகும். பல நடிகர், நடிகையர் இங்கு வசிக்கிறார்களாம்.

இந்த அடுக்கு மாடிக் குடியிருப்பில் ஒவ்வொரு தளத்திலும் கண்காணிப்புக் கேமரா உள்ளது. அல்போன்சா வீட்டின் தளத்திலும் கூட கேமரா உள்ளது. அதில் வினோத்குமார் மரணத்திற்கு முன்பும், பின்பும் யாரும் வீட்டுக்குள் வந்ததாக பதிவு இல்லை. அதேசமயம், அல்போன்சா கட்டிய துண்டுடன் வீட்டை விட்டு வெளியே ஓடி வரும் படம் உள்ளதாக போலீஸார் கூறுகிறார்கள்.

ஆனால் வினோத்குமார் மரணத்திற்கு முன்பு ஏதோ விபரீதமாக நடந்துள்ளதாகவும், அதனால்தான் வினோத்குமார் மரணம் நேர்ந்துள்ளதாகவும், யார் தவறு செய்திருந்தாலும் கடும் தண்டனை நிச்சயம் என்றும் போலீஸார் கூறியுள்ளனர். மேலும் மரணத்திற்கு முன்பு, அல்போன்சாவின் துபாய் கணவரின் புகைப்படங்களை வினோத் குமார் கிழித்தெறிந்துள்ளதாகவும் போலீஸார் கூறியுள்ளனர்.

கணவர் பேச்சை மீறி வினோத்குமாருடன் பழகிய அல்போன்சா

வினோத்குமாருடன் அல்போன்சா ஆரம்பத்தில் நட்பாக பழக ஆரம்பித்தபோது அதை அல்போன்சாவின் கணவர் விரும்பவில்லை என்று தெரிகிறது. வினோத்குமாருடன் பழக வேண்டாம் என்று அவர் கூறியுள்ளார். ஆனால் அதை அல்போன்சா கேட்கவில்லையாம். தொடர்ந்து பழகியுள்ளார்.

இந்த நட்பு நாளுக்கு நாள் தீவிரமடையவே வெறுத்துப் போன அல்போன்சாவின் கணவர் தனது மகள் ஆலியாவை விட்டு விட்டு துபாய் போய் விட்டாராம். அதன் பின்னர்தான் விருகம்பாக்கத்தில் வசதியான வீட்டை எடுத்து வினோத்குமாருடன் தங்கி குடும்பம் நடத்தி வந்துள்ளார் அல்போன்சா.

அல்போன்சா, வினோத்குமாரின் இந்த வாழ்க்கைக்கு அல்போன்சாவின் தந்தை அந்தோணியும், தாயார் ஓமனாவும், தம்பி ராபர்ட்டும் ஆதரவு கொடுத்துள்ளனர். மேலும் கல்யாணம் செய்து கொள்ளவும் ஆதரவு தெரிவித்தனராம். இதையடுத்தே விவாகரத்து செய்ய அல்போன்சா முடிவெடுத்துள்ளார்.

பணம் பறிக்க அல்போன்சாவுடன் எனது மகனை பழக விட்டார் ராபர்ட்- வினோத்குமாரின் தந்தை!!!

சென்னை: எனது மகன் தீராத சினிமா ஆசையில் இருந்தான். அவனிடமிருந்து பணம் பறிப்பதற்காக தனது அக்காள் அல்போன்சாவுடன், வேண்டும் என்றே பழக விட்டார் டான்ஸ் மாஸ்டர் ராபர்ட். அக்காளும், தம்பியுமாக சேர்ந்து பல லட்சம் பணத்தைப் பறித்துள்ளனர். இப்போது உயிரையும் பறித்து விட்டனர் என்று வினோத்குமாரின் தந்தை பாண்டியன் கூறியுள்ளார்.

அல்போன்சா வீட்டில் மர்மமான முறையில் இறந்த அவரது காதலர் வினோத்குமார் சென்னை அருகே உள்ள கல்பாக்கத்தைச் சேர்ந்தவர். இவரது தந்தை பெயர் பாண்டியன். தாயார் பெயர் ராஜேஸ்வரி. ஒரே ஒரு தம்பி, பெயர் மோகன். பாண்டியன், ரியல் எஸ்டேட் அதிபராகவும், திருக்கழுக்குன்றம் நகர அதிமுக எம்.ஜிஆர். மன்ற இணைச் செயலாளராக இருக்கிறார்.

தனது மகனின் உடலைப் பார்த்து கதறி அழுத பாண்டியன் தனது மகன் குறித்துக் கூறுகையில், சினிமாவில் பெரிய நடிகராக வரவேண்டும் என்று எனது மகன் வினோத் குமார் மிகவும் வெறியோடு இருந்தான். அதற்காக கடுமையாக உழைத்து வந்தான். இதற்காக லட்சக்கணக்கில் நான் அவனுக்கு பணம் கொடுத்தேன்.

ராபர்ட் அறிமுகம் மகனுக்கு எப்போது கிடைத்ததோ அப்போது இருந்து எங்களை விட்டு பிரிந்து சென்று விட்டான். என் மகன் நன்றாக நடனம் ஆடுவான் என்பதால் ராபர்ட் இயக்கிய ஒரு ஆல்பத்தில் மகன் நடித்தான். இதையடுத்து வினோத்குமார் சினிமாவில் நடிப்பதற்காக என்ன வேண்டுமானாலும் செய்வான் என்பதை அறிந்து கொண்டு ராபர்ட் அல்போன்சாவை அவனுடன் பழக வைத்துள்ளார்.

பின்னர் 2 பேரும் சேர்ந்து என் மகனிடம் லட்சக்கணக்கில் பணத்தை வாங்கியுள்ளனர். இந்நிலையில் நல்ல கதை ஒன்று உள்ளது அதனை தயாரித்து நீயே நடி என்று ராபர்ட் கூறியுள்ளார். ஆனால் அதற்கு என் மகன் சம்மதிக்கவில்லை. எப்படியோ மிரட்டி அவனை அந்த படத்திற்கு பூஜை போட வைத்துள்ளார். படத்தின் பெயர் சங்கு. இதில் அல்போன்சாவும் நடிக்கிறார். இந்நிலையில், நேற்று முன்தினம் நள்ளிரவில் அல்போன்சா எனது மகன் மோகனுக்கு போன் செய்து, உனது அண்ணன் வினோத் தற்கொலை செய்து விட்டார் என்று கூறியுள்ளார்.

இதை கேட்ட எனக்கு மிகவும் அதிர்ச்சியாக இருந்தது. பதற்றத்துடன் அல்போன்சா வீட்டிற்கு காரில் வந்தேன். அப்போது அல்போன்சா மகனின் உடலை வீட்டில் விரிக்கும் பெரிய மிதியடி ஒன்றால் மூடி வைத்திருந்தார். நான் திறந்து பார்த்த போது மூக்கு, காது, வாய் போன்றவற்றில் ரத்த காயம் இருந்தது. என் மகனை கொன்று விட்டாயே என்று அவருடன் வாக்குவாதம் செய்தேன்.

அல்போன்சாவுடன் சேர வேண்டாம் என்று கேட்டுக்கொண்டேன். ஆனால் எனது மகன் கேட்கவில்லை. அவனது சினிமா ஆசை நிராசையாகி விட்டது என்று கூறினார்.

அருண் விஜய்யோடு குத்தாட்டம் போடும் நடிகை யார்?!!

Tuesday, March 06, 2012
எல்.ஆர்.ஈஸ்வரி பாடிய பாடலுக்கு நடனம் ஆட ஹீரோயின் தேடுகிறோம் என்றார் அருண் விஜய். நீண்ட வருடங்களுக்கு பிறகு 'ஒஸ்தி' படத்தில் பின்னணி பாடகி எல்.ஆர்.ஈஸ்வரி ஒரு பாடல் பாடினார். இதையடுத்து அருண் விஜய் நடிக்கும் 'தடையற தாக்க' படத்திற்காக பாடல் பாடினார். இது பற்றி அருண் விஜய் கூறியதாவது: 'மலை மலை', 'மாஞ்சா வேலு'க்கு பிறகு நடிக்கும் படம் 'தடையற தாக்க'. இதில் டிராவல்ஸ் நடத்துபவராக நடிக்கிறேன். வம்பு தும்புக்கு செல்லாமல் ஒதுங்கிச் செல்லும்போது, எதிர்பாராத சம்பவம் நடக்கிறது. அதன்பிறகு அவன் வாழ்க்கை எப்படி மாறுகிறது என்பது கதை. இடது கை பழக்கம் உள்ளவனாக நடிப்பதற்காக பல நாட்கள் பயிற்சி செய்தேன். மம்தா மோகன்தாஸ், ராகுல் ப்ரீத்சிங் ஹீரோயின்கள். 7 அடி உயர கருப்பு நிற மனிதன் காந்தி, வம்சி கிருஷ்ணா முக்கிய வேடத்தில் நடிக்கின்றனர். பெரும்பகுதி படப்பிடிப்பு முடிந்தது. மகிழ் திருமேனி இயக்கம். சுகுமார் ஒளிப்பதிவு. தமன் இசை. இப்படத்துக்காக எல்.ஆர்.ஈஸ்வரி குத்துப்பாடல் பாடினார். அவருடன் இணைந்து நானும் பாடினேன். இப்பாடலுக்கு தற்போதுள்ள முன்னணி ஹீரோயின் ஒருவர் ஆட உள்ளார். அதுபற்றி பேச்சு நடக்கிறது. இவ்வாறு அருண் விஜய் கூறினார். இந்த மலையோட தடையில்லாம ஓட அழகிய மாஞ்சாவா தேடுங்க......

'3' க்ளைமாக்ஸை ரஜினி மாற்றினாரா?!!!

Tuesday, March 06, 2012
'3' படத்தின் க்ளைமாக்ஸில் தனுஷ் இறப்பது போன்று படமாக்கப்பட்டதை ஐஸ்வர்யா மாற்றியமைத்துள்ளாராம். ரஜினிகாந்தின் மூத்த மகளும், தனுஷின் மனைவியுமான ஐஸ்வர்யா '3' படத்தின் மூலம் இயக்குநராக அவதாரம் எடுத்துள்ளார். தான் எடுக்கும் முதல் படத்தில் கணவர் தனுஷை ஹீரோவாக போட்டு, ஸ்ருதி ஹாசனை ஹீரோயினாக்கியுள்ளார். இந்த படத்தில் தனுஷ் எழுதி, பாடிய 'ஒய் திஸ் கொலவெறி, கொலவெறி டி' பாடல் உலகப் புகழ்பெற்றுள்ளது. இப் படத்தின் க்ளைமாக்ஸ் காட்சியில் தனுஷ் இறந்துபோவது போல் ஐஸ்வர்யா காட்சியமைத்திருந்தார். படத்தைப் பார்த்த ரஜினி, படம் நன்றாக இருப்பதாக கூறியுள்ளார். அதேசமயம், படத்தின் க்ளைமாக்ஸ் சோகமாக இருப்பதை அவர் விரும்பவில்லை. அதை மாற்றி சந்தோஷமாக முடிவது போல் எடுக்கலாமே என்று ஐடியா கொடுத்தார். சூப்பர் ஸ்டார் பேச்சுக்கு மறு பேச்சு உண்டா என்ன. இதையடுத்து தற்போது படத்தின் க்ளைமாக்ஸ் காட்சியை மாற்றி தனுஷ் உயிருடன் இருப்பது போன்று மாற்றி விட்டாராம் ஐஸ்வர்யா. ரசிகர்களும் சோகமான முடிவை விரும்பமாட்டார்கள் என்பதால் அவர் க்ளைமாக்ஸை சந்தோஷமாக மாற்றியுள்ளார் என்று கூறப்படுகின்றது. இந்த படம் இந்த மாத இறுதியில் ரிலீஸ் ஆகிறது. அபசகுனமா இருக்கக்கூடாதுனு நெனைக்கிறாரோ...?

ஜெயலலிதா குழந்தையாக இருந்தபோது படம் பார்த்த திருவல்லிக்கேணி ஸ்டார் தியேட்டர் மூடப்பட்டது!!!

Tuesday, March 06, 2012
சென்னை: மவுனப் படங்கள் வந்த காலத்திலேயே கட்டப்பட்டு பின்னர் சென்னையின் அடையாளங்களுள் ஒன்றாக மாறிவிட்ட ஸ்டார் திரையரங்கம் மூடப்பட்டது.

சென்னையில் பழமையான தியேட்டர்கள் மூடப்பட்டு வணிக வளாகங்களாகவும் அடுக்குமாடி குடியிருப்புகளாகவும் மாறி வருகின்றன.

என்பின்ஸ்டோன், சயானி, வெலிங்டன், குளோப் என்கிற அலங்கார், நடராஜ், உமா, ராம், புவனேஸ்வரி, ராக்கி, மேகலா, வசந்தி, நடராஜ், காமதேனு, பைலட், ஆனந்த், பாரகன், ப்ளாஸா, சித்ரா, கெயிட்டி, ராஜ குமாரி, நாகேஷ் என 50-க்கும் மேற்பட்ட தியேட்டர்கள் மூடப்பட்டு விட்டன. கடைசியாக லிபர்டி மூடப்பட்து.

இப்போது அந்தப் பட்டியலில் ஸ்டார் தியேட்டரும் இடம்பெற்றுவிட்டது. இந்த தியேட்டர் திருவல்லிக்கேணியில் 75 ஆண்டுகளுக்கு முன்பு கட்டப்பட்டது.

தர்மேந்திரா நடித்த ‘யாதோன் கி பாரத்’ இங்கு 400 நாட்கள் ஓடியது. இதை கேள்விப்பட்டு தர்மேந்திராவே இந்த தியேட்டருக்கு வந்து படம் பார்த்து பாராட்டினாராம்.

எம்.ஜி.ஆரின் ‘நாளை நமதே’, ‘சந்திரலேகா’, ‘பெற்றால்தான் பிள்ளையா’, ‘ரோசாப்பூ ரவிக்கைகாரி’ போன்ற படங்களும் இங்கு 100 நாட்களை தாண்டி ஓடி உள்ளன.

ஸ்ரீபிரகாசா, கே.கே.ஷா, பிரபுதாஸ் பட்வாரி உள்ளிட்ட முன்னாள் கவர்னர்கள் இங்கு படம் பார்த்துள்ளனர். அண்ணா, ஜெமினிகணேசன், என்.வி.என்.நடராஜன், வி.என்.ஜானகி, விஜயகுமாரி, என்.எம்.ராஜம் போன்றோரும் இந்த தியேட்டரில் படம் பார்த்து உள்ளார்கள்.

இன்றைய முதல்வர் ஜெயலலிதா குழந்தையாக இருந்தபோது தாய் சந்தியாவுடன் இந்த தியேட்டரில் படம் பார்த்ததாக தியேட்டரின் பழைய ஊழியர்கள் தெரிவித்தனர்.

நல்ல நிலையில் இருந்த திரையரங்கம், காலமாற்றத்தில் பிட்டு பட தியேட்டர் என்ற பெயரைப் பெற்றுவிட்டது. எப்படியிருந்தாலும் திருவல்லிக்கேணி பகுதியில் இருந்த ஒரே திரையரங்கமான ஸ்டார் மூடப்பட்டதில் அந்தப் பகுதி சினிமா ரசிகர்களுக்கு மகா வருத்தமாகிவிட்டது!

'தல' டிரஸ்ட்டுக்கு சூப்பர்வைசராக போகிறார் ஷாலினி!!!

Tuesday, March 06, 2012
அஜித் தன்னைத் தேடிவரும் மாற்றுத் திறனாளிகள் யாராக இருந்தாலும் சாப்பிட வைத்து, அவர்களுடன் புகைப்படம் எடுத்துக்கொண்டு, அவர்களுடைய செலவுக்குப் பணமும் கொடுப்பதை வழக்கமாக வைத்திருக்கிறார். ராகவா லாரன்ஸ் நடத்தும் 'சேரி டபிள் டிரஸ்ட்' போல ஒரு டிரஸ்ட் நடத்தும் எண்ணம் அவருக்கு இருக்கிறது என்கிறார்கள் நெருக்கமானவர்கள். அவர் அமைக்கப் போகும் டிரஸ்ட்டுக்கு ஷாலினிதான் மேற்பார்வையாளராக இருப்பார் என தெரிகிறது. பிறருக்கு உதவி செய்யும் குணத்தில் அஜித் எம்.ஜி.ஆர். கொள்கையை கடைபிடிப்பதாக கூறப்படுகிறது. அரசியலுக்கு அடித்தளம் போடுறாரா தல...?!

பின்லேடன் படத்தில் ஷபனா ஆஸ்மி!!!

Tuesday, March 06, 2012
அமெரிக்காவால் சுட்டுக் கொல்லப்பட்ட சர்வதேச பயங்கரவாதி பின்லேடனின் கதையை படமாக்குகிறார் பிரபல ஹாலிவுட் இயக்குநர் பிஜ்லோ. இந்தப் படத்தில் பிரபல பாலிவுட் நடிகை ஷபானா ஆஸ்மி நடிப்பதாக தகவல் வெளியாகியுள்ளது.

சர்வதேச பயங்கரவாதி பின்லேடன். அல்கொய்தா தீவிரவாத இயக்க தலைவரான இவரை பாகிஸ்தானில் உள்ள அபோதாபாத்தில் பதுங்கி இருந்தபோது அமெரிக்க ராணுவம் சுட்டுக்கொன்றது.

தற்போது இவரது கதையை காத்ரின் பிஜ்லோ படமாக தயாரிக்க முடிவு செய்துள்ளார். அதற்கான பணிகள் தீவிரமாக நடைபெற்று வருகின்றன.

இந்த நிலையில் இப்படத்தில் நடிக்க பாகிஸ்தான் நடிகர், நடிகைகள் மறுத்து விட்டனர். எனவே இந்தியாவை சேர்ந்தவர்கள் அதில் நடிக்க உள்ளனர்.

இந்த நிலையில் பாகிஸ்தானியர் கேரக்டரில் இந்தி நடிகை ஷபனா ஆஸ்மி நடிக்க இருப்பதாக தகவல் வெளியாகி உள்ளது. இதுகுறித்து அவரிடம் கேட்டபோது இந்த தகவலை ஷபனா ஆஸ்மி மறுக்கவில்லை. இதுகுறித்து ஏற்கனவே தன்னிடம் பேசப்பட்டதாக அவர் கூறினார்.

ஆஸ்கர் விருதுகளைக் குவித்த த ஹர்ட் லாக்கர் எனும் படத்தை இயக்கியவர் பிஜ்லோ என்பது குறிப்பிடத்தக்கது.

தெலுங்கு படத்தில் கிளுகிளுப்பான காட்சிகளில் நடிக்கிறேனா? த்ரிஷா பேட்டி:-ஜீவாவுடன் ஜோடி சேரும் திரிஷா!!!

Tuesday, March 06, 2012
தெலுங்கு படத்தில் கிளுகிளுப்பான காட்சிகளில் நடிப்பதாக கூறப்படுவது பற்றி த்ரிஷா பதில் அளித்தார். அவர் கூறியது: தமிழில் கடைசியாக Ôமன்மதன் அம்புÕ படத்தில் நடித்தேன். கடந்த 7 மாதமாக தமிழில் நடிக்காமல் இருந்தேன். எனது படங்களும் தமிழில் வெளியாகவில்லை. இதற்கு என்ன காரணம் என கேட்கிறார்கள். நல்ல வாய்ப்புக்காக காத்திருந்தேன். அதைத் தவிர வேறு காரணம் இல்லை. காத்திருந்ததற்கு பலனாக விஷாலுடன் Ôசமரன்Õ, ஜீவாவுடன் Ôஎன்றென்றும் புன்னகைÕ படங்களில் நடிக்கிறேன். Ôசமரன்Õ, த்ரில்லர் படம். அதில் ரொமான்டிக் காட்சிகளுக்கு முக்கியத்துவம் தரப்பட்டுள்ளது. Ôஎன்றென்றும் புன்னகைÕ படம், காதல் கதையை கொண்டது. படம் முழுக்கவே காதல் காட்சிகள் இருக்கும். அதனால் எனக்கு அதிக முக்கியத்துவம் தரப்பட்டுள்ளது. நான் ரொமான்டிக்கான பெண்ணா என சிலர் கேட்கிறார்கள். Ôவிண்ணைத்தாண்டி வருவாயாÕ படத்தில் நடித்ததில் இருந்து இப்படி கேட்கிறார்கள். அந்த படம் எனக்கு தந்த பெயரை மறக்க முடியாது. அதே நேரம், நான் ரொமான்டிக்கானவள் கிடையாது. தெலுங்கு படத்தில் இளமையாக தெரிய வேண்டும் என்பதற்காக படு கவர்ச்சியாக நடிப்பதாக புரளி கிளப்புகிறார்கள். அதற்கெல்லாம் எனக்கு அவசியமே கிடையாது. Ôதம்முÕ தெலுங்கு படத்தில் இரண்டு விதமான கெட்டப்பில் நடிக்கிறேன். அது கதைக்கு தேவைப்படுகிறது. மற்றபடி எல்லை மீறி கவர்ச்சியாக நடித்ததில்லை. நடிக்கவும் மாட்டேன்.
என்னுடன் நடித்த ஹீரோக்களில் எனக்கு மிகவும் பிடித்தவர் கமல்ஹாசன்தான். ஷூட்டிங்கில் அனைவரையுமே கவனிப்பார். சிறு தவறு செய்தாலும் கண்டுபிடித்து திருத்துவார். நான் ஏற்க விரும்பும் கேரக்டர்களில் Ôஅருந்ததிÕ போன்ற பட கேரக்டருக்கு முக்கியத்துவம் தருகிறேன். இவ்வாறு த்ரிஷா கூறினார்.

ஜீவாவுடன் ஜோடி சேரும் திரிஷா!!!

ஜீவா நடிக்கும் புதுப்படமொன்றில் நாயகியாக நடிகை திரிஷா நடிக்கவிருக்கிறார். இப்படத்தை இயக்குனர் அஹமது இயக்குகிறார். இப்படம் காதல், காமெடி அனைத்தும் கலந்ததாக இருக்கும். இப்படத்தை கோடையில் தொடங்க திட்டமிட்டுள்ளதாகவும் திரிஷா தனது டுவிட்டரில் வெளியிட்டுள்ளார்.

இயக்குனர் அஹமது நடிகர் ஜெய்-ஐ வைத்து வாமணன் படத்தை இயக்கியவர் என்பது குறிப்பிடத்தக்கது.

மணப்பாடு கிராமத்தில் தொடங்கியது மணிரத்னத்தின் கடல்!!!

Tuesday, March 06, 2012
மணிரத்னம் இயக்கத்தில் கார்த்திக் மகன் நடிக்கும் கடல் திரைப்படத்தின் படப்பிடிப்பு தொடங்கியது.

தூத்துக்குடி - திருச்செந்தூர் இடையில் உள்ள கடற்கரை கிராமமான மணப்பாடில் முதல் காட்சி படமாக்கப்பட்டது.

மீனவர் வாழ்க்கைப் பின்னணியைக் கொண்ட கடல் முழுக்க முழுக்க காதல் கதையாகும். காதல் கதைதான் என்றாலும், மீன் பிடிக்கச் செல்லும் மீனவர்கள் அந்நிய கடற்படையினரிடம், அந்நிய மீனவர்களிடம் சிக்கி அனுபவிக்கும் துன்பங்களை ஹைலைட்டாகச் சொல்லப் போகிறாராம் மணிரத்னம்.

அவரது இயக்கத்தில் ஒரு வெற்றிப்படம் வெளியாகி ரொம்ப நாளாகிவிட்டதால் இந்தப் படத்தை, தமிழில் மட்டுமே எடுக்கிறார். தமிழ் மீனவ கிராமங்களை அதன் இயல்புத் தன்மையுடன் காட்ட பெரும் முயற்சி மேற்கொண்டுவருகிறார். முழுக்க முழுக்க தமிழ்நாட்டு கடற்கரை லொகேஷன்களிலேயே எடுக்கத் திட்டமிட்டுள்ளாராம்.

கார்த்திக் மகன் கவுதம் நாயகனாகவும், சமந்தா ஹீரோயினாகவும் நடிக்கிறார்கள்.

அர்ஜுன் - அரவிந்த் சாமி

ஆக்ஷன் கிங் அர்ஜூன் மிக முக்கிய வேடத்தில் நடிக்கிறார். இவருடன் அரவிந்த் சாமியும் கைகோர்க்கிறார்.

இசை ஏ ஆர் ரஹ்மான், ஒளிப்பதிவு - ராஜீவ் மேனன்!

போதை இளைஞர்களிடம் சிக்கியதாக வதந்தி: மது விருந்தில் பங்கேற்கவில்லை- பிரியாமணி!!!

Tuesday, March 06, 2012
பிரியாமணிக்கு தமிழில் படங்கள் இல்லை. தெலுங்கு, கன்னடம், மலையாளத்தில் நடிக்கிறார்.

பிரியாமணி பற்றி சமீபத்தில் ஒரு வதந்தி பரவியது. சென்னை நட்சத்திர ஓட்டல் ஒன்றில் நடந்த மது விருந்தில் பிரியாமணி பங்கேற்றதாகவும் அங்கு போதை தலைக்கேறிய 4 இளைஞர்கள் பிடியில் சிக்கி கஷ்டப்பட்டு மீண்டதாகவும் கூறப்பட்டது.

இதனால் பிரியாமணி அதிர்ச்சியாகி இருப்பதாகவும் தகவல் வெளியானது. இது வதந்தி என்று பிரியாமணி மறுத்துள்ளார். அவர் கூறியதாவது:-

நடக்காத ஒரு சம்பவத்தை வதந்தியாக பரப்பி விட்டுள்ளனர். நான் சென்னைக்கு வந்து பல நாட்கள் ஆகிவிட்டது. நட்சத்திர கிரிக்கெட் போட்டி முடிந்ததும் நான் கொச்சி சென்று விட்டேன். எனது சகோதரி குடும்பம் அங்கு இருக்கிறது. அவர் வீட்டில்தான் தங்கி இருந்தேன். சென்னைக்கு வரவும் இல்லை அங்கு பார்ட்டியில் பங்கேற்கவும் இல்லை. நடிகை என்றால் எது வேண்டுமானாலும் எழுதலாம், பேசலாம் என்ற நிலைமை உள்ளது. இது வருத்தம் அளிக்கிறது.

'மங்காத்தா' பாணியில் அஜித் நடிக்கும் 'ரேஸ்'!!!

Tuesday, March 06, 2012
அஜித், ஆர்யா, நயன்தாரா உள்ளிட்டோர் நடிக்கும் இப்படத்தினை இயக்க இருக்கிறார் விஷ்ணுவர்தன். யுவன் இசையமைக்க இருக்கிறார். இந்தியில் பெரும் வரவேற்பை பெற்ற 'ரேஸ்' படத்தின் தமிழ் ரீமேக்தான் இப்படம். சயூப் அலிகான், அக்ஷய் கன்னா, பிபாஷா பாசு, கத்ரீனா கைஃப், அனில் கபூர், சமீரா ரெட்டி மற்றும் பலர் நடித்து அப்பாஸ் - மஸ்தான் இயக்கத்தில் வெளிவந்த படம் 'ரேஸ்'. அண்ணன் - தம்பி இருவருக்குள் நடக்கும் போராட்டமே கதை. அடுத்தடுத்த காட்சிகள் என்ன என்பதை யூகிக்க முடியாத அளவிற்கு இப்படத்தின் திரைக்கதை அமைக்கப்பட்டு இருக்கும். 'ரேஸ்' படத்தின் தமிழ் ரீமேக்தான் அஜித் - விஷ்ணுவர்தன் இணையும் படம். இப்படத்தில் 'மங்காத்தா' படத்தினை போலவே வில்லத்தனமான வித்தியாசமான அஜித்தை காணலாம் என்பது மட்டும் உறுதி! பாஸூக்கும் 'ரேஸ்'ன்னா பிடிக்காம போகுமா என்ன....?

பேஷன் ஷோவில் 10 நிமிடம் பங்கேற்க கேத்ரினாவுக்கு ரூ 1 கோடி சம்பளம்!!!

Tuesday, March 06, 2012
பேஷன் ஷோ மேடையில் 10 நிமிடம் தோன்றுவதற்காக ரூ.1 கோடி சம்பளம் பெறுகிறார் கேத்ரினா கைப். பிரபல பாலிவுட் ஹீரோயின்கள் படங்களில் நடிக்க பல கோடி சம்பளம் பெறுகின்றனர். இதற்கிடையில் விளம்பரம், பொது இடங்களில் தோன்றுவதற்காகவும் கோடிகளில் சம்பளம் கேட்கின்றனர். வரும் 25ம் தேதி கேரளாவில் நடக்கவுள்ள பேஷன் ஷோ நிகழ்ச்சியில் கேத்ரினாவை சிறப்பு விருந்தினராக பங்கேற்று, மேடையில் நடந்து வர விழா குழுவினர் கேட்டனர். 10 நிமிடம் மட்டுமே மேடையில் தோன்றுவதற்கு ரூ.1 கோடி சம்பளம் தரவேண்டும் என கேட்டுள்ளார் கேத்ரினா. அதற்கு போட்டி நடத்துபவர்கள் ஒப்புக்கொண்டுள்ளனர். தென்னிந்திய நடிகைகளை பொறுத்தவரை பொது இடங்களில் தோன்ற குறைந்த சம்பளமே கேட்கின்றனர். அசின், ஸ்ரேயா, த்ரிஷா போன்றவர்கள் இதற்காக ரூ.30 லட்சம்வரை கேட்கிறார்களாம். சமீபத்தில் சூர்யா, மாதவன், ஆர்யா போன்றவர்களும் இதுபோன்ற நிகழ்ச்சிக்காக லட்சக்கணக்கில் சம்பளம் பெற்றுள்ளனர்.

பிரச்னை கிளப்பும் தயாரிப்பு ஷூட்டிங்கில் குவா குவா!!!

Tuesday, March 06, 2012
ம்பளம், ரிலீஸ் எந்த பிரச்னையா இருந்தாலும் பெரிய பட்ஜெட், சிறிய பட்ஜெட் படங்களை மட்டுமே கணக்குல எடுத்து யூனியன்கள்ல பேசுறங்களாம்... பேசுறாங்களாம்... இந்த ரெண்டுக்கும் நடுவுல மீடியம் பட்ஜெட்ல படம் தயாரிக்க¤றவங்களை கண்டுக்க மாட்டேங்கிறீங்களேன்னு சில தயாரிப்புங்க குரல் எழுப்புறாங்களாம். இவங்கள்லாம் ஒண்ணா சேர்ந்து, Ôஎங்களுக்கும் பலன் கிடைக்கிற மாதிரி பேச்சுவார்த்தை நடத்தி, உடன்பாடு போடுங்கÕன்னு யூனியன் நிர்வாகிகளை வற்புறுத்துறாங்களாம்... வற்புறுத்துறாங்களாம்...

பாலிவுட்டுக்கு போன பிசின் நடிகை, ஒல்லிபிச்சானாக மாற வேண்டி இருந்ததாம்... இருந்ததாம்... இதுக்கு யோசனை கூறியவங்க கொழுப்பு குறைக்கும் ஆபரேஷன் செய்யுங்கன்னு சொன்னாங்களாம்... சொன்னாங்களாம்... இயற்கையாவே குறைச்சிகாட்டுறேன்று சவால்விட்டவரு, சாப்பாடு குறைச்சி, தினமும் கடுமையா உடற்பயிற்சி செஞ்சாராம். அதுக்கு பலன் கிடைச்ச¤ருக்காம். Ôஎனக்கு வேண்டாதவங்க, ஆபரேஷன் பண்ணுங்கன்னு அட்வைஸ் பண்ணினாங்க. அந்த அளவுக்கு நான் குண்டு கிடையாது. நான் வளரக்கூடாதுன்னுதான் இப்படி அட்வைஸ் பண்ணினாங்கÕன்னு பிசின் திடீர் குற்றம் சாட்டியிருக்காராம்... சாட்டியிருக்காராம்...

செல¢வ இயக்கம் உதவியாளரா பணியாற்றியவரை டும் டும் பண்ணிக்கிட்டாரு. இப்ப ரெண்டுபேரும் அப்பா- அம்மா ஆயிட்டதாலே ஷூட்டிங் பணியோடு குழந்தையை பாத்துக்க¤ற வேலையும் சேர்ந்துருச்சாம். ரெண்டு வேல்டு படத்தை செல்வமானவரு இயக்குறாரு. அதுல மனைவிகுலமும் ஒர்க் பண்றாரு. ஷூட்டிங் வெளியூர்ல நடக்குது... நடக்குது... கைக்குழந்தையை கையோடு கொண்டுபோறாங்களாம். ஷூட்டிங் நடக்கும்போது Ôகுவா குவாÕ சத்தம் கேட்டா ரெண்டுபேரும் ஓடிப்போய் குழந்தையை கவனிச்சிக்கிறாங்களாம்... கவனிச்சிக்கிறாங்களாம்... இவங்க குழந்தை பாசத்துல ஷூட்டிங் பாதிக்குதுன்னு யூனிட்ல இருக்கிறவங்க புலம்புறாங்களாம்... புலம்புறாங்களாம்...