நடிகையரின் அந்தரங்க படங்கள் பாடகி சுசீத்ரா வெளியிட்டாரா!

நடிகர், நடிகையரின் அந்தரங்க படங்கள், வீடியோக்களை, பாடகி சுசீத்ரா பெயரில் உள்ள, 'டுவிட்டர்' கணக்கில் பதிவிட்டு வருவதால், தமிழ் சினிமா வட்டாரம் அலறத் துவங்கியுள்ளது.நடிகர்கள் தனுஷ், த்ரிஷா உள்ளிட்ட சினிமா பிரபலங்களின், அந்தரங்க விஷயங்களை, தன் டுவிட்டர் கணக்கில், படங்களாக பகிர்ந்து வருகிறார்,

சினிமா பின்னணி பாடகி சுசீத்ரா. அவர், மனதளவில் மிகவும் பாதிக்கப்பட்டிருப்பதாக, அவரது கணவர், நடிகர் கார்த்திக் தெரிவித்திருந்தார். தனுஷ் ஆட்களால் தாக்கப்பட்

டதாக, டுவிட்டர் பதிவில் புகார் கூறிய சுசீத்ரா, தற்போது, தனுஷ், த்ரிஷா, ஹன்சிகா, சஞ்சிதா ஷெட்டி, பாடகி சின்மயி ஆகியோரின், அந்தரங்க படங்கள் மற்றும் வீடியோவையும் பகிர்ந்து, பரபரப்பை ஏற்படுத்தியுள்ளார். நடிகை ஆன்ட்ரியா, தனுஷ் - அமலாபால்; ராணா - த்ரிஷா; ஆன்ட்ரியா - செல்வராகவன் ஆகியோரின் அந்தரங்க படங்களையும் பதிவிடப் போவதாக அறிவித்துள்ளார். மேலும், அமலாபாலின் விவாகரத்துக்கு, தனுஷ் காரணம் என்றும், அவர் குற்றம் சாட்டியுள்ளார். 'வீக்கி லீக்'சை போல், 'சுசீ லீக்ஸ்' என்ற பெயரில், அவர் பதிவு செய்யும் பதிவுகள், தமிழ் சினிமா வட்டாரத்தை சூடேற்றி வருகின்றன.

இந்நிலையில், நேற்று மதியம், சுசீத்ராவின் டுவிட்டர் கணக்கு நீக்கப்பட்டது. இருப்பினும், சுசீத்ரா கணக்கில் வெளியான படங்கள், அதிகம் பகிரப்பட்டதால், அவை இணையதளத்தில் தொடர்ந்து வலம் வந்தபடி உள்ளன.

 

இது குறித்து, சினிமா வட்டாரங்கள் கூறியதாவது: சுசீத்ராவின் கணக்கு முடக்கப்பட்டதாக கூறி, பின், மீட்கப்பட்டதாக கூறினர். ஆனால், தற்போது அவரது கணக்கில், இதுபோல் அருவருக்கத்தக்க படங்கள் மற்றும் வீடியோக்கள் பகிரப்பட்டுள்ளன.சுசீத்ராவின் கணக்கு, நேற்று மதியம் முடக்கப்பட்டது. இருப்பினும், அவர் வேறு பெயரில் கணக்கை துவக்கி, அதே செயலில் இறங்கினால், போலீஸ் நடவடிக்கை எடுப்பது மிகவும் அவசியம். சுசீத்ரா பெயரில் வலம் வரும் செய்திகளுக்கு, அவரின் கணவர் கார்த்திக்கும் காரணமாக இருக்கலாம் என்ற சந்தேகம் உள்ளது.

 

அரை நிர்வாணம் - நடிகை மறுப்பு! : சுசீத்ரா டுவிட்டர் கணக்கில் வெளியான, நடிகை சஞ்சிதா ஷெட்டியின், அரை நிர்வாண படம், 'தன்னுடையது அல்ல' என, சஞ்சிதா ஷெட்டி மறுத்துள்ளார். அதேபோல், பாடகி சின்மயியும், சுசீத்ராவின் டுவிட்டர் பதிவுகளுக்கு, கடும் கண்டனம் தெரிவித்துள்ளார்.அவர் கூறுகையில், ''நான் யாரிடமும், கீழ்த்தரமாக நடந்து, 'சான்ஸ்' பெற வேண்டிய அவசியம் இல்லை; என் திறமைக்கு கிடைத்த வாய்ப்புகள் தான் அவை,'' என்றார்.