த்ரிஷாவின் அன்னையர் தின வருத்தம்!!!

Wednesday,May,16,2012
த்ரிஷாவின் அம்மா உமா, த்ரிஷாவுக்கு அம்மா என்று சொல்லுவதை விட அவரது நெருங்கிய தோழி என்றே சொல்லலாம். அந்தளவுக்கு இருவரும் தோழிகள் போல பழகுவார்கள். த்ரிஷா தனது அம்மா மீது அவ்வளவு உயிராக இருப்பவர். தான் இந்தளவுக்கு வளர்ந்ததற்கு காரணமே தனது தாய் தான் என்று அடிக்கடி கூறுவார். அப்படி தனது அம்மா மீது பேரன்பு கொண்ட த்ரிஷாவுக்கு அன்னையர் தினத்தன்று ஒரு சிறு வருத்தம். அதாவது அன்னையர் தினத்தன்று தனது தாயுடன் நேரத்தை செலவழிக்க முடியவில்லையே என்பது தான். அன்றைய தினம் மைசூரில் ஒரு விளம்பர படத்திற்கான சூட்டிங் இருந்ததால் அவரால் தனது தாயுடன் நேரத்தை செலவழிக்க முடியவில்லையாம். இருந்தும் தனது தாயை போனில் அழைத்து அன்னையர் தின வாழ்த்து தெரிவித்து இருக்கிறார். மேலும் தனது வலைதளத்திலும் ஐ லவ் யு மாம், ஹேப்பி மதர்ஸ் டே என்று வாழ்த்து மழை பொழிந்துள்ளார்.