Saturday, May, 05, 2012தனது பிறந்த நாளை இந்த முறை சென்னையி்ல் கொண்டாடவில்லை நடிகை த்ரிஷா. தாய்லாந்து தீவு ஒன்றில் தோழிகளுடன் ஆட்டம் பாட்டம் என அமர்க்களமாகக் கொண்டாடினார்.
த்ரிஷாவுக்கு நேற்று 29வது பிறந்த நாள். வழக்கமாக பிறந்த நாளன்று சென்னையில் ஏதாவது ஒரு அனாதை இல்லத்தில் இருப்பார். மாலையில் உற்சாகமாக பார்ட்டி கொண்டாடுவார்.
இந்த முறை மாறுதலாக, தாய்லாந்து போய்விட்டார். அங்குள்ள தீவு ஒன்றின் கடற்கரையில் மிக ஆடம்பரமாக கேக் வெட்டினார் த்ரிஷா.
இதுகுறித்து த்ரிஷா கூறுகையில், "சினிமா துறையில் இது எனக்கு பத்தாவது வருடம். ரொம்ப சந்தோஷமா இருக்கேன். இத்தனை ஆண்டுகளுக்குப் பிறகும் எனது கவர்ச்சி பேசப்படுகிறது.
சினிமாவை விட்டு எங்கேயும் போக மாட்டேன். என்னைப்பற்றி கிசு கிசுக்கள் வருகின்றன. அதை பெரிதாக எடுத்துக் கொள்வதில்லை.
சொந்த வாழ்க்கையை சினிமாவில் போட்டு குழப்பிக் கொள்ளமாட்டேன். வீட்டுக்கு போனால் சினிமா தொடர்புடைய பலருடன் பேசுகிறேன். ஆனால் என் தோழிகள் சினிமாவை தவிர்த்து திரிஷாவாகவே என்னை பார்க்கின்றனர்.
எனது இந்தப் பிறந்தநாளுக்கான பரிசு மெர்சி டெஸ்பென்ஸ் கார். செம க்யூட்!," என்றார்.
Comments
Post a Comment