Thursday,January 05, 2012முதன்முறையாக சினிமா படத்தின் ஆடியோ சி.டி.யை முன்னாள் ஜனாதிபதி அப்துல் கலாம் வெளியிட்டுள்ளார். வித்தியாசமான கதைகளத்துடன் உருவாகி இருக்கும் புதிய படம் கிருஷ்ணவேணி பஞ்சாலை. இப்படத்தை தனபால் என்பவர் இயக்கியுள்ளார். என்.ஆர்.ரகுநந்தன் இசையமைத்துள்ளார். பொதுவாக ஒரு படத்தின் ஆடியோ விழாவை பிரம்மாண்டமாக வெளியிட்டு வரும் இந்தக்கால கட்டத்தில் ரொம்பவே எளிமையாக இப்படத்தின் இசை வெளியீட்டு விழாவை நடத்தியுள்ளனர்.
பொதுவாக எந்த சினிமா விழாவிலும் பார்க்க முடியாத மனிதரான நமது முன்னாள் ஜனாதிபதி டாக்டர் அப்துல் கலாம், தான் இப்படத்தின் ஆடியோ சி.டி.யை வெளியிட்டுள்ளார். ஸ்டுடியோ அல்லது திரையரங்கில் விழா வைத்தால் அப்துல் கலாம் வரமாட்டார் என்பதால், நேராக அவர் தங்கியிருக்கும் விருந்தினர் இல்லத்துக்கே போய், அவர் கையால் வெளியிட வைத்து வாழ்த்துப் பெற்றுள்ளனர் படக்குழுவினர்.
Comments
Post a Comment