ஹாலிவுட் ஹீரோவுக்கு பயந்து டைட்டில் மாற்றிய பிரபுதேவா!!!

5th of December 2013

சென்னை::ஹாலிவுட் ஹீரோ சில்வஸ்டர் ஸ்டேலோனுக்கு பயந்து தான் இயக்கும் பட டைட்டிலை மாற்றினார் பிரபுதேவா. தமிழில் போக்கிரி, வில்லு உள்ளிட்ட படங்களை இயக்கிய பிரபுதேவா தற்போது பாலிவுட் படங்களை இயக்குகிறார். ஷாஹித் கபூர் நடிக்கும் ஆர் ராஜ்குமார் படத்தை தற்போது இயக்கியுள்ளார். முன்னதாக இப்படத்துக்கு ராம்போ ராஜ்குமார் என்று தலைப்பு வைக்கப்பட்டிருந்தது. திடீரென்று அதை ஆர் ராஜ்குமார் என்று சுருக்கினார். ஹாலிவுட் ஹீரோ சில்வஸ்டர் ஸ்டேலோன் ஏற்கனவே ராம்போ பெயர்கொண்ட படங்களில் 2 பாகம் நடித்திருக்கிறார். அந்த டைட்டிலுக்கு சர்வதேச அளவில் படம் ரிலீஸ் ஆகும்போது பிரச்னை ஏற்படும் என்பதால் தனது பட டைட்டிலை சுருக்கிகொண்டார் பிரபுதேவா.

இது பற்றி அவர் கூறும்போது, ஒருநாள் நானும் ஷாஹித்தும் டி.வி பார்த்துக்கொண்டிருந்தோம். ஸ்டேலோன் நடித்த ராக்கி 5 படம் ஓடிக்கொண்டிருந்தது. அப்போது ஸ்டேலோன் நடித்த ராம்போ பட டைட்டில் வைத்தால் அதற்கு ஆட்சேபம் வரலாம் என்று எண்ணினேன். ஸ்டேலோன் தரப்பிலிருந்தும் எதிர்ப்பு வரலாம். அதனால் ராம்போ ராஜ்குமார் என்ற பெயரை ஆர் ராஜ்குமார் என்று மாற்றிவிட்டேன்.