குடும்பங்களுக்குள் நடக்கும் கிரைம், திரில்லர்!

Tuesday, March 20, 2012
கே.எஸ் பிலிம்ஸ் தயாரிக்கும் படம், ‘அகராதி’. பிரதீப், பவன், ஓவியா, மோனிகா, அர்ச்சனா நடிக்கிறார்கள். நாகா வெங்கடேஷ் இயக்குகிறார். படம் பற்றி அவர் கூறியதாவது: ராஜேஷ்குமாரின் ‘இரவு நேர வானவில்‘ என்ற நாவலை தழுவி எடுக்கப்படும் படம் இது. குடும்பங்களுக்குள் நடக்கும் கிரைம், திரில்லர் கதை. நாவலை கமர்சியல் சினிமாவுக்கு ஏற்ப மாற்றி திரைக்கதை அமைக்கப்பட்டுள்ளது. சஸ்பென்ஸ், திரில்லிங், ரொமான்ஸ், ஆக்ஷன் என அத்தனை அம்சங்களையும் இணைத்து உருவாக்கப்பட்டுள்ளது. படத்தில் ‘நிலா காயுது நேரம் நல்ல நேரம்...’ பாணியில் பாடலாசிரியர் வாலி, மூட் சாங் எழுதியுள்ளார். இந்த பாடலில் சில வரிகளை நீக்கினால் ‘யு/ஏ‘ சான்றிதழ் தருகிறோம்; நீக்காவிட்டால் ‘ஏ’ தருவோம் என்றார்கள். நீக்க மறுத்து ‘ஏ’ சான்றிதழ் பெற்றிருக்கிறோம். இந்தப் பாடல் பரபரப்பாகப் பேசப்படும்.