ரெக்கை கட்டி பறக்கும் ஈ!!!

Tuesday, April 10, 2012
'ஈகா' படத்தின் பணிகளையும் முடித்து விட்டார் ராஜமௌலி. அப்படத்தின் பாடல் வெளியீட்டு விழாவில் திரையிடப்பட்ட டிரெய்லர் பெரும் வரவேற்பைப் பெற்றிருக்கிறது. 'வில்லன்களை பழிவாங்கும் ஈ' என்னும் விட்டலாச்சார்யா கதைதான் என்றாலும், கிராஃபிக்ஸ் காட்சிகளில் மிரட்டி இருக்கிறார்களாம். 'ஈகா' படம் தமிழில் 'நான் ஈ' என்ற பெயரில் வெளிவர இருக்கிறது. படத்தின் இசையை வெளியிட்ட சூர்யா படத்தின் டிரெய்லரே படத்தின் எதிர்பார்ப்பிற்கு ஒரு சாட்சி என்று கூறினார். இந்நிலையில் இந்தியின் முன்னணி இயக்குநரான அனுராக் காஷ்யப் 'இந்தப் படம் ஒரு காவியம். இதைப் பார்க்க மிக ஆவலாக இருக்கிறேன்' என்று தெரிவித்துள்ளார். YOU TUBE இணையத்தில் 'கொலவெறி' பரவியது போல், இப்போது 'ஈகா' படத்தின் டிரெய்லர் உலகம் முழுவதும் சுற்றி வருகிறது