கோச்சடையான்’ படத்தில் ரஜினிகாந்த் ஜோடியாக தீபிகா படுகோன் நடிக்கிறார் என்று சவுந்தர்யா ரஜினி தெரிவித்துள்ளார். சவுந்தர்யா ரஜினி இயக்கத்தில் ரஜினிகாந்த் நடிக்கும் படம், ‘கோச்சடையான்’. ஏ.ஆர்.ரகுமான் இசை அமைக்கிறார். கே.எஸ்.ரவிகுமார் இயக்குனர் மேற்பார்வை செய்கிறார். இதில், சரத்குமார், ஜாக்கி ஷெராஃப், ஷோபனா, ஆதி, ருக்மணி விஜயகுமார் உட்பட பலர் நடிக்கின்றனர்.மோஷன் கேப்ச்சர் டெக்னாலஜியில் தயாராகும் முதல் தமிழ்ப் படமான இதில் ஹீரோயினாக நடிக்க கேத்ரினா கைப்பிடம் சவுந்தர்யா பேசி வந்தார். அவருடைய கால்ஷீட் ஒத்துவராததால் தீபிகா படுகோனிடம் பேசினார். ரஜினியுடன் நடிக்க தான் எப்போதும் தயாராக இருப்பதாக கூறிய தீபிகா, உடனே நடிக்க சம்மதித்துள்ளார். இத்தகவலை சவுந்தர்யா தெரிவித்துள்ளார். ஏற்கனவே ‘ராணா’ படத்தில் நடிக்க தீபிகா படுகோன் ஒப்பந்தம் செய்யப்பட்டிருந்தார் என்பது குறிப்பிடத்தக்கது.
Comments
Post a Comment