அஜீத், சூர்யாவுடன் நடிக்க ஆசை! – ஸ்ரேயா!

Monday, April, 30, 2012
’தல’ அஜீத், சூர்யாவுடன் நடிக்க விருப்பப்படுவதாக கவர்ச்சி நாயகி ஸ்ரேயா கூறியுள்ளார். இது பற்றி அவர் கூறியதாவது:

கவர்ச்சியாக நடிக்கும் பாத்திரங்களில் நிறைய படங்கள் நடித்துவிட்டேன். ஸ்ரேயா என்றாலே கவர்ச்சியான இமேஜ்தான் ஞாபகத்துக்கு வரும். அந்தளவுக்கு படங்களில் நடித்திருக்கிறேன். ஆனால் இப்படி நடிப்பது எனக்கு விருப்பம் கிடையாது. என்ன செய்வது, இயக்குனர்கள்தான் என்னை அதுபோல் நடிக்க வைக்கின்றனர். விருது பெறும் நடிப்பை வெளிப்படுத்தும் வேடம், ஆக்ஷன் மற்றும் கிராமத்து பெண் போன்ற வேடங்களில் நடிக்கவே எனக்கு விருப்பம் அதிகம்.

மேலு, அஜீத், சூர்யாவுடன் இதுவரை நான் நடிக்கவில்லை. அவர்களுடன் நடிக்க வாய்ப்பு வந்தால் நடிப்பேன். நடிப்பை விட்டு விலகுவதற்கான எண்ணம் எனக்கு இல்லை. நல்ல வேடங்களுக்காக காத்திருக்கிறேன். இந்த ஆண்டு தெலுங்கில் ”லைஃப் ஈஸ் பியூட்டிபுல்”, மற்றும் தீபா மேத்தாவின் ”மிட்நைட்ஸ் சில்ரன்” படங்கள் வெளிவரவுள்ளன.

இவ்வாறு அவர் கூறினார்.