தாண்டவம் படத்துக்காக லண்டனில் பிரஸ் மீட் - விக்ரம், லட்சுமிராய் பங்கேற்பு!!!

Thursday,14th of June 2012
லண்டன்::விக்ரம் நடிக்கும் தாண்டவம் படத்தின் பிரஸ் மீட் லண்டன் ஹோட்டலில் நடந்தது.

விஜய் இயக்கும் இந்தப் படத்தை யுடிவி நிறுவனம் தயாரிக்கிறது. இந்தப் படத்தின் ஷூட்டிங் கடந்த பல நாட்களாக லண்டனில் நடந்தது.

இங்கு தமிழர்களும், ஆசியர்களும் அதிகம் என்பதால் அவர்கள் மத்தியில் படத்தைப் பிரபலப்படுத்த இந்த செய்தியாளர் சந்திப்பை தாண்டவம் குழு நடத்தியது.

விக்ரம், அனுஷ்கா, லட்சுமி ராய், எமி ஜாக்ஸன், சந்தானம், நாசர் நடிக்கும் இந்தப் படத்தின் போஸ்ட் புரொடக்ஷன் பணிகள் விரைவில் தொடங்க உள்ளன.

லண்டன் படப்பிடிப்பு மற்றும் செய்தியாளர் சந்திப்பு குறித்து படத்தின் தயாரிப்பு நிர்வாகி தனஞ்செயன் கூறுகையில், "பி்ரிட்டனின் குளிர், மழை இந்த ரொம்பவே சோதித்துவிட்டது. ஆனாலும் அதையெல்லாம் பார்க்காமல் படப்பிடிப்பை முடித்துவிட்டோம். மிக அருமையாக வந்துள்ளது. இதுவரை பார்த்திராத அழகான லொகேஷன்கள். ஆகஸ்டில் இசை வெளியீடு நடத்த திட்டமிட்டுள்ளோம்," என்றார்.

இந்த பத்திரிகையாளர் சந்திப்புக்கு பல தமிழ், ஆங்கில பத்திரிகை நிருபர்கள் வந்திருந்தனர்.

விக்ரம், லட்சுமிராய், எமி உள்ளிட்டோர் பங்கேற்றுப் பேசினர்.