அமெரிக்காவில் முதல் முறையாக தென்னிந்திய திரையுலகினர் கலந்து கொள்ளும் பிரமாண்ட இசை: நடன நிகழ்ச்சி!

அமெரிக்க மண்ணில் முதல் முறையாக ஜூலை 6-ம் தேதி மாலை 6 மணிக்கு, கலிபோர்னியாவின் சான் ஓசே நகரில் உள்ள சிட்டி நேஷனல் சிவிக் (City National Civeic) அரங்கில் யு1ஸ்டார் நைட் (U1Star Nite) என்ற பெயரில் பிரமாண்ட இசை மற்றும் நடன நிகழ்ச்சி நடக்கிறது. இந்த நிகழ்வில் தென்னிந்திய திரையுலகின் முன்னணி பாடகர்கள் திரை நட்சத்திரங்கள் மற்றும் கலைஞர்கள் பலரும் பங்கேற்கின்றனர். இவர்களுடன் மக்கள் செல்வன் விஜய் சேதுபதி கலந்து கொள்கிறார்.

இந்த நிகழ்ச்சியில் யுவன் சங்கர் ராஜா, விஜய் சேதுபதி, விஜய் யேசுதாஸ், ஹரிச்சரண், ராகுல் நம்பியார், ரஞ்சித், தன்வி ஷா, ரம்யா என்எஸ்கே, பவதாரிணி, ஆலப் ராஜு மற்றும் குழுவினர் பங்கேற்கின்றனர்.

இவர்களுடன் நடிகர்கள் மிர்ச்சி சிவா, டிடி, ஹரீஷ் கல்யாண், நடிகைகள் ரைசா வில்சன், ஜனனி அய்யர், யாஷிகா ஆனந்த், சஞ்சனா சாரதி, விஷ்ணுப்ரியா ஆகியோரும் கலந்து கொண்டு நடனமாடுகின்றனர்.

8 கே மைல்ஸ் மீடியா ஆதரவில் பினாகின் ஸ்டுடியோஸ், ஹேமா ரியல்டர்ஸ் இணைந்து நடத்தும் இந்த நிகழ்ச்சி அமெரிக்காவில் இதுவரை இப்படியொரு பிரமாண்ட இசைக் கச்சேரி மற்றும் நடன நிகழ்ச்சி நடந்ததில்லை எனும் அளவில் நடக்கவிருக்கிறது. பெரும் எதிர்ப்பார்ப்பைக் கிளப்பியுள்ளது.