Saturday, 9th of June 2012ராவண் படத்துக்குப் பிறகு மணிரத்னம் இயக்கும் படம் கடல். இந்தப் படத்தில் நடிகர் கார்த்திக்கின் மகன் கவுதம் ஹீரோவாக அறிமுகமாகிறார்.
இந்தப் படம் குறித்து அறிவிப்பு வந்தபோதே, கவுதமுக்கு ஜோடி, பழைய நடிகை ராதாவின் மகள் துளசிதான் என நாம் செய்தி வெளியிட்டிருந்தோம். ஆனால் சமந்தா நாயகியாக ஒப்பந்தமானார்.
இப்போது சமந்தா அந்தப் படத்திலிருந்து தானாகவே விலகிக் கொண்டார். அவருக்கு பதில் ராதாவின் இளைய மகள் துளசியை ஹீரோயினாக அறிமுகம் செய்கிறார் மணிரத்னம்.
ராதாவின் மூத்த மகள் கார்த்திகாவும் தமிழ் சினிமாவில் முன்னணி நடிகை என்பது குறிப்பிடத்தக்கது.
30 ஆண்டுகளுக்கு முன் கார்த்திக்கும் ராதாவும் ஜோடியாக பாரதிராஜாவின் அலைகள் ஓய்வதில்லை படத்தில் அறிமுகமானார்கள். இப்போது கார்த்திக்கின் மகனும் ராதாவின் மகளும் ஜோடியாக மணிரத்னம் படத்தில் அறிமுகமாவது குறிப்பிடத்தக்கது.
Comments
Post a Comment