முதன்முறையாக கமலுடன் இணைகிறார் விவேக்!!!

Monday,11th of June 2013

சென்னை::நகைச்சுவை நடிகர்

விவேக் முதன்முறையாக கமலுடன் இணைந்து புதிய படம் ஒன்றில் நடிக்க உள்ளார்.

 

தற்போது விஸ்வரூபம் 2 படத்தில் நடித்துக் கொண்டிருக்கும் கமல் இந்தப் படத்துக்கு பிறகு லிங்குசாமி தயாரிக்கும் படத்தை இயக்கி நடிக்கவும் செய்கிறார். கமல்ஹாசன்-லிங்குசாமி இணையும் புதிய படத்தின் படப்பிடிப்பு அக்டோபர் மாதம் துவங்கும் எனத் தெரிகிறது.

 

படத்திற்கு 'உத்தம வில்லன்' என்று பெயர் சூட்டப் பட்டு இருப்பதாக செய்திகள் வெளியாகி உள்ளன. இப்படம் 100 கோடி பட்ஜெட்டில் பிரம்மாண்டமாக தயாராகிறது. படத்துக்கு கிரேஸி மோகன் வசனம் எழுதுகிறார்.

படத்தில் கமல், காமெடி கலந்த வில்லன் வேடத்தில் நடிப்பதால்தான் உத்தம வில்லன்' என்று பெயரிட்டு இருப்பதாகவும் கூறுகின்றனர்.

 

இவைத் தவிர நகைச்சுவை நடிகர் விவேக் முதன்முறையாக கமல்ஹாசனுடன் இணைந்து நடிக்க இருக்கிறார்.ரஜினி முதல் தற்போது இருக்கும் இளம் நாயகர்கள் வரை அனைவருடனும் இணைந்து நடித்த விவேக்கிற்கு, கமலுடன் நடிக்கும் வாய்ப்பு மட்டும் எட்டா கனியாக இருந்தது. இந்நிலையில் அதுவும் கூடிய விரைவில கைகூட இருப்பதால் உற்சாகத்தில் இருக்கிறார் விவேக்.